Category: کھیل

نئی دہلی :بھارتیو:مان لوکرکٹ کے میدان میں‌ بھی اب "پاکستان زندہ باد” ہے: اطلاعات کے مطابق بھارت کے سابق کرکٹر اور کمنٹیٹر سنجے منجریکر کا کہنا ہےکہ پاکستان ٹیم اس وقت اپنے تیز ترین ٹریک پر ہے۔ان کا یہ بھی کہنا تھا کہ بھارتیوں کواب یہ تسلیم کرنا پڑے گا کہ پاکستان کرکٹ کے میدان میں ایک مقام رکھتا ہے

ادھر اس حوالے سے کرکٹ ویب سائٹ کے مطابق سنجے منجریکر نے ٹی ٹوئنٹی ورلڈکپ میں پاکستان ٹیم اور کپتان بابراعظم کی بہترین کارکردگی کی تعریف کی۔

ھارت کے سابق کرکٹر اور کمنٹیٹر سنجے منجریکر نے پاکستان کی نمیبیا کے خلاف فتح پر بات کرتے ہوئے کہا کہ پاکستانی شائقین اپنی ٹیم کی غیر معمولی مستقل مزاجی کو دیکھ کر حیران ہوں گے۔

سنجے منجریکر کا کہنا تھا کہ پاکستان ٹیم اس وقت اپنے تیز ترین ٹریک پر ہے، اس نے نہ صرف بھارت کے خلاف بلکہ مسلسل مضبوط طریقے سے اپنے ٹارگٹ حاصل کیے ہیں۔

سابق کرکٹر نے کہا کہ پاکستانی بولرز نے ٹورنامنٹ میں بہترین کارکردگی دکھائی جب کہ اسپنرز نے بہت زیادہ وکٹیں لیں اور بہت اسمارٹ بولنگ کی۔

سنجے منجریکر نے شاہین آفریدی کو ایونٹ کا بہترین بولر قرار دیتے ہوئے کہا کہ پاکستان کی بولنگ زبردست نظر آرہی ہے، عماد وسیم اور شاداب باصلاحیت اسپنرز ہیں، انہیں پتا ہےکہ بال کو کس جگہ ڈالنا ہے۔

لاہور: قومی ٹیم کی سیمی فائنل میں رسائی، صدر ،وزیراعظم سمیت دیگر کی مبارکباد،اطلاعات کے مطابق ٹی 20ورلڈ کپ کے پانچویں بار سیمی فائنل میں داخل ہونے والی قومی ٹیم کو نمیبیا کے خلاف میچ میں کامیابی کے بعد وزیراعظم،صدر مملکت سمیت مبارکباد دینے والوں کا تانتا بندھ گیا ہے۔

آج ٹی ٹوئنٹی ورلڈ کپ میں پاکستان نے نمیبیا کو 45رنز سے شکست دیکر مسلسل چوتھی کامیابی کے بعد سیمی فائنل میں رسائی حاصل کرلی ہے جس کے بعد وزیراعظم عمران خان ،صدر مملکت ڈاکٹر عارف علوی سمیت سیاسی شخصیات اور کرکٹرز کی جانب سے مبارکباد دی گئی ہے۔

وزیراعظم عمران خان

ٹی ٹوئنٹی ورلڈ کپ میں گرین شرٹس کی کامیابی پر وزیراعظم عمران خان نے مبارکباد دیتے ہوئے کہا کہ قومی ٹیم نے شاندار کھیل کا مظاہرہ کیا اور مسلسل چوتھی فتح حاصل کی۔

صدر مملکت ڈاکٹر عارف الرحمن علوی

پاکستانی صدر ڈاکٹر عارف علوی نے قومی ٹیم کی جیت پر مبارکباد دیتے ہوئے کہا کہ محمد رضوان،بابر اعظم اور محمد حفیظ کی شاندار بیٹںگ کی تعریف کی۔

وفاقی وزیر فواد چودھری

وفاقی وزیر برائے اطلاعات و نشریات فواد چودھری نے شاندار کرکٹ کھیلنے پر محمد رضوان اور بابر اعظم کا شکریہ ادا کیا۔

فرخ حبیب

وزیر مملکت برائے اطلاعات ونشریات فرخ حبیب نے پاکستان کرکٹ ٹیم کو کامیابی پر مبارکباد دیتے ہوئے کہا کہ پوری قوم کو پاکستان کرکٹ ٹیم کی فتح مبارک ہو۔

