Baaghi TV

Category: کھیل

  • کامن ویلتھ گیمز: بھارت سے مقابلے سے قبل قومی ویمن کرکٹ ٹیم کو بڑادھچکا

    کامن ویلتھ گیمز: بھارت سے مقابلے سے قبل قومی ویمن کرکٹ ٹیم کو بڑادھچکا

    کامن ویلتھ گیمز میں بھارت سے مقابلے سے قبل قومی ویمن کرکٹ ٹیم کو بڑادھچکا لگا۔

    باغی ٹی وی : کامن ویلتھ گیمز میں آج ہونے والے پاک بھارت ویمن کرکٹ مقابلے سے قبل پاکستانی ٹیم کو بڑ دھچکا ،بھارت کے خلاف قومی خواتین کرکٹ ٹیم کی بارہ رکنی اسکواڈ میں ایک تبدیلی کر دی گئی۔

    گال ٹیسٹ میں پاکستان کو شکست، سیریز برابر

    کن کشن کا شکار ہونے کے باعث ندا ڈار میچ میں شرکت نہیں کریں گی۔ان کی جگہ ایمن انور کو 12 رکنی اسکواڈ میں شامل کرلیا گیا ہےندا ڈار بارباڈوس کے خلاف میچ میں سر پر گیند لگنے کے باعث کن کشن کا شکار ہوئی ہیں۔ندا ڈار کی طبعیت بہتر ہے تاہم مزید پانچ روز ان کی طبعیت کا جائزہ لیا جائے گا

    عمران طاہر اور کولن منرو پاکستان جونیئر لیگ کی ٹیموں کے مینٹورز مقرر

    قومی ویمن کرکٹ ٹیم کے 12 رکنی اسکواڈ میں کپتان بسمہ معروف، منیبہ صدیقی، ارم جاوید، عمیمہ سہیل اور عالیہ ریاض شامل ہیں۔عائشہ نسیم، فاطمہ ثناء، طوبہ حسن، ڈیانا بیگ، انعم امین، کائنات امتیاز اور ایمن انور بھی اسکواڈ کا حصہ ہیں۔

    برمنگھم میں جاری کامن ویلتھ گیمز کےٹی ٹوئنٹی ایونٹ میں آج روایتی حریف پاکستان اوربھارت کی ویمن ٹیمیں آمنے سامنے ہوں گی دونوں ٹیمیں ایونٹ میں اب تک کوئی پوائنٹ حاصل نہیں کر سکی ہیں، پاکستان اور بھارت کی ٹیموں کے درمیان میچ آج دوپہر 3 بجے شروع ہوگا۔

    کامن ویلتھ گیمز میں پاکستان کے باکسر الیاس حسین نے کامیابی حاصل کرلی۔

  • کامن ویلتھ گیمز میں پاکستان کے باکسر الیاس حسین نے کامیابی حاصل کرلی۔

    کامن ویلتھ گیمز میں پاکستان کے باکسر الیاس حسین نے کامیابی حاصل کرلی۔

    لندن:الیاس نے فیدر ویٹ میں لیسوٹوکے باکسر موروکی موکھوٹو کو آؤٹ کلاس کردیا۔ ریفری نے 2 منٹ 55 سیکنڈز میں فائٹ روک کر الیاس کو فاتح قرار دیا۔

    اسکواش
    کامن ویلتھ گیمز میں اسکواش کے مقابلوں میں پاکستان کے ناصر اقبال پری کوارٹر فائنل میں پہنچ گئے۔ناصر کا مقابلہ ہم وطن طیب اسلم سے تھا تاہم وہ مقابلے سے ریٹائر ہوگئے۔

    اسکواش میں ویمنز سنگلز میں آمنہ فیاض کو شکست ہوگئی۔ آمنہ فیاض کو ملائیشیا کی راشل آرنلڈ نے شکست دی۔
    ملائیشین پلیئر کی جیت کا اسکور 3-11، 2-11 اور 5-11 رہا۔

    ہاکی
    ادھردوسری طرف کامن ویلتھ گیمز میں پاکستان اور جنوبی افریقہ کے درمیان ہاکی میچ دو دو گول سے برابر ہو گیا، قومی ٹیم کل نیوزی لینڈ کے مدمقابل ہوگی

