Category: کھیل

سوئنگ کے سلطان وسیم اکرم نے اپنے ٹویٹر پر دکھ کا اظہار کرتے ہوئے کہا کہ میں پوری دنیا میں اپنی "انسولین” کے ساتھ سفر کرتا ہوں لیکن آج تک اتنا شرمندہ نہیں ہوا جتنا آج مانچسٹر ایئر پورٹ پر ہوا ہوں.

وسیم اکرم نے کہا کہ مجھے نہایت شرمندگی کا سامنا کرنا پڑا جب مجھ سے سختی سے سوالات کیے گئے اور حکم دیا گیا کہ میں اپنی انسولین کولڈ کیس سے نکال کر پلاسٹک کے بیگ میں رکھوں.

یہ سب بالی ووڈ کے کنگ خان شاہ رخ خان کے ساتھ بھی ہو چکا ہے جب ان کی ایئر پورٹ پر سختی سے تلاشی لی گئی تھی. انہوں نے بھی نہایت افسوس کا اظہار کیا تھا لیکن بعد میں ان سے معافی بھی مانگی گئی تھی. شاہ رخ کے بعد اب یہ سب وسیم اکرم کے ساتھ بھی کیا گیا ہے جس پر ان کو بہت افسوس ہے.

واضح رہے وسیم اکرم پاکستان کے مقبول بولر ہیں اور دنیا بھر کے اچھے بولرز بھی ان سے سوئنگ کی ٹریننگ لینا چاہتے ہیں اس لیے ان کو سوئنگ کا سلطان کہا جاتا ہے.

انضمام الحق نے نئے چیف سلیکٹر کو سپورٹ کرنے کی درخواست کر دی اور انھوں نے کھلاڑیوں پر تنقید کو بھی غلط قرار دیا۔

تفصیلات کے مطابق پی سی بی کیلیے بلاگ میں سابق چیف سلیکٹر نے تحریر کیا کہ ہمیں سمجھنا چاہیے یہ پاکستان کی ٹیم ہے، ان کھلاڑیوں کو مشکل وقت میں حوصلہ افزائی کی ضرورت ہوتی ہے، تنقید برائے اصلاح سے کوئی انکار نہیں کرتا مگر جس طرح کھلاڑیوں کو بھارت کیخلاف میچ ہارنے کے بعد تنقید کا نشانہ بنایا گیا میں اس کی مذمت کرتا ہوں۔

انھوں نے کہا کہ تین سال سے زائد برس کام کے دوران مجھے پرستاروں کی بڑی تعداد نے سپورٹ کیا، اب میرا معاہدہ ختم ہورہا ہے۔ میری درخواست ہے کہ نئے چیف سلیکٹر پر تنقید کے بجائے انھیں سپورٹ کریں، ہمیں مشکلات میں اپنوں کا ساتھ دینے کا رواج اپنانا ہوگا۔

واضح رہے کہ قومی کرکٹ ٹیم کے چیف سلیکٹر انضمام الحق نے چند روز قبل اپنے عہدے سے استعفی دے دیا تھا اور اپنے عہدے سے سبکدوش ہونے کی وجہ صرف یہ بتائی تھی کہ میں نئے ٹیلنٹ اور لوگوں کو موقع دینا چاہتاہوں.بطور چیف سلیکٹر ان پر ناقدین کافی نتقید کرتے رہے ہیں.

لاہور  : سری لنکن فاسٹ بولر لیستھ ملینگا 26 جولائی کو اپنا آخری ون ڈے میچ کھیلیں گے

سری لنکا کے معروف رائٹ آرم فاسٹ بولر میلنگا 26 جولائی کو کولمبو کے پریما داسا اسٹیڈیم میں اپنا آخری ون ڈے میچ کھیلیں گے اور کپتان کرونا رتنے نے بھی ان کی ریٹائرمنٹ کی تصدیق کردی ہے.