فہمیدہ مرزا

قومی ٹیم کی سیمی فائنل میں رسائی پر وفاقی وزیر برائے بین الصوبائی رابطہ ڈاکٹر فہمیدہ مرزا نے مبارکباد دیتے ہوئے کہا کہ ٹیم کے لیے نیک خواہشات، انشاء اللہ پاکستان ٹیم کپ جیت کر آئے گی۔

لاہور:وَتُعِزُّ مَن تَشَاءُ وَتُذِلُّ مَن تَشَاءُ ۖ بِيَدِكَ الْخَيْرُ ۖ۔ اے اللہ تونے پاکستان کوعزت دی:تیرا کروڑہا بارشکریہ،اطلاعات کے مطابق سینئر صحافی تجزیہ نگارمبشرلقمان نے پاکستان کرکٹ ٹیم کی مسلسل فتوحات پراللہ کا شکر ادا کرتے ہوئے کہا ہے کہ جس ذات نے پاکستان کوعزت دی پھر ان فتوحات سے پاکستانیوں کوعزت ملی اوردنیا میں پاکستان کے مخالفین کی سازشوں اورعداتوں کے باوجود ان پرپاکستان کی حیثیت ، فضیلت کو مسلمہ کیا اس پر اپنے رب کا جتنا بھی شکر کیا جائے وہ کم ہے

Congratulations Pakistan for going to Semi Finals. India bad news for you by the time you play Namibia they will fancy their chances to beat you.

— Mubasher Lucman (@mubasherlucman) November 2, 2021

مبشرلقمان نے اپنےپیغام میں‌ جہاں‌ خود اپنے رب کریم کا شکرادا کیا ہے وہاں پاکستان سے محبت رکھنے والوں کوترغیب بھی دی ہے کہ وہ اللہ کا شکرادا کریں جس نے پاکستان کو فتح کے ساتھ عزت دی ، ان کا یہ بھی کہنا تھا کہ پاکستان تواللہ کے فضل سے سیمی فائنل میں پہنچ گیا اب بھارت جو پاکستان کا ابدی دشمن ہے اس کے لیے سیمی فائنل میں پہنچنا بہت مشکل لگتا ہے ان کا یہ بھی کہنا تھا کہ اگر نمیبیا کی ٹیم اچھا کھیلی تو ہوسکتا ہے کہ بھارت اس دوڑ سے ویسے ہی باہر ہوجائے

Big 3 wanted to isolate Pakistan. As luck would have it Pakistan becomes the first team to reach the Semi Finals. Allah Kareem hai

— Mubasher Lucman (@mubasherlucman) November 2, 2021

مبشرلقمان جو کہ اس وقت پاکستانکی فتح مبین پرانتہائی خوش ہیں اورقوم کومبارکباد کا پیغام دیتے ہوئے خوش کردیا ہے

اپنے پیغام میں مزید آگے چل کر مبشر لقمان کہتے ہیں کہ ہمیں یہ نہیں بھولتا چاہیے کہ ایک طرف پاکستان کو بگ تھری کا دعوہ کرنے والی اس تین ملکی گینگ نے تنہا کرنا چاہا اس پاکستان کی محبت اللہ نے کروڑوں انسانوں کے دلوں میں مزین کردی اورپھرآج بگ تھری کی تمام سازشیں اس وقت ناکام ہوگئیں جب پاکستان سیمی فائنل میں پہنچ گیا

یاد رہےکہ آج پاکستان نے آئی سی سی مینز ٹی ٹوئنٹی ورلڈ کپ کے سپر 12 مرحلے کے گروپ 2 کے میچ میں نمیبیا کو 45 رنز سے شکست دی اور رواں ٹی ٹوئنٹی ورلڈکپ کے سیمی فائنل میں پہنچنے والا پہلا ملک بن گیا۔

پاکستان کے 190 رنز کے ہدف کے تعاقب میں نمیبیا نے مقررہ 20 اوورز میں 5 وکٹوں کے نقصان پر 144 رنز بنائے، ڈیوڈ ویزے 43 رنز بناکر نمایاں رہے۔

پاکستان نے ٹاس جیت کر بیٹنگ کا فیصلہ کیا اور مقررہ 20 اوورز میں کپتان بابر اعظم اور محمد رضوان کی شاندار بیٹنگ کی بدولت 2 وکٹوں پر 189رنز بنائے ۔

محمد رضوان ناقابل شکست 79 اور بابر اعظم 70 رنز بناکر نمایاں رہے۔

دبئی : محمد رضوان کرس گیل کا ریکارڈ توڑنے کے قریب ،اطلاعات کے مطابق پاکستان کے محمد رضوان ایک سال میں سب سے زیادہ ٹی ٹوئنٹی رنز بنانے والے پاکستانی بن گئے۔

