Baaghi TV

Category: کھیل

  • ایشیا کپ: قومی اسکواڈ ایمسٹرڈیم سے دبئی پہنچ گیا

    ایشیا کپ: قومی اسکواڈ ایمسٹرڈیم سے دبئی پہنچ گیا

    ایشیا کپ میں شرکت کے لئے قومی اسکواڈ ایمسٹرڈیم سے دبئی پہنچ گیا۔

    باغی ٹی وی : پاکستان کرکٹ ٹیم نیدرلینڈز کے خلاف ون ڈے سیریز میں کامیابی حاصل کرنے کے بعد ایشیا کپ میں شرکت کے لیے ایمسٹرڈیم سے دبئی پہنچ گئی۔

    ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ


    قومی اسکواڈ آج ٹیم ہوٹل میں آرام کرے گا افتخار احمد، عثمان قادر، حیدر علی اور آصف علی دوپہر میں لاہور سے دبئی پہنچیں گے۔محمد حسنین یوکے سے متحدہ عرب امارات پہنچیں گے پاکستان کرکٹ ٹیم کل سے دبئی میں ٹریننگ سیشنز کا آغاز کرے گی-

    پی سی بی نے انگلینڈ کے خلاف ہوم ٹیسٹ سیریز کے شیڈول کا اعلان کر دیا

    واضح رہے کہ متحدہ عرب امارات میں کھیلے جانے والا ایونٹ 27 اگست سے 11 ستمبر تک جاری رہے گا ٹورنامنٹ میں پاکستان اپناپہلا میچ 28 اگست کو بھارت کے خلاف کھیلے گا قومی کرکٹ ٹیم اپنا دوسرا میچ شارجہ میں 2 ستمبر جمعہ کوالیفائر ٹیم سے کھیلے گا، سپر فور کے میچز 3 سے 9 ستمبر تک کھیلے جائیں گے۔

    یاد رہے کہ شاہین شاہ آفریدی گھٹنے میں انجری کے باعث ایشیا کپ اور انگلینڈ کے خلاف ہوم سیریز سے باہر ہو گئے ہیں پی سی بی میڈیکل ایڈوائزری کمیٹی اور انڈی پینڈنٹ اسپیشلسٹس نے تازہ ترین اسکینز اور رپورٹس کی روشنی میں کرکٹر کو آرام تجویز کیاہے شاہین کی جگہ محمد حسنین کھیلیں گے-

    شاہین شاہ آفریدی انجری کے باعث انگلینڈ سیریز اور ایشیا کپ سے باہر

  • پی سی بی نے انگلینڈ کے خلاف ہوم ٹیسٹ سیریز کے شیڈول کا اعلان کر دیا

    پی سی بی نے انگلینڈ کے خلاف ہوم ٹیسٹ سیریز کے شیڈول کا اعلان کر دیا

    پاکستان کرکٹ بورڈ نے انگلینڈ کے خلاف ہوم ٹیسٹ سیریز کے شیڈول کا اعلان کردیا۔

    باغی ٹی وی : پی سی بی کی جانب سے جاری اعلامیے کے مطابق انگلینڈ کے خلاف ہوم ٹیسٹ سیریز کا پہلا میچ یکم سے 5 دسمبر تک راولپنڈی میں کھیلا جائے گا۔


    دونوں ممالک کے مابین تین ٹیسٹ میچز کی سیریز کے بقیہ دو میچز 9 اور 17 دسمبر کو شروع ہوں گے، یہ میچز بالترتیب ملتان اور کراچی میں کھیلے جائیں گے انگلینڈ کی پاکستان میں 17 سال میں پہلی ٹیسٹ سیریزہو گی-

    ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    دونوں ٹیمیں 9 سے 13 دسمبر تک دوسرے ٹیسٹ کے لیے ملتان جائیں گی کراچی تیسرے ٹیسٹ کی میزبانی 17 سے 21 دسمبر تک کرے گا۔

    یہ پہلا موقع ہوگا کہ جب انگلینڈ کی ٹیم راولپنڈی میں کوئی ٹیسٹ میچ کھیلے گی، پاکستان اس وینیو پر 12 میچز کی میزبانی کرچکا ہے، جس میں سے 5 میں میزبان ٹیم کو فتح اور 3 میں شکست کا سامنا کرنا پڑا ہے۔

    آخری مرتبہ 2005 میں پاکستان کا دورہ کرنے والی انگلینڈ کرکٹ ٹیم کو ملتان میں کھیلے گئے ٹیسٹ میچ میں 22 رنز سے شکست ہوئی تھی۔ اس وینیو پر اب تک کھیلے گئے پانچ ٹیسٹ میچز میں سے پاکستان نے تین میں کامیابی اور ایک میں ناکامی کا سامنا کیا ہے۔

    نیشنل اسٹیڈیم کو پاکستان کےلئے خوش قسمتی کا میدان سمجھا جاتا تھا جب کہ 2000 میں ناصر حسین کی ٹیم نے پاکستان کے 34 ٹیسٹ کے ناقابل شکست ریکارڈ کو ختم کر دیا، تیسرا ٹیسٹ چھ وکٹوں سےجیت لیا۔پاکستان کو کراچی میں 44 میچوں میں واحد دوسری شکست جنوبی افریقہ کے خلاف ہوئی جس نے 2007 کا ٹیسٹ 160 رنز سے جیتا تھا بہر حال، 23 ٹیسٹ کی جیت کے ساتھ، نیشنل اسٹیڈیم پاکستان کا سب سے پسندیدہ ٹیسٹ وینیو بنا ہوا ہے۔

