Baaghi TV

Tag: اسلام آباد

  • سابق وفاقی وزیرغلام سرور خان گرفتار

    سابق وفاقی وزیرغلام سرور خان گرفتار

    اسلام آباد: سابق وفاقی وزیر چوہدری غلام سرور خان کو اسلام آباد پولیس نے گرفتار کرلیا۔

    باغی ٹی وی: پولیس کا کہنا ہے کہ غلام سرور خان کے ساتھ ان کے بیٹے منصور حیات خان اور بھتیجے عمار صدیق کو بھی گرفتار کیا گیا ہے،سابق وفاقی وزیر برائے ہوا بازی غلام سرور خان کو اسلام آباد کے علاقے ایف 8 میں دوست کے گھر سے گرفتار کیا گیا۔


    پولیس کے مطابق ےرفتار شدگان میں غلام سرور کے بیٹے منصور حیات اور بھتیجے عمار صدیق بھی شامل ہیں، تینوں سانحہ 9 مئی میں جلاؤ گھیراؤ اور جوڈیشل کمپلیکس پر حملے میں مطلوب تھے ملزمان کے خلاف اسلام آباد، ٹیکسلا اور راولپنڈی میں مقدمات درج ہیں سابق وزیر کو مقدمات میں عدالت میں پیش کیا جائے گا، تاہم یہ ابھی طے نہیں ہوا ہے کہ انہیں اسلام آباد کی مقامی ماتحت عدالت میں پیش کیا جائے گا یا راولپنڈی منتقل کیا جائے گا۔

    چترال، کوہستان اپر، اپر دیر اور سوات کے بالائی علاقوں میں گلیشیر پگھلنے کا خدشہ

    عمران خان، شاہ محمود اور اسد عمر کے کیسز کی سماعت کرنے والے ججز تبدیل

    سبسڈی مستحق سیکٹر کیلئے ہونی چاہئے۔ ظفر مسعود

    واضح رہے کہ جڑواں شہروں کی پولیس غلام سرور کی گرفتاری کے لیے ان کے مختلف ٹھکانوں پر چھاپے مارتی رہی ہے، ٹیکسلا میں ان کے دفاتر اور پیٹرول پمپ بھی سیل کر دیئے گئے تھے۔

  • چیئرمین سینیٹ کی مراعات میں اضافے کا بل ،پبلک اکاؤنٹس کمیٹی بھی خاموش نہ رہی

    چیئرمین سینیٹ کی مراعات میں اضافے کا بل ،پبلک اکاؤنٹس کمیٹی بھی خاموش نہ رہی

    چیئرمین سینیٹ کی مراعات میں اضافے کے بل کو حکومت کی اتحادی جماعت پی پی نے مسترد کیا تو دوسری جب پبلک اکاؤنٹس کمیٹی نے بھی معاملے پر افسوس کا اظہار کیا ہے،

    پبلک اکاؤنٹس کمیٹی کے چیئرمین نورعالم خان کا کہنا ہے کہ پی اے سی کی حیثیت سے اس پر افسوس کرتے ہیں ہم چاہتے ہیں کہ ججز زیادہ پیسے لے رہے ہیں تو وہ بھی کم کریں ،کمیٹی اجلاس میں ن لیگی رہنما، رکن کمیٹی روحیل اصغر کا کہنا تھا کہ جہاں بھی پیسے کا نقصان ہو پی اے سی کا کام ہے اس پربحث کرے اورروکنے کی کوشش کرے ، پیپلز پارٹی کے سینیٹر سلیم مانڈوی والا کا کہنا تھا کہ کل اس معاملے پرکافی شرمندگی ہوئی کافی ممبرز کو یہ بل دکھایا نہیں گیا ان سے دستخط لے لیے گئے سفرپر سینیٹ ممبرز کے لیے صرف 20 روپے کلومیٹرکا اضافہ کیا گیا ہےباقی ساری چیزیں چیئرمین سینیٹ کے لیے تھیں

    پبلک اکاؤنٹس کمیٹی کے اراکین کا کہنا تھا کہ چیئرمین سینیٹ اوراسپیکرز کے لیے12 سرکاری ملازمین کی سہولت بل میں شامل کی گئی ہے چیئرمین سینیٹ اوراسپیکرز کو فلائٹ نہیں ملتی تو چارٹرڈ طیارہ کرا سکتے ہیں ایوان میں معاملہ آئے تو اس کے خلاف ووٹ دیں اور بل مسترد کریں

    واضح رہے کہ سینیٹ نے چیئرمین، ڈپٹی چیئرمین اور اراکین کی تنخواہوں ، مراعات میں اضافے کا قانون منظور کیا تھا ،پی پی نے اسکو مسترد کیا ہے،

    دوسری جانب پاکستان مرکزی مسلم لیگ کے صدر خالد مسعود سندھو نے کہا ہے کہ ملکی معیشت کی روز بروز بگڑتی صورتحال حکمرانوں کے سامنے ہے۔اس گمبھیر معاشی حالات کے اندر چئیرمین سینیٹ، ڈپٹی چیئرمین اور ارکان سینیٹ کی مراعات کی مراعات میں اضافے کا بل مضحکہ خیز اقدام ہے، پاکستان پر آئی ایم ایف کی جانب سے قرضوں کا بوجھ کیا کم ہے کہ اب عوامی خدمت گاروں کی مراعات میں بھی مزید اضافہ کرکے بوجھ بڑھایا جارہا ہے۔ موجودہ حکومت کے پاس معاشی حالات پر قابو پانے کا کوئی پلان موجود نہیں ہے،

