Tag: اسرائیل

امریکا نے اسرائیل کو 7 ارب ڈالر سے زائد کے ہتھیار فروخت کرنے کی منظوری دی ہے-

باغی ٹی وی : امریکی محکمہ دفاع کی جانب سے جاری بیان میں کہا گیا ہے محکمہ خارجہ نے اسرائیل کو 7 اعشاریہ 4 بلین ڈالر کے ہتھیار فروخت کرنے کی منظوری دے دی ہےڈیموکریٹک ارکان کانگریس نے ٹرمپ انتظامیہ سے اسرائیل کو ہتھیاروں کی فروخت کو روکنے کی درخواست کی تھی۔

باغی ٹی وی : امریکی محکمہ خارجہ کے مطابق کانگریس کو ہتھیاروں کی 2 الگ الگ کھیپوں کے بارے میں آگاہ کیا گیا جن میں سے ایک چھ اعشاریہ 75 ارب ڈالر کی ہے اس میں گولہ بارود، گائیڈنس کِٹس اور دیگر متعلقہ سامان کے ساتھ ساتھ چھوٹے قطر کے 166 بم ، پانچ پاؤنڈ وزن کے 2800 بم وغیرہ شامل ہیں، ان ہتھیاروں کی فراہمی رواں برس شروع ہو جائے گی۔

ڈونلڈ ٹرمپ نے جنوری میں صدارت سنبھالنے کے بعد اسرائیل کو 2 ہزار پاؤنڈ والے بموں کی ترسیل کی اجازت دے دی تھی ان بموں کی ترسیل پر جو بائیڈن انتظامیہ نے اس خدشے کے تحت پابندی عائد کی تھی کہ ان سے شہریوں کی ہلاکتیں ہو سکتی ہیں اسرائیل کے لیے امریکی ہتھیاروں کی دوسری کھیپ میں تین ہزار ہیلفائر میزائل اور ان سے متعلق سامان شامل ہےان ہتھیاروں کی مالیت 660 ملین ڈالر ہے اور ان کی ترسیل کا آغاز 2028 میں متوقع ہے۔

پاکستان میں بیروز گاری کی شرح بھارت اور بنگلا دیش سے بھی زیادہ ،پلاننگ کمیشن

تباہ ہونے والا چھوٹا امریکی طیارہ جمے ہوئے سمندر میں مل گیا

امریکا ، اسرائیل کو 7 ارب ڈالر سے زائد کے ہتھیار فروخت کرے گا

حماس نے اسرائیل پر غزہ جنگ بندی معاہدے کی خلاف ورزیوں کا الزام لگاتے ہوئے آج ہفتے کورہا ہونے والے اسرائیلی یرغمالیوں کے نام جاری کرنے میں تاخیر کی، تاہم حماس نے 3 اسرائیلی قیدیوں کے نام جاری کر دیئے-

باغی ٹی وی: غزہ کے سرکاری میڈیا آفس کے سربراہ سلامہ معروف کے مطابق حماس ہلاک ہونیوالے اسرائیلی یرغمالیوں کی باقیات کے حوالے کرنے کے اپنے وعدے کو پورا نہیں کر سکے گی کیونکہ وہ غزہ میں ملبے تلے دبی فلسطینیوں کی 12 ہزار لاشوں میں شامل ہیں اور اسرائیل ملبے ہٹانے والی بھاری مشینری کو غزہ پٹی میں داخل ہونے سے روک رہا ہے۔

اسرائیل نے گزشتہ 20 روز میں ضرورت کے مطابق 12 ہزار کی بجائے 8500 امدادی ٹرک غزہ میں داخل ہونے دئیے، اقوام متحدہ نے عالمی قوتوں سے غزہ میں امداد کی سپلائی بڑھانے کا مطالبہ کردیا ہے۔

گھی کی قیمتیں کم نا ہو سکیں ،شہری پریشان،نوٹس کی اپیل

دوسر ی جانب حماس کی جانب سے آج رہا کیے جانے والے 3 اسرائیلی یرغمالیوں کے نام جاری کردیئے گئے ہیں۔

