بھارتی دارالحکومت نئی دہلی میں سموگ کے باعث اسکول ایک ہفتے کے لیے بند کر دیئے گئے۔

باغی ٹی وی : نئی دہلی دنیا بھر میں سب سے زیادہ آلودہ دارالحکومت مانا جاتا ہے جبکہ دنیا کے 30آلودہ ترین شہروں میں سے 22 بھارت میں ہیں نئی دہلی میں فیکٹریوں اور گاڑیوں کے دھویں، تعمیراتی کام کی دھول، پٹاخے جلانے اورفصلوں کی باقیات کو جلانے سے ہر سال موسم سرما کے آغاز میں تقریباً دو کروڑ افراد کو شدید سموگ کا سامنا کرنا پڑتا ہے۔

جمعہ کو نئی دہلی آلودگی کے شدید خطرناک زون میں تھا جس پر سپریم کورٹ نے وفاقی اور ریاستی حکومت کو ایمر جنسی اقدامات کرنے کی ہدایت کی تھی۔ اور دو دن کا لاک ڈاون لگانے کی بھی تجویز دی تھی۔

تاہم اب نئی دہلی حکام نے ایک ہفتہ سکول بند کرنے کا فیصلہ کیا ہے یہ فیصلہ نئی دلی میں فضائی آلودگی کے خطرناک حد تک بڑھ جانے کے باعث کیا گیا ہے

نئی دہلی کے وزیر اعلیٰ اروند کیجریوال نے اعلان کیا ہے کہ سوموار سے اسکول ایک ہفتے کے لیے بند رہیں اور اسکولوں کی کلاسیں ورچوئل ہوں گی ساتھ ہی انہوں نے وجہ بیان کی تھی کہ اسکول اس لیے بند کیے جا رہے ہیں کہ بچوں کو آلودہ ہوا میں سانس نہ لینا پڑے ۔

اروند کیجریوال کا کہنا تھا کہ سرکاری ملازمین کو گھروں سے کام کرنے کے لیے پابند کیا گیا ہے جبکہ نجی اداروں کو بھی مشورہ دیا گیا ہے کہ وہ زیادہ سے زیادہ ملازمین کے لیے گھروں سے آن لائن کام کرنے کی پالیسی اپنائیں۔

بھارت کے مرکزی آلودگی کنٹرول ادارے کے اعدادو شمار کے مطابق گزشتہ روز نئی دہلی میں ائیر کوالٹی انڈیکس کے 500 کے پیمانے میں آلودگی 437پوائنٹس ریکارڈ کی گئی جس کے بعد نئی دہلی حکومت نے آلودگی کے باعث ایمرجنسی اقدامات کرتے ہوئے چار دن کے لیے کھلی جگہوں پر دھول اڑانے اور تعمیراتی کام کرنے پر بھی پابندی عائد کی ہے۔

بھارتی ریاست تامل ناڈو کے مختلف حصوں میں شدید بارشیں مختلف حادثات میں 14 افراد ہلاک ہوگئے۔

باغی ٹی وی : تامل ناڈو کے مختلف حصوں میں بدھ کی شام شدید بارش ہوئی جبکہ کے شہر چنائی میں شدید طوفانی بارشوں نے نظام زندگی معطل کردیا بھارتی میڈیا کے مطابق طوفان کے پیش نظر پروازیں معطل کر دیں گئیں جبکہ بارشوں سے متعدد گھروں کو نقصان بھی پہنچا ہے خلیج بنگال میں طوفانی گردش کے نتیجے میں موسلا دھار بارش کی وجہ سے چنئی کا مقبول مرینا ساحل زیر آب آگیا-

#WATCH Chennai's popular Marina beach flooded due to heavy downpour as a result of cyclonic circulation in the Bay of Bengal#TamilNadu pic.twitter.com/L6N4iIhj1u

— ANI (@ANI) November 11, 2021

محکمہ موسمیات کی جانب سے خلیج بنگال پر بنتے ہوا کے دباؤ کے باعث ریاست میں اگلے دو دنوں تک مزید بارشوں کی پیش گوئی کی گئی ہے۔

تامل ناڈو حکومت نے چنئی سمیت 20 اضلاع میں ریڈ الرٹ جاری کردیا ہے دوسری جانب مزید بارشوں کے پیش نظر شہر میں دو دن کے لئے عام تعطیل کا اعلان کیا گیا ہے۔

کانگریس لیڈر راہول گاندھی نے پارٹی کارکنوں سے اپیل کی ہے کہ وہ چنئی میں شدید بارش کے باعث امدادی کاموں میں مدد کریں۔

The incessant rains in Chennai have become a cause for worry.
Requesting our brothers & sisters in the state to follow all safety measures.
And an appeal to Congress workers- please help in relief & rescue work.

