آڈیولیکس انکوائری کمیشن کے خلاف درخواست گزار ریاض حنیف راہی لاپتہ ہوگئے،

سپریم کورٹ بارایسوسی ایشن نے گمشدگی پرتشویش کا اظہارکردیا ، سپریم کورٹ بار ایسوسی کی جانب سے جاری اعلامیہ میں کہا گیا ہے کہ ریاض حنیف راہی کی بحفاظت واپسی یقینی بنائی جائے ، ریاض حنیف راہی سپریم کورٹ بار کے رکن ہیں سپریم کورٹ بار کے ایک رکن کے لاپتہ ہونے پر ایسوسی ایشن آنکھیں بند نہیں کرسکتی وکلاء کے تحفظ اور سلامتی کے بارے میں سنگین خدشات کا اظہار کرتے ہیں، یہ ایسوسی ایشن مزید زور دے کر کہتی ہے کہ ملک کا ہر شہری قانون کے یکساں تحفظ کا حقدار ہے، سب کا بنیادی حق ہے کہ وہ اپنے پیشے کو بغیر کسی خوف، احسان اور ایذاء کے انجام دیں،

سپریم کورٹ بار ایسوسی کی جانب سے جاری اعلامیہ میں کہا گیا ہے کہ آئین کے تحت ہر شہری کے بنیادی حقوق محفوظ ہیں اور کسی کو ان کی خلاف ورزی کی اجازت نہیں ہے، اس طرح کی گمشدگی بنیادی اور انسانی حقوق کی سنگین خلاف ورزی کے مترادف ہے، متعلقہ قانون نافذ کرنے والے اداروں کا فرض ہے کہ وہ اس معاملے کی منصفانہ اور شفاف تحقیقات کریں

حکومت نے چیف جسٹس سمیت بینچ کے 3 ممبران پر اعتراض کردیا

زیر تحقیق 9 آڈیوز کے ٹرانسکرپٹ جاری

آڈیو لیکس جوڈیشل کمیشن نے کارروائی پبلک کرنے کا اعلان کر دیا

عابد زبیری نے مبینہ آڈیو لیک کمیشن طلبی کا نوٹس چیلنج کردیا

چھ جون کو ریاض حنیب راہی سپریم کورٹ میں پیش ہوئے تھے،دوران سماعت درخواست گزار حنیف راہی روسٹرم پر آگئے اور کہا کہ میری توہین عدالت کی درخواست پر ابھی تک نمبر نہیں لگا،چیف جسٹس عمر عطا بندیال نے ریمارکس دیتے ہوئے کہا کہ توہین کا معاملہ عدالت اور توہین کرنے والے کے درمیان ہوتا ہے،آپ کی درخواست پر اعتراضات ہیں تو دور کریں،آپ یہ بھی سمجھیں کہ کس کے خلاف توہین عدالت کی کارروائی چاہتے ہیں،جج کو توہین عدالت کی درخواست میں فریق نہیں بنایا جا سکتا،

درخواست گزار ریاض حنیف راہی نے کہا کہ توہین عدالت کی درخواست پر اعتراضات کیخلاف چمبر اپیل دائر کی ہے۔تمام متفرق درخواستوں کو نمبرز لگے ہیں میری اپیل پر نمبر نہیں لگا اپیل کو اوپن کورٹ میں لگا کر سماعت کر لیں۔ چیف جسٹس عمر عطا بندیال نے ریمارکس دیتے ہوئے کہا کہ آپ کو معلوم ہے درخواست پر اعتراض کیا لگا تھا۔ چیف جسٹس عمر عطا بندیال نے توہین عدالت کی درخواست کے درخواست گزار کی سرزنش کی اور ریمارکس دیتے ہوئے کہا کہ معلوم ہے آپ نے توہین عدالت کی درخواست کس کیخلاف دائر کی ہے آپ نے ججز پر توہین عدالت کا الزام لگایا ہے عمومی طور پر ججز کو توہین عدالت کی درخواستوں میں فریق نہیں بنایا جاتا مناسب ہے پہلے توہین عدالت کی درخواست پر لگے اعتراضات کو دور کریں توہین عدالت کا معاملہ عدالت اور متعلقہ شخص کے مابین ہوتا ہے

