Category: کھیل

اسلام آباد یونائیٹڈ پلے آف کے لیے کوالیفائی کرنے والی پہلی ٹیم بن گئی

باغی ٹی وی : پی ایس ایل میں اس وقت اگلا مرحلہ شروع ہوچکا ہے اس سلسلے میں اسلام آباد یونائیٹڈ پی ایس ایل سیزن سکس کے پلے آف کے لیے کوالیفائی کرنے والی پہلی ٹیم بن گئی ہے۔
پاکستان سپر لیگ 6 کے دلچسپ مقابلے جاری ہیں۔ابو ظہبی میں کھیلے جانے والے پی ایس ایل مقابلوں میں اسلام آباد یونائیٹڈ پہلی ٹیم جسے یہ اعزاز حاصل ہوا ہے

پی ایس ایل کے حالیہ سیزن میں اسلام آباد یونائیٹڈ آٹھ میچز میں بارہ پوائنٹس حاصل کرکے پہلی پوزیشن پر ہے، پشاور زلمی دوسرے ، لاہور قلندرز تیسرے نمبر پر ہے، دونوں ٹیمیں بھی 8، 8 میچز کھیل چکی ہے اور دونوں کے 10، دس پوائنٹس ہیں۔

ملتان سلطانز 6 پوائنٹس کے ساتھ چوتھے نمبر پر ہے، دفاعی چیمپئن کراچی کنگز کی 6 پوائنٹس کے ساتھ پوائنٹس ٹیبل پر پانچویں پوزیشن ہے جبکہ کوئٹہ گلیڈی ایٹرز 4 پوائنٹس کے ساتھ ٹیبل پر آخری نمبر پر ہے۔

پاکستان ویمن کرکٹ ٹیم کا دورہ سری لنکا کھٹائی میں‌ پڑ گیا

باغی ٹی وی : پاکستان ویمن کرکٹ ٹیم کا دورہ سری لنکا کھٹائی میں پڑ گیا ، سری لنکن کرکٹ نے سیریز مؤخر کرنے کا کہہ دیا جبکہ اس سے پہلے سری لنکن حکومت اپنے بورڈ کو ایسا کہتی آئی ہے .

ذرائع کا کہنا ہے کہ پاکستان اور سری لنکا ویمن کرکٹ سیریز رواں ماہ میں تجویز کی گئی تھی، پاکستان کرکٹ بورڈ نے ایک اور بورڈ کے ساتھ سیریز کی بات چیت شروع کر دی۔

پاکستان ویمن کرکٹ نے رواں ہفتے دورے کو حتمی شکل دینے کا امکان ظاہر کیا ہے . دورے کی منظوری کی صورت میں ویمن ٹیم اس ماہ کے آخر میں دورہ کرے گی، دورے میں ون ڈے اور ٹی ٹوئنٹی میچز کی سیریز کھیلی جائے گی۔

پاکستان ویمن کرکٹ ٹیم کا ٹریننگ کیمپ کراچی میں جاری ہے۔دوسری جانب پی ایس ایل کا اہم ترین میچ آج کوئٹہ گلیڈی ایٹرز اور ملتان سلطانز کے درمیان کھیلا جائے گا، پلے آف کی امیدوں کو زندہ رکھنے کیلئے سرفراز الیون کو آج کا میچ جیتنا لازمی ہے، شکست ہوئی تو پی ایس ایل کے بقیہ میچز ان کے لئے بے معنی ہوجائیں گے۔

ملتان سلطانز کیلئے آج کا میچ نہایت اہمیت کا حامل ہے، اگر سلطانزہارتے ہیں تو پلے آف تک رسائی کیلئے انہیں آخری دونوں میچ بڑے مارجن سےجیتنا ہوں گے۔

کوئٹہ گلیڈی ایٹرز نے سخت جان قلندرز کو رستے میں ہی تھکا دیا

باغی ٹی وی : لاہور قلندرز کی ہدف کے تعاقب میں بلے بازی جاری ہے . جب کہ قلندرز کو اس وقت مشکلات کا سامنا ہے اور اس کے 6 کھلاڑی صرف 64 رنز پر ڈھیر ہوگئے ہیں . ٹم ڈیوڈ اور دانیال کریز پر موجود ہیں . اس سے قبل پاکستان سپر لیگ کے 23ویں میچ میں لاہور قلندرز نے ٹاس جیت کر کوئٹہ گلیڈی ایٹرز کیخلاف پہلے فیلڈنگ کرنے کا فیصلہ کیا تھا۔ گلیڈی ایٹرز نے مقررہ بیس اوورز میں پانچ وکٹوں کے نقصان پر 158 رنز بنائے۔

