Category: کھیل

افغانستان کے لیگ اسپنر راشد خان نے ٹیسٹ کرکٹ کی تاریخ میں اب تک کے سب سے کم عمر کپتان ہونے کا نیا ریکارڈ اپنے نام کرلیا۔

میڈیا رپورٹس کے مطابق رواں سال ہونے والے ورلڈ کپ 2019 میں افغانستان کی ناقص کارکردگی کے بعد 20 سالہ راشد خان کو ٹیم کا کپتان مقرر کرنے کا فیصلہ کیا گیا ہے جبکہ دوسری جانب بنگلہ دیش کی قیادت شکیب الحسن کررہے ہیں۔

افغانستان کا مقابلہ ظہور احمد چوہدری اسٹیڈیم (چٹاگانگ) میں میزبان ٹیم بنگلہ دیش سے ہے۔ کپتان راشد خان نے ٹاس جیت کر پہلے بیٹنگ کا فیصلہ کیا۔

راشد خان نے سب سے کم عمر ٹیسٹ کپتان بن کر 15 سالہ ریکارڈ توڑ دیا، ان کی عمر 20 سال 350 دن ہے جبکہ اس سے قبل یہ ریکارڈ زمبابوے کے سابق وکٹ کیپرتا ٹنڈا تیبو نے بنایا تھا جن کی عمر 20 سال 358 دن تھی۔

راشد خان نے صرف 8 روز کے فرق سے یہ ریکارڈ توڑ اجو تا ٹنڈا تیبو نے2004 میں سری لنکا کے خلاف ہرارے میں کھیلے گئے ٹیسٹ میں قائم کیا تھا۔

اس کے علاوہ راشد خان انٹرنیشنل کرکٹ کے سب سے کم عمر ترین کپتان بھی رہ چکے ہیں، اُس وقت اُن کی عمر محض 19 سال تھی۔

واضح رہےکہ افغانستان کو ٹیسٹ اسٹیٹس ملنے کے بعد بنگلا دیش کے خلاف ان کا تیسرا ٹیسٹ ہے، پہلے ٹیسٹ میں افغانستان کو بھارت کے ہاتھوں شکست کا سامنا کرنا پڑا تھا جبکہ دوسرے ٹیسٹ میں افغانستان کی ٹیم نے آئرلینڈ کو شکست سے دوچار کیا تھ

انڈر 19 ایشیا کپ 2019 کی ٹرافی کی تقریب رونمائی کولمبو کے مقامی ہوٹل میں منعقد کی گئی جس میں آٹھوں ٹیموں کے کپتان شریک تھے۔

تقریب کے دوران کپتانوں کے ساتھ ایک پریس کانفرنس بھی کی گئی جس کے بعد کھلاڑیوں کا ٹرافی کے ساتھ فوٹو سیشن ہوا۔ پاکستانی کپتان روحیل نزیر نے بھی ٹرافی کے ساتھ تصویر بنوائی۔

اے سی سی انڈر 19 کپ میں روایتی حریف پاکستان اور بھارت گروپ اے میں شامل ہیں جبکہ افغانستان اور کویت کی ٹیمیں بھی گروپ اے کا حصہ ہوں گی۔

گروپ بی میں سری لنکا، بنگلہ دیش، متحدہ عرب امارات (یو اے ای) اور نیپال شامل ہیں۔

روایتی حریف پاکستان اور بھارت کے درمیان 7 ستمبر کو میچ کھیلا جائے گا جبکہ پاکستان اپنا پہلا میچ افغانستان کے خلاف 5 ستمبر کو کھیلے گا۔ پاکستان اور کویت کی ٹیمیں 9 ستمبر کو آمنے سامنے ہوں گی۔

پاکستان کی 8 رکنی ٹيبل ٹينس ٹيم ایشین چیمپئن شپ میں شرکت کرے گی

باغی ٹی وی کی رپورٹ کے مطابق ايشين ٹيبل ٹينس چمپين شپ 15-22 ستمبر تک انڈونیشیا میں ہوگي، ٹيم کے مرد کھلاڑيوں ميں محمد یاسین بلال ، فيضان ظہور اور سید عبید شاہ شامل ہيں جبکہ ويمن کھلاڑيوں ميں شبنم بلال ،فاطمہ خان، پیرنیا زمان خان شامل ہيں،

آٹھ رکنی ٹیبل ٹینس ٹیم ایشین چیمپیئن شپ کے دوران صباح وارث ڈار کوچ اور احسان الحق خان ٹيم منيجر ہوں گے،

قومي کرکٹ ٹيم کے ہيڈ کوچ مصباح الحق کا کہنا ہے کہ پہلي ترجيع ٹيم ميں پروفيشنل ڈسپلن لانا ہے ۔ کوشش ہوگي کہ ذمہ دارياں احسن انداز ميں نبھاؤں،

باغی ٹی وی کی رپورٹ کے مطابق پي سي بي کے ايم ڈي وسيم خان کے ساتھ مشترکہ پريس کانفرنس کرتے ہوئے مصباح الحق کا کہنا تھا کہ پي سي بي نے ہيڈ کوچ اور چيف سليکٹر مقرر کرکے ان پر اعتماد کيا ہے جس پر وہ پورا اترنے کي کوشش کريں گے۔ میں آج جو کچھ بھی ہوں وہ صرف اور صرف پاکستان کی وجہ سے ہوں اس ملک نے مجھے بہت عزت اور محبت دی ہے کوشش ہوگی کہ کرکٹ کپتان کی طرح بطور کوچ بھی بھی بہترین انداز میں ذمہ داریاں احسن انداز میں نبھاؤں، مصباح الحق کا کہنا تھا کہ لوگ مجھےدیکھ چکے ہیں کہ تنقید برائے تنقید کا جواب میں کس انداز میں دیتا ہوں میں پہلے بھی کہہ چکا ہوں کہ جارحانہ انداز اور دفاعی حکمت عملی ميچ کي صورت حال کے مطابق ہوتی ہے ، کوشش ہوگی کہ ایسی صورت حال بنائیں کہ ہماری ٹیم جارحانہ کرکٹ کھیلے ،

مصباح الحق کا کہنا تھا کہ ٹیسٹ کرکٹ کو بہتر بنانا میری ترجیح ہو گی اگر ٹیسٹ کرکٹ بہتر ہوگی تو ون ڈے ٹیم خود اچھی ہوجائے گی ۔ ان کا کہنا تھا کہ سرفراز احمد نے کيمپ ميں سخت ٹرئينگ کي ہے ۔ اور وہ اس بات پر يقين رکھتے ہيں کہ جو فٹ اور فارم میں ہوگا اس کی سليکشن ميں عمر کو اہمیت نہیں دی جائے گی ۔مصباح الحق کا کہنا تھا کہ باولنگ کوچ وقار يونس سے اچھے تعلقات ہيں ان کے ساتھ کبھي کام کرتے ہوئے مسلہ نہيں ہوا،