Baaghi TV

Category: کھیل

  • دوسرا ون ڈے: پاکستان نے ویسٹ انڈیز کو شکست دیکر سیریز میں فیصلہ کن برتری حاصل کرلی

    دوسرا ون ڈے: پاکستان نے ویسٹ انڈیز کو شکست دیکر سیریز میں فیصلہ کن برتری حاصل کرلی

    ملتان: پاکستان نے تین ایک روزہ میچوں کی سیریز کے دوسرے میچ میں ویسٹ انڈیز کو 120 رنز سے شکست دے کر سیریز میں 0-2 کی فیصلہ کن برتری حاصل کرلی۔

    پاکستان کے 276 رنز کے ہدف کے تعاقب میں ویسٹ انڈیر کی بیٹنگ لائن ریت کی دیوار ثابت ہوئی اور پوری ٹیم 33ویں اوور میں 155 رنز بناکر آؤٹ ہوگئی۔

     

    شامار بروکس 42 اور کائیل مئیرز 33 رنز بناکر نمایاں رہے۔

    ملتان کے انٹرنیشنل کرکٹ اسٹیڈیم میں کھیلے جا رہے میچ میں پاکستان نے ٹاس جیت کر پہلے بیٹنگ کا فیصلہ کیا—فوٹو: پی سی بی ٹوئٹر
    پاکستان نے تین ایک روزہ میچوں کی سیریز کے دوسرے میچ میں ویسٹ انڈیز کو جیت کے لیے 276 رنز کا ہدف دے دیا۔ملتان کے انٹرنیشنل کرکٹ اسٹیڈیم میں کھیلے جا رہے میچ میں پاکستان نے ٹاس جیت کر پہلے بیٹنگ کا فیصلہ کیا اور مقررہ 50 اوورز میں 8 وکٹوں پر 275 رنز بنائے۔

    پاکستان کی جانب سے کپتان بابر اعظم نے ایک بار پھر شاندار کھیل کا مظاہرہ کیا اور 77 رنز بنائے۔نوجوان بلے باز امام الحق نے بھی گزشتہ میچ کی زبردست فارم اور کارکردگی کا سلسلہ جاری رکھا اور اپنے آبائی شہر میں کھیلے جانے والے میچ میں 72 رنز بناکر نمایاں رہے۔

    اس کے علاوہ خوشدل شاہ اور شاداب خان نے 22، 22 رنز بنائے۔پاکستانی اوپنر فخرزمان 17 اور وکٹ کیپر بلے باز محمد رضوان 15 رنز بناکر آؤٹ ہوئے۔محمد وسیم 17 اور شاہین آفریدی 15 رنز بناکر ناٹ آؤٹ رہے۔

    ویسٹ انڈیز کی جانب سے عقیل حسین نے 3 کھلاڑیوں کو آؤٹ کیا جب کہ الزاری جوزف اور اینڈرسن فلپ نے 2 ،2 وکٹیں حاصل کیں۔
    یاد رہے کہ دو روز قبل کھیلے گئے سیریز کے پہلے میچ میں پاکستان نے 306 رنز کا پہاڑ جیسا ہدف کامیابی سے حاصل کرتے ہوئے ویسٹ انڈیز کو 5 وکٹوں سے شکست دی تھی۔

    پاکستانی ٹیم میں کپتان بابر اعظم، فخر زمان، امام الحق، محمدر ضوان، شاداب خان، محمد حارث، خوشدل شاہ اور محمد نواز شامل ہیں۔
    اس کے علاوہ شاہین آفریدی، حارث رؤف اور محمد وسیم بھی قومی ٹیم کا حصہ ہیں۔ویسٹ انڈیز کی ٹیم میں شامل کھلاڑیوں میں کپتان نکولس پوران، شائے ہوپ، کائیل میئرز، شمارہا بروکس، برینڈن کنگ، رومین پوویل، روماریو شیفرڈ، اکیل حسین، الزاری جوزف، ہیڈن والش اور اینڈرسن فلپ ہیں۔

    دونوں ٹیموں کے درمیان تین ایک روزہ میچوں کی سیریز کا تیسرا اور آخری میچ 12 جون کو کھیلا جائے گا۔

    واضح رہے کہ مذکورہ سیریز دسمبر 2021 میں ویسٹ انڈیز کے دورہ پاکستان کا حصہ تھی تاہم پاکستان اور ویسٹ انڈیز کی جانب سے باہمی رضامندی کے ساتھ کووڈ-19 کے 5 کیسز سامنے آنے کے بعد سیریز ملتوی کردی گئی تھی۔اس کے ساتھ ساتھ ویسٹ انڈیز نے 2023 کے شروع میں بھی 3 ٹی ٹوئنٹی میچوں کی سیریز کے لیے رضامندی ظاہر کرلی ہے، جس کے شیڈول کا اعلان بعد میں کیا جائے گا۔

    پاکستان اور ویسٹ انڈیز کے درمیان ہونے والی یہ ون ڈے سیریز آئی سی سی مینز کرکٹ ورلڈ کپ سپر لیگ کا حصہ ہے، آئی سی سی لیگ میں شامل ان میچز کو ورلڈ کپ کوالیفائرز کا درجہ حاصل ہے۔

    ورلڈ کپ 2023 کے لیے سرفہرست 7 ٹیمیں براہ راست کوالیفائی کریں گی جبکہ بھارتی ٹیم میزبان کی حیثیت سے پہلے ہی جگہ بناچکی ہے۔50 اوورز پر مشتمل میچز کا میگا ایونٹ اگلے سال اکتوبر/نومبر میں کھیلا جائے گا۔

