Category: کھیل

ورلڈ کپ میں نیوزی لینڈ کے ہاتھوں‌ بھارتی ٹیم کی شکست کے بعد ہندوستانی کھلاڑی جو کل تک ہیرو قرار دیے جارہے تھے آج سبھی کو زیرو کہا جارہا ہے. بھارتی میڈیا دھونی کی طرح ویرات کوہلی کے بھی ہاتھ دھو کر پیچھے پڑ گیا ہے.

باغی ٹی وی کی رپورٹ‌ کے مطابق ہندوستانی میڈیا کا کہنا ہے کہ سنچریوں کا انبار لگانے والے ویرات کوہلی صرف ایک سکور بنا کر آؤٹ ہو گئے. کہا جارہا ہے کہ ویرات کوہلی کا بلا بڑے میچوں‌ میں‌ کبھی نہیں‌ چلتا جس سے بلے باز کی قلعی کھل جاتی ہے. بھارتی میڈیا کا کہنا ہے کہ سنچریوں کا انبارلگانے والے وراٹ کوہلی صرف ایک رن پرآوٹ ہوگئے۔ وراٹ کوہلی اس عالمی کپ سے پہلے سال 2015 اور2011 میں ہوئے عالمی کپ میں بھی ٹیم کا حصہ تھے۔ وہ اب تک پانچ ناک آوٹ مقابلے کھیل چکے ہیں، لیکن ان کے اعدادوشمارحیران کرنے والے ہیں۔ ان پانچ ناک آوٹ میچ کی اننگ میں کوہلی نے 14.40 کی اوسط سے صرف 72 رن بنائے ہیں۔

بھارتی میڈیا کا کہنا ہے کہ ہندوستانی ٹیم کو محض 240 رنز کا ٹارگٹ ملا لیکن انڈیا کے چار کھلاڑی صرف 24 پر آؤٹ‌ ہو گئے. ٹیم کا ٹاپ آرڈرپوری طرح فلاپ رہا۔ ٹیم کے ابتدائی بازکےایل راہل اورروہت شرما صرف ایک، ایک رن بنا کرپویلین لوٹے، اسی طرح‌ کوہلی ورلڈ کپ میں ایک مرتبہ پھر ناکام رہے. ان کا بلا بڑے میچوں میں نہیں چلتا، بھارتی میڈیا کا کہنا ہے کہ وراٹ کوہلی صرف ایک ہی بار30 سے زیادہ رن بنانے میں کامیاب رہے ہیں۔ وہیں وہ تینوں عالمی کپ کے سیمی فائنل مقابلوں میں بلے بازی کرنے اترے ہیں اورصرف 3.67 کی اوسط سے 11 رن بنائے ہیں۔ سال 2011 میں پاکستان کے خلاف ہونے و الے مقابلے میں وہ 99 رن بناکرآوٹ ہوگئے تھے، وہیں سال 2015 میں آسٹریلیا کے خلاف اورآج نیوزی لینڈ کے خلاف وہ صرف ایک ہی رن بنا سکے ہیں۔

واضح‌ رہے کہ ہندوستانی ٹیم کے نیوزی لینڈ کے ہاتھوں‌ شکست پر پورے بھارت میں سوگ کی کیفیت ہے اور ہندوستانی ٹیم کے کھلاڑیوں‌ پر شدید تنقید کی جارہی ہے.

جان بوجھ کر ہار کر پاکستان کو ورلڈ کپ سے باہر کرنے والا بھارت خود باہر ہوتا دکھائی دے رہا ہے،20 اوورز میں 64 رنز ہیں اور بھارتی ٹیم کے 4 کھلاڑی آؤٹ ہو چکےہیں.

تفصیلا ت کے مطابق ورلڈ کپ 2019 میں بھارت اور نیوزی لینڈ کے درمیان کھیلے جانے والا پہلے سیمی فائنل میں نیوزی لینڈ نے بھارت کو جیت کے لیے 240 رنز کا ہدف دے دیا، کل ہونے والا سیمی فائنل بارش کے باعث آج کے لیے مؤخر کردیا گیا تھا۔

مطابق آئی سی سی ورلڈ کپ 2019 کا پہلا سیمی فائنل بھارت اور نیوزی لینڈ کے درمیان مانچسٹر میں کھیلا جارہا ہے۔ گزشتہ روز جب مانچسٹر میں بارش شروع ہوئی تو نیوزی لینڈ نے 46.1 اوورز میں 5 وکٹوں کے نقصان پر 211 رنز بنالیے تھے۔

بارش کے باعث میچ کو آج کے لیے مؤخر کردیا گیا تھا۔

گزشتہ روز نیوزی لینڈ کی بیٹنگ لائن بھارتی بولرز کے آگے شروع سے ہی دباؤ میں نظر آئی، صرف ایک رن بنا کر اوپنر مارٹن گپٹل پویلین لوٹ گئے، نکولس 28 رنز بنا کر جڈیجا کا نشانہ بنے۔

کپتان کین ولیمسن نے 67 رنز کی ذمہ دارانہ اننگز کھیلی، انہیں اسپنر چاہل نے آؤٹ کیا۔ جمی نیشام 12 رنز بنا کر آؤٹ ہوئے، گرینڈ ہوم 16 رنز بنا کر بھونیشور کمار کی گیند پر دھونی کو کیچ دے بیٹھے۔

راس ٹیلر نے 74 اور ٹام لیتھم نے 10 رنز بنائے۔ بھارت کے بھونیشور کمار نے 3 کھلاڑیوں کو آؤٹ کیا۔

نیوزی لینڈ نے بھارت کو جیت کے لیے 240 رنز کا ہدف دیا ہے، تاہم بارش کے باعث آج بھی میچ نہ ہوسکا تو بھارت زیادہ پوائنٹس ہونے کے سبب فائنل میں پہنچ جائے گا۔

ورلڈکپ 2019 کے پہلے سیمی فائنل میں نیوزی لینڈ اور بھارت کا میچ بارش کے باعث روک دیا گیا ہے اور بقیہ میچ آج دوپہر ڈھائی بجے شروع ہو گیا. نیوزی لینڈ نے پہلے کھیلتے ہوئے 46 اوورز میں‌ 211 سکور بنائے ہیں اور اس کے پانچ کھلاڑی آؤٹ‌ ہوئے ہیں.