    ان خیالات کا اظہار انہوں نے مرکزی مسلم لیگ لاہور کی مرکزی کابینہ اور کارکنان سے گفتگو کرتے ہوئے کیا انہوں نے مزید کہا کہ عوام مہنگائی، بے روزگاری اور غربت کی چکی میں پس رہے ہیں۔ موجودہ حکومت کی معاشی حکمت عملی صرف اشرفیہ نوازی پر مبنی ہے، وزیر خزانہ کہتے ہیں کہ حکومت کے پاس عوام کو معاشی ریلیف دینے کے لیے ایک روپیہ نہیں ہے جبکہ دوسری جانب ارکان پارلیمنٹ کو آئے روز نٸی سے نٸی مراعات دی جا رہی ہیں ، پارلیمنٹ و اسمبلیوں سے زبردستی مراعات کے بل پاس کروائے جارہے ہیں۔ چیئرمین و ڈپٹی چیئرمین سینیٹ کی مراعات میں اضافے کے بل پر ایوانِ بالا کے اُن اراکین کو ہوش کی ناخن لینے چاہیے تھے، جنہوں نے اس بل کی حمایت کی ہے۔ پاکستان کی موجود گھمبیر صورتحال میں چیئرمین سینیٹ کے بل پاس کروانے پر ساری دنیا میں جگ ہنسائی ہوئی ہے حکومت کی دلچسپی ملک اور قوم کی فلاح و بہبود میں نہیں، لوٹنے اور بیرون ملک جائدادیں بنانے میں ہے

    پاکستان پیپلزپارٹی آزادی صحافت کی حمایت جاری رکھے گی۔

    عثمان مرزا کی جانب سے لڑکی اور لڑکے پر تشدد کے بعد نوجوان جوڑے نے ایسا کام کیا کہ پولیس بھی دیکھتی رہ گئی

    نور مقدم کیس، فنڈ ریزنگ اور مبشر لقمان کے انکشاف، بیٹا اور بیٹی نے نوازشریف کو ڈبودیا تاریخی رسوائی، شلپا شیٹھی، فحش فلمیں اور اصل کہانی؟

     اگر دوسرے صوبوں کے ساتھ بھی نا انصافی ہوئی تو آواز اٹھائیں گے 

    شمولیت سے پارٹی مضبوط سے مضبوط تر ہوگی ,سعید غنی

  • بے گھر ہونے والوں کی تعداد میں کا فی اضافہ ہوا ہے ،حنا ربانی کھر

    بے گھر ہونے والوں کی تعداد میں کا فی اضافہ ہوا ہے ،حنا ربانی کھر

    وزیر مملکت برائے داخلہ حنا ربانی کھرنے مہاجرین کے عالمی دن کے موقع پر خطاب کرتے ہوئے کہا کہ آج ہم یہاں پناہ گزینوں کو عزت دینے کے لیے آئے ہیں۔

    حنا ربانی کھر کا کہنا تھا کہ پناہ گزینوں کا عالمی دن ان کے احترام کا دن ہے۔ ابھی بھی بہت چیلنجز ہیں اور یہ ایسی چیز نہیں جس کا جشن منایا جائے۔ کلائیمنٹ انڈیوسٹ ڈسپلیسمنٹ ایک بہت بڑی وجہ سے نقل مکانی کی۔ بین الاقوامی برادری کو میزبان ممالک کی مدد کے لیے مزید کام کرنے کی ضرورت ہے۔ میں مالی مدد کے بارے میں بات نہیں کررہی، میں اپنے کام کو بہتر معیار دینے کی بات کر رہی ہوں ہمیں اس بات کو یقینی بنانا ہوگا کہ رقم صحیح طریقے سے پناہ گزینوں کو بھیجی جا رہی ہے۔ افغان اور دیگر مہاجرین کو پاکستان میں صحت، تعلیم اور دیگر سہولیات تک رسائی حاصل ہے۔ یہ وہ چیز ہے جو ہم دوسرے میزبان ممالک میں نہیں دیکھتے۔ پناہ گزین صرف صفحات پر نمبر نہیں ہیں، وہ انسان ہیں۔ بے گھر ہونے والوں کی تعداد میں کا فی اضافہ ہوا ہے۔ 2023 میں مہاجرین کی تعداد بڑھ کر 35 ملین ہو گئی ہے۔ ہمیں اس بات کو یقینی بنانا ہوگا کہ رقم صحیح طریقے سے پناہ گزینوں کو بھیجی جا رہی ہے۔افغان اور دیگر مہاجرین کو پاکستان میں صحت، تعلیم اور دیگر سہولیات تک رسائی حاصل ہے۔

    آئیے ایک ساتھ کھڑے ہوں اور ضرورت مندوں کی مدد کریں۔ ایک ساتھ مل کر، ہم فرق کر سکتے ہیں.ہر شخص حفاظت، وقار اور گھر بلانے کی جگہ کا مستحق ہے۔ آئیے پناہ گزینوں کے حقوق کی وکالت کریں اور ان کا کھلے دل سے استقبال کریں ،ہر شخص حفاظت، وقار اور گھر بلانے کی جگہ کا مستحق ہے۔ آئیے پناہ گزینوں کے حقوق کی وکالت کریں اور ان کا کھلے دل سے استقبال کریں۔ ایک پناہ گزین کا سفر انسانی روح کی طاقت اور عزم کا ثبوت ہے۔ آئیے انہیں ہمدردی اور بہتر مستقبل کا موقع فراہم کریں۔ ہمدردی کوئی سرحد نہیں جانتی۔ آئیے ایک ساتھ کھڑے ہوں اور مہاجرین کی حمایت کریں، اس بات کو یقینی بناتے ہوئے کہ ان کی آواز سنی جائے اور ان کے حقوق کا احترام کیا جائے پناہ گزین ہمارے معاشروں میں تنوع، لچک اور ثقافتی دولت لاتے ہیں۔ آئیے ان کے تعاون کو قبول کریں اور جامع کمیونٹیز بنائیں