     

     

    جنوبی افریقی ٹیم نے پہلے کوارٹر گول میں گول کرکے ایک صفر کی برتری حاصل کی ، دوسرے کوارٹر میں پاکستان کے رضوان علی نے گول اسکور کر کے حریف ٹیم کی برتری ختم کردی۔

    دوسرے ہاف میں دونوں ٹیموں نے ایک دوسرے پر بھر پور حملے کیے ، چوتھے کوارٹر میں جنوبی افریقہ نے مزید ایک گول اسکور کرکے دو ایک کی برتری حاصل کر لی۔

    آخری منٹ میں پاکستان کی جانب سے افراز خان نے شاندار گول اسکور کرکے میچ دو دو گول سے برابر کر دیا۔

  • عمران طاہر اور کولن منرو پاکستان جونیئر لیگ کی ٹیموں کے مینٹورز مقرر

    عمران طاہر اور کولن منرو پاکستان جونیئر لیگ کی ٹیموں کے مینٹورز مقرر

    عمران طاہر اور کولن منرو پاکستان جونیئر لیگ کی ٹیموں کے مینٹورز مقرر

    پاکستان اور ویسٹ انڈیز کےسابق کپتانوں شاہد آفریدی ، شعیب ملک اور ڈیرن سیمی کے بعد اب پاکستانی نژاد جنوبی افریقی اسپنر عمران طاہر اور نیوزی لینڈ کے جارحانہ مزاج بیٹر کولن منرو بھی پاکستان جونیئر لیگ کی ٹیموں کے مینٹورز مقرر ہوگئے ہیں۔ ٹورنامنٹ کا افتتاحی ایڈیشن 4 سے 17 اکتوبر تک قذافی اسٹیڈیم لاہور میں کھیلا جائے گا۔

    ان پانچ نامور کھلاڑیوں کے علاوہ پاکستان کے سابق کپتان اور شہرہ آفاق بیٹر جاوید میانداد کو پہلے ہی ٹورنامنٹ کا مینٹور مقرر کیا جاچکا ہے۔ ایونٹ کی چھٹی ٹیم کے لیے مینٹور کا اعلان بعد میں کیا جائے گا۔

    عمران طاہر نے آئی سی سی انڈر 19 کرکٹ ورلڈکپ1998 میں پاکستان کی نمائندگی کی تھی تاہم وہ 2005 میں جنوبی افریقہ منتقل ہوئے اور 2011 میں وہاں سے اپنے انٹرنیشنل کرکٹ کیرئیر کا آغاز کردیا۔انہوں نے مجموعی طور پر 20 ٹیسٹ، 107 ون ڈے اور 38 ٹی ٹونٹی میچز میں جنوبی افریقہ کی نمائندگی کرتے ہوئے کُل 293 انٹرنیشنل وکٹیں حاصل کیں۔

    کولن منرو نے 65 ٹی ٹونٹی انٹرنیشنل میچز میں نیوزی لینڈ کی نمائندگی کی۔اس دوران انہوں نے تین سنچریاں اور11 نصف سنچریاں اسکور کیں۔ جارحانہ مزاج بیٹر 57 ون ڈے انٹرنیشنل میچز میں کھیلنے کا تجربہ بھی رکھتے ہیں۔

    عمران طاہر:

    عمران طاہر کا کہنا ہے کہ لاہور ان کا آبائی شہر ہے اور پاکستان جونیئر لیگ میں ٹیم مینٹور کی حیثیت سے شرکت کے لیے لاہور واپسی پر وہ بہت خوش ہیں۔یہ ان کے پاس نوجوان اور ابھرتے ہوئے اسپنرز کی معاونت کا بہترین موقع ہے۔

    انہوں نے مزید کہا کہ وہ پاکستان جونیئر لیگ کے فلسفے کی مکمل حمایت کرتے ہیں کیونکہ یہ نوجوان کھلاڑیوں کو صلاحیتوں کے مکمل اظہار کے لیے ایک سخت اور مشکل ماحول فراہم کرے گا۔ یہ ایونٹ پاکستان میں کھلاڑیوں کا پول بڑھانے میں بھی معاونت کرے گا۔

    کولن منرو:

    کولن منرو کا کہنا ہے کہ وہ پاکستان جونیئر لیگ کے افتتاحی ایڈیشن کا حصہ بننے کے لیے بہت پرجوش ہیں، یہ ایونٹ پاکستان کی کرکٹ میں گیم چینجر ثابت ہوگا ۔ نوجوانوں میں سرمایہ کاری، کھیل کے مستقبل کو محفوظ اوراپنی قومی ٹیموں کی ترقی کو یقینی بنانا تمام منتظمین کا مقصد ہونا چاہیے۔ پی سی بی نے اس قسم کا ٹورنامنٹ شروع کر کے دیگر ممالک پر سبقت لےلی ہے۔

    انہوں نے کہا کہ وہ پاکستان جونیئر لیگ میں شرکت کے منتظر ہیں کیونکہ یہاں انہیں نوجوان کھلاڑیوں کو علم بانٹنے اور ان کی صلاحیتوں میں نکھار لانے کا بھرپور موقع مل رہا ہے۔ بلاشبہ پاکستان جونیئر لیگ مستقبل میں ورلڈ چیمپئنز پیدا کرے گی۔

  • گال ٹیسٹ میں پاکستان کو شکست، سیریز برابر

    گال ٹیسٹ میں پاکستان کو شکست، سیریز برابر

    کولمبو:گال ٹیسٹ میں پاکستان کو شکست، سیریز برابر،کولمبوسے اطلاعات کےمطابق پاکستان کو شکست کا سامنا کرنا پڑا ہے ، کھیل کے میدان سے آنے والی خبروں میں بتایا گیا ہے کہ گال ٹیسٹ میں سری لنکا نے پاکستان کو 246 رنز سے شکست دے کر دو میچوں کی سیریزایک ایک سے برابر کردی۔

    گال ٹیسٹ کے آخری دن جب کھیل کا آغاز ہوا تو پاکستان کو جیت کے لئے مزید 419 رنز جب کہ سری لنکا کو 9 وکٹیں درکار تھیں۔

    پاکستان نے 508 رنز کے ہدف کا تعاقب شروع کیا تو آخری روز اوپنر امام الحق 49 رنز بناکر آؤٹ ہوئے۔ وکٹ کیپر بیٹر محمد رضوان نے 37 رنز اسکور کئے۔

     

    فواد عالم ایک رن پر رن آؤٹ ہوئے جبکہ آغا سلمان صرف 4 رنز اسکور کرسکے۔لنچ پر کپتان بابر اعظم 76 رنز کے ساتھ کریز پر موجود تھے۔

     

    لنچ کے بعد بابر اعظم 81، محمد نواز 12، یاسر شاہ 27 اور حسن علی 11 رنز بناسکے۔ نسیم شاہ 18 رنز پر آؤٹ ہوئے۔سری لنکا کی جانب سے پرابتھ جیاسوریا نے5 اوررمیش مینڈس نے 4 وکٹ حاصل کیے۔

     

     

     

     

     

    لنچ کے بعد پاکستان کو دو سیشنز میں 320 رنز درکار تھے جبکہ سری لنکا کو 5 وکٹ چاہیئے تھیں۔

     

    اس سےقبل سری لنکا کی ٹیم نے دوسری اننگز 360 رنز 8 کھلاڑی آؤٹ پر ڈیکلئیر کردی۔سری لنکا نے پہلی اننگز میں 378 رنز اسکورکئے تھے۔ پاکستان کی ٹیم 231 رنز پر آل آؤٹ ہوگئی تھی۔

  • ایشیا کرکٹ کپ 2022 کو سری لنکا سے یواے ای منتقلی کا حتمی اعلان

    ایشیا کرکٹ کپ 2022 کو سری لنکا سے یواے ای منتقلی کا حتمی اعلان

    ایشین کرکٹ کونسل نے ایشیا کرکٹ کپ 2022 کو سری لنکا سے یواے ای منتقلی کا حتمی اعلان کردیا ہے۔

    باغی ٹی وی : ایشین کرکٹ کونسل(اے سی سی) کے مطابق ایشیا کپ اب سری لنکا کے بجائے متحدہ عرب امارات میں کھیلا جائے گا ایشیا کرکٹ کپ کے میچز 27 اگست سے 11 ستمبر تک شیڈول ہوں گے ایونٹ کی میزبانی سری لنکا کے پاس ہی رہے گی۔ ایشیا کپ کے وینیو کی تبدیلی کا فیصلہ متفقہ طور پر کیا گیا ہے۔

