Tag: اسلام آباد

27ویں سینٹ پیٹرزبرگ انٹرنیشنل اکنامک فورم (SPIEF) کے موقع پر، پاکستان اور روس نے 7 جون 2024 کو ریلوے کے شعبے میں تعاون کے حوالے سے مفاہمت کی ایک یادداشت پر دستخط کیے ہیں

اس مفاہمت نامے کے ذریعے، دونوں ممالک کا مقصد ریلوے کی اپ گریڈیشن کے منصوبوں اور اس اہم شعبے کے جدید خطوط پر استوار کرنے کے مواقع تلاش کرنا اور اس میں تعاون کرنا ہے ۔ اس ایم او یو کے تحت اس شعبے میں کام کرنے والی متعلقہ کمپنیوں کے درمیان مستقبل میں تعاون بھی ہوگا جبکہ اس کا مقصد بین الاقوامی کارگو ٹرانسپورٹ کو فروغ دینا اور سہولت فراہم کرنا ہے۔ مفاہمت پر دستخط H.E. پاکستان کی طرف سے سفیر محمد خالد جمالی اور روس کی طرف سے ڈپٹی ٹرانسپورٹ منسٹر مسٹر ڈی ایس زیویریف نے کیے

بحریہ ٹاؤن،چوری کا الزام،گھریلو ملازمین کو برہنہ کر کے تشدد،الٹا بھی لٹکایا گیا

بحریہ ٹاؤن کے ہسپتال میں شہریوں کو اغوا کر کے گردے نکالے جانے لگے

سماعت سے محروم بچوں کے لئے بڑی خوشخبری

ایبٹ آباد میں "ہم جنس پرستی کلب” کے قیام کے لیے درخواست

ہنی ٹریپ،لڑکی نے دوستوں کی مدد سے نوجوان کیا اغوا

بچ کر رہنا،لڑکی اور اشتہاریوں کی مدد سے پنجاب پولیس نے ہنی ٹریپ گینگ بنا لیا

طالبات کو نقاب کی اجازت نہیں،لڑکے جینز نہیں پہن سکتے،کالج انتظامیہ کیخلاف احتجاج

سینیٹ اجلاس چیئرمین سید یوسف رضا گیلانی کی زیر صدارت مقررہ وقت سے پندرہ منٹ تاخیر کے ساتھ شروع ہوا

سینیٹ اجلاس میں پینل آف چیئرمین کا اعلان کیا گیا،جاری اجلاس کیلئے چیئرمین کی طرف سے پینل آف چیئرمین کی اعلان کر دیا گیا ،سینیٹر محمد اسحاق ڈار، پلوشہ خان اور منظور احمد بطور پریذائیڈنگ آفیسر زمہ داریاں نبھائیں گے

نادرہ ریکارڈ میں سابق شوہر کا نام شناختی کارڈ سے ہٹایا جانا چاہیئے.سینیٹر ثمینہ ممتاز زہری
سینیٹر ثمینہ ممتاز زہری نے توجہ دلاؤ نوٹس پیش کیا اور کہا کہ نادرہ ریکارڈ میں سابق شوہر کا نام شناختی کارڈ سے ہٹایا جانا چاہیئے،ہمارے معاشرے میں طلاق کے اکثر واقعات ناخوشگوار حالات میں ہوتے ہیں،بچوں کے شناختی کارڈ پر ولدیت اور ایف آر سی میں ریکارڈ موجود ہوتا ہے ،ایسے میں سابق شوہر کا نام کسی خاتون کے شناختی کارڈ پر رہنے دینے کا جواز نہیں،ڈی جی نادرہ کو اس بات کا خیال کرنا چاہیئے ،سنگا پور کے پاسپورٹ میں والد ، شوہر یا سابق شوہر کو کہیں نام نہیں ہوتا .ہم اپنے سسٹم کو کب درست کریں گے .ہم خواتین کو معاشرہ میں جینے کا حق کیوں نہیں دیتے

وفاقی وزیر میاں ریاض حسین پیر زادہ نے کہا کہ سینیٹر ثمینہ ممتاز زہری کی طرف سے جس معاملے پر توجہ دلائی گئی ہے اس پر ہائی کورٹ کا آرڈر بھی موجود ہے .ہائی کورٹ نے تین ماہ میں رولز میں تبدیلی کے بعد ریکارڈ کی درستگی کا کہا ہے .ڈی جی پاسپورٹ آفس اس پر کام کر رہا ہے .اب یہ معاملہ میرے خیال میں حل ہو گیا ہے