    پشاور پولیس کا رویہ… خواجہ سرا پشاور چھوڑنے لگے

    شہر قائد خواجہ سراؤں کے لئے غیر محفوظ

    خواجہ سراؤں پر تشدد کی رپورٹنگ کیلئے موبائل ایپ تیار

    ہ ٹرانسجینڈر قانون سے معاشرے میں خواجہ سرا افراد کو بنیادی حقوق ملے۔

     پاکستان میں 2018 سے قبل ٹرانسجینڈر قانون نہیں تھا،

  • ہارون ملک نے پاکستان کی فٹبال کو بہت زیادہ نقصان پہنچایا، احسان مزاری

    ہارون ملک نے پاکستان کی فٹبال کو بہت زیادہ نقصان پہنچایا، احسان مزاری

    قومی اسمبلی کی قاٸمہ کمیٹی بین الصوباٸی رابطہ کا نواب شیر وسیر کی زیر صدارت اجلاس ہوا،پاکستان اولمپک ایسوسی ایشن کے سیکرٹری خالد محمود، ہاکی فیڈریشن ، فٹبال نارماٸزیشن کے حکام نے اجلاس میں شرکت کی،اجلاس میں فٹبال اور ہاکی سے متعلق امور کا جاٸزہ لیا گیا،وفاقی حکومت نے فٹبال نارملاٸزیشن کمیٹی سے متعلق تمام حقاٸق سے فیفا کو آگاہ کردیا ،احمد حنیف اورکزٸی نے کہا کہ فٹبال کی عالمی باڈی کو 19جون کو خط لکھا گیا، وفاقی سیکرٹری بین الصوباٸی رابطہ کا کہنا تھا کہ نارملاٸزیشن کمیٹی یقین دھانی کروانے کے باوجود پاکستان فٹبال فیڈریشن کے الیکشن نہ کروا سکی،احمد حنیف اورکزٸی نے کہا کہ سالوں سے سن رہے ہیں کہ فٹبال نارملاٸزیشن کمیٹی آج الیکشن کروا رہی ہے کل الیکشن ہو رہے ہیں، چیٸرمین قاٸمہ کمیٹی نے کہا کہ اگر فٹبال فیڈریشن کے الیکشن نہیں ہونگے تو فیفا گرانٹ کیسے دے گی،ہم فٹبال نارملاٸزیشن کمیٹی پر کوٸی پابندی نہیں لگا رہے،فیفا کے سامنے تمام حقاٸق لانے کا حکومت کو حق حاصل ہے،ہمیں فٹبال کو اس دلدل سے نکالنا ہوگا،

    ہارون ملک چیٸرمین نارملاٸزیشن کمیٹی نے کہا کہ فیفا نے پاکستان میں الیکشن کروانے کیلٸے چھ ماہ کا ٹاسک دیا تھا، حالات ٹھیک نہ ہونے کے باعث فٹبال فیڈریشن کے الیکشن مقررہ وقت پر نہ ہو سکے،کمیٹی رکن سمیع گیلانی نے کہا کہ فٹبال ہاوس پر حملہ پرانی باتیں ہے، آخر نارملاٸزیشن کمیٹی فٹبال فیڈریشن کے الیکشن کیوں نہیں کرواتی؟ چیٸرمین قاٸمہ کمیٹی نے کہا کہ نارملاٸزیشن کمیٹی کو بلاتاخیر پاکستان فٹبال فیڈریشن کے الیکشن کروانے چاہیے، وفاقی وزیر احسان مزاری نے کہا کہ ہارون ملک نے پاکستان کی فٹبال کو بہت زیادہ نقصان پہنچایا ، کینیڈین نیشنل کا پاکستان کی فٹبال سے کیا لینا دینا،ہارون ملک پاکستان فٹبال کیلٸے سنجیدہ ہوتے تو فورا الیکشن کروا دیتے ،نارملاٸزیشن کمیٹی ماہانہ ہزاروں ڈالرز صرف تنخواہوں کی مد میں اڑا رہے ہیں،حیرانگی ہے کہ فیفا فنڈنگ کررہی ہے لیکن نارملاٸزیشن کمیٹی کا کوٸی بینک اکاونٹ نہیں ،فٹبال ٹیم کی سلیکشن میں بھی بہت سی شکایات ملی ہے، حکومت فٹبال ٹیم کی سلیکشن کے معاملات کا بھی جاٸزہ لے گی،انٹرنیشنل ٹورنامنٹ میں قومی فٹبال ٹیم سارے میچ ہار گٸی ، قومی فٹبال ٹیم میں نو غیر ملکی پلیٸرز شامل ہیں جن کی وجہ سے این او سی لینے میں وقت لگتا ہے،وزارت ان سے کچھ پوچھے تو کوٸی جواب نہیں دیا جاتا،

