Category: کھیل

قومی ٹیسٹ کرکٹر احمد شہزاد سابق ہیڈ کوچ وقار یونس کیخلاف پھٹ پڑے۔

باغی ٹی وی : کرکٹر احمد شہزاد کا کہنا ہے کہ وقار یونس کی میرے خلاف رپورٹ نے میرا کیرئیر متاثر کیارپورٹ کو پبلک کیا جائے جس کی بنیاد پر مجھے ٹیم سے باہر رکھا ہوا ہے میں نے کبھی کچھ غلط نہیں کیا میرے پاس بھی اپنےدفاع کے لئے بہت کچھ ہےاگر میں نے کچھ غلط کیا ہے تو مجھے اس کا بتایا جائے، سزا دی جائے لیکن کیرئیر کیساتھ کھیلا جا رہا ہے۔

دورہ سری لنکا: پاکستان کرکٹ ٹیم کا کیمپ راولپنڈی میں شروع

احمد شہزاد نےکہا ہے کہ رپورٹ میں جو کہا گیا اس کی وضاحت ہونی چاہیےکیونکہ مجھے اس کا بہت نقصان ہوا عوام کو بتایا جائے کہ احمد شہزاد نے یہ غلطیاں کی ہیں اور پھر میری وضاحت بھی لی جائےاور ارباب اختیاراس کےبعد کوئی فیصلہ کریں مجھےپتا تو ہوناچاہیے کہ رپورٹ کیا ہے اور میں نے کیا غلطی کی ہے، ایک ہی سیریز میں ایک ہی کوچ کے ہوتے ہوئے میں نے ایسا کیا غلط کردیا کہ رپورٹ کا ایک پلندہ تیار کر لیا مجھے پتہ تو ہوناچاہیے کہ میں نے غلط کیا کیا ضابطہ اخلاق میں رہتے ہوئے تمام چیزیں کررہا ہوں –

ان کا کہنا ہے کہ میں نے رپورٹ کے بارے میں جاننے کی بہت کوشش کی لیکن مجھے کچھ حاصل نہیں ہوا۔ مجھے سری لنکا کے خلاف آخری سیریز میں پورا موقع ہی نہیں دیا گیا اور باہر کر دیا گیا۔ مجھے خود نہیں پتہ کہ مجھے کنڈیشنگ کیمپ میں کیوں نہیں بلایا گیا حالانکہ اس کیمپ میں 60 لڑکوں کو بلایا گیا تھا لیکن اس کا درست جواب تو وہی دے سکتے ہیں جنہوں نے کھلاڑیوں کو منتخب کیا اس کا درست جواب تو وہی دے سکتے ہیں جنہوں نے کھلاڑیوں کو منتخب کیا۔

انٹر کلب ہاکی چیمپئن شپ کا قومی مرحلہ 14 تا 23 جولائی لاہور کے سٹیڈیم میں جاری رہے گا،آصف باجوہ

انہوں نے کہا ہے کہ کیمپ میں شامل ہو کر ایک معیاری ٹریننگ کرنا چاہتا تھا۔کوئٹہ گلیڈی ایٹرز میرا گھر ہے کوئٹہ کی ٹیم نے ہمیشہ اچھی کرکٹ کھیلی ہے مجھے خود بڑا دکھ ہے کہ میں پی ایس ایل نہیں کھیل سکا۔

سابق امپائر اسد رؤف لنڈا بازار میں کپڑوں کا کاروبار کرنے لگے

لاہور: انٹرنیشنل کرکٹ کونسل (آئی سی سی) کے ایلیٹ پینل امپائرنگ کرنے کا اعزاز حاصل کرنے والے سابق امپائر اسد رؤف لاہور کے لنڈا بازار میں کپڑوں کا کاروبار کرنے لگے۔

باغی ٹی وی : کرکٹ پاکستان کو دیئے گئے انٹرویو میں سابق پاکستانی امپائر اسد رؤف نے کہا کہ میں اور علیم ڈار دو ہی آئی سی سی ایلیٹ پینل کے امپائر رہے اس کے بعد ابھی تک کسی پاکستانی کو وہاں تک پہنچتے نہیں دیکھا نہ ہی آئندہ ایسی کوئی امید کی جاسکتی ہے-

