Category: کھیل

ٹوکیو اولمپکس کو کورونا پھر سے ہراساں کرنے لگا، تشویشناک خبر آگئی

باغی ٹی وی :کورونا اپنے اثرات پھر دکھا رہا ہے . عالمی ایونٹ کو بھی متاثر کرنے جارہا ہے اس حوالے سے اولمپک ولیج سے کھیل کےلیے پریشانی والی خبر سامنے آگئی ہے کہ یوگنڈا اولمپک ٹیم جب جاپان پہنچا تو اس کے ایک رکن کے اندر کووڈ 19 کے ڈیلٹا ویرینٹ کا انکشاف ہوا ہے ۔

اس انکشاف کے بعد ٹیم کے ممبر کو فوری طور پر قنطرینہ کردیا گیا ہے اس طرح دیگر عملے کے لیے حفاظتی تدابیر بڑھا دی گئی ہیں‌

اس خبر کے بعد ٹوکیو اولمپکس کے شروع ہونے میں‌بہت کم عرصہ رہ گیا ہے جو کہ چار ہفتوں سے بھی کم کا ہے، جاپان میں تیاریاں آخری مراحل میں پہنچ چکی ہے ، گزشتہ روز اولمپک مشعل جاپان کے تاریخی شیزوکا پراونس میں پہنچی تو اس کا شاندار استقبال کیا گیا .

یہاں‌سے بھی خبریں‌آرہی ہیں کہ اس موقع پر لوگوں کا بڑا ہجوم تھا اور ان میں ایس او پیز کا کوئی بھی اہتمام نہیں تھا . کووڈ پروٹوکولز کی سختی نہیں دیکھی گئی ، اولمپک مشعل شیزوکا میں تین روز رہے گی ۔

پی ایس ایل فائنل میں پشاور زلمی کی شکست پر شعیب ملک کا دلچسپ تبصرہ

باغی ٹی وی :پی ایس ایل 6 کے فائنل میں شکست کھانے والی ٹیم پشاور زلمی کے مایہ ناز بلے باز اور سینئر کھلاڑی شعیب ملک نے کہا ہے کہ یہ سال ان کے لیے تھا ہی نہیں اس لیے ہماری جیت اس سال نہیں ہونا تھی .

شعیب ملک کا کہنا تھا کہ شاندار کھیل پیش کرنے والی ملتان سلطان ہی جیت کی حق دار تھی ، انہوں نے اپنی ٹویٹ میں کہا کہاس سال ہمارے لیے چیمپئن بننا تھا نہیں‌ یہ سال ہمارا نہیں تھا .

لیکن ایک شاندار ٹیم کے مقابلے کھیل کر بہت اچھا محسوس ہورہا ہے۔شعیب ملک کا کہنا تھا کہ اگلے برس ہم مزید تیاری اور جزبے سے شریک ہوں‌گے اور مزید مضبوط ہوکر کھیلیں‌ گے .

– A win for a truly deserving camp; great game overall @MultanSultans! This wasn't our year but it feels good to have pitched against a well-rounded team and here's to coming back strong for the next season. Until then #MatchDhikao, Dare to Dream & Stay Safe! #WeGoOn #HBLPSL6 ♥️

— Shoaib Malik 🇵🇰 (@realshoaibmalik) June 25, 2021

خیال رہے کہ پی ایس ایل کے فائنل میں پشاور زلمی کی ٹیم ملتان سلطان کے ہدف کو پورا نہ کرسکی اور 207 رنز کے جواب میں صرف 159 رنز بنا سکی ، اس میں‌سب سے زیادہ سکور کرنے والے شعیب ملک ہی تھے جنہوں‌نے 28 گیندوں میں 48 رنز بنائے اور اس میں 3 چھکے اور 3 چوکے لگائے ،

پشاور زلمی کا ٹاس جیت کر اہم فیصلہ

باغی ٹی وی :پاکستان سپر لیگ (پی ایس ایل 6) کے فائنل میچ میں پشاور زلمی کے کپتان وہاب ریاض نے ٹاس جیت کر ملتان سلطانز کو پہلے بیٹنگ کی دعوت دی ہے۔

بائیو سیکیور ببل کی خلاف ورزی کے بعد پشاور زلمی نے عمید آصف کی جگہ ثمین گل کو کھلایا جبکہ ملتان سلطانز نے سکواڈ کو برقرار رکھا۔
ملتان سلطانز سکواڈ:

