Category: کھیل

قائد اعظم ٹرافی کا شیڈول جاری

پی سی بی نے ڈومیسٹک سیزن 2019-20 کے لیے قائداعظم ٹرافی کا شیڈول جاری کردیا۔ قائداعظم ٹرافی فرسٹ اور سیکنڈ الیون کے میچز بیک وقت 14 ستمبر کو شروع ہوں گے۔
پی سی بی کے ڈومیسٹک کرکٹ اسٹرکچر 2019-20 کی تقریب رونمائی
باغی ٹی وی کی رپورٹ کے مطابق ایونٹ کے 31 میچز 6 شہروں کے 9 مختلف وینیوز پر کھیلے جائیں گے۔ کوئٹہ 11 سال بعد قائداعظم ٹرافی کے میچز کی میزبانی کرے گا۔قائداعظم ٹرافی فرسٹ کلاس کرکٹ کے 4 میچز کی میزبانی بگٹی اسٹیڈیم کوئٹہ کو سونپ دی گئی ہے۔سیکنڈ الیون کے 4 میچز میرپور کرکٹ اسٹیڈیم میں کھیلے جائیں گے۔

قائداعظم ٹرافی کو 2 حصوں میں تقسیم کیا گیا ہے۔ایونٹ کا پہلا مرحلہ 14 ستمبر سے 8 اکتوبر جبکہ دوسرا مرحلہ 28 اکتوبر سے 13 دسمبر تک جاری رہے گا۔ قائداعظم فرسٹ الیون کا فائنل میچ 9 سے 13 دسمبر تک نیشنل اسٹیڈیم کراچی میں کھیلا جائے گا۔ سیکنڈ الیون کا فائنل میچ 29 نومبر سے اسٹیٹ بنک اسٹیڈیم کراچی میں شروع ہوگا

ایونٹ کے 6 میچز کی میزبانی ایبٹ آباد کرکٹ اسٹیڈیم کرے گا۔ جبکہ نیشنل اسٹیڈیم اور یو بی ایل اسپورٹس کمپلیکس کراچی میں 5، 5 میچز کھیلے جائیں گے۔ اسی طرح قذافی اسٹیڈیم لاہور اور کے آر ایل اسٹیڈیم راولپنڈی میں 3 میچز کھیلے جائیں گے۔ جناح اسٹیڈیم سیالکوٹ اور اسٹیٹ بینک گراو¿نڈ کراچی میں 1، 1 میچ کھیلا جائے گا

ستمبر 2, 2019
پی سی بی کنڈیشنگ کیمپ، سرفراز احمد پریکٹس میچ میں بھی ناکام

پی سی بی کنڈیشنگ کیمپ میں دو روزہ پریکٹس میچ میں بھی پاکستانی کپتان سرفراز احمد ناکام رہے۔ پریکٹس میچ کے پہلے روز امام الحق اور افتخار احمد کی سنچریوں کی بدولت سرفراز الیون نے سات وکٹوں کے نقصان پر تین سو پچپن رنز بنالئے۔ سرفراز احمد صرف پندرہ رنز ہی بنا سکے۔
سرفراز احمد کو قومی ٹیسٹ ٹیم کی قیادت سے ہٹانے کا اصولی فیصلہ کر لیا گیا
باغی ٹی وی کی رپورٹ کے مطابق قذافی اسٹیڈیم میں جاری قومی کرکٹ ٹیم کے کنڈیشنگ کیمپ میں ہونے والے پریکٹس میچ کے پہلے روز سرفراز الیون نے سات وکٹوں کے نقصان پر تین سو پچپن رنز بنالئے۔ افتخار احمد اور امام الحق نے شاندار بلے بازی کا مظاہرہ کرتے ہوئے سنچریاں سکور کیں۔ افتخار احمد 104، امام الحق 100 اور حارث سہیل 69رنز بنا کر نمایاں رہے۔ ورلڈکپ میں بڑا اسکور بنانے میں ناکام رہنے والے پاکستانی کپتان سرفراز احمد پریکٹس میچ میں نمایاں کارکردگی نہ دکھا سکی۔ وہ پندرہ رنز بناکر غیر معروف باولر محمد زاہد کے ہاتھوں آوٹ ہوگئے۔ عابد علی تیرہ رنز بناسکے۔

