Category: کھیل

محنت مزدوری کرنے والا مراد خان پاکستان کے لیے سونے کا تمغہ لے آیا

باغی ٹی وی ، پاکستانیوں میں‌اللہ تعالیٰ نے بہت زیادہ ٹیلنٹ دے رکھا ہے جو نا مساعد حالات میں بھی بڑے بڑے کارنامے سرانجام دے دیتے ہیں.پشاور کے محنت مزدوری کر کے گھر والوں کی کفالت کرنے والا پشاور کا موبائل فون مکینک مراد خان سیف گیمز میں پاکستان کے لئے سونے کا تمغہ جیت کر لے آیا۔

ملک کے لیے گولڈ میڈل کا تمغہ لانے والے مراد خان کی وطن واپسی پر وزیر کھیل خیبرپختونخوا عاطف خان نے گھر جاکر ان کا استقبال کیا اور کھلاڈی کے لیے 3 لاکھ روپے انعام کا اعلان بھی کیا۔

پشاور کے غريب گھرانے سے تعلق رکھنے والا مراد خان حالیہ سیف گیمز کراٹے مقابلوں میں چار سال بعد پاکستان کے لئے گولڈ میڈل جیت کر لائے۔ گھر والوں کی کفالت اور روزگار کے لیے مراد خان موبائل فون مرمت کا کام کرتا ہے۔

اس موقع پر ذرائع ابلاغ کے نمائندوں سے بات چیت کرتے ہوئے وزیر کھیل خیبرپختونخوا عاطف خان نے کہا کہ مراد خان نے ثابت کردیا کہ صلاحیت ہو تو نامساعد حالات میں بھی اسے ثابت کیا جاسکتا ہے۔

میزورم :بھارتی ریاست میزورم اسٹیٹ گیمز 2019 میں پیر کو والی بال میچ کے دوران میدان پر ایک الگ ہی نظارہ دیکھنے کو ملا جس نے نہ صرف ناظرین کی گیلری میں موجود لوگوں کا بلکہ سوشل میدیا پر بھی مداحوں کا دل جیت لیا۔ میزورم اسٹیٹ گیمز 2019 کے مقابلے آئی جال میں کھیلے جارہے ہیں۔ اسی کے تحت کورٹ پر خاتون کھلاڑیوں کے درمیان والی بال میچ کھیلا جارہا تھا۔ میچ کے دوران جیسے ہی ہاف ٹائم ہوا،مقاملے میں حصہ لینے والی ایک کھلاڑی کورٹ کے باہر پہنچی اور بچے کو دودھ پلانے لگی۔

سقوط ڈھاکہ!عیاری وغداری کی شرمناک داستان…از..سید زید زمان حامد

ساؤتھ ایشین وائر کے مطابق میزورم کی ٹوئی کم علاقے کی ٹیم کی کھلاڑی لال وینتلوآنگی والی بال میچ کھیل رہی تھیں۔ میچ میں دونوں کھلاڑیوں کے درمیان ایک۔ایک پوائنٹ کیلئے زور آزمائش چل رہی تھی۔ اسی دوران ریفری نے ہاف ٹائم کا ہوٹر بجادیا۔ جیسے ہی ہوٹر بجا، لال وینتلوآنگی کورٹ کے بعد چلی گئیں اور اپنے سات مہینے کے بچے کو دودھ پلانے لگیں۔ اس دوران کسی نے ان کی اس تصویر کو سوشل میڈیا پر شیئر کر دیا۔ ساؤتھ ایشین وائر کے مطابق دیکھتے ہی دیکھتے یہ تصویر وائرل ہوگئی جس میں مداحوں نے لال وینتلو آنگی کی تعریف کی۔

روہنگیا کےمسلمانوں کو کبھی بھارتی شہریت نہیں دی جائے گی:امت شاہ

لال وینتلوآنگی کی اس تصویر کو فیس بک یوزر ننگلن ہنگال نے سوشل میڈیا پر شیئر کیا۔ اس کے کیپشن میں انہوں نے لکھاکہ میچ کے دوران اپنے 7 مہینے کی بچے کو دودھ پلانے کیلئے چرایا ایک پل ۔ ننگلن نے ساتھ ہی کہا، لال وینتلو کی یہ تصویر سوشل میڈیا پر وائرل ہوگئی ہے اور لوگ ان کی تعریف کر رہے ہیں۔ لوگ کھلاڑی اور ماں ہونے کی دوہری ذمہ داری نبھانے کیلئے لالوینتلوآنگی کی تعریف کررہے ہیں۔ ساؤتھ ایشین وائر کے مطابق ایک مداح نے اس تصویر کو شاندار بتایا جبکہ ایک دیگر نے اسے غیر معمولی قرار دیا۔

