Category: کھیل

خواتین کھلاڑیوں کی پہلی کوویڈ 19 ٹیسٹ رپورٹ آگئی

باغی ٹی وی : نیشنل ہائی پرفارمنس کیمپ کے لیے طلب کردہ 27 خواتین کھلاڑیوں کے پہلے کوویڈ 19 ٹیسٹ کی رپورٹس منفی آئی ہیں۔ تمام کرکٹرز اب جمعرات کو کراچی پہنچیں گی۔

ان خواتین کھلاڑیوں کا دوسرا کوویڈ 19 ٹیسٹ کراچی کےمقامی ہوٹل میں لیا جائے گا، جہاں رپورٹ منفی آنے کی صورت میں انہیں بائیو سیکیور ببل میں داخلے کی اجازت دے دی جائے گی۔اس ٹیسٹ سے قبل تمام کرکٹرز علیحدہ علیحدہ کمروں میں رہیں گی۔

اس دوران پاکستان کرکٹ بورڈ نے اس کیمپ کے لیے اسپورٹ اسٹاف کا بھی اعلان کردیا ہے، جن کے نام مندرجہ ذیل ہیں:

فضاء عابد (کیمپ منیجر)، اعظم خان(کوچ)، کامران حسین (اسسٹنٹ کوچ)، صبور احمد (اسٹرینتھ اینڈ کنڈیشنگ کوچ) اور رابعہ عامر (فزیو) اور زبیر احمد(اینالسٹ) ۔

کھلاڑیوں کے ساتھ ساتھ اسپورٹ اسٹاف میں شامل یہ اراکین بھی کل کراچی پہنچیں گے۔ان تمام اراکین کے پہلے کوویڈ19 ٹیسٹ کی رپورٹس بھی منفی آئی ہیں۔

اس کیمپ کا باقاعدہ آغاز 10 اکتوبر سے ہوگا، جہاں خواتین کرکٹرز پہلے ٹریننگ اور پریکٹس کریں گی۔کیمپ کے دوران قومی خواتین کرکٹرز ایک روزہ طرز کے 3 جبکہ ٹی ٹونٹی کے 4 مختلف پریکٹس میچوں میں شرکت کریں گی۔

قومی خواتین کرکٹ ٹیم کے نئے ہیڈ کوچ کب آ رہے ہیں پاکستان؟ اعلان کر دیا

باغی ٹی وی کی رپورٹ کے مطابق قومی خواتین کرکٹ ٹیم کے نئے ہیڈ کوچ ڈیوڈ ہیمپ نے کہا ہے کہ 18 اکتوبر کو پاکستان آرہا ہوں،

ڈیوڈ ہیمپ نے ویڈیو پیغام میں کہا کہ پاکستان میں خواتین کرکٹ کا ٹیلنٹ ہے، پاکستان روانگی کا شدت سے منتظر ہوں، پاکستان ٹیم کی کارکردگی میں تسلسل اور کھلاڑیوں کی رینکنگ بہتری لانا چاہتا ہوں،ہاکستان کو دنیا کی چار بہترین خواتین ٹیموں میں دیکھنا چاہتا ہوں،

ڈیوڈ ہیمپ کا مزید کہنا تھا کہ پاکستان خواتین کرکٹ ٹیم کو آسٹریلیا میں ورلڈکپ کھیلتے دیکھا،

پاکستان میں خواتین کرکٹ کا ٹیلنٹ ہے، پاکستان روانگی کا شدت سے منتظر ہوں، ڈیوڈ ہیمپ#baaghitv #Pakistan #cricket #sports @TheRealPCBMedia @TheRealPCB pic.twitter.com/MYHitgHaGm

— Baaghi TV باغی ٹی وی (@BaaghiTV) October 7, 2020

ڈیوڈ ہیمپ آسٹریلوی ویمنز بگ بیش لیگ میں میلبرن اسٹارز کے ہیڈ کوچ کے فرائض انجام دے چکے ہیں – ڈیوڈ ہیمپ کو قومی خواتین کرکٹ ٹیم کا ہیڈ کوچ مقرر کیا گیا ہے ،پی سی بی کی جانب سے جاری ہونے والے اعلامیے میں بتایا گیا کہ ڈیوڈ ہیمپ کی تعیناتی، تقرری کے ایک مربوط عمل سے گزرنے کے بعد کی گئی ہے۔