خبرایجنسی کے مطابق اسرائیل آج 3 یرغمالیوں کے بدلے 183 فلسطینی قیدیوں کو رہا کرے گا،3 اسرائیلی قیدی ایلی شارابی، لیوی اور اوہد بن آمی کے نام اسرائیل کو بھجوا دیئے گئے،رپورٹ میں بتایا گیا کہ 15 اسرائیلی اور 5 تھائی باشندوں کے بدلے اب تک 300 فلسطینیوں کو رہا کیا گیا ہے۔

واضح رہے کہ اسرائیل حماس کے درمیان جنگ بندی معاہدہ 19 جنوری سے نافذ ہے اور مرحلہ وار قیدیوں کا تبادلہ کیا جا رہا ہے-

ٹک ٹاک کا پاکستان کری ایٹر ایوارڈز 2024 کی نامزدگیوں کا اعلان

تل ابیب: اسرائیلی وزیر خارجہ گیدون سار نے اعلان کیا ہے کہ اسرائیل اقوام متحدہ حقوقِ انسانی حقوق کونسل (یو این ایچ آر سی) سے دستبردار ہو رہا ہے۔

باغی ٹی وی : اسرائیلی وزیرخارجہ نے اقوام متحدہ کے انسانی حقوق کونسل کے صدر جورگ لاوبر کو ایک خط میں کہا ہے، جسے انہوں نے سوشل میڈیا پلیٹ فارم پر پوسٹ کیا ہے انہوں نے لکھا کہ یہ فیصلہ اقوام متحدہ کے انسانی حقوق کونسل میں اسرائیل کے خلاف جاری اور بے رحمانہ ادارہ جاتی تعصب کے پیش نظر کیا گیا ہے، جو 2006 میں اس کے قیام کے بعد سے مسلسل جاری ہے۔

گیدون سار نے ایکس پر (یو این ایچ آر سی) پر ”یہودی دشمن“ ہونے کا الزام عائد کرتے ہوئے دعویٰ کیا کہ یہ ادارہ “ مشرق وسطیٰ کی واحد جمہوریت اسرائیل کو جنونی طور پر شیطان کی حیثیت سے بیان کرتا ہےانہوں نے یہ دعویٰ کرتے ہوئے کہ اس کے ساتھ امتیازی سلوک کیا جا رہا ہے، اعلان کیا کہ اسرائیل کونسل سے دستبردار ہو رہا ہے۔

فلپائن میں امریکی طیارہ گر کر تباہ، 4 افراد ہلاک

دوسری جانب اقوام متحدہ میں اسرائیل کے مندوب ڈینی ڈینن نے کہا ہے کہ ان کا ملک امریکا کے ساتھ کھڑا رہے گا، اور اقوام متحدہ کی انسانی حقوق کونسل میں شرکت نہیں کرے گا۔

الجزیرہ کے مطابق امریکی وزیر دفاع پیٹ ہیگزیتھ نے کہا ہے کہ امریکی فوج غزہ میں تمام آپشنز پر غور کرنے کے لیے تیار ہے، جب کہ نیتن یاہو نے پینٹاگون کے دورے کے ساتھ واشنگٹن کا اپنا دورہ جاری رکھا ہے۔

سپارکو کا روورچانگی-8 مشن کے ذریعے چاند کی سطح پر اترنے کے لیے تیار

واشنگٹن:امریکی صدر ڈونلڈ ٹرمپ نے کہا ہے کہ میرے منصوبے کے مطابق جنگ کے خاتمے کے بعد اسرائیل کے ذریعے غزہ کی پٹی امریکا کے حوالے کر دی جائے گی۔

باغی ٹی وی: سوشل میڈیا پر اپنے بیان میں انہوں کہا کہ غزہ کی پٹی اسرائیل کے ذریعے صرف اس وقت امریکا کے حوالے کی جائے گی جب اس جنگ زدہ علاقے میں لڑائی ختم ہو جائے گی اور اس کی استحکام کو برقرار رکھنے کے لیے امریکی فوجیوں کی ضرورت نہیں ہوگی۔

