Baaghi TV

Category: کھیل

  • ٹوکیو اولمپکس کی نئی تاریخوں کا اعلان کردیا گیا

    ٹوکیو اولمپکس کی نئی تاریخوں کا اعلان کردیا گیا

    ٹوکیو اولمپکس کی نئی تاریخوں کا اعلان کردیا گیا
    باغی ٹی وی :کورونا کے باعث رواں سال کے ملتوی ہونے والے ٹوکیو اولمپکس آئندہ برس 23 جولائی سے 8 اگست تک جاپان میں ہی ہوں گے۔

    انٹرنیشنل اولمپک کمیٹی، انٹرنیشنل پیرالمپک کمیٹی اور ٹوکیو 2020 آرگنائزنگ کمیٹی نے مشترکہ طور پر فیصلہ کیا ہے کہ ٹوکیو اولمپکس 23 جولائی سے 8 اگست 2021 تک ہوں گے۔

    اس کے علاوہ پیرالمپکس (معذور کھلاڑیوں کا اولمپک) 24 اگست 2021 سے 5 ستمبر 2021 تک ہوں گے۔

    واضح رہےکہ اس سے پہلے ٹوکیو اولیمپکس کو ملتوی کر دیا گیا تھا. آسٹریلیا اور کینڈا نے اپنے دستے ٹوکیواولمپکس میں نہ بھجوانے کا اعلان کردیا تھا.آسٹریلین اولمپک کمیٹی نے اعلان کرتے ہوئے کہا کہ دنیا کی موجودہ صورت حال میں اپنے اتھلیٹکس کو ٹوکیو نہیں بھجوا سکتے۔ اس وقت دنیا ایک مشکل صورت حال سے دوچار ہے اپنے اتھلیٹس کی زندگی خطرے میں نہیں ڈال سکتے ۔

  • مشکل وقت ہے ، وزیراعظم کھانے پینے کی اشیاء‌پرٹیکس ختم کردیں ، شاہد آفریدی بھی میدان میں آگئے

    مشکل وقت ہے ، وزیراعظم کھانے پینے کی اشیاء‌پرٹیکس ختم کردیں ، شاہد آفریدی بھی میدان میں آگئے

    اسلام آباد :مشکل وقت ہے ، وزیراعظم کھانے پینے کی اشیاء‌پرٹیکس ختم کردیں ، شاہد آفریدی بھی میدان میں آگئے ،باغی ٹی وی کےمطابق پاکستان قومی کرکٹ ٹیم کے سابق کپتان اور سٹارآل راونڈرشاہد آفریدی بھی کرونا وائرس کی وجہ سے درپیش بحران میں غریب عوام کے حق میں بول پڑے ،

     

    اطلاعات کےمطابق سماجی رابطے کی ویب سائٹ ٹویٹرپراپنے پیغام میں شاہد آفریدی نے وزیراعظم عمران خان کے نام اپنے پیغام میں کہا ہےکہ کرونا وائرس کی وجہ سے درپیش موجودہ بحران کے باعث وزیراعظم عمران خان سے اپیل ہے کہ کھانے پینے کی اشیافی الحال ٹیکس سے مشتنیٰ قرار دے دیں

    شاہد آفریدی نے کہا ہےکہ مشکل وقت ہے تاکہ ان اشیا کی قیمتوں میں کمی سے عام عوام فائدہ اٹھا سکیں۔ ہم سب کو ملکر اس وبائی صورتحال میں اپنا کردار ادا کرنا ہوگا،شاہد آفریدی نے کہا ہےکہ یہ موقع ہے کہ صاحب ثروت لوگ غریبوں کی مدد کےلیے آگے آئیں اورجو کچھ ہوسکتا ہے عطیات کریں

  • اسکواش کے عالمی چیمپیئن جہانگیرخان کے چچا جان عظیم کھلاڑی اعظم خان کورونا وائرس کی وجہ سے وفات پاگئے

    اسکواش کے عالمی چیمپیئن جہانگیرخان کے چچا جان عظیم کھلاڑی اعظم خان کورونا وائرس کی وجہ سے وفات پاگئے