شان مسعود ،محمد رضوان، صہیب مقصود، روسو، چارلس، خوشدل شاہ، سہیل تنویر، عمران طاہر، موذربانی، عمران خان، شاہنواز دھانی

پشاورزلمی سکواڈ:

حضرت اللہ زازئی، کامران اکمل، ویلز، شعیب ملک، رومن پول، ردرفورڈ، عماد بٹ، وہاب ریاض، ثمین گل، محمد عرفان،محمد عمران

قومی اسکواڈ کے تمام ارکان کی تیسری کوویڈ 19 ٹیسٹنگ کے رزلٹ آگئے

باغی ٹی وی :لاہور میں موجود قومی اسکواڈ کے تمام ارکان کی تیسری کوویڈ 19 ٹیسٹنگ کے رزلٹ بھی منفی

تین کھلاڑیوں اور آٹھ ٹیم آفیشلز کی تیسری کوویڈ 19 ٹیسٹنگ گزشتہ روز کی گئی تھی، قومی کرکٹ ٹیم کل انگلینڈ روانہ ہوگی

پاکستان اور انگلینڈ کے مابین تین ون ڈے اور تین ٹی ٹونٹی انٹرنیشنل میچز پر مشتمل سیریز 8 جولائی سے شروع ہوگی.پہلے پلان کے مطابق لاہور میں موجود تین کھلاڑیوں اور 7 آفیشلز نے ابوظہبی سے کھلاڑیوں کے ہمراہ برطانیہ روانہ ہونا تھا۔ پاکستان اور انگلینڈ کے درمیان 3 ون ڈے اور 3 ٹی ٹونٹی میچز پر مشتمل سیریز کھیلنی ہے۔

ٹی ٹونٹی اور ون ڈے کے کھلاڑی پی ایس ایل فائنل کھیلنے کے بعد لاہور پہنچیں گے۔ اسکے بعد ایئرپورٹ سے ہی برطانیہ روانہ ہونگے۔

باغی ٹی وی : یورو کپ فٹ بال ، گروپ سٹیج مکمل ہو گیا

یوئیفا کے زیر اہتمام میگا ایونٹ کے دلچسپ مقابلوں کا سلسلہ جاری ہے۔ یورو کپ فٹبال کا گروپ اسٹیج مکمل ہو گیا ہے یورپیئن فٹ بال چیمپئن شپ میں آج آخری دو گروپ میچ کھیلے جائیں گے۔16 ٹیمیں ناک آؤٹ مرحلے میں پہنچ گئیں۔

جرمنی اور ہنگری کے درمیان میچ دو دو گول سے برابر جبکہ پرتگال اور فرانس کا میچ بھی 2-2 گول سے برابری پر ختم ہوا ۔گروپ ایف سے فرانس ، جرمنی اور پرتگال پری کوارٹر فائنل میں جگہ بنا چکے ہیں‌

گروپ ایف کے پہلے میچ میں جرمنی اور ہنگری کی ٹیمیں فٹ بال ارینا، میونخ میں آمنے سامنے ہوں گی۔ جرمنی کی ٹیم تین پوائنٹس کے ساتھ دوسرے نمبر پر ہے.

گروپ ایف کا دوسرا میچ عالمی چیمپئن فرانس اور دفاعی چیمپئن پرتگال کے درمیان پوسکز ارینا، بڈاپیسٹ میں کھیلا جائے گا۔ فرانس گروپ میں چار پوائنٹس کے ساتھ پہلے جبکہ پرتگال تین پوائنٹس کے ساتھ تیسرے نمبر پر ہے۔

پی ایس ایل 6 جو آج جیتا وہ فائنل کھیلے گا

باغی ٹی وی : پی ایس ایل 6 میں دفاعی چیمپئن کراچی کنگز مزید جگہ بنانے میں ناکام رہی اور گھر کو چلی گی ، آج کا واحد اور اہم میچ اسلام آباد یونائیٹڈ اور پشاور زلمی کے درمیان ہو گا، جوجیتے گی وہ ملتان سلطانز کے خلاف فائنل میں مدمقابل ہو گی۔

شیخ زید اسٹیڈیم ابوظہبی میں کرکٹ سپر ہٹ، پی ایس ایل دوسرے الیمینٹر میں آج پشاور زلمی اور دو بار کی چیمپئن رہنے والی ٹیم اسلام آباد یونائیٹڈ کا دنگل ہو گا، میچ رات 9 بجے شروع ہو گا۔ دونوں ٹیموں کے پاس آخری موقع ہے جو جتی وہی فائنل میں پہنچے گی .

