ایک اور کرکٹر دے بیٹھے کسی غیر مملکی حسینہ کو دل اور وہ برطانوی نژاد پاکستانی لڑکی کے ساتھ شادی کریں گے.
باغی ٹی وی رپورٹ کے مطابق . پاکستانی کرکٹر عماد وسیم برطانوی نژاد پاکستانی دوشیزہ سے شادی رچانے جا رہے ہیں اس طرح وہ موجودہ ٹیم میں دوسرے کھلاڑی ہیں جو غیر ملکی لڑکی سے شادی کریں گے اس سے پہلے حسن علی بھارتی لڑکی سے شادی کررہے ہیں.
گجرانوالہ:والدین نہ مانے توپھر بھارتی دلہن سے شادی نہیں کروں گا . فاسٹ بولر حسن علی کے بھائی نے کہا ہے کہ وہ اپنے والدین کی بہت عزت کرتے ہیں اور اگر والدین کی مرضی نہیں ہوئی تو شادی نہیں کریں گے۔
میڈیا سے گفتگو کرتے ہوئے صنم علی کا کہنا تھا کہ 20 اگست کو ہم یہاں سے جارہے ہیں جبکہ بھارت سے بھی فیملی یہاں آئے گی۔حسن علی نے کہا کہ حسن ہم دونوں سے چھوٹا ہے اور والدین کی بہت عزت کرتا ہے اور ان کی رضامندی سے ہی سب کچھ ہوگا۔
دوسری طرف حسن علی کے بھائی کا کہنا تھا کہ اگر انہیں ایسا لگا کہ والدین کی مرضی نہیں تو وہ ان کی بات نہیں ٹالیں گے۔صنم علی نے کہا کہ دونوں گھر والے آپس میں ملیں گے پھر فیصلہ ہوگا کہ نکاح کرنا ہے یا شادی۔
لاہور : پاکستان کرکٹ ٹیم کے فاسٹ باولر کی بھی فریاد سنی گئی ہے . قومی کرکٹ ٹیم کے فاسٹ باولر محمد عامر کو برطانیہ میں کھیلنے کے لئے پروفیشنل ویزہ مل گیا ہے جہاں وہ ٹی ٹوئنٹی بلاسٹ میں ایسیکس کی نمائندگی کر سکیں گے۔محمد عامر نے ویزہ ملنے پر بہت زیادہ خوشی کا اظہار کیا ہے.
دوسری طرف محمد کے حوالے سے ذرائع کے مطابق فاسٹ باولرانگلش کاؤنٹی ٹیم ہیمپ شائر کے خلاف میدان میں اتریں گے جس کے لئے انہوں نے پریکٹس شروع کر دی ہے۔محمد عامر اس سے پہلے سپاوزل ویزہ پر برطانیہ میں مقیم تھے، انہوں نے کاؤنٹی کرکٹ کھیلنے کے لئے ویزہ کیٹگری تبدیل کرنے کی درخواست دی تھی۔
محمد عامر نے اس موقع پر کہا کہ وہ آئندہ میچز اور آئی سی سی ورلڈ ٹی ٹونٹی 2020 میں شرکت کے لیے اپنی فارم اور فٹنس برقرارکھنے کی کوشش کریں گے۔فاسٹ بولر نے کہا کہ کرکٹ کے روایتی فارمیٹ میں پاکستان کی نمائندگی ان کے لیے اعزاز کا باعث تھی۔
یاد رہے محمد عامر نے کچھ روز قبل ٹیسٹ کرکٹ سے ریٹائرمنٹ کا اعلان کیا تھا۔
جس پر پاکستان کے سنیئر کھلاڑیوں نے ناراضگی کا اظہارکرتے ہوئے کہا تھا کہ وہ محمد عامر کے فیصلے پر تنقید تو نہیں کرسکتے ، یہ ضرور کہہ سکتے ہیںکہ محمد عامر نے جلد بازی سے کام لیا
بھارتی کھلاڑی ڈوپنگ کا شوقین نکلا ، بھارت نے نوجوان ٹیسٹ اوپنر اور ابھرتے ہوئے اسٹار پرتھوی شا کو ڈوپنگ قوانین کی خلاف ورزی پر 15نومبر 2019 تک معطل کر دیا ہے اور اس دوران وہ کسی بھی قسم کی کرکٹ نہیں کھیل سکیں گے۔
بھارتی میڈیا کے مطابق بورڈ آف کنٹرول فار کرکٹ ان انڈیا(بی سی سی آئی) کی جانب سے جاری پریس ریلیز کے مطابق پرتھوی شا کے پیشاب کے نمونے میں ممنوعہ ادویہ کی موجودگی کا انکشاف ہوا جس کے سبب انہیں معطل کیا گیا۔