  • متنازعہ سعودی حمایت یافتہ LIV ٹورنامنٹ میں حصہ لینے والے گولفرز PGA ٹور سے معطل

    متنازعہ سعودی حمایت یافتہ LIV ٹورنامنٹ میں حصہ لینے والے گولفرز PGA ٹور سے معطل

    PGA نے تصدیق کی ہے کہ وہ ان تمام کھلاڑیوں کو معطل کر دے گا جو فی الحال کھیل رہے ہیں یا سعودی فنڈ سے چلنے والی LIV گالف انویٹیشنل سیریز میں حصہ لینے کا ارادہ کر رہے ہیں۔

    جمعرات کو بھیجے گئے ٹور کے ایک میمو میں ہرٹ فورڈ شائر کے سنچورین کلب میں اس ویک اینڈ کے افتتاحی LIV ایونٹ میں حصہ لینے والے 17 کھلاڑیوں کے نام درج ہیں۔ اس نے تصدیق کی کہ وہ کھلاڑی اب ٹور ایونٹس یا پریذیڈنٹ کپ میں حصہ لینے کے اہل نہیں ہوں گے۔

    زخمی امریکی گالفر نے اپنی پہلی ترجیح بتادی

    سابق عالمی نمبر 1 ڈسٹن جانسن ان ہائی پروفائل ناموں میں شامل ہیں جو مستقبل قریب میں ٹور میں شامل نہیں ہوں گے۔ دریں اثنا، فل میکلسن، سرجیو گارسیا اور لی ویسٹ ووڈ کی پسند نے بھی اپنی اسناد منسوخ کر دی ہیں۔پی جی اے ٹور کمشنر جے مونہن نے میمو میں کہا، "ان کھلاڑیوں نے اپنی مالیاتی وجوہات کی بنا پر اپنا انتخاب کیا ہے۔” "لیکن وہ آپ کی طرح PGA ٹور ممبرشپ کے فوائد، تحفظات، مواقع اور پلیٹ فارم کا مطالبہ نہیں کر سکتے۔

    ان کا کہنا تھا کہ آپ کا یہ طرزعمل ہمارے مداحوں اور ہمارے شراکت داروں کی بے عزتی کرتا ہے۔ آپ نے ایک مختلف انتخاب کیا ہے، جو کہ ٹورنامنٹ کے ضوابط کی پابندی کرنا ہے جس سے آپ نے PGA ٹور کارڈ حاصل کرنے کا خواب پورا کرتے وقت اتفاق کیا تھا اور — زیادہ اہم بات یہ ہے کہ — مقابلہ کرنا۔ پیشہ ورانہ گولف کی دنیا میں نمایاں تنظیم کے حصے کے طور پر۔”

    LIV گالف انویٹیشنل سیریز سے اس سال آٹھ ایونٹس کی میزبانی متوقع ہے، ہر ایک کم از کم $25 ملین (£20m) انعامی رقم میں پیش کرے گا، جس میں سے 4 ملین ڈالرز فاتح کو جائے گا۔ بریک وے مقابلہ — جسے سعودی عرب کے پبلک انویسٹمنٹ فنڈ (PIF) کے ذریعے مالی اعانت فراہم کی جاتی ہے — توقع ہے کہ 2024 تک ٹورنامنٹ کی تعداد بڑھ کر 14 ہو جائے گی۔

    پی جی اے ٹور سے کس کو معطل کر دیا گیا ہے؟

    سابق عالمی نمبر ایک ڈسٹن جانسن اور ساتھی امریکی کیون نا دونوں نے دورے سے استعفیٰ دے دیا تاہم چھ بار کے بڑے چیمپئن فل میکلسن نے دورہ چھوڑنے سے انکار کردیا۔

    امریکی گالفر ٹائیگرووڈز نے ساتھیوں کی محبت دیکھی تو کیسے جذباتی ہوئے .

    ان تمام کو پی جی اے ٹور ایونٹس میں حصہ لینے سے روک دیا گیا ہے۔

    رائڈر کپ کے ہیروز سرجیو گارشیا، لی ویسٹ ووڈ اور ایان پولٹر پر بھی مقابلے میں شامل ہونے پر پابندی عائد کر دی گئی ہے، ان کے ساتھ گریم میکڈویل، لوئس اوستھوئزن، چارل شوارٹزل، ہڈسن سویفورڈ، ٹالور گوچ، برینڈن گریس، میٹ جونز، اینڈی اوگلٹری، پیٹر یوہلین اور ٹورک بھی شامل ہیں۔ پیٹیٹ

    کیوں LIV گالف اس وقت کھیل میں سب سے زیادہ متنازعہ ٹورنامنٹ ہے۔

    عالمی شہرت یافتہ گالفر ٹائیگر ووڈز حادثے میں شدید زخمی

    ٹائیگر ووڈس نے مبینہ طور پر LIV سیریز میں شامل ہونے کی ایک بڑی پیشکش کو مسترد کر دیا اور Rory Mcllroy نے اس کے بجائے اپنے کینیڈین اوپن ٹائٹل کا دفاع کرنے کا انتخاب کیا۔

