Category: کھیل

لاہور: پاکستان کرکٹ کے فاسٹ بولر محمد آصف نے کہا ہے عامر نےٹیسٹ کرکٹ سے ریٹائرمنٹ دے کر جلدبازی کی ہے، کھلاڑیوں کا زیادہ تر رجحان ٹی ٹوینٹی کی جانب ہو رہا ہے اس کی بڑی وجہ یہ ہے کہ وائٹ بال کرکٹ کے اس فارمیٹ میں ٹائم کم لگتا ہے اور پیسہ زیادہ ملتا ہے ، ٹی ٹوئنٹی میں آپ صرف 4 اوورز اچھے کرنے کی ضرورت ہوتی ہے اس کے برعکس ٹیسٹ کرکٹ آپ کا زور پانچ دن تک مانگتی ہے،
محمد آصف کا مزید کہنا تھا کہ عامر نے ورلڈ کپ میں اچھی باولنگ کی لیکن وہ اس سے بھی اچھی کرنے کی صلاحیت رکھتے ہیں اور اب محمد عامر نے ریٹائرمنٹ لے لی ہے تو نئے لڑکوں کو ضرور موقع ملنا چاہیے، ان کا مزید کہنا تھا کہ پاکستان کی ٹیسٹ کرکٹ اس وقت مشکلات کا شکار ہے اس کی بنیادی وجہ یہ ہے کہ پاکستان میں 150 کلومیٹر فی گھنٹہ کی رفتار سے باولنگ کرنے والا کوئی ایک بھی باولر نہیں،
کپتانی کے سوال پر محمد آصف کا کہنا تھا کہ بورڈ کو تینوں فارمیٹوں کا سکواڈ اور کپتان الگ الگ رکھنا چاہیے تاکہ لڑکوں پر بوجھ نہ پڑے،

لاہور: پی سی بی کی جانب سے سوشل میڈیا پر جاری کردہ ایک پول کے نتائج کے تحت 1999 میں پاکستان اور انڈیا کے درمیان ہونے والا ٹیسٹ پاکستان کی ٹیسٹ کی تاریخ کا یادگار ترین ٹیسٹ قرار دے دیا گیا، اس پول کو پی سی بی کے آفیشل ٹوئٹر اکاؤنٹ پر جاری کیا گیا جس میں 15847 ٹوئٹر صارفین نے حصہ ڈالا اور پاکستان کرکٹ ٹیم کی چار مشہور ٹیسٹ کامیابیوں میں سے پسندیدہ پر ووٹ ڈالا

11 فیصد شائقین کرکٹ نے 1954 میں اوول،انگلینڈ کی کامیابی کو بہترین قرار دیا، 15 فیصد شائقین کرکٹ نے 1987 میں بنگلور،انڈیا میں حاصل ہونے والی کامیابی کو ووٹ دیا، 10 فیصد شائقین کرکٹ نے 1994 میں کراچی میں کھیلے جانے والے ٹیسٹ کو یادگار لمحہ قرار دیا، اور سب سے زیادہ یعنی 65 فیصد شائقین کرکٹ نے چنئی میں انڈیا کیخلاف حاصل کی جانے والی کامیابی کو یادگار قرار دیا
اس پول کے انعقاد پر پاکستان کے سابق سٹار فاسٹ بولر وسیم اکرم نے کہا ہے کہ پریشر کے ہونے اور اس میں بہترین کھیل پیش کرنے کی سب سے اعلیٰ مثال چنئی ٹیسٹ ہے ، وسیم اکرم نے مزید کہا کہ میرا ووٹ بھی چنئی ٹیسٹ کیلئے ہی تھا
پاکستان کرکٹ کے سٹار آل راؤنڈر شاہد خان آفریدی نے کہا ہے مجھے اس بات پر فحر ہے کہ میں ایسی ٹیم کا حصہ رہا ہوں جو اپنے بل بوتے پر کسی بھی ٹیم کو کسی بھی لمحے میچ ہرانے کی قابلیت رکھتی تھی ،شاہد آفریدی نے مزید کہا ہے کہ اس میچ میں پرفارم
کرنے کے بعد بڑی خوشی ہوئی تھی

