کراچی: پاکستان سپر لیگ (پی ایس ایل) کے آٹھویں سیزن کے لیے کھلاڑیوں کی ڈرافٹنگ جمعرات کو ہوگی، ڈیفینس اتھارٹی کنٹری اینڈ گالف کلب میں ہونے والی ڈرافٹنگ کے لیے 433 غیرملکی کرکٹرز اپنی آمادگی ظاہر کرچکے ہیں۔ پاکستان سپر لیگ (پی ایس ایل) سیزن 8 کے لیے کھلاڑیوں کی ڈرافٹنگ کل ہوگی، یہ پہلا موقعہ ہے کہ پاکستان کرکٹ بورڈ کی جانب سے پی ایس ایل کی ڈرافٹنگ کراچی میں ہورہی ہے۔

کرکٹ ذرائع کے مطابق پی ایس ایل کی ڈیفینس اتھارٹی کنٹری اینڈ گالف کلب میں ہونے والی ڈرافٹنگ کے لیے 433 غیرملکی کرکٹرز اپنی آمادگی ظاہر کرچکے ہیں، ان میں افغانستان کے راشد خان، مجبیب الر حمان، بنگلہ دیش کے شیکب الحسن، جنوبی افریقہ کے ڈیوڈ ملز، انگلینڈ کے ڈیوڈ ملان، سری لنکا کے ونندو ہسارنگا، انگلینڈ کے الیکس ہیلز، آسٹریلیا کے ایرون فنچ اور نیوزی لینڈ کے جمی نیشم بھی شامل ہیں۔

پاکستان سپر لیگ سیزن 8: ڈائمنڈ کیٹیگری کیلئے79غیرملکی کھلاڑیوں کےناموں کا اعلان

اسپورٹس رپورٹر کے مطابق پاکستان سپر لیگ کے آٹھویں سیزن کیلئے ہالینڈ کے 15 ، اسکاٹ لینڈ کے 10، متحدہ عرب امارات کے 25 اور کینیڈا کے 10 کرکٹرز بھی دلچسپی ظاہر کر چکے ہیں جب کہ افغانستان کے 43، آسٹریلیا کے 14، بنگلہ دیش کے 28، انگلینڈ کے 139، آئرلینڈ کے 9، نیوزی لینڈ کے 6، جنوبی افریقہ کے 25، سری لنکا کے 60، ویسٹ انڈیر کے 38 اور زمبابوے کے 11 کھلاڑی بھی چناؤ کے خواہش مند ہیں۔

واضح رہے کہ پی ایس ایل کا آٹھواں ایڈیشن 9 فروری سے 19 مارچ تک لاہور، ملتان، کراچی اور راولپنڈی میں کھیلا جائے گا۔

رپورٹ کے مطابق ڈارفٹنگ میں تمام چھ فرنچائز کے ذمہ داران اور ان کے نامزد کھلاڑی چناؤ کے عمل میں شریک ہوں گے، اسلام آباد یونائیٹڈ، کراچی کنگز، لاہور قلندرز، شاور زلمی، ملتان سلطانز اور کوئٹہ گلیڈی ایٹرز کو اپنے 8 کھلاڑی برقرار رکھنے کا استحقاق حاصل ہوگا جب کہ کھلاڑیوں کو دوسری ٹیموں کے کھلاڑی سے تبدیل کا حق بھی میسر آئے گی۔

قبل ازیں ڈرافٹ سے قبل کرکٹرز کی ٹریڈنگ، ٹرانسفر اور برقرار رکھنے کی ونڈوز بند کر دی گئیں، اسلام آباد یونائیٹڈ میں شاداب خان، آصف علی، محمد وسیم جونیئر، حسن علی، اعظم خان، فہیم اشرف، پائول اسٹیرلینگ، کولین منروو، کراچی کنگز میں حیدرعلی، شعیب ملک، عماد وسیم، محمد عامر، شرجیل خان، عامر یاسین، قاسم اکرم، لاہور قلندرز میں شاہین شاہ آفریدی، راشد خان، حارث رؤف، ڈیوڈ وائس، عبداللہ شفیق، کامران غلام، ہیری بروک، زمان خان، ملتان سلطانز میں محمد رضوان، شان مسعود، خوشدل شاہ، ریلی روسو، شاہنواز دھانی، ٹم ڈیوڈ، احسان اللہ، عباس آفریدی، پشاور زلمی میں بابراعظم، وہاب ریاض، روتھ فورڈ، محمد حارث، عامر جمیل، ٹام کوہلر، سلمان ارشد جب کہ کوئٹہ گلیڈی ایٹرز میں محمد نواز، جوسن رائے، افتخار احمد، محمد حسنین، سرفراز احمد، عامر اکمل، نوین الحق، ویل صمد شامل ہوں گے۔

