Tag: اجلاس

اسلام آباد: پاکستان کی میزبانی میں ہونے والے شنگھائی تعاون تنظیم کے وزرائے تجارت کے اجلاس میں بھارت اپنا وفد اسلام آباد نہیں بھیجے گا۔

باغی ٹی وی: ذرائع کے مطابق ایس سی او وزرائے خارجہ کا اجلاس 12 ستمبر کو اسلام آباد میں ہوگا بھارت کی جانب سے میٹنگ میں آن لائن شرکت کا عندیہ دیا گیا ہے۔

واضح رہے کہ ایس سی او وزرائے تجارت کے اجلاس میں پاکستان کی طرف سے بھارتی وزیراعظم نریندر مودی کو شرکت کی دعوت دی گئی تھی ،وزارتِ خارجہ نے بتایا کہ بھارتی وزیرِ اعظم سمیت تمام رکن ممالک کو اجلاس میں شرکت کی دعوت دی گئی ہے ، وزارتِ خارجہ تمام ملکوں کے سربراہوں کی اجلاس میں شرکت کی تصدیق کی منتظر ہے آخری بار 2015 میں بھارت کی وزیر خارجہ سشما سوراج نے شنگھائی تعاون تنظیم کے اجلاس میں شرکت کے لیے پاکستان کا دورہ کیا تھا-

یو اے ای شہزادی نے” طلاق” کے نام سے پرفیوم متعارف کروا دیا

میتھین گیس خارج کرنے والے قدرتی کنوؤں کو سیل کرنے کا منصوبہ

سینکڑوں نوری سال دور بےترتیب مدار والے سیارے کی نشاندہی

اسلام آباد (محمد اویس) قومی اسمبلی میں وزراء کی عدم دلچسپی پر حکومت اتحادی بھی نالاں، وزیر نہ ہونے پر اپوزیشن رکن کی کورم کی نشاندہی کورم مکمل نہ ہونے پر اجلاس جمعہ تک ملتوی کردیا گیا ۔

منگل کو قومی اسمبلی کا اجلاس ڈپٹی اسپیکر سید غلام مصطفیٰ شاہ کی زیر صدارت ہوا۔ اجلاس شروع ہوتو توجہ دلاؤ نوٹس کے جواب دینے کے لیے متعلقہ وزیر نہیں تھے جس پر حکومت اتحادی نوید قمر نے کہاکہ اگر ساڑھے گیارہ کا وقت تھا، تو منسٹر صاحبان کی ڈیوٹی بھی ڈیوٹی ہےکہ ساڑھے گیارہ بجے پہنچ کر جواب دیں، حکومت سنجیدہ نہیں لے گی تو دنیا کیسے سنجیدہ لے گی، وزیر قانون اعظم نذیر تارڑ نے کہاکہ آج کابینہ میٹنگ تھی،اسی دوران اپوزیشن رکن اورنگزیب کھچی نے کورم کی نشاندہی کردی اپوزیشن ارکان ایوان سے اٹھ کر لابی میں چلے گئے،گنتی کرانے پر کورم پورا نہ نکلا جس پر ڈپٹی اسپیکر نے اجلاس جمعہ ساڑھے دس بجے تک ملتوی کردیا(محمداویس)

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

ہنی ٹریپ،لڑکی نے دوستوں کی مدد سے نوجوان کیا اغوا

قصور میں ایک اور جنسی سیکنڈل،خواتین کی عزت لوٹ کر ویڈیو بنا کر بلیک میل کرنیوالا گرفتار

عبدالقوی باز نہ آئے، ایک اور نازیبا ویڈیو وائرل

عمران ،بشریٰ بی بی غیر شرعی نکاح کیس ، عدالتی فیصلہ درست ہے، مفتی قوی

اپنی ہی بیوی کو نازیبا ویڈیو لیک کرنے کی دھمکی دینے والاپہنچا جیل

وزیرِ اعظم محمد شہباز شریف کی زیرِ صدارت وسط ایشیائی ممالک بالخصوص آذربائیجان کے ساتھ اقتصادی و سرمایہ کاری کے شعبے میں تعلقات کے فروغ کے حوالے سے اعلی سطحی اجلاس آج اسلام آباد میں منعقد ہوا۔