اگر ہم ہر چیز کورٹ پر چھوڑ دیں تو پھر ہمارا کیا کردار ہے یہاں .شبلی فراز
سینیٹر شبلی فراز نے کہا کہ سینیٹر ثمینہ ممتاز زہری نے اہم نکات اٹھائے .ہمیں اس بل اور فیملی لاز کو ری وزٹ کرنا چاہیے .اگر ہم اپ ڈیٹ کریں تو یہ بہت اہم چیز ہے .اگر ہم ہر چیز کورٹ پر چھوڑ دیں تو پھر ہمارا کیا کردار ہے یہاں .میری تجویز ہے کہ فیملی لاز میں کچھ تبدیلی کی ضرورت ہے .ہمارے مولوی بھی بیٹھے ہیں ہم اپنے مذہب سے باہر نہیں نکلیں گے.اس پر غور کرنا چاہیے .سینیٹر عطاء الرحمن نے کہا کہ اسکو کمیٹی میں بھیجا جائے .اسلامی نظریاتی کونسل سے بھی تجاویز لینی چاہیے.شبلی فراز نے کہا کہ گھریلو خواتین جس کرب سے گزرتی ہیں اس کی نشان دہی آج یہاں کی گئی ہے .اس معاملے کو داخلہ کمیٹی میں بھیجا جانا چاہیئے .یہ ایک اہم بل ہے اس پر ضرور بحث کرنی چاہیئے . چیئرمین سینیٹ نے کہا کہ وفاقی وزیر کی وضاحت کے بعد شاید یہ معاملہ حل ہو چکا ہے .جب یہ معاملہ دوبارہ سامنے آیا یا بل آیا تو ضرور کمیٹی کو بھیجیں گے.مولانا عطاء الرحمان نے کہا کہ اس معاملے پر اسلامی نظریاتی کونسل سے سفارشات کے لینی چاہیئے .اراکین سینیٹ کی طرف سے مولانا عطاء الرحمان کے مطالبہ پر شور شرابہ کیا گیا،چیئرمین سینیٹ نے معاملہ نمٹا دیا

بانی پی ٹی آئی نےسکھر حیدرآباد موٹروےمنصوبے کی فرضی نقاب کشائی کی .سینیٹر جان سیف اللہ خان
سینیٹر جان سیف اللہ خان نے توجہ دلاؤ نوٹس میں کہا کہ کراچی سے سے حیدر آباد اور پھر سکھر ہیوی ٹریفک ہوتی ہے .موٹروے جیسی سہولتیں سارے ملک میں ہونی چاہیئے .ایم سکس ، سکھر سے حیدر آباد پر گزشتہ آٹھ ماہ سے بہت سست رفتار سے کام ہو رہا ہے .گزشتہ حکومت نے اس پر چائینہ کی ایک بڑی کمپنی کا ٹھیکہ دیا . 2017 میں جب اس ٹھیکہ کی دوبارہ بڈنگ ہوئی چائینہ کنسٹرکشن کمپنی نے دوبارہ ٹھیکہ حاصل ہوا.تحریک انصاف کی حکومت نے اس کمپنی پر بغیر جواز کے الزامات لگائے گئے .انہیں اتنا تنگ کیا گیا کہ وہ کمپنی واپس چلی گئی .بانی پی ٹی آئی نے اس منصوبے کی فرضی نقاب کشائی بھی کی .کراچی سے حیدر آباد تک بھی صرف نام کی موٹر وے ہے .حیدر آباد اور سکھر کا موٹروے ملتان سکھر طرز پر بننا چاہیئے .اب بتایا جا رہا اب یہ منصوبہ 307 بلین میں دیا گیا ہے .یہ منصوبہ پبلک پرائیویٹ پارٹنر شپ کے تحت بنانا مزاق ہے.اس منصوبے کو شروع کرنے والی کمپنی کو واپس بلانا چاہیئے .جنہوں نے اس منصوبے کی رکاوٹیں ڈالیں اس کی نشان دہی کی جائے .میرا مطالبہ ہے یہ معاملہ کمیٹی کا بھیجا جائے.

سینیٹر ضمیر حسین گھمرو نے کہا کہ حیدر آباد سکھر موٹروے میں تاخیری حربے ناقابل برداشت ہیں .اس منصوبے کو جتنا جلدی ہو سکے مکمل کیا جائے .اس معاملے پر سینیٹر جان سیف اللہ کے مطالبے کی تائید کرتا ہوں .سینیٹر محمد اسلم ابٹرو نے کہا کہ حیدر آباد سکھر راستے کے حالات بہت خراب ہیں .کئی کئی گھنٹے کراچی پہنچنے کیلئے لگ جاتے ہیں .ہمارے سندھ میں اچھے روڈ کیوں نہیں بن رہے .کے پی ، پنجاب میں اچھے روڈ ہیں ہمیں خوشی ہے لیکن ہمیں احساس کمتری کا شکار کیوں کیا جا رہا ہے .سینیٹر پونجو بیل نے کہا کہ 2017 سے شروع ہونے والے اس منصوبے پر ابھی تک کام مکمل نہ ہونا زیادتی ہے .اسے جلد مکمل کرنے کے اقدامات اٹھائے جائیں.

ملتان سکھر روڈ میاں نواز شریف کا ایک شاہکار منصوبہ،چھ ماہ میں پیشرفت ہو گی.وفاقی وزیر میاں ریاض حسین پیرزادہ ن
وفاقی وزیر میاں ریاض حسین پیرزادہ نے کہا کہ میں سمجھتا ہوں کہ حیدر آباد تا سکھر التواء کا شکار موٹروے منصوبہ مسنگ لنک ہے .کرونا کے بعد قیمتوں میں فرق آنے سے اس منصوبے کا ٹھیکیدار بھاگ گیا تھا .اب چائینہ ، ابو ظہبی کو اس منصوبے میں دلچسپی لینے کا کہا جا رہا ہے .ابھی وزیر اعظم چائینہ گئے ہوئے ہیں تو اچھی امید کی جانی چاہیئے .ملتان سکھر روڈ میاں نواز شریف کا ایک شاہکار منصوبہ ہے .اس معاملہ کو اسٹینڈنگ کمیٹی کو بے شک بھیج دیا جائے .حکومت کی کوشش جاری ہے انشاء اللہ اس معاملہ پر چھ ماہ میں پیش رفت ہو گی .چیئر مین نے معاملہ اسٹینڈنگ کمیٹی کو بھیج دیا.

