Category: کھیل

پاکستان ہاکی فیڈریشن کے ویمن ونگ کے زیر اہتمام جشن آزادی کی مناسبت سے دو میچز کا انعقاد
باغی ٹی وی کی رپورٹ کے مطابق پاکستان ہاکی فیڈریشن کے ویمن ونگ کے زیر اہتمام آج نیشنل ہاکی اسٹیڈیم لاہورمیں جشن آزادی پاکستان کی مناسبت سے دونمائشی ویمنزہاکی میچز کا انعقاد کیا گیا۔

پہلا میچ سپورٹس بورڈ پنجاب الیون بمقابلہ پاکستان ہاکی فیڈریشن کے ویمن الیوان کے درمیان کھلا گیا۔ جوکہ ایک ایک گول سے برابر رہا۔ پی ایچ ایف ویمن الیون کی جانب سے حینا پرویز جبکہ سپورٹس بورڈ پنجاب الیون کی جانب سے ہمرا لطیف نے گول کیے۔ اس میچ کے مہمان خصوصی پاکستان ہاکی فیڈریشن کے ویمن کی جنرل مینیجر میڈم تنزیلہ عامر چیمہ اور ایسویس ایٹ سیکرٹری پنجاب ہاکی اسوسی ایشن رائے عثمان اکبر کھرل تھے۔

یوم آزادی کی تقریبات کے سلسلے میں نیشنل ہاکی اسٹیڈیم لاہور میں ویمن ہاکی میچ @PHFOfficial pic.twitter.com/DWVLwLiQ9v

— Sohail Imran (@sohailimrangeo) August 17, 2020

دوسرا میچ فاطمہ جناح الیون بمقابلہ رعنا لیاقت الیون کے درمیان کھیلا گیا۔ یہ میچ بھی ایک ایک گول سے برابر رہا۔ رعنا لیاقت الیون کی جانب سے صبا ریاض جبکہ فاطمہ جناح الیون کی جانب سے آرزو منصور نے ایک ایک گول کیا۔

جس میں مہمان خصوصی سیکرٹری پنجاب ہاکی اسوسی ایشن لیفٹیننٹ کرنل ریٹائرڈ آصف ناز کھوکھر اور ڈائریکٹر سپورٹس بورڈ پنجاب محمد حفیظ بھٹی تھے۔

سپیڈ سٹار شعیب اختر کو ہائی پرفارمنس سنٹر میں باؤلنگ کوچ بنائے جانے کا امکان

باغی ٹی وی . راولپنڈی ایکسپریس شعیب اختر ایک بار پھر پاکستان کرکٹ‌ ٹیم کا حصہ بننے جارہے ہیںِ پاکستان کرکٹ بورڈ کی جانب سے سابق سپیڈ سٹار شعیب اختر کو ہائی پرفارمنس سنٹر میں باؤلنگ کوچ بنائے جانے کا امکان ہے۔ ذرائع کے مطابق راولپنڈی ایکسپریس سے نوجوان کھلاڑیوں کی رہنمائی کیلئے رابطہ کیا گیا ہے اور ان کی ر ضا مندی کے بعد ملازمت کے معاملات کو حتمی شکل دی جائے گی۔

اس سے قبل ہائی پرفارمنس سنٹر میں بیٹنگ کوچز کیلئے سابق کپتان محمد یوسف اور آل راؤنڈر عبدالرزاق کی خدمات حاصل کی گئی تھیں۔ ذرائع کے مطابق ان تینوں کھلاڑیوں کو ذمہ داریاں دینے کا باضابطہ اعلان آئندہ ایک، دو روز میں کر دیا جائے گا۔

واضح رہے کہ شعیب اختر نے 46 ٹیسٹ میں 178 وکٹیں حاصل کیں جبکہ وہ 163 ون ڈے میں 247 اور پندرہ ٹی ٹونٹی میں 19 کھلاڑی ٹھکانے لگا سکے۔ شائقین کرکٹ نے سوشل میڈیا پر پاکستان کرکٹ بورڈ کے سابق کھلاڑیوں کی خدمات حاصل کرنے کے فیصلے کو سراہا ہے۔

