Category: کھیل

پاکستان کرکٹ بورڈ قومی ٹیم کے ہیڈ کوچ مصباح الحق کو پی ایس ایل کے دنوں میں کسی قسم کو کوئی معاوضہ نہیں دے گا۔

پاکستان کرکٹ بورڈ نے دو روز قبل مصباح الحق کو ہیڈ کوچ اور چیف سلیکٹر کی ذمہ داریاں سونپیں ، پی سی بی نے مفادات سے متصادم کی پالیسی بنانے کی بجائے یہ فیصلہ کیا کہ مصباح الحق کو ایکسپوژر دینے کے لیےپی ایس ایل کے لیے کام کرنے دیا جائے۔

ذرائع کے مطابق پی سی بی میں تقری سے قبل مصباح الحق کا ایک فرنچائز کے ساتھ معاہدہ ہوچکا تھا، پی سی بی نے مصباح الحق کو اگرچہ پی ایس ایل میں کام کی اجازت دی ہے لیکن اس دوران بورڈ مصباح الحق کو معاہدے کے مطابق معاوضہ نہیں دیا جائے گا۔

پی سی بی کے مطابق مصباح الحق لیگ کو 5 دن پہلے سے لے کر لیگ سے 2 دن بعد تک کا معاوضہ نہیں ملے گا، سابق کوچ مکی آرتھر بھی ایک فرنچائز کے ساتھ وابستہ تھے انہیں بھی معاوضہ نہیں ملتا تھا ۔

پی سی بی نے ڈومیسٹک سیزن 2019-20 کے لیے نئی پلیئنگ کنڈیشنز متعارف کروا دیں،

باغی ٹی وی کی رپورٹ کے مطابق پہلی بار فرسٹ کلاس کرکٹ میں نو ٹاس قانون نافذ کیا جارہا ہے، قائداعظم ٹرافی فرسٹ اور سیکنڈ الیون کے لیے نیا پوائنٹ سسٹم ترتیب دے دیا گیا ہے، پہلی اننگ میں بیٹنگ اور بولنگ میں کارکردگی کی بنیاد پر پوائنٹس تقسیم کیے جائیں گے،
سلو اوور ریٹ پر جرمانے کے قوانین مزید سخت کردئیے گئے ہیں، قائداعظم ٹرافی کے فائنل کو نتیجہ خیز بنانے کے لیے ایک اضافی روز دے دیا گیا ہے، ایسوسی ایشن میں شامل تمام 32 کھلاڑی فرسٹ یا سیکنڈ الیون میں شرکت کرسکتے ہیں،

کرکٹ ایسوسی ایشن 32 کھلاڑیوں کے علاوہ کسی ایک غیرملکی کھلاڑی کو اسکواڈ میں شامل کرسکتی ہے، ڈائریکٹر ڈومیسٹک کرکٹ ہارون رشید کا کہنا ہے کہ نئی پلیئنگ کنڈیشنز سے قومی اور بین الاقوامی کرکٹ کے درمیان فرق کم کیا جاسکے گا،

اولمپک کوالیفائنگ راؤنڈ کی تیاریوں کیلئے قومی ہاکی ٹیم کے تربیتی کیمپ میں وارم اپ میچز کا سلسلہ شروع ہوگیا ہے،

باغی ٹی وی کی رپورٹ کے مطابق ہاکي فیڈریشن کے صدر خالد سجاد کھوکھر نے مشکل معاشی حالات کے باوجود اولمپک کوالیفائنگ راؤنڈ جیتنے کیلئے کھلاڑیوں کو جان لڑانے کا مشورہ دیا ہے، نیشنل ہاکی سٹیڈیم لاہور میں جاری تربیتی کیمپ میں پی ایچ ایف کے صدر خالد سجاد کھوکھر ایم ڈی فوجی فاؤنڈیشن پاور کمپنی میجر جنرل اصغر نواز کے ساتھ کھلاڑیوں کی حوصلہ افزائی کیلئے پہنچے جہاں پاکستان گرین اور وائٹس کے درمیان پريکٹس میچ کھیلا گیا، میجر جنرل اصغر نواز نے کہا کہ قومی کھیل کی بحالی کے لئے حکومت اور اسپانسرز کو اپنا کردار ادا کرنا چاہیے،

پی ایچ ایف کے صدر بریگیڈئیر خالد سجاد کھوکھر کا کہنا تھا کہ مشکل صورت حال کے باوجود اولمپک کوالیفائنگ راؤنڈ کی تیاری کررہے ہیں، بہت کوششوں کے بعد اولمپک کوالیفائنگ راونڈ میں قومی ٹیم کی واپسی ہوئی ہے، خواہش ہے کہ ٹیم اولمپک 2020 کے لئے کوالیفائی کرے، کھلاڑیوں اور ٹیم انتظامیہ کو بتادیا ہے کہ ان کو ہر سہولت فراہم کریں گے، قومی ہاکی ٹیم کے کیمپ کا پہلا مرحلہ نو ستمبر کو ختم ہو گا۔ اور کھلاڑي بائيس ستمبر کو دوبارہ رپورٹ کريں گے،

رمیز راجہ نے کہا ہے کہ ڈومیسٹک کرکٹ اسٹرکچر میں تبدیلی پی سی بی کا جرات مندانہ قدم ہے

سابق ٹیسٹ کرکٹر اور پاکستان کے انٹر نیشنل کرکٹ کے لیے مایا ناز کمنٹیٹر رمیز راجہ نےکہا ہے کہ نئے ڈومیسٹک کرکٹ اسٹرکچر سےکھلاڑیوں کے انتخاب میں شفافیت آنے کی امید ہے،ڈومیسٹک کرکٹ اسٹرکچر میں تبدیلی پی سی بی کا جرات مندانہ قدم ہے،کرکٹرز نے پی سی بی کے نئے ڈومیسٹک کرکٹ اسٹرکچر کی حمایت کردی،

واضح رہے کہ مودجوہ پیٹرن اور اس نظام کو ہر طرف سے سراہا جارہا ہے . اس سےنئے ٹیلنٹ کو مزید موقع ملے گا. ڈومیسٹک سطح تک کرکٹ میں بہتری آئے گی. دوسری طرف مصباح کو مبارک بادیں‌دی جا رہی ہیں.قومی کرکٹ ٹیم کےسابق کپتان یونس خان نے مصباح الحق اور وقار یونس کو مبارک باد دی ہے اور نیک خواہشات کا اظہار کیا ہے۔

سماجی رابطے کی ویب سائٹ ٹوئٹر پر یونس خان نے مصباح الحق کو قومی ٹیم کا ہیڈ کوچ بننے پر مبارک باد پیش کی اور ساتھ ہی نئے بولنگ کوچ وقار یونس کے لیے بھی نیک خواہشات کا پیغام دیا۔

انہوں نے امید ظاہر کی کہ مصباح الحق اور وقار یونس 110 فیصد کارکردگی دکھائیں گے۔

مصباح الحق نے یونس خان کے مبارک باد کے پیغام کے جواب میں انہیں چیمپئن کہہ کر مخاطب کیا اور ان کا شکریہ بھی ادا کیا۔