    آئی سی سی ٹیسٹ رینکنگ:پاکستان کےبابراعظم، شاہین شاہ آفریدی اورعبداللہ شفیق کی ترقی

    صدر اے سی سی جے شاہ کے مطابق سری لنکا کے لوگ کرکٹ سے بہت پیار کرتے ہیں، انہوں نے ایونٹ کرانے کی بہت کوشش کی۔ ایشیا کپ ایشیائی ٹیموں کی ورلڈ کپ کی تیاری کے لئے بہت اہم ہے۔

    صدر سری لنکا کرکٹ کے مطابق ہم سری لنکا میں ٹیموں کی میزبانی کے منتظر تھے، بہرحال اے سی سی کے فیصلے کے ساتھ کھڑے ہیں۔

    قطر ورلڈ کپ: دبئی کے ہوٹلوں میں کمروں کی بکنگ کا سلسلہ دھڑا دھڑ جاری

    یاد رہے کہ سری لنکا نے ملک میں جاری سیاسی ومعاشی بحران کے باعث ایشیا کرکٹ کپ کی میزبانی سے معذرت کر لی تھی ایشیا کپ ٹی ٹوئنٹی فارمیٹ میں کھیلا جائے گا۔ایشیا کپ میں پاکستان، بھارت، سری لنکا، افغانستان اور بنگلا دیش مین راؤنڈ میں شامل ہیں۔ متحدہ عرب امارات، نیپال، عمان اور ہانگ کانگ کی ٹیمیں کوالیفائنگ راؤنڈ کھیلیں گی۔

    ایشیا کپ 2022: سری لنکا سے یو اے ای منتقل کرنے کا فیصلہ،بھارتی میڈیا کا دعویٰ

  • گال ٹیسٹ کا چوتھا روز:کم روشنی کے باعث کھیل روک دیا گیا

    گال ٹیسٹ کا چوتھا روز:کم روشنی کے باعث کھیل روک دیا گیا

    کولمبو: گال ٹیسٹ کا چوتھا روز:کم روشنی کے باعث کھیل روک دیا گیا ،کولمبو سے اطلاعات کے مطابق دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان نے ایک وکٹ کے نقصان پر 89 رنز بنا لیے۔

    چوتھےدن کا کھیل ختم ہوا تو پاکستان نے ایک وکٹ کے نقصان پر 89 رنز بنائے تھے، بابر اعظم 26 اور امام الحق 46 رنز بناکر کریز پر موجود تھے۔ پاکستان کو پانچویں اور آخری روز میچ جیتنے کیلئے مزید 419 رنز جبکہ سری لنکا کو 9 وکٹیں درکار ہوں گی۔

    پاکستان کی جانب سے دوسری اننگز کا آغاز عبد اللہ شفیق اور امام الحق نے کیا تاہم عبد اللہ شفیق 16 رنز بنا کر 42 کے مجموعے پر جے سوریا کی گیند پر کیچ آؤٹ ہو گئے۔

    پاکستان نے 28 اوورز میں ایک وکٹ کے نقصان پر 89 رنز بنائے تھے کہ خراب روشنی کے باعث کھیل روک دیا گیا اور پھر چوتھے دن کا کھیل ختم کردیا گیا، کھیل ختم ہوا تو امام الحق 46 اور بابر اعظم 26 رنز کے ساتھ وکٹ پر موجود تھے۔پاکستان کو سری لنکا کی جانب سے دیے گئے 508 رنز کے حصول کے لیے مزید 419 رنز درکار ہیں۔

    قبل ازیں سری لنکا نے دوسرے اور آخری ٹیسٹ کی دوسری اننگز 360 رنز 8 کھلاڑی آؤٹ پر ڈکلیئر کر کے پاکستان کو جیت کے لیے 508 رنز کا پہاڑ جیسا دیا تھا۔

    گال ٹیسٹ کے چوتھے روز سری لنکا نے اپنی دوسری نامکمل اننگز 176 رنز 5 کھلاڑی آؤٹ پر شروع کی تو دمتھ کرونا رتنے 27 اور دننجیا ڈی سلوا 30 رنز کے ساتھ وکٹ پر موجود تھے۔

