باغی ٹی وی کی رپورٹ کے مطابق قومی کرکٹ ٹیم کے ہیڈ کوچ مصباح الحق نے چیف سلیکٹر کا عہدہ چھوڑنے کا اعلان کر دیا
پریس کانفرنس کرتے ہوئے مصباح الحق کا کہنا تھا کہ کوچنگ پر فوکس رکھنا چاہتاہوں،انٹر نیشنل کرکٹ کے حوالے سے فوکس کرنا ہوگا، میرے لیے چیف سلیکٹر کام کرنا مشکل تھا،پی سی بی کو اپنے فیصلے سے آگاہ کردیا ہے،جوبھی آئےگا اس کے ساتھ اچھا کام کریں گے،
مصباح الحق کا مزید کہنا تھا کہ بڑے اہم ایونٹ ہیں، ایشیا کپ ہے اور بڑی امیدیں ہیں،امپارٹنس کو دیکھتے ہوئے، پاکستان ٹیم کو دیکھتے ہوئے مجھے لگتا ہے کہ مجھے اس عہدے کو چھوڑنا ہے تا کہ کوئی دوسرا اس کو اچھے طریقے سے دیکھ لے
مصباح الحق کا مزید کہنا تھا کہ اگر بطور کوچ بھی شکست ہوئی سلیکٹر ہوں یا نہ ہوں جیت ہار کی ذمہ داری یا پریشر ہوتا ہے، اس ٹائم پر پاکستان کرکٹ اور پاکستانی ٹیم کے لئے کیا اہمیت ہے اسکو دیکھنا ہو گا،
مصباح الحق کا مزید کہنا تھا کہ بورڈ نے مجھے آپشن دیا کہ چیف سلیکٹر کا عہدہ چھوڑنا چاہیں تو چھوڑ سکتے ہیں،چیف سلیکٹرکا عہدہ چھوڑنا میری اپنی چوائس ہے،کوئی دباوٗ نہیں تھا، عہدہ چھوڑنا میرا ذاتی فیصلہ ہے، تمام تر توجہ کوچنگ پر ہوگی، مجھے ٹیم کو بہتر سے بہتر بنانا ہے،جو باتیں تھیں وہ افواہیں ہیں اگرسچ ہوتیں تو کسی عہدے پرنہ ہوتا،
مصباح الحق کا مزید کہنا تھا کہ چیف سلیکٹرکی ذمے داری 30 نومبرتک نبھاؤں گا،چیف سلیکٹر کا سال سوا سال کا تجربہ بہت اچھا رہا،نیا چیف سلیکٹر یکم دسمبر کوذمے داری سنبھالےگا،زمبابوےاورنیوزی لینڈ کی سیریزکےلیےمیں ہی کھلاڑی منتخب کروں گا،
مصباح الحق کا مزید کہنا تھا کہ دو عہدوں کا ایک شخص کے پاس ہونا اچھا تجربہ رہا،لیکن آگےمصروفیات بہت زیادہ ہیں،پاکستان ٹیم میں صلاحیت ہے وہ ٹاپ تھری میں آسکتی ہے،نیا چیف سلیکٹر لانا کرکٹ بورڈ کا کام ہے،رائےمانگی تودوں گا،معاوضہ جوچیف سلیکٹرکے عہدے کی وجہ سے ملتا تھا وہ اب نہیں ملےگا،جو معاوضہ ہیڈ کوچ کی مد میں ملتا تھا وہ اب ملتا رہےگا،
