Category: کھیل

برازیلیہ (اے پی پی) فٹ بال کی عالمی تنظیم فیفا کے زیر اہتمام انڈر۔17 فٹ بال ورلڈ کپ کا 18 واں ایڈیشن رواں سال اکتوبر میں برازیل میں شروع ہوگا۔

تفصیلات کے مطابق فیفا انڈر۔17 فٹ بال ورلڈ کپ ٹورنامنٹ کے کامیاب انعقاد کے لئے تیاریاں شروع ہو چکی ہیں۔ میگا ایونٹ میں مختلف ممالک کی 24 ٹیمیں ٹائٹل کے حصول کے لئے پنجہ آزمائی کرینگی۔ میگا ایونٹ میں میزبان برازیل، کینیڈا، نیوزی لینڈ، انگولا، نائیجیریا، ہنگری، ایکواڈور، آسٹریلیا، ساﺅتھ کوریا، ہیٹی، فرانس، چلی، امریکا، سینیگال، جاپان، ہالینڈ، سپین، ارجنٹائن، تاجکستان، کیمرون، سولومن جزائر، پیراگوئے اور میکسیکو شامل ہیں۔ انگلینڈ کی ٹیم انڈر۔17 فٹ بال ورلڈ کپ ٹورنامنٹ میں اپنے اعزاز کا دفاع کریگی۔ میگا ایونٹ میں شرکت کرنے والی 24 ٹیموں کو 6 مختلف گروپوں میں تقسیم کیا گیا ہے۔

مونٹریال (اے پی پی) شاہد آفریدی کی تباہ کن باؤلنگ کی بدولت برامپٹن والوز نے کینیڈا گلوبل ٹی ٹونٹی کرکٹ لیگ کے دسویں میچ میں وائنی پیگ ہاکس کو 7 وکٹوں سے ہرا دیا۔ شاہد آفریدی نے حریف ٹیم کے 2 خطرناک کھلاڑیوں کو پویلین کی راہ دکھائی.

برامپٹن والوز کی جانب سے کپتان کولن منرو نے ناقابل شکست 53 اور بابر حیات نے ناقابل شکست 37 رنز بناکر جبکہ شاہد خان آفریدی نے 2 کھلاڑیوں کو آوٹ کرکے اپنی ٹیم کی فتح میں اہم کردار ادا کیا۔ کولن منرو کو شاندار بلے بازی پر میچ کا بہترین کھلاڑی قرار دیا گیا۔ کینیڈا گلوبل ٹی ٹونٹی لیگ کے دسویں میچ میں برامپٹن والوز کے کپتان کولن منرو نے ٹاس جیت کر پہلے فیلڈنگ کا فیصلہ کیا۔ وائنی پیگ ہاکس کی ٹیم پہلے کھیلتے ہوئے 18.5 اوورز میں 116 رنز بناکر آﺅٹ ہوگئی اور اس نے برامپٹن والوز کو میچ میں کامیابی کے لئے 117 رنز کا ہدف دیا۔ برامپٹن والوز کے باﺅلرز کی عمدہ باﺅلنگ کی بدولت وائنی پیگ ہاکس کے 8 کھلاڑی دوہرا ہندسہ بھی عبور نہ کرسکے۔ شائمین انور 31 اور کلیم ثناءنے ناقابل شکست 27 رنز بنائے۔ برامپٹن والوزکی طرف سے عمدہ باﺅلنگ کا مظاہرہ کرتے ہوئے شاہد آفریدی، روہن، سودی اور ظہور خان نے دو دو کھلاڑیوں کو آﺅٹ کیا۔ جواب میں کپتان کولن منرو اور بابر حیات کی شاندار بیٹنگ کی بدولت برامپٹن والوزکی ٹیم نے مطلوبہ ہدف 14.3 اوورز میں 3 وکٹوں کے نقصان پر حاصل کرکے وائنی پیگ ہاکس کو میچ میں 7 وکٹوں سے ہرا دیا۔ وائنی پیگ ہاکس کے محمد عرفان نے دو کھلاڑیوں کو آﺅٹ کیا۔کپتان کولن منرو نے ناقابل شکست 53 اور بابر حیات نے ناقابل شکست 37 رنز بناکر اپنی ٹیم کی فتح میں اہم کردار ادا کیا۔ کولن منرو کو عمدہ کارکردگی پر میچ کا بہترین کھلاڑی قرار دیا گیا۔

اسلام آباد (اے پی پی) پنجاب نیشنل مینز سکواش چیمپئن شپ 11 اگست سے شروع ہوگی.

تفصیلات کے مطابق پنجاب سکواش ایسوسی ایشن کے زیراہتمام پنجاب نیشنل مینز سکواش چیمپئن شپ 11 اگست سے لاہور میں شروع ہوگی۔ چیمپئن شپ میں ملک بھر سے سنیئر مرد کھلاڑی حصہ لیں گے۔ چیمپئن شپ 17 جولائی تک جاری رہے گی. دوسری جانب چیمپئن شپ میں ایک لاکھ کی انعامی رقم رکھی گئی ہے۔ اس حوالے سے اسپورٹس کے ماہرین کا کہنا ہے کہ اس طرح کے ایونٹس خوش آئند ہیں جس نے صرف کھلاڑیوں کو انعامی رقم ملے گی جس سے وہ اپنی فیملی کو سپورٹ کرسکیں گے بلکہ اس طرح کے ایونٹس ملک میں کھیلوں کی بحالی کے حوالے سے بھی بہت اہم ہیں.