کوئٹہ گلیڈی ایٹرز کی جانب سے جیک ویدرایلڈ کامیاب بلے باز رہے جنہوں نے 8 چوکوں اور 1 چھکے کی مدد سے 48 رنز کی جارحانہ اننگز کھیلی۔ دیگر بلے بازوں میں کپتان سرفراز اح٘د 34، اعظم خان 33 اور حسن خان 12 رنز بنا کر نمایاں رہے۔

لاہور قلندرز کی جانب سے جیمز فلکنرز نے 3 جبکہ محمد حفیظ اور راشد خان نے ایک، ایک وکٹ حاصل کی۔ ہدف کے تعاقب میں لاہور قلندرز کی بلے بازی جاری ہے
پوائنٹس ٹیبل پر لاہور قلندرز کی ٹیم دوسرے جبکہ کوئٹہ گلیڈی ایٹرز آخری نمبر پر ہے۔

کوئٹہ گلیڈی ایٹرز کی ٹیم کپتان سرفراز احمد، جیک ویدرآلڈ، عثمان خان، کیمرون ڈیلپورٹ، اعظم خان، محمد نواز، حسان خان، ظاہر خان، ظہور خان، محمد حسنین اور خرم شہزاد پر مشتمل ہے۔

اسی طرح لاہور قلندرز کی ٹیم میں کپتان سہیل اختر، فخر زمان، زیشان اشرف، محمد حفیظ، بینک ڈنک، ٹم ڈیوڈ، جیمز فولکنر، راشد خان، احمد دانیال، شاہین شاہ آفریدی اور حارث رؤف شامل ہیں۔

لاہور قلندرز نے کوئٹہ گلیڈی ایٹر ز کے خلاف ٹاس جیت لی

باغی ٹی وی : لاہور قلندرز نے کوئٹہ گلیڈی ایٹرز کیخلاف ٹاس جیت کر فیلڈنگ کا فیصلہ کیا ہے ،ابوظبی کے شیخ زید اسٹیڈٰیم میں کھیلے جانے والے میچ میں لاہور قلندرز کے کپتان سہیل اختر نے ٹاس جیت کر سرفراز احمد الیون کو پہلے بلے بازی کی دعوت دی ہے،
سرفراز احمد نے ٹیم میں ٹیم میں رد بدل کے بارے بتاتے ہوئے کہا کہ ٹیم میں تین تبدیلیاں کی گئی ہیں، انجرڈ رسل اور فاف ڈوپلیسی کی جگہ حسان خان اور ظہور خان کو اسکواڈ کا حصہ بنایا گیا ہے جبکہ عثمان شنواری کی بھی ٹیم میں واپسی ہوئی ہے، آئندہ تین میچز جیتنے کی کوشش کریں گے، ٹیم پر دباؤ ہے لیکن یہ کرکٹ کا حصہ ہے۔

واضح رہے کہ کوئٹہ گلیڈی ایٹرز کی ٹیم ایونٹ میں صرف ایک میچ جیت سکی ہے۔

بابر اعظم اور حسن علی کی دوستی اور مقابلہ بازی شائقین کی توجہ کا مرکز

باغی ٹی وی : کرکٹ میں ایسے مناظر شائقین کو کم ہی دیکھنےکو ملتے ہیں‌. جب دو حریف ایک طرف تو اپنے مقابل پر تابڑ توڑ حملے کر رہے ہوں تو دوسری طرف باہم پیار محبت اور دوستی کے مناظر ہوں. ایسے ہی مناظر آئی پی ایل میں دیکھنے کو مل رہے ہیں‌ .

قومی کرکٹرز کی جانب سے ایک دوسرے کے ساتھ چھیڑ چھاڑ اور شرارتیں میچ کے مزے کو دوبالا کر دیتی ہیں۔پی ایس ایل میں کرکٹرز کی جانب سے میچ کے دوران مختلف اشارے، شرارتیں اور انداز شائقینِ کرکٹ کے دل کو بھا جاتے ہیں .

حسن علی کرکٹ کے ساتھ ساتھ خبروں میں بھی ان رہنا جانتے ہیں‌.جہاں شدید پٹائی اور بابر اعظم کی اچھی اننگز سے ماحول ٹینس تھا ادھر میچ میں حسن علی نے شاندار اننگز کھیلنے والے بابر اعظم کا گرا ہوا رومال اٹھا کر ان کی شرٹ پر فِٹ کیا، میچ کے اس لمحے نے تو شائقین کرکٹ کو سوشل میڈیا پر خوب میمز بنانے کا موقع بھی فراہم کردیا.یوں یہ سامان فن بھی خوب رہا

خیال رہے کہ پاکستان سپر لیگ سیزن 6 کے اہم میچ میں اسلام آباد یونائیٹڈ نے کراچی کنگز کو 8 وکٹوں سے شکست دی۔

ابوظبی میں کھیلے گئے اس میچ میں اسلام آباد یونائیٹڈ نے ٹاس جیت کر کراچی کنگز کو پہلے بیٹنگ کی دعوت دی۔ کنگز نے یونائیٹڈ کو جیت کے لئے 191 رنز کا ہدف دیا تھا۔جسے اسلام آباد یونائیٹڈ نے باآسانی پورا کر لیا .

