Category: کھیل

پاکستان کے اپنے وقت کے تیزباولر اور راولپنڈی ایکسپریس کے نام سے معروف شعیب اختر نے کہا ہے کہ انہیں ہندستان کے خلاف اپنے کیریئر کے دوران مسٹر وال کے نام سے معروف راہول ڈریوڈ کے سامنے گیند بازی کرنے میں مشکل پیش آتی تھی۔ حالانکہ سابق ​​پیسر کا مقابلہ ہندوستان کے سب سے بڑے بلے بازوں جیسے محمد اظہر الدین، سچن تندولکر، وی وی ایس لکشمن، ​​سورو گنگولی، ایم ایس دھونی سے ہوا تھا۔ لیکن جس بلے باز نے انہیں سب سے زیادہ تکلیف دی وہ کوئی اور نہیں بلکہ تجربہ کار راہول ڈریوڈ تھے۔

شعیب اختر نے انکشاف کیا کہ پاکستان کے کھلاڑی راہول ڈریوڈ کا سامنا کرنے سے پہلے منصوبے بناتے تھے۔ انہوں نے سابق ہندستانی کرکٹر آکاش چوپڑا کے ساتھ ان کے یوٹیوب شومیں گفتگو کرتے ہوئے کہا کہ اگر کوئی بیٹسمین راہول ڈریوڈ کی طرح کھیلتا ہے تو ہم اسے لمبی گیند کرتے تھے۔ اسٹمپ کے قریب ہم بیٹ اور پیڈ کے درمیان گیپ کو نشانہ بناتے ہوئے گیند کو پیڈ پر ہٹ کرنے کی کوشش کرتے تھے۔
شعیب اختر نے مزید کہا کہ راہول ڈریوڈ ایک مشکل اور پرعزم بلے باز تھے۔ میرے لئے انہیں آؤٹ کرنا مشکل تھا۔ وہ میرے خلاف آسانی سے کھیلتے تھے۔

لندن :کھیل کے میدان سے اہم خبرآگئی : 2021 اور 2022 ٹی20 ورلڈ کپ کی میزبانی کرنے والے ممالک کا اعلان ،اطلاعات کے مطابق کورونا وائرس کے سبب ملتوی کیا گیا ٹی20 ورلڈ کپ اب دوبراعظموں کے دوبڑے ملکوں میں منعقد ہوگا ، اس حوالے سے آئی سی سی کی طرف سے اعلان کردیا گیا ہے

انٹرنیشنل کرکٹ کونسل(آئی سی سی) نے تصدیق کی کہ کورونا وائرس کے سبب آئندہ سال فروری-مارچ میں شیڈول 50اوورز کا خواتین ورلڈ کپ بھی 2022 تک ملتوی کردیا گیا ہے۔

آئی سی سی کے چیف ایگزیکٹو مانو سوہنے نے کہا کہ آئی سی سی ایونٹس کے مستقبل کے حوالے اب ہماری سوچ بالکل واضح ہے جب ہمارے تمام اراکین کی توجہ ملتوی ہونے والے مقابلوں کو دوبارہ شیڈول کرنے پر مرکوز ہے۔انہوں نے کہا کہ 2021 ٹی20 ورلڈ کپ شیڈول کے مطابق بھارت میں منعقد ہو گا اور 2022 میں آسٹریلیا ایونٹ کی میزبانی کرے گا۔

کورونا سے کرکٹ سرگرمیاں متاثر ہونے سے قبل آسٹریلیا کو رواں سال اکتوبر نومبر میں ایونٹ کی مردوں کے ٹی20 ورلڈ کپ کی میزبانی کرنی تھی جس کے بعد بھارت کو 2021 میں ٹی20 اور 2023 میں 50اوورز کے ورلڈ کپ کی میزبانی کرنی تھی۔

اب نئے شیڈول کے مطابق بھارت پرانے منصوبے کے تحت ایونٹس کی میزبانی کرے گا البتہ رواں سال ملتوی ہونے والا ایونٹ 2022 میں آسٹریلیا میں منعقد ہو گا۔گزشتہ ماہ اپنے بورڈ کے اجلاس میں آئی سی سی نے کورونا کے درپیش مسائل اور سفری مشکلات کو مدنظر رکھتے ہوئے ایونٹ کو ملتوی کردیا تھا۔

میڈیا رپورٹس کے مطابق بھارتی کرکٹ بورڈ 2021 میں ایونٹ کے انعقاد کے موقع کو گنوانا نہیں چاہتا تھا کیونکہ ایسی صورت میں انہیں 2022 اور 2023 میں لگاتار دو سال عالمی ایونٹس کی میزبانی کرنا پڑتی۔

