‏ڈسٹرکٹ اینڈسیشن کورٹس اسلام آباد میں سیشن جج اعظم خان کی عدالت میں سارہ انعام قتل کی سماعت ہوئی،‏پراسیکیورٹر راناحسن عباس، مدعی وکیل راؤ عبد الرحیم اور مقتولہ کے والد انعام الرحیم عدالت میں پیش ہوئے-

مرکزی ملزم شاہنوازامیر کے وکیل بشارت اللہ کا عدالت میں عدم حاضری کا سلسلہ جاری،ملزم کے جونیئر وکیل نے وکیلِ ملزم بشارت اللہ کی عدم دستیابی سے عدالت کو آگاہ کردیا جونئیر وکیلِ ملزم نےکہا کہ ‏بشارت اللہ اسلام آباد ہائیکورٹ میں آج مصروف ہیں، مدعی وکیل راؤ عبد الرحیم نے کہا کہ ایک سال ہوگیا، سارہ انعام قتل کیس تاخیر کا شکار ہورہا، کئی سماعتوں سے وکیلِ ملزم بشارت اللہ عدالت پیش نہیں ہورہے-

منی لانڈرنگ کیس: وزیراعظم شہباز شریف اور حمزہ شہباز نے بریت کی درخواستیں دائر کردیں

سیشن جج نے کہا کہ ‏بشارت اللہ سے پوچھ لیں آئندہ کس تاریخ پر دستیاب ہوں گے، ایک تاریخ بشارت اللہ کی مرضی سے پوچھ لیں لیکن پھر سماعت ملتوی نہیں ہوگی، جونیئر وکیلِ ملزم نے کہا کہ ‏بشارت اللہ 13 جولائی کو عدالت پیش ہو سکتےہیں، سیشن جج نے کہا کہ 13 جولائی کو تین گواہان کے بیانات پر جرح کرلیں گے، جولائی میں سارہ انعام قتل کیس کا فیصلہ کرلیں گے-

بعد ازاں سارہ انعام قتل کیس کی سماعت وکیلِ ملزم بشارت اللہ کی عدم حاضری پر ایک بار پھر ملتوی کردی گئی-

سارہ انعام قتل کیس کی سماعت بار پھر ملتوی

اسلام آباد ہائیکورٹ ، کوئٹہ وکیل قتل کیس ،چیئرمین پی ٹی آئی کی حفاظتی ضمانت کی درخواست پر سماعت ہوئی

اسلام آباد ہائیکورٹ کے چیف جسٹس عامر فاروق اور جسٹس میاں گل حسن اورنگزیب پر مشتمل بنچ نے سماعت کی،اسلام آباد ہائیکورٹ کے چیف جسٹس عامر فاروق نے عمران خان کے وکیل لطیف کھوسہ سے استفسار کیا کہ کہاں کی ضمانت چاہیئے ؟ وکیل لطیف کھوسہ نے کہا کہ کوئٹہ کے کیس میں حفاظتی ضمانت چاہیئے ،

سربراہ پی ٹی آئی کی 14 روز کی حفاظتی ضمانت منظورکر لی گئی، اسلام آباد ہائیکورٹ نے پولیس کو اس مقدمہ میں عمران خان کی گرفتاری سے روک دیا