شکست کے بعد کراچی کنگز کے کپتان ٹیم پر برس پڑے
باغی ٹی وی :اپنی شکست کے بارے میں بیان کرتے ہوئے کراچی کنگز کے کپتان عماد وسیم نے کہا کہ کیچز چھوڑیں گے تو میچ جیت نہیں سکتے ۔ عماد وسیم کا کہنا تھا کہ ٹیم کو ابھی بہت کچھ کرنے اور سیکھنے کی ضرورت ہے ۔انہوں نے کہاکہ اسلام آباد کے خلاف ہم نے خراب کرکٹ کھیلی اور بہت کیچز بھی ڈراپ کیے ۔

تفصیلات کے مطابق کل ہونے والے پاکستان سپر لیگ سیزن 6 کے اہم میچ میں اسلام آباد یونائیٹڈ نے کراچی کنگز کو 8 وکٹوں سے شکست دی۔

ابوظبی میں کھیلے گئے اس میچ میں اسلام آباد یونائیٹڈ نے ٹاس جیت کر کراچی کنگز کو پہلے بیٹنگ کی دعوت دی۔ کنگز نے یونائیٹڈ کو جیت کے لئے 191 رنز کا ہدف دیا تھا۔

اس ہدف کو اسلام آباد یونائیٹڈ نے باآسانی پورا کرلیا . اس سلسلے میں کولن منرو اور افتخار احمد ناقابل شکست رہے۔ منرو نے 56 گیندوں پر 12 چوکوں اور 2 چھکوں کی مدد سے 88 رنز بنائے۔ جبکہ افتخار احمد نے برق رفتار 71 رنز بنائے ان کی اننگز میں 5 چھکے اور 5 چوکے شامل تھے..جسے اسلام آباد یونائیٹڈ نے باآسانی پورا کر لیا .

کراچی کنکز کے بڑے ہدف کے تعاقب میں اسلام آباد یونائیٹڈ کی بلے بازی جاری

باغی ٹی وی پاکستان سپر لیگ (پی ایس ایل) کے 22 ویں میچ میں کراچی کنگز نے اسلام آباد یونائیٹڈ کو جیت کے لیے 191 رنز کا ہدف دیدیا۔ اس کے جواب میں اسلام اباد یونائٹڈ نے 111 رنز بنا لیے ہیں اور اس کے دو کھلاڑی آؤٹ ہوئے ہیں . کولن منرو 54 رنز اور افتخار احمد 34 رنر پر وکٹ پر موجود ہیں . 13 اوور کا کھیل ہوچکا ہے .

تفصیلات کے مطابق اسلام آباد یونائیٹڈ کے کپتان شاداب خان نے ٹاس جیت کر حریف ٹیم کراچی کنگز کے کپتان عماد وسیم کو بیٹنگ کی دعوت دی۔بابر اعظم نے 54 گیندوں پر شاندار 81 رنز کی اننگز کھیلی، ان کی اننگز میں 3 چھکے اور 7 چوکے شامل تھے۔

دوسرے اینڈ سے نجیب اللہ زادران نے بھی بابر اعظم کا خوب ساتھ دیا اور 71 رنز بنا کر ناٹ آؤٹ رہے۔

شرجیل خان 25 رنز بنا کر آؤٹ ہوئے جبکہ مارٹن گپٹل 6 رنز بنا کر پویلین لوٹ گئے، تھسارا پریرا بغیر کوئی رن بنائے آؤٹ ہوئے۔

یونائیٹڈ کی جانب سے حسن علی، عاکف جاوید، علی خان اور محمد وسیم نے ایک، ایک وکٹ حاصل کی۔

فاسٹ باؤلر محمد عامر کے چاہنے والوں کے لیے خوشخبری

باغی ٹی وی : پاکستان کرکٹ ٹیم کے مایہ ناز فاسٹ بولر محمد عامر کہتے ہیں کہ پاکستان کرکٹ بورڈ(پی سی بی) کے چیف ایگزیکٹو وسیم خان نے ان کے گھر آئے اور بہت سے معاملات پر ان سے بات چیت کی۔

ایک انٹرویو میں محمد عامر کا کہنا تھا کہ ماضی میں ایسا کبھی نہیں ہوا کہ کوئی سی ای او کسی پلیئرکے گھر آیا

ادھر چیف ایگزیکٹو پی سی بی وسیم خان وطن واپس پہنچ گئے، وسیم خان آج صبح ابوظہبی سےلاہور پہنچے،

وسیم خان کل سے پی سی بی ہیڈکوارٹر قذافی اسٹیڈیم میں اپنی ذمہ داریاں سنبھالیں گے. وسیم خان6 سےزائد ہفتےانگلینڈ سے ورک فرام ہوم کرتے رہے، پی ایس ایل کےآغازسےقبل وسیم خان ابوظہبی آگئےتھے.

