Category: کھیل

لاہور: امریکی قونصل جنرل ویلیم ماکانیولے قومی کرکٹرز سے ملاقات کے لیے لاہور کے قذافی سٹیڈیم پہنچ گئے۔اطلاعات کے مطابق ویلیم ماکانیولے نے قذافی اسٹیڈیم میں بابر اعظم اور شاہین شاہ آفریدی سے ملاقات کی۔ انہوں نے امریکی قونصل جنرل خانے کے آفیشل ٹوئٹر ہینڈل سے ٹویٹ کرتے ہوئے کہا کہ پنجاب کے لوگوں نے مجھے ہمیشہ حیرت زدہ کیا ہے۔ بہترین لوگ اور ثقافت کے ساتھ ساتھ پنجاب میں بہترین کرکٹ بھی کھیلی جاتی ہے۔

امریکی سفارتکار نے کہا کہ شاہین شاہ آفریدی اور بابر اعظم اس وقت اپنی پرفارمنس کے ذریعےعروج پر ہیں۔انہوں نے ویسٹ انڈیز کے خلاف قومی ٹیم کی مجوزہ سیریز کے متعلق کہا کہ بابر اعظم کے بلے سے چھکے لگنے والے ہیں، شاہین شاہ آفریدی ویسٹ انڈیز کے خلاف تیز رفتار باؤلنگ دکھانے والے ہیں۔ میں ویسٹ انڈیز کے دورہ پاکستان کے دوران مزید پش اپس لگانے کے لیے تیار ہوں۔

یاد رہے کہ گزشتہ پی ایس ایل کے دوران ویلیم ماکانیولے کی پش آپ ویڈیو وائرل ہوئی تھی، انہوں نے پی ایس ایل سیزن 7 میں لاہور قلندرز کو سپورٹ کیا تھا۔

ادھرشاہین شاہ آفریدی جن کی بیٹنگ ویڈیوز حال ہی میں سوشل میڈیا پر وائرل ہوئیں تھیں، انہوں نے 45 گیندوں پر نصف سنچری اسکور کر ڈالی، ان کی اننگز میں 5 چوکے اور 2 چھکے شامل تھے۔ویسٹ انڈیز کے خلاف ون ڈے سیریز کیلئے لاہور میں لگایا جانے والا پاکستان کرکٹ ٹیم کا ٹریننگ کیمپ ختم ہوگیا.آخری دن بھی کرکٹرز نے پریکٹس کی، قومی اسکواڈ آج لاہور سے ملتان پہنچ جائے گا۔

قومی کرکٹ ٹیم کے تربیتی کیمپ کے آخری روز بھی ایل سی سی اے گراؤنڈ میں سیناریو بیسڈ میچ کھیلا گیا۔پریکٹس میچ میں ٹیم منیجمنٹ نے بیٹرز اور بولرز کو ٹارگٹ د یے، قومی کرکٹر خوشدل شاہ نے 64 ، عبداللہ شفیق نے 51 ، شاہین شاہ آفریدی نے 50 ،محمد رضوان نے 33، افتخار احمد نے 32 اور محمد وسیم جونیئر نے24 رنز بنائے۔

حسن علی ، شاداب خان اور خوشدل شاہ نے دو، دو کھلاڑیوں کو آؤٹ کیا، شاہنواز دھانی اور افتخار احمد نے بھی ایک، ایک وکٹ لی۔قومی اسکواڈ اب ملتان پہنچے گا جہاں پہلے ون ڈے کے آغاز سے قبل دو دن مزید پریکٹس کرے گا۔

دوسری جانب مہمان ویسٹ انڈین ٹیم 6 جون کو اسلام آباد پہنچے گی اور خصوصی پرواز کے ذریعے ملتان آئے گی، پاکستان اور ویسٹ انڈیز کے درمیان تین ون ڈے میچوں کی سیریز کا پہلا میچ آٹھ جون کو کھیلا جائے گا۔