انسداد دہشتگردی عدالت اسلام آباد ،چیئرمین پی ٹی آئی عمران خان کے خلاف 8 مقدمات میں ضمانت کی درخواست پر سماعت ہوئی،

وکیل سلمان صفدر ،بیرسٹر گوہر عدالت کے روبرو پیش ہوئے، کیس کی سماعت انسداد دہشتگردی عدالت کے جج راجہ جواد غباس حسن نے کی، عدالت نے استفسار کیا کہ آپ شامل تفتیش ہوئے ،وکیل نے کہا کہ ایک کیس ختم کرتے ہیں تین مزید ایف آئی آر درج کر لی جاتی ہیں،عدالت نے ریمارکس دیتے ہوئے کہا کہ اگر آپ نے تفتیش جوائن کی ہوتی تو ہم آج ہی 8 کیسز کو سن لیتے ،وکیل سلمان صفدر نے کہا کہ میں آج تیاری کے ساتھ آیا ہوں کہتے ہیں تو میں دلائل دے دیتا ہوں،یہ مقدمات درج کرتے ہیں اور کہتے ہیں کہ تفتیش جوائن کریں ایسا نہیں ہو سکتا ،ہائیکورٹ میں بھی کہا کہ ویڈیو لنک کے زریعے شامل تفتیش ہونے کو تیار ہیں ،سیکیورٹی کی بنیاد پر تفتیشی ٹیم کو کہا کہ آکے شامل تفتیش کر لیں،

عدالت نے استفسار کیا کہ جے آئی ٹی سے کون ہے،ان کی جانب سے کیا کہا گیا تھا،پراسیکیوٹر عدنان نے کہا کہ جے آئی ٹی کی جانب سے پولیس لائن آنے کا کہا گیا تھا،عدالت نے ریمارکس دیتے ہوئے کہا کہ دونوں فریقین نے اپنے اپنے پوائنٹ دیے ہیں، کوئی لچک نہیں دکھا رہا،تفتیشی افسر اپنے اصولوں پر شامل تفتیش جوائن کروانا چاہتے ہیں،پراسیکیوٹر عدنان نے کہا کہ قانون کے مطابق سابق وزیراعظم نے شامل تفتیش ہونا ہے،عدالت نے ریمارکس دیتے ہوئے کہا کہ قانونی نقاط دیھا دیں ہم قانون کے تابع ہیں،