    ڈائریکٹر انٹرنیشنل کرکٹ پی سی بی ذاکر خان کا کہنا ہے کہ انہیں انگلینڈکے ٹیسٹ اسکواڈ کی ایک مرتبہ پھر پاکستان میں میزبانی کرنے پر بہت خوشی ہوگی۔ آخری مرتبہ 2005 میں پاکستان میں مدمقابل آنے والی دونوں ٹیموں کی کرکٹ میں بہت تبدیلی آچکی ہے امید ہے کہ یہ سیریز دنیا بھر میں موجود کرکٹ کے دلدادہ ناظرین کی توقعات کے عین مطابق دلچسپ اور سنسنی خیز ہوگی۔

    شاہین شاہ آفریدی انجری کے باعث انگلینڈ سیریز اور ایشیا کپ سے باہر

    ذاکر خان نے کہاکہ پاکستان کرکٹ فینز کو انگلینڈ کے ایلیٹ کھلاڑیوں کی پاکستان آمد کا نظارہ کرنے کے لیے 17 سال تک انتظار کرنا پڑا ہے گو کہ ان میں سے اکثر ایچ بی ایل پاکستان سپر لیگ میں شرکت کے لیے پاکستان آچکے ہیں مگر ٹیسٹ کرکٹ کسی ملک کے لیے کھیل کا اہم ترین فارمیٹ ہوتا ہے۔

    ای سی بی کے عبوری چیف ایگزیکٹیو آفیسر کلیئر کونر نے کہا کہ2005 کے بعد پہلی بار ہماری مردوں کی ٹیسٹ ٹیم کی پاکستان واپسی ایک تاریخی موقع ہو گا۔ اتنے طویل عرصے کے بعد پاکستان میں کرکٹ کے شائقین کے سامنے ٹیسٹ کرکٹ کھیلنے کا موقع قابل تعریف ہے۔

    "ہم حالیہ مہینوں میں پی سی بی کے ساتھ مل کر کام کر رہے ہیں اور میں ان تمام چیزوں کے لیے ان کا شکرگزار ہوں جو انھوں نے کیا ہے، اور کرتے رہیں گے، تاکہ ہمارے ٹیسٹ اور ٹی ٹوئنٹی دوروں کو شامل تمام لوگوں کے لیے مثال بنے گا-

    تینوں ٹیسٹ آئی سی سی ورلڈ ٹیسٹ چیمپئن شپ 2021-23 میں شمار ہوں گے۔ چوتھے نمبر پر موجود انگلینڈ اس وقت ٹیسٹ چیمپئن شپ ٹیبل پر ساتویں نمبر پر ہے جبکہ چھٹے نمبر پر موجود پاکستان پانچویں نمبر پر آ گیا ہے۔

    ٹیسٹ کا شیڈول:

    1-5 دسمبر – پہلا ٹیسٹ، راولپنڈی

    9-13 دسمبر – دوسرا ٹیسٹ، ملتان

    17-21 دسمبر – تیسرا ٹیسٹ، کراچی

    بابر اعظم نے ہاشم آملہ کا ریکارڈ توڑ کر ایک اور عالمی اعزاز اپنے نام کر لیا

  • ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    ایشیا کپ: شاہین شاہ آفریدی کی جگہ محمد حسنین قومی اسکواڈ کا حصہ

    انجری کا شکار ہونے والے پاکستانی فاسٹ باؤلر شاہین شاہ آفریدی کی جگہ اے سی سی ٹی ٹوئنٹی ایشیا کپ کے لیے قومی اسکواڈ میں محمد حسنین کو شامل کرلیا گیا ہے۔

    باغی ٹی وی : 22 سالہ نوجوان فاسٹ باؤلر محمد حسنین اب تک 18 ٹی ٹوئنٹی انٹرنیشنل میچز میں پاکستان کی نمائندگی کرتے ہوئے 17 وکٹیں حاصل کرچکے ہیں دی ہنڈرڈز کھیلنے کے سلسلے میں یوکے میں موجود محمد حسنین دبئی میں قومی ٹی ٹوئنٹی اسکواڈ کو جوائن کریں گے۔

    ‏پاکستان نےتیسرےون ڈے میں نیدرلینڈزکو9رنزسےہرادیا


    دوسری جانب نیدرلینڈز ٹور کے لیے اعلان کردہ 16 رکنی اسکواڈ میں شامل عبداللہ شفیق، امام الحق، محمد حارث، سلمان علی آغا اور زاہد محمود کی جگہ آصف علی، حیدر علی، افتخار احمد اور عثمان قادر منگل کی صبح پاکستان سے روانہ ہوکر دبئی میں اسکواڈ کو جوائن کریں گے ۔

    متحدہ عرب امارات میں کھیلے جانے والا ایونٹ 27 اگست سے 11 ستمبر تک جاری رہے گا ٹورنامنٹ میں پاکستان اپناپہلا میچ 28 اگست کو بھارت کے خلاف کھیلے گا قومی کرکٹ ٹیم اپنا دوسرا میچ شارجہ میں 2 ستمبر جمعہ کوالیفائر ٹیم سے کھیلے گا، سپر فور کے میچز 3 سے 9 ستمبر تک کھیلے جائیں گے۔


    دوسری جانب شاہین شاہ آفریدی کے ایشیا کپ سے باہر ہونے پر سابق کپتان شاہد آفریدی نے بھی کمنٹ کیا گزشتہ روز شاہد آفریدی نے ٹئوٹر پر 15 منٹ کا سوال و جواب کا سیشن رکھا جس میں ایک صارف نے درخواست کی کہ لالہ شاہین تو انجرڈ ہیں، آپ ہی ریٹائرمنٹ واپس لے لیں۔