پاکستان کرکٹ بورڈ کے مینیجنگ ڈائریکٹر وسیم خان کا کہنا ہے کہ 20 سال بعد بھی شائقین کرکٹ کا چنئی ٹیسٹ کو یادگار ترین ٹیسٹ قرار دینا اس بات کا ثبوت ہے یہ پاکستانی کھلاڑیوں کی انتھک محنت کے نتیجے سے حاصل ہونے والی کامیابی تھی ان کا مزید کہنا تھا کہ پاکستان ٹیسٹ کرکٹ کا قابل فخر ملک ہے اور ہم ٹیسٹ چیمپین شپ کی بہتری اور ترقی کیلئے اپنا کردار ادا کرتے رہیں گے

برامپٹن: شاہد خان آفریدی نے کینیڈا میں کھیلی جانے والی گلوبل ٹی ٹونٹی لیگ میں برامپٹن والوز کی نمائندگی کرتے شاندار آل راؤنڈ کھیل کا مظاہرہ کیا اور اپنی ٹیم کو میچ جتوا دیا، اس میچ میں شاہد آفریدی نے بیٹنگ کرتے ہوئے 40 گیندوں پر 10 چوکوں اور پانچ چھکوں کی مدد سے 81 رنز بنائے اور اپنی تیم کا ٹوٹل 20 اوورز میں 207 تک پہنچا دیا، اور انہوں بالنگ کرتے ہوئے 3 اوورز میں 31 رنز دے کر ایک وکٹ بھی حاصل کی اور میچ کے بہترین کھلاری قرار پائے
دوسری جانب گلوبل ٹی ٹوئنٹی لیگ کے آفیشل اکاونٹ نے جب شاہد خان آفریدی کی شاندار اننگز کی جھلکیاں ٹوئٹر پر پوسٹ کیں تو شاہد آفریدی نے اس پوسٹ کو اس فقرے کے ساتھ ری ٹویٹ کیا کہ”شیرابھی زندہ ہے”، شاہد آفیدی کے مداحوں نے ان کی میچ وننگ پرفارمنس کو بہت پسند کیا ہے،

ٹاؤنٹن: پاکستان کرکٹ ٹیم کے معروف بلے باز بابراعظم نے انگلینڈ میں ایک بار پھر دھاک بٹھا دی، بابر اعظم نے سمرسیٹ کی طرف سے کھیلتے ہوئے ہیمپ شائر کے خلاف ناقابل شکست 95 رنز کی شاندار اننگز کھیلی ، جس میں 61 گیندوں پر 9 چوکے اور 3 چھکے شامل تھے، لیکن بابر اعظم کی اس شاندار اننگز کے باوجود ان کی ٹیم سمرسیٹ میچ ہارگئی،
تفصیلات کے ٹی ٹوئنٹی بلاسٹ کے گروپ اسٹیج کا میچ ہیمپ شائر اور سمرسیٹ کے درمیان کھیلا گیا ، سمرسیٹ نے ٹاس جیت کرفیلدنگ کا فیصلہ کیا، اور سمرسیٹ کو بلے بازی کی دعوت دی،سمرسیٹ نے 20 اوورز میں 172 رنز بنائے جن میں بابر اعظم کے 95 رنز نمایاں تھے اس کے بعد ہیمپ شائر ٹوٹل کا تعاقب کرتے ہوئے بیٹنگ کا آغاز کیا اور وکٹیں گرنے کےساتھ ساتھ رنز بھی بنتے رہے ، اور آخر میں لیم ڈاسن نے 39 گیندوں پر شاندار 47 رنز بنائے اور ہیمپ شائر کو میچ 3 گیندیں پہلے جتوا دیا،
جیمز فلر کو پیلئر آف دا میچ کا ایوارڈ دیا گیا،