Tag: اسلام آباد

بورڈ آف پرائیویٹائزیشن کمیشن (پی سی) نے نیشنل پاور پارکس مینجمنٹ کمپنی لمیٹڈ (این پی پی ایم سی ایل) کی نجکاری سے متعلق معاملات کو تیزی سے آگے بڑھانے کی تجویز کی متفقہ طور پر منظوری دے دی گئی ہے۔

ڈان کے مطابق بورڈ آف پرائیویٹائزیشن کمیشن کے اجلاس کی صدارت وزیر برائے نجکاری عابد حسین بھایو نے کی، بورڈ کو این پی پی ایم سی ایل ٹرانزیکشن کی موجودہ صورتحال سے آگاہ کیا گیا، یہ ادارہ نجکاری کی فہرست میں شامل بڑے سرکاری اداروں (ایس او ای) میں سے ایک ہے۔

جون میں کابینہ کمیٹی برائے نجکاری (سی سی او پی) نے اسٹیک ہولڈرز کی ذیلی کمیٹی تشکیل دی تھی جس میں وزارت خزانہ اور وزارت توانائی، پی سی اور این پی پی ایم سی ایل کے ارکان شامل کیے گئے تھے تاکہ نجکاری کے معاملات کو جلد از جلد حل کیا جا سکے۔ 2020 میں وبائی مرض کووڈ19 کے پھیلاؤ کی وجہ سے نجکاری سے متعلق جاری معاملات شیدید متاثر ہوئے جب کہ مشرق وسطیٰ، چین، جاپان، کوریا، جنوب مشرقی ایشیا، یورپ اور پاکستان سمیت دنیا بھر سے 12 پارٹیاں پری کوالیفائی کرچکی تھیں۔

پاکستان اسٹیل ملز کی نجکاری پری کوالیفائڈ اہل سرمایہ کاروں کی جانب سے سائٹ کے دوروں اور خریداروں کی جانب سے تکمیل کے قریب پہنچ چکی تھی، ممکنہ سرمایہ کاروں نے پاکستان میں دو ہفتے اسلام آباد میں اعلیٰ سرکاری حکام سے ملاقات اور پی ایس ایم سائٹ کا دورہ کرنے میں گزارے تھے۔ بورڈ کو ایس او ای نجکاری کی مجموعی پیشرفت کے بارے میں بھی آگاہ کیا گیا، اور اراکین نے ایچ بی ایف سی ایل نجکاری میں ہونے والی پیش رفت پر اظہار اطمینان کیا اور امید ظاہر کی کہ یہ عمل جلد مکمل ہو جائے گا۔

سندھ انجینئرنگ لمیٹڈ (ایس ای ایل) اور پاکستان انجینئرنگ کمپنی (پی ای سی او) کے ساتھ مختلف مسائل کو حل کرنے کی حکمت عملی پر پی سی بورڈ کی منظوری طلب کی گئی جنہوں نے اپنی نجکاری کا عمل روک دیا ہے۔ ایس ای ایل بورڈ کی تشکیل اور مستقل ایم ڈی کے تقرر سے نجکاری سے متعلق ضروری فیصلوں پر عمل درآمد ممکن ہو سکے گا۔ بورڈ کے اراکین نے تجویز پیش کی کہ اس معاملے کو سی سی او پی کے سامنے اس کے آئندہ اجلاس میں رکھا جائے۔

پی سی بورڈ کو جناح کنونشن سینٹر (جے سی سی) کی موجودہ صورتحال کے بارے میں بریفنگ دی گئی اور بتایا گیا کہ کیپٹل ڈیولپمنٹ اتھارٹی (سی ڈی اے) کے بورڈ ممبران نے اس کے لیے منظور کیے گئے ٹرانزیکشن اسٹرکچر سے اختلاف کے بعد نجکاری سے متعلق کارروائی روک دی تھی۔ وزیر نجکاری نے حال ہی میں سی ڈی اے چیئرمین کے ساتھ معاملے کو حل کرنے کے لیے تفصیلی میٹنگ کی، میٹنگ کے دوران باہمی طور پر اتفاق کیا گیا کہ پی سی جے سی سی کے لیے قابل عمل پلان تشکیل دیا جائے گا۔