رواں سال ایونٹ کے لیے کوالیفائی کرنے والی تمام ٹیمیں آئندہ سال بھارت میں ہونے والے 16رکنی ایونٹ میں شریک ہوں گی جبکہ 2022 کے ٹورنامنٹ کے لیے نئے کوالیفائنگ راؤنڈ کا انعقاد کیا جائے گا۔

اس کے بعد ساتھ ساتھ خواتین ورلڈ کپ کو بھی 2021 سے 2022 میں منتقل کردیا گیا ہے اور آئی سی سی کے مطابق اس کی بدولت ٹیموں کو ایونٹ کے لیے اچھے طریقے سے تیاری کرنے کا موقع ملے گا۔

مانو سوہنے نے کہا کہ رواں سال ٹی20 ورلڈ کپ کے بعد سے خواتین کے بین الاقوامی مقابلے منعقد نہیں ہوئے اور اکثر ٹیمیں اسی طرح کی صورتحال سے دوچار ہیں لہٰذا ایونٹ کو 12ماہ کے لیے آگے بڑھانے سے ٹورنامنٹ میں حصہ لینے والی تمام ٹیموں کو ورلڈ کپ سے قبل اچھے انداز میں تیاری کا موقع ملے گا۔

دوحا : افواہیں دم توڑ گئیں،قطر ورلڈکپ 2022 کا شیڈول جاری،اطلاعات کے مطابق قطر ورلڈکپ 2022 کے میچز کا شیڈول جاری کردیا گیا ہے، پہلی مرتبہ عرب ریاست قطر کے آٹھ بہترین اسٹیڈیم میں دنیا کی 32 ٹیمیں فٹبال کی حکمران کے لئے چیمپئن بننے کا خواب لئے میدان میں اتریں گی۔ ورلڈ کپ 2022 میں مجموعی طور پر64 میچز کھیلے جائیں گے۔ دفاعی چیمپئن فرانس اپنے ٹائٹل کا دفاع کرے گی۔

جس نے ورلڈ کپ 2018 میں کروشیا کو فائنل میں 4-2سے آﺅٹ کلاس کرتے ہوئے ٹائٹل اپنے نام کیا تھا۔ تفصیلات کے مطابق کھیلوں کی دنیا کا سب سے بڑا میلہ فٹبال ورلڈ کپ 2022 قطر کا شیڈول جاری کردیا گیا۔ پہلی مرتبہ فٹبال ورلڈ کپ کے میچز اب جون جولائی کی بجائے نومبر دسمبر میں کھیلے جائیں گے۔

عرب کے صحرا قطر میں کھیلے جانے والے ورلڈکپ کے22 ویں ایڈیشن کا افتتاحی میچ 21نومبر کو البیت اسٹیڈیم میں کھیلاجائے گا، فائنل 18دسمبر کو لوزیل اسٹیڈیم میں شام چھ بجے کھیلا جائے گا۔دو سال بعد قطر میں کھیلے جانے والے ورلڈ کپ مقابلوں کےلئے قطر میں سات جدید آرٹ کے شاہکار اسٹیڈیم تیار کئے گئے ہیں جبکہ ایک اسٹیڈیم کو اپ گریڈ کیا گیا ہے۔

مجموعی طور پر ان آٹھ اسٹیڈیم میں ورلڈ کپ 2022 کے 64 میچز کھیلے جائیں گے، افتتاحی میچ کے لئے البیت اسٹیڈیم جس میں60 تماشائیوں کے بیٹھنے کی گنجائش ہے، فائنل کےلئے لوزیل اسٹیڈیم کو چنا گیا ہے جس میں80 ہزار تماشائیوں کے بیٹھنے کی جگہ مختص کی گئی ہے۔ورلڈ کپ 2022 کے ڈراز مارچ 2022 میں نکالے جائیں گے، ٹکٹوں کی فروخت 2020 کے آخر میں شروع کی جائے گی۔ورلڈ کپ کا افتتاحی میچ پہلی مرتبہ ورکنگ ڈے پیر21 نومبر کو شیڈول کیا گیا ہے۔

لیگ میچز بارہ روز میں مکمل ہونگے، روزانہ چار میچز کھیلے جائیں گے لیگ کا پہلا مرحلہ،21نومبر سے2 دسمبر کو اپنے اختتام کو پہنچے گا،اس کے بعد راﺅنڈ16 پری کوارٹر فائنل مرحلے میں آٹھ میچز ہفتہ3 دسمبر سے6 دسمبر تک کھیلے جائیں گے، بدھ 7دسمبر اور جمعرات8 دسمبر کو ایونٹ میں آرام کے دن کی وجہ سے کوئی میچز نہیں کھیلے جائیں گے۔ فائنل ایٹ کوارٹر فائنل مرحلے کے چار میچز جمعہ9 دسمبر اور ہفتہ10 دسمبر کو کھیلے جائیں گے،اتوار11دسمبر اور پیر12 دسمبر کو آرام کا دن ہوگا، اس کے بعد سیمی فائنل معرکہ منگل 13دسمبر کو پہلا سیمی فائنل اور بدھ14 دسمبر کو دوسرا سیمی فائنل شیڈول کیا گیا ہے۔