تحریک انصاف نے ڈپٹی چئیرمین کی موجودگی میں چئیر آف پینل کی صدارت کرنے پر اعتراض کر دیا ،فوزیہ ارشد نے کہا کہ ڈپٹی چئیرمین کی موجودگی میں کس رول کے تحت پینل آف چئیر صدارت کر سکتی ہیں۔اپوزیشن لیڈر شبلی فراز نے بھی اعتراض کیا اور کہا کہ مسلم لیگ ن نے اپنے ہی اپنے ڈپٹی چئیرمین کو باہر بھیج دیا۔پی ٹی آئی ارکان نے اپنی نشستوں پر کھڑے ہو کر احتجاج کیا.پلوشہ خان نے کہا کہ یہ ایوان غنڈا گردی دھونس پر نہیں چلے گا۔شبلی فراز نے کہا کہ آپ کس رول کے تحت یہاں بیٹھی ہیں۔ پلوشہ خان نے کہا کہ جس رول کے تحت آپ اس ملک میں بیٹھے تھے۔چئیرمین کا اختیار ہے۔ آپ اعتراض نہیں کر سکتے۔ہم ٹیکس پئیر کے پیسے پر بیٹھے ہیں وقت پورا کریں گے۔ مولانا عطاء الرحمان نے کہا کہ ڈپٹی چئیرمین کی موجودگی میں پینل آف چئیر کا کوئی بندہ نہیں بیٹھ سکتا۔آپ ڈپٹی چئیرمین کو صدارت دے دیں ورنہ ہم واک آوٹ کریں گے۔ آپ ڈپٹی چئیرمین سینٹ کو بلا کر صدارت دیں۔

سینیٹر بلال احمد خان نے اپوزیشن کے رویہ پر تنقید کی اور کہا کہ اپوزیشن بتائے کہ وہ کس رول کی بنیاد پر اعتراض کررہے ہیں ۔پی ٹی آئی ارکان نے چور چور کے نعرے لگائے.سینیٹر طلال چودھری نے کہا کہ اپوزیشن لیڈر اور پی ٹی آئی کا مشکور ہوں کہ انہیں مسلم لیگ ن کے ڈپٹی چیئرمین سے محبت ہے .

پریذائڈنگ افسر پر اعتراض کے بعد بلوشہ خان نے اجلاس پیر کو شام5بجے تک ملتوی کردیا

چاہت فتح علی خان سے بڑے بڑے سپر اسٹارز خوفزدہ کیوں ؟

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر

لندن پلان بارے مبشر لقمان کا انکشاف،نواز شریف نے تصدیق کر دی

لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

کشمیری شاعر احمد فرہاد کی بازیابی اور اغواء کے ذمہ داران کا تعین کرنے کی درخواست پر سماعت ہوئی

اسلام آباد ہائیکورٹ کے جسٹس محسن اختر کیانی نے عروج زینب کی درخواست پر سماعت کی .درخواست گزار کی جانب سے ایمان مزاری ایڈووکیٹ اور سینئر صحافی حامد میر بطور عدالتی معاون عدالت میں پیش ہوئے،ایڈیشنل اٹارنی جنرل منور اقبال دوگل اور اسسٹنٹ اٹارنی جنرل بیرسٹر عثمان گھمن بھی عدالت میں موجود تھے،ایمان مزاری نے کہا کہ انسداد دہشت گردی کی عدالت نے درخواست ضمانت مسترد کر دی ہے،ابھی ضمانت کی درخواست کو ہائیر فورم پر چیلنج کر رہے ہیں، جسٹس محسن اختر کیانی نے استفسار کیا کہ کیا اس پر کوئی اور بھی پرچہ ہے؟ایمان مزاری نے کہا کہ پہلے ایک مقدمے کا بتایا گیا اور بعد میں ایک اور پرچہ درج ہونے کا بتایا گیا،جسٹس محسن اختر کیانی نے ریمارکس دیتے ہوئے کہا کہ مجھے لگ رہا ہے کہ اس کی مشکلات میں اضافہ ہو رہا ہے،ابھی یہ تو یقین ہے کہ وہ اب جوڈیشل کسٹڈی میں ہے، پولیس اگر ٹرائل میں کسی کو پکڑے اور دو دن تک پیش نہ کرے تو ٹرائل ہی ختم کر دیتے ہیں،

تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں.جسٹس محسن اختر کیانی
جسٹس محسن اختر کیانی نے استفسار کیا کہ احمد فرہاد گرفتاری سے قبل کہاں تھا؟ سوال جبری گمشدگی کا ہے، ایڈیشنل اٹارنی جنرل نے کہا کہ اگر مغوی ریکور ہو جائے تو حبسِ بے جا کی درخواست خارج ہو جاتی ہے،یہ کہتے ہیں کہ اغواء کاروں کا تعین کرنے کی ہدایات بھی جاری کی جائیں،یہ بات تفتیش میں سامنے آئے گی، مغوی جوڈیشل کسٹڈی میں ہے اور احمد فرہاد کا 161 کا بیان لکھا گیا ہے،جسٹس محسن اخترکیانی نے کہا کہ تفتیشی افسر نے کشمیر میں جا کر احمد فرہاد کا بیان ریکارڈ کیا ہے؟ ذرا وہ دکھائیں،لکھا ہے کہ میں ذہنی و جسمانی طور پر بیان دینے کے قابل نہیں، یہ بھی لکھا ہے کہ وہ خود عدالت میں پیش ہو کر یا وکیل کے ذریعے بیان دے گا،احمد فرہاد کی واپسی پر تھانہ لوئی بھیر کا تفتیشی جوڈیشل مجسٹریٹ کے سامنے 164 کا بیان کرائے،تمام مسنگ پرسنز کے کیسز کے لیے لارجر بنچ کی تشکیل کے لیے چیف جسٹس کو لکھ رہا ہوں،کریمنل ایڈمنسٹریشن کمیٹی میں ڈی جی آئی ایس آئی اور دیگر بھی پیش ہوں، اسلام آباد میں قانون کی عملداری کیسے ہونی ہے؟ اس پر فیصلے کے لیے معاملہ کمیٹی کو بھجوا رہا ہوں، ان کو مت آسمان پر بٹھائیں، پھر ان کو یہ بات بری لگے گی، قانون کو احترام دیں، ججز سمیت کوئی قانون سے بالاتر نہیں، ادارے اپنی حدود میں کام کریں، انا کے مسئلے میں ایک آدمی دو مقدموں میں چلا گیا، عدالت کی کارروائی کے نتیجے میں وہ دو مقدمات میں چلا گیا جس کی فیملی متاثر ہو رہی ہے،یہ ظلم کا ایک سلسلہ اور روز کا کام ہے، اسلام آباد کی حدود کو عدالتیں دیکھیں گی،قومی سلامتی کے معاملات پر عدالت ان کیمرا پروسیڈنگ اور اس کی رپورٹنگ پر پابندی لگائے گی،لارجر بینچ اس لیے بھجوا رہا ہوں کہ ایک جج کا موقف کچھ اور ہو تو دوسرے ججز بھی دیکھیں، ہو سکتا ہے کہ باقی ممبران اس سے متفق نہ ہوں کہ انٹیلی جنس ایجنسیوں کے سربراہان کو بلانا ہے،ہم نے کہیں بیٹھنا ہے اور طے کرنا ہے کہ کون سی لائن ہے جسے کراس نہیں کرنا،

حامد میر،اسد طور نے وی لاگ میں غلط دلائل رپورٹ کئے،غدار کہنے کی کوشش کی.ایڈیشنل اٹارنی جنرل کا شکوہ
ایڈیشنل اٹارنی جنرل نے کہا کہ گزشتہ سماعت کے بعد حامد میر صاحب اور اسد طور نے وی لاگ کیا، وی لاگ میں آزاد کشمیر غیر ملکی علاقہ سے متعلق مجھ سے منسوب دلائل رپورٹ کیے،میں نے یا کسی اور نے ایسا کچھ نہیں کہا وی لاگ میں غلط کہا گیا، میں نے اس حوالے سے اضافی دستاویزات بھی جمع کروا دی ہیں،جسٹس محسن اخترکیانی نے کہا کہ عدالت نے کسی وی لاگ یا رپورٹنگ پر پابندی نہیں لگائی، ایڈیشنل اٹارنی جنرل نے کہا کہ حامد میر نے ایک کالم لکھا جس میں میرے بیان کا غلط تاثر دینے کی کوشش کی،میں سینئر صحافی کا بہت احترام کرتا ہوں، جسٹس محسن اختر کیانی نے کہا کہ آپ کہتے ہیں کہ آزاد کشمیر کا اپنا وزیراعظم، پارلیمنٹ، آئین اور عدالتیں ہیں، یہ دائرہ اختیار کی بات ہے،صحافی کی اپنی ایک رائے ہے، اخبار خود کہتا ہے کہ اُس کا رائے سے متفق ہونا ضروری نہیں، ایڈیشنل اٹارنی جنرل نے کہا کہ صحافی نے ایک وی لاگ بھی کیا اور وفاق کا حوالہ دے کر غدار کہنے کی کوشش کی،جسٹس محسن اخترکیانی نے کہا کہ ایسی بات نا کریں، عدالت میں موجود حامد میر نے کہا کہ صرف یہ بات نہیں ہوئی کہ کشمیر فارن ٹیریٹری ہے، پراسیکیوٹر جنرل نے یہ بھی کہا ہے کہ کشمیر میں نو مئی جیسے واقعات ہوئے، پراسیکیوٹر جنرل اسلام آباد نے کہا کہ میں نے اس طرح کی بات نہیں کی تھی،جسٹس محسن اختر کیانی نے کہا کہ میں کیا کروں کہ ان کا کالم مسترد کر دوں؟ایڈیشنل اٹارنی جنرل، آپ حامد میر کو چائے پلائیں اور اپنی بات سمجھائیں، جہم نے اس کیس میں حامد میر کو خود عدالتی معاون کے طور پر بلایا ہے، عدالت نے حامد میر کو ہدایت کی کہ آپ بار کے صدر کے ساتھ ایڈیشنل اٹارنی جنرل کے پاس جائیں اور ان کی بات کو بھی سمجھیں،

