Tag: اسلام آباد

اقوامِ متحدہ کے سیکریٹری جنرل انتونیو گوتریس کی وزیراعظم ہاؤس آمد ہوئی

وزیراعظم شہبازشریف ،وزیرخارجہ بلاول بھٹو نے انتونیوگوتریس کا استقبال کیا وفاقی وزیراطلاعات مریم اورنگزیب نے بھی یواین وفد کا استقبال کیا،وزیراعظم شہباز شریف کا کہنا تھا کہ یواین سیکریٹری جنرل انتونیوگوتریس کی پاکستان آمد کا خیر مقدم کرتے ہیں،انتونیوگوتریس اور وفد پاکستان سیلاب متاثرین سے اظہار یکجہتی کے لیے آئے ہیں پاکستان میں سیلاب سے 3کروڑ سے زائد لوگ متاثر ہوئے متاثرین کو ریسکیو کرکے محفوظ مقامات پرمنتقل کردیاگیا مگر بحالی کا بڑ اچیلنج اب بھی موجود ہے سیلاب سے متاثرین کے لیے مختلف ممالک سے امدادپر ان کےشکرگزار ہیں،سیلاب سے متاثرہ علاقوں کی بحالی کے لیے ہمیں فنڈنگ کی ضرورت ہے،وفاقی حکومت پاک فوج کے تعاون سے متاثرہ علاقوں کی بھرپور مدد کر رہی ہے،یواین سیکریٹری جنرل انتونیو گوتریس سے مواصلاتی نظام کی بحالی کے لیے مدد کی اپیل کی ہے یواین سیکریٹری جنرل انتونیو گوتریس پاکستانی نہیں لیکن پاکستانیوں کے جزبات کو سمجھتے ہیں سیکریٹری جنرل ایسے وقت آئے ہیں جب ایک تہائی پاکستان سیلاب میں ڈوبا ہوا ہے عالمی برادی کو سیلاب اور قدرتی آفات سے دوچار غریب ممالک کی مدد کے لیے آگے بڑھنا ہوگا سیلاب سے متاثرین کے لیے مختلف ممالک سے امدادپر ان کےشکرگزار ہیں،

اقوامِ متحدہ کے سیکریٹری جنرل انتونیو گوتریس کی این ایف آر سی سی آمد ہوئی ہے ،ڈپٹی چیئرمین این ایف آر سی سی احسن اقبال کا کہنا تھا کہ پاکستان کو بڑے پیمانے پر انفراسٹرکچر کی ضرورت ہے،سیلاب سے متاثرہ علاقوں کی بحالی ہمارے لیے بہت بڑا چیلنج ہے پاکستان موسمیاتی تبدیلوں کے زیر اثر ہے پاکستان میں پہلے سے ہی آئی ایم ایف کی شرائط کی وجہ سے مہنگائی ہے پاکستان اس وقت مشکل گھڑی سے گزر رہا ہے،مشکل وقت میں بین الاقوامی کمیونٹی کو پاکستان کا سہارا بننا چاہیے،پاکستان میں سیلاب سے 3کروڑ سے زائد لوگ متاثر ہوئے، پاکستان میں سیلاب سے جی ڈی پی میں 3 فیصد کمی کا امکان ہے پاکستان میں سیلاب سے ذخیرہ اجناس کو بڑے پیمانے پر نقصان پہنچا پہاڑی علاقوں سے سیلابی ریلوں نے میدانی علاقوں کا رخ کیا،

این ایف آر سی سی میں سیلاب سے نقصانات اور بحالی کے کاموں پر بریفنگ دی گئی ، جس میں کہا گیا کہ سندھ کا بڑا حصہ سیلابی پانی میں ڈوبا ہواہے،اس وقت پاکستان کے ایک تہائی حصے کوسیلاب کا سامنا ہے سیلاب سے مجموعی طور پر 30بلین ڈالر سے زائد نقصان ہوا،سندھ میں ابھی بھی ریسکیو آپریشن جاری ہے،سیلاب سے 40 لاکھ ایکڑ اراضی فصلوں کو نقصان پہنچا آج کالام کا راستہ بحال کر دیا گیا ،ملک کے کچھ حصوں میں معمول سے زیادہ بارشیں ہوئیں،بلوچستان کے 4 اضلاع میں اب بھی پانی موجود ہے، سندھ میں ریسکیو آپریشن جاری ہے،سندھ کے بیشتر علاقے سیلاب کی زد میں ہیںروجھان میں ابھی بھی پانی کھڑا ہے،سیلاب متاثرین کے ہر خاندان کو 25 ہزار روپے دیئے جا رہے ہیں، 25ستمبر سے پھر بارش کی پیشگوئی ہے ،معاملے کو غور سے دیکھ رہےہیں،