کراچی:پاکستان اور انگلینڈ کی کرکٹ ٹیمیں ٹیسٹ سیریز کے تیسرے اور آخری میچ کے لئے کراچی پہنچ گئیں۔پاکستان اور انگلینڈ کے درمیان کھیلی جارہی ٹیسٹ سیریز کا تیسرا اور آخری میچ 17 دسمبر سے کراچی میں شروع ہوگا۔

دونوں ملکوں کی ٹیمیں ملتان سے کراچی پہنچ گئی ہیں۔شیڈول کے مطابق دونوں ٹیمیں جمعرات اور جمعے کو پریکٹس کریں گی۔

ٹیہسٹ میچ کے دوران سیکیورٹی کے انتہائی سخت انتظامات کئے گئے ہیں۔ میچ کے دوران کئی سڑکوں پر ٹریفک معطل رہے گی۔ عوام کو پریشانی سے بچانے کے لئے ٹریفک پلان بھی جاری کیا جائے گا۔

واضح رہے کہ پاکستان پہلے ہی ٹیسٹ سیریز 2 صفر سے ہار چکا ہے اور اب کلین سوئپ سے بچنے کے لئے جدو جہد کرے گا۔

کراچی کنگز نے آل راؤنڈر عماد وسیم کو ایک بار پھر کپتان مقرر کردیا ہے۔اطلاعات کے مطابق پاکستان میں ہونے والے پی سی ایل کے سیزن 8 میں کراچی کنگز کی قیادت عماد وسیم کریں گے، جس کا باقاعدہ اعلان کردیا گیا ہے۔ اس حوالے سے عماد وسیم کو بھی آگاہ کردیا گیا ہے ،

یاد رہے کہ یہ فیصلہ عماد وسیم کو بابر اعظم کے فرنچائز چھوڑ جانے کے بعد کپتان مقرر کیا گیا ہے۔اسٹار آل راؤنڈرعماد وسیم پہلے بھی کراچی کنگز کے کپتان رہ چکے ہیں۔کراچی کنگز نے پی ایس ایل کے گزشتہ 7 سیزن میں سے صرف ایک اپنے نام کیا ہے۔ اس کی قایدت بھی عماد وسیم ہی کررہے تھے۔

لاہور: نئی ٹیسٹ رینکنگ:بابراعظم اور محمد رضوان کی ایک درجہ تنزلی،اطلاعات کے مطابق اس وقت پاکستان کرکٹ کےاسٹارز کے لیے کوئی اچھی خبریں نہیں ہیں، بتایا جارہا ہے کہ انٹرنیشنل کرکٹ کونسل (آئی سی سی) نے نئی ٹیسٹ رینکنگ جاری کردی، قومی کرکٹ ٹیم کے کپتان بابراعظم اور محمد رضوان کی ایک درجہ تنزلی ہوئی ہے

ٹیسٹ رینکنگ کے حوالے سے آنے والی خبروں میں مزید بتایا گیا ہے کہ آئی سی سی کی جاری کردہ نئی رینکنگ کے مطابق آسٹریلیا کے مارنوس لابوشین کی پہلی پوزیشن برقرار ہے جبکہ انہیں کے ہم وطن اسٹیو اسمتھ دو درجے ترقی پاکر دوسری پوزیشن پر قابض ہوگئے ہیں

دوسری طرف قومی کرکٹ ٹیم کے کپتان بابراعظم انگلینڈ کے خلاف ہوم سیریز کوئی خاطر خواہ کارکردگی کا مظاہرہ نہیں کرسکے جس کے باعث انکی ایک درجہ تنزلی ہوئی ہے اور وہ تیسری پوزیشن پر آگئے ہیں، اسی طرح سابق انگلش کپتان جو روٹ بھی ایک درجہ تنزلی پاکر چوتھے نمبر پر آگئے ہیں

انگلینڈ کے خلاف اپنی سرزمین پر دوسرے ٹیسٹ میچ میں 63 اور 94 رنز کی اننگز کھیل کر مڈل آرڈر بیٹر سعود شکیل 32 درجے ترقی کے بعد 61 نمبر پر آ گئے ہیں