    اس کے جواب میں شاہد آفریدی نے بتایا کہ میں نے اس کو پہلے بھی منع کیا تھا کہ آپ فاسٹ باؤلر ہو، ڈائیو مت لینا، انجری ہوسکتی ہے لیکن مجھے بعد میں اندازہ ہوا کہ وہ بھی آفریدی ہی ہے۔


    واضح رہے کہ شاہین شاہ آفریدی گھٹنے میں انجری کے باعث ایشیا کپ اور انگلینڈ کے خلاف ہوم سیریز سے باہر ہو گئے ہیں پی سی بی میڈیکل ایڈوائزری کمیٹی اور انڈی پینڈنٹ اسپیشلسٹس نے تازہ ترین اسکینز اور رپورٹس کی روشنی میں کرکٹر کو آرام تجویز کیاہے۔

    تازہ ترین

    آئی سی سی ورلڈ سپر لیگ رینکنگ:پاکستانی ٹیم تیسرے نمبر پر آ گئی

  • ‏پاکستان نےتیسرےون ڈے میں نیدرلینڈزکو9رنزسےہرادیا

    ‏پاکستان نےتیسرےون ڈے میں نیدرلینڈزکو9رنزسےہرادیا

    روٹرڈیم:پاکستان کرکٹ ٹیم نے نیدرلینڈ کوتیسرے انٹرنیشنل ایک روزہ میچ میں سنسنی خیزمقابلے کے بعد شکست دی ہے ،پاکستان نے نیدرلینڈز کو تیسرے اور آخری ون ڈے میں 9 رنز سے شکست دے کر تین میچوں کی سیریز میں 0-3 سے جیت لی۔

    نیدر لینڈز کے خلاف ون ڈے سیریز کے تیسرے اور آخری میچ میں پاکستان نے ٹاس جیت کر بیٹنگ کی اور پوری ٹیم 49.4 اوورز میں 206 رنز بنا کر آؤٹ ہو گئی۔

    پاکستان ٹیم کے کپتان بابر اعظم ایک بار پھر ذمہ داری سے بیٹنگ کرتے ہوئے 125 گیندوں پر 91 رنز کی شاندار اننگز کھیل کر آؤٹ ہوئے۔بابر اعظم نے سیریز میں عمدہ کارکردگی کا مظاہرہ کیا، انہوں نے پہلے میچ میں 74 رنز دوسرے میچ میں 57 رنز جبکہ تیسرے اور آخری میچ میں 91 رنز بنائے تاہم وہ سیریز میں سینچری اسکور نہ کرسکے۔

    قبل ازیں، پاکستان ٹیم کا آغاز اچھا نہ رہا اور دوسرے اوور میں عبداللہ شفیق 2 رنز بنا سکے، انہیں کنگما نے بولڈ کیا۔
    فخر زمان بھی متاثر کن کارکردگی نہ دکھا سکے اور 26 کے انفرادی اسکور پر اپنی وکٹ گنوا بیٹھے، انہیں وین بیک نے بولڈ کیا۔جب فخر زمان آؤٹ ہوئے اس وقت پاکستان ٹیم نے 17.2 اوورز میں 2 کھلاڑیوں کے نقصان پر 58 رنز بنائے تھے۔

    پاکستان ٹیم نے سست رفتاری سے کھیلتے ہوئے 25 اوورز میں 2 وکٹیں کھو کر صرف 85 رنز بنائے تھے، اس وقت کریز پر بابر اعظم اور سلمان علی آغا موجود تھے۔تاہم سلمان علی آغا بھی بڑی اننگز کھیلنے میں ناکام رہے، وہ 42 گیندوں پر 24 رنز بنا کر وین بیک کی باؤلنگ پر شیراز احمد کو کیچ دے بیٹھے۔خوشدل شاہ 122 کے مجموعی اسکور پر رن آؤٹ ہوئے۔

    وکٹ کیپر بیٹسمین محمد رضوان کی جگہ ٹیم میں شامل کیے گئے محمد حارث 4 رنز بنا کر ڈی لیڈ کی گیند پر کوپر کے ہاتھوں کیچ آؤٹ ہوئے۔جب ٹیم کا مجموعی اسکور 42.4 اوورز میں 168 پر پہنچا تو بابر اعظم بھی اچھی اننگز کھیل کر آؤٹ ہو گئے۔

    گزشتہ میچ کے بہترین کھلاڑی آل راؤنڈر محمد نواز 35 گیندوں پر 27 رنز بنا سکے، انہیں بھی ڈی لیڈ نے آؤٹ کیا۔
    پاکستان کی آٹھویں وکٹ 192 رنز کے مجموعی اسکور پر گری جب محمد وسیم 11 رنز بنا کر ڈی لیڈ کی گیند پر ایڈورڈز کے ہاتھوں کیچ آؤٹ ہوئے۔نویں آؤٹ ہونے والے کھلاڑی زاہد محمود تھے جو 9 رنز بنا کر رن آؤٹ ہو گئے۔
    پاکستان کی آخری وکٹ 206 رنز پر گری، نسیم شاہ 3 رنز بنا کر آؤٹ ہوئے۔

    قبل ازیں، روٹرڈیم میں کھیلے جارہے آخری ون ڈے میچ میں پاکستانی کپتان بابر اعظم نے ٹاس جیت کر میزبان ٹیم کے کپتان ایڈورڈ اسکاٹ کو فیلڈنگ کی دعوت دی۔