    اسلام آباد :اسکواش کے عالمی چیمپیئن جہانگیرخان کے چچا جان عظیم کھلاڑی اعظم خان کورونا وائرس کے سبب جاں بحقاسکواش کے عظیم ترین کھلاڑیوں میں سے ایک اور لگاتار چار مرتبہ برٹش اوپن چیمپیئن شپ جیتنے والے پاکستانی اسٹار اعظم خان لندن میں کورونا وائرس کے سبب انتقال کر گئے۔

    1959 سے 1962 تک لگاتار چار مرتبہ برٹش اوپن تائٹلز جیتنے والے اعظم خان کے گزشتہ ہفتے کورونا وائرس کا شکار ہونے کی تشخیص ہوئی تھی اور وہ آج 95 برس کی عمر میں اس دار فانی سے کوچ کر گئے۔ان کے بیٹے نے ہفتے کی دوپہر اپنے والد کی وفات کی تصدیق کردی۔

    اعظم خان 60کی دہائی میں برطانیہ میں مقیم ہو گئے تھے اور وہ ان کا تعلق اسکواش کے اس گھرانے سے ہے جس نے کئی سالوں تک پاکستان کو فتوحات سے ہمکنار کرایا۔اسکواش پلیئر ڈاٹ کو ڈاٹ یو کے کے مطابق اعظم کے بڑے بھائی ہاشم خان 1951 میں برٹش اوپن جیتنے والے پہلے پاکستانی کھلاڑی تھے اور انہوں نے والد کے انتقال کے بعد 11سال چھوٹے بھائی اعظم کی پرورش کی ذمے داری اٹھائی۔وہ 1953 میں اعظم کو اپنے ہمراہ لندن لے گئے تھے اور وہاں جاتے ہی انہوں نے پیشہ ورانہ اسکواش کے مقابلوں میں حصہ لینا شروع کردیا تھا۔

    اعظم نے برٹش اوپن میں پہلی مرتبہ شرکت کی تو اسی سال سیمی فائنل میں جگہ بنانے میں کامیاب رہے جہاں ان کا مقابلہ اپنے بڑے بھائی سے ہوا جس میں انہیں سخت مقابلے کے بعد بڑے بھائی کے ہاتھوں پانچ سیٹ کے میچ میں شکست ہوئی۔وہ مستقل بڑے عالمی مقابلوں میں شرکت کرتے رہے اور 1958 میں جب ہاشم انجری کے سب ایونٹ سے دستبردار ہوئے تو اعظم نے چیمپیئن بننے کا اعزاز حاصل کر لیا۔

    انہوں نے اس کے بعد مزید تین سال لگاتار برٹش اوپن چیمپیئن بننے کا اعزاز حاصل کیا البتہ 1963 میں انجری کے سبب وہ دوبارہ اسکواش نہ کھیل سکے۔اپنے کیریئر میں 7مرتبہ برٹش اوپن میں شرکت کرنے والے اعظم کا شمار اسکواش کے عظیم ترین کھلاڑیوں میں ہوتا ہے اور ان کے کیریئر کا سب سے یادگار لمہ وہ تھا جب 1960 میں انہوں نے اپنے بڑے بھائی ہاشم خان کو یکطرفہ مقابلے کے بعد 1-9، 0-9 اور 0-9 سے مات دے دی تھی۔

    اعظم کے بعد ان کے بھتجے اور اسکواش کی دنیا کے عظیم ترین کھلاڑی تصور کیے جانے والے جہانگیر خان نے اپنے والد اور چچا کے نقش قدم پر چلتے ہوئے تمام ریکارڈ پاش پاش کردیے۔

  • توُناں تےتیریاں یاداں ہی سئی:ورلڈکپ 1992؛ بورڈ نے ٹرافی قذافی اسٹیڈیم میں سجا دی،28 سال کی یادیں بھی کرونا کی نظرہوگئیں

    توُناں تےتیریاں یاداں ہی سئی:ورلڈکپ 1992؛ بورڈ نے ٹرافی قذافی اسٹیڈیم میں سجا دی،28 سال کی یادیں بھی کرونا کی نظرہوگئیں