اظہر علی الیون کے بلال آصف اور ظفر گوہر نے دو دو جبکہ میر حمزہ اورمحمد زاہد نے ایک ایک کھلاڑی کو آوٹ کیا۔ میچ کے دوسرے روز اظہر علی الیون بیٹنگ کا آغاز کرے گی۔ میچ کے دوران کیمپ کمانڈنٹ مصباح الحق نے کھلاڑیوں کو مختلف ٹپس دیں۔

ستمبر 2, 2019
کھیلوں میں کھویا ہوا مقام حاصل کرنے کیلئے تجویز سامنے آگئی

اسلام آباد (اے پی پی) ڈسٹرکٹ سپورٹس آفیسر کوہاٹ/پشاور کے صدر ساجد خان آفریدی نے کہا ہے کہ کھیلوں میں کھویا ہوا مقام حاصل کرنے کیلئے کھلاڑیوں کو سخت محنت کرنے کی ضرورت ہے.

تفصیلات کے مطابق ڈسٹرکٹ سپورٹس آفیسر کوہاٹ/پشاور کے صدر ساجد خان آفریدی نے کہا ہے کہ کھیلوں میں کھویا ہوا مقام حاصل کرنے کیلئے کھلاڑیوں کو سخت محنت کرنے کی ضرورت ہے۔ ان خیالات کا اظہار انہوں گذشتہ روز پاکستان سپورٹس کمپلیکس میں جاری آل پاکستان اسوا فٹ بال اکیڈمی فٹ بال ٹورنامنٹ میں کھلاڑیوں سے خطاب کرتے ہوئے کیا۔ اس موقع پر اسوا فٹ بال اکیڈمی کے صدر رانا تنویراحمد، اسلام آباد فٹ بال ایسوسی ایشن کے نائب صدر محمد زمان کے علاوہ شائقین کی کثیر تعداد بھی موجود تھی۔ انہوں نے کہا کہ ایک ایسا دور تھا کہ پاکستان کی کھیلوں کے میدان میں دنیا پر حکمرانی تھی جن میں ہاکی، سکواش اور کرکٹ کے کھیل شامل تھے، آہستہ آہستہ یہ اعزازت ہمارے ہاتھ سے نکلتے گئے اس کی سب سے بڑی وجہ کھلاڑیوں کا دل لگا کر محنت نہ کرنا۔ انہوں نے کہا کہ میں ابھی بھی یقین سے کہتا ہوں کہ ملک میں کھیلوں کے ٹیلنٹ کی کمی نہیں، کھلاڑیوں کو سہولیات فراہم کی جائیں اور کھلاڑی دل لگا کر محنت کریں تو وہ دن دور نہیں جب پاکستان اپنا کھیلوں میں کھویا ہوا مقام حاصل کرسکتاہے۔

انہوں نے کہا کہ ہیمیں ملک میں کھیلوں کے گرتے ہوئے معیار کو بچانے کیلئے کھیلوں کے میدان آباد کرنا ہوں گے اور کھلاڑیوں کو محنت کرنا ہو گی۔ ساجد آفریدی نے کہا کہ نچلی سطح پر تعلیمی ادارے کھیلوں کی ترقی میں بہت اہم کردار ادا کرسکتے ہیں لیکن تعلیمی اداروں میں کھیلوں کے مقابلوں کا انعقاد بہت ضروری ہے۔

ستمبر 2, 2019
نیوزی لینڈ کے فاسٹ باؤلر سری لنکا کیخلاف ٹی 20 سیریز سے باہر ہوگئے

کولمبو (اے پی پی) کیوی فاسٹ باؤلر فرگوسن فٹنس مسائل کے باعث سری لنکا کے خلاف ٹی ٹونٹی سیریز سے باہر ہو گئے.