    تیسرے ون ڈے میچ میں آج پاکستان کی جانب سے اوپنر عبداللہ شفیق نے ڈیبیو کیا جنہیں امام الحق کی جگہ ٹیم میں شامل کیا گیا ہے، جو طبیعت ناساز ہونے کے سبب آج کا میچ نہیں کھیل سکے۔تاہم بیٹنگ کے دوران عبداللہ شفیق کوئی خاص کارکردگی نہ دکھا سکے اور صرف 2 رنز بنا کر آؤٹ ہوگئے۔اس کے بعد فخر زمان کا ساتھ دینے اِن فارم بابر اعظم کریز پر آئے اور دونوں نے ٹیم کا اسکور 58 رنز پر پہنچایا جس کے بعد 26 رنز بنانے والے فخر زمان کی اننگز کا خاتمہ ہوا۔

    واضح رہے کہ نیدرلینڈز کے خلاف 3 ون ڈے میچوں کی سیریز پاکستان پہلے ہی 2 میچز جیت کر اپنے نام کرچکا ہے۔

  • شاہین شاہ آفریدی انجری کے باعث انگلینڈ سیریز اور ایشیا کپ سے باہر

    شاہین شاہ آفریدی انجری کے باعث انگلینڈ سیریز اور ایشیا کپ سے باہر

    فاسٹ بولر شاہین شاہ آفریدی گھٹنے میں انجری کے باعث اے سی سی ٹی ٹوئنٹی ایشیا کپ اور انگلینڈ کے خلاف ہوم سیریز سے باہر ہو گئے ہیں۔

    باغی ٹی وی : پاکستان کرکٹ بورڈ (پی سی بی) کے جاری کردہ اعلامیے کے مطابق فاسٹ بولر شاہین شاہ آفریدی کو میڈیکل ایڈوائزری کمیٹی اور انڈی پینڈنٹ اسپیشلسٹس نے آرام کا مشورہ دیا ہے جس کے باعث وہ ایشیاکپ اور انگلینڈ خلاف ہوم سیریز میں قومی اسکواڈ کا حصہ نہیں ہوں گے۔

    آئی سی سی ورلڈ سپر لیگ رینکنگ:پاکستانی ٹیم تیسرے نمبر پر آ گئی


    تاہم شاہین شاہ آفریدی کی نیوزی لینڈ میں ہونے والی سہ فریقی سیریز میں واپسی کے امکانات ہیں، جو رواں سال اکتوبر میں ہوگی۔

    پاکستان کرکٹ ٹیم ایشیا کپ کے لیے پیر کو روٹرڈیم سے دبئی روانہ ہوگی اےسی سی ٹی ٹوئنٹی ایشیا کپ کے لیے شاہین آفریدی کے متبادل کا اعلان جلد کردیا جائے گا۔

    واضح رہے کہ شاہین شاہ آفریدی گال میں سری لنکا کے خلاف پہلے ٹیسٹ میں دائیں گھٹنے کی تکلیف کا شکار ہوئے تھے۔

    پشاورزلمی فاونڈیشن نےایک اور بڑا اعزاز اپنے نام کر لیا

    پی سی بی کے چیف میڈیکل آفیسر کا کہنا ہے کہ شاہین شاہ کو چار سے چھ ہفتے آرام کی تجویز کی گئی ہے شاہین آفریدی جلد انجری پر قابو پاکر کرکٹ میں واپس آئیں گے اور ملک کی نمائندگی کریں گے۔

    میڈیکل آفیسر نے کہا کہ شاہین شاہ آفریدی نے روٹرڈیم میں ری ہیب کے دوران بہتری دکھائی ہےاس کے باوجود انہیں مزید بہتری کے لئے کچھ وقت درکار ہے۔

    پی سی بی نے آئندہ چار سالوں کے قومی ٹیم کے ٹور پروگرام کا اعلان کر دیا

  • آئی سی سی ورلڈ سپر لیگ رینکنگ:پاکستانی ٹیم تیسرے نمبر پر آ گئی

    آئی سی سی ورلڈ سپر لیگ رینکنگ:پاکستانی ٹیم تیسرے نمبر پر آ گئی

    پاکستانی ٹیم انٹرنیشنل کرکٹ کونسل (آئی سی سی) کی ورلڈ سپر لیگ رینکنگ میں تیسرے نمبر پر آگئی ہے۔

    باغی ٹی وی : آئی سی سی کی جانب سے جاری کردہ تازہ ترین رپورٹ جاری کر دی گئی جس کے مطابق نیدر لینڈ کے خلاف ون ڈے سیریز جیتنے پر پاکستانی ٹیم آئی سی سی کی ورلڈ سپر لیگ رینکنگ میں تیسرے نمبر پر آگئی ہے-

    پہلا ون ڈے میچ، پاکستان نے نیدرلینڈز کو 16 رنز سے ہرا دیا:

    آئی سی سی کی جانب سے جاری کردہ تازہ ترین رینکنگ میں پاکستان 17 میچ کھیل کر 110 پوائنٹس کے ساتھ تیسرے نمبر پر آگیا جبکہ اس درجہ بندی میں انگلینڈ اور بنگلا دیش بالترتیب 18،18 میچ کھیل کر 125 اور 120 پوائنٹس کے ساتھ پہلے اور دوسرے نمبر پر موجود ہیں۔