    مسٹر موناہن نے اس بات کی بھی تصدیق کی کہ پی جی اے ٹور سے مستعفی ہونے والے کھلاڑی – گارسیا، ویسٹ ووڈ، جانسن، کیمر، میک ڈویل، نا، اوستھوئزن، پیٹٹ، گریس اور شوارٹزل – کو اسپانسر کی چھوٹ کے ذریعے غیر اراکین کے طور پر ٹورنامنٹ میں کھیلنے کی اجازت نہیں ہوگی۔ جبکہ انہیں FedExCup پوائنٹس کی فہرست سے بھی ہٹا دیا جائے گا۔

    LIV گالف کیوں متنازعہ ہے؟

    LIV گالف اس لیے آگ کی زد میں آ گیا ہے کیونکہ اسے سعودی عرب کے خودمختار دولت فنڈ سے فنڈنگ ​​ملتی ہے، جس کے سربراہ سعودی ولی عہد محمد بن سلمان ہیں۔اس نے مبینہ طور پر 2018 میں واشنگٹن پوسٹ کے صحافی جمال خاشقجی کے قتل کا حکم دیا تھا۔

    ایمنسٹی انٹرنیشنل یوکے نے ایل آئی وی گالف کھلاڑیوں پر الزام لگایا ہے کہ وہ خلیجی ریاست کے "خوفناک انسانی حقوق کے ریکارڈ” کی وجہ سے "سعودی کھیلوں کی دھلائی کے خواہش مند” ہیں۔ایمنسٹی کے مطابق، سعودی عرب میں خواتین کو شادی، طلاق، وراثت اور بچوں کی تحویل میں سنگین امتیازی سلوک کا سامنا ہے۔

    ہیومن ڈگنیٹی ٹرسٹ نے کہا ہے کہ بادشاہی میں ہم جنس پرستوں، ہم جنس پرستوں، ابیلنگی اور ٹرانس جینڈر لوگوں کے اکثر گرفتار ہونے کے "کافی ثبوت” بھی موجود ہیں۔اس سال کے شروع میں سعودی عرب نے دہشت گردی اور دیگر جرائم بشمول "منحرف عقائد” رکھنے پر 81 افراد کو اجتماعی پھانسی دینے کا اعلان کیا تھا۔

  • پہلا ون ڈے: بابر اعظم اپنے کیریئر کی17 ویں سنچری بناکرکئی ریکارڈ بنانے میں بھی کامیاب

    پہلا ون ڈے: بابر اعظم اپنے کیریئر کی17 ویں سنچری بناکرکئی ریکارڈ بنانے میں بھی کامیاب

    لاہور:پہلا ون ڈے: بابر اعظم اپنے کیریئر کی17 ویں سنچری بناکربہت آگے نکل گئے،اطلاعات کے مطابق پاکستان کرکٹ ٹیم کے کپتان بابر اعظم نے ویسٹ انڈیز کے خلاف پہلے ون ڈے میں کئی اعزاز اپنے نام کرلیے۔بابر اعظم نے ویسٹ انڈیز کے خلاف پہلے ون ڈے میچ میں اپنے کیریئر کی17 ویں سنچری 85 ویں اننگز میں اسکورکی جس کے بعد وہ کم سے کم اننگز میں17 سنچریاں بنانے والے پلیئر بن گئے۔

     

     

     

    اس سے قبل ہاشم آملہ نے 17 سنچریاں مکمل کرنے کیلئے 98، بھارت کے ویرات کوہلی نے 112 اور ڈیوڈ وارنر نے 113 ون ڈے اننگز کھیلی تھیں۔

    واضح رہے کہ ون ڈے کیریئر کی 85 اننگز میں ہاشم آملہ کی 14 جبکہ ویرات کوہلی اور کوئن ٹن ڈی کوک کی 12، 12 سنچریاں تھیں۔اس کے علاوہ بابر ویسٹ انڈیز کے خلاف پہلے ون ڈے میں سنچری اسکور کرکے دو مرتبہ تین مسلسل سنچریاں بنانے والے پہلے پلیئر بھی بن گئے۔

    بابر نے آسٹریلیا کے خلاف آخری 2 ون ڈے میچز میں بھی سنچریاں اسکور کی تھیں۔

     

    بابر اعظم نے ویسٹ انڈیز کے خلاف بطور کپتان ایک ہزار ون ڈے رنز بھی مکمل کیے، بابر نے صرف 13 اننگز میں بطور کپتان ہزار رنز مکمل کیے۔اس کے علاوہ بابر اعظم نے آخری پانچ ون ڈے اننگز میں 534 رنز بنائے جس کے بعد وہ پانچ مسلسل اننگز کے کسی بھی بریکٹ میں سب سے زیادہ رنز بنانے والے پاکستانی بن گئے۔

     

     

    اس سے قبل فخر زمان نے مسلسل پانچ اننگز میں 515 رنز بنائے تھےمسلسل پانچ اننگز کے بریکٹ میں سب سے زیادہ رنز 596 کا ریکارڈ ویرات کوہلی کا ہے۔اس کے علاوہ بابر اعظم کیریئر کی ابتدائی 85 اننگز میں سب سے زیادہ رنز بنانے والے پلیئر بن گئے، اس سے قبل ہاشم آملہ نے 85 اننگز میں 4312 رنز بنائے تھے۔

    بابر اعظم نے ویسٹ انڈیز کے خلاف پہلے ون ڈے میں اپنی اننگز کا 52 واں رن لے کر ہاشم آملہ کو پیچھے چھوڑا۔

