Tag: اسلام آباد

سپریم کورٹ، آئینی بینچ نے پریکٹس پروسیجر آرڈیننس کے خلاف چیئرمین تحریک انصاف بیرسٹر گوہر علی خان سمیت دیگر کی دائر درخواستیں خارج کر دی ہیں

آئینی بینچ نے پریکٹس پروسیجر آرڈیننس کے خلاف درخواستوں کو مسترد کرنے کا فیصلہ دیا،جسٹس امین الدین خان نے ریمارکس دیتے ہوئے کہا کہ پریکٹس اینڈ پروسیجر آرڈیننس ختم ہو چکا ہے۔ جسٹس محمد علی مظہر نے کہا کہ آرڈیننس کے بعد پریکٹس اینڈ پروسیجر میں پارلیمنٹ نے قانون سازی کر دی ہے۔وکیل درخواست گزار نے کہا کہ آرڈیننس کے تحت کمیٹی کے ایکشن کو کالعدم قرار دیا جائے۔ جسٹس جمال مندوخیل نے کہا کہ قانون آجائے تو آرڈیننس خود بخود ختم ہو جاتا ہے۔جسٹس محمد علی مظہر نے کہا کہ آرڈیننس کے تحت بنی کمیٹی ختم ہوگئی، کمیٹی کے فیصلوں کو پاس اینڈ کلوز ٹرانزیکشنز کا تحفظ ہے۔ جسٹس جمال مندوخیل نے کہا کہ آئین صدر پاکستان کو آرڈیننس جاری کرنے کا اختیار دیتا ہے۔

واضح رہے کہ چیئرمین تحریک انصاف گوہر علی خان، افراسیاب خٹک، احتشام الحق اور اکمل باری نے آرڈیننس کے خلاف درخواستیں دائر کی تھیں،بیرسٹر گوہر کی جانب سے سپریم کورٹ میں درخواست دائر کر دی گئی ، درخواست میں کہا گیا ہے کہ پریکٹس اینڈ پروسیجر ترمیمی آرڈیننس کالعدم قرار دیا جائے،ترمیمی آرڈیننس عدلیہ کی آزادی اور قانون و آئین کے برخلاف ہے، سپریم کورٹ قرار دے چکی کہ آرڈیننس ایمرجنسی حالات میں ہی جاری ہوسکتا ہے،ایسی کوئی ایمرجنسی صورتحال نہیں تھی کہ آرڈیننس جاری کیا جاتا، آرڈیننس کے اجراء کی کوئی وجوہات بھی نہیں بتائی گئیں؟ درخواست پر فیصلے تک آرڈیننس کو معطل کیا جائے،پی ٹی آئی نے آرڈیننس سے پہلے والی ججز کمیٹی بحال کرنے کی بھی استدعا کر دی

پریکٹس اینڈ پروسیجر ترمیمی آرڈیننس سپریم کورٹ میں چیلنج

جسٹس منصور علی شاہ کا پریکٹس اینڈ پروسیجر کمیٹی میں عدم شرکت، چیف جسٹس کو خط

چیف جسٹس قاضی فائز عیسیٰ میرے کیس نہ سنیں،عمران خان کی پھر درخواست

واضح رہے کہ صدرِمملکت آصف علی زرداری نے پریکٹس اینڈ پروسیجر آرڈیننس پر دستخط کر دیے تھے، وزیرِ اعظم شہباز شریف اور وفاقی کابینہ نے سپریم کورٹ ترمیمی پریکٹس اینڈ پروسیجر آرڈیننس منظور کر لیا تھا،وفاقی کابینہ نے سرکولیشن کے ذریعے پریکٹس اینڈ پروسیجر آرڈیننس منظور کیا تھا،آرڈیننس کے مطابق بینچ عوامی اہمیت اور بنیادی انسانی حقوق کو مدِنظر رکھتے ہوئے مقدمات کو دیکھے گا، ہر کیس کو اس کی باری پر سنا جائے گا ورنہ وجہ بتائی جائے گی،ترمیمی آرڈیننس میں کہا گیا ہے کہ ہر کیس اور اپیل کو ریکارڈ کیا جائے گا اور ٹرانسکرپٹ تیار کیا جائے گا،تمام ریکارڈنگ اور ٹرانسکرپٹ عوام کے لیے دستیاب ہو گا،پریکٹس اینڈ پروسیجر ایکٹ کمیٹی مقدمات مقرر کرے گی، کمیٹی چیف جسٹس، سینئر ترین جج اور چیف جسٹس کے نامزد جج پر مشتمل ہوگی،آرڈیننس میں پریکٹس اینڈ پروسیجر ایکٹ کے سیکشن 3 میں ترمیم شامل ہے، پریکٹس اینڈ پروسیجرایکٹ میں سیکشن 7 اے اور7 بی کو شامل کیا گیا ہے،آرڈیننس میں موجود ہے کہ سماعت سے قبل مفاد عامہ کی وجوہات دینا ہوں گی، سیکشن 7 اے کے تحت ایسے مقدمات جو پہلے دائر ہونگے انہیں پہلے سنا جائے گا، اگر کوئی عدالتی بینچ اپنی ٹرن کے بر خلاف کیس سنے گا تو وجوہات دینا ہونگی۔

