Category: کھیل

پاکستان کرکٹ بورڈ کی کرکٹ کمیٹی کا اجلاس ہوا ہے جس میں پاکستان کرکٹ ٹیموں کی کارکردگی کا جائزہ لینے کیلئے 2 اگست کو اجلاس طلب کرنے کا فیصلہ کیا گیا ہے، اجلاس کی صدارت ایم ڈی پی سی بی وسیم خان کریں گے،

باغی ٹی وی کی رپورٹ کے مطابق سرفرازاحمد،انضمام الحق،مکی آتھر بھی اجلاس میں شریک ہوں گے، اجلاس میں پاکستان کرکٹ ٹیموں کی کارکردگی کا جائزہ لیا جائے گا، ویمن ٹیم،پاکستان انڈر19، پاکستان انڈر16 ٹیموں کی کارکردگی کا جائزہ لیا جائے گا، کمیٹی جائزے کےبعد سفارشات مرتب کر کے چیئرمین پی سی بی کو بھجوائے گی،

پی سی بی کا کہنا ہے کہ کمیٹی کے رکن وسیم اکرم ویڈیو لنک کےذریعے دستیاب ہوں گے، مصباح الحق اور عروج ممتاز بھی اجلاس میں شریک ہوں گے، ڈائریکٹرانٹرنیشنل ، ڈائریکٹراکیڈمیز، ڈائریکٹر ڈومیسٹک اجلاس میں شریک ہونگے،

بھارتی کرکٹ ٹیم کے کپتان ویرات کوہلی نے کہا ہے کہ نیوزی لینڈ سے شکست اور ورلڈ‌ کپ سے باہر ہونے پر آج بھی اس وقت زیادہ درد محسوس ہوتا ہے جب سو کر اٹھتا ہوں،

باغی ٹی وی کی رپورٹ‌ کے مطابق کوہلی نے کہاکہ ہندوستانی ٹیم ورلڈ کپ میں اچھی جارہی تھی اور سمجھا جارہا تھا کہ ہماری ٹیم ورلڈ‌کپ جیت جائے گی لیکن نیوزی لینڈ سے شکست کے بعد مداحوں کے خواب بھی بکھر گئے، کسی کو سمجھ نہیں‌آئی کہ اچانک کیا ہوا ہے تاہم اب کھلاڑی آہستہ آہستہ اس صورتحال سے باہر آرہے ہیں اور آگے بڑھنے کی کوشش کر رہے ہیں،

ویرات کوہلی نے کہاکہ یہ ہار اس لئے بھی بھلانا مشکل ہے کہ جب آپ کو معلوم ہو کہ آپ نے زیادہ غلطیاں نہیں کیں اور آپ عالمی کپ سے باہر ہو گئے، یہ شکست ہضم کرنا مشکل ہے، کوہلی نے کہاکہ اگر آپ غلطی کرتے ہیں تو آپ کے پاس قبول کرنے کی وجہ ہوتی ہے لیکن بغیر زیادہ غلطی کئے ایسے باہر ہوجانا اس وقت زیادہ چبھتا ہے جب آپ سوکر اٹھتے ہیں اور سوچتے ہیں کہ آپ نے زیادہ کچھ غلط نہیں کیا لیکن آپ باہر ہوگئے تو درد ہوتا ہے، اسے قبول کرنا مشکل ہوتا ہے، واضح رہے کہ ہندوستانی ٹیم کو ورلڈ‌کپ سے باہر ہونے پر سخت تنقید کا سامنا ہے،

سوئنگ کے سلطان وسیم اکرم نے اپنے ٹویٹر پر دکھ کا اظہار کرتے ہوئے کہا کہ میں پوری دنیا میں اپنی "انسولین” کے ساتھ سفر کرتا ہوں لیکن آج تک اتنا شرمندہ نہیں ہوا جتنا آج مانچسٹر ایئر پورٹ پر ہوا ہوں.

وسیم اکرم نے کہا کہ مجھے نہایت شرمندگی کا سامنا کرنا پڑا جب مجھ سے سختی سے سوالات کیے گئے اور حکم دیا گیا کہ میں اپنی انسولین کولڈ کیس سے نکال کر پلاسٹک کے بیگ میں رکھوں.

یہ سب بالی ووڈ کے کنگ خان شاہ رخ خان کے ساتھ بھی ہو چکا ہے جب ان کی ایئر پورٹ پر سختی سے تلاشی لی گئی تھی. انہوں نے بھی نہایت افسوس کا اظہار کیا تھا لیکن بعد میں ان سے معافی بھی مانگی گئی تھی. شاہ رخ کے بعد اب یہ سب وسیم اکرم کے ساتھ بھی کیا گیا ہے جس پر ان کو بہت افسوس ہے.

واضح رہے وسیم اکرم پاکستان کے مقبول بولر ہیں اور دنیا بھر کے اچھے بولرز بھی ان سے سوئنگ کی ٹریننگ لینا چاہتے ہیں اس لیے ان کو سوئنگ کا سلطان کہا جاتا ہے.

انضمام الحق نے نئے چیف سلیکٹر کو سپورٹ کرنے کی درخواست کر دی اور انھوں نے کھلاڑیوں پر تنقید کو بھی غلط قرار دیا۔

تفصیلات کے مطابق پی سی بی کیلیے بلاگ میں سابق چیف سلیکٹر نے تحریر کیا کہ ہمیں سمجھنا چاہیے یہ پاکستان کی ٹیم ہے، ان کھلاڑیوں کو مشکل وقت میں حوصلہ افزائی کی ضرورت ہوتی ہے، تنقید برائے اصلاح سے کوئی انکار نہیں کرتا مگر جس طرح کھلاڑیوں کو بھارت کیخلاف میچ ہارنے کے بعد تنقید کا نشانہ بنایا گیا میں اس کی مذمت کرتا ہوں۔

انھوں نے کہا کہ تین سال سے زائد برس کام کے دوران مجھے پرستاروں کی بڑی تعداد نے سپورٹ کیا، اب میرا معاہدہ ختم ہورہا ہے۔ میری درخواست ہے کہ نئے چیف سلیکٹر پر تنقید کے بجائے انھیں سپورٹ کریں، ہمیں مشکلات میں اپنوں کا ساتھ دینے کا رواج اپنانا ہوگا۔

واضح رہے کہ قومی کرکٹ ٹیم کے چیف سلیکٹر انضمام الحق نے چند روز قبل اپنے عہدے سے استعفی دے دیا تھا اور اپنے عہدے سے سبکدوش ہونے کی وجہ صرف یہ بتائی تھی کہ میں نئے ٹیلنٹ اور لوگوں کو موقع دینا چاہتاہوں.بطور چیف سلیکٹر ان پر ناقدین کافی نتقید کرتے رہے ہیں.