یواین سیکریٹری جنرل انتونیوگوتریس کا کہنا تھا کہ میں پاکستان کے لیے اجنبی نہیں ہوں،پاکستان سے شناسائی طویل عرصے سے ہے پاکستان اوراس کےعوام میرے دل کے قریب ہیں، پاکستان کا ایک تہائی حصہ سیلاب سے متاثر ہے، پاکستان موسمیاتی تبدیلیوں کی تباہ کاریوں سے نمٹ رہا ہے، موسمیاتی تبدیلیوں کے حوالے سے پاکستان کے اقدامات قابل تحسین ہیں،قدرتی آفات کو روکا نہیں جاسکتا اور نہ ہی اس کے ساتھ مزاحمت کی جاسکتی ہے،پاکستان میں پاک فوج ،متعلقہ ادارے سیلاب متاثرین کی امداد کے لیے سرگرم ہیں،پاکستان وہ ملک ہے جس نے لاکھوں مہاجرین کو پناہ دی ہوئی ہے پاکستان میرے دل کے قریب ہے ، متاثرین کے لیے عالمی برادری سے امداد کی اپیل کرتا ہوں،ہماری کوشش ہے کہ ہم پاکستان کی اس مشکل گھڑی میں بھرپور مدد کریں سیلاب متاثرین کو مدد فراہم کرنے کے لیے مل کر کام کرنے کی ضرورت ہے،متاثرین کو ریلیف فراہمی کے لیے تمام ادارے مل کر کام کررہے ہیں جو کہ قابل تحسین ہے،اقوام متحدہ پاکستان کی اس مشکل وقت میں ہر ممکن مدد فراہم کرے گی،پاکستان میں بلاشبہ صورتحال سنگین ہے ،بڑے پیمانے پر امداد کی ضرورت ہے،اگر آج پاکستان موسمیاتی تبدیلیوں کے زیر اثر ہے تو کل کوئی اورملک ہوگا ،ہمیں موسمیاتی تبدیلی سے نمٹنے کے لیے سنجیدہ اقدامات کرنے ہوں گے عالمی برادری کو موبالائز کرنے کےلیے ہرممکن تعاون کریں گے،عالمی برادری سے اپیل کرتاہوں کہ مشکل میں پاکستان کا ہاتھ تھامے

وفاقی وزیر اطلاعات و نشریات مریم اورنگزیب نے اقوام متحدہ کے سیکریٹری جنرل انتونیوگوتیرس کا پاکستان آمد پر خیر مقدم کرتے ہوئے کہا ہے کہ سیکریٹری جنرل ایسے موقع پر دورہ کر رہے ہیں جب ایک تہائی پاکستان سیلاب میں ڈوبا ہوا ہے، ان کے دورہ سے دنیا پاکستان میں سیلاب کے نتیجے میں ہونے والی تباہی سےبہتر طور پر آگاہ ہو سکے گی مشکل گھڑی میں یک جہتی کے اظہار کے لئے پاکستان آمد پر اقوام متحدہ کے سیکریٹری جنرل کا شکریہ ادا کرتے ہیں۔ ان کے دورہ پاکستان سے سیلاب متاثرین کے مسائل اور مشکلات کو عالمی سطح پر اجاگر کرنے میں مدد ملے گی

پی ٹی آئی کے منحرف رکن اسمبلی کے گھر پر حملہ،فائرنگ،قاتلانہ حملہ کیا گیا، بیٹے کا دعویٰ

