Tag: اسلام آباد

نگران وفاقی وزیر مذہبی امور انیق احمد نے کہا ہے معاشرے سے مایوسی کو ختم کرنا ہے کیونکہ مایوسی کفر ہے جبکہ نگران وزیر انیق احمد نے مزید کہا ہے کہ مدارس اہم کام کررہے ہیں، ہمیں ان پر ناز ہے، انہی مدارس نے دینی علم کو محفوظ کررکھا ہے،علما اور طلبہ کو قوم کو مایوسی سے نکالنا ہے۔

تاہم انہوں نے کہا کہ آج ملک میں معاشی مسائل ہیں، جن کے پاس علم ہوتا ہے وہ ان مسائل سے نکل جاتے ہیں، ہمیں بہت سارے چیلنجز کا سامنا ہے، ہمیں ثقافتی مسائل بھی درپیش ہیں، ہمیں کچھ خارجی چیلنجز کا بھی سامنا ہے ، نظریاتی سرحدوں کی حفاظت ذمہ داری ہم سب پر ہے، دنیا کو بتائیں ہم پرامن ملک ہیں، دہشت گردی سے نفرت کرتے ہیں۔
مزید یہ بھی پڑھیں؛
چینی کی قیمت 200 تک پہنچ گئی
شادی جلدی یا لیٹ کبھی بھی ہو سکتی ہے ایشو والی بات نہیں‌عثمان مختار
میں آج تک اقربا پروری کا شکار نہیں‌ہوئی غنا علی
انڈر 23 ایشین کپ 2024 کوالیفائرز کیلئے 23 رکنی سکواڈ کا اعلان
حلیم عادل شیخ کے خلاف ایک اور مقدمہ درج
قمری پرندے کے شکار پر پابندی
شادی جلدی یا لیٹ کبھی بھی ہو سکتی ہے ایشو والی بات نہیں‌عثمان مختار

کچھ لوگ پاکستان کا خوبصورت چہرہ تباہ کرنا چاہتے ہیں، اس خوبصورت ریاست کو مودی کا ہندوستان نہیں بننے دیں گے جبکہ نگران وفاقی وزیر کا کہنا تھا سختیاں اور منافقت سب کو ختم ہونا چاہیے، اگلا الیکشن ساز گار ماحول میں ہونا چاہیے۔ قوم کو مایوسی سے نکالنا ہے مایوسی کفرہے۔ انکا مزید کہنا تھا کہ جنت کے ٹھیکیدار ہم نہیں یہ اللہ کا معاملہ ہے، روڈ ٹو مکہ منصوبے پر کام ہو رہا ہے، ہم حجاج کی بہترین خدمت کرنا چاہتے ہیں۔

ملک میں چینی کی قیمت تاریخ کی بلند ترین سطح پر پہنچ گئی ہے، اور مختلف شہروں میں فی کلو 200 روپے میں فروخت ہو رہی ہے جبکہ بجلی اور پیٹرولیم مصنوعات کی قیمتوں میں اضافے کے بعد مہنگائی نے عوام کی چیخیں نکال دی ہیں، جب کہ چینی نے بھی اپنی ڈبل سنچری مکمل کرلی ہے۔

جبکہ فروخت کنندہ کا کہنا ہے کہ ٹرانسپورٹ کے کرایوں سمیت دیگر اشیائے ضروریہ کی قیمتوں میں بھی اضافہ ہوگیا ہے، جب کہ شہریوں کا کہنا ہے کہ غریب مر رہا ہے، کسی کو ان کی فکر نہیں، مہنگائی کا جن بدستور بے قابو ہے اور اشیاء خورد نوش کی قیمتوں میں روز بروز پر لگ رہے ہیں، جب کہ چینی کی قیمت تاریخ کی بلند ترین سطح پر پہنچ گئی ہے۔

علاوہ ازیں کوئٹہ میں فی کلو چینی 200 روپے میں فروخت ہو رہی ہے، جس کے باعث متوسط طبقہ اور کم آمدنی والے افراد کی قوت خرید ختم ہوگئی ہے تاہم ادھر کراچی میں چینی کی قیمتوں میں اضافے کا سلسلہ جاری ہے، اور ہول سیل مارکیٹ میں چینی کی قیمت 178 روپے کلو جب کہ ریٹیل مارکیٹ میں 185 روپے کلو تک پہنچ گئی ہے، پیٹرولیم مصنوعات کی قیمتوں میں اضافے کے بعد مہنگائی کا طوفان امڈ آیا ہے اور یوں ٹھٹھہ میں بھی آٹا 160 روپے کلو جب کہ چینی 180 میں فروخت ہورہی ہے، عوام نے نگراں حکومت سے ریلیف کا مطالبہ کیا ہے، ایک طرف پاکستان میں چینی کی قیمتوں میں مسلسل اضافہ ہورہا ہے اور دوسری جانب چینی کی اسمگلنگ بھی زورو شور سے جاری ہے۔