احمد فرہاد کی درخواست ضمانت مسترد

احمد فرہاد کی بازیابی کیس، گزشتہ سماعت کا تحریری حکمنامہ جاری

وفاقی حکومت نے شاعر اور صحافی احمد فرہاد کی گرفتاری ظاہر کر دی

اسلام آباد ہائیکورٹ،اٹارنی جنرل کی احمد فرہاد کی بازیابی کی یقین دہانی پر سماعت ملتوی

عدالت کا احمد فرہاد کے طبی معائنے کا حکم

سپریم کورٹ: قاسم سوری کی الیکشن ٹربیونل کے فیصلے کیخلاف اپیل پر سماعت ہوئی

قاسم سوری سپریم کورٹ کے حکم کے باوجود ایک مرتبہ پھر پیش نہ ہوئے،سپریم کورٹ نے قاسم سوری کی طلبی کے اشتہار جاری کرنے کا حکم دے دیا، سپریم کورٹ نے طلبی کا نوٹس قاسم سوری کے گھر کے باہر بھی چسپاں کرنے کا حکم دے دیا.عدالت نے حکم امتناع پر ڈپٹی اسپیکر رہنے اور تحریک عدم اعتماد کیخلاف رولنگ دینے پر قاسم سوری کو طلب کر رکھا ہے،چیف جسٹس قاضی فائز عیسی کی سربراہی میں تین رکنی بنچ نے سماعت کی

عدالت نے کہا کہ ریکارڈ کے مطابق قاسم سوری کے بھائی نے نوٹس وصولی سے انکار کیا،قاسم سوری جان بوجھ کر سپریم کورٹ میں پیش نہیں ہو رہے،سابق ڈپٹی اسپیکر کی جانب سے نوٹس وصولی سے اجتناب بدقسمتی ہے، چیف جسٹس قاضی فائز عیسیٰ نے وکیل نعیم بخاری سے مکالمہ کرتے ہوئے کہا کہ قاسم سوری سوشل میڈیا پر بہت متحرک ہیں،وکیل نعیم بخاری نے کہا کہ میں ٹی وی نہیں دیکھتا،چیف جسٹس قاضی فائز عیسیٰ نے کہا کہ آپ خود ٹی وی کی شخصیت ہیں اور نہیں دیکھتے، چیف جسٹس قاضی فائز عیسٰی نے نعیم بخاری سے استفسار کیا کہ کیا آپ ٹویٹر سے واقف ہیں؟ وکیل نعیم بخاری نے جواب دیا کہ سوشل میڈیا استعمال نہیں کرتا .چیف جسٹس قاضی فائز عیسیٰ نے کہا کہ آپ خود کو بوڑھا کیوں سمجھ رہے ہیں جوان اور اپ ٹو ڈیٹ رہیں،جسٹس عرفان سعادت نے کہا کہ ایک پروگرام میں آپ نے کہا تھا دوست بوڑھا نہیں ہونے دیتے،وکیل نعیم بخاری نے کہا کہ میرا قاسم سوری سے کوئی رابطہ نہیں ہے،چیف جسٹس قاضی فائز عیسیٰ نے کہا کہ آئندہ سماعت جولائی میں رکھیں گے،عدالتی حکم میں آئندہ تاریخ مقرر کر دینگے،سپریم کورٹ نے کیس کی سماعت آئندہ ماہ کیلئے ملتوی کر دی

قاسم سوری کو دو بار پہلے بھی طلب کیا گیا تھا لیکن وہ پیش نہیں ہوئے تھے، آج بھی عدالت پیش نہ ہوئے نومئی کےو اقعات کے بعد سے قاسم سوری پہلے روپوش تھے اب اطلاعات کے بعد قاسم سوری برطانیہ میں ہیں.

چاہت فتح علی خان سے بڑے بڑے سپر اسٹارز خوفزدہ کیوں ؟

مخصوص نشستیں، فیصلہ پی ٹی آئی کے حق میں نظر نہیں آ رہا، مبشر لقمان

مبشر لقمان: ہزاروں چہروں والا اینکر ، دنیا کا پہلا مصنوعی ذہانت سے چلنے والے نیوز اوتار پر ایک نظر

لندن پلان بارے مبشر لقمان کا انکشاف،نواز شریف نے تصدیق کر دی

لندن پلان: عمران خان، طاہرالقادری اور چوہدری برادران کو اکٹھا جہانگیر خان ترین نے کیا تھا، مبشر لقمان

