لندن۔: رافیل نڈال نے ومبلڈن اوپن ٹینس ٹورنامنٹ کے سیمی فائنل میں پہنچ میچ کھیلنے سے معذرت کرلی ،اطلاعات کے مطابق ہسپانوی شہرہ آفاق ٹینس سٹاررافیل نڈال جو کہ سخت مقابلے کے بعد اپنے حریفوں کے شکست دینے کے بعد سیمی فائنل تک پہنچنے میں کامیاب ہوگئے ہیں لیکن ساتھ ہی انہوں نے ٹورنامنٹ سے باہرنکلنے کا اعلان کرکے اپنے چاہنے والوں کی خوشیوں پرپانی پھیر دیاہے ،

ذرائع کے مطابق رافیل نڈال زخمی ہیں اوران کا کہنا ہے کہ انہوں نے پہلے زخمی حالت میں کھیل کرکامیابی حاصل کی تھی اورسیمی فائنل تک پہنچاہوں لیکن اب سیمی فائنل کھیلنے کی ہمت نہیں رہی لہذا اب وہ سیمی فائنل کھلنے سے معذرت کرتے ہیں اور ٹورنا منٹ سے باہر ہورہے ہیں‌،

یاد رہے کہ اس سے پہلے رافیل نڈال نے ریکارڈ 22 گرینڈ سلام کے چیمپئن اور میگا ایونٹ کے سیکنڈ سیڈڈ رافیل نڈال اور آسٹر یلوی ٹینس سٹار نک کرگیوس اپنی فتوحات کے تسلسل کو برقرار رکھتے ہوئے ومبلڈن اوپن ٹینس ٹورنامنٹ کے سیمی فائنل میں پہنچ گئے ۔ 36 سالہ رافیل نڈال نے مردوں کے سنگلز مقابلوں کے کوارٹر فائنل میچ میں حریف امریکی ٹینس کھلاڑی ٹیلر فریٹز کو شکست دے کر اور نک کرگیوس نے کوارٹر فائنل میچ میں چلی کے کرسچین گارن کو ہرا کر میگا ایونٹ کے سیمی فائنل کے لئے کوالیفائی کیا۔

سال کے تیسرے گرینڈ سلام ومبلڈن اوپن ٹینس کے دلچسپ مقابلے انگلینڈ کے دارالحکومت لندن میں جاری ہیں۔ ہسپانوی کلے کورٹ کے بادشاہ رافیل نڈال نے مینز سنگلز مقابلوں کے کوارٹر فائنل میچ میں انجری مسائل کے باوجود امریکہ کے حریف کھلاڑی ٹیلر فریٹز کو کانٹے دار مقابلے کے بعد شکست دے کر ٹاپ فور کے لئے کوالیفائی کرلیا۔ رافیل نڈال نے دوسرے سیٹ کے اختتام پر میڈیکل ٹائم آئوٹ لے لیا تھا۔

انہوں نے پانچویں سیٹ میں ٹائی بریک کے ذریعے فتح حاصل کی۔ اپنے ریکارڈ 23ویں گرینڈ سلام کے لئے کوشاں رافیل نڈال کی کوارٹر فائنل میں فتح کا سکور 6-3، 5-7، 6-3، 5-7 اور 6-7(4-10)رہا۔دونوں کھلاڑیوں کے درمیان کوارٹر فائنل میچ چار گھنٹے 20 منٹ تک جاری رہا۔سیمی فائنل میچ میں رافیل نڈال کا مقابلہ آسٹریلوی نک کرگیوس سے ہوگا۔ 27 سالہ آسٹریلوی نک کرگیوس نے کوارٹر فائنل میں عمدہ کارکردگی کا مظاہرہ کرتے ہوئے حریف چلی کے کرسچین گارن کو سٹریٹ سیٹس 4-6، 3-6 اور 6-7(5-7)سے شکست دے کر پہلی مرتبہ گرینڈسلام ٹورنامنٹ کے سیمی فائنل میں پہنچنے کا اعزاز حاصل کیا۔

