پاکستانی کرکٹ ٹیم سے متعلق معلوم ہوا ہے کہ کل کا دن انہوں نے آوارہ گردی کرتے ہوئے گزارا. کرکٹ ٹیم کے کھلاڑیوں نے کل سرے سے میچ کی پریکٹس ہی نہیں کی بلکہ ایک شیشہ کیفے میں زیادہ وقت گزارا اور ایک ساتھ مل کر شیشیہ پیتے رہے.
باغی ٹی وی کی رپورٹ کے مطابق سوشل میڈیا پر پاکستانی کھلاڑیوں کی تصاویر تیزی سے شیئر ہوئی ہیں جس میں کھلاڑیوں کو ایک شیشہ کیفے میں موجود دیکھا جاسکتا ہے. کل کا دن اس لحاظ سے اس لئے انتہائی اہمیت رکھتا تھا کہ آج پاکستان اور انڈیا کا سب سے اہم میچ تھا تاہم پاکستانی ٹیم کے پریکٹس نہ کرنے کی وجہ سے کھلاڑیوں کی کارکردگی انتہائی ناقص رہی. شعیب ملک اور دیگر کھلاڑی میچ سے چند گھنٹے قبل بھی مانچسٹر میں ولمسلو روڈ پر ایک شیشہ کیفے میں موجود رہے.
سوشل میڈیا پر پاکستانی کرکٹ ٹیم کے کپتان سرفراز احمد کی تصویریں بھی شیئر ہو ئی ہیں جس میں انہیں میچ کے دوران جمائیاں لیتے ہوئے دیکھا جاسکتا ہے. پاکستانی کھلاڑیوں نے رات آرام بھی نہ کیا اور رات بھر آوارہ گردی کرتے رہے جس سے انڈیا کے خلاف مضبوط کارکردگی نہ دکھا سکے اور برے طریقہ سے شکست کا سامنا کرنا پڑا.
واضح رہے کہ پاکستان اور بھارت کے درمیان ورلڈ کپ کے کرکٹ میچ میں پاکستانی ٹیم کی بیٹنگ لائن ریت کی دیوار ثابت ہوئی ہے اور 337 رنز کے ہدف کے تعاقب میں اس کے پانچ کھلاڑی 137 رنز پر آؤٹ ہو گئے. کچھ دیر کیلئے بارش کی وجہ سے میچ رکا تاہم دوبارہ شروع ہو گیا اور پاکستان شکست سے دوچار ہو گیا. پاکستان کا ایک کھلاڑی صرف 13 سکور پر آؤٹ ہو گیا. آؤٹ ہونے والے پہلے کھلاڑی امام الحق تھے. بھارت نے پاکستانی ٹیم کو فتح کیلئے 336 رنز کا ہدف دیا ہے. بھارت کے پچاس اوور کے اختتام پر پانچ کھلاڑی آؤٹہوئے . محمد عامر نے دس اوور میں سینتالیس سکور دے کر تین کھلاڑی آؤٹ کئے. میچ کے دوران کچھ دیر کیلئے بارش کی وجہ سے میچ روک دیا گیا تاہم بارش رکنے پر دوبارہ کھیل کا آغاز کیا گیا. بارش کی وجہ سے میچ کے اوورز کم نہیں کیے گئے تاہم اننگز بریک 15 منٹ کا کردیا گیا ہے. پاکستان انڈیا میچ میں ویرات کوہلی نے اپنے تیز ترین گیارہ ہزار رنز بھی مکمل کر لئے ہیں.
ورلڈ کپ کے اہم میچ میں بھارت نے پاکستان کے خلاف عمدہ بیٹنگ کی۔ روہت شرما 140 رنز بنا کر حسن علی کی گیند پر کیچ آؤٹ ہوئے. ہاردک پانڈیا اور دھونی نمایاںکارکردگی نہیں دکھا سکے. اسی طرح محمد عامر کے علاوہ پاکستانی باﺅلر میچ کے دوران نمایاں کارکردگی دکھانے میں ناکام رہے ہیں اور بھارتی کھلاڑی تیزی سے سکور میں اضافہ کر رہے ہیں۔ انڈیا کی جانب سے اننگز کا آغاز روہت شرما اور لوکیش راہول نے کیا، دونوں اوپنرز نے پر اعتماد انداز میں اننگز کا آغاز کیا اورپاکستانی باﺅلرز کو کھیلنے میں انہیں کسی قسم کی پریشانی کا سامنا نہیں کرنا پڑا۔