آج ٹی ٹوئنٹی ورلڈکپ کے سپر 12 مرحلے کے میچ میں نمیبیا کے خلاف محمد رضوان نے شاندار بیٹنگ کی۔محمد رضوان 79 رنز بناکرناقابل شکست رہے۔ اس اننگز کے ساتھ ہی پاکستانی وکٹ کیپر بیٹسمین نے اس سال مجموعی طور پر 1661 ٹی ٹوئنٹی رنز بنائے۔

تاہم محمد رضوان ویسٹ انڈیز کے کرس گیل کے سال میں سب سے زیادہ ٹی ٹوئنٹی رنز کے ریکارڈ سےصرف چار رنز دور ہیں۔کرس گیل نے 2015 میں 1665 رنز بنائے تھے۔

محمد رضوان نے 2016 میں 1614رنز بنانے والے ویرات کوہلی اور 2019 میں1607 رنز بنانے والے بابر اعظم کو پیچھے چھوڑ دیا۔

آئی سی سی مینز ٹی ٹوئنٹی ورلڈ کپ کے سپر 12 مرحلے کے گروپ 2 کے میچ میں پاکستان کے190 رنز کے ہدف کے تعاقب میں نمیبیا کی بیٹنگ جاری ہے۔

پاکستان نے مقررہ 20 اوورز میں کپتان بابر اعظم اور محمد رضوان کی شاندار بیٹنگ کی بدولت 2 وکٹوں پر 189رنز بنائے ۔ محمد رضوان ناقابل شکست 79 اور بابر اعظم 70 رنز بناکر نمایاں رہے۔

پاکستان کے 190 رنز کے ہدف کے تعاقب میں نمیبیا کی پہلی وکٹ 8 رنز پر گری۔مائیک وان 4 رنز بناکر حسن علی کی گیند پر بولڈ ہوگئے۔نمیبیا کا اسکور 55 رنز پہنچا تو اسٹیفن بارڈ 29 رنز بناکر آؤٹ ہوگئے۔نمیبیا کی تیسری وکٹ 83 رنز پر گری ،کپتان اراسمس 15 رنز بناکر عماد وسیم کا شکار بنے۔

واضح رہے کہ پاکستان گروپ 2 میں مسلسل 3 میچز میں کامیابی حاصل کرکے 6 پوائنٹس کے ساتھ پہلے نمبر پر ہے جبکہ نمیبیا 2 میں سے ایک میچ جیت کر 2 پوائنٹس کے ساتھ چوتھے نمبر پر ہے۔

ابو ظہبی :ٹی 20 ورلڈ کپ:نمیبیا کیخلاف ٹاس جیت کرپاکستان کی بیٹنگ جاری ،اطلاعات کے مطابق 20 ورلڈ کپ میں پاکستان نے نمیبیا کے خلاف ٹاس جیت کر پہلے بیٹنگ کا فیصلہ کیا ہے اور پاکستان کی طرف سے اننگز شروع کردی گئی ہے

ابوظبی میں کھیلے جا رہے سپر 12 راؤنڈ کے میچ میں پاکستان نے ٹاس جیت کر نمیابی کو بیٹنگ کی دعوت دی ہے۔

نمیبیا کے کپتان جیرہارڈ ایراسمس نے بابر اعظم کے فیصلے پر خوشی کا اظہار کرتے ہوئے کہا کہ وہ ٹاس جیت کر پہلے باؤلنگ ہی کریں گے توپھر پاکستان نے پہلے بیٹنگ شروع کردی ہے

Pakistan win toss, elect to bat first.#PAKvNAM | #T20WorldCup pic.twitter.com/3y57IZJJSb

— Pakistan Cricket (@TheRealPCB) November 2, 2021

پاکستان نے میچ کے لیے ٹیم میں کوئی تبدیلی نہیں کی اور گزشتہ تینوں میچ جیتنے والی ٹیم کو برقرار رکھا ہے جبکہ نمیبیا نے ٹیم میں دو تبدیلیاں کی ہیں۔

واضح رہے کہ پاکستان گروپ 2 میں مسلسل 3 میچز میں کامیابی حاصل کرکے 6 پوائنٹس کے ساتھ پہلے نمبر پر ہے جبکہ نمیبیا 2 میں سے ایک میچ جیت کر 2 پوائنٹس کے ساتھ چوتھے نمبر پر ہے۔

ٹی ٹوئنٹی ورلڈ کپ کے سپر 12 مرحلے میں 6 ، 6 ٹیموں کو 2 گروپوں میں تقسیم کیا گیا ہے جبکہ ہر گروپ میں شامل ٹیمیں پانچ میچز کھیلیں گی اور 2 ٹاپ ٹیمیں سیمی فائنل کیلئے کوالیفائی کریں گی۔ آج کے میچ میں فتح پاکستان کی سیمی فائنل تک رسائی یقینی بنا دے گی۔