    لاہور: توُناں تےتیریاں یاداں ہی سئی:ورلڈکپ 1992؛ بورڈ نے ٹرافی قذافی اسٹیڈیم میں سجا دی،اطلاعات کے مطابق پاکستان کی ورلڈ کپ فتح کو 28 سال مکمل ہوگئے جب کہ کورونا وائرس کی وجہ سے سالگرہ نہ منائی جا سکی۔

    25 مارچ 1992 کو میلبورن میں کھیلے جانے والے فائنل میں پاکستان نے انگلینڈ کو شکست دے کر تاریخ میں پہلی اور آخری بار ورلڈ کپ اپنے نام کیا تھا، گروپ مرحلے میں بڑی مشکل سے سفر جاری رکھنے والے گرین شرٹس فارم میں آئے تو پھر کسی حریف کو خاطر میں نہیں لائے اور فیورٹ نہ ہونے کے باوجود مشن مکمل کرتے ہوئے دنیا کو حیران کردیا، ٹیم کی قیادت کرنے والے عمران خان نے سیاست کے میدان میں قدم رکھا اور اس وقت ملک کے وزیراعظم ہیں۔

    کورونا وائرس کی وجہ سے پیدا ہونے والی صورتحال میں پی سی بی سالگرہ کی تقریب کا اہتمام نہیں کر سکا،البتہ کرسٹل ٹرافی کو قذافی اسٹیڈیم میں رکھ کر تصویر اور یادگار سفر کی ویڈیو جاری کر دی۔فاتح ٹیم کے 2ارکان رمیز راجہ اور وسیم اکرم نے اپنی یادیں تازہ کرتے ہوئے کہا کہ فتح کے بعد قوم نے ہمیں ہیرو کا درجہ دیا، ایئرپورٹ سے روانہ ہوئے تو نصف گھنٹے کا سفر 6 گھنٹے میں طے ہوا۔

    ذرائع کےمطابق پاکستان کرکٹ ٹیم کےسابق کپتان وسیم اکرم نے کہا کہ اس فتح سے دنیا میں پاکستان کی پہچان ہوئی، ہم سب کو بہت زیادہ مقبولیت حاصل ہوئی، بعد ازاں ہم میں سے کئی، کوچ، کپتان بنے، عمران خان کا نام لیے بغیر انھوں نے کہا کہ ایک تو سیاستدان اور وزیر اعظم بھی بن گیا۔

  • پی سی بی نے جان بوجھ کریا غیرشعوری طورپرلائیواسٹریمنگ کے حقوق جوئے کی عالمی کمپنی کودیئے ،تحقیقات ہونی چاہیں، جاوید میاںداد

    پی سی بی نے جان بوجھ کریا غیرشعوری طورپرلائیواسٹریمنگ کے حقوق جوئے کی عالمی کمپنی کودیئے ،تحقیقات ہونی چاہیں، جاوید میاںداد

    کراچی: پی سی بی نے جان بوجھ کریا غیرشعوری طورپرلائیواسٹریمنگ کے حقوق جوئے کی عالمی کمپنی کودیئے ،تحقیقات ہونی چاہیں،اطلاعات کےمطابق سابق ٹیسٹ کپتان جاوید میانداد نے کہا ہے کہ پی ایس ایل کے لائیو اسٹریمنگ حقوق جوئے کی کمپنی کو دینے کی اعلی سطح پرغیر جانبدارانہ تحقیقات ہونی چاہئیں،غلطی کے مرتکب کو قصور وارثابت ہونے پر سزا دی جائے، اس معاملے میں فریقین کے درمیان معاہدہ بہت اہمیت کا حامل ہے،پاکستان کرکٹ بورڈ کو مستقبل کے لیے سبق مل گیا۔

    ذرائع کےمطابق سابق کپتان اورپاکستان کے عظیم بلے بازجاوید میاں داد نے کہا کہ پی ایس ایل میں 2019 سے2021 تک تین ایڈیشنز کیلیے پاکستان سے باہر لائیو اسٹریمنگ کے حقوق سٹے باز کمپنی کو فروخت کرنا اہم معاملہ ہے،دنیا بھر میں کھیلوں میں قانونی طور پر بیٹنگ(سٹہ بازی) کی جاتی ہے تاہم پاکستان میں ایسا نہیں ہوتا، پی ایس ایل قومی ایونٹ ہے، پی سی بی اور لائیو اسٹریمنگ کرنے والی غیر ملکی کمپنی کا معاہدہ بہت اہمیت رکھتا ہے، ضرورت اس امر کی ہے کہ اس اہم معاملے کی اعلیٰ سطح پر غیر جانبدارانہ تحقیقات کرائی جائیں، پی سی بی از خود یہ تحقیقات نہیں کر سکتا، رپورٹ دیکھ کر قصوروار کا تعین اور ضابطے و قواعد کے مطابق سزا دی جائے.