    رینکنگ میں افغانستان چوتھے، نیوزی لینڈ پانچویں، بھارت چھٹے، آسٹریلیا ساتویں، آئرلینڈ نویں، سری لنکا دسویں، جنوبی افریقہ 11ویں، زمبابوے 12ویں اور نیدر لینڈز 13ویں نمبر پر موجود ہے۔

    بابر اعظم نے مشکل وکٹ پر ٹاس جیت کر پہلے بیٹنگ کرنے کا فیصلہ کیوں کیا؟ فخر زمان نے…

    واضح رہےکہ پاکستان نےنیدر لینڈ کو ون ڈے سیریز میں پہلےاوردوسرے میچ میں شکست دےکر 0-2 کی برتری حاصل کر لی ہے پاکستان نے دوسرے ون ڈے انٹرنیشنل میں نیدرلینڈز کو 7 وکٹوں سے شکست دی، بابر اعظم، محمد رضوان اورآغا سلمان نے نصف سنچریاں اسکور کیں۔ گرین شرٹس کو سیریز میں 0-2 کی فیصلہ کن برتری حاصل ہوگئی۔

    قبل ازیں پاکستان نے نیدرلینڈز کو پہلے ون ڈے میچ میں جیت کے لئے 315 رنز کا ہدف دیا تھا جو نیدر لینڈ کی ٹیم پورا نہ کرسکی اور پچاس اوور کے اختتام پر8 کھلاڑیوں کے آوٹ ہونے پرصرف 298 رنز بناسکی-

    دوسرا ون ڈے: پاکستان نے نیدرلینڈز کو 7وکٹوں سے ہرادیا، سیریز میں فیصلہ کن برتری

  • پشاورزلمی فاونڈیشن نےایک اور بڑا اعزاز اپنے نام کر لیا

    پشاورزلمی فاونڈیشن نےایک اور بڑا اعزاز اپنے نام کر لیا

    پشاورزلمی فاونڈیشن کے لیے اور بڑا اعزاز ،زلمی فاونڈیشن کو کامن ویلتھ کی ایکریڈیشن مل گئی-

    باغی ٹی وی : زلمی فاونڈیشن کےلیے اور بڑا اعزاز ،زلمی فاونڈیشن کو کامن ویلتھ کی ایکریڈیشن مل گئی ،زلمی فاونڈیشن بطور نان پرافٹ آرگنائزیشن کامن ویلتھ سے منسلک ہوگئی۔

    پی سی بی نے آئندہ چار سالوں کے قومی ٹیم کے ٹور پروگرام کا اعلان کر دیا

    کامن ویلتھ کی جانب سے زلمی فاونڈیشن کے پروگرامز اور کام کی تعریف گئی ہے زلمی فاونڈیشن پشاور زلمی کےچیرمین جاوید آفریدی نے کہا کہ کامن ویلتھ سے ایکریڈیشن زلمی فیملی کے لیے اعزاز ہے-

    جاوید آفریدی نے مزید کہا کہ زلمی فاونڈیشن کے پلیٹ فارم سے نوجوانوں کے لیے کھیلوں ، تعلیم اور تربیت/ملازمت کے پروگرام منعقد کرتے رہیں گے-

    برطانیہ کے اینڈی مرے نے سنسناٹی ماسٹرز ٹینس ٹورنامنٹ میں پہلا میچ جیت لیا

    زلمی فاونڈیشن گزشتہ سالوں کے دوران زلمی مدرسہ لیگ، زلمی اسکول لیگ اور کلیوال زلمی لیگ کا انعقاد کرچکی ہے اس کے علاوہ نوجوانوں، خواتین کے لیے کھیلوں اور تعلیم کے شعبے میں کئی پروگرامز منعقد کیے –

    زلمی فاونڈیشن نے دیگر اداروں کے ساتھ مل کر ووکیشنل ٹریننگ اور نوجوانوں کو ہنر مند بنانے کے پراجیکٹس بھی شروع کیے سال 2022 میں زلمی فاونڈیشن کو راونڈا میں ہونے والی کامن ویلتھ ہیڈز آف گورنمنٹ میٹنگ میں نمائندگی کا اعزاز بھی حاصل ہوا۔

    کوئی بھی پاکستانی امارات کرکٹ لیگ میں جگہ نہ بناسکا،انڈین کا غلبہ

  • دوسرا ون ڈے: پاکستان نے نیدرلینڈز کو 7وکٹوں سے ہرادیا، سیریز میں فیصلہ کن برتری

    دوسرا ون ڈے: پاکستان نے نیدرلینڈز کو 7وکٹوں سے ہرادیا، سیریز میں فیصلہ کن برتری

    روٹریم :پاکستان نے دوسرے ون ڈے انٹرنیشنل میں نیدرلینڈز کو 7 وکٹوں سے شکست دیدی، بابر اعظم، محمد رضوان اور آغا سلمان نے نصف سنچریاں اسکور کیں۔ گرین شرٹس کو سیریز میں 0-2 کی فیصلہ کن برتری حاصل ہوگئی۔

    روٹرڈیم میں کھیلے گئے دوسرے ون ڈے انٹرنیشنل میں نیدرلینڈز نے ٹاس جیت کر پہلے بیٹنگ کا فیصلہ کیا، پوری میزبان ٹیم 44.1 اوورز میں 186 رنز بنا کر آؤٹ ہوگئی، باس ڈی لیڈ 89 اور ٹام کوپر 66 رنز بنا کر ٹاپ اسکورر رہے، نیدرلینڈز کے 8 کھلاڑی ڈبل فیگر میں بھی داخل نہیں ہوسکے۔

