محکمہ موسمیات نے آئندہ ہفتے بارشوں اور برفباری کی پیش گوئی کی ہے-

باغی ٹی وی : محکمہ موسمیات کے مطابق خیبر پختونخوا کے بیشتر اضلاع میں پیرسے بارش اور پہاڑوں پر برفباری کا امکان ہے جبکہ ،چترال، دیر، سوات، مالاکنڈ، کوہستان، شانگلہ اورمانسہرہ میں بارش متوقع ہے۔

تھرپارکر:بچوں کی اکثریت غذائی قلت، کم وزنی اور بونا پن کی شکار

محکمہ موسمیات کے مطابق ایبٹ آباد، ہری پور، مردان، نوشہرہ، پشاور، کوہاٹ اورباجوڑ میں بارش کا امکان ہے۔ گلیات، ناران، کاغان چترال، دیر، سوات اور مالم جبہ کے پہاڑوں پر برفباری متوقع ہے۔

کراچی کا ساحل نوگو ایریا قرار دے دیا گیا

محکمہ موسمیات کی جانب سے بالائی اضلاع میں تیز بارش اور برفباری کے باعث روڈ بندش اور لینڈسلاڈینگ کا خدشہ بھی ظاہر کیا گیا ہے جبکہ بارشوں اور برفباری کا سلسلہ پیر سے جمعرات تک جاری رہنے کی پیش گوئی کی گئی ہے۔

مقبوضہ کشمیر:مندر میں بھگدڑ سے 12 ہندو یاتری ہلاک 20 زخمی

علاوہ ازیں بلوچستان کے مختلف اضلاع میں بھی آج سے بارش اور پہاڑوں پر برف پڑنے کا امکان ہے محکمہ موسمیات نے چمن، قلعہ عبداللہ، قلعہ سیف اللہ، زیارت، کوئٹہ اورملحقہ علاقوں میں بارش اور برفباری کی پیش گوئی کی ہے۔

پاکستان میں کورونا مثبت کیسز کی شرح میں اضافہ

محکمہ موسمیات کے مطابق بلوچستان کے بیشتر اضلاع میں سخت سردی اور سرد ہواوں کا راج رہے گا گزشتہ چوبیس گھنٹے میں کوئٹہ میں کم سے کم درجہ حرارت منفی 2 گری سینٹی گریڈ کیا گیا ۔زیارت میں کم سے کم درجہ حرارت منفی4 اور قلات میں کم سے کم درجہ حرارت منفی3گری سینٹی گریڈ کیا گیا۔

2022 اہم سال ، پاک بھارت ٹاکروں کا سال،دنیا کی نظریں لگ گئیں

پنجاب کے میدانی علاقے شدید دھند کی لپیٹ میں ہونے کے باعث موٹروے کو مختلف مقامات سے بند کردیا گیا ہے۔

باغی ٹی وی: دھند کے باعث موٹروے ایم 3 فیض پور سے درخانہ تک، ایم 4 گوجرہ سے فیصل آباد اور شیر شاہ ملتان انٹر چینج سے فیصل آباد تک بند ہے موٹر وے ایم 5 بھی ملتان سے رحیم یار خان تک دھند زیادہ ہونے کے باعث بند کردی گئی ہے لاہور میں بھی مختلف علاقوں میں دھند کی وجہ سے حد نگاہ کم ہے۔

گیس بحران: عوام سے تعاون کی درخواست کرکے ایم ڈی سوئی گیس مُلک چھوڑ گئے

دوسری جانب ملک کے ملک کے مختلف شہروں میں بارش اور برف باری کے بعد موسم مزید سرد ہوگیا ہے مظفر آباد، وادی نیلم، وادی جہلم اور وادی لیپہ سمیت آزاد کشمیر کے مختلف حصوں میں بھی بارش اور وقفے وقفے سے برف باری کا سلسلہ جاری ہے۔

اسلام آباد میں گزشتہ رات سے صبح تک وقفے وقفے سے بارش ہوئی جبکہ لاہور دھند کی لپیٹ میں ہے جبکہ مری، وادی زیارت ، لوئر دیر، ناران اور کاغان میں برف باری اور یخ بستہ ہواؤں کے باعث درجہ حرارت مزید گر گیا۔

کے الیکٹرک نے کراچی میں بارش کے دوران بجلی کی فراہمی کو یقینی بنایا ہے، ترجمان کا دعویٰ