سابق کرکٹراور یوکے لیول فور کوالیفائیڈ کوچ ڈیوڈ ہیمپ برمودا اور گلیمورگن کرکٹ ٹیم کی قیادت بھی کرچکے ہیں۔انہوں نے گلیمورگن، فری اسٹیٹ اور وورکشائر کی نمائندگی کرتے ہوئے 271 فرسٹ کلاس میچوں میں 15ہزار سے زائد رنز بنائے۔برمودا کی جانب سے 22 ایک روزہ انٹرنیشنل میچوں میں 641 رنزبنانے والے ڈیوڈ ہیمپ کے انٹرنیشنل کیرئیر میں ایک سنچری اور چار نصف سنچریاں شامل ہیں۔

پاکستان ویمنز ونگ کی قائم مقام سربراہ اور چیئرآف ویمنز سلیکشن کمیٹی عروج ممتاز کا کہناہے کہ پی سی بی ڈیوڈ ہیمپ کو قومی خواتین کرکٹ ٹیم کا ہیڈ کوچ مقرر کرنے پر خوش ہے۔انہوں نے کہا کہ ڈیوڈ ہیمپ اپنے ہمراہ وکٹوریا اور ملیبرن اسٹارزویمنزکرکٹ ٹیموں کے ساتھ کام کرنے کا پانچ سالہ تجربہ اور کرکٹ کا علم لائیں گے جو پاکستان ویمنز کرکٹ ٹیم کے لیے سودمند ثابت ہوگا۔

ڈیوڈ ہیمپ کو قومی خواتین کرکٹ ٹیم کا ہیڈ کوچ مقرر کردیا گیا

میری کامیابی کا راز کیا ہے؟ بابر اعظم کھل کر بول پڑے

باغی ٹی وی کی رپورٹ کے مطابق نیشنل ٹی ٹونٹی کپ میں شرکت کے لیے پاکستان وائٹ بال کرکٹ ٹیم کے کپتان بابراعظم آج راولپنڈی روانہ ہوں گے۔ وہ 9 اکتوبر سے شروع ہونے والے نیشنل ٹی ٹونٹی کپ کے دوسرے مرحلے میں سنٹرل پنجاب کی قیادت کریں گے۔ سنٹرل پنجاب کی ٹیم ایونٹ کے پانچ میچوں میں سے صرف ایک میں کامیابی کے ساتھ فی الحال پوائنٹس ٹیبل پر پانچویں پوزیشن پر موجود ہے۔

پاکستان کی قومی کرکٹ ٹیم کے کھلاڑی بابر اعظم نے کہا ہے کہ کورونا کی وجہ سے بائیو سیکیور ببل کا عادی ہوچکا ہوں ،کورونا وبا کے باوجود کرکٹ کی سرگرمیاں جاری رہناخوش آئندہے ،دباؤ ختم کرنےکے لیےساتھی کھلاڑیوں سے گفتگو کرتاہوں ،سینٹرل پنجاب کو راولپنڈی میں جوائن کروں گا، میری کامیابی کا راز ہمیشہ اپنا قدرتی کھیل کھیلنا ہے،

بابر اعظم کا کہنا تھا کہ انگلینڈ میں اچھا باؤنس ملتا ہے، جس سے بیٹنگ بہتر ہوئی،زمبابوے کے خلاف بھرپور تیاری کے ساتھ میدان میں اتریں گے،زمبابوےکیخلاف کامیابی حاصل کرکےنیوزی لینڈروانگی سےقبل موممنٹم حاصل کرناچاہتے ہیں،