امریکی اخبار فنانشل ٹائمز کے مطابق امریکی صدر نے اپنی ٹروتھ سوشل پوسٹ پلیٹ فارم پر ایک پوسٹ میں کہا ہے کہ غزہ کی پٹی اسرائیل کے ذریعے امریکا کے حوالے کی جائے گی، جب لڑائی ختم ہوجائے گی، غزہ میں ترقی کی تعمیر کےلیے دنیا بھر کی ترقیاتی ٹیموں کے ساتھ مل کر کام کرے گا، غزہ کے لیے امریکا کو کسی فوجی کی ضرورت نہیں ہوگی،امریکا آہستگی اور احتیاط سے غزہ کی تعمیر شروع کرے گا، غزہ تعمیر نو اپنی نوعیت کی سب سے عظیم اور سب سے شاندار پیش رفت میں سے ایک بن جائے گی۔

سپارکو کا روورچانگی-8 مشن کے ذریعے چاند کی سطح پر اترنے کے لیے تیار

واضح رہے کہ گزشتہ روز امریکی صدر ڈونلڈ ٹرمپ نے غزہ کی پٹی پر طویل عرصے تک قبضہ کرنے کا اعلان کرتے ہوئے کہا تھا کہ امریکا غزہ کو اپنے قبضے لے گا اور ضرورت پڑنے پر ظاقت کا استعمال بھی کرے گا-

اڈیالہ جیل جانے سے روکے جانے پر فیصل چودھری کی درخواست

غزہ میں جنگ بندی کے بعد اسرائیل نے مغربی کنارے میں فلسطینیوں کا قتل عام تیز کردیا۔

باغی ٹی وی : عرب میڈیا رپورٹس کے مطابق اسرائیل فوج کے آپریشن میں 16 سال کے لڑکے سمیت پانچ فلسطینی شہید ہوگئے ہفتے کو اسرائیلی جیلوں سے رہا کیے جانے والے بیشتر فلسطینی بیمار اور اسرائیلی تشدد سے زخمی ہیں۔

العربیہ کی رپورٹ کے مطابق فلسطینی وزارتِ صحت نے کہا کہ اسرائیلی افواج نے ہفتے کے روز مقبوضہ مغربی کنارے کے علاقے جنین میں الگ الگ حملوں میں 5 افراد کو شہید کر دیا جہاں وہ ایک بڑی فوجی کارروائی کر رہے ہیں جنین کے مشرقی محلے پر اسرائیلی فضائی حملے میں 16 سالہ احمد السعدی شہید اور دیگر دو افراد شدید زخمی ہو گئے ایک اور حملے میں قریبی قصبے قباطیہ میں ایک گاڑی نشانہ بنی جس میں دو افراد شہید ہو گئے جبکہ تیسرے حملے میں وسطی جینین میں دو افراد شہید ہوئے۔

وفاقی وزیر داخلہ اور اسپیکر قومی اسمبلی کی ملاقات، ملک کی مجموعی صورتحال پر تبادلہ خیال

جینین کے گورنر کمال ابو الرب نے اے ایف پی کو بتایا کہ جس حملے میں ایک بچہ (سعدی) شہید ہوا، اس کے بعد ایک اسرائیلی ڈرون حملے نے قباطیہ میں ایک گاڑی کو نشانہ بنایا اور دو نوجوان شہید ہو گئے اس کے چند منٹ بعد جینن میں ایک اور ڈرون حملے میں دو اور نوجوان شہید ہو گئے جو ایک موٹر سائیکل پر سوار تھے۔

اسرائیلی فوج نے تصدیق کی کہ اس نے قباطیہ کے علاقے میں ایک گاڑی کو نشانہ بنایا، فوج نے کہا، "شمالی سامریہ (مغربی کنارے کے انتہائی شمال) میں انسدادِ دہشت گردی کارروائی کے ایک حصے میں اسرائیلی فضائیہ کے ایک طیارے نے قباطیہ کے علاقے میں دہشت گردوں کی ایک گاڑی کو نشانہ بنایا”۔

اس بار لانگ مارچ کیلئے نکلے تو کسی سے کوئی بات نہیں ہو گی،جنید اکبر

سعدی کی شہادت کے بارے میں سوال پر فوج نے اے ایف پی کو بتایا کہ فضائیہ نے "جینین کے علاقے میں مسلح دہشت گردوں کو نشانہ بنایا”۔