    پاکستان کی جانب سے حارث رؤف اور محمد نواز نے 3، 3 کھلاڑیوں کو آؤٹ کیا۔ پاکستان کو 187 رنز کے ہدف کے تعاقب میں ابتداء میں ہی مشکلات کا سامنا کرنا پڑا، فخر زمان 3 اور امام الحق 6 رنز بنا کر پویلین لوٹ گئے، اس موقع پر بابر اعظم اور محمد رضوان نے ٹیم کو سنبھالا، دونوں کے درمیان 88 رنز کی شراکت قائم ہوئی۔

    کپتان بابر اعظم 57 رنز بنا کر آریان دت کی گیند پر ڈی لیڈ کے ہاتھوں کیچ ہوگئے، محمد رضوان 69 اور آغا سلمان 50 رنز بنا کر ناقابل شکست رہے۔

    میزبان ٹیم کی جانب سے ویویان کنگما نے 2 اور آریان دت نے ایک کھلاڑی کو آؤٹ کیا۔

    پاکستان نے ہدف 33.4 گیندوں پر 3 وکٹوں کے نقصان پر مکمل کرلیا، گرین شرٹس کو 3 میچوں کی سیریز میں 0-2 کی برتری حاصل ہوگئی، سیریز کا تیسرا اور آخری میچ 21 اگست کو اسی گراؤنڈ میں کھیلا جائے گا۔

  • دوسرا ون ڈے : نیدرلینڈز کا ٹاس جیت کر بیٹنگ کا فیصلہ

    دوسرا ون ڈے : نیدرلینڈز کا ٹاس جیت کر بیٹنگ کا فیصلہ

    روٹرڈیم :پاکستان اور نیدرلینڈز کے درمیان دوسرے ایک روزہ میچ میں نیدرلینڈز نے ٹاس جیت کر بیٹنگ کا فیصلہ کیا ہے۔

    باغی ٹی وی : روٹرڈیم میں کھیلے جانے والے دوسرے ون ڈے میں نیدرلینڈز کے کپتان اسکاٹ ایڈورڈز نے بابر اعظم کو فیلڈنگ کی دعوت دی۔


    پاکستان کو سیریز میں ایک صفر کی برتری حاصل ہے قومی ٹیم کے کپتان بابر اعظم ٹیم کی قیادت کررہے ہیں جبکہ میزبان ٹیم سکاٹ ایڈورڈز کی زیر قیادت ایکشن میں ہوگی-

    پہلا ون ڈے میچ، پاکستان نے نیدرلینڈز کو 16 رنز سے ہرا دیا:

    قومی کرکٹ ٹیم میں کوئی تبدیلی نہیں کی گئی کپتان بابر اعظم ،نائب کپتان شاداب خان، امام الحق، فخر زمان، محمد رضوان اور سلمان علی آغا،خوشدل شاہ، محمد نواز، محمد وسیم، حارث رؤف اور نسیم شاہ پلیئنگ الیون میں شامل ہیں۔


    آئی سی سی مینز ورلڈکپ سپر لیگ میں شامل سیریز کا باقی ایک میچ 21 اگست کو میچز ہیزل ویگ سٹیڈیم روٹرڈیم میں ہی کھیلا جائے گا-

    واضح رہے کہ پاکستان نے تین ایک روزہ میچوں کی سیریز کے پہلے میچ میں نیدرلینڈ کو 16 رنز سے شکست دی تھی میچ میں میزبان ٹیم پاکستان کی جانب سے جیت کے لیے دیا گیا 315 رنز کا ہدف حاصل کرنے میں ناکام رہی اور مقررہ اوورز میں 8 وکٹوں کے نقصان پر 298 رنز بنا سکی۔

    نیدر لینڈز کی جانب سے کپتان ایڈورڈز نے 70 جب کہ ٹام کوپر نے 65 رنز بنائے، پاکستان کی جانب سے ڈیبیو کرنے والے نسیم شاہ اور حارث روف نے تین تین کھلاڑیوں کو آؤٹ کیا۔

    بابر اعظم نے مشکل وکٹ پر ٹاس جیت کر پہلے بیٹنگ کرنے کا فیصلہ کیوں کیا؟ فخر زمان نے وجہ بتادی

    اس سے پہلے پاکستان نے نیدر لینڈز کے خلاف ٹاس جیت کر بیٹنگ کا فیصلہ کیاقومی ٹیم کی جانب سے فخر زمان نے شاندار سنچری اسکور کی، انہوں نے 109 گیندوں پر 109 رنز کی اننگز کھیلی جس میں 12 چوکے اور ایک چھکا شامل ہے –

    ان کے علاوہ کپتان بابراعظم نے 74 اور شاداب خان 48 رنز بنا کر نمایاں رہے، نیدرلینڈ کے بولر وین بیک اور لیڈ نے بالترتیب دو دو وکٹیں حاصل کیں قومی ٹیم نے مقررہ 50 اوورز میں چھ وکٹوں کے نقصان پر 314 رنز بنائے۔

    ورلڈ کپ سپرلیگ میں پاکستان 90 پوائنٹس کے ساتھ پانچویں نمبر پر ہے، لیکن سیریز 0-3 سے جیت کر ٹیبل پر دوسری پوزیشن حاصل کرسکتا ہے۔