    پشاور پولیس کا رویہ… خواجہ سرا پشاور چھوڑنے لگے

    شہر قائد خواجہ سراؤں کے لئے غیر محفوظ

    خواجہ سراؤں پر تشدد کی رپورٹنگ کیلئے موبائل ایپ تیار

    ہ ٹرانسجینڈر قانون سے معاشرے میں خواجہ سرا افراد کو بنیادی حقوق ملے۔

     پاکستان میں 2018 سے قبل ٹرانسجینڈر قانون نہیں تھا،

  • اعظم سواتی کے خلاف اشتہاری قرار دینے کی کاروائی شروع

    اعظم سواتی کے خلاف اشتہاری قرار دینے کی کاروائی شروع

    اسپیشل جج سینٹرل اسلام آباد،پی ٹی آئی رہنما اعظم سواتی کے خلاف متنازع ٹویٹ کیس میں اہم پیشرفت سامنے آئی ہے

    عدالت نے اعظم سواتی کے خلاف اشتہاری قرار دینے کی کاروائی شروع کرنے کا حکم دے دیا ،اعظم سواتی کی مسلسل عدم پیشی کے باعث اشتہاری قرار دینے کی کاروائی کا حکم دیا گیا ایف آئی اے نے اعظم سواتی کی دونوں رہائشگاہ پر وارنٹ کی تعمیلی رپورٹ عدالت میں جمع کروا دی اعظم سواتی کو فردجرم عائد کرنے کے لیے آج اسپیشل جج سینٹرل اعظم خان نے طلب کررکھا تھا اسپیشل جج سینٹرل نے اعظم سواتی کو 24 جولائی کو پیش ہونے کا حکم دے دیا اعظم سواتی کی رہائشگاہ، محلے اور عدالت کے باہر اشتہاری قرار دینے کا اشتہار چسپاں کیا جائے گا

    تحریک انصاف کے رہنما اعظم سواتی ضمانت پر ہیں، اعظم سواتی کے خلاف پاکستان کے کئی شہرون میں مقدمات درج ہیں،ا عظم سواتی کی قبل ضمانت ہوئی تھی، سپیشل جج نے اعظم سواتی کی درخواست ضمانت مسترد کی تھی تا ہم اسلام آباد ہائیکورٹ نے اعظم سواتی کو رہا کرنے کا حکم دیا تھا اور تحریری فیصلے میں کہا تھا کہ اگر اعظم سواتی دوبارہ یہ جرم کرتے ہیں تو قانون کے مطابق کام کیا جائے،

    سابق وزیر ریلوے اعظم سواتی کو 13 اکتوبر کو قانون نافذ کرنے والے ادارے نے اسلام آباد چک شہزاد کی رہائش گاہ سے گرفتار کیا تھا۔ خاندنی ذرائع نے اعظم سواتی کی گرفتاری کی تصدیق کرتے ہوئے بتایا تھا کہ رات 3 بجے کچھ افراد فارم ہاؤس پر آئے اور اعظم سواتی کو گرفتار کرکے اپنے ساتھ لے گئے۔

    اعظم سواتی کو بلوچستان سے مقدموں میں رہائی ملنے کے بعد انہیں سندھ پولیس نے گرفتار کر لیا ہ

    عدالت نے اعظم سواتی کو مزید مقدمات میں گرفتار کرنے سے روک دیا

    گائے لان میں کیوں گئی؟ اعظم سواتی نے 12 سالہ بچے کو ماں باپ بہن سمیت گرفتار کروا دیا تھا

    پتا چل گیا۔! سواتی اوقات سے باہر کیوں ؟ اعظم سواتی کے کالے کرتوت، ثبوت حاظر ہیں۔

    قومی سلامتی کے اداروں کے خلاف مہم پر رہنماؤں کی طلبی
    دوسری جانب ایف آئی اے نے سوشل میڈیا پر قومی سلامتی کے اداروں کے خلاف مہم چلانے کے الزام میں سابق ڈپٹی اسپیکر قومی اسمبلی قاسم سوری، تحریک انصاف کے رہنما اعظم سواتی اور پی ٹی آئی سے راہیں جدا کرنے والے علی زیدی کو طلب کرلیا ایف آئی اے نے تین اہم رہنماؤں کو 22 جون کو طلب کیا ہے اور تینوں کو نوٹسز بھی جاری کردیئے ایف آئی اے کے مطابق تینوں رہنماؤں کو 22 جون کو لاہور آفس طلب کیا گیا ہے غیر حاضری جوابی وضاحت کی عدم دستیابی تصور ہوگی

  • الیکشن کمیشن کا عمران خان،فواد چوہدری ، اسد عمرکے خلاف فرد جرم عائد کرنے کا فیصلہ

    الیکشن کمیشن کا عمران خان،فواد چوہدری ، اسد عمرکے خلاف فرد جرم عائد کرنے کا فیصلہ

    اسلام آباد: الیکشن کمیشن نے عمران خان،فواد چوہدری ، اسد عمرکے خلاف فرد جرم عائد کرنے کا فیصلہ کیا ہے-

    باغی ٹی وی :بغاوت پر اکسانے اور الیکشن کمیشن کو دھمکیاں دینے کے کیس میں الیکشن کمیشن نے عمران خان،فواد چوہدری ، اسد عمر کے خلاف فر دجرم عائد کرنے کا فیصلہ کرتے ہوئے 11 جولائی کوعمران خان، فواد چوہدری اور اسد عمر ذاتی حیثیت میں پیش ہونے کا حکم دیا ہے-

