وقار یونس کا پاک بھارت میچ میں شعیب ملک کو ڈراپ کرنے کا مشورہ

باغی ٹی وی کی رپورٹ کے مطابق وقار یونس نے پاک بھارت میچ میں شعیب ملک کو ڈراپ کرنے کا مشورہ دیا ہے. کینگروز کے خلاف شعیب ملک کی پرفارمنس کافی ناقص رہی. وہ کہتے ہیں کہ اگر ملک کو ساتویں نمبر پر بیٹنگ کروانی ہے تو ملک کی جگہ شاداب خان اس نمبر پر اچھا کھیل سکتے ہیں.

لیکن سرفراز شعیب ملک کی بھارت کے خلاف پرفارمنس کو لے کر پر امید ہیں، وہ کہتے ہیں کہ سینیئر شعیب ملک کا یہ آخری ٹورنامنٹ ہے اور وہ بھارت کے خلاف ہمیشہ اچھا کھیل پیش کرتے ہیں. امید ہے کہ وہ اپنا آخری ٹورنامنٹ یادگار بنا کر جائیں گے.

وقار یونس کہتے ہیں کہ میرے خیال میں پاکستان کو چار پیسرز اور ایک اسپنر  کے ساتھ میدان میں اترنا چاہیے، اس کیلیے شعیب ملک کو ڈراپ  کر دینا چاہیے، بیٹسمین کوشش کریں کہ ایسے اسٹروکس نہ کھیلیں کہ گیند سیدھی فیلڈرز کے ہاتھوں میں جائے۔ اور اگر کھلاڑی مس فیلڈنگ نہ کریں تو میچ جیتا جا سکتا ہے.