سوئی سدرن کےلیےگیس کی قیمت میں44 فیصد اضافے کی منظوری

بھارت میں کورونا نے پھرسراُٹھا لیا

ہمارے ملک میں مداخلت کیوں:کویت نے امریکی سفیرکوطلب کرکےسخت پیغام بھیج دیا

اگست سے پٹرول کی قیمتیں کم ہونےکا امکان:اوپیک نے روس سے مدد مانگ لی

پاکستان کرکٹ ٹیم کے ہیڈ کوچ ثقلین مشتاق کا کہنا ہے کہ سیریز کوئی بھی ہو اسے آسان نہیں سمجھا جاسکتا۔ہیڈ کوچ ثقلین مشتاق نے ایک انٹرویو میں کہا کہ ویسٹ انڈیز کیخلاف سیریز کیلئے پُرجوش ہیں، موسم کے مطابق خود کو ڈھالنے کی کوشش کر رہے ہیں، کھلاڑی موسم کے مطابق خود کو تیار کر رہے ہیں،

ایشیا کپ کی میزبانی کے لیے سری لنکا کی حالت اچھی نہیں،صدر بنگلادیش کرکٹ بورڈ

لاہور میں میڈیا سے گفتگو میں ثقلین مشتاق نے کہا کہ کوئی بھی سیریز ہو آسان نہیں لی جا سکتی، ویسٹ انڈیز کے خلاف سیریز کے لئے پُر جوش ہیں۔ کھلاڑی موسم کے مطابق خود کو تیار کر رہے ہیں۔قومی ٹیم کے ہیڈ کوچ نے مزید کہا کہ شاہین آفریدی اور حسن علی نے آرام مانگا، انہیں دیا گیا ہے۔ حسن علی میچ ونر اور گیم چینجر ہے، فارم اوپر نیچے ہوتی رہتی ہے، سب کھلاڑی ایک دوسرے کو سمجھتے ہیں اور سپورٹ کرتے ہیں۔ کوشش ہے تینوں فارمیٹ میں پاکستان ٹیم ٹاپ تھری میں ہو۔

ڈیپارٹمنٹل کرکٹ نہ ہونے کی وجہ سے میچ فکسنگ بڑھنے کا خدشہ ہے:جاوید میانداد

انہوں نے کہا کہ بابر اعظم کی انفرادی اور بحیثیت کپتان پرفارمنس کا گراف بہتری کی طرف گامزن ہے، وہ مکمل کپتان ہے اور مزید بہتر ہورہا ہے۔

ہیڈ کوچ نے کہا کہ سب کھلاڑی ایک دوسرے کو سمجھتے ہیں اور سپورٹ کرتے ہیں، ٹیم کے حوالے سے کوشش ہے کہ تینوں فارمیٹس میں پاکستان ٹاپ تھری میں ہو، حسن علی میچ ونر اور گیم چینجر ہے، فارم اوپر نیچے ہوتی رہتی ہے۔

کرکٹر عمر اکمل فکسنگ کیس ، ڈیڈ لائن میں ایک بار پھر توسیع

ثقلین مشتاق نے کہا کہ بابراعظم کی انفرادی اور بحیثیت کپتان پرفارمنس کا گراف بہتری کی طرف گامزن ہے، بابراعظم مکمل کپتان ہے اور مزید بہتر ہورہا ہے۔

انٹر مدارس سپورٹس چمپئن شپ پشاور کا آغاز گزشتہ روز کیا گیا
کورکمانڈر پشاور لیفٹیننٹ جنرل فیض حمید نے افتتاح کیا۔ ان گیمز میں ضم اضلاع کے 800 سے زائد دینی مدارس کے طلباء 7 مختلف گیمز میں حصہ لیں گے۔۔