    دونوں بلے بازوں نے اپنی ٹیم کا اسکور آگے بڑھایا اور کرونا رتنے 61 رنز بنا کر نعمان علی کی گیند پر عبد اللہ شفیق کے ہاتھوں کیچ آؤٹ ہو گئے جبکہ ڈونتھ ویلا لگے 18 رنز بنا کر محمد نواز کاشکار بنے۔

    دوسری جانب ڈی سلوا نے شاندار بلے بازی کا سلسلہ جاری رکھا اور شاندار سنچری مکمل کی، ڈی سلوا 109 رنز بنا کر رن آؤٹ ہوئے تو کپتان کرونا رتنے نے 360 رنز 8 کھلاڑی آؤٹ پر اننگز ڈکلیئر کردی اور پاکستان کو جیت کے لیے 508 رنز کا ہدف دے دیا۔

    یاد رہے کہ سری لنکا نے پہلی اننگز میں 378 رنز بنائےتھے جس کے جواب میں پاکستانی ٹیم پہلی اننگز میں 231 رنز پر ڈھیر ہو گئی تھی۔پاکستان کو دو میچز کی سیریز میں ایک صفر کی برتری حاصل ہے۔

  • گال ٹیسٹ: سری لنکا کے 508 رنز کے ہدف کے تعاقب میں پاکستان کی بیٹنگ جاری

    گال ٹیسٹ: سری لنکا کے 508 رنز کے ہدف کے تعاقب میں پاکستان کی بیٹنگ جاری

    گال:دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان کی بیٹنگ جاری ہے۔یہ ٹیسٹ پاکستان کے لیے بہت بھاری ہے اورپاکستان کے لیے اسکورز کا ایک پہاڑ سامنے ہے جو سرکرنا ہے

    پاکستان کی جانب سے اننگز کا آغاز عبد اللہ شفیق اور امام الحق نے کیا اور گرین کیپس نے بغیر کسی وکٹ کے نقصان کے 34 رنز بنا لیے ہیں، عبد اللہ شفیق 14 اور امام الحق 19 رنز کے ساتھ وکٹ پر موجود ہیں۔

    قبل ازیں سری لنکا نے دوسرے اور آخری ٹیسٹ کی دوسری اننگز 360 رنز 8 کھلاڑی آؤٹ پر ڈکلیئر کر کے پاکستان کو جیت کے لیے 508 رنز کا پہاڑ جیسا دیا تھا۔

    گال ٹیسٹ کے چوتھے روز سری لنکا نے اپنی دوسری نامکمل اننگز 176 رنز 5 کھلاڑی آؤٹ پر شروع کی تو دمتھ کرونا رتنے 27 اور دننجیا ڈی سلوا 30 رنز کے ساتھ وکٹ پر موجود تھے۔

    دونوں بلے بازوں نے اپنی ٹیم کا اسکور آگے بڑھایا اور کرونا رتنے 61 رنز بنا کر نعمان علی کی گیند پر عبد اللہ شفیق کے ہاتھوں کیچ آؤٹ ہو گئے جبکہ ڈونتھ ویلا لگے 18 رنز بنا کر محمد نواز کاشکار بنے۔

    دوسری جانب ڈی سلوا نے شاندار بلے بازی کا سلسلہ جاری رکھا اور شاندار سنچری مکمل کی، ڈی سلوا 109 رنز بنا کر رن آؤٹ ہوئے تو کپتان کرونا رتنے نے 360 رنز 8 کھلاڑی آؤٹ پر اننگز ڈکلیئر کردی اور پاکستان کو جیت کے لیے 508 رنز کا ہدف دے دیا۔

    یاد رہے کہ سری لنکا نے پہلی اننگز میں 378 رنز بنائےتھے جس کے جواب میں پاکستانی ٹیم پہلی اننگز میں 231 رنز پر ڈھیر ہو گئی تھی۔

  • آئی سی سی ٹیسٹ رینکنگ:پاکستان کےبابراعظم، شاہین شاہ آفریدی اورعبداللہ شفیق کی ترقی

