دوحہ : کرکٹ کے بعد اب فٹ بال کی خبروں نے کھیل اور تفریح کے شوقین لوگوں کے لیے کھیل کے میدان سے ایک تازہ خبر دے کر خوش کردیا ہے ، اطلاعات کے مطابق قطرنے فٹبال ورلڈکپ 2022 کے لوگو کی رونمائی کردی۔
فیفا 2022 لوگوکو عرب ممالک کی روایتی وولن شال اورآٹھ کے ہندسے کے ساتھ تشبیہہ دی گئی ہے۔ انتظامیہ کا کہنا ہے وولن شال عرب ممالک کی ثقافت میں شامل ہے جبکہ آٹھ کا ہندسہ اس لیے شامل کیا گیا کیوں کہ ورلڈکپ کے میچز آٹھ اسٹیڈیمز میں کھیلے جائیں گے۔فٹ بال ورلڈکپ 21نومبر2022سے 18دسمبر2022تک قطرمیں کھیلا جائے گا۔
ہرارے: زمبابوے کرکٹ ٹیم کے کپتان ہملٹن مسکڈزا بنگلہ دیش میں تین ملکی سیریز کے بعد انٹرنیشنل کرکٹ سے ریٹائر ہو جائیں گے.
تفصیلات کے مطابق زمبابوین ٹیم کے کپتان ہملٹن مسکڈزا نے رواں ماہ بنگلہ دیش میں شیڈول تین ملکی ٹی ٹونٹی سیریز کے بعد بین الاقوامی کرکٹ سے ریٹائرمنٹ کا اعلان کر دیا۔ مسکڈزا آئی سی سی کی طرف سے زمبابوین کرکٹ کی معطلی کے بعد انٹرنیشنل کرکٹ کو خیرباد کہنے والے دوسرے کھلاڑی ہیں. تین ملکی سیریز میں زمبابوے، میزبان بنگلہ دیش اور افغانستان کی ٹیمیں شرکت کریں گی۔ زمبابوے کرکٹ بورڈ نے رواں سال فروری میں مسکڈزا کو تینوں طرز کی کرکٹ کیلئے ٹیم کا کپتان مقرر کیا تھا لیکن انٹرنیشنل کرکٹ کونسل نے جولائی میں زمبابوے کرکٹ کو معطل کر دیا تھا جس کے بعد زمبابوین کھلاڑیوں کا مستقبل غیریقینی صورتحال کا شکار ہے۔
واضح رہے کہ آئی سی سی کی طرف سے زمبابوین کرکٹ کو معطل کرنے کے بعد مسکڈزا نے وزیر کھیل سے فوری طور پر مسئلے کو حل کرنے کا مطالبہ کیا تھا تاکہ کھلاڑیوں کو مالی طور پر مشکلات کا سامنا نہ کرنا پڑے اور ان کا مستقبل بھی محفوظ رہے۔ دوسری جانب مسکڈزا کو 38 ٹیسٹ، 209 ون ڈے اور 62 ٹی ٹونٹی انٹرنیشنل میچز میں ملک کی نمائندگی کا اعزاز حاصل ہے۔
لاہور: باغی ٹی وی کی خبر ایک مرتبہ پھر سچی ثابت ہوگئی، پی سی بی نے مصباح الحق کو قومی کرکٹ ٹیم کا ہیڈ کوچ جبکہ وقار یونس کو باؤلنگ کوچ مقرر کردیا. باغی ٹی وی نے 2 ستمبر کو یہ خبر نشر کردی تھی کہ پاکستان کرکٹ ٹیم کے ہیڈ کوچ مصباح الحق جبکہ وقار یونس باؤلنگ کوچ ہوں گئے.