تفصیلات کے مطابق نیوزی لینڈ کے فاسٹ باؤلر لوکی فرگوسن فٹنس مسائل کے باعث سری لنکا کے خلاف ٹی ٹونٹی انٹرنیشنل سیریز سے باہر ہو گئے۔ فرگوسن پہلے ٹی ٹونٹی میچ سے قبل ٹریننگ کے دوران دائیں ہاتھ کا انگوٹھا تڑوا بیٹھے تھے اور انہیں علاج کیلئے واپس وطن بھیج دیا گیا ہے۔ نیوزی لینڈ ٹیم کے ہیڈکوچ گیری سٹیڈ نے اس بات کی تصدیق کرتے ہوئے کہا ہے کہ ان کی جگہ متبادل کھلاڑی کو ٹیم میں شامل نہ کرنے کا فیصلہ کیا گیا ہے.

دوسری جانب نیوزی لینڈ نے سری لنکا کو پہلے ٹی 20 میچ میں 5 وکٹوں سے شکست دی تھی.

ستمبر 2, 2019
بنگلہ دیش بمقابلہ افغانستان: میچ کا فیصلہ جانئے

چٹاگانگ (اے پی پی) بنگلہ دیش بورڈ الیون اور افغانستان الیون کے مابین دو روزہ ٹور میچ ہار جیت کے فیصلے کے بغیر ختم ہوگیا.

تفصیلات کے مطابق بنگلہ دیش کرکٹ بورڈ الیون اور افغانستان الیون کے مابین دو روزہ ٹور میچ ڈرا ہو گیا۔ میچ کے دوسرے اور آخری روز میزبان ٹیم بنگلہ دیش اپنی پہلی اننگز میں 123 رنز بناکر آؤٹ ہوگئی اور اسے 166 رنز خسارے کا سامنا کرنا پڑا، الامین 29 رنز کے ساتھ ٹاپ سکورر رہے۔ افغان الیون کی جانب سے ظاہر خان نے 5 کھلاڑیوں کو آؤٹ کیا۔ راشد خان نے تین وکٹیں حاصل کیں۔ افغانستان الیون نے آخری روز کھیل کے اختتام پر بغیر کسی نقصان پر 14 رنز بنائے، اس طرح میچ ہار جیت کے فیصلے کے بغیر ختم ہو گیا.

ستمبر 2, 2019
کرس گیل کا ریکارڈ ٹوٹنے کے قریب

کولمبو (اے پی پی) روس ٹیلر کو ٹی 20 انٹرنیشنل کرکٹ میں رنز کی دوڑ میں کرس گیل کو پیچھے چھوڑنے کیلئے ایک رن درکار.

تفصیلات کے مطابق کیوی بلے باز روس ٹیلر کو ٹی 20 انٹرنیشنل کرکٹ میں ویسٹ انڈین بلے باز کرس گیل کے زیادہ رنز کا ریکارڈ توڑنے کیلئے صرف ایک رن کی ضرورت ہے، توقع ہے کہ وہ سری لنکا کے خلاف دوسرے میچ میں یہ اعزاز حاصل کرنے میں کامیاب ہو جائیں گے، روز ٹیلر 89 میچ کھیل کر 1627 رنز بنا چکے ہیں جبکہ ویسٹ انڈیز کے جارح مزاج بلے باز کرس گیل نے 58 میچ کھیل کر 1627 رنز بنائے ہیں۔ ٹی 20 انٹرنیشنل میں بھارت کے روہیت شرما 2422 رنز کے ساتھ سرفہرست ہے۔

ستمبر 2, 2019
اشیز سیریز کا چوتھا ٹیسٹ میچ کب کھیلا جائے گا؟ جانئے

مانچسٹر (اے پی پی) آسٹریلیا اور انگلینڈ کی کرکٹ ٹیموں کے درمیان ایشز سیریز کا چوتھا ٹیسٹ 4 ستمبر سے مانچیسٹر میں شروع ہو گا۔ دونوں ٹیموں کے درمیان پانچ میچوں کی سیریز 1-1 سے برابر ہے۔

تفصیلات کے مطابق انگلش ٹیم جو روٹ کی قیادت میں میدان میں اترے گی جبکہ آسٹریلوی ٹیم کی کپتانی کے فرائض ٹم پائن انجام دیں گے۔ سیریز کے پہلے میچ آسٹریلیا نے 251 رنز سے کامیابی حاصل کی تھی، دوسرا ٹیسٹ ڈرا ہوا جبکہ تیسرے میچ میں انگلینڈ نے شاندار کم بیک کیا اور ایک وکٹ سے فتح حاصل کرکے سیریز برابر کر دی۔ آسٹریلین ٹیم نے چوتھے ٹیسٹ سے قبل کھیلے گئے تین روز ٹور میچ میں ڈربی شائر کی ٹیم کو اننگز اور 54 رنز سے شکست دی تھی۔ چوتھے میچ میں کامیابی کے لئے دونوں ٹیموں نے بیانات دیئے ہیں اور توقع کی جارہی ہے کہ سیریز کا چوتھا ٹیسٹ میچ سخت اور کانٹے دار ہوگا۔

