Baaghi TV

Category: کھیل

  • کرونا وائرس، آئی پی ایل میچز خطرے میں،مہاراشٹر کے بعد دہلی نے بھی کیا انکار

    کرونا وائرس، آئی پی ایل میچز خطرے میں،مہاراشٹر کے بعد دہلی نے بھی کیا انکار

    باغی ٹی وی کی رپورٹ کے مطابق کرونا وائرس کے خدشے کے پیش نظر دہلی میں آئی پی ایل میچز منسوخ کر دیئے گئے

    قبل ازیں کرناٹک حکومت نے بھی آئی پی ایل میچوں کی میزبانی نہ کرنے کا فیصلہ کیا تھا، مہاراشٹر نے بھی آئی پی ایل کے پہلے مقابلے کی ٹکٹ کی فروخت پر پابندی لگا دی ہے۔ کرونا وائرس کے حوالہ سے آئی پی ایل کی گورننگ کونسل 14 مارچ کو اہم اجلاس کرے گی،اجلاس میں فیصلہ ہو گا کہ آئی پی ایل منسوخ کیا جائے یا نہیں.

    بھارت میں کرونا وائرس سے ایک ہلاکت ہو چکی ہے جبکہ 75 مریض سامنے آ چکے ہیں،بھارت نے ویزوں پر بھی پابندی لگا دی ہے جس کے بعد آئی پی ایل میں شریک کرکٹرز کی آمد پر بھی سوالیہ نشان لگ گیاہے۔ بھارتی حکومت کی نئی میڈیکل ایڈوائزری کے مطابق نئے ویزے جاری کرنے کی پالیسی کو 15 اپریل تک انتہائی سخت کردیا گیا ہے، ایک تجویز خالی اسٹیڈیم میں میچز کرانے کی بھی زیرغور ہے.

    بھارتی وزارت صحت کا کہنا ہے کہ 14 نئے کیسز سامنے آئے ہیں جن میں اے دہلی، لداخ، اترپردیش، اور آندھراپردیش میں نئے مریضوں میں کرونا کی تشخیص ہوئی ہے،دہلی میں اب تک کرونا کے 6 مریض سامنے آ چکے ہیں، اترپردیش میں کرونا کے 10 مریض ہیں،کرناٹک میں چار ، مہاراشٹر میں 11 اور لداخ میں تین کیس سامنے آئے ہیں

    گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

    بھارت میں کرونا کے 44 مریض، مندر میں بتوں کو بھی ماسک پہنا دیئے گئے

    کرونا وائرس، مودی کو بھی ہوش آ‌گیا، بڑی پابندی لگا دی

    کرونا وائرس سے بچاؤ کے لئے بھارت میں ایک اہم اجلاس ہوا جس میں فیصلہ کیا گیا کہ بھارت نے کرونا وائرس سے بچاؤ کے لئے بھارت آنے والے تمام ملکی و غیر ملکی شہریوں کے ویزے معطل کر دئے ہیں. تاہم ڈپلومیٹک ویزا ، آفیشل اور یو این کے روزگار سے متعلق پروجیکٹ کے مخصوص ویزا ہولڈرز کو اس پابندی سے مستثنیٰ قرار دیا گیا ہے

  • کرونا وائرس : ٹوکیواولمپکس گیمزکے ملتوی ہونے کا قوی امکان پیدا ہوگیا ، ٹرمپ نے بھی مخالفت کردی

    کرونا وائرس : ٹوکیواولمپکس گیمزکے ملتوی ہونے کا قوی امکان پیدا ہوگیا ، ٹرمپ نے بھی مخالفت کردی

    لندن :کرونا وائرس : ٹوکیواولمپکس گیمزکے ملتوی ہونے کا قوی امکان پیدا ہوگیا ، ٹرمپ نے بھی مخالفت کردی ،اطلاعات کےمطابق امریکی صدر ڈونلڈ ٹرمپ نے کورونا وائرس کے باعث جاپان میں ہونے والے اولمپکس گیمز2020کو ملتوی کرنے کی تجویز دی ہے۔

    برطانوی خبر رساں ادارے کے مطابق ڈونلڈ ٹرمپ نے اپنے ایک بیان میں کہا ہے کہ ٹوکیو اولمپک 2020 کو ایک سال تک کے لیے ملتوی کردینا چاہیے۔ڈونلڈ ٹرمپ کا کہنا ہے کہ تماشائیوں کے بغیر خالی اسٹیڈیمز دیکھنے سےزیادہ اولمپکس گیمز ملتوی ہونا بہتر ہے۔