بھارت میں مسلمانوں کے لیے کوئی جگہ نہیں‌ !….از… مشرّف عالم ذوقی

ننگلن کے ذریعہ سوشل میڈیا پرشیئرکی گئی یہ تصویروزیرکھیل تک بھی پہنچ گئی، جس کے بعد انہوں نے لالوینتلو آنگی کومالی مدد دینے کا فیصلہ کیا۔ میزورم کے وزیرکھیل رابرٹ روماویا رائتے نے اس تصویرکو ٹوئٹرپرشیئرکرتے ہوئے کہا، لالوینتلو آنگی کا حوصلہ بڑھانے کے لئے وزارت کھیل انہیں 10 ہزارروپئے کی مالی مدد دینے کا اعلان کرتی ہے۔ میزورم اسٹیٹ گیمز 2019، 9 دسمبرسے 13 دسمبر تک منعقد کئے جائیں گے۔

” انسانی حقوق (Human Rights) آزادی اورحقوق کا نظریہ…از..عبد الرحمن…

پاکستان میں کرکٹ کی بحالی خوش آئند ہے،محمد مصطفی بن طلحہ

باغی ٹی وی کی رپورٹ کے مطابق منگل کے روز راولپنڈی اسٹیدیم میں اوساکا ٹرافی کپ کی تقریب رونمائی منعقد ہوئی، جسمیں ڈائریکٹر اوساکا بیٹریز محمد مصطفی بن طلحہ نےخصوصی شرکت کی ،اس موقع پر ان کے ہمراہ پاکستانی کپتان اظہر علی اور سری لنکن کپتان ڈی مووتھ کرونارتنے بھی موجود تھے،

محمد مصطفی بن طلحہ(ڈائریکٹر اوساکا بیٹریز) کا کہنا تھا کہ 10 سال بعد ٹیسٹ کرکٹ ملک میں واپس آئی ہے، کرکٹ کی واپسی خوش آئند ہے اور اس سے ملک میں ایک مرتبہ پھرکھیلوں کے میدان سجیں گے ، اوساکا بیٹریز نے ہمیشہ کرکٹ کی بحالی میں اپنا مثبت کردار اداکیا ہے اور آئندہ بھی اس سلسلہ کو جاری رکھا جائے گا ۔

سری لنکن کپتان کے ہمراہ مشترکہ پریس کانفرنس کرتے ہوئے کپتان قومی ٹیسٹ کرکٹ ٹیم اظہر علی کا کہنا تھا کہ خوشی ہے کہ 10 سال کے بعد ٹیسٹ کرکٹ پاکستان میں واپس آئی اور گراوٴنڈز کی رونقیں بحال ہوئیں، آسٹریلیا میں ہم اچھی طرح سے پرفارم نہیں کرسکے، اب ہوم گراوٴنڈ پر کھیل رہے ہیں اور پوری کوشش کریں گے کہ جو کمی ہے اسے دورکریں۔

سری لنکن کرکٹ ٹیم کے کپتان ڈی مووتھ کرونا رتنے نے کہا کہ پاکستان کے دورے پر بہت خوش ہیں، 10 سال کے بعد آئے ہیں اچھا موقع ہے، پاکستان کے ساتھ کھیلنا آسان نہیں ہے، مکی آرتھر پہلے پاکستان کے کوچ تھے اب ہمارے ساتھ ہیں، ان کے ساتھ ٹریننگ کرکے پاکستان کی ٹیم کو جاننے کا موقع ملا ہے لہذا کوشش کریں گے کہ اچھا پرفارم کریں۔

پي سي بي نے پاکستان اور سری لنکا کے درمیان ٹیسٹ سیریز کے لیے کمنٹری پینل کا کیا اعلان

باغی ٹی وی : پي سي بي نے پاکستان اور سری لنکا کے درمیان ٹیسٹ سیریز کے لیے کمنٹری پینل اور براڈ کاسٹ کا پلان کے ليے رمیز راجہ، روشان ابے سنگھے ، رسل آرنلڈ، ڈینی موریسن اور بازید خان پر مشتمل کمنٹری پینل کا انتخاب کرليا گيا۔