اے ٹی سی جج نے استفسار کیا کہ پولیس نے سوال نامہ کیا سابق وزیراعظم کو مہیا کیا ہے؟ چار تفتیشی افسر موجود ہیں، ان کی حد تک تو معاملہ نپٹا لیتے ہیں،سابق وزیراعظم اور تفتیشی افسر بیان دے دیں کہ کتنے بجے شامل تفتیش ہونا،جے آئی ٹی لاہور بیٹھتی ہے، اسلام آباد میں موجود نہیں، وکیل نے کہا کہ سابق وزیراعظم کو شامل تفتیش کرلیں، فیصلہ کل کے لیے محفوظ کرلیں،اے ٹی سی جج نے استفسار کیا کہ جے آئی ٹی سے کون آیا ہے؟ پراسیکوٹر سے استفسار کیا کہ جے آئی ٹی کا ریکارڈ موجود ہے آپ کے پاس؟ جے آئی ٹی موجود نہیں، جے آئی ٹی نے کرنا کیا ہے؟ وکیل سلمان صفدر نے کہا کہ پولیس کو سابق وزیراعظم کی گرفتاری ہی کیوں چاہیے، عدالت نے کہا کہ دونوں نے مسئلہ بنایاہوا ہے، ایک بندہ کہتا ہے میرے پاس آؤ، دوسرا کہتا ہے میرے پاس آؤ، جس میں چاہتے ہیں اس میں زمان پارک میں بھی جا کر تفتیش کرلی جاتی ہے، پراسیکوٹر عدنان علی نے کہا کہ سابق وزیراعظم کی صوابدید پر تو شاملِ تفتیش نہیں ہونا نا،سابق وزیراعظم کے عمل سے ظاہر ہورہا شاملِ تفتیش نہیں ہونا چاہتے، وکیل سلمان صفدر نے کہا کہ سابق وزیراعظم آج شاملِ تفتیش ہو کر ہی واپس جائیں گے،اے ٹی سی جج نے کہا کہ پولیس لائینز جوڈیشل کمپلیکس سے دس منٹ کی دوری پر ہے، عدالت نے عمران خان کے وکیل سے مکالمہ کرتے ہوئے کہا کہ آپ واپس جاتے ہوئے پولیس لائینز میں جا کر شاملِ تفتیش ہو جائیں، وکیل نعیم پنجوتھا نے کہا کہ
جوڈیشل کمپلیکس بہترین جگہ ہے شاملِ تفتیش ہونے کے لیے ،سیکیورٹی خدشات کے باعث پولیس لائینز میں شاملِ تفتیش ہونا ممکن نہیں،

اے ٹی سی جج نے استفسار کیا کہ تحریری جواب ریکارڈ پر کیوں نہیں لے رہے؟ کیس لگاہوا ہے، جے آئی ٹی کو عدالت آنا نہیں چاہئے کیا، پراسیکیوٹر نے کہا کہ سابق وزیراعظم شامل تفتیش ہونا نہیں چاہتے،عدالت نے کہا کہ سابق وزیراعظم تو آ رہے، جے آئی ٹی موجود نہیں، آپ کہہ رہے شامل تفتیش نہیں ہونا چاہ رہے،جے آئی ٹی کو بلا لیتے ہیں، وکیل گوہرعلی نے کہا کہ 150 سے زائد مقدمات درج ہیں، ایک ساتھ کیسے شاملِ تفتیش ہوں،عدالت نے کہا کہ کیا عدالت نے کہا ہے کہ فلاں جگہ شامل تفتیش ہوجائیں؟ وکیل گوہرعلی خان نے کہا کہ عدالت نے نہیں کہاکہ مخصوص جگہ ہی شامل تفتیش ہونا ہے،وکیل سلمان صفدر نے کہا کہ چیئرمین پی ٹی آئی سابق وزیراعظم ہیں، جان کو خطرہ ہے،اے ٹی سی جج نے ریمارکس دیتے ہوئے کہا کہ قتل کے ملزم آتے ہیں، زندگی تو سب کی اہم ہے، وکیل سلمان صفدرنے کہا کہ سابق وزیراعظم کے آنے پر حکومت کے لاکھوں روپے لگتے ہیں، روزمرہ کی بنیاد پر سابق وزیراعظم کے خلاف مقدمات درج ہورہے، مدعی بھی یہی، غصہ بھی انہیں، تفتیش بھی پولیس نے ہی کرنی، چند دن قبل رات 10 بجے تک اسلام آباد ہائیکورٹ میں سابق وزیراعظم کو بٹھائے رکھا، اے ٹی سی جج نے ریمارکس دیتے ہوئے کہا کہ ایک جانب جوڈیشل کمپلیکس ہے، دوسری جانب پولیس لائینز ہیں،پراسیکیوٹر نے کہا کہ سابق وزیراعظم پر ہم مقدمات نہیں کررہے، یہ اپنے اوپر خود کروا رہے ہیں جوڈیشل کمپلیکس پیشیوں پر گاڑیاں جلا رہے ہیں،وکیل گوہرعلی خان نے کہا کہ کمرہ عدالت میں ہی شاملِ تفتیش ہونے کو تیار ہیں، پراسیکیوشن کا مقصد چیئرمین پی ٹی آئی کو گرفتار کرنا ہے، اے ٹی سی جج نے ریمارکس دیتے ہوئے کہا کہ جے آئی ٹی کا جواب اب تک ہمارے پاس موجود نہیں، اے ٹی سی جج نے چیرمین پی ٹی آئی کے آنے تک سماعت میں وقفہ کردیا