انہوں نے کہا کہ میرے اوپر اسپاٹ فکسنگ کے الزامات لگائے گئے تاہم کوئی ثابت نہیں کرسکا، بھارت اپنے ملک میں یکطرفہ کارروائی کرتے ہوئے مجھے مجرم قرار دیا جبکہ کیس لڑنے کیلئے نہ وکیل کی سہولت دی گئی نہ ویزا اور اسی طرح مجھے سیکورٹی کی بھی کوئی یقین دہانی نہیں کروائی گئی کہ میں اپنا موقف پیش کرسکوں۔

سابق پاکستانی امپائر نے کہا کہ مجھے لنڈے کا کام کرنے میں کوئی شرم محسوس نہیں ہوتی بلکہ فخر سے یہ کام کرتا ہوں رزق حلال کمانے کے لیے ریڑھی بھی لگانا پڑی تو میں لگانے کا حوصلہ رکھتا ہوں۔

واضح رہے کہ اسد رؤف کو سال 2013 میں اسپاٹ فکسنگ کے الزامات کا سامنا رہا جس کے بعد ان کا کیرئر زوال پذیر ہوگیا، آئی سی سی نے فوری رد عمل ظاہر کرتے ہوئے انہیں 2013 کی چیمپئنز ٹرافی کے میچ آفیشلز کے پینل سے نکال دیا جبکہ ممبئی پولیس نے 21 ستمبر 2013 کو غیرقانونی سٹے بازی کا الزام لگایا، دھوکہ دہی اور فراڈ کا مرتکب قرار دیا سابق امپائر کی اس دوران ان کی کوئی غلطی رپورٹ نہیں ہوئی تھی لیکن کیرئیر اختتام پذیر ہوگیا۔

انٹر کلب ہاکی چیمپئن شپ کا قومی مرحلہ 14 تا 23 جولائی لاہور کے سٹیڈیم میں جاری رہے گا،آصف باجوہ

بھارت کی ہی انڈین پریمئر لیگ (آئی پی ایل) کے مسلسل پانچ سیزن امپائرنگ کے فرائض سرانجام دیئے جبکہ 2011 کے ورلڈکپ میں بھی ان کا نام امپائرنگ کے لیے سلیکٹ کیا گیا۔ اسد رؤف آئی سی سی پینل پر 2006 سے 2013 تک رہے رؤف نے 1977 اور1991 کے درمیان پاکستانی ڈومیسٹک کرکٹ میں پاکستان یونیورسٹیز، لاہور، نیشنل بینک آف پاکستان اور پاکستان ریلوے کی نمائندگی کی۔

رؤف 1998 میں فرسٹ کلاس امپائر بنے۔ فروری 2000 میں، پاکستان کرکٹ بورڈ نے انہیں اپنے پہلے ایک روزہ بین الاقوامی (ODI) کے لیے مقرر کیا، پاکستان اور سری لنکا کے درمیان 16 فروری 2000 کو گوجرانوالہ، پاکستان میں ہونے والا میچ۔ 2004 میں علیم ڈار کی آئی سی سی ایلیٹ امپائر پینل میں ترقی کے ساتھ، رؤف کو پہلی بار انٹرنیشنل پینل آف امپائرز میں شامل کیا گیا۔

جنوری 2005 میں آئی سی سی نے انہیں اپنے پہلے ٹیسٹ میچ، بنگلہ دیش اور زمبابوے کے درمیان چٹاگانگ (MAA) میں ہونے والے میچ کے لیے مقرر کیا۔ دسمبر 2005 میں آسٹریلیا اور جنوبی افریقہ کے درمیان MCG میں باکسنگ ڈے ٹیسٹ میں کھڑا ہوا۔ اپریل 2006 میں رؤف کی امپائرنگ کو آئی سی سی امپائرز کے امارات ایلیٹ پینل میں ترقی کے ساتھ انعام دیا گیا۔

ستمبر 2012 میں رؤف نے بھارت اور افغانستان کے درمیان آئی سی سی ورلڈ ٹی ٹوئنٹی کے گروپ مرحلے کے میچ میں امپائرنگ کی۔ 2006 میں آئی سی سی امپائرز کے ایلیٹ پینل میں شامل ہونے سے رؤف نے 47 ٹیسٹ، 98 ایک روزہ بین الاقوامی اور 23 ٹی ٹوئنٹی بین الاقوامی میچوں میں امپائرنگ کی اور انہیں ڈراپ کر دیا گیا۔