وکٹ کیپر بیٹر رضوان اور عبداللہ شفیق کی بھی تنزلی ہوئی ہے، رضوان 4 درجے تنزلی کے بعد 21 ویں جبکہ عبداللہ شفیق 15 ویں سے 18 ویں پوزیشن پر پھسل گئے ہیں۔بولرز کی رینکنگ میں پاکستان کے شاہین آفریدی کا پانچواں نمبر برقرار ہے جبکہ پاکستان کے ابرار احمد کا پہلا ٹیسٹ کھیلنے کے بعد رینکنگ میں 60 واں نمبر ہیں

لاہور: پاکستان کرکٹ بورڈ نے دورہ آسٹریلیا اور آئی سی سی ویمنز ٹی ٹوئنٹی ورلڈکپ کے لیے قومی ویمن اسکواڈ کا اعلان کردیا۔

باغی ٹی وی : دورہ آسٹریلیا اور ورلڈ کپ کے لیے 15 رکنی ویمن اسکواڈ کا اعلان کیا گیا ہے.پاکستان ویمن ٹیم جنوری میں آسٹریلیا میں وائٹ بال سیریز کھیلے گی اور ویمن ٹی ٹوئنٹی ورلڈکپ 10 سے 26 فروری تک جنوبی افریقا میں ہوگا جبکہ دونوں ایونٹس کے لیے قومی ویمن ٹیم کی قیادت بسمہ معروف کریں گی۔

جس میں فاسٹ بولر ڈیانا بیگ کی واپسی ہوئی ہے جبکہ طوبیٰ حسن اور سعدیہ اقبال بھی انجریز سے ریکور ہونے کے بعد ٹیم کا حصہ بن گئی ہیں۔

🚨 Pakistan announce squads for Australia series and ICC Women's T20 World Cup 🚨

Read more ➡️ https://t.co/SA2itZFVPr#T20WorldCup pic.twitter.com/i6JkPrjySW

— Pakistan Cricket (@TheRealPCB) December 14, 2022

دورہ آسٹریلیا میں ون ڈے سیریز کے لیے اسکواڈ میں کپتان بسمہ معروف ،عالیہ ریاض، عائشہ نسیم، ڈیانا بیگ، فاطمہ ثنا، غلام فاطمہ، کائنات امتیاز، منیبہ علی، نشرہ سندھو، ندا ڈار ، عمیمہ سہیل، صدف شمس، سعدیہ اقبال، سدرا امین اور سدرا نواز شامل ہیں جب کہ ٹریولنگ ریزروز میں ایمن انور، جویریہ خان اور طوبیٰ حسن کو رکھا گیا ہے۔

دوسری جانب ٹی ٹوئنٹی اسکواڈ میں بھی یہی کھلاڑی شامل ہیں تاہم ریزروز میں غلام فاطمہ، کائنات امتیاز اور صدف شمس شامل ہیں اس کے علاوہ سلیم جعفر قائم مقام ہیڈ کوچ اور بولنگ کوچ جب کہ توفیق عمر بیٹنگ کوچ ہوں گے۔

🗣️ Pakistan women team's chief selector Asmavia Iqbal reflects on the squads selected for the Australia series and ICC Women's #T20WorldCup

Details here ➡️ https://t.co/SA2itZGtEZ#BackOurGirls pic.twitter.com/huFacNabTC

— Pakistan Cricket (@TheRealPCB) December 14, 2022

قومی ویمن ٹیم کی چیف سلیکٹر اسماویہ اقبال چیف سلیکٹر کے مطابق دورہ آسٹریلیا میں ٹیم ون ڈے میچز 16 ، 18 اور 21جنوری کو کھیلے گی اور ٹی ٹوئنٹی میچز 24 ،26 اور 29 جنوری کو ہوں گے۔

آئی سی سی ٹی ٹوئنٹی ورلڈکپ میں پاکستان ٹیم 12 فروری کو بھارت کے خلاف میچ کھیلے گی جب کہ 15 فروری کو آئرلینڈ، 19 فروری کو ویسٹ انڈیز اور 21 فروری کو انگلینڈ سے مقابلہ ہوگا۔