آئی سی سی مینز ٹی ٹوئنٹی ورلڈ کپ کے ساتویں ایڈیشن کا سپر 12 مرحلہ متحدہ عرب امارات میں جاری ہے۔

میچ کے لیے دونوں ٹیمیں ان کھلاڑیوں پر مشتمل ہیں۔

پاکستان: بابر اعظم(کپتان)، فخر زمان، محمد رضوان، شعیب ملک، حارث رؤف، محمد حفیظ، شاہین شاہ، حسن علی، عماد وسیم، آصف علی، شاداب خان۔

نمیبیا: جیرہارڈ ایراسمس (کپتان)، زین گرین، کریگ ولیمز، ڈیوڈ ویزے، مائیکل وین لینگین، جے جے اسمٹ، جین فریلنک، اسٹیفن بارڈ، جین نیکول لوفٹی ایٹون، روبن ٹرومپیلمین، بین شکنگو

لاہور:ٹی 20ورلڈ کپ:بنگلہ دیش پھر ہار گیا :جنوبی افریقہ کے ہاتھوں 6 وکٹوں سے شکست ،اطلاعات کے مطابق ٹی 20ورلڈ کپ میں جنوبی افریقہ نے یکطرفہ مقابلے کے بعد بنگلہ دیش کو 6وکٹوں سے پچھاڑ دیاہے۔

ابوظہبی میں شیخ زاید کرکٹ سٹیڈیم میں میگا ایونٹ کا 30واں میچ کھیلا گیا جس میں جنوبی افریقہ نے ٹاس جیت کر پہلے فیلڈنگ کا فیصلہ کیاتھا۔

جنوبی افریقی بولرز کے سامنے بنگلادیش کی بیٹنگ لائن پتوں کی طرح بکھر کر رہ گئی اور پوری ٹیم 18.2 اوورز میں 84 رنز بنا کر آؤٹ ہوگئی۔بنگلادیش کی جانب سے مہدی حسن 27 اور لٹن داس 24 رنز بنا کر نمایاں رہے۔

جنوبی افریقا کے اینرخ نورکیا اور کگیسو رباڈا نے تین، تین وکٹیں حاصل کیں۔

جواب میں جنوبی افریقا نے 14 ویں اوور کی تیسری گیند پر 4 وکٹوں کے نقصان پر ہدف حاصل کر لیا۔جنوبی افریقا کی جانب سے ٹیمبا باوما نے 31 رنز بنائے جب کہ راسی وینڈر ڈیوسن 22 اور کوئنٹن ڈی کاک 16 رنز کے ساتھ نمایاں رہے۔

بنگلا دیش کے تسکین احمد 18 رنز دے کر دو جب کہ مہدی حسن، اور نسم احمد نے ایک ایک وکٹ حاصل کی۔

لندن :میرا خیال ہے کہ انگلینڈ کو صرف پاکستان یا افغانستان ہی ہرا سکتا ہے: اطلاعات کے مطابق انگلینڈ کے سابق کرکٹر کیون پیٹرسن نے کہا ہے کہ ٹی ٹوئنٹی ورلڈکپ میں انگلینڈ کو پاکستان یا افغانستان ہی شکست دے سکتا ہے لیکن ساتھ ہی انہوں نے ایک کنڈیشن بھی بتائی۔

پیٹرسن نے اپنی ٹوئٹ میں کہا کہ اس ٹی ٹوئنٹی ورلڈکپ میں صرف پاکستان یا افغانستان اس پوزیشن میں ہیں کہ وہ باآسانی انگلینڈ کو شکست دے سکیں۔

https://twitter.com/KP24/status/1455433406356070401?ref_src=twsrc%5Etfw%7Ctwcamp%5Etweetembed%7Ctwterm%5E1455433406356070401%7Ctwgr%5E%7Ctwcon%5Es1_&ref_url=https%3A%2F%2Furdu.geo.tv%2Flatest%2F268314-

انہوں نے لکھا کہ ایسا صرف اسی صورت میں ممکن ہوسکتا ہے اگر میچ شارجہ میں استعمال شدہ وکٹ پر کھیلا جائے۔

واضح رہے کہ گزشتہ روز ٹی ٹوئنٹی ورلڈ کپ کے گروپ ون میں انگلینڈ نے سری لنکا کو 26 رنز سے ہرایا تھا جب کہ پاکستان اب تک سپر 12 مرحلے میں ناقابل شکست رہا ہے۔