گذشتہ مہینے اسرائیلی فوج نے "آئرن وال” کے نام سے ایک حملہ شروع کیا تھا جس کا مقصد مغربی کنارے کے علاقے جنین سے فلسطینی مزاحمت کار گروہوں کو جڑ سے اکھاڑ پھینکنا تھا جینین اور اس سے ملحقہ پناہ گزین کیمپ طویل عرصے سے فلسطینی مزاحمت کا بڑا مرکز رہا ہے اور 2023 میں غزہ جنگ شروع ہونے کے بعد سے پورے علاقے میں تشدد میں اضافہ ہوا ہے۔

سعودی طیارہ اسلام آباد ائیر پورٹ پر لینڈنگ سے پہلے راستہ بھٹک گیا

غزہ جنگ بندی معاہدے کے تحت چوتھے مرحلے میں تین اسرائیلیوں کے بدلے 183 فلسطینی قیدی رہا کر دیے گئےمقبوضہ مغربی کنارے اور غزہ میں فلسطینی قیدیوں کا پُرجوش استقبال کیا گیا، 9 ماہ بعد کھولی جانے والی رفح کراسنگ غزہ سے مریضوں کا پہلا قافلہ مصر پہنچ گیا-

تل ابیب: اسرائیلی وزیر اعظم نیتن یاہو نے ریٹائرڈ میجر جنرل ایال ضمیر کو اسرائیلی فوج کا نیا چیف آف اسٹاف مقرر کر دیا۔

باغی ٹی وی : اسرائیلی میڈیا رپورٹ کے مطابق 7 اکتوبر 2023 کو حماس کے حملے کو روکنے کی ذمہ داری قبول کرتے ہوئے سابق چیف آف اسٹاف جنرل ہرزی حلوی کے مستعفی ہونے کے بعد یہ فیصلہ کیا گیانیتن یاہو کے دفتر نے ایک بیان جاری کیا کہ وزیراعظم نیتن یاہو اور وزیر دفاع اسرائیل کاٹز نے آج شام میجر جنرل (ریزرو) ایال ضمیر کو (اسرائیلی فوج کے اگلے چیف آف اسٹاف کے طور پر تقر ری پر اتفاق کیا ہے۔

رپورٹ کے مطابق ریٹائرڈ میجر جنرل ایال ضمیر اسرائیلی فوج میں 28 سال کا تجربہ رکھتے ہیں، انہوں نے 2018 سے 2021 تک ڈپٹی چیف آف اسٹاف کے طور پر فرائض انجام دیے، اس سے پہلے، انہوں نے غزہ کی سرحد کے ساتھ ملٹری آپریشنز اور دفاع کی نگرانی کر تے ہوئے سدرن کمانڈ کی سربراہی کی، ضمیر نے وزیر اعظم بنجمن نیتن یاہو کے ملٹری سیکرٹری کے طور پر بھی خدمات انجام دیں۔

لاہور، سندھ اور بلوچستان ہائیکورٹ سے 3 ججز کا اسلام آباد ہائیکورٹ میں تبادلہ

نئے چیف آف اسٹاف کےطور پر ایال ضمیر کی تقرری اسرائیل کے لیے ایک انتہائی مشکل وقت میں ہوئی ہے یہ ملک اس وقت غزہ میں ایک طویل اور شدید تنازع میں الجھا ہے، سبکدوش ہونے والے اسرائیلی فوج کے سابق سربراہ ہرزی حلوی نے نئے آرمی چیف ایال ضمیر کو ان کے نئے عہدے پر مبارکباد دی اور اقتدار کی ہموار منتقلی کا وعدہ کیا، حلوی 6 مارچ کو باضابطہ طور پر سبکدوش ہو جا ئیں گے۔

سپریم کورٹ میں چندلوگ اسٹیبلشمنٹ کا ساتھ دے رہے ہیں،حامد خان

غزہ: فلسطینی مزاحمتی تنظیم حماس اور اسلامک جہاد نے 5 تھائی باشندوں سمیت 8 یرغمالی رہا کردیئے۔