باغی ٹی وی کی رپورٹ کے مطابق 225 میچز کھیلنے والے میلنگا کو سری لنکا کی جانب سے سب سے زیادہ  335 وکٹ حاصل کرنے کا اعزاز حاصل ہے۔ ان کا نام بنگلا دیش کے خلاف سیریز کے لیے اعلان کردہ ٹیم میں شامل کیا گیا ہے۔

یاد رہے میلنگا ٹی ٹوئنٹی کے کپتان ہیں اور ٹی ٹوینٹی کرکٹ کھیلتے رہیں گے اور اس بات کے بھی امکانات ہیں کہ وہ اگلے سال آسٹریلیا میں شیڈول ٹی ٹوئنٹی ورلڈکپ کھیل کر ہر قسم کی کرکٹ سے ریٹائر ہو جائیں گے۔

ورلڈ کپ میں شکست کے بعد معروف بھارتی کرکٹر مہندر سنگھ دھونی اب مقبوضہ کشمیر میں بھارتی فوج سے ٹریننگ لیں گے

باغی ٹی وی کی رپورٹ کے مطابق کرکٹ ولڈ کپ میں شکست کے بعد بھارت کے کرکٹر مہندر سنگھ دھونی نے کرکٹ سے علیحدہ ہونے کا فیصلہ تو نہیں کیا لیکن ویسٹ انڈیز جانے کی بجائے بھارتی فوج سے ٹریننگ لینے کے لئے تیار ہو گئے، بھارت کے ویسٹ انڈیز کے لئے دورے کا اعلان ہو گیا تا ہم دوسری جانب بھارتی کرکٹ ٹیم کے کھلاڑی دھونی کو بھارتی فوج سے ٹریننگ لینے کی منظوری بھی مل گئی ہے، بھارتی فوج کے سربراہ بپن روات نے دھونی کو ٹریننگ دینے کی منظوری دی ہے

دھونی پیرا شوٹ رجمنٹ بٹالین سے ٹریننگ لیں گے اور اس کے لئے وہ مقبوضہ کشمیر جائیں گے. چند دن قبل خبریں آ رہی تھیں کہ دھونی سیاہ چین جائیں گے، کشمیر میں ٹریننگ کا انتخاب مشورے سے کیا گیا ہے،

بھارتی کرکٹ ٹیم کے کھلاڑی مہندر سنگھ دھونی دو سال قبل بھی مقبوضہ کشمیر کا دورہ کر چکے ہیں، دھونی مقبوضہ کشمیر کے علاقے بارہمولا مہں گئے جہاں بھارتی فوج کی جانب سے کرکٹ میچ میں مہمان خصوصی تھے، دھونی بھارتی فوج کی وردی پہن کر مہمان خاص کے طور پر شریک ہوئے تھے.

بھارتی کرکٹر دھونی اپنےایک انٹرویو میں کہہ چکے ہیں کہ وہ فوجی بننا چاہتے تھے لیکن قسمت کو کچھ اور ہی منظور تھا،دھونی بھارتی فوج کی پیراشوٹ رجمنٹ میں اعزازی لیفٹیننٹ کرنل کا درجہ رکھتے ہیں اور اسی عہدے کے ساتھ رجمنٹ کو جوائن کریں گے

واضح رہے کہ سیمی فائنل میں نیوزی لینڈ کےخلاف شکست کے بعددھونی پر ریٹائرمنٹ لینے کا دباﺅ بڑھ گیا ہے اور میگا ایونٹ کے اہم میچز میں سست رفتار بیٹنگ کی وجہ سے سابق کپتان کو تنقید کا سامنا ہے۔ 38سالہ مہندرا سنگھ دھونی ناصرف اب پہلے جیسی بلے بازی کی صلاحیت سے محروم ہو گئے ہیں بلکہ اس کے ساتھ ساتھ بھارتی ٹیم مینجمنٹ اگلے ورلڈ کپ کے لیے ٹیم تیار کرنا چاہ رہی ہے اور اسی وجہ سے دھونی کو مستقبل میں بھی بھارتی ون ڈے ٹیم کا حصہ بنائے جانے کا امکان نہ ہونے کے برابر ہے۔