قبل ازیں سابق وزیراعظم کے وکیل نعیم پنجوتھا اور علی اعجاز بٹر عدالت پیش ہوئے وکیل نے کہا کہ سابق وزیراعظم کے وکیل سلمان صفدر ایک گھنٹے تک آرہے ہیں،سابق وزیراعظم لاہور سے اسلام آباد آ رہے، سابق وزیراعظم کے ایک اور کیس میں سلمان صفدر اس وقت کچہری میں مصروف ہیں،سابق وزیراعظم کے خلاف آج 18 کیسز ہیں، اے ٹی سی جج نے ہدایت کی کہ آپ لوگ اپنی مینجمنٹ کے حساب سے عدالت پیش ہو جائیں، کیا چیرمین پی ٹی آئی شامل تفتیش ہوئے؟ وکیل نے کہا کہ تحریری جواب جمع کروا دیاہے جو وصول بھی کرلیا گیا ہے، اےٹی سی نے زاتی حیثیت میں شاملِ تفتیش کے حوالے سے قانونی نکات پر معاونت طلب کرلی انسدادِ دہشت گردی عدالت کے جج راجہ جوادعباس نے سماعت میں وقفہ کردیا

واضح رہے کہ عمران خان اسلام آباد میں مختلف مقدمات میں پیش ہوں گے،9 ضمانتیں جوڈیشل کمپلیکس لگی ہوئی ہیں ،8 پہلے والی عبوری ضمانتیں اور ایک نئی دائر کی گئی، 2 عبوری ضمانتیں چیف جسٹس اسلام آباد ہائیکورٹ کے پاس لگی ہوئی ہیں،ہائی کورٹ میں نئی 6 عبوریں ضمانتیں دائر کی جائیں گی ،1 کوئٹہ والی ایف آئی آر حفاظتی ضمانت دائر ہو گئی ہے اور 1 توشہ خانہ معاملہ پر نئی درج ہونے والی ایف آئی آر جس میں کل لاہور ہائی کورٹ سے حفاظتی ضمانت لی تھی اس میں عبوری ضمانت اسلام آباد ہائی کورٹ میں دائر کی ہے اور نیب کی طرف سے آج کے لیے عمران خان کو پیش ہونے کا نوٹس موصول ہوا تھا جس میں عمران خان نیب بھی پیش ہونگے

قیام پاکستان سے اب تک توشہ خانہ کے تحائف کی تفصیلات کا ریکارڈ عدالت میں پیش

نیب ٹیم توشہ خانہ کی گھڑی کی تحقیقات کے لئے یو اے ای پہنچ گئی، 

وفاقی دارالحکومت میں ملزم عثمان مرزا کا نوجوان جوڑے پر بہیمانہ تشدد،لڑکی کے کپڑے بھی اتروا دیئے

بزدار کے حلقے میں فی میل نرسنگ سٹاف کو افسران کی جانب سے بستر گرم کی فرمائشیں،تہلکہ خیز انکشافات