اللہ خیر کرے گا،دعا کریں پاکستان کی خیر ہو ،شہباز شریف پارلیمنٹ ہاؤس پہنچ گئے

غیرت کے نام پر استعفے دینے والے آج عدالت چلے گئے، ثانیہ عاشق

ترجمان کے مطابق اقوام متحدہ کے سیکرٹری جنرل لاکھوں متاثرہ لوگوں کے لیے حکومت کی بچائو اور امدادی کوششوں کی حمایت میں اقوام متحدہ کے انسانی امداد کے کام کی نگرانی کریں گے ۔ اقوام متحدہ کے سیکرٹری جنرل انتونیو گوتریس کا دورہ پاکستان اس قدرتی آفت کے نتیجے میں ہونے والے جانی نقصان اور بڑے پیمانے پر ہونے والی تباہی کے بارے میں عالمی بیداری کو مزید فروغ دے گا۔

اقوام متحدہ کے سیکرٹری جنرل کا یہ دورہ 33 ملین متاثرہ پاکستانیوں کی انسانی اور دیگر ضروریات کے لیے ہم آہنگ اور مربوط بین الاقوامی ردعمل کو بڑھانے میں معاون ثابت ہوگا ۔ اقوام متحدہ کے سیکرٹری جنرل نے پاکستان کے فلڈ ریسپانس پلان کی فنڈنگ کے لیے 160 ملین امریکی ڈالر کی اقوام متحدہ کی “فلیش اپیل” کی 30 اگست کو اسلام آباد اور جنیوا میں بیک وقت منعقد ہونے والے لانچنگ تقریب میں ایک طاقتور ویڈیو پیغام میں فعال طور پر حمایت کی۔ ماہرین اس دورے کو سراہا رہے ہیں اور اس کامایابی کا کریڈت وزیر خارجہ بلاول بھٹو زرداری کی بہترین خارجہ پالیسی کو قرار دے رہے ہیں.

چیئرمین نور عالم خان کی زیر صدارت پارلیمانی پبلک اکاونٹس کمیٹی کا اجلاس ہوا.

پی این آر اے حکام نے کہا کہ چیئرمین کانفرنس میں شرکت کے لیے 15روزہ دورے پر بیرون ملک گئے ہیں،نور عالم خان نے کہا کہ چیئرمین کی عدم شرکت میں اعتراضات کا جائزہ نہیں لے سکتے، آئندہ اجلاس میں پی این آر اے کو بلا لیا جائے،پی اے سی سیکریٹریٹ کی کال جانے پر پی ایس سے بات نہیں کرتے،ہمیں وردیوں کا رعب نہ دکھایا جائے،

پبلک اکاونٹس کمیٹی ارکان نے سیکریٹری الیکشن کمیشن پرتنقید کی ارکان نے عمران خان کو 9 حلقوں سے الیکشن لڑنے کی اجازت دینے پر تنقید کی ،چیئرمین کمیٹی نور عالم خان نے کہا کہ نیب 1800 نادہندگان کی لسٹ بنا رہا ہے تمام وزارتیں اور ادارے نادہندگان کی فہرستیں سیکریٹری الیکشن کمیشن کو بھجوائیں،نیب آپ کو فہرست بھجوائے گا آپ نے ڈرے بغیر نوٹس بھجوانا ہے،ایک بندہ جو 7 کروڑ کا نادہندہ ہے اس کو نوٹس بھیجیں کہ حکومتی خزانے میں پیسے جمع کرائیں، انتخابات 2023 میں آ رہے ہیں تمام نا دہندگان کا ریکارڈ رکھ لیں، شاہدہ اختر علی نے کہا کہ سب کا نام لے لیا مگر جس کا ہیلی کاپٹر کیس میں نام ہے اس کا نام نہیں لیا،ایک ایسا شخص نو حلقوں سے انتخاب لڑ رہا ہے جس کا اسمبلی آنے کا آرادہ ہی نہیں ہے،الیکشن کمیشن اور نیب کو نوٹس لینا چاہیے،

نور عالم خان نے کہا کہ کچھ لوگ پاکستان کے خلاف براہ راست آواز اٹھا رہے ہیں،ہمیں ان کی طرح نہیں کرنا چاہیے،ہم اداروں کے شانہ بشانہ کھڑے ہونگے،ادارے کے سربراہ کے خلاف نہیں جانا چاہیے، لوگوں کو اکسانے کی مذمت کرتے ہیں،

چیرمین پبلک اکاؤنٹس کمیٹی نے الیکشن کمشن کوکہ دیا کہ عمران خان کوآج ہی نوٹس جاری کریں اور پیسے جمع نہ کروانے والے/ڈیفالٹر اور افواج پر حملہ آور ہونے والے کو الیکشن لڑنےکی اجازت نہ دی جائے۔ برجیس طاہر نےکہاکہ مجھے 15 سوروپے کی وجہ سے الیکشن نہ لڑنے دیا خان تو7 کروڑ کے ڈیفالٹر ہیں