باغی ٹی وی: عرب میڈیا کے مطابق فلسطینی مزاحمتی تنظیم حماس اور اسلامک جہاد نے 5 تھائی باشندوں سمیت 8 یرغمالی رہا کردیے جن میں 3 اسرائیلی شہری بھی شامل ہیں،اسرائیلی خاتون فوجی اگم برگر کو جبالیہ میں فلاحی تنظیم ریڈکراس کے حوالے کیا گیا جبکہ مزید 2 سیویلینز یرغمالیوں جن میں ایک خاتون اربیل یہود میں شامل ہیں انہیں غزہ کے شہر خان یونس میں رہا کیا گیا 80 سالہ گادی موسیس کو بھی رہا کیا گیا حماس نے آج 5 تھائی یرغمالی بھی رہا کردیئے ہیں جنہیں ریڈ کراس حکام کے حوالے کیا گیا ہے جو انہیں اسرائیلی حکام کے حوالے کریں گے۔

شعبان کا چاند نظر آگیا، شب برات 13 فروری کو ہوگی

حماس نے اسرائیلی یرغمالیوں کی رہائی کے لیے جو مقام چُنا اس نے سب کو حیران کردیا یہ اسرائیلی فوج سے دلیرانہ لڑتے ہوئے جان قربان کرنے والے یحیٰ السنوار کا تباہ حال گھر تھااس موقع پر جذباتی مناظر دیکھے گئے فلسطینیوں کی بڑی تعداد اپنے رہنما کے کھنڈر بنے گھر کے نزدیک موجود تھے اور ان کی یاد میں رو رہے تھے۔

حماس نے کمال ضبط کا مظاہرہ کرتے ہوئے یرغمالیوں کو بحفاظت ریڈ کراس کے حوالے کیا اور پیغام دیا کہ اپنے رہنما کی شہادت اور کھنڈر بنے گھر کے باوجود صبر و تحمل کے ساتھ ایفائے عہد نبھایا۔

محسن عباس حیدر کا سیٹ پر نشہ کرکے آنیوالے مرد و خواتین پرپابندی لگانے کا مطالبہ

واضح رہےکہ غزہ جنگ بندی معاہدےکےتحت آج 110فلسطینی قیدیوں کی رہائی کےبدلےمیں 8 یرغمالیوں کو رہا کیاجانا ہے، اسرائیلی یرغمالیوں اور فلسطینی قیدیوں کا یہ تبادلہ قطر میں طے پانے والے غزہ جنگ بندی معاہدے کا پہلا مرحلہ ہے۔

واشنگٹن: امریکی صدر ڈونلڈ ٹرمپ نے سابق صدر جو بائیڈن کے احکامات واپس لے کر اسرائیل کو 2 ہزار پاؤنڈ وزنی بم فراہم کرنے کا حکم دے دیا۔

باغی ٹی وی: برطانوی خبر رساں ادارے روئٹرز کی رپورٹ کے مطابق صدر ڈونلڈ ٹرمپ نے امریکی فوج کو ہدایت کی کہ وہ سابق صدر جو بائیڈن کی طرف سے اسرائیل کو 2 ہزار پاؤنڈ وزنی بموں کی فراہمی پر عائد پابندی ختم کرے –

روئٹرز کے مطابق ڈونلڈ ٹرمپ نے یہ بات ہفتے کو بتائی جبکہ ان کی جانب سے اس اقدام کی پہلے ہی توقع کی جا رہی تھی۔

وزیراعظم کا سیکیورٹی فورسز کو خراج تحسین

ڈونلڈ ٹرمپ نے ایئر فورس ون طیارے میں صحافیوں سے گفتگو کرتے ہوئے بتایا کہ ہم نے انہیں جاری کردیا، ہم نے انہیں آج جاری کیا، وہ انہیں حاصل کرلیں گے، انہوں نے ان کے لئے ادائیگی کی اور وہ طویل عرصے سے ان کے لیے انتظار کر رہے تھے، وہ اسٹوریج میں پڑے تھے جب ٹرمپ سے سوال کیا گیا کہ انہوں نے طاقتور بم کیوں فراہم کیے تو ڈونلڈ ٹرمپ نے جواب دیا کہ کیونکہ انہوں نے انہیں خریدا تھا۔