واضح رہے کہ دونوں ٹیموں کے درمیان پانچ ٹیسٹ میچوں کی ایشز سیریز کا پانچواں اور آخری ٹیسٹ 12 سے 16 ستمبر تک اوول میں کھیلا جائے گا۔

ستمبر 2, 2019
پی سی بی کا مصباح کو ہیڈ کوچ بنانے کا فیصلہ

ذرائع کے مطابق پی سی بی نے مصباح الحق کو پی سی بی نے بطور ہیڈ کوچ اور چیف سلیکٹر لینے کا فیصلہ کر لیا.پاکستان کرکٹ ٹیم کے ہیڈ کوچ کا اعلان اسی ہفتے کئے جانے کی امید ہے۔

ذرائع کے مطابق پی سی بی مصباح الحق کے کوچ ہونے کی صورت میں مہنگے بیٹنگ کوچ کے بجائے مقامی کوچز پر انحصار کرنے پر بھی غور کر رہا ہے۔

ذرائع کا کہنا ہے کہ سلیکشن کمیٹی کے بجائے صوبائی ٹیموں کے سلیکٹرز چیف سلیکٹرز کی مدد کریں گے جبکہ بولنگ کوچ کے لیے وقاریونس کا انتخاب کیا گیا ہے۔

یاد رہے کچھ روز قبل پی سی بی نے قومی ٹیم کیلئے ہیڈ اور باؤلنگ کوچ کے لئے انٹرویوز لئے تھے۔

قذافی اسٹیڈیم میں سی ای او پی سی بی وسیم خان کی سربراہی میں پانچ رکنی پینل نے امیدواروں کے انٹرویوز کیے۔

بولنگ کوچ کے لئے وقار یونس جبکہ ہیڈکوچ کے لیے ڈین جونزاور مصباح الحق نے پی سی بی کو اپنی صلاحیتوں کے بارے میں بتایا تھا۔

سابق ویسٹ انڈئین فاسٹ باولر کورٹنی واش اور محسن حسن خان نے بھی ہیڈ کوچ کے عہدے کے لیے پینل کو اپنے تجربے سے آگاہ کیا تھا۔

ستمبر 2, 2019
شاہد آفریدی کا ٹی 20 کرکٹ میں زیادہ وکٹیں لینے کا ریکارڈ ٹوٹ گیا، اہم خبر

سری لنکا کے فاسٹ باؤلر لسیتھ ملنگا نے ٹی 20 انٹرنیشنل میں سب سے زیادہ 99 وکٹیں حاصل کرلیں،

باغی ٹی وی کی رپورٹ کے مطابق لسیتھ ملنگا نے شاہد آفریدی کا ریکارڈ نیوزی لینڈ کے خلاف میچ میں توڑا، شاہد آفریدی کی ٹی20 انٹرنیشنل میں 98 وکٹیں ہیں، لسیتھ ملنگانےٹی20 انٹرنیشنل میں سب سے زیادہ وکٹیں لینے کا شاہد آفریدی کا ریکارڈ توڑ دیا،

واضح‌ رہے کہ لسیتھ ملنگا سری لنکا کے فاسٹ‌ باؤلر اور اپنے ملک کے معروف کھلاڑی ہیں جنہیں مقبولیت حاصل ہے، کچھ عرصہ قبل انہوں نے ون ڈے انٹرنیشنل کرکٹ کو خیرباد کہہ دیا تھا تاہم آج انہوں نے اپنی زندگی کا ایک اور اہم سنگ میل عبور کر لیا ہے،