    بابر اعظم نے ہاشم آملہ کا ریکارڈ توڑ کر ایک اور عالمی اعزاز اپنے نام کر لیا

  • پی سی بی نے آئندہ چار سالوں کے قومی ٹیم کے ٹور پروگرام کا اعلان کر دیا

    پی سی بی نے آئندہ چار سالوں کے قومی ٹیم کے ٹور پروگرام کا اعلان کر دیا

    پاکستان کرکٹ بورڈ (پی سی بی) نے آئندہ چار سالوں کے لیے قومی ٹیم کے ٹور پروگرام کا اعلان کردیا-

    باغی ٹی وی : اس حوالے سے پی سی بی کی جانب سے ٹوئٹر پر شئیر کی گئی ویڈیو میں بتایا گیا کہ سال 2023 سے 2027 کے دوران آئی سی سی فل بورڈز کے 12 میں سے 10 ارکان کی ٹیمیں پاکستان کا دورہ کریں گی پاکستان اے سی سی 50 اوور کا ایشیا کپ 2023 اور آئی سی سی چیمپئنز ٹرافی 2025 بھی کھیلے گا-

    بابر اعظم نے مشکل وکٹ پر ٹاس جیت کر پہلے بیٹنگ کرنے کا فیصلہ کیوں کیا؟ فخر زمان نے وجہ بتادی

    2025 اور 2026 میں شیڈول دو ون ڈے سہ فریقی سیریز؛ پاکستان چار سال کی مدت میں کم از کم 238 دن کی بین الاقوامی کرکٹ کھیلے گا، جس میں 27 ٹیسٹ، 47 ون ڈے اور 56 ٹی ٹوئنٹی شامل ہیں جبکہ پاکستان کم ازکم 13 ٹیسٹ،26 ون ڈے اور 27 ٹی ٹوئنٹی میچ ہوم گراؤنڈ پر کھیلے گا-


    اے سی سی 50 اوور کے ایشیا کپ اور آئی سی سی چیمپئنز ٹرافی کے میچز شامل ہیں، جو پاکستان بالترتیب 2023 اور 2025 میں کھیلے گا۔ 2023 اور 2027 کے درمیان آئی سی سی اور اے سی سی ایونٹس کے ساتھ ساتھ 2025 اور 2026 کی تین ملکی ون ڈے سیریز بھی کھیلے گا پی سی بی کے مطابق میچز کی تعداد بڑھ بھی سکتی ہے-

    اس دوران انگلینڈ، نیوزی لینڈ، جنوبی افریقا، سری لنکا، بنگلا دیش اور ویسٹ انڈیز کی ٹیمیں ٹیسٹ سیریز کھیلنے پاکستان آئیں گی جب کہ افغانستان، آسٹریلیا، آئرلینڈ اور زمبابوے کی ٹیمیں محدود طرز کی کرکٹ کھیلنے کےلیےپاکستان کا دورہ کریں گی جب کہ اس دوران پاکستان دو سہ ملکی کرکٹ سیریز بھی کھیلے گا۔

    پی سی بی نے آئی سی سی کے عالمی ایونٹس پر ایک نظر کے ساتھ وائٹ بال میچز شیڈول کیے ہیں۔

    جبکہ پاکستان بالترتیب ICC مینز کرکٹ ورلڈ کپ 2023 اور ICC چیمپئنز ٹرافی 2025 سے قبل ایشیا کپ 2023 اور فروری 2025 میں سہ رخی سیریز کی میزبانی کرے گا، وہ تعمیر میں ہالینڈ، آئرلینڈ اور انگلینڈ کے خلاف 11 T20I کھیلے گا۔ ICC مردوں کے T20 ورلڈ کپ 2024 تک، جس کی مشترکہ میزبانی امریکہ اور ویسٹ انڈیز کریں گے۔

    بابر اعظم نے ہاشم آملہ کا ریکارڈ توڑ کر ایک اور عالمی اعزاز اپنے نام کر لیا

    اسی طرح، آئی سی سی مینز ٹی 20 ورلڈ کپ 2026 سے پہلے، جس کی میزبانی بھارت اور سری لنکا کریں گے، پاکستان آسٹریلیا سے تین ہوم گراؤنڈ ٹی ٹوئنٹی میچ کھیلے گا۔

    آسٹریلیا کے علاوہ تین دیگر ٹیمیں افغانستان، آئرلینڈ اور زمبابوے بھی 2023 سے 2027 کے درمیان پاکستان میں وائٹ بال کے میچ کھیلیں گی۔

    پاکستان کا FTP 2023-2027 اس بات کی عکاسی کرتا ہے کہ وہ دو دہائیوں سے زائد عرصے میں پہلی بار آئی سی سی کے 12 میں سے 10 مکمل رکن ممالک کی میزبانی کرے گا۔

    پاکستان مینز فیوچر ٹورز پروگرام 2023-2027 (تمام ٹیسٹ میچز کا شمار آئی سی سی ورلڈ ٹیسٹ چیمپئن شپ 2023-2025 اور 2025-2027 میں ہوتا ہے)-

    سال 2023-24

    جولائی میں پاکستان اور سری لنکا کے درمیان (دو ٹیسٹ)، اگست میں پاکستان اور افغانستان (تین ون ڈے) کھیلیں گے ستمبر میں پاکستان اے سی سی 50 اوور کا ایشیا کپ کھیلے گا اکتوبر/نومبر 2023 میں آئی سی سی مینز کرکٹ ورلڈ کپ انڈیا کھیلے گا