    جاوید میانداد نے کہا کہ معاہدے کی شقوں کا جائزہ لے کر دیکھنا ہوگا کہ یہ عمل جان بوجھ کر کیا گیا یا غلطی سے سرزد ہوا، اگر یہ بات سامنے آئے کہ بورڈ کو اس امر کا علم تھا کہ پارٹنر کسی سٹہ بازکمپنی سے معاہدہ کرنے کا مجاذ ہے تو پی سی بی ہی قصور وار قرار پائے گا اور سزا کا بھی حقدار ہو گا،البتہ اگرمعاملہ برعکس ہو اور بورڈ کے علم میں لائے بغیر ایسا ہوا تواسے بری الذمہ قرار دیا جانا چاہیے.

  • ’’جب سے ہوئی ہے شادی آنسو بہا رہا ہوں،آفت گلے پڑی ہے اس کو نبھا رہا ہوں‘‘بھارتی بیٹسمین شیکھر دھون کی ویڈیو نے دھوم مچادی

    ’’جب سے ہوئی ہے شادی آنسو بہا رہا ہوں،آفت گلے پڑی ہے اس کو نبھا رہا ہوں‘‘بھارتی بیٹسمین شیکھر دھون کی ویڈیو نے دھوم مچادی

    لاہور: ’’جب سے ہوئی ہے شادی آنسو بہا رہا ہوں،آفت گلے پڑی ہے اس کو نبھا رہا ہوں‘‘بھارتی بیٹسمین شیکھر دھون کی ویڈیو نے دھوم مچادی ،اطلاعات کےمطابق کورونا وائرس کی وجہ سے گھر میں بیٹھے بھارتی بیٹسمین شیکھر دھون نے سوشل میڈیا پر مزاحیہ ویڈیو جاری کر دی۔

    https://twitter.com/SDhawan25/status/1242435125423616000?ref_src=twsrc%5Etfw%7Ctwcamp%5Etweetembed%7Ctwterm%5E1242435125423616000&ref_url=https%3A%2F%2Fwww.express.pk%2Fstory%2F2025624%2F16

    ویڈیو میں ان کی اہلیہ عائشہ حکم چلاتے ہوئے شیکھر دھون سے کپڑے دھلوا اور باتھ روم صاف کروا رہی ہیں، دوسری جانب خود وہ فون پر گپ شپ لگاتی نظر آرہی ہیں،اس دوران پس منظر میں فلمی گانا ’’جب سے ہوئی ہے شادی آنسو بہا رہا ہوں،آفت گلے پڑی ہے اس کو نبھا رہا ہوں‘‘ چل رہا ہے۔

    شیکھر دھون نے اپنی اس پوسٹ میں لکھا کہ ’ایک ہفتہ گھر پر گزارنے کے بعد، حقیقت بڑی تلخ ہوتی ہے‘۔

    یادرہےکہ کرونا وائرس کے پھیلاوکوروکنےکےلیے دنیا بھرکی حکومتوں نے اپنے اپنے ملکوں میں لاک ڈاون کررکھا ہے، جس کی وجہ سے بچے ، اہل وعیال سب ایک ہی جگہ اکٹھے ہیں‌جس کی وجہ سے ایسے دلچسپ واقعات پیش آرہے ہیں

  • جزبوں کا سلسلہ شروع : باکسر عامر خان کا 4منزلہ عمارت کورونا وائرس متاثرین کو دینے کا اعلان

    جزبوں کا سلسلہ شروع : باکسر عامر خان کا 4منزلہ عمارت کورونا وائرس متاثرین کو دینے کا اعلان