خیال رہے کہ پی ایس ایل 6 کے کوالیفائر راؤنڈ میں اسلام آباد یونائیٹڈ کو شکست دے کر ملتان سلطانز فائنل میں پہنچ گئی ہے . ملتان سلطان پہلی بار فائنل میں پہنچی ہے .

اسلام آباد یونائیٹڈ کو کوالیفائر میں شکست، ملتان سلطانز پہلی بار فائنل میں ملتان سلطانز کے 181 رنز کے ہدف کے تعاقب میں ایونٹ کی ٹاپ ٹیم اسلام آباد 31 رنز پہلے ہی ہمت ہار گئی۔

یونس خان کی کرکٹ بورڈ کو چھوڑنے کی وجوہات سامنے آگئیں

باغی ٹی وی ‌: قومی کرکٹ ٹیم کے کوچ یونس خان کی پاکستان کرکٹ بورڈ پی سی بی کے ساتھ راہیں جدا ہونے کی تصدیق ہوچکی ہے .اختلافات کی وجوہات سامنے آنا شروع ہوگئی ہیں‌. ان ختلافات میں جب شدت آئی اسی لیے یونس خان نے انگلینڈ روانگی سے قبل 5 روزہ ہوٹل آئسولیشن میں بھی شرکت نہیں کی تھی،

اس طرح‌ذرائع نے واضح‌کیا کہ یونس خان اور پی سی بی مینجمنٹ کے درمیان اختلافات تھے . .مختلف اختلافات کی وجہ سے یونس خان نے لاہور کے بائیو سیکیور ببل میں بھی رپورٹ نہیں کیا ۔

یونس خان نے ببل میں تاخیر سے رپورٹ کرنا تھی اس دوران بورڈ کے ایک اعلیٰ عہدیدار اختلافات ختم کرنے کی کوشش کرتے رہے لیکن تاہم فریقین میں اختلافات کم نہ ہوسکے۔

خیال رہے کہ پاکستان کرکٹ بورڈ اورقومی کرکٹ ٹیم کے بیٹنگ کوچ یونس خان نے باہمی اتفاق رائے سے راہیں جدا کرلی ہیں۔ یونس خان کو گزشتہ سال نومبر میں 2 سال کے لیے بیٹنگ کوچ مقرر کیا گیا تھا۔

پاکستان کرکٹ بورڈ کے چیف ایگزیکٹو وسیم خان کا کہناہے کہ یونس خان جیسی قدآور اور تجربہ کار شخصیت کو کھونا افسوسناک ہے۔انہوں نے کہا کہ دونوں فریقین نے طویل مشاورت کے بعد باہمی اتفاق رائے سے راہیں جدا کرنے کا فیصلہ کیا ہے

قومی ٹیم کے بیٹنگ کوچ یونس خان کی پی سی بی سے راہیں جدا

باغی ٹی وی کی رپورٹ کے مطابق پاکستان کرکٹ بورڈ اورقومی کرکٹ ٹیم کے بیٹنگ کوچ یونس خان نے باہمی اتفاق رائے سے راہیں جدا کرلی ہیں۔ یونس خان کو گزشتہ سال نومبر میں 2 سال کے لیے بیٹنگ کوچ مقرر کیا گیا تھا۔

پاکستان کرکٹ بورڈ کے چیف ایگزیکٹو وسیم خان کا کہناہے کہ یونس خان جیسی قدآور اور تجربہ کار شخصیت کو کھونا افسوسناک ہے۔انہوں نے کہا کہ دونوں فریقین نے طویل مشاورت کے بعد باہمی اتفاق رائے سے راہیں جدا کرنے کا فیصلہ کیا ہے۔

انہوں نے مزید کہا کہ وہ مختصر دورانیہ کے لیے قومی کرکٹ ٹیم کے بیٹنگ کوچ کی حیثیت سے یونس خان کی خدمات کا اعتراف کرتے ہیں ، پرامید ہیں کہ وہ اپنے تجربے اورقابلیت کے تبادلے کے لیےمستقبل میں بھی پی سی بی کو دستیاب ہوں گے۔

پی سی بی اور یونس خان نے اس معاملے پر مزید کسی بھی تبصرے سے گریز کرنے پر اتفاق کیا ہے۔لہٰذا، دورہ انگلینڈ میں قومی کرکٹ ٹیم کو بیٹنگ کوچ کی خدمات میسر نہیں ہوں گی تاہم دورہ ویسٹ انڈیز کے لیے یونس خان کے متبادل کا فیصلہ مناسب وقت پر کیا جائے گا۔