    دسمبر/جنوری میں پاکستان اور آسٹریلیا (تین ٹیسٹ). فروری/مارچ میں پاکستان اور ویسٹ انڈیز (دو ٹیسٹ، تین ٹی ٹوئنٹی) جبکہ مئی میں پاکستان سے نیدرلینڈز (تین T20I)، آئرلینڈ (تین T20I) اور انگلینڈ (پانچ T20I) کھیلے گا جون 2024 میں آئی سی سی مینز کا T20 ورلڈ کپ USA/ویسٹ انڈیز کے ساتھ کھیلے گا-

    گولڈ میڈلسٹ محمد نوح دستگیر بٹ وطن واپس پہنچ گئے

    سال 2024-25

    اگست میں پاکستان میں بنگلہ دیش (دو ٹیسٹ)، اکتوبر میں پاکستان میں انگلینڈ (تین ٹیسٹ) نومبر میں پاکستان سے آسٹریلیا (تین ون ڈے اور تین ٹی ٹوئنٹی) نومبر/دسمبرمیں زمبابوے کے ساتھ (تین ون ڈے اور تین ٹی ٹوئنٹی) میچز کھیلے گا-

    دسمبر/جنوری میں پاکستان جنوبی افریقہ کے ساتھ (دو ٹیسٹ، تین ون ڈے، تین ٹی ٹوئنٹی) جنوری میں نیوزی لینڈ کے ساتھ (تین ون ڈے اور تین ٹی ٹوئنٹی) فروری میں نیوزی لینڈ اور جنوبی افریقہ، پاکستان میں (ون ڈے سہ فریقی سیریز) میچز کھیلے گا-

    فروری/مارچ میں آئی سی سی چیمپئنز ٹرافی پاکستان 2025 کھیلی جائے گی مئی میں پاکستان میں بنگلہ دیش (تین ون ڈے اور تین ٹی ٹوئنٹی) میچز کھیلے جائیں گے-

    سال 2025-26

    جولائی/اگست – پاکستان سے ویسٹ انڈیز (تین ون ڈے، تین ٹی ٹوئنٹی)، اگست – پاکستان میں افغانستان (تین ٹی ٹوئنٹی)، اگست/ستمبر – ACC T20 ایشیا کپ (میزبان/مقام TBC)، ستمبر/اکتوبر – پاکستان میں آئرلینڈ (تین ون ڈے، تین ٹی ٹوئنٹی)، اکتوبر/نومبر – پاکستان میں جنوبی افریقہ (دو ٹیسٹ، تین ون ڈے، تین ٹی ٹوئنٹی) میچز کھیلے جائیں گے-

    پہلا ون ڈے میچ، پاکستان نے نیدرلینڈز کو 16 رنز سے ہرا دیا:

    نومبر – سری لنکا پاکستان میں (تین ون ڈے، تین ٹی ٹوئنٹی)، فروری – پاکستان میں آسٹریلیا (تین T20)، فروری/مارچ – ICC مردوں کا T20 ورلڈ کپ بھارت/سری لنکا 2026 اور مارچ – پاکستان میں آسٹریلیا (تین ون ڈے)، مارچ/اپریل – پاکستان سے بنگلہ دیش (دو ٹیسٹ، تین ون ڈے اور تین ٹی ٹوئنٹی)، اپریل/مئی – پاکستان میں زمبابوے (تین ون ڈے اور تین ٹی ٹوئنٹی) میچز کھیلے جائیں گے-

    سال 2026-27

    جولائی/اگست – پاکستان سے ویسٹ انڈیز (دو ٹیسٹ)، اگست/ستمبر – پاکستان سے انگلینڈ (تین ٹیسٹ)، اکتوبر – سری لنکا پاکستان میں (تین ٹی ٹوئنٹی)، اکتوبر/نومبر – پاکستان میں انگلینڈ اور سری لنکا (ون ڈے سہ رخی سیریز)، نومبر – سری لنکا پاکستان میں (دو ٹیسٹ)، مارچ – پاکستان میں نیوزی لینڈ (دو ٹیسٹ) میچز کھیلے گا-

    ایچ بی ایل پاکستان سپر لیگ (یہ 2023-2027 سائیکل کے دوران عارضی ونڈوز ہیں):

    جنوری/فروری 2024 – HBL پاکستان سپر لیگ 2024 سیریز کھیلی جائے گی، مارچ-مئی 2025 – HBL پاکستان سپر لیگ 2025 سیریز کھیلی جائے گی-

    دسمبر 2025/جنوری 2026 – HBL پاکستان سپر لیگ 2026 سیریز کھیلی جائے گی اور جنوری/فروری 2027 – HBL پاکستان سپر لیگ 2027 سیریز کھیلی جائے گی-

    چیف ایگزیکٹو پی سی بی فیصل حسنین کا کہنا ہے کہ پی سی بی نے سال 2023 سے 2027 تک کے لیے فیوچر ٹور پروگرام کو ترتیب دیتے ہوئے معیاری، مسابقتی کرکٹ اور ورک لوڈ مینجمنٹ کو ترجیح دی ہے، کوشش کی گئی ہے کہ تینوں طرز کی کرکٹ کو برابر مواقع دیے جائیں گے۔

    انہوں نے کہا کہ انہیں امید ہے کہ اس عرصے کے دوران پاکستان کرکٹ کے مداحوں کو سنسنی خیز کرکٹ دیکھنے کو ملے گی پی سی بی سہ ملکی کرکٹ سیریز کو پذیرائی دینا چاہتا ہے اور اس ضمن میں آئندہ ایف ٹی پی میں 2 ٹرائی نیشن سیریز رکھی گئی ہیں۔

    گولڈ میڈلسٹ ارشد ندیم وطن واپس پہنچ گئے