    آئی سی سی ٹیسٹ رینکنگ:پاکستان کےبابراعظم، شاہین شاہ آفریدی اورعبداللہ شفیق کی ترقی

    دبئی :آئی سی سی نے ٹیسٹ کرکٹ کی نئی عالمی رینکنگ جاری کردی ہے۔اطلاعات کے مطابق آئی سی سی کی نئی ٹیسٹ رینکنگ میں پاکستان کے کپتان بابراعظم، شاہین شاہ آفریدی اور عبداللہ شفیق کی ترقی ہوئی۔

    ٹیسٹ رینکنگ میں بیٹرز کی فہرست میں بابراعظم چوتھے سے تیسرے نمبر پر پہنچ گئے۔ وہ دنیا کے واحد کھلاڑی ہیں جو تینوں طرز کی کرکٹ کی موجودہ رینکنگ میں ٹاپ تھری پوزیشن پر براجمان ہیں۔

    اوپنرعبداللہ شفیق 23 درجہ ترقی پا کر 16ویں نمبر پر پہنچ گئے۔ محمد رضوان 20 ویں نمبر پر ہیں۔ اظہر علی 18 ویں سے 24 ویں نمبر پر چلے گئے ہیں۔ عابد علی 30 ویں اور فواد عالم 45 ویں نمبر پر ہیں۔

    بالرز کی رینکنگ میں شاہین شاہ آفریدی تیسرے نمبر پر پہنچ گئے۔ وہ اس سے قبل چوتھی پوزیشن پر موجود تھے۔ حسن علی کا 13واں نمبر ہے۔ اس سے قبل ان کا 14 واں نمبر تھا۔ محمد عباس 18 ویں سے 19 ویں نمبر پر آگئے ہیں۔ یاسر شاہ 33 ویں سے 32 ویں نمبر پر آگئے ہیں۔ نعمان علی 62 ویں نمبر ہر ہیں۔

    دو ٹیسٹ میچوں کی سیریز کے دوسرے میچ میں سری لنکا کی جانب سے دیے گئے 508 رنز کے ہدف کے تعاقب میں پاکستان کی بیٹنگ جاری ہے۔

    پاکستان کی جانب سے اننگز کا آغاز عبد اللہ شفیق اور امام الحق نے کیا اور گرین کیپس نے بغیر کسی وکٹ کے نقصان کے 34 رنز بنا لیے ہیں، عبد اللہ شفیق 14 اور امام الحق 19 رنز کے ساتھ وکٹ پر موجود ہیں۔

  • فرانس کے بیٹسمین نے ٹی ٹوئنٹی کا عالمی ریکارڈ توڑ دیا

    فرانس کے بیٹسمین نے ٹی ٹوئنٹی کا عالمی ریکارڈ توڑ دیا

    پیرس :فرانس کے اوپننگ بیٹسمین گسٹاؤ میک کیون نے ٹی ٹوئنٹی میں سنچری بنا کر سب سے کم عمر کھلاڑی کا عالمی ریکارڈ اپنے نام کر لیا۔تفصیلات کے مطابق تیسرے ٹی ٹوئنٹی ورلڈ کپ 2024 یورپ سب ریجنل کوالیفائر ٹورنامنٹ میں فرانس اور سوئزرلینڈ کی ٹیم کے درمیان ہونے والے میچ میں یہ عالمی ریکارڈ بنا۔

    فرانسیسی اوپنر گسٹاؤ میک کیون نے 18 سال اور 280 دن کی عمر میں یہ اعزاز اپنے نام کیا اس سے قبل یہ ریکارڈ افغانستان کے اوپنر حضرت اللہ زازئی کے نام تھا جنہوں نے 162 رنز کی ناقابل شکست اننگ کھیلی تھی۔افغانستان کے حضرت اللہ زازئی نے 2019 میں آئرلینڈ کے خلاف 62 گیندوں پر یہ کارنامہ انجام دیا تھا۔

    اوپنر میک کیون نے جمہوریہ چیک کے خلاف بھی 54 گیندوں پر 76 رنز بنائے تھے، اس ٹورنامنٹ میں میک کیون رنز میں سب سے آگے ہیں ، انہوں نے 161 کے اسٹرائیک ریٹ اور 92.50 کی اوسط سے 185 رنز بنائے ہیں۔