پاکستان بار کا پریکٹس اینڈ پروسیجر ترمیمی آرڈیننس کے اجرا پر شدید تحفظات کا اظہار

پریکٹس اینڈ پروسیجر قانون کیس،جسٹس عائشہ ملک اور جسٹس شاہد وحید کا اختلافی نوٹ

پریکٹس اینڈ پروسیجر ایکٹ ،جسٹس یحییٰ آفریدی کا اضافی نوٹ جاری

پریکٹس اینڈ پروسیجر ایکٹ کیس کا تفصیلی فیصلہ جاری

بریکنگ،سپریم کورٹ نے پریکٹس اینڈ پروسیجر ایکٹ کو قانونی قرار دے دیا

توشہ خانہ ٹو کیس ، بشری بی بی کی ضمانت منسوخی کی ایف آئی اے کی درخواست نمٹا دی گئی

دوران سماعت جسٹس میاں گل حسن اورنگزیب نے کہا کہ ہائیکورٹ اگر ضمانت دیتی ہے تو ملزم اگر پیش نا ہو تو ٹرائل کورٹ ضمانت کینسل کر سکتی ہے ، یہ ہائیکورٹ کے آرڈر میں توہین عدالت نہیں ہو گی ، عدالت نے بشری بی بی کے خلاف ایف آئی اے کی درخواست نمٹا دی،قبل ازیں بشری بی بی اسلام آباد ہائیکورٹ پہنچ گئیں ، جسٹس میاں گل حسن اورنگزیب کی عدالت میں توشہ خانہ کیس میں بشری بی بی کی ضمانت منسوخی کی ایف آئی اے درخواست پر سماعت ہوئی، ضمانت منسوخی کی درخواست پر عدالت نے بشریٰ بی بی کو نوٹس جاری کیا تھا

دوران سماعت جسٹس میاں گل حسن اورنگزیب نے کہا کہ کدھر ہیں بشریٰ بی بی ؟بشری بی بی نے کب کب حاضری سے استثنیٰ لیا؟وکیل نے کہا کہ سر 6 بار استثنیٰ لیا،جسٹس میاں گل حسن اورنگزیب نے کہا کہ بشری بی بی کیسز کو سنجیدہ لیں اور ہر سماعت پر پیش ہوں ورنہ ضمانت خارج کردی جائے گی،

بشریٰ بی بی کے خلاف قائم توشہ خانہ کیس ٹو میں ضمانت کے خلاف اسلام آباد ہائیکورٹ میں ایف آئی اے نے درخواست دائر کی ہے،ایف آئی اے کی جانب سے بشریٰ بی بی کی مسلسل عدم پیشی پر ضمانت منسوخ کرنے کی استدعا کی گئی ہے۔ایف آئی اے کی جانب سے اسلام آباد ہائیکورٹ میں دائر درخواست میں مؤقف اختیار کیا گیا ہے کہ عدالت نے آرڈر میں لکھا کہ بشریٰ بی بی ضمانت کا غلط استعمال نہیں کریں گی،بشریٰ بی بی ضمانت ملنے کے بعد اکثر سماعتوں میں پیش نہیں ہو رہیں، عدالت بشریٰ بی بی کی ضمانت منسوخ کرے۔