اجلاس میں وزیرِ اعظم کو پاکستان اور آذربائیجان کے مابین تجارت کے حجم، استعداد اور تجارت و سرمایہ کاری میں اضافے کیلئے اقدامات سے آگاہ کیا گیا۔وزیرِ اعظم نے متعلقہ حکام کو اقتصادی تعاون کے فروغ اور سرمایہ کاری میں اضافے کیلئے جامع لائحہ عمل تشکیل دے کر پیش کرنے کی ہدایت کر دی،دوران اجلاس بریفنگ میں بتایا گیا کہ پاکستان اور آزربائجان کے درمیان ترجیحی تجارتی معاہدے پر بات چیت ہو رہی ہے۔آزربائجان کیساتھ توانائی کے شعبے میں تعاون کی وسیع استعداد موجود ہے۔

وزیرِاعظم محمد شہباز شریف نےآذربائیجان کے ساتھ اقتصادی و سرمایہ کاری کے شعبے میں تعاون و تجارتی شراکت داری کو مضبوط کرنے کیلئے ایک جامع لائحہ عمل تشکیل دینے کی ہدایت کی اور کہا کہ جغرافیائی لحاظ سے پاکستان وسط ایشیائی ریاستوں کیلئے سمندر تک اقتصادی راہداری کا قدرتی راستہ فراہم کرتا ہے۔ آذربائیجان اور پاکستان کے مابین تجارت و سرمایہ کاری کے وسیع مواقع موجود ہیں۔ پاکستان اور آذربائیجان کے مابین تجارت کی استعداد اور موجودہ تجارت کو بڑھانے کیلئے جامع لائحہ عمل بنا کر پیش کیا جائے۔ پاکستان اور آذربائیجان کے مابین دیرینہ برادرانہ تعلقات ہیں جو دہائیوں پر محیط ہیں۔حکومت کی کاروبار و سرمایہ کاری دوست پالیسیوں کی بدولت ملک میں غیر ملکی سرمایہ کاری میں اضافہ ہورہا ہے۔

اجلاس میں نائب وزر اعظم اور وزیر خارجہ محمد اسحاق ڈار، وفاقی وزراء احسن اقبال، رانا تنویر حسین، عبدالعلیم خان، سردار اویس خان لغاری، ڈاکٹر مصدق ملک، جام کمال خان، معاون خصوصی طارق فاطمی اور متعلقہ اعلی حکام نے شرکت کی۔

عدالتی وقت کے بعد ٹرائل کیوں ہوا یہی کافی ہے کیس سزا معطلی کا ہے، وکیل سلمان صفدر

عدت کیس میں فیصلہ کرنے کیلیے 12 جولائی تک کا وقت ہے،جج

دوران عدت نکاح کیس،خاور مانیکا 21 جون کو طلب،پیش نہ ہوئے تو فیصلہ ہو گا،عدالت

دوران عدت نکاح کیس،سزا کیخلاف اپیلوں پر دس دن میں فیصلے کا حکم

دوران عدت نکاح کیس،بشریٰ بی بی کے بعد عمران خان کی بھی اپیل دائر

زلفی بخاری میری بیٹیوں کو کالز کرتا ہے، خاور مانیکا عدالت میں پھٹ پڑے

بشریٰ بی بی کو سزا،خاور مانیکا کا ردعمل،نااہلی کے فیصلے پر حیران

منگل کو چیئرمین سینیٹ یوسف رضا گیلانی کی زیر صدارت اجلاس ہوا۔

سرکاری ملکیتی ادارے گورننس اینڈ آپریشنز ترمیمی آرڈیننس سینیٹ میں پیش کردیا گیا وزیر مملکت خزانہ علی پرویز ملک نے آڈیننس پیش کیا۔ سرکاری ملکیتی ادارے گورننس اینڈ آپریشنز ترمیمی آرڈینسس بل متعلقہ کمیٹی کےسپرد کردیا گیا.

سینیٹر خالدہ عطیب نے اجلاس میں اظہار خیال کرتے ہوئے کہاکہ کل ایمل ولی نے کہا کہ میرا تعلق مہاجر قومی موومنٹ سے ہے، میں وضاحت کروں کہ میرا تعلق متحدہ قومی موومنٹ سے ہے،میں اس بات کی تصیح کرتی ہوں کہ ہم بلا تفریق ہر قومیت کی بات کرتے ہیں۔