    میک کیون کی اننگز نے جمہوریہ چیک کے خلاف 54 گیندوں پر 76 رنز بنائے، اور نوجوان ٹورنامنٹ میں رنز کے لیے سب سے آگے ہے، اس کے 161 کے اسٹرائیک ریٹ اور 92.50 کی اوسط سے 185 رنز بنائے۔

    اتفاق ہے کہ گسٹاؤ میک کیون شاندار سنچری کے باوجود اپنی ٹیم کو شکست سے نہ بچا سکے، فرانس یہ میچ ایک سنسنی خیز مقابلے کے بعد آخری گیند پر میچ ہار گیا۔

  • گال ٹیسٹ:پاکستانی بیٹنگ فلاپ، سری لنکا کو 322 رنز کی برتری حاصل

    گال ٹیسٹ:پاکستانی بیٹنگ فلاپ، سری لنکا کو 322 رنز کی برتری حاصل

    کولمبو:سری لنکا نے گال میں ہونے والے دوسرے ٹیسٹ میچ میں پاکستان کے خلاف پہلی اننگز میں 378 رنز بنائے جس کے جواب میں پاکستان بیٹنگ لائن مکمل فلاپ ہوگئی اور پوری ٹیم 231 رنز بناکر آؤٹ ہوئی یوں میزبان ٹیم کو 147 رنز کی برتری حاصل ہوئی۔

    دوسری اننگز میں سری لنکا کی بیٹنگ لائن بھی مشکلات کا شکار رہی اور آدھی ٹیم 117 رنز پر پویلین واپس لوٹ گئی۔ روشان ڈک ولا 15 ، اوشادہ فرنانڈو 19، کوشال مینڈس 15، اینجلو میتھیوس 35، دنیش چندیمل 21 رنز بنانے کے بعد آؤٹ ہوئے۔

    پاکستان کی جانب سے نسیم شاہ نے 2 ، یاسر شاہ ، آغا سلمان اور محمد نواز نے ایک ایک وکٹ حاصل کی۔

    پاکستان کی پہلی اننگز

    ہدف کے تعاقب میں پاکستان ٹیم شروع سے ہی مشکلات کا شکار رہی اور پہلی وکٹ صفر پر ہی گرگئی، اوپنر عبداللہ شفیق بغیر کوئی رن بنائے پویلین لوٹ گئے ، امام الحق نے 32 رنز بنائے جبکہ محمد رضوان اور فواد عالم 24،24 بنانے میں کامیاب رہے ، کپتان بابر اعظم بھی 16 رنز بناکر پویلین لوٹ گئے۔

    پاکستان کی جانب سے سب سے زیادہ رنز آغا سلمان نے اسکور کیے، انہوں نے 62 رنز کی اننگز کھیلی جب کہ محمد نواز 12 اور حسن علی 21 رنز بناکر پویلین لوٹ گئے۔

    سری لنکا کی جانب سے رمیش مینڈس نے 5 جب کہ پربھات جے سوریا نے 3 اور اسیتھا فرننڈو، ڈی سلوا نے ایک ایک وکٹ حاصل کی۔

    سری لنکا کی جانب سے سب سے بڑی اننگز دنیش چندیمل نے 80 رنز کی کھیلی جن کی اننگز کا اختتام محمد نواز کی گیند پر فواد احمد کے ہاتھوں کیچ دے کر ہوا۔

    نیروشن ڈک ویلا 51، اوشادہ فرننڈو 50، دمتھ کرونارتنے 40 اور اینجلو میتھیوز 42 رنز بناکر آؤٹ ہوئے جبکہ رمیش مینڈش 35 اور ڈی سلوا 33 رنز بنانے میں کامیاب رہے۔

    پاکستان کی جانب سے نسیم شاہ اور یاسر شاہ نے 3،3 کھلاڑیوں کو آؤٹ کیا جبکہ محمد نواز 2 اور نعمان علی ایک وکٹ لینے میں کامیاب رہے۔

    واضح رہے کہ گال میں ہونے والے پہلے ٹیسٹ میچ میں پاکستان نے 4 وکٹوں سے کامیابی اپنے نام کی تھی جب کہ پاکستان کو سیریز میں 1-0 کی برتری حاصل ہے۔