علاوہ ازیں بجلی اور پیٹرولیم مصنوعات کی قیمتوں میں اضافے کے بعد اشیاء خوردنوش کی قیمتوں کو پر لگ گئے ہیں، اور سکھر میں چینی ڈبل سینچری کو کراس کررہی ہے، جب کہ دالوں اور کوکنگ آئیل کے ریٹ 60 روپے کلو بڑھ گئے ہیں۔ تاہم ذرائع کا کہنا ہے کہ چینی بلوچستان سے افغانستان روزانہ ٹرکوں کے ذریعے اسمگل کی جا رہی ہے، اور یہ اسمگلنگ پولیس لیویز کسٹم اور دیگر اداروں کے ہوتے ہوئے اسمگل کی جاتی ہیں جس کے باعث پاکستان میں ہر روز چینی کی قیمتوں میں بے تحاشا اضافہ کیا جا رہا ہے۔
مزید یہ بھی پڑھیں؛
چینی کی قیمت 200 تک پہنچ گئی
شادی جلدی یا لیٹ کبھی بھی ہو سکتی ہے ایشو والی بات نہیں‌عثمان مختار
میں آج تک اقربا پروری کا شکار نہیں‌ہوئی غنا علی
انڈر 23 ایشین کپ 2024 کوالیفائرز کیلئے 23 رکنی سکواڈ کا اعلان
حلیم عادل شیخ کے خلاف ایک اور مقدمہ درج

جبکہ نجی ٹی وی نے دعویٰ کیا ہے کہ بلوچستان کسٹم نے دیگر قانون نافذ کرنے والے اداروں کی مدد سے دو مختلف کاروائیوں میں 20 ٹرکوں میں لوڈ ہزاروں بوریاں چینی برآمد کر لیا جس کی مالیت 70 کروڑ روپے بتائی جاتی ہیں اور یہ کاروائیاں مزید بھی جاری رہے گی، تاہم ذرائع کے مطابق ملک کے اندر منافع خور ذخیرہ اندوزی بھی کر رہے ہے، جس کے باعث روزانہ کی بنیاد پر چینی کی غیر قانونی طور پر ریٹ بڑھائے جا رہے ہیں۔

آج خبریں گردش کرنے لگیں کہ چیئرمین نادرا کے عہدے پر ایک فوجی افسر کو تعینات کر دیا گیا ہے تاہم ذرائع کا کہنا ہے کہ ان خبروں میں کوئی صداقت نہیں ہے لیکن خیال رہے کہ اینکر پرسن فریحہ ادریس نے ایک ٹوئیٹ میں دعوی کیا تھا کہ لیفٹنٹ جنرل نعمان ذکریا کو نیشنل ڈیٹا بیس رجسٹریشن اتھارٹی کے چیئرمین کے عہدے پر تعینات کر دیا گیا ہے۔

جبکہ یہ دعوی ایسے موقع پر کیا گیا جب نگران وزیر اعظم انوار الحق کاکڑ نے تصدیق کی تھی کہ چیئرمین نادرا کی تعیناتی کے حوالے سے قواعد میں تبدیلی کی گئی ہے خیال رہے کہ گزشتہ جمعرات کے روز اینکر پرسن سے گفتگو میں نگران وزیراعظم انوار الحق کاکڑ کا کہنا تھا کہ یہ اقدام ملک کی سیکیورٹی صورتحال کے پیش نظر اٹھایا گیا ہے۔
مزید یہ بھی پڑھیں؛
پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
اپر چترال میں چکن پاکس پھیلنے لگا،درجنوں افراد متاثر
مہنگائی میں مزید اضافہ ہوگیا
سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
اوپن مارکیٹ میں ڈالر 328 روپے کی تاریخی سطح پر پہنچ گیا
ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
تاہم یاد رہے کہ چیئرمین نادرا طارق ملک 13 جون کو مستعفی ہو گئے تھے۔ ان کے خلاف ایف ائی اے میں تحقیقات چل رہی تھیں جن کا تعلق ڈیٹا لیک کے ایک مبینہ واقعے سے ہے جبکہ فریحہ ادریس کی جانب سے دعوے کے بعد سوشل میڈیا پر افواؤں کا بازار گرم ہو گیا تاہم ذرائع نے یہ بھی بتایا کہ ان خبروں میں کوئی صداقت نہیں ہے۔