الیکشن کمیشن،اسلام آباد الیکشن ٹربیونل کی تبدیلی سے متعلق کیس کی سماعت ہوئی

چیف الیکشن کمشنر کی سربراہی میں 4 رکنی کمیشن نےکیس کی سماعت کی،طارق فضل چودھری اور راجہ خرم نواز الیکشن کمیشن میں موجود تھے،شعیب شاہین نے کہا کہ الیکشن کمیشن کا آرڈر چیلنج کیا ہے،پیر تک سماعت ملتوی کردیں،چیف الیکشن کمشنر نے کہا کہ اگر کوئی سٹے آرڈر آجائے تو ہمیں دیدیں ہم سماعت روک دینگے،آپ کا اعتراض آگیا اسے ہم ریکارڈ پر لے آئیں گے، وکیل ن لیگی امیدوار نے کہا کہ الیکشن ٹربیونل نے اپنا رجسٹرار نہیں بنایا ،ہائیکورٹ رجسٹرار یہ کام نہیں کرسکتے،ممبر خیبر پختونخوا نے کہا کہ مطلب الیکشن ٹربیونل میں درخواستیں دائر ہی نہیں ہوئیں؟وکیل ن لیگی امیدوار نے کہا کہ الیکشن ٹربیونل میں درخواست دائر ہی نہیں ہوئی،الیکشن ٹربیونل میں درخواستیں درست کرکے 10 اپریل کو جمع ہونا تھیں،الیکشن ٹربیونل جانبدرانہ کام کررہا ہے،سی پی سی کیس میں اپلائی ہوسکتا ہے، اگر کسی ایک پارٹی کو نہیں سنا جاتا تو یہ قانون کی خلاف ورزی ہے، انکی درخواست میں لکھا ہے کہ انکے پاس ثبوت ہیں، ممبر خیبر پختونخوا نے کہا کہ انکی جانب سے کہا گیا کہ بیگ لائے گئے پھر کھولے گئے، آپ یہ کہنا چاہ رہے ہیں کہ عدالتی طریقے کار کو دیکھا نہیں گیا، وکیل ن لیگی امیدوار نے کہا کہ جی معاملے میں عدالتی طریقے کار کو دیکھا نہیں گیا ،چارج ہونے سے پہلے بحث ہوتی، پھر ثبوت پیش کیے جاتے ہیں پھر کراس چیک ہوتے ہیں،چیف الیکشن کمشنر نے کہا کہ آپ اتنی دیر سے یہ نہیں کہہ پا رہے کہ ثبوت نہیں پیش کیے گئے،وکیل ن لیگ نے کہا کہ الیکشن ٹربیونل میں درخواستیں درست کرکے 10 اپریل کو جمع ہونا تھیں مگر 15 کو کرائی گئیں،الیکشن ٹربیونلز میں پٹیشنز دائر کرنے سے لیکر اب تک غیر قانونی کام اور سنگین میٹریل غلطیاں کئےگئے،وقت کے بعد دائر کرنے پر پٹیشنز کو رد کردینا چاہیے تھا، الیکشن ٹربیونل میں درخواست گزٹ نوٹیفکیشن کے 45 دن میں درخواست دائر لازم ہے،الیکشن ٹربیونل نے فارم 45 کا موازنہ بھی کیا،ممبر بلوچستان نے استفسار کیا کہ کیا الیکشن ٹربیونل کے سامنے فارم 45 سیل بند تھے؟وکیل ن لیگ نے کہا کہ جی سیل بند لفافےتھے جج صاحب نے خود کھولےیہ کیس جوڈیشل فریم ورک میں نہیں چلایا گیا، الیکشن کمیشن میں وکیل ن لیگی امیدوار کے دلائل مکمل ہو گئے

پی ٹی آئی وکیل نے اسلام آبادہائیکورٹ کےفیصلےتک الیکشن کمیشن کوسماعت روکنے کی استدعا کی جو الیکشن کمیشن نے مستردکردی،الیکشن کمیشن نے کہا کہ سٹےآرڈرنہیں،ن لیگ وکیل دلائل جاری رکھیں،

دوسری جانب اسلام آباد ہائیکورٹ میں الیکشن ایکٹ ترمیمی آرڈیننس اور الیکشن کمیشن کی کاروائی کے خلاف پی ٹی آئی کی درخواستوں پر سماعت ہوئی، اسلام آباد ہائیکورٹ کے چیف جسٹس عامر فاروق نے کیس کی سماعت کی،اسلام آبادسے پی ٹی آئی کے تینوں امیدوارعامر مغل،شعیب شاہین اور علی بخاری نے الیکشن کمیشن کی کارروائی کو چیلنج کر رکھا ہے،عدالت نے درخواستوں پر اعترضات دور کر دیے درخواستوں کو ڈائری نمبر لگانے کی ہدایت کر دی،وکیل نے کہا کہ دو اعتراضات ہیں ،عدالت نے استفسار کیا کہ آپ نے کیا چیلنج کیا ہے، وکیل نے کہا کہ ہم نے الیکشن ایکٹ 2017 سیکشن 151 چیلنج کیا ہے، عدالت نے درخواست پر اعتراض دور کر کے ڈائری نمبر لگانے کی ہدایت کر دی.

