Category: کھیل

پاکستان کی ورلڈ کپ میں مایوس کن کارکرگی سے پریشان ہو کر کرکٹ انتظامیہ فکر مند ہو گئی ہر کھلاڑی سے چیف سلیکٹراور چیف کوچ مکی آرتھر کی ملاقات.

تفصیلات کے مطابق پاکستان کی مایوس کن کارکردگی پر پاکستان کرکٹ ٹیم کے کرتا دھرتا متحرک ہو گئے.
ورلڈ کپ میں بھارت کے میچ سے قبل پاکستانی ٹیم انتظامیہ سر جوڑ کی بیٹھ گئی ، انضمام الحق اور مکی آرتھر نے ہر کھلاڑی سے الگ الگ بات کی اور آسٹریلیا کی شکست کے بعد ماحول کو ٹھنڈا کرنے کی کوشش کی جارہی ہے۔واضح رہے کہ پاکستان کو اگلے تمام میچوں میں کامیابی حاصل کرنا ہو گی
پاکستان کو سیمی فائنل کھیلنے کیلئے کتنے میچز جیتنا ہوں گے، جاننے کیلۓ مزید پڑھیں

قومی کرکٹر شاہد آفریدی نے پاکستانی ٹیم کو مشورہ دیا ہے کہ بھارت کے خلاف میچ میں مثبت کھیلنا پڑے گا.

باغی ٹی وی کی رپورٹ کے مطابق پاکستان کرکٹ ٹیم کے سابق کپتان شاہد آفریدی نے سوات کے علاقے کبل میں کرکٹ اکیڈمی کے دورہ کے دورا میڈیا سے گفتگو کرتے ہوئے پاکستانی کرکٹ ٹیم کو مشورہ دہا ہے کہ بھارت سے جیتنا ہے تو بھارت کے خلاف میچ میں مثبت کھیلنا پڑے گا. شاہد آفریدی نے مزید کہا کہ فیلڈنگ اچھی ہوگی تو70فیصد میچز جیت سکتے ہیں ،چیمپینز ٹرافی کی مثال ہمارے سامنے ہیں.

انہوں نے مزید کہا کہ مراد سعید اسمبلیوں میں چھکے مارتےہیں،ان کے بھائی نے یہاں اکیڈمی بنائی ہے، اکیڈمی ہو گی تو ٹیلنٹ سامنے آئےگا،اسکول لیول پر کرکٹ کو فروغ دینا ضروری ہے، شاہد آفریدی نے مزید کہا کہ پاکستان دنیا کا خوبصورت ترین خطہ ہے ،سوات کے لوگ بہت مہمان نواز ہیں اگر سہولیات فراہم کی جائیں تویہاں سیاحت کومزید فروغ دیا جاسکتا ہے

پاک بھات میچ کی ٹکٹ کا منہ مانگے داموں بکنے لگی،ٹکٹ بلیک میں فروخت ہونےلگیں.
پاک بھارت کرکٹ میچ جب بھی ہوتا ہے اس دیکنے والے کروڑوں میں ہوتے ہیں،عام ٹورنامنٹ میں ہی پاک بھارت میچ کے ٹکٹس کی مانگ بڑھ جاتی ہے اور جب خاص میچ ہو یا میگا ایونٹ ہو تب تو ٹکٹ نایا ب ہو جاتے ییں.

پاکستان اور بھارت کی ٹیمیں اتوار 12 جون کو مانچسٹر کے اولڈ ٹریفورڈ میں مقابلہ کریں گی، اس میچ کو دیکھنے کیلئے دونوں ٹیموں کے شائقین ایک بڑی تعداد میں مانچسٹر پہنچنا شروع ہو گئے ہیں۔

دوسری جانب میچ سے تین دن قبل ٹکٹوں کی مانگ میں اضافہ ہو گیا ہے اور جن لوگوں کے پاس ٹکسٹ ہیں وہ منہ مانگے دام وصول کر رہے ہیں۔

پولیس اور آئی سی سی کی وارننگ کے باجود ٹکٹوں کی بلیک مارکیٹنگ میں اضافہ ہو گیا ہے۔

پاکستان میں‌ موبائل کمپنی کی جانب سے ہندوستانی پائلٹ ابھی نندن سے مشابہہ اداکار کا اشتہار چلانے پر بھارتی سخت سیخ‌ پا ہیں‌ اور بعض انتہاپسند بھارتیوں‌ نے پاکستان کو ورلڈ کپ سے باہر نکالنے کا مطالبہ کیا ہے.