اگلے چوبیس گھنٹوں میں کم سے کم درجہ حرارت لیہہ میں منفی 12 ڈگری سینٹی گریڈ رہنے کا امکان ہے اسکردو میں منفی 6، ہنزہ اور استور میں منفی 5، مالم جبہ میں منفی 4، چترال اور مری میں منفی 3، کوئٹہ میں منفی 2، اسلام آباد اور لاہور میں 5، پشاور میں 7 اور کراچی میں میں کم سے کم درجہ حرارت 15 ڈگری سینٹی گریڈ رہنے کا امکان ہے۔

دوسری جانب چیف میٹ سردار سرفراز کا کہنا ہے کہ کراچی میں زیادہ سردی نہیں آئے گی، درجہ حرارت سنگل ڈیجٹ میں آنے کا امکان نہیں، پورے ملک سے سائبیرین ہوائیں ہٹی ہوئی ہیں۔

حکومت ایک دن میں 33 بل ایوانوں سے منظور کرسکتی ہے تو کنٹونمنٹ ایکٹ میں بھی ترمیم…

اتوار و پیر کو ملک کے مختلف علاقوں میں بارش اور پہاڑوں پر برفباری متوقع ہے۔

باغی ٹی وی :محکمہ موسمیات کے مطابق ملک میں بارشوں کا سبب بننے والا مغربی ہواؤں کاسلسلہ بلوچستان میں داخل ہو چکا ہے جس کے باعث ملک کے بیشتر اضلاع میں گہرے بادلوں کا راج ہے اورسردی کی شدت میں بھی اضافہ ہوا ہے-

کل سے لاہور، گوجرانوالہ، سیالکوٹ، فیصل آباد اور جنوبی پنجاب میں بارش متوقع ہے اس کے علاوہ کراچی،سکھر ،میر پور خاص سمیت متعدد شہروں میں تیز ہواوں کے ساتھ بارش کا امکان ہے۔

نابینا خاتون نجومی بابا وینگا کی 2022 کیلئے پیش گوئیاں

محکمہ موسمیات کے مطابق اتوار کو بلوچستان ،خیبر پختونخوا، پوٹھوہار، وسطی/جنوبی پنجاب،گلگت بلتستان اورکشمیر میں بارش اور برفباری کا امکان ہے۔ اس دوران پنجاب کے میدانی علاقوں میں رات و صبح کے اوقات میں دھند اور اسموگ چھائے رہے گی-

دوسری جانب اسلام آباد، راولپنڈی، چکوال، جہلم ، گجرات میں بھی بارشوں کا امکان ہے جبکہ نیلم، مری، گلیات، کاغان ناران، سکردو، گلگت، استور، ہنزہ، چترال، سوات مالم جبہ میں برفباری متوقع ہے۔

اس سے قبل محکمہ موسمیات نے 25اور 26 دسمبر 2021 کو سردی کی شدید ترین لہر کے پاکستان میں داخل ہونے کی پیش گوئی کی تھی جس سے سردی کا52 سالہ ریکارڈ ٹوٹنے کا امکان ہے ہیڈ کوارٹر ائیر پورٹس سیکیورٹی فورس کی جانب سے مراسلہ جاری کیا گیا تھا جس کے مطابق 25اور 26 دسمبر 2021 کو سردی کی شدید ترین لہر کے پاکستان میں داخل ہونے کا امکان ہے جس کے باعث درجہ حرارت 1 تا 2ڈگری سینٹی گریڈ تا منفی 1 تامنفی 2 ڈگری سینٹی گریڈ تک گر سکتا ہے جس سے سردی کا 52 سالہ ریکارڈ بھی ٹوٹ سکتا ہے-

25 دسمبر سے سردی کی شدید لہر پاکستان میں داخل ہونے کی پیش گوئی،52 سالہ ریکارڈ ٹوٹنے کا امکان

بتایا گیا تھا کہ سائیبیریا سے آنے والی یہ سرد ہوائیں 28 تا 29 دسمبر 2021 کو تمام عام معمولات زندگی کاروبار نقل و حمل اور ماحول کو بری طرح متاثر کر سکتی ہیں اور اسی دوران 26دسمبر کو صبح 8 بج کر 41 منٹ تا صبح 10 بج کر 41 منٹ تک مکمل سورج گرہن ہو گا اور بتدریج درجہ حرارت گرنے کا خدشہ ہے جس سے سردی کی شدت مزید بڑھ سکتی ہے جس سے تمام افسران و اہل کاران کے متاثر ہونے کا امکان ہے-

