Category: کھیل

قومی ٹیم کے کپتان بابر اعظم کا کہنا ہے کہ ہم سری لنکا کی کنڈیشنز کے لیے تیار ہیں ،اس کنڈیشنز میں پاکستان ٹیم اچھا کھیلتی رہی ہے۔

باغی ٹی وی : لاہور میں پریس کانفرنس کرتے ہوئے بابر اعظم نےسری لنکا کے دورے سے متعلق گفتگو کرتے ہوئے کہا کہ سری لنکا کے خلاف ٹیسٹ سیریز سے قبل ہمارے پاس کافی وقت تھا اور اسی سیریز کے پوائنٹس خاصےاہم ہیں، ہوم سیریز میں ہر ٹیم مضبوط ہوتی ہے جس سے فائدہ ہوتا ہے۔

بابر اعظم کا کہنا تھا کہ ہم نے وکٹیں لینی ہیں اور اسی پر فوکس کرنا ہے،وہاں کی وکٹوں اور اسپنرز کے مطابق سویپ پربھی کام کیا ہےٹیسٹ میں ایڈجسٹ ہونےمیں وقت لگتا ہےہم نے بحیثیت ٹیم اس پر کام کیا ہے کہ صورتحال کے مطابق ہم نے کیسا کھیلنا ہے اور ہم ٹیسٹ کرکٹ میں بھی ٹریک پر آرہے ہیں-

انہوں نے مزید کہا کہ اسپنرز کا شعبہ اچھا ہے،یاسر شاہ واپس آئے ہیں، وہاں اسپنرز کو مدد ملےگی، مجھے اپنے فاسٹ بولرز پر بھی اعتماد ہے ،وہ ہر کنڈیشن میں اچھا پرفارم کرسکتے ہیں، ٹف کنڈیشنز میں چیلنجز ہوتے ہیں لہٰذا اسی کے مطابق خود کو تیار بھی کیا ہے سابق فاسٹ بولرشعیب اختر نے کیمپ میں آکر فاسٹ بولروں کی بہت حوصلہ افزائی کی-

کشمیر پریمیئر لیگ سیزن ٹو کا این او سی جاری

بابر اعظم کا کہنا تھا کہ پاکستان ٹیم اچھا کھیل رہی ہے سب کو خوش ہونا چاہیےہمیں چیئرمین اور بورڈ سے اسپورٹ ملی، ہم اچھا کھیلے اسی کو جاری رکھنے کی کوشش کریں گے، ابھی کمبی نیشن پر کہنا قبل ازوقت ہے، سری لنکا میں سائیڈ میچ بھی ہے اس کے بعد پلیئنگ الیون کا سوچیں گے۔

ایک سوال کے جواب میں قومی کپتان نے یہ بھی کہا کہ میں ٹیسٹ میں ڈبل محنت کر رہا ہوں تاکہ میری رینکنگ اس میں بھی مزید بہتر ہو،بگ بیش لیگ (بی بی ایل) میں ابھی بہت وقت ہے، ہماری اپنی کرکٹ بہت زیادہ ہےلہٰذا ابھی اس کے بارے میں نہیں سوچا۔

ومبلڈن اوپن:اعصام الحق کو دوسرے راؤنڈ میں شکست

لاہور: پاکستان کرکٹ بورڈ (پی سی بی) نے کشمیر پریمیئر لیگ سیزن ٹو کا این او سی جاری کر دیا ہے جبکہ لیگ میں ایک نئی فرنچائز کا اضافہ بھی ہوگیا ہے-

باغی ٹی وی : کے پی ایل کے دوسرے سیزن کیلئے ایک نئی فرنچائز کا اضافہ ہوگیا ہے کشمیر پریمئیر لیگ کے ترجمان کا کہنا ہے کہ ٹورنامنٹ کے دوسرے ایڈیشن میں ایک نئی ٹیم کا اضافہ کیا گیا ہے، جس کے بعد 7 ٹیمیں ٹائٹل کی جنگ لڑیں گی جبکہ کے پی ایل میں نئی شامل ہونے والی فرنچائز جموں جانباز ہے۔