بریکنگ: قومی کرکٹ ٹیم کے ہیڈ اور باؤلنگ کوچ کا فیصلہ کرلیا گیاhttps://login.baaghitv.com/coach-of-pakistan-team/
تفصیلات کے مطابق باغی ٹی وی نے 2 ستمبر کو یہ خبر نشر کردی تھی کہ پاکستان کرکٹ ٹیم کے ہیڈ کوچ مصباح الحق جبکہ وقار یونس باؤلنگ کوچ ہوں گئے. مصباح الحق اور وقار یونس کو 3 سالہ کنٹریکٹ دیا گیا ہے.کوچز کی تلاش کے لیے قائم کردہ 5 رکنی پینل نے متفقہ طور پر مصباح الحق کا نام پیش کیا. پینل میں انتخاب عالم، بازید خان، اسد علی خان، وسیم خان اور ذاکر خان شامل تھےدونوں کوچز کے ناموں کی منظوری چیئرمین پی سی بی احسان مانی نے دی. مصباح الحق اور وقار یونس کی قومی کرکٹ ٹیم کے ہمراہ پہلی اسائنمنٹ سری لنکا کے خلاف سیریز ہوگی، پاکستان اور سری لنکا کے درمیان 3 ایک روزہ اور 3 ٹی ٹونٹی میچز کی سیریز 27 ستمبر سے شروع ہوگی. اس تقرری پر مصباح الحق نے کہا کہ قومی کرکٹ کی کوچنگ کرنا میرے لیے اعزاز کی بات ہے، اس نئی ذمہ داری کو نبھانے کے لیے مکمل تیار ہوں.
یاد رہے کہ قومی کرکٹ ٹیم کے ہیڈ کوچ اور باؤلنگ کوچ کی خبر 2 ستمبر کو باغی ٹی وی نے بریک کردی تھی، تاہم اب پی سی بی کی جانب سے ہیڈ کوچ اور باؤلنگ کوچ کا باقاعدہ اعلان کیا گیا ہے.
ہیڈ کو چ مصباح الحق نے کہا ہے کہ کرکٹ کی بہتری کےلیے اپنی ہر طرح کی خدمات پیش کروں گا.
باغی ٹی وی ہیڈ کوچ مصباح الحق اور چیف سلیکٹر نے نیوز کانفرنس کی. اس موقع پر مصباح الحق نے بات کرتے ہوئے کہا ہے کہ بورڈ کے ساتھ ہی مل کر ہر چیز کو فائنل کریں گے.فرسٹ کلاس کرکٹ میں بہت کام ہونے والا ہے.. فرسٹ کلاس کرکٹ اور انٹرنیشنل کرکٹ میں بہت فرق ہے.سرفراز احمد بہت محنت کر رہے ہیں.کارکردگی اچھی ہو تو عمر اہمیت نہیں رکھتی، دیکھناچاہیےکون کتنی دیرتک پاکستان کےلیےمیچ جیت سکتاہے،قومی ٹیم میں پروفیشنلزم بڑھانے کی کوشش کروں گا.پروفیشنلزم جتنازیادہ ہوگااتناہی تسلسل رہےگا،قوم ٹیم کی کارکردگی میں تسلسل نہیں،کھلاڑیوں کےساتھ انصاف کرنابہت مشکل کام ہے،کرکٹ میں پیش گوئی نہیں کی جاسکتی.میری اور یونس خان کی ریٹائرمنٹ کے بعد ٹیسٹ ٹیم مشکلات میں رہی.ہیڈکوچ اور چیف سلیکٹر کو کپتان کی رائے کو اہمیت دینی چاہیے، چیف سلیکٹر وسیم خان نے کہا کہ مصباح الحق کو بیٹنگ فیصلوں کے بارے میں فر ہینڈ ہو گا.وہ اپنے فیصلوں میں آزاد ہوں گے.
پاکستان کرکٹ ٹیم کے نئے ہیڈ کوچ مصباح الحق پاکستان کرکٹ ٹیم کے کامیاب ترین کپتانوں میں سے ایک ہیں. ان کا اکثر بطور کپتان موازنہ عمران خان سے کیا جاتا رہا ہے .اور بعض ناقدین تو انہیں ریکارڈ کے حساب سے عمران خان سے بھی بہتر قرار دیتے رہے ہیں.