محکمہ موسمیات کے مطابق پنجاب اور خیبر پختونخوا کے بیشتر علاقوں میں آج سے بارشیں شروع ہونے کا امکان ہے ۔

باغی ٹی وی :تفصیلات کےمطابق ڈائریکٹرمیٹ آفس ڈاکٹر ظہیربابر کاکہنا تھا کہ سندھ اور بلوچستان کےمختلف علاقوں میں کل سے بارشوں کاامکان ہےبارشوں سے پنجاب اور سندھ کے مختلف علاقوں میں دھند اور آلودگی میں کمی ہو گی ۔

ڈاکٹر ظہیربابر کے مطابق ملک کے پہاڑی علاقوں میں برفباری متوقع ہے اس لیے شہری احتیاط کریں ۔ان کا کہناتھا کہ آزاد کشمیر ، گلگت بلتستان اور کے پی کے کے بالائی علاقوں میں سردی کی شدت میں اضافہ ہوگا۔

کورونا وبا:مزید 4 افراد جاں بحق ، 322 نئے کیسز رپورٹ

دوسری جانب فضائی آلودگی کے اعتبار سے بھارتی دارالحکومت نئی دہلی آج دنیا کا آلودہ ترین شہر قرار پایا ، پاکستان کا شہرلاہور فہرست میں دوسرے جبکہ بنگلہ دیش کا دارالحکومت ڈھاکہ تیسرے نمبر پر ہے ۔

دنیا کے آلودہ ترین شہروں کی فہرست میں بھارتی شہر کلکتہ چوتھے ، چین کا شہر ووہان پانچویں ،چونگ کنگ چھٹے ، چینگڈو ساتویں ، ویتنام کا شہر ہنوئی آٹھویں ،نیپال کا شہر کٹھمنڈو نویں اور پاکستان کا شہر کراچی دسویں نمبر پر ہے ۔

گوگل کا معین اختر کی سالگرہ پر خراج تحسین

محکمہ تحفظ ماحولیات پنجاب کے مطابق لاہور میں ٹاؤن ہال میں ائیر کوالٹی انڈیکس 303 ، ٹاؤن شپ سیکٹر ٹو میں 201، نیشنل ہاکی اسٹیڈیم لاہور کا ائیر کوالٹی انڈیکس 297ریکارڈ کیا گیا فیصل آباد میں ائیر کوالٹی انڈیکس 176، رحیم یار خان میں 166انڈیکس ریکارڈ کیا گیا۔

محکمہ تحفظ ماحولیات کے مطابق یہ تمام ڈیٹا 24 گھنٹے کی بنیادپر مرتب کیا گیا ہے۔

آرمینیا نے پاکستان کیساتھ تعلقات استوار کرنے کی خواہش کا اظہارکردیا

محکمہ موسمیات نے 25اور 26 دسمبر 2021 کو سردی کی شدید ترین لہر کے پاکستان میں داخل ہونے کی پیش گوئی کی ہے جس سے سردی کا52 سالہ ریکارڈ ٹوٹنے کا امکان ہے-

باغی ٹی وی : ہیڈ کوارٹر ائیر پورٹس سیکیورٹی فورس کی جانب سے مراسلہ جاری کیا گیا ہے جس کے مطابق 25اور 26 دسمبر 2021 کو سردی کی شدید ترین لہر کے پاکستان میں داخل ہونے کا امکان ہے جس کے باعث درجہ حرارت 1 تا 2ڈگری سینٹی گریڈ تا منفی 1 تامنفی 2 ڈگری سینٹی گریڈ تک گر سکتا ہے جس سے سردی کا 52 سالہ ریکارڈ بھی ٹوٹ سکتا ہے-

محکمہ موسمیات کی کراچی کا درجہ حرارت بڑھنے کی پیش گوئی

مراسلے کے مطابق سائیبیریا سے آنے والی یہ سرد ہوائیں 28 تا 29 دسمبر 2021 کو تمام عام معمولات زندگی کاروبار نقل و حمل اور ماحول کو بری طرح متاثر کر سکتی ہیں اور اسی دوران 26دسمبر کو صبح 8 بج کر 41 منٹ تا صبح 10 بج کر 41 منٹ تک مکمل سورج گرہن ہو گا اور بتدریج درجہ حرارت گرنے کا خدشہ ہے جس سے سردی کی شدت مزید بڑھ سکتی ہے جس سے تمام افسران و اہل کاران کے متاثر ہونے کا امکان ہے-