وہ 2005 کے بعد ومبلڈن سیمی فائنل میں پہنچنے والے پہلے آسٹریلوی ٹینس کھلاڑی ہیں۔ مردوں کے سنگلز مقابلوں کی عالمی درجہ بندی میں 40 ویں نمبر کے کھلاڑی نک کرگیوس 2008کے بعد گرینڈ سلام سیمی فائنل میں پہنچنے والے لوئسٹ رینکڈ کھلاڑی ہیں۔ اس سے قبل ورلڈ نمبر 75 مراٹ صافن اور ورلڈ نمبر 94 رائنر شوئٹلر نے یہ کارنامہ انجام دیا تھا۔رافیل نڈال کو اپنا ریکارڈ مزید بہتر بنانے کے لئے اور 23گرینڈ سلام اپنے نام کرنے کے لئے اب صرف دو فتوحات کی ضرورت ہے۔

لندن:برطانیہ بھی نسلی منافرت اورانتہا پسندی کی لپیٹ میں آگیا ہے ، جس کی وجہ سے کرکٹ حکام نسل پرستانہ بدسلوکی کا مقابلہ کرنے کے لیے ٹی ٹوئنٹی انٹرنیشنل کے دوران ایجبسٹن میں ہجوم میں خفیہ اہلکار تعینات کریں گے۔تفصیلات کے مطابق وارکشائر، انگلش کاؤنٹی جس کا ہیڈ کوارٹر برمنگھم گراؤنڈ میں ہے۔

وارکشائر نے ایجبسٹن میں ہندوستان کے خلاف انگلینڈ کے حالیہ ٹیسٹ میچ کے دوران متعدد شائقین کی جانب سے بدسلوکی کے واقعات کی اطلاع کے بعد نسل پرستی کو ختم کرنے کے لیے متعدد اقدامات کا اعلان کیا ہے۔

پولیس نے پہلے ہی پانچ کے چوتھے دن پیر کو کیے گئے نسل پرستانہ تبصروں کے الزامات کی تحقیقات شروع کر دی ہیں، جس کا اختتام انگلینڈ نے ایک ڈرامائی میچ سات وکٹوں سے جیت کر کیا۔

وارک شائر کے ایک بیان میں کہا گیا ہے کہ خفیہ فٹ بال کراؤڈ اسٹائل کے اہلکاروں کو بھارت کے خلاف ٹی ٹوئنٹی سیریز کے دوران پورے اسٹیڈیم میں رکھا جائے گا تاکہ بدسلوکی کو سنیں اور فوری کارروائی کے لیے اس کی اطلاع دیں۔

وارکشائر کے چیف ایگزیکٹیو سٹورٹ کین نے کہا کہ کلب کو ٹیسٹ میچ کو متاثر کرنے والے واقعات سے نمٹنے کے لیے مزید کچھ کرنا ہوگا۔انہوں نے کہا کہ تقریباً ایک لاکھ لوگوں نے اس ہفتے کے شروع میں حالیہ تاریخ کے سب سے دلچسپ ٹیسٹ میچوں میں سے ایک دیکھا۔

اسٹورٹ کین کے مطابق ہم ایرک ہولیس اسٹینڈ میں بھارت کی پیروی کرنے والے کچھ شائقین کے ذریعہ نسل پرستانہ بدسلوکی سے چھپ نہیں سکتے۔کین کا کہنا تھا کہ تھوڑی تعداد میں لوگوں کے ان ناقابل قبول اقدامات نے کھیلوں کے ایک شاندار مقابلوں کو گہنا دیا ہے، اور اس کے ذمہ دار لوگ کرکٹ فیملی کا حصہ بننے کے مستحق نہیں ہیں۔

اسٹورٹ تسلیم کرتے ہیں کہ ہمیں لوگوں کے ساتھ ساتھ ایک مقام کے طور پر، اس بات کو یقینی بنانے کی ذمہ داری لینے کے لیے زیادہ محنت کرنے کی ضرورت ہے کہ کھیل دیکھتے وقت ہر کوئی محفوظ اور خوش آئند محسوس کرے۔”

واضح رہے کہ آفیشل انڈیا سپورٹرز کلب نے کہا کہ ایجبسٹن گراؤنڈ میں ان کے بہت سے اراکین کو چند افراد کے گروہ نے نسل پرستی کا نشانہ بنایا۔یاد رہے کہ انگلینڈ اور بھارت کے درمیان تین میچوں کی ٹی ٹوئنٹی سیریز جمعرات کو ساؤتھمپٹن ​​کے قریب ہیمپشائر کے ایجیاس باؤل گراؤنڈ میں شروع ہوگی۔

شائقین کرکٹ کے لیے بڑی خبر، پاکستان اور بھارت آئندہ ماہ ایشیا کپ میں آمنے سامنے ہوں گے۔