نجکاری کمیشن سی ڈی اے کی مشاورت سے ٹرانزیکشن کے اسٹرکچر پر بھی نظر ثانی کرے گا، پی سی بورڈ ممبران نے تجاویز کی توثیق کی اور سفارش کی کہ اس معاملے کو سی سی او پی کے سامنے رکھا جائے۔ نجکاری کمیشن بورڈ نے اس بات پر زور دیا کہ وہ نجکاری کے عمل کو تیز کرنے کے لیے اپنے اختیارات کے مطابق ہر ممکن کوشش کر رہا ہے لیکن اسے ان اداروں کو درپیش مسائل کو حل کرنے کے لیے دیگر متعلقہ وزارتوں اور ڈویژنز سے مطلوبہ تعاون حاصل نہیں ہورہا۔

اسلام آباد ہائیکورٹ میں صحافیوں کے حقوق کے تحفظ کیلئے پی ایف یو جے کی درخواست پر سماعت ہوئی

اسلام آباد ہائیکورٹ نے ملک بھر میں صحافیوں کو ہراساں کرنے سے روک دیا اسلام آباد ہائیکورٹ نے سیکریٹری اطلاعات کو 30 ستمبر تک رپورٹ جمع کرانے کا حکم دیدیا ، اسلام آباد ہائیکورٹ کے چیف جسٹس اطہرمن اللہ نے سیکرٹری اطلاعات کو ہدایت کی کہ اس بات کو یقینی بنائیں کہ آزادی اظہار پر کوئی پابندی نہ ہو،عدالت سمجھنے سے قاصر ہے کہ صحافیوں کیلئے خوف کا ماحول کیوں بنایا جا رہا ہے، عدالت نے چیف سیکرٹری سے مکالمہ کرتے ہوئے کہا کہ خوف کا یہ ماحول کیسے ختم ہو گا؟ اس حکومت کے آنے سے پہلے صحافیوں کا ایک گروپ ریلیف لینے اس عدالت آیا ،اس حکومت کے آنے کے بعد دیگر صحافیوں کو اس عدالت سے ریلیف لینا پڑا،اس صورتحال سے لگتا ہے کہ کچھ خوفناک حد تک غلط ہو رہا ہے، صحافیوں کا یہ خوف وفاقی حکومت نے دور کرنا ہے، یہ بہت اہم مسئلہ ہے،جتنی معلومات ہونگی لوگ اتنے باشعور ہونگے اور احتساب بہتر ہو سکے گا، مہذب دنیا میں کہیں ایسا نہیں ہوتا کہ صحافیوں کی پکڑ دھکڑ کی جائے،کسی نے کوئی جرم کیا ہے تو وہ الگ بات لیکن صحافت پر ایسی کارروائیاں نہیں ہونی چاہئیں، ایک صحافی کے خلاف پورے پاکستان میں پچاس مقدمے بنا دیئے جاتے ہیں،یہ ان کے حقوق سے زیادہ پورے ملک کے لوگوں کے حقوق کی بات ہے،عوام تک یہ معلومات جانے دیں کہ انکے حقوق کے ساتھ ریاست کیا کر رہی ہے پکڑ دھکڑ اور تھانیداری سے کچھ نہیں ہو سکتا، آج کے زمانے میں زبان بندی نہیں کی جا سکتی،

