Category: کھیل

لندن:پاکستان اور افغانستان کے درمیان ہونے والا میچ دلچسپ مرحلے میں داخل ہو گیا ہے اور افغانستان کی ٹیم کے 7 کھلاڑی 202 کے سکور پویلین جا پہنچے. افغانستان کی ٹیم نے 202 کا ہدف 44 ویں کے اختتام پر حاصل کیا .افغانستان کے کپتان نجیب اللہ کو شاہین آفریدی نے پویلین واپس بھیجا .شاہین آفرید ی اب تک 3 افغان کھلاڑیوں کو پویلین واپس بھیج چکے ہیں.

پاکستان اور افغانستان کے درمیان یہ میچ بہت اہم ہے پاکستان اگر افغانستان کو ہرانے میں کامیاب ہوتا ہے تو سیمی فائنل تک پہنچے میں آسانی ہوسکتی ہے. پاکستان اور افغانستان کے درمیان میچ کو دنیا بھر میں بسنے والے پاکستانی بڑے شوق سے دیکھ رہے ہیں.

پشاور:افغانستان کے صدر اشرف غنی سے پشاور زلمی کی ملاقات .پاکستان کے دورے پر آئے افغان صدر اشرف غنی اور پشاور زلمی کے چیئر مین جاوید آفریدی میں ملاقات ہوئی۔ اس ملاقات کے دوران جاوید آفریدی نے پشاور زلمی شرٹ اور زلمی بیٹ افغان صدر اشرف غنی کو پیش کیا۔ جسے بعد میں افغان صدر نے پشاور زلمی کی شرٹ زیب تن بھی کی۔اس موقع پر افغان صدر اشرف غنی کا جاوید سے گفتگو کرتے ہوئے کہنا تھا کہ پاکستان اور افغانستان کے درمیان دو طرفہ کرکٹ سیریز جلد ہو گی۔

تصویر میں دیکھا جا سکتا ہے کہ افغان صدر اشرف غنی زلمی پشاور کی شرٹ پہنے اور ہاتھ میں بیٹ تھامے بڑے خوش دکھائی دے رہے ہیں. اس موقع پر موجود دوسرےشرکا نے بھی خوشی کا اظہار کرتے ہوئے تالیاں بجائیں اور پاکستان اور افغانستان کے درمیان حالات بہتر ہونے کی امید کا بھی اظہار بھی کیا

ڈرہم:انگلینڈ کے ہوم گراونڈ پر مکھیوں نے حملہ کرکے 2017 میں جوہانسبرگ میں سری لنکا اور جنوبی افریقہ کی ٹیم اور شائقین پر حملے یاد تازہ کردی .آج جمعہ کے روز مکھیوں کے حملے میں سری لنکا اور جنوبی افریقا کے درمیان میچ کے دوران مکھیوں نے پھر حملہ کر دیا۔

انگلینڈ سے ذرائع نے بتایا ہے کہ چیسٹر لی اسٹیڈیم میں سری لنکن اننگز کے 48 ویں اوور میں جب اڈانا اور لکمل بیٹنگ کر رہے تھے تو اچانک سے مکھیوں نے میدان پر حملہ کر دیا جس کی وجہ سے میدان میں موجود تمام کھلاڑی اور امپائرز زمین پر لیٹ گئے اور کھیل تھوڑی دیر کے لئے روک دیا گیا تاہم کچھ ہی دیر بعد کھیل دوبارہ شروع ہو گیا۔

یہ پہلی دفعہ نہیں تھا کہ میدان میں مکھیوں نے حملہ کیا ہو، حیران کُن بات یہ ہے کہ سری لنکا اور جنوبی افریقا کے درمیان میچ میں پہلے بھی مکھیوں نے کھیل کو متاثر کیا تھا۔اس سے قبل2017میں جوہانسبرگ میں سری لنکا اور جنوبی افریقا کے درمیان ہونے والا میچ بھی مکھیوں کے حملے کی وجہ سے متاثر ہوا تھا۔ اس وقت بھی یہی دونوں ٹیمیں مکھیوں کے حملے کی زد میں آئیں اور لیٹ کر جان بچائی

سری لنکا کی ٹیم نے مکھیوں سے تو لیٹ کر جان بچا لی لیکن جنوبی افریقہ سے جان نہ بچا سکی اور ورلڈ کپ کا اہم میچ 9 وکٹوں سے ہار گئی ۔ سری لنکا کی ٹیم کے ہارنے کے بعد پاکستان کی ٹیم کےلیے ورلڈکپ کی منزل تک پہنچنے کا سفر آسان ہو گیا ہے