نئی امریکی انتظامیہ کی طالبان رہنماؤں کے سروں کی قیمتیں مقرر کرنے کی دھمکی

واضح رہے کہ جو بائیڈن نے ان بموں کی فراہمی روک دی تھی کیونکہ انہیں خدشات تھے کہ ان بموں کے اسرائیل کی غزہ خاص طور پر رفح میں جاری کارروائی کے دوران عام آبادی پر اثرات ہوں گے 2ہزار پاؤنڈ وزنی ایک بم کنکریٹ کی موٹی دیوار اور کسی بھی دھات کو تباہ کر سکتا ہے، اس دھماکے سے پیدا ہونے والی شدت بہت بڑے علاقے کو متاثر کرتی ہے۔

موسمیاتی تبدیلی، ڈیٹا پروٹیکشن اور معاشی عدم مساوات اس دور کے چیلنج ہیں،بلاول

یاد رہے کہ روئٹرز نے گزشتہ برس رپورٹ کیا تھا کہ بائیڈن انتظامیہ نے 7 اکتوبر 2023 کو غزہ سے فلسطینی مزاحمتی تنظیم حماس کی کارروائی کے بعد اسرائیل کو ہزاروں 2 ہزار پاؤنڈ بم فراہم کیے تھے لیکن ایک کھیپ روک لی تھی۔

تل ابیب:اسرائیل کی جانب سے جنگ بندی معاہدے کی خلاف ورزی کرتے ہوئے جنوبی لبنان میں فوج کی تعیناتی برقرار رکھنے کا اعلان کردیا۔

باغی ٹی وی : عالمی خبرساں ادارے کے مطابق اسرائیلی وزیراعظم نیتن یاہو کے دفتر نے دعویٰ کیا ہے کہ معاہدے پر مکمل عملدرآمد نہ ہوا علاقے سے اسرائیلی فوج کا انخلا لبنانی فوج کی تعیناتی اور معاہدے پر عمل درآمد پر منحصر ہے معاہدے کے تحت جنوبی لبنان سے پیر کی صبح 4 بجے تک اسرائیلی فوج اور حزب اللہ کے جنجگوؤں کا انخلا اور لبنانی فوج کی تعیناتی ہونی ہے۔

دوسری جانب جنگ بندی معاہدے کے باوجود فلسطین میں بھی اسرائیل کی دہشت گردی جاری ہے,قباطیہ میں ایک گاڑی پر اسرائیلی ڈرون حملے میں دو افراد شہید ہوگئے جنین میں پانچ روز سے جاری اسرائیلی آپریشن کے دوران 14 فلسطینی شہید اور 40 سے زائد فلسطینی زخمی ہیں،جبکہ 3 ہزار فلسطینی خاندان جبری نقل مکانی پر مجبور کردئیے گئے ہیں۔

وزیراعلیٰ پنجاب پولیس کی کارکردگی سے ناخوش، سینئر افسران کو سخت تنبیہ جاری

واضح رہے کہ 7 اکتوبر 2023 سے اب تک 47 ہزار 283 فلسطینی شہید ہوچکے ہیں۔

دوسری جانب حماس کی جانب سے چار مزید اسرائیلی یرغمالی خواتین کو رہا کردیا گیا، حماس نے یرغمالی خواتین کو ریڈ کراس کے حوالے کیا، چاروں اسرائیلی یرغمالیوں نے فوجی وردی پہن رکھی ہے۔

رہا کی جانے والی فوجی یرغمالی خواتین کے نام کارینا اریئیو، ڈینیئلا گلبوہ، نعما لیوی، اور لیری الباگ ہیں اور یہ سب ایک فوجی یونٹ کی رکن تھیں، 7 اکتوبر 2023 کو حماس کے اسرائیل پر حملے کے وقت یہ چاروں اسرائیلی فوج کی خواتین سپاہی غزہ کے قریب تعینات تھیں چار اسرائیلی یرغمالیوں کی تصاویر پہلی بار سامنے آئی ہیں،یہ تمام چار خواتین فوجی یونیفارم میں ملبوس ہیں اور ان کے گرد مسلح حماس کے جنگجو ہیں ان خواتین کو ریڈ کراس کے حوالے کیا گیا جو انہیں سرحدوں تک لے جائیں گی جہاں انہیں اسرائیلی فوج کے حوا لے کیا جائے گا۔