کرکٹ شائقین کا کہنا ہے کہ اپنے سپر سٹار کے ساتھ پاکستانی کھلاڑی آسانی کے ساتھ ایڈجسٹ ہو سکتے ہیں جبکہ غیر ملکی کوچ کی موجودگی میں زبان ہی بڑ امسئلہ بن جاتی ہے۔ سابق قومی کرکٹرز کے پاس بہترین موقع ہے کہ وہ اپنا تجربہ نوجوانوں میں منتقل کریں

ادھر پاکستان اور انگلینڈ کے درمیان جاری ساؤتھمپٹن ٹیسٹ کا چوتھا روز بھی بارش کی نذر ہوگیا جس کے ساتھ ہی پاکستان کی سیریز جیتنے کی امیدیں بھی دم توڑ گئیں۔

ساؤتھمپٹن میں بارش کا سلسلہ وقفے وقفے سے جاری رہا جہاں صرف 10.2 اوورز کا ہی کھیل ممکن ہوسکا۔

پاکستانی ٹیم نے 223 رنز 9 کھلاڑیوں کے آؤٹ پر چوتھے روز کھیل کا آغاز کیا تو صرف 13 رنز کے اضافے کے بعد 236 کے مجوعے پر آخری وکٹ بھی گر گئی۔

وکٹ کیپر بیٹسمین محمد رضوان نے شاندار بیٹنگ کا مظاہرہ کرتے ہوئے 72 رنز کی اننگز کھیلی۔

پاکستانی ٹیم پہلی اننگ میں بڑا سکور کرنے میں ناکام

باغی ٹی وی : ساؤتھمپٹن ٹیسٹ کے چوتھے روز پاکستانی ٹیم پہلی اننگ میں 236 رنز بنا کر آؤٹ ہو گئی۔ محمد رضوان 72، عابد علی 60 اور بابر اعظم نے 47 رنز بنائے۔

ساؤتھمپٹن ٹیسٹ کا تین دن کا کھیل بارش کے باعث متاثر ہوا، آج چوتھے روز قومی بلے بازوں نے 223 رنز 9 کھلاڑی آؤٹ سے پہلی نامکمل اننگز شروع کی۔

قبل ازیں سیریز کے دوسرے ٹیسٹ کا تیسرا روز بھی بارش کی نذر ہوا، دن بھر بادل برستے رہے، 2 بار امپائراور ریفریز نے گراؤنڈ کا معائنہ کیا لیکن کم روشنی اور خراب آؤٹ فیلڈ کے باعث ایک گیند کا بھی کھیل نہ ہو سکا۔
پاکستان نے ٹاس جیت کر پہلے بیٹنگ کی اور 223 رنز پر 9 وکٹ پر بنائے تھے۔۔ اس وقت کریز پر محمد رضوان اور نسیم شاہ موجود ہیں۔قبل ازیں دوسرے دن کا کھیل بارش کی وجہ سے تاخیر کے بعد شروع ہوا مگر خراب روشنی کی وجہ سے پورے دن میں صرف 40اعشاریہ دو اوورز ہوسکے۔ تیسرے دن بھی وقفے وقفے سے بارش ہوتی رہی۔محمد رضوان پانچ چوکوں کی مدد سے 60 کے انفرادی ا سکور کے ساتھ نمایاں رہے اور اس وقت ان کے ساتھ نسیم شاہ موجود ہیں۔

انگلینڈ کیخلاف قومی ٹیم نے 5 وکٹوں پر 126 رنز بنا لیے

باغی ٹی وی : پاکستانی بیٹسمین انگلینڈ کیخلاف دوسرے ٹیسٹ میچ کے پہلے روز حریف باؤلرز کے سامنے بے بس نظر آئے۔ گرین شرٹس نے 5 وکٹوں کے نقصان پر 126 رنز بنا لیے ہیں۔ اوپنر عابد علی 60 رنز بنا کر نمایاں رہے۔

پاکستانی کرکٹ ٹیم کے کپتان اظہر علی نے انگلینڈ کیخلاف دوسرے ٹیسٹ میچ میں ٹاس جیت کر پہلے بیٹنگ کا فیصلہ کیا۔ قومی ٹیم کی طرف سے اننگز کا آغاز شان مسعود اور عابد علی نے کیا۔

