Category: کھیل

پاکستان کی قومی کرکٹ ٹیم کے دو اہم کھلاڑی شاہین شاہ آفریدی اورفخرزمان پی سی بی پری سیزن کیمپ سے آؤٹ ہو گئے ہیں،

باغی ٹی وی کی رپورٹ کے مطابق شاہین شاہ آفریدی ڈینگی بخارکےباعث لاہورکے ہسپتال میں زیرعلاج ہیں، ترجمان پی سی بی کی طرف سے بتایا گیا ہے کہ فخرزمان گھٹنے کی انجری کاشکارہوگئے ہیں، اس طرح یہ دو اہم کھلاڑی پری سیزن کیمپ سے باہر ہو گئے ہیں،

گزشتہ روزفخرزمان کےدائیں گھٹنےکاایم آرآئی اسکین کروایاگیا ہے، فخرزمان کی ایم آرآئی رپورٹ پی سی بی میڈیکل ایڈوائزری پینل کوموصول ہوئی ہے، پینل کی سفارشات کی روشنی میں فخرزمان کی کیمپ میں آئندہ شرکت کا فیصلہ کیاجائیگا،

قومی کرکٹ ٹیم کا پری کنڈیشنگ کیمپ قذافی اسٹیڈیم میں جاری ہے، سابق کپتان اظہر علی کہتے ہیں کہ نئے ڈومیسٹک کرکٹ اسٹرکچر سے مقابلے کی فضا پیدا ہوگی،

باغی ٹی وی کی رپورٹ کے مطابق قومي کرکٹ ٹيم کے تربيتي کیمپ میں کھلاڑیوں نے صبع کے سيشن ميں فزیکل ٹریننگ کی جبکہ شام کے سیشن میں کھلاڑیوں کو بھرپور نیٹ پریکٹس کروائی گئی، کیمپ کے دوران میڈیا سے گفتگو کرتے ہوئے سابق کپتان اظہر علی نے نئے ڈومیسٹک کرکٹ سٹرکچر کو بہترین قرار دیتے ہوئے کہا کہ اس سے ڈومیسٹک سطح پر مقابلے کی فضا پیدا ہوگی اور ہر کھلاڑی کو خود کو منوانے کے لئے بہترین کارکردگی دکھانا ہوگی،

قومی ٹیم کی قیادت کے حوالے سے اظہر علی کا کہنا تھا کہ نہ ون ڈے میں واپسی کا سوچا ہے اور نہ ہی ٹیسٹ ٹیم کی کپتانی کے حوالے سے ابھی تک کوئی بات ہوئی ہے، کنڈیشنگ کیمپ سات ستمبر تک جاری رہے گا جبکہ لیگ اسپنر شاداب خان کو کیریبین لیگ میں شرکت کے لئے ویسٹ انڈیز روانگی کے لئے کیمپ سے ریلیز کردیا گيا ہے،

کرکٹ کی دلدادہ خواتین امپائرنگ کے شعبے میں بھی قسمت آزمائی کریں‌ گی، پی سی بی امپائرز اینڈ میچ ریفریز ورکشاپ میں 9 خواتین امپائرز نے شرکت کی ہے،

باغی ٹی وی کی رپورٹ کے مطابق قذافی اسٹیڈیم لاہور میں منعقدہ 3 روزہ ورکشاپ میں 5 خواتین امپائرز نے شرکت کی، 2 خواتین امپائرز راولپنڈی اور 2 کراچی میں شیڈول ورکشاپ میں شرکت کریں گی، ورکشاپ میں آئی سی سی ایلیٹ پینل امپائر علیم ڈار سمیت انٹرنیشنل پینل امپائرز احسن رضا اور آصف یعقوب نے لیکچرز دئیے، عافیہ امین نے گفتگو کرتے ہوئے کہاکہ مذہبی گھرانے سے تعلق کے باعث مجھے امپائرنگ کرنے میں مشکلات کا سامنا رہا، حمیرا فرح کا کہنا تھا کہ خواتین معاشرے کا اہم جزو ہیں، ورکشاپ کا انعقاد ہمارے لیے مثبت رہے گا،

خواتین ایمپائرینگ کے شعبہ میں قسمت آزمائی کرنے والی شکیلہ رفیق کا کہنا تھا کہ انٹرنیشنل امپائرز کا تجربہ ہمارے لیے سود مند ثابت ہوگا، صباحت رشید نے کہاکہ امپائرنگ یکسر مختلف شعبہ ہے، قوانین سے آگاہی حاصل کررہے ہیں، اسی طرح نازیہ نذیر کا کہنا تھا کہ آئی سی سی پینل میں شامل ہونا میرا خواب ہے، ادھر آئی سی سی ایلیٹ پینل امپائر علیم ڈار نے کہا ہے کہ یہ امپائرز دوسری خواتین کے لیے رول ماڈل ہیں، یہ خواتین قومی کرکٹ کا سرمایہ ہیں، ہمیں ان کی حوصلہ افزائی کرنے کی ضرورت ہے، خواتین امپائرز جتنے زیادہ میچز سپروائز کریں گی ان کی کارکردگی میں نکھار آئے گا،