تقریب سے خطاب کرتے ہوئے کور کمانڈر پشاور لیفٹیننٹ جنرل فیض حمید نے کہا کہ قبائلی اضلاع کے دینی مدارس کے طلبہ کا کھیلوں میں حصہ لینا ہی اصل تبدیلی ہے مدارس کی تعلیم طلبہ کو آگے لے جانے میں اہم کردار ادا کر رہی ہے، مدرسہ ایک متوازی تعلیمی نظام ہے جو لوگوں کو دین سے جوڑتا ہے، تعلیم کا مقصد نوجوانوں کو معاشرے کا کار آمد شہری بنانا ہے یہ سوچنا ہوگا کہ کیا مدارس کے طلبہ ڈاکٹر اور انجینئر بن سکتا ہے اسی طرح ایک یونیورسٹی سے پڑھا ہوا نوجوان کسی مسجد کا خطیب بن سکے بدقسمتی سے آج مدرسے کا نام سنتے ہی لوگوں کے ذہن میں سوال پیدا ہوتے ہیں،ان دو نظام تعلیم کے درمیان روابط پیدا کرنا ضروری ہے ایسے کھیلوں کے مقابلے مدارس کے حوالے سے لوگوں کا ذہن بدل دیں گے.

پی ایس ایل فرنچائز پشاور زلمی نے زلمی مدرسہ لیگ کے چوتھے ایڈیشن کا اعلان کردیا

آرمی چیف سے پشاور زلمی کے چیئرمین سمیت اہم کھلاڑیوں کی ملاقات

جنوبی افریقا کے لیجنڈ بیٹسمین ہاشم آملہ پشاور زلمی کے ساتھ دوبارہ منسلک ہونے پر پرجوش

پاکستانی قومی لباس پہن کر وصول کیا ڈیرن سیمی نے ستارہ پاکستان کا اعزاز

باغی ٹی وی کی رپورٹ کے مطابق سینٹ لوشیا ، سابق ویسٹ انڈیز کپتان ڈیرن سیمی کو ستارہ پاکستان ایوارڈ سے نوازا گیا

انٹرنیشنل کرکٹ کی بحالی اور خدمات پر حکومت نے ستارہ پاکستان کا اعلان کیا تھا ستارہ پاکستان کا اعزاز ڈیرن سیمی کو ان کے شہر میں موصول ہوا ڈیرن سیمی نے شلوار قمیض زیب تن کرکے ستارہ پاکستان وصول کیا، ڈیرن سیمی کا کہنا تھا کہ ستارہ پاکستان میرے لیے بڑا اعزاز ہے

چیئرمین پشاور َزلمی جاوید آفریدی کا کہنا تھا کہ ستارہ پاکستان پر ڈیرن سیمی کو مبارک باد، پاکستان میں ڈیرن سیمی کا کردار سنہری حروفوں میں یاد رکھا جائیگا،

There it is👇🏾👇🏾👇🏾me collecting the
Sitara-I-Pakistan award 🥇. Such a proud moment https://t.co/Dv82dZ9fMC pic.twitter.com/W9FZjBQxaF

— Daren Sammy (@darensammy88) May 30, 2022

27 مئی کو سوشل میڈیا پر ڈیرن سیمی کی جانب سے ایک مختصر ویڈیو پوسٹ کی گئی جس میں انہیں قمیض شلوار میں گھر سے نکل کر کہیں جاتے ہوئے دیکھا جا سکتا ہے، ساتھ لکھا گیا تھا کہ میں کیا ریسیو کرنے جا رہا ہوں، اندازہ لگائیں،

سابق ویسٹ انڈین کپتان کو کرکٹ شائقین کی جانب سے پاکستان میں کرکٹ کی بحالی کے لیے خدمات سرانجام دینے پر سراہے جانے کے ساتھ ساتھ انہیں اعزاز ملنے پر مبارکباد بھی دی جا رہی ہے

پشاور زلمی کے ہیڈ کوچ ڈیرن سیمی نے کراچی پہنچ کر دیا فینزکو اہم پیغام