قومی کرکٹ ٹیم کا دورہ انگلینڈ25 جون سے 20 جولائی تک شیڈول ہے۔اس دورے میں 3 ون ڈے اور 3 ٹی ٹونٹی انٹرنیشنل میچز شامل ہیں۔ قومی کرکٹ ٹیم 21 جولائی کو ویسٹ انڈیز روانہ ہو گی، جہاں اسے 24 اگست تک 5 ٹی ٹونٹی اور 2 ٹیسٹ میچز کھیلے جائیں گے۔

ملتان سلطانز نے پی ایس ایل میں پہلی بار حاصل کی بڑی کامیابی

باغی ٹی وی :پی ایس ایل 6 کے کوالیفائر راؤنڈ میں اسلام آباد یونائیٹڈ کو شکست دے کر ملتان سلطانز فائنل میں پہنچ گئی ہے . ملتان سلطان پہلی بار فائنل میں پہنچی ہے .

اسلام آباد یونائیٹڈ کو کوالیفائر میں شکست، ملتان سلطانز پہلی بار فائنل میں ملتان سلطانز کے 181 رنز کے ہدف کے تعاقب میں ایونٹ کی ٹاپ ٹیم اسلام آباد 31 رنز پہلے ہی ہمت ہار گئی۔

اسلام آباد یونائٹیڈ کی طرف سے عثمان خواجہ 70 رنز کے ساتھ ٹاپ اسکورر رہے، دیگر بیٹسمینوں میں حسین طلعت 25، افتخار احمد 16،محمد وسیم 13 رنز ہی بناسکے۔

اس سے قبل ملتان سلطانز نے صہیب مقصود کی نصف سنچری اور خوشدل شاہ اور چارلس کی عمدہ بیٹنگ کی بدولت 20اوورز میں 180رنز بنائے۔

اسلام آباد یونائیٹڈ کی ٹیم مقررہ 20اوورز میں 9 وکٹ پر 149رنز تک محدود رہی، یوں ایونٹ کا اہم میچ ملتان سلطانز نے 31رنز سے جیت لیا

دورہ ویسٹ انڈیز کے لیے 26 کھلاڑیوں کا اعلان کردیا گیا

عروج ممتاز کی سربراہی میں کام کرنے والی سلیکشن کمیٹی نے دورہ ویسٹ انڈیز میں شامل وائیٹ بال سیریز کےلیے قومی خواتین اور اے کرکٹ ٹیموں کے لیے26 کھلاڑیوں کا اعلان کردیا ہے۔

208 ون ڈے انٹرنیشنل میچز میں پاکستان کی نمائندگی کرنے والی جویریہ خان کو دورہ ویسٹ انڈیز کے لیے قومی خواتین کرکٹ ٹیم کی کپتان مقرر کیا گیا ہے۔

ون ڈے اور ٹی ٹونٹی سیریز کے لیے قومی خواتین اے کرکٹ ٹیم کی علیحدہ علیحدہ کپتان نامزد کی گئی ہیں۔ ون ڈے سیریز میں قومی خواتین اے کرکٹ ٹیم کی قیادت رامین شمیم کریں گی۔ وہ2 ون ڈے اور 4 ٹی ٹونٹی انٹرنیشنل میچز میں ملک کی نمائندگی کرچکی ہیں۔ٹی ٹونٹی سیریز میں سدرہ امین قومی خواتین اے کرکٹ ٹیم کی قیادت کریں گی۔ وہ 98 انٹرنیشنل میچز کا تجربہ رکھتی ہیں۔

اسکواڈ:
جویریہ خان (کپتان ، قومی خواتین کرکٹ ٹیم) ، رامین شمیم (ون ڈے کپتان قومی خواتین اےکرکٹ ٹیم) ، سدرہ نواز (ٹی 20 کپتان قومی خواتین اےکرکٹ ٹیم) ، عالیہ ریاض ، ایمن انور ، انعم امین ، عائشہ نسیم ، عائشہ ظفر ، ڈیانا بیگ ، فاطمہ ثناء ، ارم جاوید ، جویریہ رؤف ، کائنات امتیاز ، کائنات حفیظ ، ماہم طارق ، منیبہ علی صدیقی (وکٹ کیپر) ، ناہیدہ خان ، نجیہ علوی (وکٹ کیپر) ، نشرہ سندھو ، نتالیہ پرویز ، ندا ڈار ، عمیمہ سہیل ، صباء نذیر ، سعدیہ اقبال ، سدرہ امین اور سیدہ عروب شاہ

