Category: کھیل

اولمپک گولڈ میڈلسٹ ارشد ندیم کے لیے ایک اور اعزاز , ایشین ایتھلیٹکس فیڈریشن نے انہیں سال 2024 کا "ایشیا کا بہترین ایتھلیٹ” قرار دے دیا۔

باغی ٹی وی کے مطابق یہ اعلان جنوبی کوریا میں ہونے والے فیڈریشن کے سالانہ اجلاس کے دوران کیا گیا، جہاں ارشد ندیم کو خصوصی ایوارڈ سے بھی نوازا گیا۔پاکستان کے مایہ ناز جیولن تھرو ایتھلیٹ نے گزشتہ برس اپنی شاندار کارکردگی سے عالمی سطح پر خود کو منوایا، جب انہوں نے نہ صرف گولڈ میڈل جیتا بلکہ اولمپکس کی تاریخ کی سب سے طویل تھرو بھی کی، جس نے دنیا بھر میں پاکستان کا نام روشن کیا۔

پاکستانی عوام اور کھیلوں کے حلقوں کی جانب سے ارشد ندیم کو بھرپور خراجِ تحسین پیش کیا جا رہا ہے، اور اسے نہ صرف ارشد بلکہ ملک کے لیے فخر کا لمحہ قرار دیا جا رہا ہے۔یاد رہے کہ پیرس اولمپکس میں ارشد ندیم نے 92.97 میٹر کی تاریخی تھرو کر کے نہ صرف گولڈ میڈل جیتا بلکہ اولمپکس کی تاریخ کا نیا ریکارڈ بھی قائم کیا۔

ارشد کی ابتدائی تھرو فاؤل قرار دی گئی تھی، تاہم انہوں نے تیسرے راؤنڈ میں 88.72 میٹر کی شاندار تھرو کی، جس سے وہ مقابلے میں نمایاں ہو گئے۔ ان کے حریف، جمہوریہ چیک کے جیکب ویڈلیج نے 88.50 میٹر کی تھرو کی۔پانچویں راؤنڈ میں ارشد نے 84.87 میٹر جبکہ چھٹے اور آخری راؤنڈ میں 91.79 میٹر کی تھرو کے ساتھ نہ صرف اولمپکس کی دوسری بہترین تھرو کا ریکارڈ اپنے نام کیا بلکہ پاکستان کو 40 سال بعد اولمپک گولڈ بھی دلایا۔

یہ کامیابیاں ارشد ندیم کو نہ صرف پاکستان بلکہ ایشیا کے ممتاز ترین ایتھلیٹس میں شمار کرتی ہیں۔

پاکستانیوں نے دنیا کا سب سے بڑا جھنڈا تیار کر کے گنیز ورلڈ ریکارڈ قائم کردیا

کوئٹہ سے تونسہ شریف جانے والی مسافر بس مسلح افراد لے گئے، مسافر محفوظ

کراچی میں پانی اور بجلی کی بندش پر شہریوں کا شدید احتجاج، اہم سڑکیں بند

قذافی اسٹیڈیم میں کھیلے گئے پی ایس ایل کے دوسرے ایلیمینیٹر مقابلے میں لاہور قلندرز نے اسلام آباد یونائیٹڈ کو 95 رنز کے بھاری فرق سے شکست دے دی۔

اسلام آباد کی ٹیم لاہور کی طرف سے دیے گئے 203 رنز کے ہدف کو حاصل نہ کر سکی اور پوری ٹیم 107 رنز پر پویلین لوٹ گئی۔یونائیٹڈ کی جانب سے کپتان شاداب خان 26 اور سلمان علی آغا 33 رنز کے ساتھ نمایاں رہے۔ لاہور قلندرز کی جانب سے شاہین شاہ آفریدی، رشاد حسین اور سلمان نے تین تین کھلاڑیوں کو پویلین بھیجا۔