لاہور:لاہور پولو کلب کے زیراہتمام کوکاکولا لاہور اوپن پولو چیمپئن شپ 2022ء کے پہلے روز دو اہم میچز کھیلے گئے جن میں ٹیم ڈائمنڈ پینٹس اور ایف جی ;223;دین پولو کی ٹی میں فاتح رہیں ۔ تفصیلات کے مطابق لاہور پولو کلب میں کوکاکولا کے تعاون سے لاہور اوپن پولو چیمپئن شپ شروع ہوگئی ۔ ٹورنامنٹ کے کو سپانسر سنچری وینچرز لمیٹڈ ہیں ۔ اس موقع پر میچ دیکھنے کیلئے فیملیز اور تماشائیوں کی ایک بڑی تعداد موجود تھی ۔ پہلے میچ میں ڈائمنڈ پینٹس کی ٹیم نے باڑیز کو 8-5 سے ہرا دیا ۔

جناح پولو فیلڈزکےزیراہتمام کورکمانڈرپولوکپ سپانسرڈ:دوبڑی ٹیموں نےکوالیفائی کرلیا

ٹیم ڈائمنڈ پینٹس کی طرف سے لیفٹیننٹ کرنل عمر منہاس (ر) نے چار، احمد علی ٹوانہ نے دو ، میر شعیب احمد اور متبادل کھلاڑی حمزہ اعجاز نے ایک ایک گول سکور کیا ۔ باڑیز ;223;ڈی ایس پولو کی طرف سے رولو ٹروٹز نے چار اور دانیال شیخ نے ایک گول سکور کیا ۔ دوسرے میچ میں ایف جی ;223;دین پولو نے ریمنگٹن فارما کی ٹیم کو 9-4 سے ہرا دیا ۔ ایف جی ;223;دین پولو کی طرف سے تھامس مرینو نے تین، شاہ شمیل عالم، میاں عباس مختار اور رافع شیخ نے دو دو گول سکو ر کیا ۔ ریمنگٹن فارما کی طرف سے چاروں گول حمزہ مواز نے سکور کیے ۔ آج بروز منگل دو میچزکھیلے جائیں گے ۔

ادھر اس سے پہلے جناح پولو فیلڈز کے زیراہتمام کور کمانڈر پولو کپ سپانسرڈ بائی ڈائمنڈ پینٹس کا فائنل دلچسپ مقابلے کے بعدریمنگٹن فارما نے جیت لیا فائنل میں ماسٹر پینٹس بلیک کی ٹیم کو آدھے گول ہینڈی کیپ 4.5-4 سے شکست کا سامنا کرنا پڑا۔

بنگلادیش کیخلاف کوہلی کی سنچری، رکی پونٹنگ کو پیچھے چھوڑ دیا

تفصیلات کے مطابق جناح پولو فیلڈز میں پولو میچ کا فائنل دیکھنے کیلئے شاندار موسم سے لطف اندوز ہونے کیلئے تماشائیوں کی ایک بڑی تعداد موجود تھی۔ اس موقع پر ڈائمنڈ پینٹس کے سی ای او میر شعیب احمد، ڈائریکٹر میر حذیفہ احمد، میر حزیمہ احمد، کلب کے صدر لیفٹینٹ کرنل شعیب آفتاب (ر)، سیکرٹری میجر بابر محبوب اعوان (ر) اور دیگر بھی موجود تھے، فائنل میچ ریمنگٹن فارما اور ماسٹر پینٹس بلیک کے درمیان انتہائی دلچسپ رہا۔

جناح پولو فیلڈزکےزیراہتمام کورکمانڈرپولوکپ سپانسرڈ:دوبڑی ٹیموں نےکوالیفائی کرلیا

ماسٹر پینٹس کی ٹیم کو آدھے گول کی برتری حاصل تھی مگر میچ کے اختتامی لمحات میں ریمنگٹن فارما کی طرف سے خوبصورت گول سکور کرکے میچ جیت لیا۔ ریمنگٹن فارما کی طرف سے بازل فیصل کھوکھر نے فیصلہ کن گول سکور کیا دیگر میں احمد زبیر بٹ نے دو اور احمد بلال ریاض نے ایک گول سکور کیا۔ ماسٹر پینٹس بلیک کی طرف سے مینول کرانزا نے تین جبکہ صوفی محمد ہارون نے ایک گول سکور کیا۔

قبل ازیں سب سڈری میچ میں ری ماؤنٹس کی ٹیم نے ماسٹر پینٹس /نیوایچ کیبلز کو 9-8.5 سے ہرا دیا۔ جیتنے والی ٹیم کے کپتان بازل فیصل کھوکھر کا کہنا تھا کہ ٹیم نے زبردست محنت کی اور اتنا بڑا کپ جیتنے میں کامیاب ہوئے۔