اگر اپوزیشن کو دیوار سے لگائیں گے تو ایوان کو چلنے نہیں دیں گے، شبلی فراز
قائد حزب اختلاف شبلی فراز نے کہاکہ پریزائیڈنگ افسران کا رویہ نامناسب رہا ہے آئندہ ایسے پریزائیڈنگ نہ بنائیں جو پانچ منٹ کی ملنے والی ذمہ داری کو پامال کریں ہمارے سولات اور توجہ دلائو نوٹس شامل نہیں کیے جاتے جو قابل مذمت ہے آپ اپوزیشن کو دیوار سے لگانا چاہتے ہیں ایسا نہیں چلے گا ہمارے سوالات کو مسترد نہیں کیا جا سکتا ، یہ ہمارا آئینی و قانونی حق بنتا ہےہم یہاں حکومت کو بے نقاب کرنے کے لیے ہیں سوالات کی اجازت نہ دینا تشویشناک ہے، میں مسترد کیے گئے سوالات کی فہرست چیئرمین سینیٹ کو فراہم کروں گا ،پیپلزپارٹی کی پارلیمانی لیڈر نے گزشتہ روز ایک قرارداد پیش کی آپ جو قرارداد منظور کرنا چاہتے ہیں وہ یکطرفہ طور پر لگا دیتے ہیں وہ قرارداد ہمیں دکھائی تک نہیں گئی آپ نے ہائوس کو ایک راجواڑہ بنا دیا ہےاگر اپوزیشن کو دیوار سے لگائیں گے تو ایوان کو چلنے نہیں دیں گے، پیپلزپارٹی خود کو جمہوری جماعت کہنا بند کردے آپ یہ نہ سمجھیں کہ آپ ہمیشہ یہاں بیٹھے رہیں گے اس زعم میں کوئی نہ رہے کہ ہم یہ ہیں ہم وہ ہیں ،کل آپ کو ہماری ضرورت پڑے گی ،ہمیں آج بھی ہے ، چیئرمین سینیٹ ایوان کے کسٹوڈین ہیں کسی ایک جماعت کے نہیں ،چیئرمین سینیٹ ہمارے تحفظات کو ختم کریں ۔

قائد حزب اختلاف روزانہ ماتھے پر غصہ لے کر آتے ہیں،اتنا سریا اچھا نہیں ہوتا، شیری رحمان
سینیٹر شیری رحمان نے کہاکہ میں نہیں سمجھتی کہ سوالات نظر انداز ہونے چاہئیں قائد حزب اختلاف سراپا احتجاج ہیں، قرارداد سے متعلق قائد حزب اختلاف غلط بیانی کررہے ہیں، میں نے وزیرقانون سے قرارداد پر اپوزیشن کے دستخط کروانے کی التجا کی تھی وزیرقانون نے بتایا کہ وہ دستخط نہیں کررہے یہ نہیں ہوسکتا کہ حکومت قرارداد لائے اور اپوزیشن سے بات نہ کرے،اپوزیشن لیڈر سن لیں اتنا سریا اچھا نہیں ہوتا ،میں بطور اپوزیشن لیڈر آپ کو ساتھ لے کر چلتی تھی، کسی ایک رکن کی بھی توقیر ہوتی ہے قائد حزب اختلاف روزانہ ماتھے پر غصہ لے کر آتے ہیں، پاکستان میں جتھوں کا معاملہ ایک حساس معاملہ ہے، ہم نے قرارداد میں صرف خیبرپختونخواہ کا نہیں پنجاب اور دیگر صوبوں کا بھی ذکر کیا آپ اپنے گریبان کو جھانکیں کنپٹی پر پستول رکھ کر باتیں کی، شاید قائد حزب اختلاف کو ایسا کرنے کی ہدایات ہیں میں روز کھڑے ہوکر نہیں کہتی کہ ہمارے سب سے زیادہ ممبر ہیں دہشتگردی کے خلاف آپریشن پہلے بھی ہوئے ہیں آپ نے ہمیں بجٹ پر بحث نہیں کرنے دی، آپ نے ایوان میں جو رویہ رکھا بہت افسوسناک ہے کوئی معقول بات لے کر آئیں آپ کے ساتھ کھڑے ہوں گے ،سینیٹ کے بجٹ کے حوالے سے اختیارات بہت محدود ہیں یہ ایوان سیکنڈ کلاس نہیں ہے یہ صوبوں میں توازن رکھتا ہے سینیٹ نے قومی اسمبلی کو 128 بجٹ سفارشات پیش کی ہیں جس پر ہمارا کوئی اختیار نہیں ،امریکہ میں بجٹ دونوں ایوانوں سے منظور ہوتا ہے .قومی اسمبلی سینیٹ کے کئی دن کے کام کو ایک منٹ میں مسترد کردیتی ہے، بجٹ میں ہمارا کردار اس لئے نہیں کہ سینیٹ براہ راست منتخب نہیں ہوا سینیٹ کے انتخاب کا طریقہ تبدیل کردیں ہم براہ راست منتخب ہوکر آجائیں گے قائد ایوان اسحاق ڈار نے قومی اسمبلی میں کھڑے ہوکر سینیٹ کے اختیارات کا دفاع کیا ۔