سابق وزیراعلیٰ پنجاب اور تحریک انصاف کے صدر چودھری پرویز الٰہی کو لاہور سے گرفتار کرکے اٹک جیل منتقل کر دیا گیا جبکہ چودھری پرویز الٰہی کو لاہور ہائیکورٹ کے حکم کے باوجود اسلام آباد پولیس نے گھر کے راستے سے دوبارہ گرفتار کیا تھا۔

اس سے قبل سابق وزیر اعلیٰ پنجاب اور تحریک انصاف کے صدر چودھری پرویز الٰہی کو 30دن کیلئے نظر بند کرنےکےاحکامات جاری کیئے تھے، ڈپٹی کمشنر اسلام آباد نےحساس اداروں ،اسپیشل برانچ اورایس ایس پی آپریشنزکےخط پر تھری ایم پی او کا لیٹرجاری کیا ، جس کے مطابق ایس ایس پی اسپیشل برانچ اور آئی بی نےپرویز الٰہی کو نظر بند کرنے کی سفارش کی ہے جبکہ تھری ایم پی او آرڈر کے مطابق چودھری پرویز الٰہی کو 30دن نظر بند کرنےکےاحکامات جاری کئےگئےہیں، پرویز الٰہی تحریک انصاف کےاہم عہدیدارہیں، اوراسلام آباد میں پی ٹی آئی کے حامیوں کی تعدادبہت زیادہ ہیں،اور انکی وجہ سے پی ٹی آئی کارکنان امن وامان کی صورتحال خراب کرسکتےہیںاوراملاک کو نقصان پہنچایا جا سکتا ہے۔

آرڈر کے مطابق چودھری پرویزالٰہی نظر بندی کے احکامات کو عدالت میں چیلنج کرنے کا حق رکھتے ہیں اور حساس اداروں ،اسپیشل برانچ اورایس ایس پی آپریشنزکےخط پرآرڈرجاری کیا گیا، خط کے مطابق پرویزالٰہی اس سے قبل بھی بد امنی پھیلانے میں ملوث رہے ہیں،ان کورہا کیا گیا تو ان کےحامی اسلام آباد میں پبلک پراپرٹی کو نقصان پہنچاسکتےہیں۔

یادرہے کہ آج یکم ستمبرکو سابق وزیراعلیٰ پنجاب چوہدری پرویز الٰہی کو لاہور ہائیکورٹ کے حکم کے باوجود اسلام آباد پولیس نے گھر کے راستے سے دوبارہ گرفتار کرلیا، لاہور ہائیکورٹ نے سابق وزیراعلیٰ پنجاب چوہدری پرویز الہیٰ کو رہا کرنے کا حکم دے دیا، جس کے بعد وہ کئی گھنٹے تک عدالت میں رہے، انہوں نے گرفتاری کے خدشے کا اظہار کیا۔
مزید یہ بھی پڑھیں؛
پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
اپر چترال میں چکن پاکس پھیلنے لگا،درجنوں افراد متاثر
مہنگائی میں مزید اضافہ ہوگیا
سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
اوپن مارکیٹ میں ڈالر 328 روپے کی تاریخی سطح پر پہنچ گیا
ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
لاہورہائیکورٹ نے پولیس کو حکم دیا کہ پرویز الہٰی کو بحفاظت گھر پہنچایا جائے، ایک دو افسران اور لیں، سابق وزیراعلیٰ کو گھر چھوڑ آئیں، اگر کچھ ہوا تو ذمہ دار آپ ہوں گے اور لاہور ہائیکورٹ کے حکم کے بعد چوہدری پرویز الٰہی پولیس کی بھاری نفری کے ہمراہ عدالت عالیہ سے گھر جانے کیلئے نکلے تاہم انہیں کینال روڈ پر پولیس اہلکاروں نے گرفتار کرلیا اور اپنے ساتھ اٹھا کرلے گئے۔

سابق وزیرخزانہ اسحاق ڈار کا کہنا ہے کہ پاکستان کےڈیفالٹ کا منترہ ہمیشہ کیلئے ختم ہوگیا ہے، نگراں حکومت تمام پالیسیوں کو لے کر چلے تو ملک بہتر ہو گا جبکہ لندن میں میڈیا سے بات کرتے ہوئے سابق وزیرخزانہ اور مسلم لیگ ن کے رہنما اسحاق ڈار کا کہنا تھا کہ 2013 میں دہشت گردی اور لوڈشیڈنگ کے بہت مسائل تھے، ہم معیشت وہاں لے کر گئے جہاں ہم 24 ویں معیشت بن گئے تھے۔