    قبل ازیں 17 جون کو بغاوت پر اکسانے اور الیکشن کمیشن کو دھمکیاں دینے کے کیس میں سابق وفاقی وزیر فواد چوہدری پر فرد جرم عائد کرنے کی تاریخ مقرر کی گئی تھی سابق وفاقی وزیر فواد چوہدری عدالت میں پیش ہوئے تھے عدالت نے کہا تھا کہ 24 جون کو فرد جرم عائد کی جائے گی۔

    ڈیرہ مراد جمالی کا فیملی پارک” ویران خانہ” بن گیا

    عدالت نے مقدمے کی نقول فواد چوہدری کو فراہم کردیں اور آئندہ سماعت پر فواد چوہدری کو حاضری یقینی بنانے کا حکم دیاواضح رہے کہ اس کیس میں فواد چوہدری کو 25 جنوری کو لاہور سے گرفتار کیا گیا تھا، یکم فروری کو سیشن کورٹ نے ان کو ضمانت پر رہائی کا حکم دیا تھا فواد چوہدری کے خلاف اسلام آباد کے تھانہ کوہسار میں مقدمہ درج کیا گیا تھا جو سیکرٹری الیکشن کمیشن کی درخواست پر کیا گیا، فواد چوہدری پر الیکشن کمیشن کو دھمکانے کا الزام ہے۔

    عمران خان جو مرضی اسٹریٹجی اپنائیں،میں اتفاق نہیں کرتا،اسد عمر

    مئی میں 25 کروڑ 50 لاکھ ڈالر کا کرنٹ اکاؤنٹ سرپلس رہا،اسٹیٹ بینک

    فواد چوہدری کے وکیل فیصل چوہدری نے میڈیا سے گفتگو کرتے ہوئے کہا ہے کہ ایک ہی الزام کے تحت دو جگہ کارروائی نہیں ہوسکتی،الیکشن کمیشن عدالت نہیں بلکہ انتظامی اتھارٹی ہے، اسی معاملے پر عدالت بھی کارروائی کررہی ہے،الیکشن کمیشن کا شوکاز نوٹس مل گیا مگر تاحال تفصیلی فیصلہ جاری نہیں کیا گیا، عدالت نے ہماری درخواست پر فیصلہ محفوظ کرلیا ہے،

  • عمران خان کا بیانیہ غیر ملکی میڈیا کے سامنے بھی غیر مقبول

    عمران خان کا بیانیہ غیر ملکی میڈیا کے سامنے بھی غیر مقبول

    چئیرمین پی ٹی آئی کا بیانیہ غیر ملکی میڈیا کے سامنے بھی غیر مقبول ہونا شروع ہو گیا۔

    روس کے سب سے بڑے میڈیا ہاؤس آر ٹی نے بھی چئیرمین پی ٹی آئی سے اہم سوال پوچھ لیے ،میڈیا ہاؤس آر ٹی کا کہنا تھا کہ ”چئیرمین تحریکِ انصاف کبھی کہتے ہیں میرے خلاف امریکہ کی سازش تھی۔ کبھی جنرل باجوہ کا نام لیتے ہیں۔ وہ خود نہیں سمجھ پا رہے کہ ان کے ساتھ ہوا کیا ہے؟ وہ الجھن کا شکار ہیں .میڈیا ہاؤس نے سوال پوچھا کہ ”اب سوال یہ پیدا ہوتا ہے کہ کیا کوئی ایسا شخص پاکستان چلا سکتا ہے، کیا کسی ملک کے لیڈر کو ایسا ہونا چایئے؟

    عمران خان نے اپنے کئے ہوئے جرائم کا سامنا نہیں کیا،امریکی میڈیا ہاؤس
    امریکی میڈیا ہاؤس The Diplomat نے تحریکِ انصاف کے چیرمین کی سیاست کو سر عام بے نقاب کر دیا ،The Diplomat کا کہنا تھا ”چئیرمین تحریکِ انصاف نے ہمیشہ عدالتوں میں پیش ہونے سے انکار کیا ہے۔ اپنے کئے ہوئے جرائم کا سامنا نہیں کیا“مزید کہنا تھا کہ ”9مئی کو جو انہوں نے نفرت انگیز بیانیہ پھیلایا اس کو بھی تسلیم کرنے سے انکار کر دیا۔ بلکہ دھمکی دی کہ اگر ان کے خلاف کچھ ہوا تو حکومت اور باقی سیکیورٹی ادارے نتائج کے ذمہ دار ہوں گے“

    چییرمین پی ٹی آئی کے پسندیدہ اور ان کو اہمیت دینے والے جریدے فارن پالیسی نے بھی ان کے سیاسی بیانیے کو زمین بوس کر دیا ،فارن پالیسی جریدے کا کہنا تھا کہ ”چئیرمین پی ٹی آئی آج وہی بھگت رہے ہیں جو کل انہوں نے عوام کی سوچ میں زہر بھرا تھا“

    روس ہی کے میڈیا ہاؤس آر ٹی نے چیئر مین پی ٹی آئی کے نظریے کو بُری طرح سے بے نقاب کرتے ہوئے کہا کہ ”آج آپ جمہوریت کی بڑی بڑی باتیں کر رہے ہیں اور کہہ رہے ہیں کہ مجھ پر قاتلانہ حملے کئے گئے۔ جب آپ کی حکومت تھی تو تب آپ نے بے نظیر قتل کیس پر بات کیوں نہیں کی؟ان پر بھی تو قاتلانہ حملہ ہوا تھا!“