واضح رہے کہ پرتھوی شا ان دنوں کولہے کی انجری کا شکار ہیں جس کی وجہ سے انہیں دورہ ویسٹ انڈیز کے لیے بھارتی ٹیم کا حصہ نہیں بنایا گیا۔
اس پابندی کے سبب نوجوان اوپننگ بلے باز جنوبی افریقہ کے خلاف ہوم سیریز کے ساتھ ساتھ بنگلہ دیش کے خلاف 14نومبر سے شروع ہونے والے پہلے ٹیسٹ میچ میں بھی شرکت نہیں کر سکیں گے۔
یاد رہے کہ 22فروری کو اندور میں سید مشتاق علی ٹرافی میں پنجاب کے خلاف میچ کے دوران پرتھوی کے پیشاب کے نمونے ٹیسٹ کے لیے جمع کیے گئے تھے جس میں بعدازاں ممنوعہ ادویہ کی موجودگی کا انکشاف ہوا تھا ۔
لاہور:کرکٹر حسن علی نے یہ کہہ کر مداحوں کی خوشیوں پر پانی پھیر دیا کہ ابھی بات پکی نہیں ہوئی ، سارے معاملات دونوں خاندانوں کی ملاقات کے بعد طے ہوں گے۔
دوسری طرف سماجی رابطوں کے ویب سائٹ پر اپنے ٹویٹ میں ان کا کہنا تھا کہ معاملات طے ہونے کے بعد جلد ہی اعلان کردوں گا۔
just wanna clarify my wedding is not confirmed yet, our families have yet to meet and decide upon it. will make a public announcement very soon in sha allah. #gettingreadyforfamilymeetup
— Hassan Ali 🇵🇰 (@RealHa55an) July 30, 2019
یاد رہے کہ اس ٹویٹ کے جواب میں ایک صارف نے پنجابی میں کمنٹ کیا جس کا اردو ترجمہ ہے کہ ’ہمارا ویزہ‘۔ اس کے جواب میں پاکستانی کرکٹر نے لکھا ’پہلا دعا کر کے ہوجائے‘۔
پاکستانی کرکٹر حسن علی کی بھارتی لڑکی شامیہ آرزو سے شادی کی خبروں پر سوشل میڈیا پر دلچسپ تبصروں کا سلسلہ جاری ہے،
https://twitter.com/RanaWasifMunir/status/1156237950516170752?s=20
باغی ٹی وی کی رپورٹ کے مطابق قومی ٹیم کے فاسٹ باؤلر حسن علی کی شادی کی خبریں عروج پر ہیں جبکہ اس دوران کرکٹر حسن علی نے کہا ہے کہ ابھی شادی کے معاملات فائنل نہیں ہوئے ہیں اور دونوں خاندانوں کی ملاقات کے بعد ہی کچھ طے ہو گا، اللہ نے چاہا تو جلد شادی کا اعلان کروں گا،
https://twitter.com/SabaBalochPTI/status/1156243234877771777?s=20
فیس بک اور ٹویٹر پر سوشل میڈیا صارفین دلچسپ تبصرے کر رہے ہیں اور اس ہونے والی شادی کو بھی بھارت پر سرجیکل سٹرائیک قرار دیا جارہا ہے،
ہریانہ کی شمیہ آرزو سے تعلق رکھنے والی 🇮🇳ہندوستانی لڑکی سے 🇵🇰حسن علی کی 💐شادی کی بات سننے کے بعد ہندوستانی لوگوں کا رد عمل🇮🇳 pic.twitter.com/0GKf48hADj
— Green PAKISTAN (@shayank36575277) July 30, 2019
ایک صارف نے شعیب ملک اور حسن علی کے ہنستے ہوئے تصویر شیئر کی ہے اور لکھا ہے کہ چلو چلو انڈیا چلو
چلو چلو انڈیا چلو. 😂#HasanAli pic.twitter.com/0TggSHvplJ
— Atiq Ur Rehman Sial (@AtiqSial) July 30, 2019
واضح رہے کہ فاسٹ باﺅلر حسن علی کے بارے میں خبریں سامنے آرہی تھیں کہ وہ بھارتی حسینہ شامیہ آرزو کی زلفوں کے اسیر ہوچکے ہیں۔ شامیہ ان دنوں دبئی میں مقیم ہیں اور بطور فلائٹ انجینئر ایمریٹس ایئر لائنز میں خدمات سرانجام دے رہی ہیں۔ شامیہ کا تعلق بھارتی ریاست ہریانہ کے ضلع میوات سے ہے۔ حسن علی سے قبل شعیب ملک اور محسن حسن خان بھی بھارت میں شادیاں کر چکے ہیں،