Babar Azam features in 26th edition of PCB Podcast

More: https://t.co/MOyYKjk94E#HarHaalMainCricket pic.twitter.com/QMdSh0dfrO

— PCB Media (@TheRealPCBMedia) October 7, 2020

بابراعظم کا مزید کہنا تھا کہ پہلے انٹرنیشنل اور پھر کاؤنٹی کرکٹ میں مصروفیات کے باعث وہ ایک طویل عرصے سے ڈومیسٹک کرکٹ میں اپنے ساتھی کھلاڑیوں سے ملاقات نہیں کرسکے، لہٰذا وہ راولپنڈی میں سنٹرل پنجاب کے اسکواڈ کو جوائن کرنے پر بہت پرخوش ہیں۔ گزشتہ سال سنٹرل پنجاب کی باؤلنگ کمزور تھی مگر اس مرتبہ ہم ٹورنامنٹ میں بہتر کارکردگی کا مظاہرہ کرنے کی صلاحیت رکھتے ہیں۔ ہماری بیٹنگ خاصی مضبوط ہے، رواں سال غلطیوں کو دہرانے کی بجائے بہتر نتائج دینے کی کوشش کریں گے۔ وہ پرامید ہیں کہ سنٹرل پنجاب کی ٹیم نیشنل ٹی ٹونٹی کپ کے بقیہ میچوں میں اچھی کارکردگی کا مظاہرہ کرے گی

بابراعظم کا مزید کہنا ہے کہ دنیا میں کوئی کھلاڑی ایسا نہیں ہے جو کھیل کے دوران دباؤ کا شکار نہ ہو، مختلف کھلاڑیوں کو مختلف اوقات میں دباؤکا سامنا کرنا پڑتا ہے مگر بڑا کھلاڑی وہی کہلاتا ہے جو دباؤ دور کرنے میں کامیاب ہوجائے۔ اپنی صلاحیتوں پر مکمل اعتماد کرنا ہی دباؤ دور کرنے کا بہترین طریقہ ہے، وہ پختہ ذہن اور خود اعتمادی کے ساتھ میدان میں اترتے ہیں۔ میچ میں اپنی باری کے انتظار میں انہیں دباؤ کا سامنا کرنا پڑے تو وہ ڈریسنگ روم میں موجود ساتھی کھلاڑیوں اور اسپورٹ اسٹاف سے گفتگو شروع کردیتے ہیں۔ وہ میدان میں اترنے سے قبل زیادہ دیر چپ نہیں بیٹھ سکتے

کوشش ہے وہ کارکردگی دکھاؤں جس سے ٹیم جیتے، بابر اعظم

باغی ٹی وی کی رپورٹ کے مطابق چیف سلیکٹر مصباح الحق نے قذافی اسٹیڈیم لاہور کا دورہ کیا

چیف سلیکٹر مصباح الحق نے سیکنڈ 11ٹورنامنٹ کے میچز کا جائزہ لیا،زمبابوے کے خلاف سیریز کیلئے قومی ٹی 20 اور ایک روزہ ٹیموں کا اعلان 19 اکتوبر کو کیا جائے گا

مصباح الحق کا کہنا تھا کہ زمبابوے کے خلاف سیریز کا اعلان نیشنل ٹی 20کپ مکمل ہونے کے بعد کریں گے،زمبابوے کے خلاف ٹی 20اور ون ڈے کیلئے22 یا 23 رکنی اسکواڈ کا اعلان کریں گے، ملتان میں ایک روزہ انٹرا اسکواڈ میچ کی منصوبہ بندی کی ہے،نیشنل ٹی 20کپ فرسٹ اور سیکنڈ 11میں کھلاڑیوں کی کارکردگی کا جائزہ لینا چاہتے ہیں

مصباح الحق کا مزید کہنا تھا کہ اچھی کارکردگی کا مظاہرہ کرنے والوں کو زمبابوے اور نیوزی لینڈ کے خلاف موقع دے سکتے ہیں،نیشنل ٹی 20کپ میں نئے کھلاڑی بہت اچھا پرفارم کررہے ہیں،زمبابوے کے خلاف سیریز میں سینئرز کو آرام دینا ہے یا نہیں اس پر سوچ جاری ہے،