اسلام آباد ہائیکورٹ کے چیف جسٹس اطہرمن اللہ نے ریمارکس دیتے ہوئے کہا کہ حکومتیں آزاری اظہار سے کیوں گھبراتی ہیں؟ اس سے تو احتساب ہوتا ہے، پنجاب میں بھی کسی صحافی کے خلاف کوئی مقدمہ درج ہوا ہے؟ یہ عدالت صحافی پر توہین مذہب کے مقدمےکے معاملے پر کوئی کمیشن بھی بنا سکتی تھی،اس عدالت کو وزیراعظم اور وفاقی حکومت پر اعتماد ہے کہ وہ اس خوف کو ختم کرینگے،جب سے پاکستان بنا ہے یہی حربے ہیں لیکن کبھی کارگر ثابت نہیں ہوئے، حکومتوں کو تو آزادیِ اظہار کی حوصلہ افزائی کرنی چاہیے،

چار ملزمان کی 12 سالہ لڑکے کے ساتھ ایک ہفتے تک بدفعلی،ویڈیو بنا کر دی دھمکی

ماموں کی بیٹی کے ساتھ گھناؤنا کام کرنیوالا گرفتار

پانی پینے کے بہانے گھر میں گھس کر لڑکی سے گھناؤنا کام کرنیوالا ملزم گرفتار

زبانی نکاح،پھر حق زوجیت ادا،پھر شادی سے انکار،خاتون پولیس اہلکار بھی ہوئی زیادتی کا شکار

وفاقی وزیر منصوبہ بندی و ترقی احسن اقبال سے امریکی سفیر ڈونلڈ بلوم کی ملاقات ہوئی

امریکی سفیر نے حالیہ سیلاب میں جانی و مالی نقصان پر اظہار افسوس کیا،امریکی سفیر نے متاثرین کی بحالی اور امدادی عمل میں امداد کی پیشکش کی ،وفاقی وزیر احسن اقبال کا کہنا تھا کہ پاکستان میں غیرمعمولی سیلابی صورتحال موسمی تبدیلی کا نتیجہ ہے ، ریکارڈ بارشوں نے وسیع پیمانے پر تباہی پھیلائی ہے حکومت عوام کے نقصان کا مداوا کرنے کے لیے بھرپور اقدامات اٹھا رہی ہے ،

قبل ازیں وفاقی وزیر احسن اقبال سے سوئیٹزرلینڈ کے ناظم الامور آلبرٹو گروف کی ملاقات ہوئی، ملاقات میں سوئیس ایڈ ٹیم کے نمائندہ بھی شریک تھے ناظم الامور نے سوئس حکومت کی جانب سے متاثرین کے لئے امداد کا اعلان کیا،احسن اقبال کا کہنا تھا کہ پاکستان سوئیس حکومت کی اظہار یکجہتی کو قدر کی نگاہ سے دیکھتا ہے۔ سیلاب سے عوام کو بھاری جانی و مالی نقصان اٹھانا پڑا۔ ہمارا سب سے بڑا چیلنج تباہ شدہ گھروں کی آبادکاری اور انفراسٹرکچر کی بحالی ہے۔

قبل ازیں وزیر منصوبہ بندی و ترقی کی زیر صدارت سیلابی صورتحال کا جائزہ اجلاس ہوا جس میں وفاقی وزیر کی جانب سے کہا گیا کہ پی ڈی ایم ایز ریسکیو آپریشن کی تازہ معلومات پہنچانے کیلئےویب پورٹل پر ڈیش بوڑڈ تشکیل دیں۔عوام تک امدادی کارروائیوں کی تازہ ترین صورتحال پہنچائی جائے۔ادارے باہمی ربط کو موثر بنائیں تاکہ وسائل کا ضیاع نہ ہو سکے. احسن اقبال کا مزید کہنا تھا کہ متاثرین تک امداد پہنچانے کے لئے این جی اوز سے اشتراک کو موثر بنایا جائے ۔