بلوچستان میں وکیل کے قتل کا معاملہ ،چیئرمین پی ٹی آئی نے قتل کے مقدمہ میں نامزدگی سپریم کورٹ میں چیلنج کر رکھی ہے،بلوچستان ہائیکورٹ کے فیصلے کے خلاف درخواست وکیل لطیف کھوسہ کے ذریعے دائر کی گئی ،درخواست میں ایف آئی ار کو کالعدم کرنے کی استدعا کی گئی،دائر درخواست میں موقف اپنایا گیا کہ درخواست گزار کو سیاسی مقاصد کیلئے مقدمہ میں نامزد کیا گیا ہے، درج کیا گیا مقدمہ آئین کے آرٹیکل 9,10 اور 14 کی خلاف ورزی ہے،ٹھوس شواہد کے بغیر سابق وزیراعظم کو مقدمہ میں طلب بھی نہیں کیا جا سکتا، انسدادِ دہشتگردی عدالت کی جانب سے جاری کئے گئے ناقابل ضمانت وارنٹ گرفتاری قانون کے خلاف ہیں ،بلوچستان ہائیکورٹ نے تحقیقات میں مداخلت نہ کرنے کا کہتے ہوئے درخواست خارج کردی تھی کوئٹہ کے شہید جمیل کاکڑ پولیس اسٹیشن میں چیئرمین تحریک انصاف کو قتل کے مقدمہ میں نامزد کیا گیا تھا

واضح رہے کہ بلوچستان کے صوبائی دارالحکومت کوئٹہ میں ایڈوکیٹ عبدالرزاق کو فائرنگ کرکے قتل کردیا گیا تھا جس پر عطا تارڑ نے پریس کانفرنس کرتے ہوئے عمران خان پر قتل کا الزام عائد کیا تھا، بعد ازاں قتل کا مقدمہ بھی عمران خان کے خلاف درج کیا گیا تھا،وکیل عبدالرزاق نے عمران خان کے خلاف آرٹیکل 6 کے تحت کارروائی کے حوالہ سے درخواست دے رکھی تھی،

اعظم سواتی کو بلوچستان سے مقدموں میں رہائی ملنے کے بعد انہیں سندھ پولیس نے گرفتار کر لیا ہ

عدالت نے اعظم سواتی کو مزید مقدمات میں گرفتار کرنے سے روک دیا

گائے لان میں کیوں گئی؟ اعظم سواتی نے 12 سالہ بچے کو ماں باپ بہن سمیت گرفتار کروا دیا تھا

پتا چل گیا۔! سواتی اوقات سے باہر کیوں ؟ اعظم سواتی کے کالے کرتوت، ثبوت حاظر ہیں۔

ن لیگی رہنما، وفاقی وزیر احسن اقبال نے کہا ہے کہ آئی ایم ایف معاہدہ قوم کے لئے خوشخبری ہے ،

احسن اقبال کا کہنا تھا کہ وزیر اعظم کی سفارتکاری نے اہم کردار ادا کیا ،آئی ایم ایف معاہدہ ہمارے معاشی چیلنجز کی مرہم پٹی ہے، معیشت کو مستقل بیرونی امداد کے چنگل سے نکالنے کے لئے محنت کرنا ہو گی، برآمدات، ڈیجیٹل پاکستان، آبی و خوراک کی سیکیورٹی، سستی توانائی اور مساویانہ و پائیدار ترقی قومی اہداف ہیں، 2035 تک پاکستان ون ٹری لین ڈالر اکانومی بن سکتا ہے، ہمارے نوجوان ایٹمی طاقت سے بڑی قوت ہیں،آ ئی ایم ایف معاہدہ سے روپیہ مستحکم ہو گا، بیرونی سرمایہ کاری آئیگی اور مہنگائی قابو میں آئیگی

احسن اقبال کا کہنا تھا کہ پی ٹی آئی نے آئی ایم ایف معاہدہ سبوتاژ کروانے کے لئے امریکہ میں بھرپور لابنگ کی مگر ناکام ہوئی۔ اس سے قبل وہ اپنی دو صوبائی حکومتوں کے ذریعہ بھی معاہدہ سبوتاژ کرنے کی کوشش کر چکی تھی۔ عمران نیازی کی سیاست نے ملک کے مفادات کیخلاف کام کرنے کی بدترین مثالیں قائم کی ہیں۔