باغی ٹی وی کی رپورٹ کے مطابق پاکستان اور بھارت کے درمیان میچ سے قبل موبائل کمپنی کی طرف سے یہ مزاحیہ ایڈ نشر کرنے پر انتہاپسند بھارتی سخت شور شرابا کر رہے ہیں‌ اور کہا جارہا ہے کہ ہمارے فوجی ہمارا فخر ہیں اور اس اشتہار میں ہمارے فوجیوں کی عزت پر حملہ کیا گیا ہے. موبائل کمپنی کے اس مزاحیہ اشتہار کے بعد بھارتیوں‌کو آگ لگی ہوئی ہے اور میچ سے قبل ماحول سخت گرم ہو گیا ہے. بھارتی انتہاپسندوں‌ کا کہنا ہے کہ ہندوستانی ٹیم کو ہر صورت پاکستان سے میچ جیتنا چاہیے.

رپورٹ کے مطابق موبائل کمپنی کے اشتہار میں پاکستان کی جانب سے گرائے جانے والے بھارتی جنگی طیارے کے پائلٹ ابھی نندن کے حلیے والے شخص کو پیش کیا گیا ہے۔ مذکورہ اشتہار میں اداکار جس کی مونچھیں ابھی نندن جیسی ہیں اور وہ بھارتی کرکٹ سے مشابہ جرسی پہنے تفتیشی ویڈیو میں دکھایا گیا ہے ۔ ابھی نندن سے مشابہہ اداکار ہر سوال کا جواب دینے سے انکار کرتے دکھائی دیتا ہے اور ورلڈ کپ میں بھارتی ٹیم سے متعلق ہر سوال کے جواب میں یہی کہتا ہے کہ ’یہ میں آپ کو نہیں بتا سکتا. اسی دوران جب اس سے چائے کے متعلق سوال ہوتا ہے تو وہ آخر میں وہ چائے کو عمدہ قرار دیتا ہے اور کپ سمیت روانہ ہونے لگتا ہے تو سوال کرنے والا اس سے کہتا ہے کہ ’کپ یہیں‌ چھوڑ کر جاؤ۔

موبائل کمپنی کی طرف سے جاری کردہ اس ویڈ یو ایڈ پر بھارتی انتہاپسندوں‌ نے سخت ناراضگی کا اظہار کیا ہے اور سوشل میڈیا پر یہ مطالبہ کیا جارہا ہے کہ پاکستان کو ورلڈ کپ سے باہر نکالاجائے.

پاکستان تحریک انصاف کے رہنما جاوید بدر کا کہنا ہے کہ میں نے پاکستان کرکٹ بورڈ میں نااہلی اور کرپشن کے خلاف مہم شروع کردی ہے جس کی وجہ سے ہماری ٹیم کا یہ حال ہے.

باغی ٹی وی کی رپورٹ‌ کے مطابق جاوید بدر کا کہنا تھا کہ نجم سیٹھی عمران خان اور پی ٹی آئی کا سب سے بڑا دُشمن ہے جس نے کرکٹ بورڈ میں اربوں کی کرپشن کی ہے اور اس کو مُوجودہ چئیرمین احسان مانی جوسیٹھی کا دوست ہے بچا رہا ہے. جاوید بدر اس سے قبل بھی نجم سیٹھی کے خلاف بیانات دیتے رہے ہیں.

میں نے پاکستان کرکٹ بورڈ میں نااہلی اور کرپشن کے خلاف کمپین شروع کردی ہے جس کی وجہ سے ہماری ٹیم کا یہ حال ہے نجم سیٹھی عمران خان اور پی ٹی آئی کا سب سے بڑا دُشمن ہے جس نے کرکٹ بورڈ میں اربوں کی کرپشن کی ہے اور اس کو مُوجودہ چئیرمین احسان مانی جوسیٹھی کا دوست ہے بچا رہا ہے pic.twitter.com/10BJosrekZ

— Javed Badar🇵🇰🇵🇰🇵🇰 (@jkhanbadar) June 13, 2019

جاوید بدر نے وزیر اعظم عمران خان کو خط بھی لکھا ہے جس میں مطالبہ کیا گیا ہے کہ کرکٹ بورڈ کے مالی معاملات کی تحقیقا ت کیلئے جوڈیشل کمیشن تشکیل دیں تاکہ کرکٹ بورڈ کو کرپشن سے پاک کیا جاسکے.

پی ٹی آئی رہنما جاوید بدر نے گزشتہ برس نجم سیٹھی کو خط بھی لکھا تھا جس میں‌ ان سے پی ایس ایل کا حساب کتاب مانگا گیا تھا. خط کے متن میں کہا گیا تھا کہ نجم سیٹھی نے پاکستان کرکٹ بورڈ کو تباہ کر دیا ہے. ان کا کہنا تھا کہ نجم سیٹھی کو کرکٹ جیسے انٹرنیشنل کھیل کی ٹیکنیکل اے بی سی کا ہرگز معلوم نہیں ہے۔ خط میں یہ بھی لکھا گیا تھا کہ نجم سیٹھی نے اپنی کروڑوں کی کرپشن کے لئے پاکستانی عوام کے جذبوں سے کھیلا اور اسکے لئے جاوید بدر اس کا مکمل احتساب چاہتے ہیں۔