مراسلے میں بتایا گیا کہ مذکورہ بالا کی بناء پر آپ اپنے زیر کمان افسران و اہلکاران کو تاکید کریں کہ ان آمد و موسمی حالات سے بچنے کے لیے مناسب گرم لباس پہنیں اور گھر سےبلا ضرورت باہر نہ نکلیں اس سردی کی شدید لہر سے سانس اور دمہ کے مریض سب سے زیادہ متاثر ہونگے اور تمام اہل خانہ خصوصاً چھوٹے بچے سردی / موسمی تبدیلی سے لاحق ہونے والے امراض مثلاً نمونیہ وغیرہ سے محفوظ رہ سکیں-

اومیکرون، برطانیہ سے پاکستان آنیوالوں کی سخت چیکنگ ہوگی

گرم علاقوں میں بسنے والے لوگ اتنی بڑی موسمیاتی تبدیلیوں سے ناآشنا ھونے کی وجہ سے اسں کا شکار ہو سکتے ہیں لہذا گرم لباس کے پہنے بغیر گھر سے باہر مت نکلا جائے اور اپنے اردگرد بسنے والے غریب لوگوں کو آگاہ کریں اور گرم کپڑوں سے ان کی مدد ضرور کریں۔

اس سے قبل محکمہ موسمیات نے منگل سے کراچی کا درجہ حرارت بڑھنے کی پیش گوئی کی تھی محکمہ موسمیات کے ارلی وارننگ سینٹر کی پیش گوئی کے مطابق منگل سے کئی روز سے جاری سردی کی لہر میں کمی جبکہ شہر کا درجہ حرارت بڑھنے کی توقع ہے، کم سے کم پارہ 15 سے 17 اور زیادہ سے زیادہ 25 سے 27 ڈگری کے درمیان رہنے کا امکان ہے-

24 گھنٹوں کے دوران مطلع صاف اور جزوی طور پر ابر آلود رہ سکتا ہے، اس دوران رات سرد جبکہ صبح کے وقت دھند چھاسکتی ہے۔ اگلے دوروز کے دوران شہر میں سمندر کی جنوب مغربی سمت کی ہوائیں چل سکتی ہیں۔

اومی کرون ویریئنٹ کی علامات سامنے آگئیں

ملک کے بالائی اور میدانی علاقے شدید سردی کی لپیٹ میں ہیں۔

باغی ٹی وی : محکمہ موسمیات کے مطابق کراچی میں سائبیرین ہواؤں نے موسم مزید سرد کردیا ہے کراچی میں کم سے کم درجہ حرارت 8 ڈگری ریکارڈ کیا گیا جبکہ شہر 20 دسمبر تک سردی کی لپیٹ میں رہے گا دوسری جانب چمن، زیارت، قلات، پشین، قلعہ عبداللہ، سوراب سمیت شمالی بلوچستان میں سردی سے شہریوں کی زندگی متاثر ہونا شروع ہوگئی ہے

7 سالوں میں 45 ہزار سے زائد افراد ہجرت کی کوشش میں ہلاک:اکثریت بے بس مسلمانوں کی

محکمہ موسمیات کے مطابق اگلے 24 گھنٹوں میں اسکردو میں درجہ حرارت منفی 14،گلگت، قلات اور کوئٹہ میں منفی 9، دیر اور مالم جبہ منفی5، اسلام آباد میں منفی ایک، پشاور میں صفر، لاہور 5 اور کراچی میں 9 ڈگری رہنے کا امکان ہے۔

ضلع دادو میں سردی کی لہر میں بے تحاشا اضافہ ہونےکے علاوہ سندھ کی خوبصورت تفریح گاہ اور سندھ کی کوہ مری کہلانے والی گورکھ ہل اسٹیشن پر بھی گزشتہ روز سے برف باری کا سلسلہ جاری ہے۔

او آئی سی کا غیرمعمولی اجلاس آج اسلام آباد میں ہوگا

گورکھ اور گردو نواح میں پانی کے ذخیرے ، چشمے برف کی صورت اختیار کر گئےبرفباری کی اطلاع ملتے ہی سیاحوں کی آمد میں بے تحاشا اضافہ ہو گیا ہے ضلع بھر میں سردی کی لہر میں بھی اضافہ گورکھ ہل اسٹیشن پر 2014۔ 2017 میں بھی برفباری ہوئی تھی اور پانی برف میں تبدیل ہو گیا تھا۔