حماس نے فوجی وردی پہنے چار یرغمالی خواتین کو رہا کر دیا

حماس نے ایک بیان میں کہا ہے کہ آج اسرائیل کی طرف سے رہا ہونے والے 200 فلسطینی قیدیوں میں سے 70 کو غزہ اور مغربی کنارے سے باہر منتقل کر دیا جائے گا آج کی یرغمالیوں کی رہائی پچھلے ہفتے تین اسرائیلی یرغمالیوں کی ان کے خاندانوں سے ملاقات کے بعد ہو رہی ہے۔ اس وقت اسرائیل نے 90 فلسطینی قیدیوں کو رہا کیا تھا۔غزہ میں ایک ہنگامہ خیز ہجوم کے درمیان، اسرائیلی یرغمالیوں کو مسلح نقاب پوش افراد نے ریڈ کراس کے حوالے کیا، جہاں سے انہیں اسرائیلی فوج کے حوالے کر دیا گیا اور وہ جنوبی اسرائیل میں داخل ہوئے۔

پی سی بی نے سہ ملکی سیریز کیلئے شیڈول کا اعلان کر دیا

غزہ میں اسرائیلی بمباری کے نتیجے میں تباہ شدہ عمارتوں کے ملبے سے مزید 200 لاشیں برآمد ہوئی ہیں-

باغی ٹی وی : ”الجزیرہ“ کے مطابق، حماس اور اسرائیل کے درمیان جنگ بندی کے بعد سے غزہ کے محکمہ شہری دفاع اور طبی عملے کی جانب سے ملبے سے لاشیں نکالنے کا کام جاری ہے، جبکہ بنا پھٹے بموں کی بڑی تعداد برآمد ہوئی ہے-

غزہ کی شہری دفاع کے سربراہ محمد باصل نے بتایا کہ اسرائیل کی جانب سے بھاری مشینری کی تباہی اور انسانی وسائل کی کمی کے باعث ریسکیو آپریشن میں شدید مشکلات کا سامنا ہے تقریباً 10 ہزار فلسطینی شہداء کی لاشیں ابھی تک ملبے تلے دبی ہیں، جنہیں نکال کر دفنانا ممکن نہیں ہو سکا –

لیبیا کشتی حادثے میں ملوث انسانی اسمگلر گرفتار

اقوام متحدہ کے مطابق، 42 ملین ٹن ملبے میں موجود بارودی مواد کو صاف کرنے کے لیے 50 کروڑ ڈالر کی خطیر رقم درکار ہوگی، جنگ کے نتیجے میں غزہ میں 5 کروڑ ٹن ملبہ جمع ہو چکا ہے جسے صاف کرنے میں 21 سال لگ سکتے ہیں، جب کہ اس پر 1.2 ارب ڈالر لاگت آئے گی،اقوام متحدہ نے خبردار کیا ہے کہ علاقے میں غیر پھٹے بارودی مواد کی صفائی کے لیے کم از کم 10 سال درکار ہوں گے۔

دریں اثنا، جنگ بندی کے بعد انسانی امداد کی فراہمی جاری ہے۔ اقوام متحدہ کے دفتر برائے رابطہ انسانی امور (OCHA) کے مطابق، جنگ بندی کے چوتھے روز 808 امدادی ٹرک غزہ میں داخل ہوئے، جو امریکہ، مصر، اور قطر کے تعاون سے ممکن ہوا۔

چیمپئنز ٹرافی : صائم ایوب کی جگہ خوشدل شاہ اسکواڈ میں شامل

غزہ کی بحالی کے لیے بین الاقوامی تعاون اور فوری اقدامات کی ضرورت ہے تاکہ متاثرین کی مدد کی جا سکے اور علاقہ دوبارہ آباد کیا جا سکے۔