محکمہ موسمیات نے ملک کے بالائی اور وسطی علاقوں میں منگل سے جمعرات کے دوران تیز ہواؤں اور گرج چمک کے ساتھ بارش کی پیش گوئی کی ہے-

باغی ٹی وی : محکمہ موسمیات کے مطابق مغربی ہواؤں کا سلسلہ پیر کی رات سے ملک کے مغربی علاقوں میں داخل ہو گا جس کے باعث کوئٹہ، زیارت، قلعہ سیف اللہ، پشین، ژوب، موسی خیل، وزیرستان، ڈیرہ اسماعیل خان، بنوں، بھکر اور لیہ میں تیز ہواؤں اور گرج چمک کے ساتھ بارش اور پہاڑوں پر برفباری کا امکان ہے۔

محکمہ موسمیات کے مطابق پیر کی رات سے جمعہ کے دوران چترال، دیر، سوات، مالاکنڈ، کوہستان، شانگلہ، بونیر، مانسہرہ، ایبٹ آباد، ہری پور، گلگت بلتستان اور کشمیر میں تیز ہواؤں اور گرج چمک کے ساتھ بارش ہو گی۔

ادھرصوابی، مردان، نوشہرہ، چارسدہ،پشاور، باجوڑ، کرم،خیبر، کوہاٹ ،اسلام آباد، راولپنڈی ، اٹک،جہلم، چکوال، میانوالی ،بھکر،سرگودھا ، فیصل آباد ،قصور، شیخو پورہ، جھنگ ، خوشاب، حافظ آباد،گوجرانوالہ، گجرات، سیالکوٹ، نارووال اور لاہور میں منگل اور بدھ کے روز آندھی / تیز ہواؤں اور گرج چمک کے ساتھ بارش کی پیشگوئی کی گئی ہے اس دوران چند مقامات پر ژالہ باری کا بھی امکان ہے۔

محکمہ موسمیات کے مطابق منگل سے جمعہ کے دوران مری، گلیات، نتھیاگلی، ناران،کاغان، دیر، سوات، شانگلہ، بونیر، نیلم ویلی، باغ، حویلی، استور، اسکردو اور ہنزہ میں درمیانی اور چند مقا مات پر شدید برفباری کی توقع ہے۔

دوسری جانب این ڈی ایم اے نے بارش سے متعلق تمام متعلقہ اداروں کو ہنگامی صورتحال سے نمٹنے کے لیے بروقت اقدامات کی ہدایت کر دی ترجمان این ڈی ایم اے کا کہنا ہے کہ متعلقہ ادارے مسافروں اور سیاحوں کو موسم کی تازہ ترین صورتحال سے مسلسل آگاہ رکھیں۔

اسلام آباد: رواں ماہ فروری میں ملک میں معمول سے کم بارشوں کا امکان ہے۔

باغی ٹی وی : محکمہ موسمیات کے مطابق ملک کے بیشتر میدانی علاقوں میں موسم سرد رہے گا،اسلام آباد میں موسم سرد،خشک اور مطلع ابر آلو د رہے گا
سیا لکوٹ ، لاہور، نارووال ، گوجرانوالہ، سر گودھا اور گر د نواح میں دھند کا راج ہے دیر،چترال،سو ات،مالا کنڈ ڈویژن ،کرم ، کالام ،خیبر پختونخو ا اور گلگت بلتستا ن میں چند مقامات پر بارش اوربرفباری کا امکان ہے-

اسلام آباد، راولپنڈی، پشاور سمیت ملک کے مختلف علاقوں میں زلزلے کے شدید جھٹکے

محکمہ موسمیات کے مطابق رواں ماہ مشرقی پنجاب و سندھ میں معمول کے قریب جبکہ شمال وشمال مغربی علاقوں میں معمول سے کم بارشیں متوقع ہیں رواں ماہ کے دوران فوگ کی صورتحال میں بدستور کمی آئے گی اور مہینے کے آخر تک فوگ کا مکمل خاتمہ ہوجائے گا اس دوران دن کے اوقات میں درجہ حرارت میں اضافہ متوقع ہے۔