    خیال رہے کہ امریکا اولمپک گیمز کا سب سے بڑا رکن ملک ہے اور امریکا سے سب سے زیادہ کھلاڑی اولمپکس میں شریک ہوتے ہیں۔اولمپکس 2020 کا آغاز 24 جولائی سے جاپان میں ہونا ہے تاہم کورونا وائس کے خدشات کے پیش نظر اس کا وقت پر انعقاد مشکل نظر آرہا ہے۔

    واضح رہے کہ دنیا بھر میں اس وقت تک 1 لاکھ 33 ہزار سے زائد کورونا وائرس کے کیس سامنے آچکے ہیں جب کہ اس سے ہلاکتوں کی تعداد 4 ہزار 949 ہوگئی ہے۔جاپان میں کورونا وائرس کے کل 691 مریض سامنے آئے ہیں جن میں سے 19 افراد ہلاک ہوچکے ہیں۔

  • کورونا وائرس؛ پی ایس ایل کے دیگر میچز بغیر شائقین کروانے کا اعلان،سب حیران،بدل گیا جہان

    کورونا وائرس؛ پی ایس ایل کے دیگر میچز بغیر شائقین کروانے کا اعلان،سب حیران،بدل گیا جہان

    کراچی: کورونا وائرس؛ پی ایس ایل کے دیگر میچز بغیر شائقین کروانے کا اعلان،سب حیران،بدل گیا جہان ،اطلاعات کےمطابق وزیراعلیٰ سندھ سید مراد علی شاہ نے کورونا وائرس کی وجہ سے کراچی میں شیڈول پاکستان سپر لیگ کے دیگر میچز بغیر شائقین کروانے کا اعلان کردیا۔

    وزیراعلیٰ سندھ سید مراد علی شاہ نے کراچی میں شیڈول پاکستان سپر لیگ کے دیگر میچز کے حوالے سے اہم فیصلہ کرتے ہوئے کہا کہ ہم کراچی میں پی ایس ایل کے میچز کروارہے ہیں لیکن اس سے زیادہ مزید رسک نہیں لے سکتے اور صرف آج کے میچ میں شائقین موجود ہیں کل سے تمام میچز بند اسٹیڈیم میں ہوں گے، کل اور دیگر میچز میں شائقین نہیں ہوں گے۔

    دوسری جانب وزیر اعلیٰ سندھ سید مراد علی شاہ نے کمشنر کراچی کو پاکستان کرکٹ بورڈ سے بات کرکے فیصلہ پر عمل کروانے کی ہدایت کردی، کمشنر کراچی نے پی سی بی کو فون کرکے وزیر اعلیٰ سندھ کے فیصلے سے آگاہ کردیا۔

    واضح رہے پاکستان سپر لیگ کے پانچویں ایڈیشن میں سنسنی خیز مقابلوں کا سلسلہ جاری ہے اور جوں جوں لیگ اپنے اختتام کو پہنچ رہی ہے ویسے ہی شائقین کی دلچسپی بھی لیگ میں بڑھتی جارہی ہے، یہی وجہ ہے کہ لاہور ، ملتان اور اسلام آباد کے گزشتہ میچز میں ہمیں گراؤنڈ شائقین سے کھچا کھچ بھرا ہوا دکھائی دیا۔

    وزیراعلیٰ سندھ کے فیصلے سے نہ صرف شائقین کرکٹ مایوس ہوں گے بلکہ پاکستان سپر لیگ کے دلچسپی میں بھی کمی دیکھنے میں آئے گی یہی نہیں بین الاقوامی و قومی کرکٹرز کو بھی خالیوں کرسیوں کے سامنے کھیلنے کا لطف نہیں آئے گا جب کہ اس فیصلے سے پہلی بار اپنے ملک میں ہونے والی پاکستان سپر لیگ کا اختتام انتہائی مایوس کن ثابت ہوسکتا ہے۔

  • ملک بھرمیں بارشیں : کوئٹہ گلیڈی ایٹرز اور ملتان سلطانز کے درمیان میچ بارش کے باعث منسوخ کردیا گیا

    ملک بھرمیں بارشیں : کوئٹہ گلیڈی ایٹرز اور ملتان سلطانز کے درمیان میچ بارش کے باعث منسوخ کردیا گیا

    لاہور:ملک بھرمیں بارشیں : کوئٹہ گلیڈی ایٹرز اور ملتان سلطانز کے درمیان میچ بارش کے باعث منسوخ کردیا گیا ،اطلاعات کےمطابق کوئٹہ گلیڈی ایٹرز اور ملتان سلطانز کے مابین پی ایس ایل 2020 کا 25واں میچ بارش کے باعث منسوخ کردیا گیا ہے۔