بشریٰ کا خطاب،عمران خان تو”وڑ” گیا. مبشر لقمان

بشریٰ کے پاس پارٹی عہدہ نہیں، بیرسٹر سیف،بیان قابل مذمت ہے،اسحاق ڈار

بشری بی بی کا شریعت ختم کرنے کا الزام، دوست اسلامی ملک پر خودکش حملہ ہے،عظمیٰ بخاری

10،دس ہزار بندے لانے کی شرط،شیر افضل مروت نے بشریٰ بی بی کو آئینہ دکھا دیا، آڈیو لیک

بشریٰ بی بی کیا سالن بنانے کا طریقہ بتا رہی ہے؟ عظمیٰ بخاری

مذاکرات سے معاملات حل ہو جائیں تو بہتر ہے،عمران خان کا گنڈاپور کو مشورہ

اسلام آباد: وفاقی کابینہ میں مزید 10 ارکان کو شامل کیے جانے کا امکان ہے۔

باغی ٹی وی :حکومتی ذرائع کے مطابق وفاقی کابینہ میں توسیع وفاقی کابینہ میں توسیع کا فیصلہ کر لیا گیا ہے اور رواں ماہ کے دوران وزیراعظم کی جانب سے کابینہ میں توسیع کا اعلان کئے جانے کا امکان ہے، صدر ن لیگ نواز شریف پرانے اور تجربہ کار افراد کو کابینہ میں لانے کے خواہاں کابینہ میں دس مزید ارکان شامل کئے جائیں گے

ذرائع کے مطابق سردار یوسف، طارق فضل چوہدری، بیرسٹر عقیل ملک کو وفاقی کابینہ میں شامل کیا جاسکتا ہے،حنیف عباسی، سعد وسیم، شیخ آفتاب کو بھی وفاقی کابینہ میں شامل کیے جانے کا امکان ہے ن لیگ کی قیادت کی 2 خواتین کو بھی وفاقی کا بینہ میں شامل کرنے پر مشاورت جاری ہے۔

وفاقی وزیر برائے نجکاری، عبدالعلیم خان کی زیر صدارت پرائیویٹائزیشن کمیشن کا اجلاس منعقد ہوا، جس میں مختلف اداروں کی نجکاری کے لیے فنانشل ایڈوائزرز کی تقرری پر تفصیلی غور کیا گیا۔

اجلاس میں نجکاری کے عمل کو مزید تیز کرنے اور اس کی شفافیت کو یقینی بنانے کے لیے اہم فیصلے کیے گئے۔وفاقی وزیر عبدالعلیم خان نے اجلاس سے خطاب کرتے ہوئے کہا کہ حکومت کا مقصد نجکاری کے عمل کو شفافیت کے ساتھ اور جلد از جلد مکمل کرنا ہے تاکہ عوامی اداروں کی کارکردگی کو بہتر بنایا جا سکے اور ملکی معیشت کو مستحکم کیا جا سکے۔ انہوں نے پرائیویٹائزیشن کے تمام منصوبوں پر کام کی رفتار تیز کرنے کی ہدایت بھی دی۔عبدالعلیم خان کا کہنا تھا کہ "نجکاری کے عمل میں کسی قسم کی تاخیر یا رکاوٹ برداشت نہیں کی جائے گی، اور اس بات کو یقینی بنایا جائے گا کہ تمام فیصلے مکمل شفافیت اور معیار کے مطابق ہوں۔” انہوں نے مزید کہا کہ حکومت کا یہ عزم ہے کہ تمام پرائیویٹائزیشن منصوبوں میں مالیاتی شفافیت کو اہمیت دی جائے اور ان منصوبوں میں بہترین عالمی معیار کی پیروی کی جائے۔