ادھر بعض صارفین نے اس امر پر بھی افسوس کا اظہا ر کیا ہے کہ بھارت کنٹرول لائن پر فائرنگ کر کے پاکستانی شہریوں کو شہید کر رہا ہے اور ہمارا میڈیا حسن علی کی شادی کی خبریں چلا رہا ہے،
لاہور : فرنچائزز نے پاکستان سپر لیگ (پی ایس ایل) ٹورنامنٹ کے پانچویں سیزن کے تمام میچز کے پاکستان میں انعقاد پر تحفظات کا اظہار کردیا۔
ذرائع کے مطابق پاکستان کرکٹ بورڈ (پی سی بی) کے چیئرمین احسان مانی نے آئندہ ہفتے لاہور میں اجلاس طلب کیا ہے جس کے دوران وہ فرنچائزز کے تحفظات دور کرنے کی کوشش کریں گے۔
رپورٹس کے مطابق فرنچائزز پی سی بی کی جانب سے محدود رابطے کو لے کر پریشان ہیں جبکہ انہیں بینک ضمانت اور دیگر امور کے حوالے سے بھی تحفظات ہیں۔
دوسری طرف فرنچائزز کا مؤقف ہے کہ غیر ملکی کھلاڑیوں کو طویل عرصے تک پاکستان میں رہنے کے لیے قائل کرنا مشکل ہوگا اور اگر غیر ملکی کھلاڑیوں نے پاکستان آنے میں دلچسپی نہیں لی تو اس سے لیگ بری طرح متاثر ہوگی۔
لاہور: پاکستان کرکٹ ٹیم کے کوچ بننے کے کئی اور بھی خواہش مند نکلے. ایسے ہی امیدواروں میں سے سابق ٹیسٹ کرکٹ اور اسپنر سعید اجمل نے قومی ٹیم کا کوچ بننے کی خواہش ظاہر کر دی۔
پاکستان کرکٹ ٹیم کے کوچ سے متعلق ہونے والی پیش رفت کے حوالےسے ایک بیان میں سعید اجمل نے کہا کہ پاکستان ٹیم کے لیے خدمات انجام دینا چاہتا ہوں اور خواہش ہے کہ ٹیم کی کامیابیوں میں بطور کوچ کردار ادا کروں۔
سعید اجمل نے کہا کہ کپتان بدلنا ضروری ہے تو بابراعظم اچھے امیدوار ہیں اور کپتان بناتے وقت پرفارمنس کو دیکھیں نہ کہ انگلش بولنے کو ترجیح دی جائے۔
محمد عامر کی ریٹائرمنٹ کو افسوسناک قرار دیا اور کہا ٹیسٹ کرکٹ کی اہمیت کے لیے ٹیسٹ چیمپئین شپ کرانے کا فیصلہ اچھا ہے۔
یاد رہےکہ پاکستان کرکٹ بورڈ نے ورلڈ کپ میں قومی ٹیم کی بدترین کارکردگی اور سیمی فائنل تک رسائی میں ناکامی کے بعد پی سی بی نے کوچنگ اسٹاف اور ہیڈ کوچ کے معاہدے میں توسیع نہ کرنے کا فیصلہ کیا جب کہ چیف سلیکٹر انضمام الحق نے بھی اپنے عہدے سے دستبرداری کا اعلان کیا۔
لاہور: سابق کپتان اور مڈل آرڈر بلے باز اظہر علی کو ٹیسٹ ٹیم کی کپتانی سونپے جانے کا امکان ہے۔ذرائع کے مطابق ورلڈ کپ میں متاثر کن کارکردگی نہ دکھا پانے کے باوجود سرفراز کو ون ڈے اور ٹی ٹوئنٹی کا کپتان برقرار رکھے جانے کا امکان ہے۔
معتبر ذرائع کے مطابق آج کسی بھی وقت اظہر علی کی کپتانی کا اعلان ہو سکتا ہے. دوسری طرف بعض حلقوں کا کہنا ہے کہ ہوسکتا ہے کہ سرفراز ہی کو کپتان برقراررکھا جائے .
قومی کرکٹ ٹیم کے ہیڈ کوچ مکی آرتھر کے معاہدے میں ایک سال کی توسیع کا امکان ،
باغی ٹی وی رپورٹ کے مطابق قومی کرکٹ ٹیم کے ہیڈ کوچ مکی آرتھر کے معاہدے میں ایک سال کی توسیع کا امکان ، ٹیسٹ ٹیم کا اظہرعلی کو کپتان بنائےجانے کا امکان ہے.بابر اعظم کو سرفراز کا نائب مقرر کیا جائے گا.