سینیٹر ہدایت اللہ کی زیر صدارت سینیٹ کی قائمہ کمیٹی ایوی ایشن کا اجلاس ہوا

علامہ اقبال انٹرنیشنل ایئرپورٹ لاہور پر نیا ٹرمینل بنانے کا معاملہ زیر بحث آیا، چیئرمین کمیٹی نے کہا کہ اگر ہم تین ایئرپورٹ کسی کو دے رہے ہیں تو انہوں نے ہی ڈویلپ کرنا ہے،ڈی جی سول ایوی ایشن نے کہا کہ آؤٹ سورسںنگ کوئی جی ٹو جی نہیں کر رہے،اوپن ٹرانسپیرنٹ بڈنگ ہوگی تینوں ایئرپورٹس کے لئے رسپانس آرہے ہیں، ٹرمینل کے لئے بڈنگ پراسس کیا تو تین بڈز آئیں،ٹرمینل ہم خود بنائیں گے تو دو اڑھائی سال لگیں گےابھی تک کسی کو کام ایوارڈ نہیں کیا،ہم بھی اپنے ادارے کا مفاد دیکھ رہے ہیں، چیئرمین کمیٹی نے کہا کہ تین ایئرپورٹ آؤٹ سورس کر رہے ہیں تو کیوں اس پر پیسہ خرچ کر رہے ہیں،کمیٹی نے معاملہ آئندہ اجلاس تک موخر کر دیا

پی آئی اے سے متعلق معاملہ زیر بحث آیا، پی آئی اے حکام نے کہا کہ ہمارے پاس تین ہزار دس ڈیلی ویجز ملازمین ہیں، چیئرمین کمیٹی نے کہا کہ پی آئی اے کو چلانا مکمل کاروباری کام ہے،سینیٹر سلیم مانڈوی والا نے کہا کہ یہ کاروبار نہیں، قومی ایئرلائن ہے، چیئرمین کمیٹی نے کہا کہ ایئرلائن ہر جگہ پر کاروبار ہے، سینیٹر سلیم مانڈوی والا نے کہا کہ ٹشو پیپر لینے کے لئے ان کو چھ مہینے لگتے ہیں، سیکرٹری ایوی ایشن نے کہا کہ تاثر ہے کہ پی آئی اے کے ملازمین زیادہ ہیں، وقت کے ساتھ پی آئی اے کے جہاز کم ہونا شروع ہوئے، حکومت کے پاس دو آپشن ہیں یا زیادہ پیسے لگائے یا پرائیویٹ سیکٹر کو بلائے، سینیٹر پیر صابر شاہ نے کہا کہ جو جہاز ہیں ان کو ٹھیک کردیں،کمیٹی نے پی آئی آئی اے کے اربوں کے خسارے پر تشویش کا اظہار کیا، چیئرمین کمیٹی نے کہا کہ اتنے عرصے سے پی آئی اے نقصان میں جارہا ہے، یہ قوم کا پیسہ ہے،کسی ملک میں ہمارے جہاز کو روک بھی دیا جاتا ہے، یہ بھی ہمارے لئے بدنامی ہے، سینیٹر عمر فاروق نے کہا کہ کوئٹہ کی فلائیٹس سے متعلق تفصیلات دی جائیں،

پی آئی اے کے جعلی ڈگریوں والے ملازمین سے متعلق معاملہ زیر بحث آیا، چیئرمین کمیٹی نے کہا کہ کمیٹی نے ہدایات تھیں اگر کسی کی بھی جعلی ڈگری ہے اس کو برداشت نہیں کیا جائے گا،سول ایوی ایشن حکام نے کہا کہ متاثرہ ملازمین کمیٹی نے کچھ ہدایات دیں کہ ملازمین کو ریگولرائز کیا جائے، ایف آئی اے حکام نے کہا کہ متاثرہ ملازمین کمیٹی نے ہمیں مزید ایکشن سے روکے رکھا تھا،چیئرمین کمیٹی نے کہا کہ پی اے سی کی میٹنگ میں کہا گیا تھا ان کو ایک دفعہ چانس دیا جائے، ایف آئی اے حکام نے کہا کہ پبلک اکاؤنٹس کمیٹی سے کوئی ہدایات نہیں آئیں،چیئرمین کمیٹی نے کہا کہ یہ کمیٹی ایوی ایشن سے متعلقہ ہے،ڈی جی ایف آئی اے کو بریفنگ کے لئے بلائیں،کمیٹی نے معاملے پر بریفنگ کے لئے ڈی جی ایف آئی اے کو طلب کر لیا