وزیر اعظم کی کوآرڈینیٹر برائے موسمیاتی تبدیلی اور ماحولیاتی کوآرڈینیشن رومینہ خورشید عالم نے کہا کہ وزارت موسمیاتی تبدیلی اوزون کی تہہ کے تحفظ کے اہم پہلو پر توجہ مرکوز کر رہی ہے۔ بدقسمتی سے، انسانی سرگرمیاں اوزون کی تہہ کے خاتمے کا باعث بنی ہیں، جس کے نتیجے میں اوزون سوراخ میں وسعت آ رہی ہے اور شدید خطرات لاحق تھے۔ تاہم یہ بات حوصلہ افزا ہے کہ اقوام متحدہ کے ویانا کنونشن اور اس کے مونٹریال پروٹوکول کی چھتری کے تحت، عالمی کوششیں اوزون کے سوراخ کو زیادہ سے زیادہ حد تک بحال کرنے میں کامیاب ہوئیں۔ وزیر اعظم کی کوآرڈینیٹر مونٹریال پروٹوکول اور ایچ سی ایف سی کنٹرول پر کسٹم اور انفورسمنٹ افسران کے تربیتی پروگرام کے موقع پر وزارت موسمیاتی تبدیلی کے نیشنل اوزون یونٹ سے خطاب کر رہی تھیں۔

اوزون کی تہہ کی اہمیت کو اجاگر کرتے ہوئے انہوں نے کہا کہ اوزون کی تہہ زمین پر زندگی کے لیے بہت ضروری ہے۔ اور ہم جانتے ہیں کہ یہ ہمیں سورج کی نقصان دہ تابکاری سے بچاتا ہے، صحت کے سنگین مسائل جیسے کہ جلد کے کینسر اور موتیابند سے بچاتا ہے اور ماحولیاتی نظام اور جنگلی حیات کی حفاظت کرتا ہے۔پاکستان کی طرف سے اقوام متحدہ کے کنونشنز پر عملدرآمد کی صورتحال سے آگاہ کرتے ہوئے انہوں نے کہا کہ پاکستان نے اقوام متحدہ کے ان معاہدوں میں ایک اہم فریق کے طور پر اپنا کردار ادا کیا ہے۔ پاکستان نے 1992 میں مونٹریال پروٹوکول کی توثیق کی، جو اوزون کو ختم کرنے والے مادوں (ODS) کو مرحلہ وار ختم کرنے کے ہمارے عزم کی نشاندہی کرتا ہے۔ اس کے بعد پاکستان نے اس شعبے میں نمایاں ترقی کی ہے۔ اس اقدام کے فروغ کے لیے حکومت پاکستان نے 1996 میں ایک وقف شدہ نیشنل اوزون یونٹ (NOU) قائم کیا۔ یہ یونٹ پاکستان کسٹمز، ریفریجریشن اور ایئر کنڈیشننگ انڈسٹری، وزارت تجارت، تکنیکی ماہرین اور انجینئرز، درآمد کنندگان اور تاجروں کے ساتھ اپنی مشترکہ کوششوں کے ذریعے۔ مونٹریال پروٹوکول کے دس مراحل کامیابی سے مکمل کر لیے ہیں۔