    روس ہی کے میڈیا ہاؤس نے چیئرمین پی ٹی آئی سے سوال کرتے ہوئے کہا کہ ”آج جب کہ آپ کی حکومت نہیں ہے تو آپ آزادیِ صحافت پر آواز اٹھا رہے ہیں۔ آپ ارشد شریف کے قتل اور صحافی عمران ریاض کی غیر قانونی گرفتاری کی بات کر رہے ہیں۔ آپ ضرور آواز اٹھائیں لیکن جب آپ کے دورہِ حکومت میں صحافیوں پرجو تشدد ہوا اور میڈیا پر جو پابندیاں عائد تھیں اس کے بارے میں کیا خیال ہے آپ کا؟کیا بطور وزیر اعظم آپ کی ذمہ داری نہیں تھی کہ آپ اس سب کے خلاف آواز اُٹھاتے“

     کسی سویلین کا ٹرائل ملٹری کورٹ میں نہیں ہونا چاہیے

    کرپشن کا ماسٹر مائنڈ ہی فیض حمید ہے

    برج کھیل کب ایجاد ہوا، برج کھیلتے کیسے ہیں

    عمران خان سے اختلاف رکھنے والوں کی موت؟

    حضوراقدس پر کوڑا بھینکنے والی خاتون کا گھر مل گیا ،وادی طائف سے لائیو مناظر

    برج فیڈریشن آف ایشیا اینڈ مڈل ایسٹ چیمپئن شپ مہمان کھلاڑی حویلی ریسٹورنٹ پہنچ گئے

    کھیل سے امن کا پیغام دینے آئے ہیں.بھارتی ٹیم کے کپتان کی پریس کانفرنس

    وادی طائف کی مسجد جو حضور اقدس نے خود بنائی، مسجد کے ساتھ کن اصحاب کی قبریں ہیں ؟

    9 مئی کے بعد زمان پارک کی کیا حالت ہے؟؟

  • چیئرمین سینیٹ کی مراعات میں غیرمعمولی اضافہ

    چیئرمین سینیٹ کی مراعات میں غیرمعمولی اضافہ

    اسلام آباد: چیئرمین سینیٹ کی مراعات میں غیرمعمولی اضافہ ، خاندان کے افراد کو بھی ڈھیروں سہولتیں دی جائیں گی-

    باغی ٹی وی: چیئرمین سینیٹ کو اسپیکرقومی اسمبلی کی تنخواہوں، مراعات اور الاؤنسز کے قانون سے علیحدہ کردیا گیا ہے جس کے بعد ایوان نے چیئرمین سینیٹ کی تنخواہوں، مراعات اور الاؤنسز کا قانون منظور کرلیا ہے۔

    قانون کےمطابق چیئرمین سینیٹ کو ماہانہ 50 ہزار روپے اضافی الاؤنس ملے گا اور رینٹ پر چیئرمین سینیٹ کے گھرکا کرایہ ڈھائی لاکھ روپے ماہانہ ہوگا جب کہ چیئرمین سینیٹ کی سرکاری رہائش گاہ کی تزئین و آرائش کے ایک دفعہ کے اخراجات 50 لاکھ روپے ہوں گے جب کہ چیئرمین سینیٹ کے ساتھ اب اہلخانہ کو بھی نجی علاج کی سہولت حاصل ہوگی–

    بنگلہ دیش کی سرکاری فضائی کمپنی 10 ایئربس جیٹ طیارے خریدے گی

    فضائی سفرپر حکومت، فوج، فلائنگ کلب،چارٹرڈ سروس کا جہازیا ہیلی کاپٹر ریکوزیشن ہوسکتی ہے جبکہ بیرون ملک سفر میں خاندان کا ایک رکن ساتھ لے جا سکتے ہیں صرف یہی نہیں چیئرمین سرکاری جہاز میں بھی خاندان کے 4 ا فراد کو ساتھ لے جا سکتے ہیں،اب چیئرمین سینیٹ کے اہلخانہ بھی سرکاری گاڑیاں استعمال کرنے کے حقدار ہوں گے بیرون ملک سفر میں چیئرمین سینیٹ کو نائب صدر کا پروٹوکول ملے گا-

    چیئرمین سینیٹ کو سرکاری کام کے لیے زمینی سفرپرپبلک ٹرانسپورٹ میں 300 روپےفی کلو میٹر دیئےجائیں گےجبکہ اپنی گاڑی پر سفر پر 400 روپے فی کلومیٹر دیئے جائیں گے اور سفر میں ٹھہرنے پر الاؤنس 10 ہزار روپے یومیہ ہوگا۔

    میٹا نے نیا وائس باکس ٹول پیش کر دیا

    مراعات میں اضافے کے بعد چیئرمین سینیٹ 12 اہلکاروں پر مشتمل ذاتی عملے بھی رکھ سکتے ہیں،جبکہ چیئرمین سینیٹ اب 18لاکھ روپے تک صوابدیدی فنڈ بھی استعمال کر سکے گا نئے قانون کے تحت تمام سابق چیئرمین سینیٹ کو تاحیات اضافی مراعات ملیں گی جبکہ 3برس تک چیئرمین رہنے والے افراد بھی اضافی مراعات کے حقدار ہوں گے۔

    ڈپٹی چیئرمین سینیٹ کی تنخواہ، مراعات اور الاؤنسز کا قانون بھی ڈپٹی اسپیکرقومی اسمبلی سے الگ کردیا گیا ہے سینیٹ نے چیئرمین کی مراعات میں اضافے کا بل 16 جون کو منظور کیا تھا، بجٹ سیشن کے بعد بل منظوری کے لیے قومی اسمبلی بھیجا جائے گا۔