ایئرپورٹس پر نئے سکینرز لگانے اور پرانے سکینرز کی اپگریڈیشن کا معاملہ زیر بحث آیا،آئس جدید مشینوں سے بھی ڈیٹیکٹ نہ ہونے کا انکشاف سامنے آیا ،ڈی جی سول ایوی ایشن نے اجلاس میں کہا کہ آئس جدید مشینوں سے بھی ڈیٹیکٹ نہیں ہوتی،چیئرمین کمیٹی نے کہا کہ آئس پتہ نہیں آرہا ہے یا جا رہا ہے؟ڈی جی سول ایوی ایشن نے کہا کہ آ بھی رہا ہےاور جا بھی رہا ہے، سول ایوی ایشن حکام نے کہا کہ ایئرپورٹس پر مسافروں کی شکایات پر سی سی ٹی وی کیمرے نصب کر دیئے ہیں، نارکوٹس حکام کی جانب سے مسافروں کو تنگ کرنے کی شکایات آتی ہیں،مجبور مسافر رشوت دے کر جان چھڑاتے ہیں،

کمیٹی اجلاس میں ڈی جی ایف آئی اے کی جگہ ڈائریکٹر ایف آئی اے پہنچ گئے مڈائریکٹر ایف آئی اے نے کہا کہمیں پی اے سی اور متاثرہ ملازمین کمیٹی کی ہدایات ملیں تھیں ہم نے وزارت داخلہ کو کیس بھجوا دیا ہے، کمیٹی نے جعلی ڈگری والے ملازمین کو بحال نہ کرنے کی ہدایت کر دی ، چیئرمین کمیٹی نے کہا کہ جعلی ڈگری والوں کو بحال کرنے اور کیسز ختم کرنے سے غلط روایت قائم ہو گی، ڈائریکٹر ایف آئی اے نے کہا کہ ہمیں پی اے سی اور متاثرہ ملازمین کمیٹی کی ہدایات ملیں تھیں ہم نے داخلہ منسٹری کو کیس بھجوا دیا ہے،ڈی جی سول ایوی ایشن نے کہا کہ آن لائن انسپکشن کے وقت یورپی یونین نے ہم سے سرٹیفیکشن مانگی تھی،

اگرکوئی پائلٹ جعلی ڈگری پر بھرتی ہوا ہے تو سی اے اے اس کی ذمے دارہے،پلوشہ خان

بین الاقوامی فیڈریشن آف پائلٹس اینڈ ائیرٹریفک کنڑولرز طیارہ حادثہ کے ذمہ داروں کو بچانے میدان میں آ گئی

شہباز گل پالپا پر برس پڑے،کہا جب غلطی پکڑی جاتی ہے تو یونین آ جاتی ہے بچانے

پائلٹس کے لائسنس سے متعلق وفاق کے بیان کے مقاصد کی عدالتی تحقیقات ہونی چاہیے، رضا ربانی

کراچی طیارہ حادثہ کی رپورٹ قومی اسمبلی میں پیش، مبشر لقمان کی باتیں 100 فیصد سچ ثابت

ایئر انڈیا: کرو ممبرزکیلیے نئی گائیڈ لائن ’لپ اسٹک‘ ’ناخن پالش‘ خواتین کے لیے اہم ہدایات

وزیراعظم کے معاون خصوصی عرفان قادر کا کہنا ہے کہ سپریم کورٹ کے مخصوص ججز اپنی انا کو پسِ پشت ڈالیں، آئین کی تعظیم کریں ریاست ججز کو جواب دہ نہیں ، عدلیہ قانون کے سامنے سر تسلیم خم کرے۔