انضمام الحق کی ریٹارمنٹ کے بعد پاکستان کرکٹ بورڈ کو ایک بااعتماد بیٹسمین کی ضرورت تھی.جس کےلیے مصباح الحق کا انتخاب غلط ثابت نہ ہوا.مصباح الحق عام کپتانوں کی طرح کسی بڑے شہر کی بجائے ایک چھوٹے شہر سے تعلق رکھتے ہیں.
پاکستان کی جانب سے75 ٹیسٹ، 162 ون ڈے اور 39 ٹی 20 میچ کھیلنے والے پاکستان کرکٹ کے ’مرد بحران سمجھا جاتا رہا ہے.
اپنے کرکٹ کیرئیر میں مصباح آن دی فیلڈ اور آف دی فیلڈ جارحانہ پن نہ ہونے کی وجہ سے تنقید کا نشانہ بنتے آئے ہیں، تاہم درحقیقت وہ ایک بہت غیر معمولی ذہانت والے کھلاڑی ہیں ۔
مصباح اپنی ذہانت کا ہر وقت استعمال بھی اچھا کرتے ہیں، انہوں نے اس دور میں پاکستان ٹیم کی قیادت کی جب بیشتر ٹاپ کرکٹرز ٹیم سے جاچکے تھے اور ٹیم کو اسپاٹ فکسنگ تنازعے کا سامنا تھا ، ایسے حالات میں پاکستان کے اندر کوئی دوسرا ایسا کھلاڑی موجود نہیں تھا جو قومی ٹیم کی قیادت سنبھال سکے ۔
مصباح الحق کو وزڈن کرکٹر آف دی ایئر کے لیے بھی نامزد کیا گیاتھا ۔ وہ پاکستان کے لیے سب سے زیادہ یعنی 24 ٹیسٹ جیتنے والے کپتان ہیں۔ انہیں انگلینڈ جیسی ٹیم کو کلین سویپ کرنے اور پاکستان کو پہلی بار دنیا کی نمبر ون ٹیسٹ ٹیم بنانے والے کپتان کا اعزاز بھی حاصل ہے۔ مصباح کے بقول ہر روز بہتر سے بہتر ہونے کی کوشش اور نظم ضبط کی پاسداری ہی ان کی کامیابیوں کا راز رہی.
پاکستان کی ٹیسٹ کرکٹ ٹیم کے کپتان مصباح الحق نے جیت کی خوشی منانے کا نیا انداز متعارف کروایا ۔
پاکستان کے 42 سالہ کپتان مصباح الحق مصباح الحق کے پس اپس نے پوری دنیا میں دھوم مچائی۔لارڈزمیں سنچری کے بعد مصباح کا پش اپس اورسلوٹ کا اسٹائٹل ٹرینڈ بن گیا۔
پی سی بی نے مصباح الحق ہیڈ کوچ اور وقار یونس باؤلنگ کوچ مقرر کر دیے.