ورلڈ کپ میں پاکستانی کی کارکردگی بری نہیں رہی، ٹیسٹ کرکٹر اظہر علی

باغی ٹی وی رپورٹ :ٹیسٹ کرکٹر اظہر علی نے کہا ہے کہ ورلڈ کپ میں پاکستانی کی کارکردگی بری نہیں تھی صرف ایک میچ براکھیلنے سے پاکستان باہر ہوگئی .ون ڈے کرکٹ میں مستقبل نظر نہیں آرہاتھا،ہرٹیم اپنی کارکردگی بہتر بنانے کےلیے بھرپورمقابلہ کرےگی،کوالٹی لیول بڑھانے کےلیے پی سی بی نے اچھا اقدام اٹھایا.

کپتانی کےلیے مجھ سے کوئی رابطہ نہیں کیا گیا،ڈومیسٹک کرکٹ کھیلوں گا، کاوَنٹی کرکٹ کوبہت انجوائے کیا، مجھے ابھی تک آفیشل نہیں بتایا گیا، جوکہا گیا وہی کروں گا.کیمپ سے کھلاڑیوں کو خامیاں دور کرنے میں مدد ملےگی،پری سیریز کیمپ سب کھلاڑیوں کےلیے اچھا موقع ہے.

باؤلنگ کوچ کےلیے محمد اکرم نے اپنی درخواست واپس لے لی

قذافی اسٹیڈیم لاہورمیں ہیڈکوچ اوربولنگ کوچ کی پوسٹ کے لیے انٹرویو جاری .ڈین جونز نے ہیڈکوچ کے لیے آن لائن انٹرویو دے دیا، محمد اکرم کی جانب سے درخواست واپس لینےکےبعدوقار یونس مضبوط امیدوار بن گئے، محمد اکرم نے بولنگ کوچ کے لیے اپنی درخواست واپس لے لی،
وقار یونس بولنگ کوچ کے عہدے کے لیے انٹرویو دے کر واپس روانہ ہوگئے.قذافی اسٹیڈیم لاہورمیں ہیڈکوچ اور بولنگ کوچ کی پوسٹ کے لیے انٹرویو جاری

پی سی بی میں ہیڈ کوچ اور بولنگ کوچ کے لیے امیدواروں کے انٹرویوز شروع

پی سی بی میں ہیڈ کوچ اور بولنگ کوچ کے لیے امیدواروں کے انٹرویوز شروع .ہو چکے ہیں پینل کی جانب سے امیدوار کے نام فائنل ہوتے ہی پی سی بی اعلان کردے گا.5رکنی پینل سفارشات تیار کرکے چیئرمین پی سی بی احسان مانی کو بھیجے گا

ہیڈ کوچ اور بولنگ کوچ کے لیے انٹرویوز آج ہو رہے ہیں، مصباح الحق کو ہیڈ کوچ بنایا گیا تو کسی ببٹنگ کوچ کاتقرر نہ کیے جانے کا امکان ہے۔

سری لنکن کرکٹ ٹیم کے اسپن گیند باز اجنتھا مینڈس نے بین الاقوامی کرکٹ کو خیرباد کہہ دیا ہے۔

مینڈس نے 19 ٹیسٹ میچز میں 70 وکٹیں حاصل کیں جب کہ 87 ون ڈے میچز میں 152 کھلاڑیوں کو آؤٹ کیاسری لنکن گیند باز نے 39 ٹی 20 مقابلوں میں 60 کھلاڑیوں کو پویلین کی راہ دکھائی۔

34 سالہ کرکٹر نے اپنا آخری ون ڈے نیوزی لینڈ کیخلاف 2015 میں کھیلا تھا۔ بین الاقوامی کرکٹ میں پہلی بار کیرم بال متعارف کرانے کا سہرا بھی ان کے سر ہے۔
انہوں نے 2012 زمبابوے کیخلاف ٹی20 مقابلے میں 8 اسکور کے عوض 6 کھلاڑیوں کو آوٹ کرنے کا ریکارڈ قائم کیا۔

قبل ازیں اجنتھا مینڈس نے 2011 میں آسٹریلیا کے خلاف 4 اوورز میں 16 رنز کے عوض 6 وکٹیں حاصل کی تھیں