    میچ منسوخ ہونے کے باعث دونوں ٹیموں کو ایک ایک پوائنٹ مل گیا ہے۔ ملتان سلطانز کی ٹیم 12 پوائنٹس کے ساتھ بدستور پوائنٹس ٹیبل پر پہلے اور کوئٹہ گلیڈی ایٹرز کی ٹیم 7 پوائنٹس کے ساتھ آخری نمبر پر موجود ہے۔

    یاد رہےکہ آج منسوخ ہونے والے اس میچ میں شائقین کیطرف سے بہت آمد کی امید تھی ۔12 مارچ کو کراچی کنگز اور لاہور قلندرز کی ٹیمیں شام 7 بجے نیشنل اسٹیڈیم کراچی میں مدمقابل آئیں گی

  • تیار ہے تیار ہے کراچی ایچ بی ایل پی ایس ایل2020 کے اہم میچوں کے لیے تیار ہے،کروناوائرس کے پیش نظرہدایات بھی جاری

    تیار ہے تیار ہے کراچی ایچ بی ایل پی ایس ایل2020 کے اہم میچوں کے لیے تیار ہے،کروناوائرس کے پیش نظرہدایات بھی جاری

    لاہور:تیار ہے تیار ہے کراچی ایچ بی ایل پی ایس ایل2020 کے اہم میچوں کے لیے تیار ہے ،باغی ٹی وی کےمطابق ایچ بی ایل پاکستان سپر لیگ 2020 کا 26واں میچ کراچی کنگز اور لاہور قلندز کے مابین کھیلا جائے گا۔ 12 مارچ بروز جمعرات کو شیڈول یہ میچ دونوں ٹیموں کے لیے انتہائی اہم ہے۔میچ میں فتح، کراچی کنگز اور لاہور قلندرز دونوں ٹیموں کے لیے اگلے مرحلے میں رسائی کے امکانات روشن کردے گی۔

    دونوں ٹیمیں اس سے قبل 8 مارچ بروز اتوار کوقذافی اسٹیڈیم لاہور میں مدمقابل آئیں تھیں، جہاں میزبان ٹیم نے بین ڈنک کی برق رفتار اننگز کی بدولت 188 رنز کا ہدف 2 وکٹوں کے نقصان پر حاصل کرلیا تھا۔

    کراچی کنگز کے خلاف پہلے لیگ میچ میں کامیابی کے بعد پشاور زلمی کو شکست دینے والی لاہور قلندرز کی ٹیم فی الحال 8 پوائنٹس کے ساتھ پوائنٹس ٹیبل پر تیسری پوزیشن پر موجود ہے۔ دوسری طرف کراچی کنگز 7 پوائنٹس کے ساتھ ٹیبل پر پانچویں پوزیشن پر موجود ہے تاہم میزبان ٹیم کو اپنے ہوم گراؤنڈ پر ابھی مزید تین میچز کھیلنے ہیں۔

    ایچ بی ایل پی ایس ایل 2020 میں جہاں کراچی کنگز تیسری مرتبہ نیشنل اسٹیڈیم کراچی میں ایکشن میں نظر آئے گی تو یہ لاہور قلندرز کا کراچی کے میدان پر پہلا مقابلہ ہوگا۔ دونوں ٹیموں کے درمیان میچ برقی قمقموں کی روشنی میں کھیلا جائے گا۔

    اس سے قبل نیشنل اسٹیڈیم کراچی میں کھیلے گئےدومیچوں میں کراچی کنگز کو ایک میں شکست اور ایک میں کامیابی حاصل ہوئی۔ ایونٹ کے دوسرے میچ میں کراچی کنگز نے پہلے بیٹنگ کرتے ہوئے پشاور زلمی کے خلاف 4 وکٹوں کے نقصان پر 201 رنز بنائے تھے۔ جواب میں پشاور زلمی کی ٹیم مقررہ بیس اوورز میں 7 وکٹوں کے نقصان پر 191 رنز ہی بناسکی۔

    پہلے میچ میں دس رنز سے کامیابی حاصل کرنے والی کراچی کنگز کی ٹیم کوکوئٹہ گلیڈی ایٹرز کے خلاف میچ میں 5وکٹوں سے شکست کا سامنا کرنا پڑا تھا۔ ایونٹ کے چھٹے میچ میں کراچی کنگز نے پہلے بیٹنگ کرتے ہوئے مقررہ بیس اوورز میں 9وکٹوں کےنقصان پر 156 رنزبنائے۔ حریف ٹیم نے مطلوبہ ہدف 6 گیندیں قبل 5 وکٹوں کے نقصان پر حاصل کرلیا تھا۔