جمعرات15 دسمبر اور جمعہ16 دسمبر کو آرام کا دن رکھا گیا ہے۔ ہفتہ17 دسمبر کو تیسری پوزیشن کا میچ کھیلا جائے گا۔ فائنل اتوار 18دسمبر کو شام چھ بجے کھیلا جائے گا۔قطر ورلڈ کپ کی آرگنائزنگ کمیٹی اور فیفا نے ٹیموں کو سفری سہولیات کی آسانی کے لئے بہترین انتظامات کئے ہیں اب کسی بھی ٹیم کو کسی بھی مقامات پر اپنے میچز کھیلنے کے لئے ہوائی سفر کی ضرورت نہیں ہوگی۔

ورلڈ کپ کے فاتح ممالک کی بات کی جائے تو برازیل نے پانچ مرتبہ فٹبال کی حکمرانی کا تاج اپنے سر پر سجایا ہے، جرمنی اور اٹلی چار، چار، ارجنٹائن، یوروگوئے،فرانس نے دو، دو مرتبہ ، انگلینڈ اور اسپین نے ایک ایک بار ٹرافی کو اپنے شو کیس کی زینت بنایا ہے۔

ممبئی:بھارت کھیل کے میدان میں بھی مکاری کرنے لگا : نٹی ٹونٹی ورلڈ کپ آئندہ سال کرانے کےلئے لابنگ شروع ،اطلاعات کے مطابق کورونا وائرس کی وجہ سے رواں سال آسٹریلیا میں منعقد ہونے والا ٹی ٹونٹی ورلڈ کپ جو اب آئندہ برس کھیلا جائے گا کی میزبانی کےلئے بھارت نے لابنگ شروع کر دی ۔انٹر نےشنل کرکٹ کونسل( آئی سی سی )کی آج ہونے والی بورڈ مےٹنگ میں بھارتی اور آسٹریلوی بورڈ حکام بات چیت کریں گے،

بی سی سی آئی میگا ایونٹ2021میں کرانے کےلئے یڑی چوٹی کا زور لگائے گا۔تفصیلات کے مطابق کورونا وائرس کی وجہ سے پیدا شدہ صورتحال میں رواں سال اکتوبر، نومبر میں آسٹریلیا میں ہونے والا ٹی ٹوئنٹی ورلڈکپ ملتوی کردیا گیا تھا، دوسری جانب بھارت کو آئندہ سال ہونے والے مختصر فارمیٹ کے میگا ایونٹ کی میزبانی کرنا تھی، ملتوی ہونے والا ٹی ٹونٹی ورلڈکپ اب آئندہ سال اکتوبر میں ہوگا تاہم اس کی میزبانی کا فیصلہ موخر کردیا گیا تھا۔

بھارتی میڈیاکے مطابق بی سی سی آئی کی خواہش ہے کہ وہ ٹی ٹوئنٹی ورلڈکپ2021 میں کرائے جبکہ آسٹریلیا اپنے میگا ایونٹ کی 2022میں میزبانی کرے، آج ہونے والی آئی سی سی بورڈ میٹنگ میں اس حوالے سے کوئی فیصلہ متوقع ہے،بی سی سی آئی کے صدر سارو گنگولی اور سیکرٹری جے شاہ جبکہ کرکٹ آسٹریلیا کے چیئرمین ایرل ایڈنگز اور چیف ایگزیکٹیو نک ہوکلے ویڈیو کال پر ہونے والی بات چیت میں اپنا کیس لڑیں گے،

ایک آئی سی سی بورڈ ممبر کے مطابق کینگروز آئندہ سال میگا ایونٹ کرانے کیلیے پر تول رہے ہیں،ان کی پوری کوشش ہے کہ 2022تک انتظار کی کوفت سے نہ گزریں۔دوسری جانب بی سی سی ا?ئی کا موقف بھی کمزور نہیں کہا جا سکتا، حکام کا بجا طور پر خیال ہے کہ اگر آئندہ سال کا میگا ایونٹ آسٹریلیا کرائے تو بھارت پہلے ٹی ٹوئنٹی ورلڈکپ2022 اور اس کے بعد 50 اوورزکے ورلڈکپ 2023کا میزبان ہوگا، یہ بات معقول نہیں لگتی،بی سی سی آئی اپنا کیس لڑنے کےلئے ایڑی چوٹی کا زور لگائے گا،امکان یہی ہے کہ آسٹریلیا کو 2 سال تک انتظار کرنا ہوگا۔