پاکستان کرکٹ بورڈ نے ملک میں دس سال بعد ٹیسٹ کرکٹ میچ کےکامیاب انعقاد کے لیے کمنٹری پینل اور براڈ کاسٹ پلان کا اعلان کردیا ہے۔ 11دسمبر سے شروع ہونے والی ٹیسٹ سیریزکی براڈ کاسٹ کوریج 23 مختلف ایچ ڈی کیمروں کی مدد سے تیار پروڈکشن ، کھیل کے مداحوں کو ٹی وی اسکرین سے جوڑے رکھے گی۔ جن میں دو سپر سلو اسپن ویژن کیمروں سمیت ایک الٹر ہائی اسپیڈ کیمرہ بھی شامل ہے۔ سیریز کے دوران اسٹمپ کیمرا اور ہاک آئی بال ٹرینکنگ سمیت جدید پروڈکشن کا یہ نظام امپائرز کو ڈی آر ایس کے فیصلوں میں بھی معاونت فراہم کرےگا۔ دن کے آغاز سے قبل اور اختتام پر اسٹریٹ ڈرائیو شو کے ذریعے دن بھر کے کھیل پر تجزیہ کیا جائے گا۔ ستاروں سے بھری کہکشاں سیریز کے دوران کمنٹری کے فرائض انجام دے گی۔ سابق کرکٹر رمیز راجہ،رسل آرنلڈ، روشان ابے سنگھے،ڈینی موریسن اور بازید خان بطور کمنٹیٹر سیریز کے دوران میدان میں ہر لمحہ بدلتی صورتحال پر تبصرہ کریں گے۔

آئی سی سی ٹیسٹ چیمپئن شپ میں شامل دو ٹیسٹ میچوں پر مشتمل سیریز کو دنیابھر کے مداحوں تک پہنچانے کے لیے انتہائی پیشہ ور اسٹاف بھی براڈ کاسٹ کریو میں شامل ہے۔ دونوں ٹیموں کے درمیان پہلا ٹیسٹ میچ 11 سے 15دسمبر تک پنڈی کرکٹ اسٹیڈیم راولپنڈی جبکہ دوسرا 19 سے 23 دسمبر تک نیشنل اسٹیڈیم کراچی میں کھیلا جائے گا قومی کرکٹ ٹیم کے سابق کپتان رمیز راجہ کا کہنا ہےکہ وہ دس سال بعد ملک میں ٹیسٹ کرکٹ کی واپسی پر بہت پرجوش ہیں، خوشی ہے کہ قومی کھلاڑیوں کو ایک دہائی کے بعد اپنے ملک میں ٹیسٹ کرکٹ میچ کھیلنےکا موقع مل رہا ہے۔ انہوں نے کہا کہ ٹیسٹ کرکٹ ہی کھیل کی پہچان ہے مگر بدقسمتی سے طویل فارمیٹ کی کرکٹ کی پاکستان واپسی میں بھی ایک طویل عرصہ لگا۔ رمیز راجہ نے کہا کہ جو گذر گیا وہ ماضی ہوگیا اور اب ہم ایک نئی شروعات کررہے ہیں۔ انہوں نے کہا کہ کبھی نہیں سوچا تھا دس قبل پیش آنےوالے واقعہ کی پاکستان کو اس قدر بھاری قیمت اٹھانا پڑےگی۔

رمیز راجہ نے کا کہنا تھا کہ یہ لمحات ان کے لیے ایسے ہی ہیں جیسے وہ ایک بار پھر پیڈ پہن کر میدان میں اترنے والے ہیں۔ ملک میں ٹیسٹ کرکٹ کی واپسی پر مسرور سابق کرکٹر بازید خان کاکہنا ہےکہ یقین نہیں آرہا کہ بیس منٹ کی ڈرائیو پر ٹیسٹ میچ کھیلا جارہا ہے۔ انہوں نے کہا کہ خوشی اس بات کی ہے کہ میچ کھیلنے والی ٹیم سری لنکا ہے۔ بازید خان نے کہا کہ یہ ہم سب کے لیے جشن منانے کا وقت ہے۔ سابق سری لنکن کرکٹر رسل آرنلڈ کا کہنا ہےکہ پاکستان کا شمار میرے پسندیدہ ممالک میں ہوتا ہے۔ پاکستان میں کرکٹ سے محبت کرنے والی عوام بستی ہے، یہاں ٹیسٹ کرکٹ کی واپسی پر وہ بہت پرجوش ہیں۔

پی سی بی نے پاک بنگلہ دیش سیریز کا مجوزہ شیڈول بنگلہ دیش بورڈ کو بھجوادیا

باغی ٹی وی رپورٹ کے مطابق: پی سی بی نے پاک بنگلہ دیش سیریز کا مجوزہ شیڈول بنگلہ دیش بورڈ کو بھجوادیا.پاکستان اور بنگلہ دیش کے درمیان سیریز 23جنوری سے 20 فروری کے درمیان کھیلنے کی تجویز دی گئی ہے.