    دوسری طرف ایونٹ کے پہلے تین میچوں میں شکست کھانے والی لاہور قلندز کی ٹیم نےایونٹ میں شاندار واپسی کی ہے۔ پہلے کوئٹہ گلیڈی ایٹرز پھر کراچی کنگز اور آخرمیں پشاور زلمی کو شکست دینے والی لاہور قلندرز کی ٹیم نے مسلسل تین فتوحات سمیٹ کر ایونٹ میں مجموعی طور پر آٹھ میچوں میں چار کامیابیاں حاصل کرلی ہیں۔

    لاہور قلندرز کی شاندار واپسی میں آسٹریلیا سے تعلق رکھنے والے بین ڈنک نے کلیدی کردار ادا کیا ہے۔ کراچی کنگز کے خلاف پہلے لیگ میچ میں 40 گیندوں پر 99 رنز کی ناقابل شکست اننگز کھیل کر فتح دلانے والے بین ڈنک اب تک ایونٹ میں مجموعی طور پر 6 میچوں میں 257 رنز بناچکے ہیں۔

    لاہور قلندرز کی ٹیم کراچی کنگز کے خلاف میچ میں بین ڈنک کے علاوہ فخر زمان، کرس لیِن اور سہیل اختر کی بلے بازی پر انحصار کرے گی۔ باؤلنگ میں مہمان ٹیم کو شاہین شاہ آفریدی اور سمت پٹیل کا ساتھ میسر ہوگا۔ شاہین شاہ آفریدی اب تک ایونٹ میں 11 اور سمت پٹیل 9 وکٹیں حاصل کرچکے ہیں۔

    دوسری طرف ایلکس ہیلز اور بابراعظم کراچی کنگز کی بیٹنگ لائن اپ کی ریڑھ کی ہڈی ہیں۔ ایلکس ہیلز 239 رنز بناکر ایونٹ میں سب سے زیادہ رنز بنانے والے بلے بازوں کی فہرست میں چھٹے اور بابراعظم 225 رنز کے ساتھ نویں نمبر پر موجود ہیں۔ کراچی کنگز کے لیے سب سے زیادہ رنز بنانے والے بلے بازوں میں چیڈوک والٹن کا نمبر تیسرا ہے۔

    محمد عامر ایونٹ میں 10، کرس جارڈن 7 جبکہ عماد وسیم اور عمر خان 4،4 وکٹیں حاصل کرچکے ہیں۔ چاروں باؤلرز ایونٹ میں کراچی کنگز کی باؤلنگ لائن اپ کے مؤثر ہتھیار ہیں۔

    روایتی حریفوں کے درمیان ٹاکرے کے بعد کراچی کنگز کی ٹیم 14 مارچ کو اسلام آباد یونائیٹڈ اور 15 مارچ کو کوئٹہ گلیڈی ایٹرز کے خلاف میدان میں اترے گی۔ اس دوران پشاور زلمی اور ملتان سلطانز کی ٹیمیں 13 مارچ کو نیشنل اسٹیڈیم کراچی میں ایکشن میں نظر آئیں گی۔

    اہم لیگ میچوں کے بعد نیشنل اسٹیڈیم کراچی 17 مارچ کو ایک کوالیفائر کی میزبانی بھی کرے گا۔

    نیشنل اسٹیڈیم کراچی میں شیڈول میچوں کے لیے ٹکٹوں کی فروخت تیزی سے جاری ہے۔ ایونٹ کے لیے ٹکٹیں ٹی سی ایس کےمخصوص سنٹرزسمیت آن لائن ذرائع سے بھی حاصل کی جاسکتی ہیں۔

    اس دوران نیشنل اسٹیڈیم کراچی کا رخ کرنے والے تماشائیوں کے لیے کمشنر آفس کراچی کی جانب سےجاری کردہ ایڈوائزری مندجہ ذیل ہے:

    • صابن سے ہاتھ دھوئیں،کھانسی یا چھینک کے بعد سینیٹائزر کا استعمال کریں، کھانے سے پہلے، بعد میں اور ٹائلٹ کے استعمال کے بعد صابن کا استعمال کریں
    • چھینکتے وقت ٹشو پیپر یا رومال کا استعمال کریں
    • استعمال کے بعد ٹشو پیپر یا رومال کو کوڑا دان میں ضرور ڈالیں
    • نزلہ اور زکام کی علامات کے دوران اسٹیڈیم آنے سے اجتناب کریں
    • ایک دوسرے سے ہاتھ ملانے اور گلے لگنےسے اجتناب کریں
    • کھانسی اور بخار میں مبتلاافراد سے رابطہ محدود رکھیں
    • غیرضروری طور پر کرسیوں/اسٹیل بار زاورریلینگز کو ہاتھ لگانے سے اجتناب کریں
    • اسٹیڈیم میں تھوکنے، پانی ، خوراک اور خالی بوتلیں پھینکنےسے اجتناب کریں

    کراچی میں شیڈول آئندہ میچز:

    12 مارچ: کراچی کنگز بمقابلہ لاہور قلندرزبوقت شام 7 بجے
    13 مارچ: پشاور زلمی بمقابلہ ملتان سلطانزبوقت رات 8 بجے
    14 مارچ: کراچی کنگز بمقابلہ اسلام آباد یونائیٹڈبوقت شام 7 بجے
    15 مارچ: کوئٹہ گلیڈی ایٹرزبمقابلہ کراچی کنگز بوقت شام 7 بجے
    17 مارچ: کوالیفائر(ون بمقابلہ ٹو) بوقت شام 7 بجے fjfjfjfiriie

  • پی ایس ایل5:لاہورقلندرزکی مسلسل تیسری فتح، پشاورکوشکست، لاہوریوں کے دل باغ باغ ہوگئے

    پی ایس ایل5:لاہورقلندرزکی مسلسل تیسری فتح، پشاورکوشکست، لاہوریوں کے دل باغ باغ ہوگئے

    لاہور: پی ایس ایل 5: لاہور قلندرز کی مسلسل تیسری فتح، پشاور کو شکست،لاہوریوں کے دل باغ باغ ہوگئے ،اطلاعات کے مطابق لاہور قلندرز نے پشاور زلمی کو 5 وکٹوں سے شکست دے کر مسلسل تیسری اور ایونٹ میں چوتھی فتح حاصل کرلی۔

    پاکستان سپر لیگ(پی ایس ایل) 5 کے 24 ویں میچ میں پشاور زلمی نے لاہور قلندرز کو جیت کے لیے 188 رنز کا ہدف دیا جو لاہور نے 5 وکٹوں کے نقصان پر حاصل کرلیا۔لاہور کے قذافی اسٹیڈیم میں کھیلے گئے میں میچ میں قلندرز کے کپتان سہیل اختر نے ٹاس جیت کر پشاور زلمی کو پہلے بیٹنگ کی دعوت دی۔

    پشاور زلمی کی ٹیم نے پہلے کھیلتے ہوئے مقررہ 20 اوورز میں 7 وکٹوں کے نقصان پر 187 رنز بنائے ہیں۔پشاور زلمی کی اننگز کا آغاز مایوس کن رہا اور پہلے ہی اوور میں اس کے اوپنر ٹوم بینٹن بغیر کوئی رنز بنائے شاہین آفریدی کا شکار ہوگئے۔

    دوسری وکٹ کیلئے بھی قلندرز کو زیادہ دیر انتظار نہیں کرنا پڑا اور دوسرے ہی اوور میں لِونگ اسٹون 4 رنز بنا کر سمت پٹیل کی گیند پر آؤٹ ہوگئے۔24 کے مجموعی اسکور پر کامران اکمل بھی 12 رنز بناکر واپس لوٹ گئے انہیں بھی سمت پٹیل نے آؤٹ کیا۔

    3 وکٹیں گرنے کے بعد شعیب ملک اور حیدر علی نے ذمہ دارانہ اننگز کھیلی اور 116 رنز کی شراکت سے ٹیم کو بحران سے نکال دیا۔140 کے مجموعی اسکور ہر شعیب ملک 62 رنز بنا کر آؤٹ ہوئے جب کہ ان کے بعد آنے والے لویس گریگوری 8 رنز بنا کر شاہین آفریدی کی گیند پر بولڈ ہوگئے۔

    حیدر علی بھی 69 رنز بنا کر دلبر حسین کا شکار ہوگئے جب کہ کپتان وہاب ریاض ایک رنز پر آؤٹ ہوئے۔لاہور قلندرز کی جانب سے شاہین آفریدی نے 3 اور سمت پٹیل نے 2 وکٹیں حاصل کیں جب کہ دلبر حسین اور ڈیوڈ وائز بھی ایک ، ایک وکٹ لینے میں کامیاب رہے۔اس سے قبل گذشتہ میچ میں پشاور زلمی نے قلندرز کو 16 رنز سے شکست دی تھی۔