اس سے قبل لاہور قلندرز نے اسلام آباد یونائیٹڈ کے خلاف ٹاس جیت کر پہلے بلے بازی کا فیصلہ کیا اور مقررہ 20 اوورز میں 202 رنز اسکور کیے۔قلندرز کے کوشل پریرا 61 رنز کے ساتھ ٹاپ اسکورر رہے، جبکہ محمد نعیم نے 50 اور عبداللہ شفیق نے 25 رنز بنائے۔اسلام آباد کی طرف سے ٹائمل ملز نے تین کھلاڑیوں کو آؤٹ کیا، سلمان ارشاد نے دو، جبکہ عماد وسیم اور جیمز نیشم نے ایک ایک وکٹ حاصل کی۔

لاہور قلندرز نے ٹیم میں ایک تبدیلی کی، زمان خان کی جگہ رشاد حسین کو شامل کیا گیا۔اسلام آباد یونائیٹڈ نے تین تبدیلیاں کیں، ٹیم میں حیدر علی، محمد شہزاد اور ٹائمل ملز کو شامل کیا گیا۔

گوجرانوالہ: ریجنل پولیس آفیسر طیب حفیظ چیمہ کی جامع مسجد عمر فاروق میں کھلی کچہری

کولکتہ ،مودی کے جنگی جنون کے خلاف ہزاروں افراد کا احتجاج، بی جے پی کا مظاہرین پر حملہ

پاکستان سپر لیگ (پی ایس ایل) کے دسویں ایڈیشن کے پہلے ایلیمینیٹر میچ میں لاہور قلندرز نے کراچی کنگز کو 6 وکٹوں سے شکست دے کر ٹورنامنٹ سے باہر کر دیا۔

لاہور کے قذافی اسٹیڈیم میں کھیلے گئے اس اہم میچ میں قلندرز نے 191 رنز کا ہدف 18.4 اوورز میں حاصل کر لیا۔کراچی کنگز نے ٹاس جیت کر پہلے بیٹنگ کا فیصلہ کیا اور مقررہ 20 اوورز میں 8 وکٹوں کے نقصان پر 190 رنز بنائے۔ڈیوڈ وارنر نے سب سے نمایاں اننگز کھیلی: 75 رنز (52 گیندیں، 8 چوکے، 3 چھکے) جبکہ بٹم سیفرٹ 16، جیمز ونس 4، سعد بیگ 11، عرفان نیازی 18، محمد نبی 16، عباس آفریدی 2، حسن علی صفراور خوشدل شاہ 27 رنز پر ناٹ آؤٹ رہے.

لاہور کی جانب سے حارث رؤف 3 وکٹیں،شاہین آفریدی 2 وکٹیں،زمان خان، شکیب الحسن، محمد نعیم نے ایک ایک وکٹ حاصل کی.ہدف کے تعاقب میں لاہور قلندرز کی جانب سے فخر زمان اور عبداللہ شفیق نے شاندار آغاز فراہم کیا۔فخر زمان: 47 رنز (28 گیندیں، 5 چوکے، 3 چھکے)، عبداللہ شفیق: 65 رنز (35 گیندیں، 3 چوکے، 5 چھکے)،کوشال پریرا: 30 رنز (24 گیندیں) جبکہ راجا پکسے نے ناقابل شکست 23 رنز (12 گیندیں) بنائے

کراچی کی جانب سے حسن علی نے 2 وکٹیں حاصل کیں اور میر حمزہ اور فواد علی نے ایک ایک وکٹ حاصل کی.

لاہور قلندرز اب دوسرے کوالیفائر میں کل اسلام آباد یونائیٹڈ کے خلاف میدان میں اتریں گے۔جیتنے والی ٹیم کا فائنل میں مقابلہ ہوگا کوئٹہ گلیڈی ایٹرز سے، جنہوں نے پہلے کوالیفائر میں اسلام آباد کو شکست دے کر فائنل میں جگہ بنائی۔واضح رہے کہ کوئٹہ گلیڈی ایٹرز چوتھی بار پی ایس ایل فائنل میں پہنچی ہے۔ آخری مرتبہ 2019 میں ٹیم نے فائنل کھیلنے کا اعزاز حاصل کیا تھا۔

کراچی کے لیے بجلی 5 روپے فی یونٹ سستی ہونے کا امکان

عازمین حج کے لیے اردو سمیت 8 زبانوں میں صحت آگاہی کٹ متعارف

مورو ہنگامہ آرائی، ایس ایس پی نوشہرو فیروز عہدے سے ہٹا دیے گئے