چئیرمین وفاقی فلڈ ریلیف نے سڑکوں اور بجلی کی ترسیل کو بحال کرنے کی کوششوں پہ اطمینان کا اظہارکیا۔ وفاقی وزیر نے ہدایت کی کہ موبائل فون کمپنیوں کو تاکید کہ تمام متاثرہ ٹاورز فوری بحال کئے جائیں ۔ سیلاب سے ہونے والی ہلاکتوں کے محرکات کا تعین کیا جائے تاکہ آئندہ بچا جا سک

سیلاب سے متاثرہ آخری آدمی کی بحالی تک چین سے نہیں بیٹھیں گے، آرمی چیف

پاک فوج نے فلڈ ریلیف ہیلپ لائن قائم کر دی،

آرمی چیف جنرل قمر جاوید باجوہ نے کانجو اور سوات کا دورہ کیا

دھمکی آمیز خط کے بارے تہلکہ خیز انکشافات سامنے آ گئے

جب "باپ” ساتھ چھوڑ جائے گا تو پھر بچوں کی کیا جرات کہ وہ ساتھ رہیں

خاندان میں اختلافات، چودھری شجاعت نے بڑا سرپرائز دے دیا

اسلام آباد:ایف آئی اے نے اسلام آباد،ڈیرہ اسمٰعیل خان سے نامی گرامی مجرم پکڑلیے ا،طلاعات کے مطابق ایف آئی اے ملک کے مختلف حصوں سے سنگین جرائم میں ملوث ملزمان کو گرفتارکرلیا ہے ،

ایف آئی اے سائبر کرائم سرکل اسلام آباد نے کامیاب کاروائی کرتے ہوئے ملزم افتخار علی کو اسلام آباد سے گرفتار کر لیا۔ملزم نے خود کو وزارت داخلہ کا ایڈیشنل سیکرٹری ظاہر کرتے ہوئے شکایت کنندہ کو وزارت مذہبی امور سے حج ویزے دلوانے کی پیشکش کی اور 7 لاکھ روپے سے زائد کی رقم بٹوری۔ ملزم نے رقم بینک اکاؤنٹس کے ذریعے حاصل کی۔ملزم کے خلاف پیکا ایکٹ کے تحت مقدمہ درج کر لیا گیا۔ مقدمے کی تفتیش جاری ہے۔

ایک دوسرے واقعہ میں ایف آئی اے ڈیرہ اسماعیل خان سرکل نے ہنڈی حوالہ میں ملوث ملزم کو گرفتار کر لیا۔ڈائریکٹر کے پی زون مجاہد اکبر خان کے احکامات کی روشنی میں ڈپٹی ڈائریکٹر ڈی آئی خان نے ریڈنگ ٹیم تشکیل دی۔ ٹیم نے کامیاب کاروائی کرتے ہوئے ملزم فرید اللہ کو اعظم مارکیٹ سے گرفتار کر لیا۔ ملزم ہنڈی حوالہ کے کاروبار سے منسلک تھا۔ گرفتار ملزم کے موبائل سے حوالہ ہنڈی اور کرنسی سے متعلق فہرستیں اور لاکھوں مالیت کی ملکی و غیر ملکی کرنسی برآمد کر لی گئی۔

ملزم کے خلاف فارن ایکسچینج ریگولیشن ایکٹ کے تحت مقدمہ درج کر لیاگیا۔ مزید تفتیش جاری ہے۔ ڈائریکٹر جنرل ایف آئی اے کے احکامات پر ہنڈی حوالہ اور غیر قانونی کرنسی ایکسچینج میں ملوث ملزمان کے خلاف کریک ڈاون جاری ہیں‌

یہ بھی اطلاعات ہیں کہ ڈائریکٹر ایف آئی اے کے پی زون کی ہدایت پر بنوں سرکل نے مختلف کاروائیوں میں ہنڈی حوالہ میں ملوث دو ملزمان کو گرفتار کر لیا۔ گرفتار ملزمان میں عبد اللہ خان اور نظیف اللہ خان شامل ہیں۔ ملزمان ہنڈی حوالہ اور غیر قانونی کرنسی ایکسچینج کا کاروبار کر رہے تھے۔ ملزمان کے موبائل فون سے ہنڈی حوالہ سے متعلق فہرستیں اور دیگر ڈیٹا برآمد کر لیاگیا۔ ملزمان کے زیر استعمال دکانیں سیل کر دی گی۔