    خیال رہے کہ دونوں ٹیموں کے درمیان اب تک 9 میچز کھیلے جاچکے ہیں جن میں سے صرف ایک میں لاہور قلندرز کامیاب رہا جبکہ 8 مرتبہ زلمی فاتح رہا ہے۔لاہور قلندرز کی ٹیم کو پلے آف مرحلے میں جگہ بنانے کے لیے اپنے 2 میچز جیتنے ہوں گے جبکہ پشاور زلمی کو صرف ایک فتح درکار ہے۔

    پی ایس ایل 5: لاہور قلندرز کی مسلسل تیسری فتح، پشاور کو شکست،لاہوریوں کے دل باغ باغ ہوگئے

  • شعیب ملک، حیدر علی کی نصف سنچریاں، قلندرز کو 188 رنز کا ہدف، میچ کے سسنسنی خیز ہونے کا امکان

    شعیب ملک، حیدر علی کی نصف سنچریاں، قلندرز کو 188 رنز کا ہدف، میچ کے سسنسنی خیز ہونے کا امکان

    لاہور:شعیب ملک، حیدر علی کی نصف سنچریاں، قلندرز کو 188 رنز کا ہدف، میچ کے سسنسنی خیز ہونے کا امکان ،ذرائع کےمطابق پشاور زلمی نے پاکستان سپر لیگ (پی ایس ایل) کے اہم میچ میں شروع میں 3 وکٹیں بہت جلد گنوانے کے بعد شعیب ملک اور حیدر علی کی زبردست 116رنز کی شراکت کے باعث لاہور قلندرز کو جیت کے لیے 188 رنز کا ہدف دے دیا۔

    لاہور کے قذافی اسٹیڈیم میں کھیلے جارہے میچ میں لاہور قلندرز کے کپتان سہیل اختر نے ٹاس جیت کر پشاور زلمی کو بیٹنگ کی دعوت دی۔شاہین شاہ آفریدی نے پہلے ہی اوورز میں ٹام بینٹن کو آؤٹ کرکے زلمی کو دباؤ میں لانے کی کوشش کی۔

    لاہور قذافی اسٹیڈیم سے ذرائع کے مطابق آج سمیت پٹیل نے ایک مرتبہ پھر اچھی باؤلنگ کی اور لونگ اسٹون کو 10 کے اسکور پر آؤٹ کرکے دوسری کامیابی دلائی۔زخمی ہونے کے بعد دوبارہ ٹیم میں شامل ہونے والے حارث رؤف نے پشاور زلمی کی تیسری وکٹ حاصل کرنے میں بھرپور ساتھ دیتے ہوئے عمدہ کیچ لیا جس کے نتیجے میں 24 کے اسکور پر کامران اکمل 12 رنز بنا کر آؤٹ ہوئے۔

    ابتدا میں تین وکٹیں گرنے کے بعد شعیب ملک اور نوجوان بلے باز حیدرعلی ذمہ داری نبھائی اور زبردست کھیل کا مظاہرہ کیا۔شعیب ملک اور حیدر علی نے طویل شراکت میں اپنی نصف سنچریاں بھی مکمل کیں۔

    دونوں بلے بازوں نے شراکت میں 116 رنز کا اضافہ کرتے ہوئے ٹیم کا اسکور 140 رنز تک پہنچایا تھا کہ ڈیوڈ ویزے کی گیند پر اونچا شاٹ کھیلنے کی کوشش میں شعیب فخر زمان کو کیچ دے گئے۔شعیب ملک 62 رنز کی عمدہ اننگز کھیل کر آؤٹ ہوئے جس میں 7 چوکے اور 2 چھکے شامل تھے۔

    شاہین شاہ آفریدی نے قلندرز کو پانچویں وکٹ دلائی اور گریگوری کو 155 کے مجموعے پر آؤٹ کیا جنہوں نے 8 رنز بنائے تھے۔حیدر علی نے 69 رنز کی شان دار اننگز کھیلی اور 163 رنز پر دلبر حسین کو وکٹ دے گئے، ان کی اننگز میں 4 چوکے اور 4 چھکے شامل تھے۔

    شاہین شاہ آفریدی نے وہاب ریاض کو آؤٹ کیا جو ان کی تیسری وکٹ تھی۔پشاور زلمی نے مقررہ اوورز میں 7 وکٹوں پر 187 رنز بنا لیے۔کارلوس بریتھویٹ نے 16 اور حسن علی نے 7 رنز بنائے۔لاہور قلندرز کی جانب سے شاہین شاہ آفریدی نے سب سے زیادہ 3 وکٹیں حاصل کیں، سمیت پٹیل نے 2 کھلاڑیوں کو آؤٹ کیا۔