  • بابر اعظم کی ٹیسٹ رینکنگ میں ایک درجہ ترقی

    بابر اعظم کی ٹیسٹ رینکنگ میں ایک درجہ ترقی

    آئی سی سی نے نئی ٹیسٹ اور ٹی ٹوئنٹی فارمیٹ کی نئی رینکنگ جاری کردی-

    باغی ٹی وی : کپتان قومی کرکٹ ٹیم بابر اعظم کی ٹیسٹ رینکنگ میں ایک درجہ ترقی ہو گئی بابر اعظم پانچویں سے چوتھے نمبر پر پہنچ گئے،انگلش بلے باز جوئے روٹ دو درجہ ترقی کے بعد دوسرے نمبر پر پہنچ گئے،ٹیسٹ بیٹنگ رینکنگ میں آسٹریلوی کھلاڑی مارنس لبوشین کی پہلی پوزیشن برقرار ہے-

    بابراعظم کی طرح نام بنانا چاہتا ہوں، قاسم اکرم:


    آسٹریلوی بلے باز اسٹیو سمتھ اور نیوزی لینڈ کپتان کین ویلیم سن کی ایک ایک درجہ تنزلی ہوئی ہے۔ اسٹیو سمتھ دوسرے سے تیسرے اور کین ویلیم سن چوتھے سے پانچویں نمبر پر آگئے ہیں-

    ٹیسٹ باؤلرز رینکنگ میں قومی فاسٹ باولر شاہین آفریدی کی ایک درجہ تنزلی ہوئی ہے شاہین شاہ آفریدی ٹیسٹ باولنگ رینکنگ میں چوتھے سے پانچویں نمبر پر پہنچ گئے ٹیسٹ باولنگ رینکنگ میں آسٹریلوی کپتان پیٹ کمنز کی پہلی پوزیشن برقرار ہے –

    پاکستان اور ویسٹ انڈیز کے درمیان پہلا ون ڈے آج ملتان میں کھیلا جائے گا

    ٹیسٹ باولنگ رینکنگ میں بھارت کے روی چندرن اشون کا دوسرا نمبر ہے جبکہ نیوزی لینڈ کے کائل جمیسن دو درجہ ترقی کے بعد تیسرے نمبر پر پہنچ گئے ہیں-

    ٹی ٹوئنٹی اور ون ڈے فارمیٹ میں کپتان قومی کرکٹ ٹیم بابر اعظم کی پہلی پوزیشن برقرار ہے۔ ون ڈے میں امام الحق کی تیسری پوزیشن برقرار ہے جب کہ شاہین آفریدی بھی چھٹے نمبر پر موجود ہیں ٹی ٹوئنٹی بیٹنگ رینکنگ میں محمد رضوان کی تیسری اور بالنگ میں شاہین آفریدی کی 10ویں پوزیشن ہے

    عمر اکمل کے ساتھ دھوکہ ہو گیا

  • پاکستان اور ویسٹ انڈیز کے درمیان پہلا ون ڈے آج ملتان میں کھیلا جائے گا

    پاکستان اور ویسٹ انڈیز کے درمیان پہلا ون ڈے آج ملتان میں کھیلا جائے گا

    پاکستان اور ویسٹ انڈیز کے درمیان ون ڈے سیریز کا پہلا ایک روزہ میچ آج ملتان میں کھیلا جائے گا میچ پاکستانی وقت کے مطابق شام 4 بجے شروع ہوگا۔

    باغی ٹی وی : ضلعی انتظامیہ کے مطابق دوپہر ایک بجے سے شائقین کا گراونڈ میں داخلہ شروع ہوجائے گا، پاک ویسٹ انڈیز سیریز آئی سی سی مینز کرکٹ ورلڈکپ سپر لیگ کا حصہ ہے دونوں ٹیموں نےگزشتہ روز آخری تیاریوں کے طور پر پریکٹس کی جبکہ ایونٹ کی ٹرافی کی رونمائی بھی ہوئی۔


    اس موقع پر پاکستانی کپتان بابر اعظم کا کہنا تھا کہ موسم سے زیادہ فرق نہیں پڑے گا، اچھی کرکٹ کھیلیں گے دوسری جانب مہمان ٹیم کے کپتان نکولس پورن نے بھی عمدہ کرکٹ کھیلنے کے عزم کا اظہار کیا۔

    بابر اعظم کا کہنا ہے کہ کیا پلان ہے، کھلاڑیوں کو کس طرح ساتھ لے کر چلنا ہے،میں اس کے بارے میں سوچتا ہوں کیونکہ میری انفرادی کارکردگی سے زیادہ ٹیم کی جیت اہمیت رکھتی ہے،میں اپنا سو فیصد پرفارم کرنے کی کوشش کرتا ہوں، نتائج ہمارے ہاتھ میں نہیں۔

    ایک سوال پر انھوں نے کہا کہ کیریئر میں اتار چڑھاؤ آتے ہیں، اس صورتحال سے نکلنا پڑتا ہے، حسن علی نے کاؤنٹی کرکٹ میں اچھی بولنگ سے اعتماد بحال کیا،لاہور میں ٹریننگ اور پریکٹس میچز میں بھی اچھی فارم میں نظر آئے، امید ہے کہ اچھی کارکردگی دکھانے میں کامیاب ہوں گے۔

    پاکستان اور ویسٹ انڈیز کے درمیان اس سیریز میں شائقین کرکٹ گراؤنڈ میں ڈیجیٹل باؤنڈری کی رنگینیاں نہیں دیکھ پائیں گے میچ میں گیند کی موومنٹ کے ساتھ بھاگتے ہوئے جدید ڈیجیٹل بگی کیمرے سے بھی کوریج نہیں ہوگی سیریز میں الٹرا سلوموشن بھی دیکھنے کو نہیں ملے گا جبکہ میچوں میں اسپائیڈر کیمرہ سے کوریج بھی نہیں ہوگی۔