    پی ٹی آئی کے 31 لوگوں کو کس نے اورکیوں نہیں آنے دیا تحقیقات کی …

  • سپریم کورٹ، ریویوآف ججمنٹ اینڈ آرڈرزایکٹ کیخلاف درخواستوں پرفیصلہ محفوظ

    سپریم کورٹ، ریویوآف ججمنٹ اینڈ آرڈرزایکٹ کیخلاف درخواستوں پرفیصلہ محفوظ

    سپریم کورٹ پنجاب انتخابات اور ریویو آف ججمنٹس اینڈ آرڈرز ایکٹ سے متعلق کیس کی سماعت ہوئی

    چیف جسٹس عمر عطا بندیال کی سربراہی میں تین رکنی بنچ نے سماعت کی، جسٹس اعجاز الاحسن اور جسٹس منیب اختر بنچ میں شامل تھے اٹارنی جنرل منصور عثمان اعوان روسٹرم پر آ گئے اور کہا کہ آرٹیکل 188 نظرثانی کی حدود کو محدود نہیں کرتا،آرٹیکل 184(3) کے مقدمات میں نظرثانی کا دائرہ بڑھانا امتیازی سلوک نہیں، سپریم کورٹ میں اپیلیں ہائیکورٹس یا ٹریبونلز کے فیصلوں کیخلاف آتی ہیں، آرٹیکل 184(3) کا مقدمہ براہ راست سپریم کورٹ میں سنا جاتا ہے، چیف جسٹس عمر عطا بندیال نے ریمارکس دیتے ہوئے کہا کہ جس انداز سے نظرثانی کا دائرہ بڑھایا گیا اس پر سوال اٹھا ہے، بھارتی سپریم کورٹ میں اس نوعیت کے کیسز میں اپیل کا حق نہیں دیا گیا، سوال یہ ہے کیا قانون سازی سے نظرثانی کا دائرہ اتنا بڑھایا جا سکتا ہے؟ نظرثانی کا اتنا دائرہ بڑھانے کی وجوہات بھی سمجھ نہیں آتی،

    چیف جسٹس عمر عطا بندیال نے ریمارکس دیتے ہوئے کہا کہ آرٹیکل 184/3 کے مقدمات میں نظرثانی کیلئے الگ دائرہ کار رکھا گیا ہے، نظرثانی میں اپیل کے حق سے کچھ لوگوں کیساتھ استحصال ہونے کا تاثر درست نہیں، اٹارنی جنرل صاحب آہستہ آہستہ دلائل سے ہمیں سمجھائیں، آپ کہہ رہے ہیں کہ اپیل کے حق سے پہلے آئین لوگوں کا استحصال کرتا رہا ہے،اٹارنی جنرل نے کہا کہ ایکٹ سے پہلے 184/3 میں نظرثانی کا کوئی طریقہ نہیں تھا، حکومتی قانون سازی سے کسی کیساتھ استحصال نہیں ہوا،چیف جسٹس عمر عطا بندیال نے ریمارکس دیتے ہوئے کہا کہ حکومت قانون سازی کر سکتی ہے مگر نظرثانی میں اپیل کا حق دینا درست نہیں لگ رہا آرٹیکل 184/3 کے مقدمات میں اپیل کا حق دینے کیلئے بہت سوچ سمجھ کر فیصلہ کرنا چاہیے،نظرثانی اور اپیل کو ایک جیسا کیسے دیکھا جا سکتاہے؟ عدالت کو حقائق کو بھی مدنظر رکھنا ہوگا، اگر نظر ثانی کا دائرہ اختیار بڑھا دیا جائے تو کیا یہ تفریق نہیں ہوگی، اٹارنی جنرل نے عدالت میں کہا کہ سپریم کورٹ کے پارلیمنٹ کے قانون سازی کے اختیار سے متعلق متعدد فیصلے موجود ہیں،چیف جسٹس عمر عطا بندیال نے ریمارکس دیتے ہوئے کہا کہ ایک آئینی معاملے کیلئے پورے آئین کو کیسے نظر انداز کریں؟

    سب ہی اتفاق کرتے ہیں کہ مقننہ نظرثانی کا دائرہ اختیار بڑھا سکتی ہے،چیف جسٹس
    اٹارنی جنرل نے عدالت میں کہا کہ اگر 184(3) کا سکوپ بڑھ گیا ہے تو اس پر نظرثانی کا دائرہ کار بھی بڑھنا چاہیے، پہلے فیصلہ دینے والے ججز نظرثانی کے لیے قائم لارجر بینچ کا حصہ بن سکتے ہیں، بینچ کی تشکیل کا معاملہ عدالت پر ہی چھوڑا گیا ہے، تلور کے شکار کے کیس میں نظرثانی 5 رکنی بینچ نے سنی، جسٹس منیب اختر نے ریمارکس دیتے ہوئے کہا کہ تین رکنی بینچ اگر فیصلہ دے تو کیا 4 رکنی بنچ نظرثانی کر سکے گا؟ اٹارنی جنرل نے کہا کہ لارجر سے مراد لارجر ہے جتنے بھی جج ہوں،آئین نظرثانی کے دائرہ اختیار کو محدود نہیں کرتا،جسٹس منیب اخترنے استفسار کیا کہ کیا نظرثانی کے اختیار کو سول قوانین سے مماثلت دی جا سکتی ہے؟ سول قوانین صوبائی دائرہ اختیار میں ہیں اور ریویو ایکٹ میں صوبائی قوانین کا ذکر نہیں، چیف جسٹس عمر عطا بندیال نے ریمارکس دیتے ہوئے کہا کہ اس بات سے سب ہی اتفاق کرتے ہیں کہ مقننہ نظرثانی کا دائرہ اختیار بڑھا سکتی ہے،حکومت نے نظر ثانی کو اپیل میں تبدیل کردیا جس کی ٹھوس وجوہات پیش کرنا لازم ہے، قانون سازی سے قبل محتاط طریقہ کار سے حقائق کو دیکھنے کی ضرورت ہوتی ہے،