    لاہور:جزبوں کا سلسلہ شروع : باکسر عامر خان کا 4منزلہ عمارت کورونا وائرس متاثرین کو دینے کا اعلان،اطلاعات کےمطابق برطانوی باکسر عامر خان بھی کوروناوائرس سے متاثرہ افراد کے لیے میدان میں آ گئے اور انہوں نے 4منزلہ عمارت کورونا وائرس متاثرین کو دینے کا اعلان کردیا۔

    مہلک کورونا وائرس نے پوری دنیا کو اپنی لپیٹ میں لے رکھا ہے اور پاکستان میں اس بیماری کے باعث کہیں مکمل اور کہیں جزوی لاک ڈاؤن جاری ہے جبکہ عوام کو گھروں میں رہنےکی ہدایات کی جارہی ہیں۔ اسی سلسلہ میں برطانوی باکسر عامر خان بھی کوروناوائرس سے متاثرہ افراد کے لیے میدان میں آ گئے۔

    ان کا کہنا تھا کہ اندازہ ہے عوام کے لیے ہسپتال میں بیڈ حاصل کرنا کتنا مشکل ہے،اپنی عمارت استعمال کے لیے نیشنل ہیلتھ سروس کو دینےکے لیے تیار ہوں،تمام لوگ اپنا بہت خیال رکھیں۔

    پاکستان میں کورونا وائرس کے کل کیسز کی تعداد1059ہو گئی ہےجبکہ اب تک 19 افراد اس بیماری سے صحت یاب ہو چکے ہیں اور 8افراد اس بیماری کے باعث جاں بحق ہو چکے ہیں۔صوبہ سندھ میں 413، صوبہ پنجاب میں 312،خیبرپختونخوا میں 117 بلوچستان میں 119،گلگت بلتستان میں 81،اسلام آباد میں 16 کیسز سامنے آ چکے ہیں جبکہ ایک کیس آزاد کشمیر سے بھی سامنے آیا ہے۔

  • پاکستانی قوم کا جزبہ جاگ اٹھا، سینٹرل کنٹریکٹ یافتہ کرکٹرز کورونا فنڈ میں 50 لاکھ روپے عطیہ کریں گے

    پاکستانی قوم کا جزبہ جاگ اٹھا، سینٹرل کنٹریکٹ یافتہ کرکٹرز کورونا فنڈ میں 50 لاکھ روپے عطیہ کریں گے

    لاہور: پاکستانی قوم کا جزبہ جاگ اٹھا، سینٹرل کنٹریکٹ یافتہ کرکٹرز کورونا فنڈ میں 50 لاکھ روپے عطیہ کریں گے،طلاعات کےمطابق پاکستان کرکٹ بورڈ (پی سی بی) بھی کورونا وائرس کے خلاف جنگ میں اپنا کردار ادا کرنے میدان میں آگیا۔

    پی سی بی کی جانب سے اعلان کیا گیا ہے کہ سینٹرل کنٹریکٹ یافتہ کھلاڑی مجموعی طور پر 50 لاکھ روپے عطیہ کریں گے۔ جبکہ جنرل منیجر اور اس سے بڑے عہدے کے ملازمین 2 روز کی تنخواہ عطیہ کریں گے۔کورونا وائرس سے خاتون جاں بحق ، ملک بھر میں متاثرہ افراد کی تعداد ہزار سے تجاوز کرگئی

    پی سی بی کے مطابق سینیئر منیجر کے عہدے تک کے ملازمین ایک روز کی تنخواہ ایمرجنسی فنڈ میں دیں گے۔پاکستان کرکٹ بورڈ کے چیئرمین احسان مانی کا کہنا ہے کہ پی سی بی ہر مشکل وقت میں حکومت کے ساتھ کھڑا رہا ہے ، امید ہے کرکٹرز اور ملازمین اپنے طور پر بھی عطیات کر رہے ہوں گے۔

  • کورونا وائرس : ٹوکیو اولمپکس 2020 ٹرمپ،بورس جانسن اورکئی بڑوں کی تجویز کے بعد ایک سال کیلئے ملتوی

    کورونا وائرس : ٹوکیو اولمپکس 2020 ٹرمپ،بورس جانسن اورکئی بڑوں کی تجویز کے بعد ایک سال کیلئے ملتوی