ICC ایلیٹ پینل آف امپائرز نے جون 2013 میں ان کی کارکردگی کے سالانہ جائزے کے بعد اسد کی طویل مدت میں شاندار شراکت کی تعریف کی۔ امپائرز کے آئی سی سی ایلیٹ پینل سے ڈراپ ہونے کے بعد انہوں نے مزید امپائر رہنے سے استعفیٰ دے دیا۔

لندن: پاکستان کرکٹ ٹیم کے سابق کپتان ظہیر عباس کی طبیعت ناساز، آئی سی یو منتقل

دورہ سری لنکا کیلئے پاکستان کرکٹ ٹیم کا کیمپ راولپنڈی میں شروع گیا۔

باغی ٹی وی : ٹیسٹ اسکواڈ راولپنڈی کرکٹ اسٹیڈیم پہنچ گیا راولپنڈی کرکٹ اسٹیڈیم کے اطراف میں سیکیورٹی کے سخت انتظامات کیے گئے ہیں قومی ٹیسٹ اسکواڈ نےراولپنڈی کرکٹ اسٹیڈیم میں پریکٹس شروع کر دی ہے قومی ٹیم 4 گھنٹے طویل ٹریننگ سیشن کرے گی۔

آئی سی سی پلیئرز کی نئی رینکنگ جاری ،بابر اعظم تینوں فارمیٹس میں کون سے نمبر پر؟

قومی ٹیسٹ اسکواڈ یکم جولائی تک پنڈی کرکٹ اسٹیڈیم میں پریکٹس کی سرگرمیوں میں مصروف رہے گا اظہر علی، شان مسعود اور محمد رضوان کاؤنٹی کرکٹ میں مصروفیت کے سبب کیمپ کا حصہ نہیں بنیں گےیہ تمام کھلاڑی سری لنکا روانگی سےقبل قومی اسکواڈ کو لاہور میں جوائن کریں گے-

منتخب کرکٹرز نے گذشتہ روز اسلام آباد میں رپورٹ کی تھی ان میں کپتان بابر اعظم، امام الحق،عبداللہ شفیق، فہیم اشرف، محمد نواز، سلمان علی آغا،سعود شکیل،سرفراز احمد، شاہین شاہ آفریدی، حسن علی، نسیم شاہ،حارث رؤف، یاسر شاہ اور نعمان علی شامل ہیں۔

لندن: پاکستان کرکٹ ٹیم کے سابق کپتان ظہیر عباس کی طبیعت ناساز، آئی سی یو منتقل

پہلا 2 روزہ وارم اپ میچ پیر کی صبح 9بجے شروع ہوگا،دوسرے روز بھی کھلاڑی شام 6بجے تک میچ پریکٹس کے موقع کا فائدہ اٹھائیں گے،29 جون آرام کا دن ہوگا، اگلے روز دوسرے وارم اپ میچ کے پہلے روز کا کھیل 9بجے شروع ہوگا،یکم جولائی کو میچ کا دوسرا روز ہوگا-

واضح رہے کہ پاکستان اور سری لنکا کے درمیان دو ٹیسٹ میچز کی سیریز 16 جولائی سے کھیلی جائے گی اس سے قبل پاکستان اور سری لنکا کے مابین ابھی تک 55ٹیسٹ میچز کھیلے گئے ہیں،ان میں پاکستان نے 20 اورسری لنکا نے 16 میچز جیتے، 19مقابلے ڈرا ہوئے سری لنکا میں پاکستان نے 23میچز میں 8فتوحات حاصل کیں،7میں شکست ہوئی، 8 مقابلے نتیجہ خیز ثابت نہ ہوسکے، 2015کے گذشتہ دورہ سری لنکا میں پاکستان نے سیریز 2-1سے اپنے نام کی تھی۔

پاکستان اسپورٹس بورڈ کے ڈائریکٹر کو عہدے سے ہٹا دیا گیا

انٹرنیشنل کرکٹ کونسل(آئی سی سی) نے پلیئرز کی نئی رینکنگ جاری کردی۔

باغی ٹی وی : آئی سی سی کے جانب سے جاری کی گئی رینکنگ کے مطابق بابر اعظم ٹیسٹ، ون ڈے اور ٹی 20 تینوں فارمیٹس میں ٹاپ 5 بلے بازوں میں شامل ہیں-