مصباح الحق اور وقار یونس کو 3 سالہ کنٹریکٹ دیا گیا ہے.کوچز کی تلاش کے لیے قائم کردہ 5 رکنی پینل نے متفقہ طور پر مصباح الحق کا نام پیش کیا
پینل میں انتخاب عالم، بازید خان، اسد علی خان، وسیم خان اور ذاکر خان شامل تھےدونوں کوچز کے ناموں کی منظوری چیئرمین پی سی بی احسان مانی نے دی
مصباح الحق اور وقار یونس کی قومی کرکٹ ٹیم کے ہمراہ پہلی اسائنمنٹ سری لنکا کے خلاف سیریز ہوگی، پاکستان اور سری لنکا کے درمیان 3 ایک روزہ اور 3 ٹی ٹونٹی میچز کی سیریز 27 ستمبر سے شروع ہوگی
اس تقرری پر مصباح الحق نے کہا کہ قومی کرکٹ کی کوچنگ کرنا میرے لیے اعزاز کی بات ہے، اس نئی ذمہ داری کو نبھانے کے لیے مکمل تیار ہوں، امید ہے قومی کرکٹ کو مصباح الحق کی قائدانہ صلاحیتوں کا فائدہ ہوگا، چیف ایگزیکٹو پی سی بی وسیم خان
وسیم خان نے کہا کہ کوچز کے لیے درخواست جمع کروانے والے تمام درخواست گزاروں کے مشکور ہیں،
اس سے پہلے یہ خبر تھی کہ قومی ٹیم کے ہیڈ اور بولنگ کوچ کے لیے مشاورت مکمل کرلی گئی ہے۔پی سی بی کی جانب سے آج پریس ریلیز کے ذریعے دونوں عہدوں کیلئے کوچ کا اعلان کیا جائے گا۔
اعلان کے بعد ہیڈ کوچ پریس کانفرنس کریں گے اور اپنے پلانز سے متعلق میڈیا کو آگاہی فراہم کریں گے۔
خیال رہے کہ ہیڈ کوچ کے عہدے کے لیے سابق کپتان مصباح الحق اور بولنگ کوچ کے لیے سابق عظیم گیند باز وقار یونس کو مضبوط ترین امیدوار تصور کیا جارہا تھا ۔
لندن (اے پی پی) انگلش ٹی 20 لیگ کے کوارٹر فائنل مرحلے کا آغاز بدھ سے ہوگا.
تفصیلات کے مطابق انگلش ٹی 20 کرکٹ لیگ کے کوارٹر فائنل مرحلے کا آغاز بدھ سے ہوگا۔ ٹورنامنٹ کا پہلا کوارٹر فائنل بدھ کو کھیلا جائے گا۔ 5 ستمبر کو دوسرا کوارٹر فائنل، تیسرا کوارٹر فائنل 6 ستمبر کو جبکہ 7 ستمبر کو چوتھا اور آخری کوارٹر فائنل کھیلا جائے گا۔ ٹورنامنٹ کے دونوں سیمی فائنلز اور فائنل 21 ستمبر کو کھیلے جائیں گے۔
کولمبو: سری لنکا کے متعدد پلئیرز نے پاکستان کا دورہ کرنے سے انکار کردیا ہے.
تفصیلات کے مطابق دورہ پاکستان کے حوالے سے سری لنکا کرکٹ بورڈ اور پلیئرز میں اختلاف پیدا ہوتے دکھائی دے رہے ہیں، اگر یہ معاملہ خوش اسلوبی سے حل نہیں ہوا تو کچھ کھلاڑیوں کو مشکلات کا بھی سامنا کرنا پڑسکتا ہے۔ سری لنکن میڈیا کے مطابق بورڈ نے پلیئرز سے مشاورت کیے بغیر ہی دورے پر حامی بھری، متعدد سینئر کھلاڑی پاکستان نہ جانے کے بارے میں اپنا پیغام حکام تک پہنچا چکے ہیں۔ ان میں ایک روزہ ٹیم کے کپتان ڈیموتھ کرونا رتنے بھی شامل ہیں، اسی طرح ٹوئنٹی 20 کپتان لسیتھ مالنگا کا بھی ٹورنگ پارٹی کا حصہ ہونے کا امکان نہیں ہے۔
واضح رہے کہ سری لنکا کرکٹ بورڈ نے حال ہی میں 3 ہفتوں پر محیط ٹور پر رضامندی ظاہر کی ہے، اس دوران سری لنکا کراچی اور لاہور میں 6 انٹرنیشنل میچز کھیلیں گے۔ سیریز کے 3 ون ڈے میچز کراچی جبکہ 3 ٹی 20 میچز لاہور میں کھیلے جائیں گے.