دوسرے ٹیسٹ کے پہلے روز کے دوران شان مسعود تیسرے اوورز میں صرف ایک رنز بنا کر اینڈرسن کی شاندار گیند پر ایل بی ڈبلیو ہو گئے۔ اس دوران عابد علی نے کپتان اظہر علی کیساتھ سست انداز میں بیٹنگ کرتے ہوئے سکور کو آگے بڑھایا۔

کپتان اور اوپنر کے درمیان پچاس رنز کی پارٹنر شپ بھی بنی، تاہم 78 کے مجموعی سکور پر کپتان اظہر علی 85 گیندوں پر 20 سکور بنا کر اینڈرسن کا نشانہ بن گئے۔ پہلے ٹیسٹ کی دونوں اننگز میں ناکام رہنے والے عابد علی نے انگلینڈ میں اپنی ففٹی اننگز کھیلی۔

102 رنز پر عابد علی 60 سکور بنا کر ثام کوران کی گیند پر برنز کو کیچ دے بیٹھے، ان کی اس اننگز میں 7 چوکے شامل تھے۔ مڈل آرڈر بیٹسمینوں میں اسد شفیق مسلسل تیسری اننگز میں بھی ناکام رہے، انہوں نے 13 گیندوں پر پانچ سکور بنائے اور براڈ کی گیند پر سبلی کو کیچ دے بیٹھے۔

تقریباً گیارہ سال بعد ٹیم میں واپس آنے والے فواد عالم صرف چار گیندوں کا سامنا کر سکے اور آل راؤنڈر ووکس کی گیند پر ایل بی ڈبلیو ہو گئے۔ ووکس کی طرف سے ریویو لینے کے بعد بیٹسمین کو پویلین جانا پڑا۔

پورے روز میچ کے دوران بارش کی آنکھ مچولی جا رہی، جس کے باعث متعدد بار میچ کو روکنا پڑا۔ دن کے اختتام پر گرین شرٹس نے ۔5 وکٹوں کے نقصان پر 126 رنز بنا لیے ہیں، بابر اعظم 25 رنز اور وکٹ کیپر بیٹسمین محمد رضوان 4 رنز بنا کر کریز پر موجود ہیں۔ انگلینڈ کی طرف سے جیمز اینڈرسن نے 2، براڈ، کوران، ووکس کے حصے میں ایک ایک وکٹ آئی.

پاکستان نے انگلینڈ کے خلاف دوسرے ٹیسٹ کے لیے سولہ رکنی اسکواڈ کا اعلان کیا ہے۔ سولہ رکنی اسکواڈ میں کپتان اظہرعلی، نائب کپتان بابراعظم، عابد علی اور اسد شفیق شامل ہیں۔ شان مسعود، فواد عالم، امام الحق، محمد عباس، محمد رضوان اور سرفراز احمد بھی اسکواڈ کا حصہ ہیں۔ شاداب خان، نسیم شاہ، سہیل خان، شاہین شاہ آفریدی، یاسرشاہ اور سہیل بھٹی بھی اسکواڈ میں شامل ہیں۔

انگلینڈ کو تین میچوں کی سیریز میں ایک صفر کی برتری حاصل ہے۔ پہلے ٹیسٹ میں پاکستان کو تین وکٹوں سے شکست ہوئی تھی۔

پاکستان کا انگلینڈ کے خلاف ٹاس جیت کر پہلے بیٹنگ کا فیصلہ

فواد عالم گیارہ سال بعد دوبارہ ٹیم میں شامل

باغی ٹی و ی :پاکستان اور انگلینڈ کے درمیان دوسرے ٹیسٹ میچ میں فواد عالم کو دوبارہ ٹیم میں شامل کر لیا گیا۔

دوسرے ٹیسٹ میچ میں پاکستان نے ٹاس جیت کر بیٹنگ کا فیصلہ کیا۔ پاکستان اور انگلینڈ کی کرکٹ ٹیمیں دوسرے ٹیسٹ میچ میں آج ساؤتھمپٹن میں مدمقابل ہیں۔ قومی کرکٹ ٹیم کے باؤلنگ کوچ وقار یونس سیریز میں کم بیک کرنے کے لیے پرامید ہیں۔
کو تین میچوں کی سیریز میں ایک صفر کی برتری حاصل ہے۔ پہلے ٹیسٹ میں پاکستان کو تین وکٹوں سے شکست ہوئی تھی۔

