پرتھ : پاکستان کے ایک سیریز ہارنے کا مطلب یہ نہیں کہ قومی ٹیم عالمی درجے کی ٹیم نہیں ، اطلاعات کے مطابق قومی ٹیم کے کپتان بابر اعظم نے آسٹریلیا کے خلاف ٹی20 سیریز میں شکست پر مایوسی کا اظہار کرتے ہوئے کہا ہے کہ ہم اپنی بہترین کارکردگی دکھانے کی کوشش کی لیکن کھلاڑی توقعات کے مطابق کارکردگی نہیں دکھا سکے۔
پرتھ میں آسٹریلیا کے خلاف آخری ٹی20 میچ میں 10وکٹوں سے شکست کے بعد پریس کانفرنس سے خطاب کرتے ہوئے بابر اعظم نے کہا کہ میں آج جلدی آؤٹ ہو گیا تھا جس کی وجہ سے ہم اسکور بورڈ پر اچھا مجموعہ نہ سجا سکے لیکن افتخار نے اچھی اننگز کھیلی۔
ہندوتوا فیصلوں سے پاکستان کی اہمیت کم نہیں ہوگی ، یہ بھارتی سوچ کی عکاسی کرتی ہے ،ترجمان پاک فوج
یاد رہے کہ ابتدائی دو ٹی20 میچوں میں نصف سنچری بنانے والے قومی ٹی20 ٹیم کے کپتان بابر اعظم تیسرے میچ میں زیادہ رنز اسکور نہ کر سکے اور پاکستانی ٹیم مقررہ 20اوورز میں 106رنز ہی بنا سکی۔آسٹریلیا نے بغیر کسی نقصان کے ہدف حاصل کر کے پاکستان کو میچ میں 10وکٹوں سے شکست دے دی۔
پاکستان میں کرتاپورراہداری کا افتتاح،بھارت نے جواب میں بابری مسجد کیس کا فیصلہ سنانے کا اعلان کردیا
ٹی20 کپتان نے کہا کہ یہ میرا بحیثیت کپتان پہلا دورہ ہے جس میں مجھے کافی کچھ سیکھنے کا موقع ملا، غلطیاں بھی سرزد ہوئیں لیکن کوشش ہو گی کہ آگے ان غلطیوں کو نہ دہرائیں۔ایک سوال کے جواب میں ان کا کہنا تھا کہ ایک سیریز ہارنے کا یہ مطلب نہیں کہ ہم عالمی نمبر ایک ٹیم نہیں ہیں، پرفارمنس ہونا یا نہ ہونا ایک الگ بات ہے کیونکہ ہم اپنی 100فیصد کارکردگی دکھا رہے ہیں۔