ن لیگی رہنما، وفاقی وزیرخواجہ آصف کا کہنا ہے کہ الحمد للہ آئی ایم ایف کا معاہدہ تمام تر خدشات کے باوجود مکمل ہوا. وزیراعظم وزیر خزانہ اور ٹیم کے تمام اراکین مبارکباد کے مستحق ہیں. بہت سے "خیر خواہوں” کی امیدوں پہ پانی پھر گیا ہے جن میں دوست دشمن بھی شامل تھے. اللہ کرے تمام پاکستانی جن کو ٹیکس ادا کرنا چاہئیے ٹیکس اداکریں. ٹیکس چوری بدترین ملک دشمنی ہے. اور غریب عوام کے معاشی قتل کے مترادف ہے. رشوت اور قومی خزانے کی لوٹ مار بند ہو. آئی ایم ایف معاہدہ ہمیں معاشی امراض سے صرف چھٹکارے کیلئے مہلت فراہم کرتا مکمل علاج ہم نے خود کرنا ہے.اللہ ہماری دولتمند مراعات یافتہ اشرافیہ کو وطن کی محبت کی دولت سے مالا مال کرے اور عام پاکستانی کی مشکلات سمجھنے کی توفیق عطا فرمائے

آئی ایم ایف سے اسٹاف لیول معاہدے کے بعد وزیر خزانہ اسحاق ڈار نے بھی ٹویٹ کی، وزیر خزانہ اسحاق ڈار نے آئی ایم ایف کی پریس ریلیز شیئر کردی اسحاق ڈار نے آئی ایم ایف کی پریس ریلیز پر "الحمداللہ ” لکھا

واضح رہے کہ پاکستان اور آئی ایم ایف کے درمیان معاملات طے پا گئے آئی ایم ایف نے پاکستان کیساتھ اسٹاف لیول معاہدہ کرلیا ،3 ارب ڈالر کا اسٹاف لیول معاہدہ کرنے کا اعلان کردیا گیا معاہدے سے مشکلات کا شکار ملکی معیشت کو استحکام ملے گا حکومت نے آئی ایم ایف کی تمام شرائط پوری کردی تھیں ، آئی ایم ایف اعلامیہ میں کہا گیا ہے کہ معاہدہ ورچوئل مذاکرات کے ذریعے مکمل کیا گیا ،

آئی ایم ایف کے ساتھ پاکستان کا سٹاف لیول معاہدہ،وزیراعظم کی ٹویٹ

سوشل میڈیا پر جعلی آئی ڈیز کے ذریعے لڑکی بن کر لوگوں کو پھنسانے والا گرفتار

قصور کے بعد تلہ گنگ میں جنسی سیکنڈل. امام مسجد کی مدرسہ پڑھنے والی بچیوں کی ساتھ زیادتی

سوشل میڈیا چیٹ سے روکنے پر بیوی نے کیا خلع کا دعویٰ دائر، شوہر نے بھی لگایا گھناؤنا الزام

واضح رہے کہ فرانس میں وزیراعظم شہباز شریف کی آئی ایم ایف کی ایم ڈی سے تین ملاقاتیں ہوئی ہیں، وزیراعظم شہباز شریف نے آئی ایم ایف کے ساتھ پروگرام کو مکمل کرنے کے پاکستان کے عزم کو دوہرایا . پاکستان کی معاشی حقیقتوں سے متعلق غور کرنے پر وزیراعظم شہباز شریف نے ایم ڈی آئی ایم ایف کی سوچ کو سراہا ،

اسلام آباد اور گردونواح میں زلزلے کے جھٹکے محسوس کئے گئے –

باغی ٹی وی: زلزلہ پیما مرکز کے مطابق زلزلہ جمعرات کی صبح 9 بج کر 58 منٹ پر آیا ریکٹر اسکیل پر زلزلے کی شدت 5.2 ریکارڈ کی گئی زلزلے کی گہرائی 170 کلومیٹر زیر زمین تھی،زلزلے کا مین مرکز افغانستان تاجکستان بارڈر تھا-