باغی ٹی وی کی رپورٹ کے مطابق نیوزی لینڈ کے کپتان کین ولیمسن نے ٹاس جیت کر پہلے بیٹنگ کا فیصلہ کیا، اس دوران مارٹن گپٹل اور نکولس نے اننگز کا آغاز کیا تاہم اوپنر گپٹل 14 گیندوں پر ایک رن بنا کرکوہلی کو کیچ دے بیٹھے. نیوزی لینڈ کے کھلاڑیوں‌ کی طرف سے انتہائی سست بیٹنگ کی گئی. کپتان ولیمسن اور نکولس نے سکور آگے بڑھانے کی کوشش کی مگر وہ 68 رنز کی پارٹنر شپ بنا سکے اور پھر نکولس 51 گیندوں پر 28 سکور بنا کر سپنر کی شاندار گیند پر بولڈ ہو گئے۔ کپتان کین ولیمسن نے 95 گیندوں پر 67 سکور کئے اور چاہل کی گیند پروکٹ گنوا دی۔ جیمی نیشام نے 12 سکور بنا ئے۔ اسی طرح کولن ڈی گرینڈ ہوم بھی 16 رنز پر آؤٹ ہو گئے.

ورلڈ‌ کپ میں‌ بارش کے حوالہ سے ٹورنا منٹ رولز یہ ہے کہ دونوں سیمی فائنلز اور فائنل کے لئے ریزرو ڈے رکھا گیا ہے، میچ مکمل نہ ہونے پر آج بقیہ میچ مکمل کیا جائے گا جبکہ بارش کی وجہ سے دوسرے دن میچ ٹونٹی اوورز تک محدود کیا جا سکتا ہے، دونوں سیمی فائنلز میں میچ مکمل طور پر واش آؤٹ ہوا تو لیگ میں زیادہ پوائنٹس لینے والی ٹیم فائنل میں پہنچ جائے گی۔سیمی فائنلز اور فائنل میچ ٹائی ہوا تو فیصلہ سوپر اوور سے کیا جائے گا۔

نیوزی لینڈ کی ٹیم پہلی اننگ کے دوران بھارتی باؤلرز کے سامنے دباؤ کا شکار نظر آئی. واضح رہے کہ پوائنٹس ٹیبل پر بھارت 7 میچز جیت کر پہلے نمبر پر موجود ہے جبکہ نیوزی لینڈ کو 3 میچز میں شکست ہوئی ہے. اس نے 5 جیتے اور ایک میچ بارش کی نذر ہوگیا تھا. نیوزی لینڈ پوائنٹس ٹیبل پر چوتھی پوزیشن پر ہے. اگر بارش کی وجہ سے آج بھی میچ نہ ہو سکا تو انڈیا بہتر رن ریٹ‌کی بدولت فائنل میں پہنچ جائے گا.

قومی کرکٹ ٹیم کے بلے باز بابر اعظم اور امام الحق نے ٹیم میں گروپ بندی کے تاثر کے بے بنیاد قرار دے دیا ، ورلڈ کپ کے میگا ایونٹ میں بیٹنگ میں ٹاپ پرفارمرز نے ورلڈکپ میں اپنی انفرادی اور ٹیم کی مجموعی کارکردگی پر اطمینان کا اظہار کیا،

باغی ٹی وی کی رپورٹ کے مطابق ورلڈکپ میں قومی ٹیم کی کارکردگی کے حوالے سے قذافی اسٹیڈیم میں پریس کانفرنس کرتے ہوئے قومی ٹیم کے بلے بازوں بابر اعظم اور امام الحق کا کہنا تھا کہ یہ دونوں کھلاڑیوں کا پہلا ورلڈکپ تھا اور وہ اس ایونٹ میں اپنی کارکردگی سے مطمئن ہیں، بابر اعظم نے گفتگو کرتے ہوئے کہا کہ ٹیم کا کپتان اور نائب کپتان بنانا بورڈ کا کام ہے میری توجہ صرف اور کارکردگی دکھانے پر ہے ، ان کا کہنا تھا کہ ورلڈکپ میں ٹیم نے پانچ میچوں کے بعد بہترین کم بیک کیا بد قسمتی سے سیمی فائنل تک نہیں پہنچ سکے،

ورلڈکپ میں عظیم کھلاڑی جاوید میانداد کا ریکارڈ توڑنے کو بابر اعظم نے اپنے لئے بڑا اعزاز قرار ديا، اس موقع پر گفتگو کرتے ہوئے اوپنر امام الحق کا کہنا تھا کہ میں‌ تنقید کرنے والوں کی پرواہ نہیں کرتا، سلیکشن کمیٹی بدلنے یا نہ بدلنے سے فرق نہیں پڑتا. ان کا کہنا تھا کہ آسٹریلیا والا میچ ہمیں جیتنا چاہئیے تھا مگر مجھ سے کھيلتے ہوئے غلطی ہوئی جس کومیں تسلیم کرتا ہوں، امام الحق نے میگا ایونٹ کو اپنی انفرادی کارکردگی کے حوالے سے اہم قراردیا اور کہا کہ وہ مستقبل میں بھی بہتر کھیل پیش کرنے کی کوشش کریں‌ گے.