ستمبر 1, 2019
پی سی بی ڈومیسٹک سیزن کیلئے انعامی سکیم شروع ، مراعات بھی ملیں‌ گی

لاہور:اچھی کرکٹ کھیلو اور انعام پاو ، مراعات بھی لو ، پاکستان کرکٹ بورڈ(پی سی بی ) نے نئے ڈومیسٹک اسٹرکچر کے تحت ڈومیسٹک سیزن کیلئے انعامی رقم اور میچ فیس سمیت دوسری مراعات کا اعلان کردیا۔بورڈ نے قومی سطح پر کھیلے جانے والے ٹورنامنٹس کی انعامی رقوم میں 233فیصد تک اضافہ کر دیا۔

اس انعامی پیکچ پر بات کرتے ہوئے پی سی بی کے ترجمان کا کہنا تھا کہ پی سی بی ڈومیسٹک سیزن 2019-20پر ایک ارب روپے سے زائد خرچ کرے گا اور پورے سیزن میں ایک کھلاڑی کو سالانہ 20لاکھ روپے کی آمدن ہو گی جب کہ ڈومیسٹک سنٹرل کنٹریکٹ یافتہ کھلاڑی سالانہ 6لاکھ روپے تنخواہ وصول کریگا۔

پی سی بی کی طرف سے جو انعامات کی شرح رکھی گئی ہے وہ کچھ اس طرح ہے کہ پاکستانی کرکٹ بورڈ نے قائداعظم ٹرافی کی انعامی رقم میں 233فیصد اضافہ کردیا ہے ،قائداعظم ٹرافی کی فاتح ٹیم کو ایک کروڑ روپے کی انعامی رقم دی جائے گی، پاکستان کپ ون ڈے ٹورنامنٹ کی انعافی رقم میں 150فیصد اور ٹی ٹوئنٹی ٹورنامنٹس کی انعامی رقم میں 100فیصد اضافہ کیا ہے۔قائداعظم ٹرافی کی میچ فیس 50سے بڑھا کر 75ہزار روپے مقرر کر دی گئی ہے جب کہ پاکستان کپ اور ٹی ٹوئنٹی ٹورنامنٹ کی میچ فیس 40ہزار روپے مقرر کی گئی ہے۔نان فرسٹ کلاس میچز کی میچ فیس 8سے بڑھا کر 30ہزار روپے کی گئی ہے۔ سیکنڈ الیون کے ایک روزہ اور ٹی ٹونٹی ٹورنامنٹس میں بھی کھلاڑیوں کو میچ فیس ملے گی۔

دوسری طرف کرکٹ بورڈ نے مزید فیصلے کرتے ہوے تین روزہ کرکٹ میں انڈر ناینٹین کھلاڑیوں کی میچ فیس چار سے بڑھا کر دس ہزار روپے رکھی گئی ہے ،ایک روزہ کرکٹ میں انڈر ناینٹین کھلاڑیوں کی میچ فیس دو سے بڑھا کر پانچ ہزار روپے مقرر کردی گئی ہے۔ترجمان کا کہنا ہے کہ ڈومیسٹک سیزن کے دوران کھلاڑی تھری اور فور اسٹار ہوٹل میں رہائش اختیار کریں گے اور بین الصوبائی سفر کے لیے کھلاڑی ہوائی جہاز کا استعمال کریں گے۔

اس انعامی اسکیم اور مراعاتی پیکج کے متعلق چیف ایگزیکٹو پی سی بی وسیم خان کا کہنا ہے کہ کھلاڑیوں کو طویل عرصہ ان کے جائز حق سے محروم رکھنا افسوسناک تھا، نیا ڈومیسٹک اسٹرکچر کھلاڑیوں کا معیار زندگی بہتر کرے گا۔خیال رہے کہ پاکستان کرکٹ بورڈ نے ڈومیسٹک اسٹرکچر تبدیل کر کے 16ریجنز کو 6ایسوسی ایشنز میں ضم کر دیا ہے۔نئے نظام کے تحت قائداعظم ٹرافی کا پہلا مرحلہ 14ستمبر سے 8اکتوبر اور دوسرا مرحلہ 28اکتوبر سے 13دسمبر تک جاری رہے گا۔ قومی انڈر 19کرکٹ ٹورنامنٹ یکم اکتوبر سے 12 نومبر تک جاری رہے گا۔

ستمبر 1, 2019