علاوہ ازیں اسحاق ڈار کا کہنا تھا کہ ہم نے آپریشن ضرب عضب اور ردالفساد شروع کیا، ہم نے2017 میں اقتدار چھوڑا تو دنیا پاکستان کی تعریف کر رہی تھی، لیکن 2018 کے بعد 4 سال میں ملک کی معیشت کو 47 ویں نمبر پر پہنچا دیا گیا۔
مزید یہ بھی پڑھیں؛
پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
اپر چترال میں چکن پاکس پھیلنے لگا،درجنوں افراد متاثر
مہنگائی میں مزید اضافہ ہوگیا
سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
اوپن مارکیٹ میں ڈالر 328 روپے کی تاریخی سطح پر پہنچ گیا
ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
سابق وزیرخزانہ نے کہا کہ ہم نے تمام بیرونی ادائیگیاں وقت پر کیں، اب پاکستان کے ڈیفالٹ کا منترہ ہمیشہ کیلئے ختم ہوگیا ہے، نگراں حکومت تمام پالیسیوں کو لے کر چلے تو ملک بہتر ہو گا۔ دوسری جانب پاکستان بزنس کونسل نے خبردار کیا کہ امریکی ڈالر کے مقابلے میں روپے کی تیزی سے گرتی ہوئی گراوٹ پاکستان کے لیے ’بدترین طوفان‘ ہے جبکہ پی بی سی نے سوشل میڈیا پلیٹ فارم ایکس، جسے پہلے ٹویٹر کے نام سے جانا جاتا تھا ، اس پر جاری بیان میں کہا کہ شرح تبادلہ میں کمی کی وجہ کئی عوامل ہیں۔

جبکہ اس میں درآمدات میں قبل از وقت نرمی، برآمدات میں کمی، گھروں کی ترسیلات زر کو حوالہ کی طرف موڑنا شامل ہے، جس کے نتیجے میں اسمگلروں اور غیر رسمی / کم انوائس تاجروں کی طرف سے امریکی ڈالر کی مضبوط مانگ کو پورا کیا جاتا ہے، پی بی سی نے اپنے نوٹ میں مزید کہا کہ ذخائر پر درآمدی دباؤ (اور اس طرح روپے کی قدر) کافی تیزی سے کم ہوجائے گا کیونکہ بینک اپنی کھلی پوزیشن کو دوبارہ متوازن کریں گے۔

علاوہ ازیں پی بی سی کا کہنا ہے کہ برآمدات عالمی طلب کا حصہ ہیں اور پاکستان کی متبادل ذرائع سے حاصل ہونے والے ممالک کے مقابلے میں قدر پیش کرنے کی صلاحیت ہے۔ ہم جن اہم مارکیٹوں کی خدمت کرتے ہیں ان میں مالیاتی سختی کی وجہ سے عالمی طلب کی بحالی کا امکان نہیں ہے، پی بی سی نے کہا کہ حکومت کی جانب سے برآمد کنندگان کے لیے علاقائی مسابقتی توانائی ٹیرف (آر سی ای ٹی) کو واپس لینے سے قیمت کی تجویز میں مدد نہیں ملے گی، اور امکان ہے کہ صارفین خطرناک ملک سے خریداری کرتے وقت ”ناقابل اعتماد رعایت“ کی اپنی مانگ کو برقرار رکھیں گے۔

جبکہ ادارے نے شرح تبادلہ کے انتظام کے حوالے سے اسٹیٹ بینک آف پاکستان (ایس بی پی) کی مانیٹری پالیسی کمیٹی (ایم پی سی) کے کردار پر بھی سوال اٹھایا۔ اپنے نوٹ میں سوال اٹھایا کہ تو پھر روپے کی قدر کے انتظام میں اعلی شرح سود پر مبنی ہماری مانیٹری پالیسی کا کیا کردار ہے۔ کونسل نے کہا کہ 9 ٹریلین روپے سے زائد نقد رقم گردش میں ہونے کی وجہ سے کرنسی اور سونے میں قیاس آرائیوں کے لئے کافی لیکویڈیٹی دستیاب ہے۔

تاہم واضح رہے کہ روپے پر ایک بار پھر دباؤ بڑھ گیا ہے اور انٹر بینک میں ڈالر کے مقابلے میں روپے کی قدر 305 کی سطح پر منڈلا رہی ہے جبکہ اوپن مارکیٹ میں یہ 330 سے بھی نیچے گر گئی ہے۔ نگراں انتظامیہ اس وقت پاکستان پر حکومت کر رہی ہے اور بنیادی طور پر اسے ملک کو قومی انتخابات کی طرف لے جانے کی ذمہ داری سونپی گئی ہے۔ تاہم، یہ شدید سیاسی تناؤ کے ساتھ ریکارڈ اونچی افراط زر اور شرح سود سے بھی گھرا ہوا ہے۔