ایف آئی اے بنوں نے ملزمان کے خلاف فارن ایکسچینج ریگولیشن ایکٹ کے تحت دو مقدمات درج کر لیے گئے۔ مزید تحقیقات جاری ہیں۔

اسلام آباد :عمران خان کی سیکورٹی پر294 اہلکار تعینات:خرچہ کون برداشت کررہاہے؟اطلاعات کے مطابق اس وقت ایک سوال اٹھایا جارہا ہے کہ عمران خان جو کہ میڈیا میں غریبوں کا ہمدرد ہونے کا راگ الاپتے نظر آتے ہیں وہی عمران خان اپنی سیکیورٹی پر 300 کے قریب سیکیورٹی گارڈز کا خرچہ کیسے برداشت کرتے ہیں؟

اس سلسلے میں عوام الناس کا کہنا ہے کہ یہ کیسی غریبوں سے ہمدردی ہے کہ جس میں ایک شخص کی حفاظت پراتنی بڑی تعداد میں حکومت وقت کے ملازمین کوپابند کردیا گیا ہے ، اطلاعات ہیں کہ عمران خان کی رہائش گاہ بنی گالہ کے اطراف میں سیکڑوں پولیس اہلکار تعینات ہیں

اس کے ساتھ ساتھ یہ بھی بحث جاری ہے کہ عمران خان کے وی وی آئی پی سیکیورٹی کے علاوہ ٹریول روٹ اور درجنوں گاڑیوں کا خرچہ کیسے پورا ہوتا ہے؟ بنی گالا اس کا جواب دینے سے قاصر ہے۔ عمران خان جو کہ غریبوں کے خیر خواہ ہونے کے بڑے دعویدار ہیں خود اپنی ذات پراس قدر ریاست کے اخراجات کروا رہے ہیں کہ ہر جاننے والا حیران ہے ،

عمران خان کی سیکورٹی میں شامل سیکورٹی اہلکاروں کی تنخواہوں اور دیگراخراجات کےساتھ ساتھ گاڑیوں کی پٹرولنگ کے اخراجات بھی ایک سوال بنے ہوئے ہیں‌، لوگ پوچھتے ہیں کہ حکومت نے اس قدرسیکورٹی کیوں فراہم کررکھی ہے ، عوام الناس کا یہ بھی کہنا ہے کہ اس وقت قوم کس کس کا بوجھ برداشت کرے گی ، اس بات کی وضاحت چاہیے

بنی گالا ہاؤس کے اطراف تعینات سیکیورٹی کی تفصیل درج ذیل ہے۔

1-اسلام آباد پولیس کے 77 اہلکار
2-کے پی کے پولیس کے 57 اہلکار
3-گلگت بلتستان سے 6 اہلکار
4-رینجرز کے 6 اہلکار
5-عسکری گارڈز8
6- ایس ایم سی گارڈز 20
7- ایف سی گارڈز 120
ٹوٹل 294

سوال یہ ہے کیا پاکستان جیسی ریاست جس میں ہمیں فنانشل کرائسز کا سامنہ ہے، وہ ریاست عمران خان کے شاہانہ خرچے اٹھا سکتی ہے؟

سوشل میڈیا پرشہری یہ بھی پوچھ رہے ہیں کہ اس معاملے کی ذمہ دارحکومت ہے جوایک شخص کی حفاظت کے لیے ریاست کی سیکورٹی اہلکاروں کی ایک بڑی تعداد کو عمران خان جیسے سیاستدان کی حفاظت پرپابند کیئے ہوئے ہے ، ایسا نہیں ہونا چاہیے