Take care, #Chennai.

— Rahul Gandhi (@RahulGandhi) November 11, 2021

انہوں نے سماجی رابطے کی ویب سئٹ ٹوئٹر پر اپنے میں ٹویٹ کہا کہ “چنئی میں مسلسل بارش پریشانی کا باعث بن گئی ہےریاست میں اپنے بھائیوں اور بہنوں سے تمام حفاظتی اقدامات پر عمل کرنے کی درخواست کرتا ہوں اور کانگریس کارکنوں سے امدادی کاموں میں حصہ لینے کی اپیل کرتا ہوں۔

چین کے شمال مشرقی حصے میں ریکارڈ برف باری ہوئی ہے جس سے نطآم زندگی مفلوج ہو کر رہ گیا ہے-

باغی ٹی وی : غیر ملکی خبر رساں ادارے "رائٹرز” کے مطابق اس ہفتے شمال مشرقی چین میں برفانی طوفانوں نے تباہی مچا دی ہے،لیاؤننگ صوبے میں ریکارڈ برف باری سے ٹریفک میں شدید خلل پڑا ہے، ایکسپریس وے کے زیادہ تر ٹول اسٹیشن منگل تک بند ہیں۔

سوائے دالیان اور ڈنڈونگ کے شہروں کے۔ ٹرین خدمات میں خلل ڈالا ہے اور درجہ حرارت میں کمی کے ساتھ بجلی کی فراہمی کے بارے میں خدشات بڑھ رہے ہیں، سرکاری میڈیا نے بدھ کو رپورٹ کیا۔

صوبے لیاوننگ میں اب تک کی سب سے زیادہ برف باری ہوئی ہے کئی علاقوں میں ٹریفک کا نظام درہم برہم ہوگیا ہے جبکہ ٹرین سروسز بھی متاثر ہے اتوار کو سردی کی لہر کی آمد کے بعد سے، شمال مشرقی چین میں منگل تک بعض علاقوں میں درجہ حرارت 14 ڈگری سیلسیس تک گر گیا تھا صوبے جیلن اور لیاوننگ میں برفانی طوفان کے ریڈ الرٹ جاری کیے گئے ہیں۔

محکمہ موسمیات کے مطابق لیاؤننگ میں زیادہ سے زیادہ اکیس انچ برف باری ریکارڈ کی گئی ہے اور کئی علاقوں میں درجہ حرارت 14 ڈگری تک گر چکا ہے۔

لیاؤننگ پراونشل میٹرولوجیکل آبزرویٹری کے چیف پیشن گوئی کرنے والے ژو چن شیاؤ نے کہا کہ مغربی لیاؤننگ میں حالیہ برفباری 1951 میں ریکارڈ شروع ہونے کے بعد سے اب تک کی سب سے زیادہ برفباری تھی، یہ بات سرکاری طور پر چلنے والے چائنا نیوز ویکلی نے بدھ کو رپورٹ کی۔

چین کی موسمیاتی ایسوسی ایشن کا حوالہ دیتے ہوئے رپورٹ میں مزید کہا گیا ہے کہ منگل کو لیاؤننگ شہر آنشان میں زیادہ سے زیادہ برف کی گہرائی 53 سینٹی میٹر (21 انچ) ریکارڈ کی گئی۔

شمال مشرقی علاقے میں شدید سردی سے بچاو کے لیے حکام توانائی کی پیداواری صلاحیت اور کوئلے کی درآمدات کو بڑھانے کے لیے کام کر رہے ہیں برف باری سے متاثرہ علاقوں میں حکام نے بازاروں اور گروسری اسٹورز پر زور دیا ہے کہ وہ اپنی سپلائی میں اضافہ کرتے ہوئے سبزیوں کی قیمتیں کم کریں۔

کچھ روز قبل چین کے دارالحکومت بیجنگ میں موسم سرما کی پہلی برفباری سے ہرطرف سفیدی چھا گئی۔ روئی کے گالوں نے خوبصورت مناظر کو اور بھی دلکش بنادیا۔