دوسری جانب پی سی بی کی جانب سے این اوسی کے بعد کے پی ایل ایڈیشن 2 کی راہ میں حائل رکا وٹیں ختم ہو گئی ہیں پی سی بی نے اگست میں لیگ کے انعقاد کے لیے عبوری این او سی دیا ہے لیگ کا سیزن 2 اگست کو کشمیر میں کھیلا جائے گا اور کشمیر پریمیئر لیگ (کے پی ایل) سیزن 2 کی ڈرافٹنگ رواں مہینے متوقع ہے کے پی ایل سیزن 2 میں نیشنل اور انٹرنیشنل کھلاڑی میدان میں اتریں گے۔

کے پی ایل کے صدرعارف ملک نے اپنے خصوصی ویڈیو پیغام میں کہا کہ اللہ تعالی کے فضل و کرم سے پاکستان کرکٹ بورڈ نے ایک مرتبہ پر اعتماد کا اظہار کیا ہے اور اور کے پی ایل سیزن 2 کو این او سی دیا ہے یہ میں سمجھتا ہوں کہ ہر اس کشمیری کی کامیابی ہے جو کرکٹ کے اندر حصہ لینا چاہ رہا ہے جو اس فیسٹیول کو دیکھنا چاہ رہا ہے-

Get Ready for the live-action, KPL gets the NOC of season 2. President KPL @marifmalik has a special message.#KheloAazadiSe #KPL pic.twitter.com/WuXL8V8HL5

— Kashmir Premier League (@kpl_20) July 3, 2022

عارف ملک نے کہا کہ خاص طور پر ہمارے کشمیری بھائی جو مقبوضہ جموں کشمیر میں ہیں یہ ان تمام کشمیریوں کیلئے کامیابی ہے اور پاکستانیوں کے لئے بھی کامیابی ہے بلکہ ساری مسلم ورلڈ کے لئے کامیابی ہے کہ ہم سیزن 2 کی طرف جا رہے ہیں اور سیزن 2 کی ایکسائٹمنٹ کافی دنوں سے چل رہی تھی اور اب کھلاڑی خاص طور پر کشمیری بچے تیار ہو جائیں کیونکہ یہ ان کشمیری بچوں کے لئے ہی لیگ ہو رہی ہے –

صدر کے پی ایل نے کہا کہ ہمارے سامنے کافی چیلنجز تھے جنہیں اللہ تعالیٰ کے فضلو کرم سے عبور کر لیا ہے سیزن ون کی ڈٹ رپورٹ بھی ان میں شامل تھی وہ بھی مکمل کر لی گئی ہے-

انہوں نے پاکستان کرکٹ بورڈ کا بھی شکریہ ادا کیا کہا کہ پاکستان کرکٹ بورڈ کا شکریہ کہ انہوں نے ہمیں سپورٹ کیا انہوں نے جو جو ہمیں کہا وہ ہم نے کیا

کشمیر پریمیئر لیگ کی ٹیموں میں جموں جانباز، راولاکوٹ ہاکس، مظفرآباد ٹائیگرز، باغ اسٹالینز، میرپور رائلز، کوٹلی لائنز اور اوور سیز واریئرز شامل ہیں-

لندن:پاکستان کے نامور ٹینس سٹار اعصام الحق قریشی ومبلڈن اوپن مینز ڈبلز مقابلوں کے دوسرے راؤنڈ میں شکست کے بعد ٹائٹل کی دوڑ سے باہر ہو گئے، لندن میں جاری گرینڈ سلیم ومبلڈن اوپن مینز ڈبلز مقابلوں کے دوسرےراؤنڈ میں سپین کے ڈیوڈ ویگا اور برازیل کے رافیل میٹوس نے پاکستان کے اعصام الحق اور قزاخستان کے الیگزینڈر نیڈو ویسوف کو شکست دے کر اگلے مرحلے کے لئے کوالیفائی کر لیا،

ذرائع کے مطابق پہلے راؤنڈ میں اعصام الحق اور ان کے جوڑی دار نے 6-3 سے کامیابی حاصل کی تاہم دوسرے راؤنڈ میں انہیں سخت مقابلے کے بعد 7-6 سے شکست کا سامنا کرنا پڑا، تیسرے راؤنڈ میں ڈیوڈ ویگا اور رافیل میٹوس کو 5-3 کی برتری حاصل تھی اس موقع پر اعصام الحق اور الیگزینڈر نیڈو ویسوف فٹنس مسائل کی وجہ سے دسبتردار ہو گئے،