اجلاس میں مختلف اداروں کی نجکاری کے حوالے سے فنانشل ایڈوائزرز کی تقرری کے لیے مختلف آپشنز پر غور کیا گیا اور اس بات پر اتفاق کیا گیا کہ اس عمل کی تیز رفتار تکمیل کے لیے فنانشل ایڈوائزرز کی جلد تقرری کی جائے گی۔وفاقی وزیر نے یہ بھی کہا کہ حکومت عوامی مفاد میں نجکاری کے عمل کو ترجیح دے گی، اور اس کے نتیجے میں عوامی اداروں کی کارکردگی میں بہتری آئے گی۔ اجلاس میں وزارتِ خزانہ اور دیگر متعلقہ اداروں کے اعلیٰ حکام بھی شریک تھے، جنہوں نے نجکاری کے عمل کو بہتر بنانے اور شفافیت کے حوالے سے تجاویز پیش کیں۔اس موقع پر عبدالعلیم خان نے کہا کہ نجکاری کے عمل میں کسی قسم کی سیاسی مداخلت نہیں کی جائے گی، اور اس کا مقصد صرف اور صرف معیشت کی ترقی اور عوامی اداروں کی بہتری ہے۔اجلاس کے اختتام پر وفاقی وزیر نے تمام متعلقہ حکام کو ہدایت کی کہ وہ اس عمل کی نگرانی کریں اور اس بات کو یقینی بنائیں کہ نجکاری کے تمام منصوبے شفاف، مؤثر اور جلد از جلد مکمل ہوں۔

فیصل واوڈا،بیرسٹر گوہر کی "مسکراتے ” ہوئے ملاقات

کابل میں دھماکہ،افغان وزیر خلیل الرحمان حقانی جاں بحق

ملزم فیض حمید پر فردجرم،قید اور موت کی سزا،سب ختم شد،عمران خان شدید مایوس

وزیر داخلہ محسن نقوی سے امریکہ کی قائم مقام سفیر نیٹلی بیکر کی ملاقات ہوئی ہے،

ملاقات میں پاک، امریکہ تعلقات سمیت دو طرفہ تعاون بڑھانے پر تفصیلی تبادلہ خیال کیا گیا، قائم مقام امریکی سفیر نے اسلام آباد میں پولیس اور رینجرز اہلکاروں کی شہادت پر تعزیت کا اظہار کیا، اس موقع پر وزیر داخلہ محسن نقوی کا کہنا تھا کہ ایف آئی اے کو ایف بی آئی کی طرز پر جدید ترین ادارہ بنانا چاہتے ہیں.ایف آئی اے کوجدیدادارہ بنانے کیلئے امریکی تعاون کا خیر مقدم کریں گے. امریکہ ایف آئی اے کو جدید خطوط پر استوار کرنے میں تعاون فراہم کرے گا، ملاقات میں اتفاق کیا گیا،امریکہ نیشنل فرانزک ایجنسی کو جدید تقاضوں کے مطابق فعال کرنے میں بھی معاونت فراہم کرے گا.

وزیر داخلہ محسن نقوی کا کہنا تھا کہ اداروں کی استعدادکار بڑھانے میں امریکی تعاون انتہائی اہمیت کا حامل ہے. دہشتگردی اور ہنگامی حالات سے نمٹنے کیلئے فورسز کو جدید آلات کی فراہمی وقت کی ضرورت ہے.سول آرمڈ فورسز کو جدید آلات اور سازوسامان سے لیس کرنا اولین ترجیح ہے.پاکستان اور امریکہ کے مابین بہترین تعلقات کئی دہائیوں پر محیط ہیں.قانونی دستاویزات کے حامل کسی بھی غیر ملکی کو اسلام آباد سے نہیں نکالا جا رہا. غیر قانونی مقیم غیر ملکیوں کو اسلام آباد میں رہنے کی اجازت نہیں دی جائے گی،

نیٹلی بیکر کا کہنا تھا کہ قانون نافذ کرنے والے اداروں میں خواتین کی نمائندگی بڑھانے پر پاکستانی حکام کے ساتھ ملکر کام کررہے ہیں،نیٹلی بیکر نے وزیر داخلہ کو پولیس افسران کی پاسنگ آؤٹ پریڈ کی پروقار تقریب کے انعقاد پر مبارکباد دی.ملاقات میں پاکستان میں آئی سی سی چیمپئنز ٹرافی ٹورنامنٹ کے انعقاد پر بھی گفتگو کی گئی، نیٹلی بیکر نے چیمپئنز ٹرافی کے پاکستان میں انعقاد کے حوالے سے نیک خواہشات کا اظہار کیا، اس موقع پر کنٹری ڈائریکٹر آئی این ایل لائن نیلسن بھی ملاقات میں موجود تھے