باغی ٹی وی : بھارتی میڈیا ایجنسیوں کےمطابق سری لنکا میں ہونے والےایشیا کپ میں اگلے ماہ دیرینہ حریف پاکستان اور بھارت ایک دوسرے سے مد مقابل ہوں گے-

سری لنکن کرکٹ ٹیم کے مزید 3 کھلاڑیوں کا کورونا ٹیسٹ مثبت

ایشیا کپ 2022 کی میزبانی کے لیے سری لنکا کو ایشین کرکٹ کونسل ( اے سی سی) سے اجازت مل گئی مطابق ایشیا کپ شیڈول کےمطابق سری لنکا میں ہو گا اورایونٹ 27 اگست سے 11 ستمبر تک کھیلا جائے گا ایشیا کپ کا کوالیفائنگ راؤنڈ 21 اگست سے شروع ہو گا جب کہ روایتی حریف پاکستان اور بھارت کا میچ 28 اگست کو ہوگا۔

قومی کرکٹ ٹیم سری لنکا کے لیے روانہ

رپورٹس کے مطابق ایونٹ کے باضابطہ شیڈول کا اعلان جلد کیا جائے گا پاکستان، بھارت، سری لنکا، افغانستان اور بنگلا دیش مین راؤنڈ میں شامل ہیں جب کہ متحدہ عرب امارات (یو اے ای)، نیپال، عمان اور ہانگ کانگ کی ٹیمیں کوالیفائنگ راؤنڈ کھیلیں گی۔

واضح رہے کہ سری لنکا میں ہونے والا ایشیا کپ ٹی ٹوئنٹی فارمیٹ میں کھیلا جائے گا۔

پاکستان اور انگلینڈ کے درمیان ٹی 20 سیریزکا انعقاد تین شہروں میں ہونے کا امکان

اس سے قبل ٹی ٹوئنٹی ورلڈ کپ 2021میں ہونے والے مقابلے میں بھارت کو پاکستان کے ہاتھوں 10 وکٹوں سے شکست کا سامنا کرنا پڑا تھا بابر اعظم کی کپتانی میں پاکستانی ٹیم نے پہلی بار بھارت کو ورلڈ کپ میں ہرا کر تاریخ ساز فتح اپنے نام کی تھی۔

نیوزی لینڈ‌ کرکٹ بورڈ کا مرد اور خواتین کرکٹرز کو برابر معاوضہ دینے کا فیصلہ

نیوزی لینڈ کرکٹ بورڈ نے مرد و خواتین میں تفریق ختم کر دی، اب مردوں اور عورتوں کو کام کا برابر معاوضہ دینے کا فیصلہ کر لیا اس طرح نیوزی لینڈ مرد اور خواتین کرکٹرز کو برابر کے معاوضے دینے والا پہلا ملک بن گیا ہے-

باغی ٹی وی : غیر ملکی میڈیا کے مطابق نیوزی لینڈ کرکٹ کی طرف سے کئے گئے نئے معاہدے کے تحت ٹیسٹ میچ کھیلنے پر مرد اور خواتین کرکٹرز کو 10 ہزار 250 ڈالر ملیں گے یہ رقم 21 لاکھ روپے سے زیادہ بنتی ہے۔

New Zealand cricket takes the first step towards gender pay equality!https://t.co/zt8RIBilR0 pic.twitter.com/seGeaIiUP7

— ESPNcricinfo (@ESPNcricinfo) July 5, 2022

جبکہ ون ڈے میچ کھیلنے پر 4 ہزار ڈالر ملیں گے یہ رقم 8 لاکھ 20 ہزار روپے کے قریب بنتی ہے اسی طرح ٹی ٹوئنٹی میچ کھیلنے پر 2500 ڈالر ملیں گے۔ یہ رقم 5 لاکھ روپے سے زائد بنتی ہے۔

نیوزی لینڈ میں ڈومیسٹک کرکٹ کھیلنے پر بھی مرد اور خواتین کرکٹرز کو برابر کا معاوضہ ملے گا۔ اس سے قبل دیگر کرکٹ بورڈز کی طرح نیوزی لینڈ میں بھی خواتین کرکٹرز کو مرد کرکٹرز کی نسبت کم معاوضہ دیا جاتا تھا۔

عوام اور معروف شخصیات کی جانب سےنیوزی لینڈ کرکٹ بورڈ کے اس اقدام کو خوش آئند قرار دیا جا رہا ہے-