    لاہور قلندرز میں کرس لِن کی واپسی ہوئی ہے جبکہ ‘پلے آف مرحلے’ میں رسائی کے لیے اس کے لیے یہ میچ انتہائی اہم ہے۔پاکستان سپر لیگ میں دونوں ٹیمیں اب تک 9 بار آمنے سامنے آئی ہیں جن میں سے 8 میچز میں پشاور زلمی نے فتح اپنے نام کی ہے۔

    میچ کے لیے دونوں ٹیمیں ان کھلاڑیوں پر مشتمل ہیں:

    لاہور قلندرز: سہیل اختر (کپتان)، فخر زمان، کرس لِن، محمد حفیظ، بین ڈنک، سَمیت پٹیل، ڈیوڈ ویزے، دلبر حسین، شاہین شاہ آفریدی، حارث رؤف، معاذ خان

    پشاور زلمی: وہاب ریاض (کپتان)، کامران اکمل، حیدر علی، ٹام بینٹن، شعیب ملک، لیام لونگ اسٹون، گریگری، کارلوس بریتھویٹ، حسن علی، یاسر شاہ، راحت علی

  • پی ایس ایل 5: قلندرز کا زلمی کے خلاف ٹاس جیت کر فیلڈنگ اورزلمی کی بیٹنگ جاری

    پی ایس ایل 5: قلندرز کا زلمی کے خلاف ٹاس جیت کر فیلڈنگ اورزلمی کی بیٹنگ جاری

    پی ایس ایل 5: قلندرز کا زلمی کے خلاف ٹاس جیت کر فیلڈنگ کا فیصلہ،باغی ٹی وی کے مطابق پاکستان سپر لیگ(پی ایس ایل) 5 کے 24 میچ میں لاہور قلندر نے پشاور زلمی کے خلاف ٹاس جیت کر پہلے فیلڈنگ کا فیصلہ کیا ہے۔

    پاکستان سپر لیگ (پی ایس ایل) فائیو کے تیسرے اور فیصلہ کن مرحلے کے دوران پشاور زلمی کی لاہور قلندرز کیخلاف بیٹنگ جاری ہے۔تفصیلات کے مطابق پاکستان سپر لیگ (پی ایس ایل) فائیو کے قذافی سٹیڈیم میں ہونے والے 24 ویں میچ میں لاہور قلندرز کے کپتان سہیل اختر نے ٹاس جیت کر پہلے باؤلنگ کا فیصلہ کرتے ہوئے حریف ٹیم پشاور زلمی کو پہلے بیٹنگ کی دعوت دی۔

    پشاور زلمی کی طرف سے اننگز کا آغاز وکٹ کیپر بیٹسمین کامران اکمل اور انگلینڈ سے تعلق رکھنے والے ٹام یبنٹن نے کیا۔پشاور زلمی کا آغاز اچھا نہ تھا، جب ٹام بینٹن پہلے اوور کی دوسری گیند پر شاہین آفریدی کا نشانہ بن گئے، محمد حفیظ نے کیچ تھاما۔

    لاہور قلندرز سکواڈ: فخر زمان، کرس لین، محمد حفیظ، بین ڈنک، سمت پٹیل، سہیل اختر، ڈیوڈ وائز، شاہین شاہ آفریدی، حارث رؤف، دلبر حسین، معاذ خان

    پشاور زلمی سکواڈ: کامران اکمل، ٹام بینٹن، لوئس گریگورے، حیدر علی، شعیب ملک، لیام لونگسٹون، کارلوس بریتھویٹ، حسن علی، وہاب ریاض، یاسر شاہ، راحت علی

  • حارث رؤف ایک بار پھر لاہور قلندرز کے اسکواڈ کا حصہ بن گئے

    حارث رؤف ایک بار پھر لاہور قلندرز کے اسکواڈ کا حصہ بن گئے

    لاہور:حارث رؤف ایک بار پھر لاہور قلندرز کے اسکواڈ کا حصہ بن گئے،باغی ٹی وی کےمطابق دائیں پاؤں کی انجری کا شکار فاسٹ باؤلر حارث رؤف فٹ ہوگئے ہیں۔ انجری سے صحتیابی کے باعث فاسٹ باؤلر حارث رؤف نے ایک بار پھر لاہور قلندرز کے اسکواڈ کو جوائن کرلیا ہے۔