    واضح رہے کہ دونوں ٹیموں کے درمیان دوسرا ون ڈے 10 جون اور آخری میچ 12 جون کو کھیلا جائے گا۔

    پی سی بی ترجمان کے مطابق پہلے ون ڈے انٹرنیشنل میچ میں علیم ڈار اور احسن رضا (آن فیلڈ) امپائرز ہوں گے جب کہ راشد ریاض تھرڈ امپائر، فیصل آفریدی فورتھ امپائر اور محمد جاوید میچ ریفری کے فرائض انجام دیں گے۔

    10 جون کو دوسرے ون ڈے انٹرنیشنل میچ میں علیم ڈار اور آصف یعقوب آن فیلڈ امپائرز جب کہ احسن رضا تھرڈ امپائر،فیصل آفریدی فورتھ امپائر اور محمد جاوید میچ ریفری ہوں گے۔

    یاد رہے کہ ویسٹ انڈیز کی ٹیم پاکستان کے خلاف آخری مرتبہ ون ڈے سیریز 31 برس قبل جیتی تھی، ریڈ کیپس نے آخری مرتبہ 1991 میں عمران خان کی قیادت میں کھیلنے والی پاکستانی ٹیم کو شکست دی تھی اس سے ایک سال قبل ہی 1990 میں پاکستان نےایک روزہ کرکٹ میچ میں ویسٹ انڈین ٹیم کو تین صفر سے شکست دی تھی۔

    پاکستان نے 1991 کے بعد ویسٹ انڈیز کو ایک بار بھی ون ڈے سیریز جیتنے کا موقع فراہم نہیں کیا، 1990 میں پاکستان اور ویسٹ انڈیز کے درمیان ون ڈے سیریز دو دو میچز سے برابر ہو گئی اس کے علاوہ پاکستان نے 2002 میں یو اے ای میں کھیلی جانے والی ون ڈے سیریز میں کالی آندھی کو شکست دی، اس کے علاوہ 2006، 2008، 2011، 2013، 2016 اور 2017 میں بھی ویسٹ انڈیز کو گرین شرٹس کے ہاتھوں شکست کا مزہ چکھنا پڑا۔

    اگر پاکستان اور ویسٹ انڈیز کے درمیان ایک روزہ میچوں کی مجموعی کارکردگی کا جائزہ لیا جائے تو ویسٹ انڈیز کو پاکستان پر سبقت حاصل ہے، دونوں ٹیموں کے درمیان اب تک کھیلے گئے 134 میچز میں سے 71 میں ریڈ کیپس جبکہ 60 میں گرین شرٹس کو کامیابی ملی ہے۔

  • بابراعظم کی طرح نام بنانا چاہتا ہوں، قاسم اکرم:

    بابراعظم کی طرح نام بنانا چاہتا ہوں، قاسم اکرم:

    بابراعظم کی طرح نام بنانا چاہتا ہوں، قاسم اکرم:

    باغی ٹی وی کی رپورٹ کے مطابق محدود طرز کی عالمی درجہ بندی میں صف اول کے بیٹر اور پاکستان کے کپتان بابراعظم دنیائے کرکٹ کے نوجوانوں کے لیےایک مثال ہیں۔ دنیا بھر میں موجود لاتعداد پرستاروں کی طرح قومی انڈر 19 کرکٹ ٹیم کے سابق کپتان قاسم اکرم بھی بیٹنگ میں بابراعظم کو اپنے لیے مشعل راہ سمجھتے ہیں ۔

    19 سالہ نوجوان کرکٹر کا کہنا ہے کہ بابراعظم ان کے پسندیدہ بیٹر ہیں اور وہ انہی کی طرح دنیائے کرکٹ میں نام کما نا چاہتے ہیں۔

    بابراعظم کی طرح قاسم اکرم کا تعلق بھی لاہور سے ہے۔دونوں نے اپنے کرکٹ کا سفر کا آغاز دائیں ہاتھ کے مڈل آرڈر بیٹر اور آف اسپن باؤلنگ سے کیا۔ قاسم اکرم سینٹرل پنجاب اور کراچی کنگز میں بابراعظم کی زیرقیادت کھیل رہے ہیں۔

    قاسم اکرم کا کہنا ہے کہ بابراعظم کے ساتھ سینٹرل پنجاب اور کراچی کنگز کے ڈریسنگ رومز شیئر کرنے کا تجربہ ناقابل فراموش ہے۔ ایک بیٹر کی حیثیت سےانہوں نے پاکستان کے کپتان سے لمبی اننگز کھیلنے کے لیے کریز پر ٹھہرے رہنے، کؤر ڈرائیو کھیلنے اور پل شاٹ میں بہتری لانے کے لیے مفید مشورے لیے ہیں۔

    قاسم اکرم کے والد لاہور میں لُنڈا بازار کی دکان پر کام کرتے ہیں۔ نوجوان آلراؤنڈرنے آئی سی سی انڈر 19 کرکٹ ورلڈکپ 2022 کے 6 میچز میں 203 رنز بنانے کے ساتھ ساتھ 10 وکٹیں بھی حاصل کیں۔ انہوں نے نیشنل ٹی ٹونٹی میں سینٹرل پنجاب کی نمائندگی کرتے ہوئے 11 وکٹیں حاصل کیں جبکہ ایچ بی ایل پی ایس ایل 7 میں کراچی کنگز کی نمائندگی کرتے ہوئے انہوں نے ایک نصف سنچری بھی بنائی تھی۔گزشتہ سیزن میں کھیلے گئے پاکستان کپ میں بھی انہوں نے 285 رنز بنائے اور 10 وکٹیں حاصل کی تھیں۔