امن کی بحالی کے لیے استحکام پاکستان آپریشن کی حمایت کرتے ہیں،سینیٹر منظور احمد کاکڑ
سینیٹر منظور احمد کاکڑ نے اظہار خیال کرتے ہوئے کہاکہ پاکستان میں دو سو یونیورسٹیاں ہیں جن کے لئے بجٹ میں صرف ساٹھ ارب روپے رکھے گئے ہیں ہمیں اپنی نئی نسل کو معیاری تعلیم دینے کی ضرورت ہےہمیں نوجوانوں کو تعلیمی وظائف دینے کے لئے فنڈز رکھنے چائیےہمیں عوام کو مشکلات سے نکالنے کے لئے سوچنا ہو گاپاکستان میں امن کی بحالی کے لیے استحکام پاکستان آپریشن کی حمایت کرتے ہیں ہمیں دہشت گردی کو جڑ سے اکھاڑنے کی ضرورت ہے امن ہو گا تو ملک ترقی کرے گا۔سینیٹ اجلاس غیر معینہ مدت کے لئے ملتوی کردیا گیا

آپریشن عزم استحکام کا مقصد کیا؟ وزیراعظم آفس سے اعلامیہ جاری

آپریشن عزم استحکام کی مخالفت کر کے کیا پی ٹی آئی ملک دشمن قوتوں کی حمایت کر رہی ہے؟ شیری رحمان

ماضی کے جتنے آپریشن ہوئےانکے نتائج تو سامنے رکھیں،مولانا فضل الرحمان

ایپکس کمیٹی میں ایک نام عزم استحکام آیا لیکن آپریشن کا ذکر نہیں تھا،وزیراعلیٰ خیبرپختونخواہ

آپریشن عزم استحکام،کامیابی کیلئے اتحاد ضروری،تجزیہ: شہزاد قریشی

وفاقی کابینہ اجلاس، آپریشن عزم استحکام کی منظوری دے دی گئی

اسلام آباد: وزیراعظم شہبازشریف نے وفاقی کابینہ کااجلاس آج طلب کرلیا-

باغی ٹی وی : وزیراعظم شہبازشریف نے وفاقی کابینہ کااجلاس آج بروز منگل طلب کرلیا ہے جس میں وہ اپنے حالیہ دورہ چین کے حوالے سے کابینہ اراکین کو اعتماد میں لیں گے ،اجلاس میں آئندہ مالی سال کے بجٹ کےحوالے سے امور بھی زیرغور آئیں گے اور ای سی سی کے فیصلوں کی بھی توثیق کی جائے گی۔

وفاقی حکومت کی جانب سے 18 ہزار ارب روپے کے لگ بھگ حجم پر مشتمل وفاقی بجٹ بدھ کو پارلیمنٹ میں پیش کیا جائے گا ، بجٹ میں سرکاری ملازمین کی تنخواہوں میں 10 سے15 فیصد تک اضافہ متوقع ہے جبکہ ٹیکس وصولیوں کا ہدف 12.9 ٹریلین روپے مقرر کیے جانے کا امکان ہے-

9 مئی: میانوالی ائربیس پر حملے کے تمام ملزمان باعزت بری

آئی ایم ایف نے پاکستان سے آئندہ مالی سال کا ٹیکس ہدف 12 ہزار 900 ارب روپے مقرر کرنے کا مطالبہ کیا ہے جس کیلیے ایف بی آر کو 3 ہزار 490 ارب روپے کی زائد ٹیکس وصولی کرنا ہوگی، اسی طرح آئی ایم ایف نے انکم ٹیکس جمع کرانے والوں کی تعداد دوگنا کرکے یہ تعداد بڑھا کر 60 لاکھ سے زائد کرنے اور تاجروں کو ہر صورت انکم ٹیکس نیٹ میں لانے کا مطالبہ کیا ہے۔

افریقی ملک کے نائب صدر کا طیارہ لاپتہ ہو گیا

اسلام آباد: وفاقی وزیر خزانہ و محصوولات محمد اورنگزیب کی زیر صدارت اقتصادی رابطہ کمیٹی کا اجلاس ہوا-