ون ڈے فارمیٹ کی رینکنگ کے مطابق بلے بازوں میں پاکستان کے بابراعظم کی پہلی پوزیشن برقرار ہے جب کہ امام الحق دوسرے نمبر پر موجود ہیں جبکہ امام الحق نے سابق بھارتی کپتان ویرات کوہلی سے دوسری پوزیشن چھین لی-

دوسری جانب ٹی ٹوئنٹی رینکنگ میں بھی پاکستان کے بابر اعظم کا پہلا نمبر برقرار ہے۔ محمد رضوان کی بھی رینکنگ میں دوسری پوزیشن برقرار ہے۔

Players are jostling for spots in the latest @MRFWorldwide T20I men's player rankings 📈

More 👉 https://t.co/ksceq8SPGY pic.twitter.com/1pFif8wMNH

— ICC (@ICC) June 22, 2022

جبکہ ٹیسٹ رینکنگ میں بلے بازوں کی فہرست میں بھی بابر اعظم ٹاپ 5 بلے بازوں میں شامل ہیں انگلینڈ کے جوروٹ پہلے نمبر پر برقرار ہیں جب کہ آسٹریلیا کے مارنس لبوشین کا دوسرا اور اسٹیو اسمتھ کا تیسرا نمبر ہے۔ پاکستان کے بابر اعظم چوتھے نمبر پر براجمان ہیں آسٹریلوی بلے باز اسٹیو سمتھ اور نیوزی لینڈ کپتان کین ویلیم سن کی ایک ایک درجہ تنزلی ہوئی ہے۔ اسٹیو سمتھ دوسرے سے تیسرے اور کین ویلیم سن چوتھے سے پانچویں نمبر پر آگئے ہیں-

دوسری جانب پاکستان کے فاسٹ بولر شاہین آفریدی ون ڈے اور ٹیسٹ فارمیٹ میں بولرز کی فہرست میں چوتھے نمبر پر موجود ہیں ٹیسٹ باولنگ رینکنگ میں آسٹریلوی کپتان پیٹ کمنز کی پہلی پوزیشن برقرار ہے –

لندن :پاکستان کرکٹ ٹیم کے سابق کپتان اور ایشین بریڈ مین ظہیر عباس لندن کے ایک اسپتال کے انتہائی نگہداشت وارڈ (آئی سی یو) میں داخل ہیں ۔

خاندانی ذرائع کے مطابق دو دن پہلے ظہیر عباس کو لندن کے سینٹ میری اسپتال میں داخل کیا گیا تھا اور اس وقت وہ آکسیجن پر ہیں اور ان کی حالت تشویش ناک ہے۔ظہیر عباس نے آج اشاروں کی مدد سے بیٹی سے سلام دعا کی، بیٹی شیشے کی دوسری جانب تھیں۔

ٹی ٹوئنٹی ورلڈ کپ تک قومی ٹیم کا کپتان سرفراز احمد کو ہی ہونا چاہیے، ظہیرعباس

اہل خانہ نے مداحوں سے دعاؤں کی درخواست کی ہے۔ 74 سالہ ظہیر عباس چند پہلے کرتار پور کے گوردوارے میں گرگئے تھے، بعد ازاں وہ براستہ دبئی یکم جون کو لندن کیلئے روانہ ہوئے تاہم دبئی میں قیام کے دوران وہ کورونا میں مبتلا ہوگئے۔ کورونا ٹیسٹ منفی آنے کے بعد ظہیر عباس دبئی سے لندن پہنچے۔ ظہیر عباس کو لندن پہنچ کر نمونیہ اور گردوں کی تکلیف ہوئی۔

خاندانی ذرائع کا کہنا ہے کہ ظہیر عباس ڈائیلیسز پر ہیں اورکمزوری محسوس کررہے ہیں، ڈاکٹروں نے ان سے ملاقات پر پابندی لگا رکھی ہے۔