چین کی سٹیٹ گرڈ کارپوریشن نے اتوار کو خبردار کیا کہ موسم سرما میں بجلی کی طلب اور رسد کے درمیان "سخت توازن” ہے ملک کا ایک وسیع حصہ – بشمول شمال مشرقی چین – مئی سے بجلی کی قیمتوں میں اضافے اور کوئلے کی سخت سپلائی کی وجہ سے پاور پلانٹس میں بندش کا سامنا ہے۔

برف سے متاثرہ شینیانگ میں، حکام نے بازاروں اور گروسری اسٹورز پر زور دیا ہے کہ وہ اپنی سپلائی میں اضافہ کرتے ہوئے کچھ سبزیوں کی قیمتیں کم کریں۔

سمندری طوفان گلاب بھارتی ریاستوں اڑیسہ اور آندھرا پردیش کے درمیانی ساحل سے ٹکرا گیا، جس کے نتیجے میں2 ماہی گیروں سمیت 3 شہری ہلاک ہوگئے۔

باغی ٹی وی : بھارتی میڈیا کے مطابق گلاب بھارتی ریاستوں سے 95 کلومیٹر فی گھنٹہ کی رفتار کی ہواؤں کے ساتھ ٹکرایا طوفان کی تباہ کاریوں سے بچنے کے لیے دونوں بھارتی ریاستوں کے ساحلی علاقوں سے 2 لاکھ سے زائد افراد کو عارضی پناہ گاہوں میں منتقل کردیا گیا ہے۔

the cloud bands have touched coastal regions and thus the landfall process has commenced over north coastal Andhra Pradesh and adjoining south coastal Odisha. System will cross coasts between Kalingapatnam & Gopalpur, about 25 km to north of Kalingapatnam during next 3 hours.

— India Meteorological Department (@Indiametdept) September 26, 2021

ایسٹ کوسٹ ریلوے کی جانب سے طوفان گلاب کی وجہ سے 34 ٹرینوں کو منسوخ کر دیا گیا ہے آندھرا پردیش کی انتظامیہ نے لوگوں کو خبر دار کیا ہے کہہ تیز رفتار ہواوں کی وجہ سے بجلی کے کھمبے ، درخت نقصان کا سبب بن سکتے ہیں جبکہ تیز چوفانی بارشیں نہروں اور ندی نالوں میں خطرناک صورتحال پیدا کر سکتی ہیں۔

دوسری جانب پاکستان کی محکمہ موسمیات کا کہنا ہے کہ خلیج بنگال میں بننے والے طوفان ‘گلاب’ سے پاکستان کے ساحلی علاقوں کو کوئی خطرہ نہیں ہے-

خلیج بنگال میں بننے والے طوفان "گلاب” سے پاکستان کو خطرہ نہیں محکمہ موسمیات

محکمۂ موسمیات کے ترجمان نے 25 ستمبر کو جاری اپنے بیان میں کہا تھا کہ وسطی خلیجِ بنگال میں ہوا کا شدید کم دباؤ ڈیپ ڈپریشن میں تبدیل ہو رہا ہے، یہ ڈیپ ڈپریشن کراچی سے 2 ہزار 425 کلو میٹر دور ہے آج شام تک سائیکلونک طوفان بن سکتا ہے، سائیکلون کا رخ مغرب میں بھارت کی جانب ہے پاکستان کے کسی ساحلی علاقے کو اس طوفان سے خطرہ نہیں ہے۔

خیال رہےحکمہ موسمیات کا کہنا ہے کہ خلیج بنگال میں موجود ڈیپ ڈپریشن نے سائیکلونک طوفان کی شکل اختیار کر لی ہے جو کہ اپنی نوعیت کی نایاب موسمیاتی سرگرمی ہے کیوں کہ عام طور ستمبر میں بحیرہ عرب اور خلیج بنگال میں سائیکلون نہیں بنتے بلکہ یہ سائیکلون اکتوبر اور نومبر میں بنتے ہیں-

سائیکلون بننے پر اس کا نام گلاب رکھا گیا ہے جو کہ پاکستان کا تجویز کردہ نام ہے اور اس سائیکلون کے باعث وسطی بھارت اور گجرات کے بعد جنوبی پاکستان اور کراچی میں بھی بارشوں کا امکان ہے۔

سمندری طوفان ’گلاب‘ آج ساحل سے ٹکرائے گا ، متعقلہ ادارے ہائی الرٹ