اسلام آباد (اے پی پی) ایشین انڈر۔23 والی بال چیمپئن شپ ہفتہ سے ویت نام میں شروع ہوگی۔ قومی ٹیم چیمپئن شپ میں شرکت کرے گی۔

پاکستان والی بال فیڈریشن کے سیکرٹری جنرل انجینئر نعیم ظفر شاہ نے بتایا کہ چیمپئن شپ میں 16 ٹیمیں حصہ لے رہی ہیں جن کو چار گروپوں میں تقسیم کیا گیا ہے۔ گروپ اے میں میزبان میانمار، سری لنکا، آسٹریلیا اور ہانگ کانگ، گروپ بی میں جاپان، قزاخستان، سعودی عرب اور ویت نام، گروپ سی میں تائیوان، پاکستان ، قطر اور بحرین جبکہ گروپ ڈی میں تھائی لینڈ، چین، بھارت اور نیوزی لینڈ شامل ہیں۔ چیمپئن شپ 3 سے 11 اگست تک میانمار میں کھیلی جائے گی۔ 3 اگست کو میانمار کا مقابلہ ہانگ کانگ سے، قازقستان کا ویت نام، نیوزی لینڈ کا تھائی لینڈ، بحرین کا تائیوان، پاکستان کا قطر، سعودی عرب کا جاپان سے، آسٹریلیا کا مقابلہ سری لنکا سے اور چین کا مقابلہ بھارت سے ہوگا۔ 4 اگست کو پاکستان کا مقابلہ بحرین سے، ویت نام کا سعودی عرب سے، سری لنکا کا میانمار سے، بھارت کا نیوزی لینڈ سے، تھائی لینڈ کا چین سے، ہانگ کانگ کا آسٹریلیا سے، تائیوان کا قطر سے اور جاپان کا قزاخستان سے ہوگا جبکہ 5 اگست کو سری لنکا کا مقابلہ ہانگ کانگ، چین کا مقابلہ نیوزی لینڈ سے، میانمار کا مقابلہ آسٹریلیا سے، پاکستان کا تائیوان، تھائی لینڈ کا مقابلہ بھارت سے، جاپان کا ویت نام سے، قطر کا مقابلہ بحرین اور قزاخستان کا مقابلہ سعودی عرب سے ہوگا۔

برمنگھم: اشیز سیریز کے پہلے ٹیسٹ میچ میں آسٹریلوی ٹیم سنبھل نہ سکی اور پوری ٹیم 284 رنز پر آل آوٹ ہوگئی.

تفصیلات کے مطابق برمنگھم میں ہونے والے ٹیسٹ میچ میں شروع سے ہی انگلش کرکٹ ٹیم عمدہ کھیل کھیلتی رہی. انگلینڈ کی جانب سے اسٹورٹ براڈ نے پانچ وکٹیں حاصل کیں، کرس ووکس نے تین کھلاڑی آوٹ کیے جبکہ بین اسٹوکس اور معین علی نے ایک ایک وکٹ حاصل کی. دوسری جانب آسٹریلیا کے چھ کھلاڑی ڈبل فگر میں نہ داخل ہوسکے. آسٹریلیا کے اسٹیو اسمتھ نے 144 رنز کی شاندار اننگز کھیلی جبکہ ٹریوس ہیڈ نے 35 رنز بنائے. انگلینڈ کے ٹاپ بالر جیمز انڈیرسن انجری کے باعث پہلا ٹیسٹ میچ نہیں کھیل رہے لیکن ان کی جگہ کھیلنے والے کرس ووکس نے شاندار باولنگ کا مظاہرہ کیا.
واضح رہے کہ پانچ ٹیسٹ میچز پر مشتمل اشیز سیریز کا پہلا میچ برمنگھم کے تاریخی اسٹیڈیم میں کھیلا جارہا ہے.

لاہور (اے پی پی) پاکستان کرکٹ بورڈ کے مینجنگ ڈائریکٹر وسیم خان نے کہا ہے کہ ملک میں انٹرنیشنل کرکٹ کی بحالی کےلئے پی ایس ایل کے اگلے ایڈیشن کے تمام میچز کا انعقاد پاکستان میں ہونا ضروری ہے.

انہوں نے مزید کہا کہ ہماری کوشش ہے کہ آئندہ پی ایس ایل کے تمام میچز کراچی، لاہور، ملتان اور راولپنڈی میں ہوں۔ انٹرنیشنل کرکٹرز سے رابطہ میں ہیں اور متعدد انٹرنیشنل کرکٹرز کی طرف سے مثبت جواب ملا ہے۔ وسیم خان نے کہاکہ پی ایس ایل کی فرنچائز نے پاکستانی کرکٹ میں سرمایہ کاری کی ہے اور ہماری کوشش ہے کہ ان کے ساتھ لانگ ٹرم کنٹریکٹ ہو تاکہ ان کو بھی پی ایس ایل سے معقول فائدہ مل سکے۔ انہوں نے کہاکہ پی ایس ایل کو فیل کرنے کی کوشش کرنے والے ناکام ہوچکے ہیں۔ پی ایس ایل کامیاب انٹرنیشنل برانڈ بن چکاہے۔ دوسری جانب ان کا کہنا تھا کہ ٹیسٹ چیمپین شپ اور ٹی ٹونٹی ورلڈ کپ پاکستان کرکٹ کا اگلا ہدف ہے.