زمبابوے کرکٹ ٹیم نے اکتوبر کے تیسرے ہفتے میں 3 ون ڈے اور 3 ٹی ٹوئنٹی میچز کی سیریز کھیلنے کے لیے پاکستان آنا ہے اور شیڈول کا اعلان پہلے ہی کیا جا چکا ہے جبکہ میچز ملتان اور راولپنڈی میں ہوں گے۔سیریز سے قبل زمبابوے کرکٹ کا 5 رکنی وفد انتظامات کا جائزہ لینے کیلئے پاکستان آئے گا۔

باغی ٹی وی کی رپورٹ کے مطابق افغانستا ن کی کرکٹ ٹیم کے کھلاڑی نجیب ترکئی وفات پا گئے

افغانستان کرکٹ ٹیم کے معروف کھلاڑی 29 سالہ نجیب ترکئی خوفناک ٹریفک حادثے کے نتیجے میں زخمی ہوگئے تھے ،جنہین طبی امداد کے لئے ہسپتال منتقل کیا گیا تھا لیکن وہ زخموں کی تاب نہ لاتے ہوئے چل بسے،

نجیب ترکئی کی کار کو حادثہ افغانستان کے شہر جلال آباد میں پیش آیا تھا،ان کے سر پر گہری چوٹیں آئیں جس کے سبب وہ کومہ میں تھے۔

واضح رہے کہ اوپنر نجیب ترکئی نے ایک ون ڈے اور 12 ٹی ٹونٹی انٹرنیشنل میں افغان ٹیم کی نمائندگی کی اور ٹی ٹونٹی فارمیٹ میں 21 کی اوسط سے 258 رنز سکور کررکھے ہیں،

بلوچستان نے سنسنی خیز میچ کے بعد سینٹرل پنجاب کو 3 رنز سے پچھاڑ دیا

باغی ٹی وی : ملتان میں کھیلے جانے والے نیشنل ٹی ٹونٹی کپ کے 12 ویں میچ میں بلوچستان نے سنسنی خیز میچ کے بعد سینٹرل پنجاب کو 3 رنز سے پچھاڑ دیا۔

بلوچستان نے پہلے کھیلتے ہوئے 168 رنز بنائے، مسلسل دوسرے میچ میں اوپنر امام الحق نے شاندار بیٹنگ کا مظاہرہ کیا، انہوں نے 55 گیندوں پر 80سکور بنائے، دیگر کھلاڑیوں میں اویس ضیاء 36، حارث سہیل 23، رنز بنا کر نمایاں رہے، دیگر کوئی بھی کھلاڑی قابل ذکر کارکردگی نہ دکھا سکا۔ احسان عادل نے تین شکار کیے، ظفر گوہر کے حصے میں دو وکٹیں آئیں۔

ہدف کے تعاقب میں سینٹرل پنجاب کی ٹیم 165 رنز پر ہمت ہار بیٹھی، عبد اللہ شفیق نے ایک مرتبہ پھر شانار کارکردگی دکھائی تاہم ٹیم کی فتح میں کردار ادا نہ کر سکی، ون ڈاؤن بیٹسمین 54 رنز کیساتھ نمایاں رہے، دیگر بیٹسمینوں میں کامران اکمل 25، عابد علی 19، رضوان حسین 22، ظفر گوہر 32 رنز بنا سکے۔ عمر گل نے چار شکار کیے جبکہ یاسر شاہ نے تین کھلاڑیوں کو پویلین بھیجا۔

نیشنل ٹی ٹونٹی کپ: شاہین اور حفیظ نے خیبرپختونخوا کو فتح دلادی

ملتان کرکٹ اسٹیڈیم میں کھیلے گئے میچ میں خیبرپختونخوا نے محمد حفیظ اور فخرزمان کے درمیان 100 رنز کی عمدہ شراکت کی بدولت سندھ کو 8 وکٹوں سے شکست دے کر پوائنٹس ٹیبل پر دوسری پوزیشن حاصل کرلی ہے۔