ٹی ٹونٹی میچز 23,25اور 27 جنوری کو لاہور میں ہوں گے .دو ٹیسٹ میچز راولپنڈی اور کراچی میں کھیلنے کی تجویز ہے .پی سی بی کراچی ٹیسٹ میچ ڈے اینڈ نائٹ کروانے کا خواہشمند ہے .بنگلہ دیش کرکٹ ٹیم نے آئندہ ماہ پاکستان کا دورہ کرنا ہے .پی سی بی سیریز کے شیڈول کے حوالے سے بنگلہ دیش کے جواب کا منتظر ہے

خواتین کرکٹرز پر بھی قومی کرکٹ ٹیم کا اثر،اس معاملے میں مرد و زن شانہ بشانہ

باغی ٹی وی آئی سی سی ویمنز چیمپئن شپ میں شامل تین ایک روزہ میچوں پر مشتمل سیریز کے پہلے میچ میں انگلینڈ ویمنز کرکٹ ٹیم نے پاکستان ویمنز کرکٹ ٹیم کو 75 رنز سے شکست دے کر سیریز میں 1-0 کی برتری حاصل کرلی ہے۔ مہمان ٹیم نے پہلے کھیلتے ہوئے 285 رنز کا ہدف دیا۔ جواب میں پاکستان کی پوری ٹیم 209 رنز بناکر آؤٹ ہوگئی۔

کنرارا اوول، کوالالمپور میں کھیلے جانے والے میچ میں انگلینڈ ویمنز کرکٹ ٹیم کی کپتان ہیتھر نائٹ نے ٹاس جیت کر پہلے بیٹنگ کا فیصلہ کیا تو اوپنرز ڈینی وائٹ اور یبیماؤنٹ کی شاندار سنچریوں کی بدولت مہمان ٹیم نے مقررہ پچاس اوورز میں 6 وکٹوں کے نقصان پر 284 رنز بنائے۔ ڈینی وائٹ نے 95 گیندوں پر 12 چوکوں اور 3 چھکوں کی مدد سے 110 رنز کی عمدہ اننگز کھیلی۔ بیماؤنٹ 107 رنز بناکر آؤٹ ہوئیں۔ دونوں کرکٹرز کے درمیان 188 رنز کی شراکت قائم ہوئی۔ مہمان ٹیم کی کپتان ہیتھر نائٹ نے 41 رنز کی اننگز کھیلی۔ پاکستان کی جانب سے ڈیبیو کرنے والی اسپنر رامین شمیم نے 3 وکٹیں حاصل کیں۔

285 رنز کے تعاقب میں قومی خواتین کرکٹ ٹیم کا آغاز متاثر کن نہ رہا اور محض 39 کے مجموعی اسکور پر اس کی تین بیٹرز آؤٹ ہوکر پویلین واپس لوٹ گئیں۔ چوتھی وکٹ کے لیے بسمعہ معروف اور عمیمہ سہیل کے درمیان 67 رنز کی شراکت قائم ہوئی تاہم کپتان بسمعہ معروف 69 اور عمیمہ سہیل 29 رنز بناکر آؤٹ ہوگئیں۔ دونوں کھلاڑیوں کے آؤٹ ہونے کے بعد پاکستان ویمنز کرکٹ ٹیم کی بیٹنگ لائن اپ ایک بار پھر دباؤ کا شکار ہوگئی اور پوری ٹیم 45ویں اوور میں 209 رنز بناکر آؤٹ ہوگئی۔ عالیہ ریاض نے 39 رنز اسکور کیے۔ مہمان ٹیم کی جانب سے کیٹ کراس نے 4 وکٹیں حاصل کیں۔

میچ میں پاکستان کی جانب سے رامین شمیم اور انگلینڈ کی جانب سے سارہ گلین نے ڈیبیو کیا۔دونوں ٹیموں کے درمیان سیریز کا دوسرا میچ 12 دسمبر کو کنرارا اکیڈمی اوول میں کھیلا جائے گا۔