واضح رہے پہسابق عالمی نمبر ون خاتون ٹینس کھلاڑی سرینا ولیمز جو ایک سال کے طویل وقفے کے بعد کورٹ میں واپس آئی تھیں کو ومبلڈن اوپن کے پہلے ہی رائونڈ میں فرانس کی نوجوان کھلاڑی ہارمونی ٹین کے ہاتھوں شکست کا سامنا کرنا پڑا ہے سرینا ولیمز جنہیں ومبلڈن اوپن میں شرکت کیلئے وائلڈ کارڈ انٹری دی گئی تھی کو فرانسیسی کھلاڑی ہارمونی نے تین گھنٹے گیارہ منٹ کے مقابلے کے بعد سات پانچ، ایک چھ، سات چھ سے شکست دی،

یاد رہے کہ ہارمونی ٹین جو عالمی درجہ بندی میں 115ویں پوزیشن پر ہیں کا ومبلڈن اوپن میں پہلا میچ تھا، اس ناکامی کے بعد سرینا ولیمز کے مستقبل پر بھی سوالیہ نشان لگ گیا ہے اور اب ان کیلئے ریکارڈ 24 واں گرینڈ سلام جیتنا ناممکن دینے لگا ہے، یہ بھی سوال اٹھایا جا رہا ہے کہ کیا سرینا ولیمز کا آخری ومبلڈن اوپن تھا راؤنڈ میں اعصام الحق اور ان کے پارٹنر نے آسٹریلیا کے جیمز ڈک ورتھ اور امریکا کے مارکوس گیرون کو شکست دی تھی۔

لاہور:پاکستان نے تیسری پاک سری لنکا انٹرنیشنل سواتے چیمپئن شپ جیت لی،اطلاعات کے مطابق پاکستان نے سونے کے 8اور چاندی کے 4تمغے جیت کر میدان مار لیاجبکہ سری لنکا نے سونے کے 6اور چاندی کے 6تمغے جیتے

یہ بھی معلوم ہوا ہے کہ انٹرنیشنل سواتے چیمپئن شپ میں مردوں کے مقابلوں کی تین کیٹیگریز میں سری لنکا نے سونے کے میڈلز جیتے
ڈی جی سپورٹس پنجاب محمد طارق قریشی نے کھلاڑیوں میں انعامات تقسیم کئے

اس موقع پرڈی جی سپورٹس پنجاب محمد طارق قریشی نے سواتے چیمپئن شپ میں کامیاب ہونیوالے کھلاڑیوں کو مبارکباددی ، ان کا کہنا تھا کہ سواتے چیمپئن شپ میں شاندار مقابلے ہوئے، سری لنکا کی ٹیم نے اچھے ڈسپلن کیساتھ مقابلوں میں حصہ لیا، ڈی جی سپورٹس پنجاب
چیمپئن شپ سے نیا ٹیلنٹ سامنے آیا ہے،

محمد طارق قریشی نے مزید کہا کہ کھلاڑیوں کو صلاحیتوں کے اظہارکیلئے پلیٹ فارم فراہم کرتے رہیں گے، صدر سواتے فیڈریشن سری لنکانے کہا ہے کہ انہیں چیمپئن شپ کے انعقاد پر بہت خوشی ہوئی ہے، چیمپئن شپ میں کھلاڑیوں نے بہترین کھیل کا مظاہرہ کیا،

پرساد وکرما سنگھے نے کہا کہ پاکستان نے بہت اچھی مہمان نوازی کی ہے جس پر شکرگزار ہیں،اس موقع پران کا کہنا تھا کہ
سواتے کے کھیل کے فروغ کیلئے ڈی جی سپورٹس پنجاب محمد طارق قریشی کا تعاون قابل تحسین ہے،

اس تقریب میں ڈائریکٹر سپورٹس ندیم قیصر، ڈسٹرکٹ سپورٹس آفیسر تنویر شاہ، ایڈمنسٹریٹر جمنیزیم غلام مصطفی شاہ بھی موجود تھے