سی اواوسلمان نصیرنے بھی ابوظہبی سےواپس آکرذمہ داریاں سنبھال لیں.

فاسٹ باؤلر حسن علی کا مسئلہ حل

باغی ٹی وی : قومی ٹیم کے فاسٹ باؤلر حسن علی کا گھریلومسئلہ حل جس کےبعد وہ پی ایس ایل حصہ بن سکیں‌گے۔ دوسری جانب قومی باؤلر آئی سی سی کے پلیئر آف دی منتھ کا ایوارڈ نہ جیت سکے .

اسلام آباد یونائیٹڈ کی جانب سے آج ایک پریس ریلیز جاری کی گئی ہے جس میں شائقین کرکٹ کو خوشخبری سنائی گئی کہ حسن علی ٹیم کی جانب سے پی ایس ایل کے بقیہ میچز کھیلیں گے۔
پریس ریلیز کے مطابق حسن علی نے بتایا کہ ان کا خاندان ایک نجی مسئلے سے دوچار تھا، جسے میری بیوی نے اپنی ذہانت کے بل بوتے پر حل کرلیا ہے، میری بیوی نے مجھے یقین دلایا کہ وہ اس معاملے کو دیکھیں گی، وہ چاہتی ہیں کہ میں اپنی کرکٹ اور کیریئر پر توجہ دوں ۔

حسن علی کا کہنا تھا کہ مشکل وقت میں میرا بھرپور ساتھ دینے پر اپنی بیوی کو سیلیوٹ کرتا ہوں، اس کی مشاورت کے بعد میں نے پی ایس ایل کے بقیہ میچز کے لئے اسلام آباد یونائیٹڈ کے ساتھ اپنا سفر جاری رکھنے کا فیصلہ کیا ہے۔

قومی کرکٹ ٹیم کی دورہ انگلینڈ اور ویسٹ انڈیز روانگی کی تفصیلات جاری کر دی۔پاکستان میں موجود قومی اسکواڈ کے تمام ارکان 20 جون کو لاہور میں بائیو سیکیور ببل جوائن کریں گےپاکستان میں موجود قومی اسکواڈ میں شامل ارکان کی پہلی کوویڈ 19 ٹیسٹنگ 16 جون کو ان کے گھروں میں کی جائے گی۔ہوٹل پہنچنے پر ان تمام ارکان کی ۔

دوسری کوویڈ 19 ٹیسٹنگ کی جائے گی
ان ارکان کی تیسری کوویڈ 19 ٹیسٹنگ 23 جون کو لاہور کے مقامی ہوٹل میں کی جائے گی۔یہ تمام ارکان 25 جون تک لاہور کے مقامی ہوٹل میں روم آئسولیشن میں رہیں گے۔قومی اسکواڈ 25 جون کو لاہور سے براستہ یو اے ای انگلینڈ روانہ ہوگا۔ایچ بی ایل پی ایس ایل 6 میں شرکت کرنے والے اسکواڈ ارکان یو اے ای سے اسکواڈ کو جوائن کریں گے۔قومی اسکواڈ لاہور سے براستہ یو اے ای چارٹرڈطیارے پر انگلینڈ پہنچے گا۔

قومی کرکٹ ٹیم انگلینڈ میں تین دن روم آئسولیشن میں رہے گی۔اگلے سات روز قومی کرکٹرز ڈربی کی آئسولیشن میں ٹریننگ کریں گے۔پاکستان اور انگلینڈ کے مابین ون ڈے انٹرنیشنل سیریز کا آغاز 8 جولائی سے ہوگا۔انگلینڈ کے خلاف سیریز کے بعد قومی ون ڈے اسکواڈ میں شامل کھلاڑی 15 جولائی کو وطن واپس لوٹیں گے۔قومی کرکٹ ٹیم 21 جولائی کو ویسٹ انڈیز پہنچے گی۔

قومی ٹیسٹ اسکواڈ میں شامل کھلاڑی 26 جولائی کو ویسٹ انڈیز پہنچیں گے۔ ویسٹ انڈیز کے خلاف ٹی ٹوٹی سیریز کے بعد قومی ٹی ٹونٹی کرکٹرز وطن واپس لوٹ جائیں گے۔قومی ٹیسٹ اسکواڈ ویسٹ انڈیز کا دورہ مکمل کرنے کے بعد 25 اگست کو وطن واپس آئے گا۔