    نوجوان کرکٹر نے کہا کہ بابراعظم نے دنیابھر میں شاندار بیٹنگ کا مظاہرہ کیا ہے اور وہ ان کی بیٹنگ صلاحیتوں کے مداح ہیں۔ وہ دنیا کے نمبر ون بیٹر کے ہمراہ ڈریسنگ روم کا تبادلہ کرنے پر خود کو خوش قسمت سمجھتے ہیں۔ انہوں نے کہا کہ بابراعظم نے اپنی بیٹنگ کے ذریعےدنیا بھر میں پاکستان کرکٹ کا جو معیار مقرر کیا ہے وہ اسے حاصل کرنے کی خواہش رکھتے ہیں۔

    قاسم اکرم کا تعلق ان 107 نوجوان کھلاڑیوں میں سے ہے، جو پی سی بی پاتھ ویز پروگرام کا حصہ ہیں۔ ان باصلاحیت نوجوان کھلاڑیوں کا تربیتی کیمپ 14 جون سے مریدکے میں شروع ہوگا، جو چار ہفتے تک جاری رہے گا۔

    ان کا کہنا ہے کہ پی سی بی پاتھ ویز پروگرام نوجوان کھلاڑیوں کے لیے ایک زبردست اقدام ہے، جس کے تحت نوجوان کھلاڑیوں کو مکمل تعلیمی اسکالرشپ اور 30 ہزار روپے ماہوار وظیفہ دیا جائے گا۔

    قاسم اکرم اب تک 9 فرسٹ کلاس میچز میں 14 وکٹیں حاصل کرچکے ہیں۔ ان کا کہنا ہے کہ وہ شعیب ملک اور محمد حفیظ کی طرح ایک آلراؤنڈرکی حیثیت سے اپنے کیرئیر کو طول دینا چاہتے ہیں۔ وہ فی الحال اپنی آف اسپن باؤلنگ میں بہتری لانے کی ہر ممکن کوشش کررہے ہیں۔

  • عمر اکمل کے ساتھ دھوکہ ہو گیا

    عمر اکمل کے ساتھ دھوکہ ہو گیا

    عمر اکمل کے ساتھ دھوکہ ہو گیا

    کرکٹر عمر اکمل سے فراڈ کا معاملہ ،کرکٹر عمر اکمل کی انویسٹی گیشن ہیڈ کوارٹرز آمد ہوئی ہے

    کرکٹر عمر اکم کی ایس ایس پی انویسٹی گیشن عمران کشور سے ملاقات ہوئی ہے، ایس ایس پی انویسٹی گیشن نے کرکٹر عمر اکمل کو مکمل میرٹ کی یقین دہانی کروائی، ۔ ایس ایس پی انویسٹی گیشن عمران کشور کا کہنا تھا کہ کرکٹر عمر اکمل ہمارے قومی ہیرو ہیں،ذمہ داروں کے خلاف قانون کے مطابق کاروائی عمل میں لائی جائے گی

    واضح رہے کہ پاکستانی کرکٹر عمر اکمل فراڈیوں کے ہتھے چڑھ گئے، عمر اکمل مقدمے کی پیروی کے لئے ایس پی کینٹ کے دفتر پہنچے مگر بات نہ بنی اور وہاں کسی نے کوئی لفٹ نہیں کروائی، عمر اکمل کا کہنا تھا کہ ملزم سمیرگیارہ لاکھ روپے لیکررفو چکر ہو گیا ہے، ڈیفنس بی میں فراڈ کا مقدمہ درج کرائے آٹھ ماہ ہو چکے ہیں، ایس پی انویسٹی گیشن حمزہ امان ملنے کو تیار نہیں۔ان کے مطابق انصاف کے حصول کے لئے دو گھنٹے سے ایس پی آفس موجود ہوں ،نامزد ملزم سمیر کا نام تفتیشی آفیسرطارق نے نکال دیا

    بعد ازاں عمر اکمل کی انویسٹی گیشن ہیڈ کوارٹرز آمد ایس ایس پی انویسٹی گیشن عمران کشور سے ملاقات ہوئی جس میں انہوں نے قانون کے مطابق کاروائی کی یقین دہانی کروائی تو عمر اکمل واپس گئے

    عالمی ثالثی عدالت نے عمر اکمل کی اپیل پر بڑا فیصلہ سنا دیا

    ق پی سی بی نے کرکٹر عمر اکمل کی سزا میں کمی کے فیصلے کو چیلنج کردیا

    کرکٹر عمر اکمل کی بابا فرید کے مزار پر حاضری

    گھر چار افراد آئے اور عمر اکمل نے انہیں گرفتار کروا دیا

  • ویسٹ انڈیز کرکٹ ٹیم ملتان پہنچ گئی

    ویسٹ انڈیز کرکٹ ٹیم ملتان پہنچ گئی

    ویسٹ انڈیز کرکٹ ٹیم ون ڈے سیریز کیلئے اسلام آباد سے ملتان پہنچ گئی ہے

    پاکستان اور ویسٹ انڈیز کے درمیان ون ڈے انٹرنیشنل میچوں کی سیریز میں حصہ لینے کے لیے پاکستان اور ویسٹ انڈیز کی کرکٹ ٹیمیں ملتان پہنچ گئیں پاکستان کرکٹ ٹیم اتوار کے روز ملتان پہنچی تھی اوراس نے سٹیڈیم کا دورہ بھی کیا تھا