زلزلے کے جھٹکوں سے عوام میں شدید خوف و ہراس ٔپھیل گیا لوگ کلمہ طیبہ کا ورد کرتے ہوئے گھروں سے باہر نکل آئے،زلزلے سے تاحال کسی جانی و مالی نقصان کی اطلاع موصول نہیں ہوئی ہے ۔

خسارے میں جانے والی پاکستان کی قومی ایئر لائن پی آئی اے کی انتظامیہ نے پائلٹس کے فلائنگ الاؤنس میں اضافہ کر دیا،

پی آئی اے کی جانب سے جاری نوٹیفکیشن کےمطابق فلائنگ الاؤنس کے حصول کے لیے کم از کم 50 گھنٹے طیارہ اڑانا لازمی قرار دیا گیا ہے، 10 سال کی سروس پر پائلٹس کے فلائنگ الاؤنس میں 35 فیصد اضافہ ہوگا ، 20 سال سروس والے پی آئی اے کے پائلٹس کے فلائنگ الاؤنس میں 30 فیصد اضافہ کیا گیا ، 30 سال تک پی آئی اے میں سروس کرنے والے پائلٹس کے فلائنگ الاؤنس میں 25 فیصد اضافہ کیا جائے گا،30 سال سے زیادہ سروس دینے والے پائلٹس کے فلائنگ الاؤنس میں 20 فیصد تک اضافے کی منظوری دی گئی ہے ،پی آئی اے بورڈ آف ڈائریکٹرز نے انتظامیہ کی سفارش پر فلائنگ الاؤنس میں اضافےکی منظوری دی

پائلٹس کے فلائنگ الاؤنس میں اضافہ یکم جون سے نافذالعمل ہوگا ڈیوٹی سے منع کرنے، بغیر وجہ چھٹی پر فلائنگ الاؤنس نہیں ملے گی ، 60 گھنٹے فلائنگ پر پی آئی اے کے پائلٹس کو 150 فیصد فی گھنٹے کے حساب سے الاؤنس ملے گا ،70 گھنٹے فلائنگ کرنے والے پائلٹس کو فی گھنٹہ 200 فیصد کے حساب سے الاؤنس ملے گا ، 71 گھنٹے یا اس سے زائد طیارہ اڑانے پر 250 فیصد فی گھنٹہ فلائنگ الاؤنس دیا جائے گا ، پائلٹس کے لیے ڈومیسٹک پروازوں پر فلائنگ الاؤنس 500 روپے فی گھنٹہ اضافے سے 750 روپے کر دیا گیا عالمی فلائٹس پر پائلٹس کو فی گھنٹہ الاؤنس 5 ڈالر اضافہ کر کے 10 ڈالر فی گھنٹہ کرنے کی منظوری دی گئی ہے فلائنگ الاؤنس ریٹائرڈ یا برطرف کیے گئے پائلٹس کو نہیں ملے گا ،فلائنگ الاؤنس میں اضافے کے بعد پائلٹس کی مجموعی تنخواہوں میں بڑا اضافہ ہوجائے گا

اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے

پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

واضح رہے کہ سپریم کورٹ میں ایک کیس کی سماعت کے دوران جسٹس اعجاز الاحسن نے وکیل سے سوال کیا کہ کیا پی آئی اے منافع کما رہی ہے؟ پی آئی اے حکومت سے کتنی گرانٹس لیتی ہے، نمائندہ پی آئی اے نے عدالت میں کہا کہ مجموعی طور پر 383 بلین کا خسارہ ہے گزشتہ مالی سال میں 88 ارب کا خسارہ ہوا ہے اگر سابقہ خسارے کو پی آئی اے سے علیحدہ کردیا جائے تو بہتری ہو سکتی ہے ایڈیشنل اٹارنی جنرل نے عدالت میں کہا کہ گزشتہ 9 ماہ میں پی آئی اے کی کارکردگی بہتر رہی ہے جسٹس اعجازالاحسن نے ریمارکس دیتے ہوئے کہا کہ پی آئی اے نے سارے حج آپریشنز آؤٹ سورس کردئیے ہیں، جہاز ہی نہیں تو آپریشنز کیسے چلیں گے