خیبرپختونخوا نے 184 رنز کا ہدف 6 گیندیں قبل 2 وکٹوں کے نقصان پر حاصل کرلیا۔ تجربہ کار آلراؤنڈر محمد حفیظ نے 42 گیندوں پر4 چوکوں اور 4 چھکوں کی مدد سے 72 رنز کی ناقابل شکست اننگز کھیلی۔ فخر زمان نے بھی 6 چوکوں اور 2 چھکوں کی بدولت 61 رنز اسکور کرکے اپنی کھوئی ہوئی فارم واپس حاصل کی۔ دونوں بلے بازوں نے 8 کے انفرادی اسکور پر ان فارم کپتان محمد رضوان کےآؤٹ ہونے کے بعد دوسری وکٹ کے لیے 100 رنز کی شراکت قائم کی۔مڈل آرڈر بیٹسمین افتخار احمد نے 21 گیندوں پر ناٹ آؤٹ 40 رنز بناکر ٹیم کو فتح سے ہمکنار کردیا۔

نیشنل ٹی ٹونٹی کپ: شاہین اور حفیظ نے خیبرپختونخوا کو فتح دلادی

باغی ٹی وی : ملتان کرکٹ اسٹیڈیم میں کھیلے گئے میچ میں خیبرپختونخوا نے محمد حفیظ اور فخرزمان کے درمیان 100 رنز کی عمدہ شراکت کی بدولت سندھ کو 8 وکٹوں سے شکست دے کر پوائنٹس ٹیبل پر دوسری پوزیشن حاصل کرلی ہے۔

خیبرپختونخوا نے 184 رنز کا ہدف 6 گیندیں قبل 2 وکٹوں کے نقصان پر حاصل کرلیا۔ تجربہ کار آلراؤنڈر محمد حفیظ نے 42 گیندوں پر4 چوکوں اور 4 چھکوں کی مدد سے 72 رنز کی ناقابل شکست اننگز کھیلی۔ فخر زمان نے بھی 6 چوکوں اور 2 چھکوں کی بدولت 61 رنز اسکور کرکے اپنی کھوئی ہوئی فارم واپس حاصل کی۔ دونوں بلے بازوں نے 8 کے انفرادی اسکور پر ان فارم کپتان محمد رضوان کےآؤٹ ہونے کے بعد دوسری وکٹ کے لیے 100 رنز کی شراکت قائم کی۔مڈل آرڈر بیٹسمین افتخار احمد نے 21 گیندوں پر ناٹ آؤٹ 40 رنز بناکر ٹیم کو فتح سے ہمکنار کردیا۔

سندھ کے انور علی نے 2 وکٹیں حاصل کیں۔

اس سے قبل محمد رضوان نے ٹاس جیت کر سندھ کو پہلےبیٹنگ کی دعوت دی تو اوپنر شرجیل خان نے56 گیندوں پر 7 چوکوں اور 6 چھکوں کی مدد سے 90 رنز بنائے۔انہوں نے چوتھی وکٹ کے لیے احسان علی کے ہمراہ111 رنز جوڑے۔ احسان علی 42 رنز بناکر آؤٹ ہوئے۔ ان دونوں بلے بازوں کے علاوہ سندھ کا کوئی بھی بلے باز شاہین شاہ آفریدی کی تباہ کن باؤلنگ کے سامنے زیادہ دیر کریز پر نہ ٹھہر سکا۔سندھ نے مقررہ بیس اوورز میں 7 وکٹوں کے نقصان پر183 رنزبنائے۔

شاہین آفریدی نے 21 رنز دے کر 5 کھلاڑیوں کو پویلین کی راہ دکھائی۔وہ ایونٹ میں دو مرتبہ پانچ وکٹیں حاصل کرنےوالے واحد باؤلر بننے کے ساتھ ساتھ 12 وکٹیں حاصل کرکے ٹاپ باؤلر بھی بن گئے ہیں۔

نوجوان فاسٹ باؤلر نے کہا کہ وہ مین آف دی میچ کا ایوارڈ حاصل کرنے پر خوش ہیں، انہوں نے کہا کہ وہ نئی اور پرانی دونوں گیند سے سوئنگ کرنے کی کوشش کررہے ہیں۔ شاہین آفریدی نے امید ظاہرکی ہے کہ وہ اگلے میچ میں چھ وکٹیں حاصل کرنے کی کوشش کریں گے۔

دونوں ٹیمیں اب 13 اکتوبر کوپنڈی کرکٹ اسٹیڈیم راولپنڈی میں ٹکرائیں گی۔