علاوہ ازیں ملک میں سردی کے ساتھ سوئی گیس کی بندش اور پریشر میں کمی کے باعث بھی شہریوں کی مشکلات میں اضافہ ہوگیا ہے۔

بنوں:تحصیل بکا خیل میں امن و امان کی خراب صورتحال، پولنگ ملتوی

محکمہ موسمیات کے مطابق خلیج بنگال میں موجود ہوا کا کم دباؤ کچھ دن میں سمندری طوفان بن سکتا ہے۔

باغی ٹی وی :ڈائریکٹر سردار سرفراز نے میڈیا سے گفتگو کرتے ہوئے بتایا کہ سمندری طوفان بننے کی صورت میں اسے ’جواد‘ کا نام دیا جائے گا، ’جواد‘ سعودی عرب کا تجویز کردہ نام ہے سمندری طوفان ’جواد‘ سے پاکستان کے ساحلی علاقوں کو کوئی خطرہ نہیں، تاہم کراچی میں آئندہ چند روز میں موسم سرد ہونے کا امکان ہے۔

ڈائریکٹر محکمۂ موسمیات سردار سرفراز نے بتایا کہ مغربی ڈسٹربنس کے باعث کراچی میں سرد ہوائیں چل سکتی ہیں، جبکہ درجۂ حرارت بھی 2 سے 3 ڈگری گر سکتا ہے 5 اور 6 دسمبر کو گلگت، بلتستان اور کے پی میں ہلکی بارش اور پہاڑوں پر ہلکی برف باری کا امکان ہے۔

ایران کو ایٹم بم بنانے سے روکنے کی ہرممکن کوشش کریں گے اسرائیل

دوسری جانب ماہرِ موسمیات جیسن نکلولس کا کہنا ہے کہ بھارتی ریاستیں آندھرا پردیش، اڑیسہ، مغربی بنگال کے علاوہ بنگلا دیش بھی طوفان ’جواد‘ سے متاثر ہو سکتا ہے۔

انڈیا ٹوڈے کے مطابق ہندوستان کے محکمہ موسمیات (آئی ایم ڈی) نے جمعرات کو کہا کہ جنوبی انڈمان سمندر پر کم دباؤ اگلے 36 گھنٹوں میں ایک سمندری طوفان جواد کی شکل اختیار کر لے گا صبح 8 بجے آئی ایم ڈی کی پیشن گوئی کے مطابق، جنوب مشرقی خلیج بنگال اور اس سے ملحقہ انڈمان سمندر پر کم دباؤ کا اگلے 12 گھنٹوں کے دوران مغرب-شمال مغرب کی طرف بڑھنے اور جنوب مشرقی خلیج بنگال پر ایک ڈپریشن میں مرتکز ہونے کا امکان ہے آئی ایم ڈی نے کہا کہ یہ اگلے 24 گھنٹوں کے دوران وسطی خلیج بنگال پر ایک طوفانی طوفان میں مزید شدت اختیار کرے گا۔

اس کے بعد، اس کے شمال مغرب کی طرف بڑھنے، مزید شدت اختیار کرنے اور 4 دسمبر کی صبح تک شمالی آندھرا پردیش-اڈیشہ کے ساحل کے قریب پہنچنے کا امکان ہے۔”

آئی ایم ڈی نے پیشین گوئی کی ہے کہ طوفان کی وجہ سے 3-5 دسمبر کے دوران شمالی ساحلی آندھرا پردیش میں موسلا دھار بارش متوقع ہے۔ 4 دسمبر کو شمالی ساحلی آندھرا پردیش میں بھی غالباً انتہائی شدید بارشوں کا بھی امکان ہے۔

سعودی عرب:250 ملین ریال انعامات کے ساتھ دنیا کے سب سے بڑےاونٹ میلے کا آغاز

موسمیاتی ایجنسی نے آئی ایم ڈی کو ایک انتباہ جاری کیا ہے، انہیں مشورہ دیا ہے کہ وہ 3-5 دسمبر کے درمیان مغربی وسطی اور ملحقہ شمال مغربی خلیج بنگال اور شمالی آندھرا پردیش-اڈیشہ کے ساتھ ساتھ اور اس سے باہر نہ جائیں۔ آئی ایم ڈی نے ماہی گیروں سے یہ بھی کہا کہ وہ 3-6 دسمبر کے درمیان مغربی بنگال کے ساحلوں پر نہ جائیں۔