دبئی (اے پی پی) آئی سی سی نے ٹیسٹ پلیئرز کی تازہ ترین رینکنگ جاری کردی، سٹیون سمتھ نے کوہلی سے ٹاپ پوزیشن چھین لی.
تفصیلات کے مطابق آسٹریلوی بلے باز سٹیون سمتھ نے انٹرنیشنل کرکٹ کونسل (آئی سی سی) کی تازہ ترین ٹیسٹ پلیئرز رینکنگ میں بلے بازوں میں ویرات کوہلی سے ٹاپ پوزیشن چھین لی، اجنکیا راہانے 4 درجے ترقی پا کر ٹاپ ٹین میں شامل ہو گئے، باﺅلرز میں جسپریت بمرا 4 درجے ترقی پا کر تیسرے نمبر پر آ گئے، جیسن ہولڈر کی 7 درجے ترقی کے ساتھ ٹاپ ٹین میں انٹری ہوئی ہے۔ آئی سی سی کی طرف سے جاری کردہ تازہ ترین ٹیسٹ پلیئرز رینکنگ کے تحت بلے بازو میں سمتھ نے ایک درجہ ترقی پا کر کوہلی کو ٹاپ پوزیشن سے محروم کر دیا، کین ولیمسن تیسرے، پوجارا چوتھے، ہنری نیکولز پانچویں نمبر پر موجود ہیں، بھارتی بلے باز راہانے 7 سیڑھیاں چڑھ کر ٹاپ ٹین میں داخل ہو گئے اور انہوں نے ساتویں پوزیشن سنبھال لی.
باﺅلرز میں پیٹ کمنز ٹاپ پوزیشن پر براجمان ہیں، بمرا 4 درجے ترقی پا کر ساتویں سے تیسرے نمبر پر آ گئے ہیں، جیسن ہولڈر نے 7 درجے ترقی پا کر ٹاپ ٹین میں انٹری کی اور انہوں نے جیمز اینڈرسن کے ساتھ چوتھی پوزیشن شیئر کرلی۔ جبکہ آل راﺅنڈرز میں ہولڈر کا ٹاپ پوزیشن پر قبضہ برقرار ہے۔
پاکستان کرکٹ بورڈ نے ڈومیسٹک سیزن 2019-20 کے لیے 6 کرکٹ ایسوسی ایشنز کی ٹیموں کا اعلان کردیا ہے،
باغی ٹی وی کی رپورٹ کے مطابق سرفراز احمد سندھ، بابر اعظم سنٹرل پنجاب اور شان مسعود سدرن پنجاب کی کپتانی کریں گے، محمد رضوان خیبر پختون خواہ، حارث سہیل بلوچستان اور عماد وسیم ناردرن کرکٹ ٹیم کی قیادت کریں گے، سیکنڈ الیون میں شامل 3 سینئر کھلاڑیوں کو مینٹور مقرر کیا گیا ہے، ذوالفقار بابر، محمد سمیع اور اعزاز چیمہ بطور مینٹور سیکنڈ الیون ٹورنامنٹ میں ان ایکشن ہوں گے،
بلوچستان کرکٹ ٹیم میں 44 فیصد مقامی کھلاڑیوں کو شامل کیا گیا ہے، تمام کھلاڑی 11 ستمبر کو اپنی اپنی ٹیموں کو جوائن کرلیں گے، راشد لطیف نے کہا ہے کہ کھلاڑیوں کی تین سالہ کارکردگی کا جائزہ لینے کے بعد تمام ٹیموں کا انتخاب کیا گیا ہے، مینٹور کرکٹرز میچ کے دوران اپنے وسیع تجربے کی روشنی میں نوجوان کھلاڑیوں کی تربیت کریں گے، راشد لطیف کا کہنا تھا کہ ہم نے یاسر شاہ اور شاداب خان کا نعم البدل تیار کرنے کے لیے نوجوان لیگ اسپنرز کو ٹیموں میں شامل کیا ہے،