    حارث رؤف 10 مار چ کو قذافی اسٹیڈیم لاہور میں شیڈول پشاور زلمی کے خلاف میچ کے لیے لاہور قلندرز کو دستیاب ہوں گے۔دوسری جانب سلمان ارشاد اب مزید قلندرز کا حصہ نہیں رہے۔ نوجوان فاسٹ باؤلر حارث رؤف دائیں پاؤں میں انجری کے باعث لیگ کے گذشتہ 5 میچوں میں شرکت نہیں کرسکے تھے۔

    حارث رؤف نے لیگ کے ابتدائی 2 میچوں میں لاہور قلندرز کی نمائندگی کی تھی۔ایونٹ کی ٹیکنیکل کمیٹی نے حارث رؤف کے نام کی منظوری دے دی ہے۔ کمیٹی میں پی سی بی کے چیف ایگزیکٹو آفیسر وسیم خان، بازید خان، مرینہ اقبال، سمیر کھوسہ اور ڈاکٹر سہیل سلیم شامل ہیں

  • کرونا وائرس کا خطرہ، سندھ حکومت نے کہا تو پی ایس ایل میچز کراچی کی بجائے کہاں ہوں گے؟

    کرونا وائرس کا خطرہ، سندھ حکومت نے کہا تو پی ایس ایل میچز کراچی کی بجائے کہاں ہوں گے؟

    کرونا وائرس کا خطرہ، سندھ حکومت نے کہا تو پی ایس ایل میچز کراچی کی بجائے کہاں ہوں گے؟

    باغی ٹی وی کی رپورٹ کے مطابق شہر قائد میں کرونا وائرس کا خطرے کے پیش نظر پی ایس یل میچوں کے حوالہ سے پی سی بی ترجمان کا کہنا ہے کہ پی سی بی حکام مسلسل سندھ سے رابطے میں ہیں ۔بورڈ حکام سندھ حکومت کے اجلاسوں میں بھی شریک ہیں۔

    پی سی بی ترجمان کے مطابق پی ایس ایل فائیو کے میچز کراچی سے شفٹ کرنے کی ابھی کوئی تجویز نہیں ملی ۔اگر سندھ حکومت سے میچز منتقل کرنے کی کوئی تجویز ملی تو میچز منتقل کردییے جائیں گے ۔سندھ حکومت کی ہیلتھ ایڈوائزری پر مکمل عمل درآمد کریں گے ۔کراچی سے میچز منتقلی کی تجویز کی صورت میں میچز لاہور منتقل کئے جائیں گے ۔

    کرونا وائرس، مائیں رو رہی ہیں ،حکومت سو رہی ہے، مشاہد اللہ خان کی سینیٹ میں کڑی تنقید

    گائے کا پیشاب پینے سے کرونا وائرس ہو گا ختم،ہندو مہاسبھا کے صدر کے علاج پر سب حیران

    سعودی عرب میں بھی کرونا وائرس کے مریضوں میں اضافہ، کتنے افراد میں تشخیص ہوگئی؟

    خیال رہے کہ اب تک ملک میں کورونا وائرس کے 16 کیسز سامنے آچکے ہیں جن میں سے کراچی میں 13، اسلام آباد میں 2 جب کہ گلگت بلتستان سے ایک کیس کی تصدیق ہوچکی ہے۔ان مریضوں میں سے سب سے پہلے سامنے آنے والے کراچی کے یحییٰ جعفری نامی نوجوان کو صحت یابی کے بعد اسپتال سے ڈسچارج کردیا گیا ہے جب کہ باقی تمام متاثرہ افراد زیر علاج ہیں۔

    معاون خصوصی صحت ڈاکٹر ظفر مرزا نے کہا ہے ملک بھر سے کورونا کے 289 مشتبہ کیسوں کی تصدیق کیلئے ٹیسٹ کروائے گئے ۔پمز ہسپتال کے دورہ کے موقع پر ڈاکٹر ظفر مرزا نے کرونا وائرس کے حوالے سے قائم ائسولیشن روم کا بھی دورہ کیا ۔ڈاکٹر ظفر مرزا نے کہا کہ کرونا وائرس سے عوام کو بچانے کیلئے ہر ممکن اقدامات ر ہے ہیں۔پنجاب کے محکمہ صحت پرائمری اینڈ سیکنڈری کے مطابق کورونا وائرس کے 3 مشتبہ مریض آئسولیشن وارڈز میں زیر نگرانی رکھے گئے ہیں ۔1 مشتبہ مریض نشتر ہسپتال ملتان، 1 ڈی ایچ کیو بھکر اور ایک ڈی ایچ کیو خوشاب میں زیر نگرانی ہے