آزاد کشمیر کابینہ میں توسیع کردی گئی اور مزید 27 نئے وزرا نے حلف اٹھالیا جس کے بعد کابینہ ارکان کی مجموعی تعداد 29 ہوگئی ہے جبکہ صدر آزاد جموں وکشمیر بیرسٹر سلطان محمود چوہدری نے نو منتخب کابینہ سے آج مظفرآباد میں حلف لیا۔ اس موقع پر وزیراعظم آزادکشمیر چوہدری انوارالحق اور اسپیکر قانون ساز اسمبلی چوہدری لطیف اکبر بھی موجود تھے۔

معروف تجزیہ کار طاہر ملک نے اس حوالے سے تنقید کرتے ہوئے لکھا کہ "ایک طرف آئی ایم ایف ڈیل کے لئے تمام تر شرائط مانی جارھی ہیں، جبکہ حکومتی اخراجات کم کرنے کے دعوے کئے جارھے ہیں دوسری جانب آزاد کشمیر حکومت کی کابینہ میں 26 وزرا کا اضافہ ہورہا ہے.

ایک طرف آئی ایم ایف ڈیل کے لئے تمام تر شرائط مانی جارھی ہیں۔
حکومتی اخراجات کم کرنے کے دعوے کئے جارھے ہیں دوسری جانب آزاد کشمیر حکومت کی کابینہ میں 26 وزرا کا اضافہ۔ pic.twitter.com/AKOA8QF1ii

— Tahir Naeem Malik (@TahirNaeemMalik) June 25, 2023

جبکہ تقریب حلف برداری میں ممبران اسمبلی، انتظامی افسران، سیاسی اور سماجی شخصیات سمیت دیگر مکاتب فکر کے لوگوں نے بڑی تعداد میں شرکت کی، وزرا میں پی ٹی آئی کے 15 منحرف، پیپلزپارٹی کے 9 اور ن لیگ کے 3 ارکان شامل ہیں۔ حلف اٹھانے والوں میں سردار محمد حسین خان، عامر عبدالغفار لون، سردار میر اکبر خان، دیوان علی خان چغتائی، عبدالوحید، چوہدری ارشد حسین، محمد احمد رضا قادری، چوہدری محمد رشید، عبدالماجد خان، راجہ محمد صدیق اور چوہدری محمد اکبر شامل ہیں۔
مزید یہ بھی پڑھیں؛
ڈاؤیونیورسٹی ایشیا کی بہترین جامعات کی فہرست میں شامل
تعلیمی میدان میں گلگت بلتستان کے نوجوان آزاد کشمیر اور اسلام آباد کے نوجوانوں سے آگے
سلمان خان نے نوازالدین صدیقی کی اہلیہ کو ذاتی زندگی کے بارے میں بات کرنے سے منع کر دیا
قومی اسمبلی: نااہلی کی سزا 5 سال کرنے کا بل اتفاق رائے سے منظور
مئیر کراچی انتخابات: پی ٹی آئی کےمزید 6 اراکین پی ٹی آئی سے فارغ
واجح رہے کہ حلف اٹھانے والوں میں جاوید اقبال بڈھانوی، سید بازل علی نقوی، سردار محمد جاوید ایوب، سردار عامر الطاف، اظہر صادق، نثار انصر، چوہدری محمد اخلاق، محمد اکمل سرگالہ، ظفر اقبال ملک، فہیم اختر، چوہدری یاسر سلطان، جاوید بٹ، محمد عاصم شریف، چوہدری عامر یاسین، قاسم مجید اور ضیاالقمر شامل ہیں۔