برجیس طاہر نے کہا کہ الیکشن کمیشن سے دو سوال ہیں کہ امتیاز کیوں ہو رہا ہے؟ مسلم لیگ ن نے نو حلقوں کے انتخابات کے نتائج روکنے کی تجویز دی ،برجیس طاہرنے کہا کہ وہ جیتے یا ہارے الیکشن کے نتائج کا اعلان نہ کیا جائے،غریب آدمی جو الیکشن لڑتا ہے اس کے لیے اور قانون ہے عمران خان کے لیے اور ،نور عالم خان نے کہا کہ حکومت پاکستان کا پیسہ عوام پر خرچ ہونا چاہیےجلسوں اور جلوسوں پر نہیں، شیخ روحیل اصغر نے کہا کہ ڈرتے ہیں تو کرسیاں چھوڑ دیں یہ کوئی طریقہ نہیں، نور عالم خان نے کہا کہ آئین کے مطابق کوئی مسلح افواج کے خلاف بات نہیں کر سکتا،الیکشن کمیشن سپریم کورٹ کی ڈیوٹی ہے آئین کی خلاف ورزی ہورہی ہے،

نواب شیر وسیر اور شیخ روحیل اصغر نے انگریزی میں بات کرنے پر سیکریٹری الیکشن کمیشن کو جھاڑ دیا ،نواز شیر وسیر نے کہا کہ یہاں کچھ ان پڑھ بھی بیٹھے ہیں،سیکرٹری الیکشن کمیشن نے کہا کہ ایجنڈے پر بات کروں یا ارکان کے سوالوں کے جواب دوں،پرویز رشید نے کہا کہ پرویز رشید نادہندہ ہونے پر نااہل ہو گیا،آپ نے اس سر پھرے بندے کو نوٹس بھیجا ،سیکرٹری الیکشن کمیشن نے کہا کہ خیبرپختونخوا حکومت نے نادہندگی کی کوئی اطلاع نہیں دی، کچھ خرابیاں ہیں ان کو بہتر کر رہے ہیں، ہم نے ہر طرح کی خلاف ورزی پرسٹینڈ لیا ہے، الیکشن کمیشن کو مورد الزام ٹھہرانا درست نہیں ہے،ایک فرد نو حلقوں سے الیکشن لڑ رہا ہے یہ زیادتی ہے مگر قانون خاموش ہے، نور عالم نے کہا کہ پبلک اکاونٹس کمیٹی کی نادہندگان کے خلاف کارروائی کی جائے، آئین کی خلاف ورزی اور نادہندگان کو نوٹس بھیج کر کاپی پی اے سی کو بھجوائیں، آئینی اداروں کے خلاف بات برداشت نہیں کی جائے گی،سیکرٹری الیکشن کمیشن نے کہا کہ نیب کی فہرست سمیت دونوں معاملات کمیشن کے سامنے پیش کیے جائیں گے،

افواج پرحملے کے حوالے سے چیئرمین پی اے سی نے وزارت قانون سے قانونی حوالے طلب کرلئے ،پی اے سی نے الیکشن کمیشن کوآرٹیکل 62-63 کے تحت عمران خان کے نادہندہ ہونے اورکردارکو دیکھتے ہوئے کیس آگے بڑھانے کی ہدایت کر دی،پبلک اکاؤنٹس کمیٹی نے افواج مخالف سرگرمیوں پرنوٹس کی ہدایت کر دی،

شوکت ترین ، تیمور جھگڑا ،محسن لغاری کی پاکستان کے خلاف سازش بے نقاب،آڈیو سامنے آ گئی

فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ

سپریم کورٹ نے دیا پی ٹی آئی کو جھٹکا،فواد چودھری کو بولنے سے بھی روک دیا

بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟

سینئر قیادت پرہتک آمیز،انتہائی غیرضروری بیان پرپاک آرمی میں شدید غم وغصہ ہے،ڈی جی آئی ایس پی آر

سافٹ ویئر اپڈیٹ، میں پاک فوج سے معافی مانگتی ہوں،خاتون کا ویڈیو پیغام