باغی ٹی وی : وفاقی وزیر خزانہ و محصوولات سینیٹر محمد اورنگزیب کی زیر صدارت کابینہ کی اقتصادی رابطہ کمیٹی (ای سی سی) کا اجلاس آج (پیر ) کوفنانس ڈویژن میں ہوا۔

اجلاس میں وزیر تجارت جام کمال خان، وزیر بجلی سردار اویس احمد خان لغاری، وزیر پٹرولیم مصدق مسعود ملک، وزیر صنعت و پیداوار رانا تنویر حسین، وزیر اقتصادی امور احد خان چیمہ،نے شرکت کی۔ وزیر مملکت برائے خزانہ و محصولات علی پرویز ملک، گورنر اسٹیٹ بینک، چیئرمین ایس ای سی پی، وفاقی سیکریٹریز، اور متعلقہ وزارتوں کے دیگر اعلیٰ حکام بھی اجلاس میں شریک ہوئے ۔

کابینہ کمیٹی نے مختلف وزارتوں/ ڈویژنوں کے لیے درج ذیل ٹیکنیکل سپلیمنٹری گرانٹس کی منظوری دی:

ای سی سی نے وزارت داخلہ کی فوجیوں کے اخراجات/گزارہ الاؤنس کی ادائیگی کے لیے 2.363 ملین روپے کی فراہمی کی درخواست کی منظوری دی ، انٹیلی جنس بیورو ڈویژن کی جانب سے200 ملین روپے کے فنڈز کی فراہمی کی درخواست کی منظوری دی گئی، وزارت قانون و انصاف کی جانب سے 19.373 ملین روپے فراہم کرنے کی درخواست کی گئی تھی جس کی ای سی سی نے اپنے اجلاس کے دوران منظوری دی۔

کمیٹی نے سٹریٹجک پلانز ڈویژن / سپارکو کی "پاکستان ملٹی مشن کمیونیکیشن سیٹلائٹ سسٹم” کے عنوان سے منصوبے کی ضروریات کو پورا کرنے کے لیے 4,050.686 ملین روپے کی فراہمی کی درخواست کی بھی منظوری دی۔

مزید برآں، اقتصادی رابطہ کمیٹی نےوزارت صنعت و پیداوار کی جانب سے ایس این جی پی ایل کی گیس سے چلنے والے پلانٹس کو 31 مارچ 2024 سے 30 ستمبر 2024 تک 6 ماہ کی مدت کے لیے کام کرنے کی اجازت دینے کی تجویز بھی منظور کرلی تاکہ خریف سیزن کے لیے یوریا کھاد کی ہموار فراہمی کو یقینی بنایا جا سکے۔

دوسری جانب پاکستان میں امریکی سفیر ڈونلڈ بلوم نے کہا ہے کہ امریکا پاکستان کے معاشی مستقبل کیلئے ایک مضبوط پارٹنر ہے، وزیر خزانہ محمد اورنگزیب سے امریکی سفیر ڈونلڈ بلوم نے ملاقات کی جس میں پاک امریکا تجارت، سرمایہ کاری اور اقتصادی تعلقات کے اہم پہلووٴں پر تبادلہ خیال کیا گیا۔

اس موقع پر امریکی سفیر ڈونلڈ بلوم نے پاکستان کے معاشی اصلاحات کے ایجنڈے کیلئے جاری امریکی حمایت پر روشنی ڈالی، امریکی سفیر کا کہنا تھا کہ امریکا پاکستان کےساتھ تکنیکی اور ترقیاتی اقدامات میں کام کرنےکیلئے پرعزم ہے،امریکا پاکستان کی سب سے بڑی ایکسپورٹ مارکیٹ اور پاکستان کے معاشی مستقبل کیلئے ایک مضبوط پارٹنر ہے۔

وفاقی وزیر خزانہ و محصولات سینیٹر محمد اورنگزیب سے احتصالات انٹرنیشنل پاکستان کے چیئرمین عبدالرحمن الرحیم النوریانی نے بھی پیر کو ملاقات کی،وزارت خزانہ کے ترجمان کی طرف سے جاری بیان کے مطابق پی ٹی سی ایل /یو فون کے صدر اور سی ای او حاتم بما طرف بھی اس موقع پر موجود تھے، ملاقات میں دوطرفہ دلچسپی کے امور پر تبادلہ خیال کیاگیا-