قومی خواتین کرکٹ ٹیم کے دورہ کیریبئن میں3 ٹی ٹونٹی اور 5 ون ڈے انٹرنیشنل میچزشامل ہیں۔ اس دوران دونوں ممالک کی خواتین اے کرکٹ ٹیموں کے مابین 3 ٹی ٹونٹی اور 3 ون ڈے میچزپر مشتمل کی سیریز کھیلی جائے گی۔یہ تمام 26 کرکٹرز ان تمام 14 میچز کے لیے دستیاب ہوں گی۔

عروج ممتاز، چیئرپرسن نیشنل ویمنز سلیکشن کمیٹی:

عروج ممتاز کا کہنا ہے کہ قومی خواتین کرکٹ ٹیم اور قومی خواتین اے کرکٹ ٹیم کا اکٹھے کسی دورے پر روانہ ہونا پاکستان کے لیے ایک تاریخی لمحہ ہے۔

انہوں نے کہاکہ دورہ ویسٹ انڈیز دراصل قومی خواتین کرکٹ کے پول میں شامل کھلاڑیوں کے لیے اپنی صلاحیتوں کے اظہار کا بہترین موقع ہے جس کی بدولت وہ سیزن 21-2022 میں اپنی جگہ مزید بہتر کرسکتی ہیں۔

ان کا کہنا تھا کہ یہ 26 خواتین کرکٹرزبہترین کارکردگی کی بدولت گزشتہ 9 ماہ سے ہمارے ہائی پرفارمنس کیمپس کا حصہ ہیں، جہاں انہوں نے اپنی خامیوں پر قابو پانے کے لیے ہیڈ کوچ قومی خواتین کرکٹ ٹیم ڈیوڈ ہیمپ کی زیرنگرانی سخت محنت کی ہے۔

انہوں نے مزید کہا کہ دورے میں شامل قومی خواتین اے کرکٹ ٹیم کے میچز نوجوان کھلاڑیوں کو عمدہ کارکردگی کی ترغیب دیں گے ان میچز میں بہتر پرفارمنس انہیں قومی خواتین کرکٹ ٹیم کا حصہ بناسکتی ہے۔

عروج ممتاز نے کہا کہ پاکستان نے ویسٹ انڈیز کے خلاف آخری دوطرفہ سیریز میں مقابلہ جاتی کرکٹ کھیلی تھی، خصوصاََ ٹی ٹونٹی سیریز میں دونوں ٹیموں کے مابین سنسنی خیز مقابلہ ہوا تھا، اس سیریز کے بعد پاکستان نے ون ڈےسیریز میں ویسٹ انڈیز کو شکست بھی دی تھی۔

عروج ممتاز پرامید ہیں کہ پاکستان کا دورہ ویسٹ انڈیز میں شائقین کرکٹ کو زبردست مقابلے دیکھنے کو ملیں گے۔

دورے میں شامل 26 کھلاڑیوں سمیت قومی خواتین اے کرکٹ ٹیم کی منیجمنٹ21 جون بروز پیر کی صبح لاہور پہنچ جائے گی۔ اسکواڈ میں شامل تمام ارکان 23 جون بروز بدھ کو لاہور سے انٹیگا روانہ ہوں گے۔

لاہور پہنچنے پر ان تمام افراد کی کوویڈ 19 ٹیسٹنگ کی جائے گی، اسکواڈ میں شامل جس رکن کا کوویڈ 19 ٹیسٹ منفی آئے گا صرف اسے ہی اسکواڈ کے ہمراہ ویسٹ انڈیز روانگی کی اجازت ہوگی۔

ویسٹ انڈیز پہنچنے پر تمام اسکواڈ ارکان کی پانچ روز میں 2 مرتبہ کوویڈ 19 ٹیسٹنگ کی جائے گی۔اس دوران یہ تمام ارکان روم آئسولیشن میں رہیں گے۔

ٹیم منیجمنٹ:

عائشہ جلیل اور فزاء عابد (منیجرز) ، ڈیوڈ ہیمپ (ہیڈ کوچ) ، ارشد خان (بولنگ کوچ) ، کامران حسین اور وقار اورکزئی (اسسٹنٹ کوچز) ، ڈریکس سائمن (اسٹرینتھ اور کنڈیشنگ کوچ) ، زبیر احمد (ویڈو اینالسٹ) ، رابعہ صدیق اور صائمہ نسیم (فزیوتھیراپسٹس) اور احسن افتخار ناگی (میڈیا منیجر)