انہوں نے مزید کہا، پاکستان نے 2009 تک اوزون کو ختم کرنے والے مادوں کی پہلی جنریشں کو مرحلہ وار ختم کیا، اور جنوری 2020 تک ایچ سی ایف سی میں 50 فیصد کمی حاصل کی۔ ہم 2025 تک 67.5 فیصد کمی کے ہدف کی طرف کامیابی سے آگے بڑھ رہے ہیں۔ ہماری کامیابیوں میں متعدد دوستانہ ٹیکنالوجیز کے ذریعے صنعتوں کو اوزون میں تبدیل کرنا شامل ہے۔ ہم اپنے اجتماعی عزم کا مظاہرہ کرتے ہوئے مستقبل کے اہداف کو پورا کرنے کی راہ پر گامزن ہیں۔ کسٹم افسران کے کردار پر روشنی ڈالتے ہوئے انہوں نے کہا، کسٹم افسران ضوابط کے سخت نفاذ اور غیر قانونی درآمدات کو روکنے کے ذریعے اوزون کو ختم کرنے والے مادوں کے انتظام میں اہم کردار ادا کرتے ہیں۔ ان کی چوکسی اور مہارت اوزون کی تہہ کی حفاظت اور دوبارہ تخلیق کرنے، ماحولیات اور صحت عامہ دونوں کے تحفظ کے لیے اقدامات پر عمل درآمد کے لیے ضروری ہے۔ یہ تربیت انتہائی اہم ہے کیونکہ او ڈی ایس( ODS) کی غیر قانونی تجارت کی نگرانی اور روک تھام میں کسٹم اور نافذ کرنے والے افسران کا کردار ضروری ہے۔ ان کی کوششیں اس بات کو یقینی بناتی ہیں کہ ہماری سرحدیں اور بازار اوزون کی تہہ کو نقصان پہنچانے والے مادوں سے پاک رہیں۔ مجموعی طور پر، 2,500 سے زیادہ تکنیکی ماہرین اور 300 سے زیادہ کسٹم افسران کی تربیت کے ذریعے نیشنل اوزون یونٹ( NOU) نے او ڈی ایس کو مو ثر طریقے سے سنبھالنے اور ان کو منظم کرنے کی ہماری قومی صلاحیت میں نمایاں اضافہ کیا ہے۔ اپنے عزم کو دہراتے ہوئے وزیراعظم کی کوآرڈینیٹرنے کہا کہ ہمارا سفر یہیں ختم نہیں ہوتا بلکہ ہم ماحولیاتی تحفظ کے لیے اپنے عزم پر قائم ہیں۔ ہم اب کیگالی ترمیم ( Kigali Amendme) کے تحت آنے والے ایچ ایف سی فیز ڈاون کی تیاری کر رہے ہیں۔ وزارت کے موسمیاتی اقدامات پر روشنی ڈالتے ہوئے انہوں نے کہا، وزارت کے نیشنل اوزون یونٹ نے Hima-Vertay اور Clasp کے ساتھ مل کر، کولنگ مصنوعات سے وابستہ کاربن کے اخراج کو کم کرنے کے لیے پاکستان کولنگ ایکشن پلان تیار کیا۔ انہوں نے اس بات پر روشنی ڈالی کہ عالمی یوم ماحولیات 2024 کے سلسلے میں اس تربیت کا انعقاد حقیقی اور عملی لحاظ سے ماحولیاتی تحفظ کے لیے ہمارے عزم کا ثبوت ہے۔ یہ ایک مشترکہ کوشش ہے، جو مانٹریال پروٹوکول کے اصولوں کے لیے ہمارے جذبے کی عکاسی کرتی ہے۔ انہوں نے اس بات پر زور دیتے ہوئے نتیجہ اخذ کیا کہ وہ موجودہ حکومت کے عزم کا اعادہ کرنا چاہیں گی، جس کی رہنمائی وزیر اعظم کے آب و ہوا کی کارروائی کے لیے غیر متزلزل عزم کے تحت ہے۔ اوزون کی تہہ کے تحفظ میں ہماری اجتماعی کوششیں ماحولیاتی تحفظ اور پائیدار ترقی کے لیے ہماری لگن کی عکاسی کرتی ہیں۔ آئیے ہم مل کر کام کرتے رہیں، عالمی یوم ماحولیات 2024 کے تھیم سے متاثر ہو کر، آنے والی نسلوں کے لیے اپنے سیارے کی حفاظت کریں۔

ایم کیو ایم کے رہنما ،رکن قومی اسمبلی، سید مصطفیٰ کمال نے سپریم کورٹ پیشی کے بعد میڈیا سے بات چیت کرتے ہوئے کہا ہے کہ میری پریس کانفرنس میں کوئی توہین عدالت نہیں تھی،عدالت میں موقف پیش کیاکہ اگر کوئی بات تھی تومعافی مانگتے ہیں، سپریم کورٹ سے غیرمشروط معافی مانگی ہے،

مصطفیٰ کمال کا کہنا تھا کہ سودی نظام سے پاکستان میں خوشحالی نہیں آئےگی،شرعی عدالت کے فیصلے کیخلاف 16 بینچز نے اسٹے لے لیا ہے، سپریم کورٹ نے قرآن کی بات کی جو بہت اچھی بات تھی، قائداعظم نے اسٹیٹ بینک کی بنیاد رکھتے ہوئے مغرب کے معاشی نظام کو مسترد کردیا تھا۔بیرسٹر فروغ نسیم سے پوچھا گیا کیا آپ پریس کانفرنس میں کوئی توہین دیکھی ہے؟بیرسٹر فروغ نسیم نے کہا پریس کانفرنس میں ایسی کوئی بات نہیں،آج سپریم کورٹ کا ماحول بہت اچھا تھا،قرآنی آیات کا مفہوم ہے کہ سود اللہ سے جنگ ہے۔ یہی بات میں نے اسمبلی میں کی، جس معاشرے کا نطام ہی سود پر ہو ،فنانس منسٹر کہتے ہیں خوشحالی آنے والی ہے،میں منسٹر کی بات مانوں یا اللہ کی،سود کے حوالے سے درخواستیں دو سال سے پینڈنگ پڑی ہیں،بھٹو مولوی نہیں تھا اس کے باوجود آئین میں لکھا جلد سود کا خاتمہ کریں گے،پی ٹی آئی کے روف حسن ججز کو ٹاوٹ اندھا بہرہ کہہ رہے ہیں،میں تو ایسا کچھ سوچ نہیں سکتا زبان پر نہیں لاسکتا،ہم سود کی وجہ سے اللہ اور اسکے رسول سے جنگ میں مبتلا ہیں،میں نے اسی بات پر پریس کانفرنس کی،جہاں ججز کے حقوق معتبر ہیں وہی یہ معاملہ بھی ہے، پاکستان نیا اسلامی معاشی نظام متعارف کروائے گا،بھٹو نے آئین میں لکھا جلد سود ختم کریں گے وہ مولوی بھی نہیں تھے،ہم نے عدالت میں کہا اگر پریس کانفرنس میں آپکو کوئی ایسی بات لگتی ہے یا استحقاق مجروح ہوا ہے تو ہم معافی مانگتے ہیں،ہم نے چوتھا پوائنٹ لکھا ہے کہ سود کے حوالے سے اپیلیں سماعت کے لئےمقرر کی جائیں۔