ادھرابو ظہبی میں کھیلے جارہے ٹی ٹوئنٹی ورلڈکپ کے تیسویں میچ میں جنوبی افریقا نے بنگلا دیش کے خلاف ٹاس جیت کر فیلڈنگ کا فیصلہ کیا ہے جس کے جواب میں بنگلا دیش کی بیٹنگ جاری ہے۔

واضح رہے کہ جنوبی افریقا نے ایونٹ میں اب تک 3 میچز کھیلے ہیں جس میں سے 2 میں کامیابی حاصل ہوئی ہے جب کہ بنگلا دیش نے ابھی تک ایونٹ میں کوئی میچ نہیں جیتا ہے۔

دبئی : ٹی 20 ورلڈ کپ : جنوبی افریقا کی فیلڈنگ اوربنگلادیش کی بیٹنگ جاری اطلاعات کے مطابق ٹی ٹوئنٹی ورلڈ کپ گروپ اے کے میچ میں جنوبی افریقا نے سری لنکا کیخلاف ٹاس جیت کر فیلڈنگ کا فیصلہ کیا ہے۔

ابو ظبی میں کھیلے جارہے میچ میں جنوبی افریقا کے کپتان ٹمبا باووما نے ٹاس جیت کر بیٹنگ کا فیصلہ کیا ہے۔

خیال رہے کہ گروپ اے میں اس وقت انگلینڈ 4 میچز جیت کر 8 پوائنٹس کے ساتھ پہلے جب کہ جنوبی افریقا 4 پوائنٹس کے ساتھ دوسرے نمبر پر ہے۔بنگلادیش اس وقت پوائنٹس ٹیبل پر صفر کیساتھ آخری نمبر پر ہے۔

دوسری طرف ٹی ٹوئنٹی ورلڈکپ میں نیوزی لینڈ اور پاکستان کے خلاف بدترین شکست کو بھارتی فاسٹ بولر جسپریت بمراہ نے کھلاڑیوں کی تھکن سے منسوب کردیا۔

جسپریت بمراہ نے آئی پی ایل سمیت بھارتی کھلاڑیوں کے گزشتہ 6 ماہ سے کیے جانے والے دوروں سے متعلق سوال کے جواب میں کہا کہ بھارتی ٹیم بائیو سکیور ببل کی تھکاوٹ کا شکار ہے اور کھلاڑی گزشتہ 6 ماہ سے کیے جانے والے دوروں کے سبب بھی تھکن سے متاثر ہیں۔

بھارتی ٹیم اپریل میں انڈین پریمیئر لیگ (آئی پی ایل ) شروع ہونے سے قبل سفر کررہی ہے، ٹیم نے کورونا وائرس کے پیش نظر ملتوی ہونے والے آئی پی ایل کے دوبارہ ری شیڈول ہونے کے بعد ستمبر میں متحدہ عرب امارات کا بھی دورہ کیا، اس سے قبل ٹیسٹ ٹیم انگلینڈ کا بھی دورہ کرچکی ہے۔

اس حوالے سے گفتگو کرتے ہوئے جسپریت بمراہ کا کہنا تھا کہ آپ کو واقعی بریک کی ضرورت ہوتی ہے، جب آپ 6 ماہ سے سفر کررہے ہوں تو آپ کو اپنی فیملی کی یاد بھی ستاتی ہے۔

انہوں نے کہا کہ جب آپ کھیل کے لیے میدان میں جاتے ہیں تو آپ ان سب چیزوں کے بارے میں نہیں سوچتے لیکن درحقیقت اتنے عرصے تک اپنی فیملی سے دور رہنا اور ببل میں رہنا معنی رکھتا ہے۔

جسپریت بمراہ کا کہنا تھاکہ ہمیں بھارتی کرکٹ بورڈ نے ایک آرام دہ ماحول فراہم کرنے کی پوری کوشش کی، ہم جانتے ہیں کہ یہ مشکل وقت ہے اور ہم اس سے لڑنے کی کوشش کررہے ہیں لیکن اس کے باوجود تھکن ہوجاتی ہے۔

خیال رہے کہ ٹی ٹوئنٹی ورلڈکپ میں بھارت کی ٹیم مسلسل دو میچ ہار چکی ہے، پہلے میچ میں روایتی حریف پاکستان سے 10 وکٹوں جب کہ دوسرے میچ میں نیوزی لینڈ کے ہاتھوں 8 وکٹوں سے ہاری ہے، بھارتی ٹیم کے ایونٹ کے سیمی فائنل تک رسائی کے امکانات معدوم ہوچکے ہیں۔