ذرائع کا کہنا ہے کہ ظہیر عباس کچھ دن قبل لندن پہنچے تو انکو نمونیہ کی شکایت کے باعث ہسپتال میں داخل کیا گیا تھا، ہسپتال میں داخل کئے جانے کے بعد انکی طبیعت مذید بگڑ جانے کی باعث آئی سی یو میں منتقل کر دیا گیا۔تاہم ڈاکٹرز ان سے کسی کو ملنے کی اجازت نہیں دے رہے۔

واضح رہے کہ ظہیر عباس نے پاکستان کے لئے ق78 ٹیسٹ میچز کھیلے اور 5062 رنز بنائے جس میں 12 سینچریاں اور 20 نصف سینچریاں شامل ہیں۔نہوں نے 62 ایک روزہ میچز میں پاکستان کی نمائندگی کرتے ہوئے 2572 رنز بنائے جس میں 7 سینچریاں اور 13 نصف سینچریاں شامل ہیں۔ایشین ڈان بریڈمین کے نام سے مشہورظہیر عباس پہلے بلے باز ہیں جنہوں نے ایک روزہ میچز میں 3 لگاتار سینچریاں اسکور کی۔

اس کے علاوہ ظہر عباس فرسٹ کلاس کرکٹ میں 100 مرتبہ سینچری اسکور کرنے والے پہلے بلے باز ہیں۔رنز بنانے کی مشین کہلانے والے ظہیر عباس نے اپنے فرسٹ کلاس کرکٹ اور ایک روزہ کیرئیرمیں 4،4 مرتبہ ڈبل سینچریزاسکور کیں۔

لاہور:حکومت کے اقتدار سنبھالنے کے ساتھ ہی دیگراداروں میں معاملات کی بہتری کے لیے تقرروتبادلوں کا سلسلہ جاری و ساری ہے اور اس سلسلے میں آج پاکستان اسپورٹس بورڈ کے ڈائریکٹر کو اے سی چوری میں ملوث تحقیقاتی کمیٹی قائم کر کے عہدے سے ہٹا دیا گیا۔ تفصیلات کے مطابق ڈائریکٹر ایڈمن رانا نصراللہ نے ائیرکنڈیشن اپنے ذاتی فارم ہاؤس پرمنتقل کیئے تھے، ڈی جی پاکستان اسپورٹس بورڈ نے تین رکنی انکوائری کمیٹی تشکیل دے کر عہدے سے ہٹا دیا ۔

یاد رہے کہ ڈائریکٹر ایڈمن رانا نصر اللہ جو کہ حال ہی میں پی ایس بی کوچنگ سینٹر لاہور سے اسلام آباد میں بطور ڈائریکٹر ایڈمن تعینات کیا گیا۔

یہ بھی معلوم ہوا ہے کہ اس سلسلے مین پی ایس بی کی جانب سے جاری اعلامیے کے مطابق رانا نصراللہ ڈائریکٹر ایڈمن نے اپنی سیٹ کا ناجائز فائدہ اٹھاتے ہوئے سیکورٹی آفیسر کی مدد سے پاکستان اسپورٹس بورڈ سے تین عدد ائیر کنڈیشن جن کی مالیت لاکھوں روپے میں ہے اپنے ذاتی فارم ہاؤس خانپور ڈیم منتقل کیئے۔اس سلسلے میں یہ بھی معلوم ہوا ہے کہ ان کے خلاف اور بھی مختلف پہلووں سے تحقیقات جاری ہیں

اعلامیے میں بتایا گیا کہ اس بات کی اطلاع ڈرائیور رمضان نیازی نے متعلقہ حکام کو فراہم کی جس پر ایکشن لیتے ہوئے ادارہ کے ڈائریکٹر جنرل کرنل آصف زمان نے پاکستان اسپورٹس بورڈ کے آفیسران پر مشتمل تین رکنی کمیٹی تشکیل دے کر ڈائریکٹر کو عہدے سے ہٹا دیا ۔

ادھر سابق کپتان سرفراز احمد اپنے کمسن بیٹے کی گیند پر کلین بولڈ ہوگئے ہیں جس کی ویڈٰیو سوشل میڈیا پر بھی وائرل ہورہی ہے۔پاکستان کرکٹ ٹیم کے سابق کپتان اور وکٹ کیپر سرفراز احمد کی اپنے بیٹے کی گیند پر کلین بولڈ ہونے کی ویڈیو سوشل میڈیا پر وائرل ہورہی ہے۔