    پاکستان کے خلاف تین ون ڈے میچز کی سیریز کھیلنے کیلئے ویسٹ انڈیز کی ٹیم ملتان پہنچ چکی ہے، ون ڈے سیریز کا آغاز 8 جون سے ہوگا ویسٹ انڈیز کی ٹیم سیریز کیلئے پہلے اسلام آباد پہنچی جہاں سے نجی ایئر لائن کے طیارے میں ملتان پہنچایا گیا ٹیم کی آمد کے موقع پر سیکیورٹی کے سخت انتظامات کئے گئے تھے ملتان میں پاکستان اور ویسٹ انڈیز کے درمیان تین ون ڈے میچز کی سیریز کا آغاز 8 جون کو ہوگا

    پاکستان ویسٹ انڈیز ون ڈے سیریز کے لئے میچ آفیشلز کا اعلان

    پاکستان کرکٹ ٹیم کے ہیڈ کوچ ثقلین مشتاق کا کہنا ہے کہ سیریز کوئی بھی ہو اسے آسان نہیں سمجھا جاسکتا۔ہیڈ کوچ ثقلین مشتاق نے ایک انٹرویو میں کہا کہ ویسٹ انڈیز کیخلاف سیریز کیلئے پُرجوش ہیں، موسم کے مطابق خود کو ڈھالنے کی کوشش کر رہے ہیں، کھلاڑی موسم کے مطابق خود کو تیار کر رہے ہیں،

    ثقلین مشتاق نے کہا کہ بابراعظم کی انفرادی اور بحیثیت کپتان پرفارمنس کا گراف بہتری کی طرف گامزن ہے، بابراعظم مکمل کپتان ہے اور مزید بہتر ہورہا ہے۔

  • ہاکی ٹورنامنٹ،پاکستان ملائشیا کے مابین میچ برابر

    ہاکی ٹورنامنٹ،پاکستان ملائشیا کے مابین میچ برابر

    لوزانے: انٹر نیشنل ہاکی فیڈریشن کے زیر اہتمام سوئزرلینڈ کے شہر لوزانے میں جاری فائیو اے سائیڈ ہاکی ٹورنامنٹ میں پاکستان اور ملائشیا کے مابین کھیلے جانے والا دلچسپ میچ 5-5 گول سے برابر رہا.

    تفصیلات کے مطابق سوئزرلینڈ کے شہر لوزانے میں جاری فائیو اے سائیڈ ہاکی ٹورنامنٹ میں پاکستان اور ملائشیا کے مابین کھیلے جانے والا میچ 5-5 گول سے برابر رہا. پاکستان کی جانب سے چھٹے منٹ میں عقیل احمد نے, 7ویں منٹ میں عبدالرحمن نے ایک ایک گول سکور کیا.جبکہ ملائشیا کی جانب سے کھیل کے 10 ویں اور 13 ویں منٹ میں فرادوس نے ایک ایک گول سکور کرکے میچ دو دو گول سے برابر کردیا. 16 ویں منٹ میں ملائشیا کے حکیم اللہ نے گول سکور کرکے ملائشیا کو 2-3 سے برتری دلادی جسے پاکستان کے ارشد لیاقت نے 17 ویں منٹ شاندار گول کے زریعے میچ 3-3 سے برابر کردیا. 17 منٹ میں ہی پاکستان کے کپتان تعظیم الحسن نے گول سکور کیا.19 ویں منٹ میں ملائشیا کے حکیم اللہ نے گول سکور کرکے میچ دوبارہ 4-4 گول سے برابر کردیا.

    کھیل کے آخری لمحوں میں ارشد لیاقت نے گول سکور کرکے پاکستان کو 4-5 کی برتری دلائی لیکن فوری بعد ملائشیا کے نور نبی نے گول سکور کرکے میچ 5-5 سے برابر کردیا.قومی ٹیم کے ہمراہ ہیڈ کوچ اولمپیئن ریحان بٹ اور کوچ اولمپیئن وقاص شریف بھی موجود ہیں.

    مریم نواز میں یہ کام کرنے کی صلاحیت ہی نہیں، زرتاج گل کا چیلنج

    میرا بھائی دہشت گردی کے خلاف جنگ میں شہید ہوا،یہ کس قربانی کی بات کرتے ہیں،زرتاج گل

    وزیراعظم کے خواتین کے ریپ بارے بیان پر زرتاج گل بھی بول پڑیں

    سینما کے مالک کا بیٹا اب وزیر اعظم پر تنقید کرتا ہے،زرتاج گل

    ہاکی ٹیم کے لیے کوئی مستقل کوچ نہیں،رینکنگ میں مزید نیچے کیوں آیا؟ ہاکی فیڈریشن کا اہم انکشاف

  • ون ڈے میچز: قومی کرکٹ ٹیم ملتان پہنچ گئی

    ون ڈے میچز: قومی کرکٹ ٹیم ملتان پہنچ گئی

    پاکستان اور ویسٹ انڈیز کے مابین 8 جون بروز بدھ سے شروع ہونے والی ون ڈے انٹرنیشنل سیریز اولیائے کے شہر، ملتان میں 14 سال بعد بین الاقوامی کرکٹ کی واپسی کا سبب بنے گی۔ تین میچز کی یہ سیریز آئی سی سی مینز کرکٹ ورلڈکپ سپر لیگ کا حصہ ہے۔