پہلے ٹیسٹ میچ میں جب پاکستانی باؤلنگ اٹیک کے سامنے انگلش ٹاپ آرڈر بے بس تھا اس وقت انگلینڈ کے جوز بٹلر ٹیم کے مردِ بحران ثابت ہوئے۔ انہوں نے پچھہتر رنز بنا کر اپنی ٹیم کی فتح میں اہم کردار ادا کیا۔میزبان ٹیم انگلینڈ کی جانب سے کرس ووکس نے بھی شاندار کار کردگی دکھائی اور مین آف دی میچ ٹھہرے۔ انہوں نے ناٹ آؤٹ چوراسی رنز کی ناقابل شکست اننگز کھیلی۔

پہلی اننگز کے دوران پاکستان نے بیٹنگ اور بالنگ میں شاندار کارکردگی کا مظاہرہ کیا جس کے باعث 326 رنز کے جواب میں انگلینڈ کی ٹیم 219 رنز پر آل آؤٹ ہوگئی تھی۔قومی ٹیم نے اپنی دوسری اننگز کا آغاز 107 رنز کی برتری پر کیا تھا لیکن بلے بازی کے شعبے میں زیادہ نمایاں کارکردگی نہیں دکھا پائی۔

پاکستان کا انگلینڈ کے خلاف ٹاس جیت کر پہلے بیٹنگ کا فیصلہ

باغی ٹی وی : قومی ٹیم کے کپتان اظہر علی کا کہنا تھا کہ ہم نے یہ محسوس کیا کہ ٹیم میں ایک اسپنر کافی ہے لہذا شاداب خان کو آرام دیکر فواد عالم کو ٹیم میں شامل کیا گیا ہے۔

ان کا کہنا تھا کہ جس طرح وکٹ پر گھاس موجود ہے تو ایک اسپنر کی ہی ضرورت ہے اور ہمیں اپنی بیٹنگ کو بھی مضبوط کرنا تھا اس لیے فواد کو ٹیم میں شامل کیا گیا۔انگلینڈ نے پاکستان کو پہلے ٹیسٹ میں باآسانی شکست دے دی

اظہر علی کا کہنا تھا کہ موسم بہت گرم ہے اور ہم اس کا بھرپور فائدہ اٹھاتے ہوئے اچھا ٹوٹل سجانے کی کوشش کریں گے۔دوسری جانب انگلینڈ کی ٹیم میں دو تبدیلیاں کی گئی ہیں، ذاتی مصروفیات کی وجہ سے نیوزی لینڈ جانے والے بین اسٹوکس کی جگہ بلے باز زیک کرولے کو ٹیم میں شامل کیا گیا ہے جب کہ جوفرا آرچر کی جگہ سیم کرن کو موقع فراہم کیا گیا ہے۔

پاکستان نے انگلینڈ کے خلاف دوسرے ٹیسٹ کے لیے سولہ رکنی اسکواڈ کا اعلان کیا ہے۔ سولہ رکنی اسکواڈ میں کپتان اظہرعلی، نائب کپتان بابراعظم، عابد علی اور اسد شفیق شامل ہیں۔ شان مسعود، فواد عالم، امام الحق، محمد عباس، محمد رضوان اور سرفراز احمد بھی اسکواڈ کا حصہ ہیں۔ شاداب خان، نسیم شاہ، سہیل خان، شاہین شاہ آفریدی، یاسرشاہ اور سہیل بھٹی بھی اسکواڈ میں شامل ہیں۔

انگلینڈ کو تین میچوں کی سیریز میں ایک صفر کی برتری حاصل ہے۔ پہلے ٹیسٹ میں پاکستان کو تین وکٹوں سے شکست ہوئی تھی۔

گرین شرٹس کے پاس سیریز میں واپس آنے کا آخری موقع

باغی ٹی وی پاکستان اور انگلینڈ کی کرکٹ ٹیمیں دوسرے ٹیسٹ میچ میں آج ساؤتھمپٹن میں مدمقابل آئیں گی۔ قومی کرکٹ ٹیم کے باؤلنگ کوچ وقار یونس سیریز میں کم بیک کرنے کیلئے پرامید ہیں۔