    ٹوکیو:کورونا وائرس : ٹوکیو اولمپکس 2020 ٹرمپ،بورس جانسن اورکئی بڑوں کی تجویز کے بعد ایک سال کیلئے ملتوی ، اطلاعات کےمطابق کورونا وائرس کے باعث جاپان میں ہونے والے ٹوکیو اولمپکس 2020 ایک سال کے لیے ملتوی کردیے گئے۔

    بین الاقوامی اولمپک کمیٹی ( آئی او سی) اور ٹوکیو اولمپک آرگنائزنگ کمیٹی کی جانب سے مشترکہ بیان میں اولمپکس 2020 ملتوی کرنے کا اعلان کیا گیا۔بیان کے مطابق آئی او سی کے سربراہ تھامس باخ اور جاپانی وزیراعظم شنزو ایبے نے کانفرنس کال پر گفتگو کی جس میں دیگر جاپانی حکام اور اولمپک کمیٹی کے عہدیدار بھی شریک ہوئے۔

    دونوں رہنماؤں نے کورونا وائرس کے پھیلاؤ اور اولمپک 2020 کے انعقاد کے حوالے سے تبادلہ خیال کیا اور اس بات پر اتفاق کیا کہ اولمپک گیمز کو ایک سال کے لیے ملتوی کردینا چاہیے۔بیان میں کہا گیا ہے کہ دونوں رہنماؤں نے اس بات پر بھی اتفاق کیا ہے کہ اولمپک مشعل جاپان میں ہی رہے گی اور اولمپک گیمز کا نام ٹوکیو اولمپک 2020 ہی رہے گا جب کہ کوشش کی جائے گی کہ یہ مقابلے 2021 کے موسم گرما سے پہلے ہی مکمل ہوجائیں۔

    خیال رہے کہ ٹوکیو اولمپکس کا انعقاد جاپان میں رواں برس 24 جولائی سے 9 اگست تک کیا جانا تھا جس کے لیے جاپان میں بڑے پیمانے پر انتظامات بھی کیے جا رہے تھے۔

    اس سے قبل امریکی صدر ڈونلڈ ٹرمپ اور برطانوی وزیراعظم بھی کورونا وائرس کے خدشے پیش نظر ٹوکیو اولمپکس ملتوی کرنے کی تجویز پیش کر چکے ہیں جب کہ کینیڈا نے اپنی ٹیم جاپان بھیجنے سے انکار کردیا تھا۔

    و

  • کھلاڑی بھی کرونا کے خلاف میدان میں آگئے :کامران اکمل کا کورونا وائرس سے بچاؤ کیلئے ویڈیو پیغام جاری

    کھلاڑی بھی کرونا کے خلاف میدان میں آگئے :کامران اکمل کا کورونا وائرس سے بچاؤ کیلئے ویڈیو پیغام جاری

    لاہور:کھلاڑی بھی کرونا کے خلاف میدان میں آگئے :کامران اکمل کا کورونا وائرس سے بچاؤ کیلئے ویڈیو پیغام جاری،اطلاعات کے مطابق کامران اکمل بھی کورونا وائرس کے خلاف مہم کیلئے سرگرم ہوگئے، وکٹ کیپر بلے باز کامران اکمل نے ویڈیو پیغام میں صفائی رکھنے جبکہ ہاتھ دھونے کا طریقہ بھی بتایا۔

    سٹار بلے باز کامران اکمل نے پشاور زلمی کے پلیٹ فارم سے کورونا وائرس سے بچاؤ کیلئے ویڈیو پیغام جاری کیا جس میں انہوں نے عوام کو صفائی کا خاص خیال رکھنے کی ہدایت کی اور ہاتھ دھونے کا طریقہ بھی بتایا،

    کامران اکمل کا کہنا ہے کہ عوام کورونا وائرس کے خلاف حکومتی مہم میں شامل ہوں۔ عوام کے تعاون کے بغیر حکومت کورونا وائرس پر قابو نہیں پا سکتی۔ کامران اکمل نے کہا کہ کورونا وائرس کا ماہرین کی نظر میں واحد حل سماجی دوری ہے۔ عوام شاپنگ مالز، مارکیٹس اور رش والی جگہ پر جانے سے پرہیز کریں۔