پی ٹی آئی بیرونی ایجنڈے پر چل رہی ہے، شرجیل میمن

حکومت سندھ ٹرانسپورٹ نظام کو جدید بنانے کی خواہاں ہے،شرجیل میمن

حقائق کو مسخ، عوام کو گمراہ کرنا جماعت اسلامی کی تاریخ رہی ہے، شرجیل میمن

پی ٹی آئی ملکی معاشی مفادات کو نقصان پہنچانے میں مصروف ہے ،شرجیل میمن

سپریم کورٹ نے اصغر خان کیس میں حساس اداروں میں سیاسی سیل ختم کرنے کی رپورٹ طلب کرلی

عدالت نے ایڈیشنل اٹارنی جنرل کو وزارت دفاع کا جواب جمع کرانے کا حکم دیدیا،ایڈیشنل اٹارنی جنرل نے کہا کہ سیاسی سیل تو حساس اداروں میں اصغر خان کیس فیصلہ کے بعد ختم کر دیئے تھے۔جسٹس مسرت ہلالی نے کہا کہ اس کا مطلب ہے حساس اداروں میں سیاسی سیل تھے۔وکیل سلمان اکرم راجہ نے کہا کہ یہ تسلیم شدہ حقیقت ہے کہ حساس اداروں میں سیاسی سیل تھا۔جن لوگوں نے 1990 کا الیکشن چوری کیا ان کیخلاف کیا ایکشن ہوا۔اسلم بیگ، اسد درانی،یونس حبیب نے الیکشن چوری کا اعتراف کیا۔ایڈیشنل اٹارنی جنرل نے کہا کہ ایف آئی اے نے اصغر خان کیس میں انکوائری بند کردی ہے۔جسٹس حسن رضوی نے کہا کہ کیا سیاستدانوں میں تقسیم رقم ریکور کرلی گئی۔بڑے بڑے سیاسی نام ہیں جن میں رقم تقسیم کا الزام لگایا گیا۔ایڈیشنل اٹارنی جنرل نے کہا کہ ایف آئی اے کی انکوائری میں رقم تقسیم کے شواہد نہیں ملے۔اصغر خان درخواستگزار تھے انکا انتقال ہو چکا ہے۔جسٹس جمال خان مندوخیل نے کہا کہ ایف آئی اے کا جو کام کرنے کا تھا کیا وہ کیا گیا۔کیا حساس اداروں کے سربراہان نے سیاسی سیل کا خاتمہ کا بیان حلفی دیا۔ایڈیشنل اٹارنی جنرل نے کہا کہ حساس اداروں کا آئین و قانون کے تحت سیاست میں کوئی کردار نہیں، جسٹس جمال خان مندوخیل نے کہا کہ اگر پہلے بیان حلفی نہیں لیا تو حساس اداروں کے سربراہان سے آج بیان حلفی لے لیں۔ایڈیشنل اٹارنی جنرل نے کہا کہ اصغر خان کیس فیصلہ پر عمل کیا گیا ہے۔حساس اداروں میں سیاسی سیل کو عدالتی فیصلہ کے بعد ختم کر دیا گیا تھا۔جسٹس جمال خان مندوخیل نے کہا کہ ایف آئی اے عدالت کو مطمئن کرے کہ عدالتی فیصلہ پر عمل ہو چکا ہے،عدالت نے وزارت دفاع کی رپورٹ طلب کرکے کیس سماعت ملتوی کردی

سپریم کورٹ،عمران خان کو خیبر پختونخوا منتقلی کی درخواست جرمانے کے ساتھ خارج

سپریم کورٹ نے سویلینز کو عام جیلوں میں منتقل کرنےکی استدعا مسترد کردی

سپریم کورٹ،صحافیوں کو ہراساں کرنے کے خلاف ازخود نوٹس کیس،سماعت ملتوی

سپریم کورٹ،ارشد شریف قتل کیس،سماعت ملتوی

سپریم کورٹ،فوجی عدالتوں میں سویلینز ٹرائل، سابق چیف جسٹس جواد ایس خواجہ پر جرمانہ

عدالت اعتماد دیتی ہے، پی آئی اے نجکاری اچھے طریقے سے کریں،سپریم کورٹ