محکمہ موسمیات کے مطابق درجہ حرارت میں اضافہ و خشک موسم اسلام آباد و لاہور سمیت بڑے شہروں میں قبل ازوقت پولن سیزن کیلئے سازگار ہوسکتا ہے۔

دادو: جلدی مرض لیشمینیا کا پھیلاؤ جاری،مریضوں کی تعداد میں تیزی سے اضافہ

محکمہ موسمیات کے مطابق شہر قائد میں آج سے سمندر کی بند ہوائیں مکمل طورپرفعال ہونے کا امکان ہے جبکہ آئندہ 24گھنٹوں کے دوران درجہ حرارت میں اضافہ متوقع ہے،اس دوران کم سے کم پارہ 18اورزیادہ سے زیادہ 29ڈگری سینٹی گریڈ ریکارڈ ہوسکتا ہے۔

جمعے کے روز موسم خشک رہا،زیادہ سے زیادہ پارہ 28 ڈگری سینٹی گریڈ ریکارڈ ہوا، شہر کا مطلع صاف اورخشک رہا، صبح کے وقت بلوچستان کی شمال مشرقی ہوائیں چلیں جبکہ دوپہر کے بعد سمندرکی جنوب مغربی سمت کی ہوائیں جذوی طورپربحال ہوئیں جس کی رفتار14کلومیٹر فی گھنٹہ ریکارڈ ہوئیں-

ملک میں حال میں بارشوں اور بالائی علاقوں میں شدید برفباری کے باعث گزشتہ چند دنوں سے سردی کی شدت میں اضافہ برقرار ہے-

باغی ٹی وی : محکمہ موسمیات کے مطابق آج ریکارڈ کیےگئےکم سےکم درجہ حرارت لہہ منفی 16،استور منفی 12،گوپس منفی 10،زیارت منفی 09، اسکردو منفی 07، پلوامہ، شوپیاں،بارہ مولہ منفی 06،ہنزہ منفی 05، بگروٹ منفی 04، مالم جبہ ،کوئٹہ ،سری نگر،اننت ناگ ،دروش منفی 03،میر کھانی،پاراچنار منفی 02، راولاکوٹ اور مری میں منفی 01 ڈگری سینٹی گریڈ ریکارڈ کیا گیا –

خواجہ معین الدین چشتیؒ کے سالانہ عرس کی تقریب کورونا ہدایات کے مطابق ہو گی

دوسری جانب کم سے کم درجہ حرارت اسلام آباد میں 03، لاہور06 ،کراچی09 ،پشاور 02،کوئٹہ منفی 03، مظفر آباد 01، گلگت 02، مری منفی01، فیصل آباد06، ملتان05، سری نگرمنفی 03، جموں 05 ڈگری سینٹی گریڈ ریکارڈ کیا گیا –

پاسپورٹ کی سال 2022 کی رینکنگ جاری ،فہرست میں پاکستان کا نمبر کونسا؟

دوسری جانب بلوچستان کے بیشتر علاقوں میں موسم شدید سرد ہےمحکمہ موسمیات کے مطابق صوبے کے بیشتر علاقوں میں شدید سردی کی صورتحال برقرار ہے، شمالی ، وسطیٰ اور جنوبی اضلاع میں صبح کے وقت درجہ حرارت میں کمی آنے سے موسم شدید سرد ہے نوکنڈی میں کم سے کم درجہ حرارت صفر، ژوب اور پنجگورمیں 1، دالبندین میں 2، سبی میں 4، تربت میں 8 اور گوادر میں 10ڈگری سینٹی گریڈ ریکارڈ کیا گیا ہے۔

مری سانحہ،انکوائری کی ضرورت نہیں،ذمہ دار پھانسی کے حق دار ہیں،عدالت

محکمی موسمیات کے مطابق آئندہ 24 گھنٹوں کے دوران صوبے کے شمالی اضلاع میں موسم شدید سرد رہنے کا امکان ہے۔

کراچی: ڈکیتی مزاحمت پر 3 شہری جاں بحق ایک خاتون زخمی