باغی ٹی وی : عرفان قادر نے کہا کہ چاہتے ہیں عدلیہ میں تقسیم ختم ہو ، فردِ واحد کسی بھی ادارے پر حاوی نہ ہو کہا جاتا ہے پارلیمنٹ قانون بنانے سے پہلے ہم سے مشورہ کرے ، کل کو حکومت اور پارلیمنٹ بھی کہہ سکتی ہےکہ فیصلہ دینے سے پہلے ہم سے پوچھ لیا کریں۔

آڈیو لیکس انکوائری کمیشن اور مریم نواز کےخلاف توہین عدالت کی درخواست ناقابل سماعت قرار

عرفان قادر نے کہا کہ لگتا ہے یہ لوگ کسی خاص سیاسی گروپ کے لیے نرم گوشہ رکھتے ہیں، مقدمات کی سماعت کے دوران سوال کیا جاتا ہے حکومت کیا کررہی ہے؟ قانون سازی سے پہلے ہم سے مشاورت کیوں نہیں کی گئی؟ آپ یہ نہیں کہہ سکتے اسی طرح پارلیمنٹ یہ نہیں کہہ سکتی کہ سپریم کورٹ کیا کررہی ہے؟ ایک سیاسی دھڑا ریاست اور اداروں کو کمزور کرنے میں مصروف ہے۔

یاسمین راشد کی قیادت میں کورکمانڈرہاؤس لاہورپہنچا اور توڑ پھوڑ کی،ملزم کا اعترافی بیان

انہوں نے کہا کہ سپریم کورٹ کے مخصوص ججز اپنی انا کو پسِ پشت ڈالیں، آئین کی تعظیم کریں، ہم نے بھی دل بڑا کیا ہے، مل کر قوم اور ملک کے لیے کام کریں۔

اسلام آباد: ملائیشیا کی عدالت نے کوالالمپور میں پی آئی اے کے طیارے کو وطن واپسی کی اجازت دے دی جس کے بعد طیارہ پاکستان پہنچ گیا ہے۔

باغی ٹی وی : ملائیشیا کی عدالت سے احکامات جاری ہوتے ہی کوالالمپور سے روانہ ہونے والا پی آئی اے کا طیارہ پاکستان پہنچ گیا۔ بوئنگ 777 طیارے نے اسلام آباد میں لینڈنگ کی،پرواز پی کے 6893 نے ہفتہ کی رات 11 بجے اسلام آباد ائیرپورٹ پر لینڈنگ کی رجسٹریشن APBMH کا بوئنگ 777 طیارہ لیزنگ کمپنی سے ادائیگی کے تنازع پر عدالتی حکم پر کوالالمپور میں روک لیا گیا تھا۔

پی آئی اے کے طیارے کو واپسی کی اجازت مل گئی

پی ائی اے کے ملکیتی بوئنگ 777 طیارہ ملائیشیا کی مقامی عدالت کے حکم امتناع پر روکا گیا تھا ،عدالت نے طیارہ روکنے والے حکم کو معطل کر دیا پی آئی اے لیگل ٹیم نے3 دن میں عدالتی حکم کو معطل کروا کے طیارہ واگزار کروا لیا ،26 مئی کو ملائیشیا کی مقامی عدالت نے بغیر پی آئی اے کو طلب یا نوٹس کئے طیارہ روکنے کے احکامات جاری کئے تھے ،طیارہ روکنے کے احکامات 29 مئی کو طیارے کی روانگی سے چند منٹ قبل پی آئی اے اور ائیرپورٹ حکام کو وصول کروائے گئے-

علی امین گنڈاپور پی ٹی آئی خیبر پختونخوا کے صدر مقرر

ذرائع کے مطابق مقامی عدالت نےجمعے کو طیارہ روکنے کے حکم کو پی آئی اے کے حق میں ختم کردیا تھا تاہم بھارتی ایوی ایشن اتھارٹی کی جانب سے بھارتی فضائی حدود میں داخلے کی اجازت نہ دینے پر پی آئی اے کے طیارہ روانگی میں تاخیر ہوئی۔