    باغی ٹی وی : سیریز میں دونوں ٹیموں سے سنسنی خیز کرکٹ مقابلوں کی توقع ہےتاہم یہ گراؤنڈ اس سے قبل بھی کئی یادگار کرکٹ میچز کی میزبانی کرچکا ہے۔ ملتان کرکٹ اسٹیڈیم میں پہلا بین الاقوامی کرکٹ میچ 2001 میں کھیلا گیا تھا۔ اس ٹیسٹ میچ میں پاکستان نے مہمان بنگلہ دیش کو ایک اننگز اور 264 رنز سے شکست دی تھی۔


    ون ڈے انٹرنیشنل میچز میں شرکت کے لیے قومی کرکٹ ٹیم اتوار کو ملتان پہنچی جبکہ مہمان سائیڈ پیر کو بذریعہ اسلام آباد ملتان پہنچے گی۔ یہ دوسرا موقع ہوگا کہ جب ویسٹ انڈین اسکواڈ کوئی ون ڈے انٹرنیشنل میچ کھیلنے ملتان پہنچے گا۔اس سے قبل دونوں ٹیمیں 13 دسمبر 2006 کو مدمقابل آئیں ، جہاں مارلن سیمیولز نے 91 گیندوں پر 100 رنز کی ناقابل شکست اننگز کھیل کر مہمان ٹیم کو کامیابی سے ہمکنار کیا تھا۔

    ملتان کا خوبصورت کرکٹ اسٹیڈیم اس سے قبل 7 ون ڈے انٹرنیشنل میچز کی میزبانی کرچکاہے، جس میں سے 4 میں پاکستان نے کامیابی حاصل کی ۔ یہاں پہلا ون ڈے انٹرنیشنل ستمبر 2003 میں پاکستان اور بنگلہ دیش کے مابین کھیلا گیا، جہاں میزبان سائیڈ نے بنگلہ دیش کو 137 رنز سے شکست دی۔ملتان کرکٹ اسٹیڈیم میں کھیلا گیا آخری ون ڈے انٹرنیشنل بھی انہی دونوں ٹیموں کے مابین کھیلا گیا تھا، جس میں پاکستان نے فتح حاصل کی۔

    اس وینیو پر سب سے زیادہ ون ڈے انٹرنیشنل رنز پاکستان کے سابق اوپنر یاسر حمید نے اسکور کررکھے ہیں۔ انہوں نے یہاں کھیلی گئی 4 اننگز میں 197 رنز بنائے ۔ اس فہرست میں مقامی ہیرو اور پاکستان کے سابق کپتان انضمام الحق کا نمبردوسرا ہے، جن کے رنز کی تعداد 178 ہے۔

    مارلن سیمیولز سمیت چار بیٹرز ملتان کرکٹ اسٹیڈیم میں سنچریاں اسکور کرچکے ہیں۔ ان میں پاکستان کے یاسر حمید، عبدالرزاق اور بنگلہ دیش کےشکیب الحسن شامل ہیں۔شعیب ملک اور شاہد آفریدی اس گراؤنڈ پر چھ چھ وکٹیں حاصل کرچکے ہیں جبکہ بھارت کےفاسٹ باؤلر آر پی سنگھ 40 رنز کے عوض چار کھلاڑیوں کو پویلین کی راہ دکھاچکے ہیں۔

    وریندر سہواگ کا 309 اور برائن لارا کا 216:

    اگست 2001 سے نومبر 2006 کے دوران ایم سی ایس نے پانچ ٹیسٹ میچز کی میزبانی کی۔ نتیجہ خیز رہنے والے چار میں سے تین میں پاکستان نے کامیابی حاصل کی۔ پاکستان نے ملتان کرکٹ اسٹیڈیم میں انگلینڈ کو ایک اور بنگلہ دیش کو دو مرتبہ ٹیسٹ میں شکست دی جبکہ بھارت نے اس وینیو پر کھیلے گئے اپنے واحد ٹیسٹ میں کامیابی حاصل کی۔ پاکستان اور ویسٹ انڈیز کے مابین کھیلا گیا ٹیسٹ ڈرا ہوا۔

    پاکستان کے موجودہ بیٹنگ کوچ اور سابقہ بیٹر محمد یوسف 517 ٹیسٹ رنزبناکر ایم سی ایس کے بیٹنگ چارٹ میں سرفہرست ہے۔ وہ اس وینیو پر تین سنچریاں بنانے والے واحد بیٹربھی ہیں۔

    بھارت کے وریندر سہواگ اور ویسٹ انڈیزکے برائن لارا نے ملتان کرکٹ اسٹیڈیم میں بالترتیب ٹرپل اور ڈبل سنچری اسکور کررکھی ہے۔پاکستان کے دنیش کنیریا اس گراؤنڈ میں کھیلی گئی 5 ٹیسٹ اننگز میں 22 وکٹیں حاصل کرچکے ہیں۔

    ملتان کرکٹ اسٹیڈیم میں 35 ہزار تماشائیوں کے بیٹھنے کی گنجائش ہے۔ یہ اسٹیڈیم وہاڑی روڈ پرواقع ہے۔فروری 2020 میں اس وینیو نے ایچ بی ایل پی ایس ایل کے تین میچز کی میزبانی کی تھی، جہاں میزبان ملتان سلطانز نے تینوں میچز میں پشاور زلمی، کراچی کنگز اور کوئٹہ گلیڈی ایٹرزکو شکست سےدوچار کیا تھا۔