سابق کپتان اور باؤلنگ کوچ وقار یونس نے کہا ہے کہ پہلا میچ بدقسمتی سے ہارے۔ امید ہے دوسرے ٹیسٹ میں اظہرعلی اچھا پرفارم کریں گے۔انہوں نے بین اسٹوکس کی عدم دستیابی کو قومی ٹیم کیلئے فائدہ مند قراردیا ہے۔

باؤلنگ کوچ کا کہنا تھا کہ ہمیں ابھی نوجوان فاسٹ باولرز پر بھروسہ کرنا ہوگا۔ سیریز ابھی ختم نہیں ہوئی، ہم باوئنس بیک کریں گے۔پاکستان نے انگلینڈ کے خلاف دوسرے ٹیسٹ کے لیے سولہ رکنی اسکواڈ کا اعلان کیا ہے۔ سولہ رکنی اسکواڈ میں کپتان اظہرعلی، نائب کپتان بابراعظم، عابد علی اور اسد شفیق شامل ہیں۔ شان مسعود، فواد عالم، امام الحق، محمد عباس، محمد رضوان اور سرفراز احمد بھی اسکواڈ کا حصہ ہیں۔ شاداب خان، نسیم شاہ، سہیل خان، شاہین شاہ آفریدی، یاسرشاہ اور سہیل بھٹی بھی اسکواڈ میں شامل ہیں۔

انگلینڈ کو تین میچوں کی سیریز میں ایک صفر کی برتری حاصل ہے۔ پہلے ٹیسٹ میں پاکستان کو تین وکٹوں سے شکست ہوئی تھی۔
واضح‌رہے کہ گرین شرٹس پہلے میچ میں‌ اس پوزیشن میں تھی کہ میچ جیت کر ایک
صفر کی برتری حاصل کرے . لیکن اس موقع پر فائدہ اٹھانے میں‌ناکام رہی .

کرکٹ کا جنون، جمع شدہ عیدی سے بچوں نے پچ بنا ڈالی

باغی ٹی وی کی رپورٹ کے مطابق کرکٹ کھیلنے کے لئے جمع شدہ عیدی سے بچوں نے پچ بنا ڈالی

سماجی رابطے کی ویب سائٹ ٹویٹر پر اسفند یار خان نے ایک ویڈیو شیئر کی ہے جس میں ساتھ پیغام میں لکھا گیا ہے کہ بچوں کی عیدی 15 ہزار جمع ہوئی تھی،انہوں نے کرکٹ کھیلنے کے لئے جمع شدہ عیدی سے پچ بنائی ہے، انکے علاقے میں کرکٹ کھیلنے کی سہولت نہین تھی اس لئے بچوں نے ملکر یہ اقدام اٹھایا، ایسے بچوں کی حوصلہ افزائی کی ضرورت ہے

https://twitter.com/Asfandyar46071/status/1292793125040201729?s=08

اسفند یار خان نے جو ویڈیو شیئر کی ہے اس میں دیکھا جا سکتا ہے کہ کچھ لڑکے پچ پر کام کر رہے ہیں اسے بنا رہے ہیں اور کچھ ساتھ بیٹھے ہیں،

‏اللہ نے کبھی اختیار دیا تو خود گھاس کھا لوں گا مگر فوج کا بجٹ بڑھاوں گا، سابق کرکٹر شعیب اختر

ویڈیو میں ایک شخص کہتا ہے کہ بچوں نے 15 ہزار جیب سے لگائے، پشین بلوچستان میں یہاں پر ٹیلنٹ ہے لیکن پچز نہٰیں ہے، بلوچستان کے علاقوں کی طرف توجہ دینی چاہئے، پی سی بی کو بھی اس پر غور کرنا چاہئے، حکومت بھی اس طرف توجہ دے.

یقین سے کہہ سکتا ہوں کہ ایسا کرکٹ گراؤنڈ اور ایسا جنون پہلے کبھی نہیں دیکھا ہوگا.شعیب اختر