    سپریم کورٹ نے ریویوآف ججمنٹ اینڈ آرڈرز ایکٹ کیخلاف درخواستوں پرفیصلہ محفوظ کرلیا، چیف جسٹس عمر عطا بندیال نے تمام درخواستگزاروں کا شکریہ ادا کرتے ہوئے کہا کہ تمام درخواست گزار اپنے دلائل تحریری طور پر بھی جمع کرادیں ،درخواست گزار تحریری جوابات میں ریفرنسز بھی شامل کریں تا کہ مدد مل سکے ،ہم آپس میں مشاورت کرکے جلد فیصلہ سنائیں گے

    سپریم کورٹ نے الیکشن کمیشن کے وکیل سجیل سواتی کی استدعا منظور کرلی

    تحریک انصاف کی صوبائی رکن فرح کی آڈیو سامنے

    عابد زبیری نے مبینہ آڈیو لیک کمیشن طلبی کا نوٹس چیلنج کردیا

    آڈیو لیکس جوڈیشل کمیشن نے کارروائی پبلک کرنے کا اعلان کر دیا

     مقدمات کا حتمی ہونا، درستگی اور اپیل کا تصور اہم ہے

  • آڈیو لیکس کیس،اٹارنی جنرل کو 4 ہفتوں میں جواب جمع کرانے کی ہدایت

    آڈیو لیکس کیس،اٹارنی جنرل کو 4 ہفتوں میں جواب جمع کرانے کی ہدایت

    اسلام آباد ہائیکورٹ میں آڈیو لیکس کیس میں ثاقب نثار کے بیٹے کی آڈیو لیک پر خصوصی کمیٹی میں طلبی کیخلاف کیس کی سماعت ہوئی،

    اسلام آباد ہائیکورٹ کے جسٹس بابرستار کیس نے کیس کی سماعت کی، عدالتی معاون بیرسٹر اعتزاز احسن ،وکیل درخواست گزار سردار لطیف کھوسہ اوراٹارنی جنرل اسلام آباد ہائیکورٹ میں پیش ہوئے. عدالت نے ریمارکس دیتے ہوئے کہا کہ کچھ قانونی نکات ہیں ان پرآپ کی معاونت چاہئے ہو گی عدالت نے اٹارنی جنرل سے مکالمہ کرتے ہوئے کہا کہ عدالت نے کچھ سوالات اٹھائے ہیں ان کے جوابات کیلئے آپ کو بلایا ہے اٹارنی جنرل نے عدالت میں کہا کہ وفاقی حکومت نے مبینہ آڈیو لیکس کے معاملے پر کمیشن قائم کیا عدالت نے جو سوالات اٹھائے وہ سپریم کورٹ کے سامنے بھی ہیں سپریم کورٹ نے بھی ان سوالات پر فیصلہ سنانا ہے

    آپ کو عدالتی سوالات کے جوابات دینے میں کتنا وقت چاہئے ہوگا؟ عدالت
    عدالت نے ریمارکس دیتے ہوئے کہا کہ آپ ہمارے 5 سوالات پر ہی معاونت کریں معاملہ بالآخر سپریم کورٹ میں ہی جانا ہے ہوسکتا ہے ہم کوئی فیصلہ دیں تو وہ سپریم کورٹ کیلئے معاونت ہو،سردار لطیف کھوسہ نے عدالت میں کہا کہ یہ پاکستان کے 25 کروڑ عوام کے بنیادی حقوق کا معاملہ ہے،حکومت چیف جسٹس کی مشاورت کے بغیر کیسے جوڈیشل کمیشن بنا سکتی ہے حکومت کو چاہئے تھا چیف جسٹس سے مشاورت کرتی اور وہ ججز نامزد کرتے ،عدالت نے اٹارنی جنرل سے استفسار کیا آپ کو عدالتی سوالات کے جوابات دینے میں کتنا وقت چاہئے ہوگا؟ آپ کو 4 ہفتے کا ٹائم دیتے ہیں،عدالت نے اٹارنی جنرل کو 4 ہفتوں میں جواب جمع کرانے کی ہدایت کردی ،

    عدالت نے ریمارکس دیتے ہوئے کہا کہ اٹارنی جنرل جواب کی کاپیاں فریقین کو بھی فراہم کریں عدالت نے سابق چیف جسٹس ثاقب نثار کے بیٹے کی خصوصی کمیٹی میں طلبی کے خلاف حکم امتنازع میں توسیع کرتے ہوئے کیس کی مزید سماعت 16 اگست تک ملتو ی کردی

    حکومت نے چیف جسٹس سمیت بینچ کے 3 ممبران پر اعتراض کردیا

    زیر تحقیق 9 آڈیوز کے ٹرانسکرپٹ جاری

    آڈیو لیکس جوڈیشل کمیشن نے کارروائی پبلک کرنے کا اعلان کر دیا

    عابد زبیری نے مبینہ آڈیو لیک کمیشن طلبی کا نوٹس چیلنج کردیا