Tag: اسلام آباد

وفاقی دارالحکومت اسلام آباد میں پی ٹی آئی کا پرامن احتجاج پر تشدد بن گیا، پتھراؤ سے پولیس اہلکار زخمی ہو گئے

پی ٹی آئی کے مظاہرین کی جانب سے اسلام آباد میں دفعہ 144 کی خلاف ورزی کی گئی جس پر پولیس نے مظاہرین کو روکا، فیض آباد، کھنہ پل و دیگر مقامات پر پولیس اور مظاہرین میں جھڑپیں ہوئیں، اس دوران پی ٹی آئی کارکنان کی جانب سے پولیس پر پتھراؤ کیا گیا جس سے متعددپولیس اہلکار زخمی ہو گئے جنہیں طبی امداد کے لئے ہسپتال منتقل کر دیا گیا ہے، پی ٹی آئی مظاہرین نے اس موقع پر پولیس گاڑی کو بھی توڑ پھوڑ کا نشانہ بنایا،پولیس نے مظاہرین کو منتشر کرنے کے لئے آنسو گیس کی شیلنگ کی،

فیض آباد کے قریب مظاہرین کی جانب سے راولپنڈی پولیس کی گاڑی کو توڑ دیا#baaghitv #pakistan #islamabad #breakingnews pic.twitter.com/rw56QUyeCD

— Baaghi TV باغی ٹی وی (@BaaghiTV) November 24, 2024

پی ٹی آئی کے شرپسندوں کا پولیس پر پتھراؤ، متعدد پولیس اہلکار شدید زخمی ہوئے،ڈھوک کالا خان اسلام آباد ہائی وے کے قریب شرپسندوں نے پولیس پر شدید پتھراؤ کیا،پی ٹی آئی کے شرپسندوں کے پتھراؤ کے نتیجے میں متعدد پولیس اہلکار شدید زخمی ہوئے،زخمیوں میں سے ایک کی حالت انتہائی تشویش ناک ہے،شدید زخمی پولیس اہلکاروں کو فوری طور طبی امداد کیلئے ہسپتال منتقل کردیاگیا، کانسٹیبل فیاض حسین کی حالت تشویش ناک ہے ، پولیس اہلکاروں کے سر اور آنکھوں پر شدید چوٹیں آئی ہیں،کھنہ پل کے قریب شر پسندوں نے پولیس کی گاڑی بھی تباہ کر دی،شر پسندوں میں اکثریت کی تعداد غیر قانونی افغانیوں کی ہے ،پولیس کا کہنا ہے کہ شرپسندوں کو کسی صورت قانون ہاتھ میں نہیں لینے دیا جائے گا،عوام کے جان و مال کو نقصان پہنچانے والے شرپسندوں سے آہنی ہاتھوں سے نمٹا جائے گا،

قبل ازیں وفاقی وزیرداخلہ محسن نقوی پولیس، ایف سی اور رینجرز جوانوں کی حوصلہ افزائی کے لئے ڈی چوک ک پہنچ گئے،وزیرداخلہ محسن نقوی نے ڈیوٹی پر موجود اہلکاروں سے ملاقات کی اور ان کے بلند حوصلے کو سراہا، وزیرداخلہ محسن نقوی نے ڈیوٹی پر موجود اہلکاروں کو جانفشانی سے ڈیوٹی کی ادائیگی پر شاباش دی،وزیرداخلہ محسن نقوی نے فرائض سرانجام دینے والے اہلکاروں کو خراج تحسین پیش کیا ،وزیرداخلہ محسن نقوی نے شہریوں کی جان ومال کے تحفظ کیلئے دن رات ڈیوٹی پر موجود اہلکاروں کی تعریف کی،وزیرداخلہ محسن نقوی نے فرائض سرانجام دینے والے اہلکاروں کو ہر طرح کی سہولتیں فراہم کرنے کی ہدایت کی اور کہاکہ آپ کا خیال رکھنا ہماری ذمہ داری ہے۔ اسلام آباد پولیس ۔ایف سی اور رینجرز جوانوں کا مورال بہت بلند ہے۔اسلام آباد پولیس ۔ ایف سی اور رینجرز اہلکار ہمہ وقت الرٹ ہیں۔فرائض سرانجام دینے والے تمام اہلکاروں کو شاباش دیتا ہوں۔ قانون کی عملداری یقینی بنانے پر آپ سب مبارکباد کے مستحق ہیں۔آپ فرض شناسی سے قومی فریضہ نبھا رہے ہیں۔ ہم سب آپ کے ساتھ ہیں۔وفاقی سیکرٹری داخلہ۔ چیف کمشنر اسلام آباد۔آئی جی اسلام آبادپولیس۔ ڈپٹی کمشنر اسلام آباد بھی ہمراہ تھے

سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان

بشریٰ پر مقدمہ کروانےوالا خود بھی مجرم نکلا

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے” جن” تو آ جائیں گے،دیو اور پریاں کہاں سے آئیں گی؟کیپٹن ر صفدر

عمران خان اِس وقت لاشیں گرانے کے موڈ میں ہیں،عظمیٰ بخاری

اسلام آباد: انسانی حقوق کمیشن پاکستان (ایچ آر سی پی) نے اسلام آباد انتظامیہ کی طرف سے طلبہ سے ہاسٹلز خالی کروانے اور اسلام آباد کی طرف جانے والے راستوں کی بندش پر تشویش کا اظہار کیا ہے-

باغی ٹی وی : اپنے ایک بیان میں ایچ آر سی پی کے ترجمان نے کہا کہ گرلز اور بوائز ہاسٹلیں خالی کروانا باعث تشویش ہے، طلبہ کو بغیر کسی قصور کے پناہ سے محروم کر دیا گیا ہے پنجاب اور خیبرپختونخوا سے اسلام آباد کی طرف موٹروے سمیت دیگر سڑکوں کی بندش سے عام شہری اور مزدور متاثر ہو رہے ہیں، جن کی آزادانہ نقل و حرکت ان کے روزی کے حق سے جُڑی ہوئی ہے۔

ایچ آر سی پی نے مطالبہ کیا کہ حکومت فوری طور پر ان اقدامات پر نظر ثانی کرے اور شہریوں کے حقوق کی حفاظت کرے، تاکہ عوامی نقل و حرکت میں رکاوٹ نہ آئے اور طلبہ کو تحفظ فراہم کیا جائے۔

اسلام آباد: پاکستان تحریک انصاف (پی ٹی آئی) نے آج ہر صورت احتجاج کا اعلان کیا ہے، حکومت نے پی ٹی آئی کے احتجاج سے نمٹنے کی تیاری مکمل کرلی۔

باغی ٹی وی :شہر قائد کے مختلف علاقوں میں موبائل فون اور انٹرنیٹ سروس متاثر ہونے کی اطلاعات ہیں، متاثرہ علاقوں میں شہریوں کو موبائل ڈیٹا اور وائی فائی سروسز کی بندش کا سامنا ہے۔

وزارت داخلہ کے ترجمان نے گزشتہ روز ایک بیان میں کہا تھا کہ صرف سیکیورٹی خدشات والے علاقوں میں ہی موبائل ڈیٹا اور وائی فائی سروس کی بندش کی جائے گی،ملک کے دیگر حصوں میں انٹرنیٹ اور موبائل سروسز معمول کے مطابق چلتی رہیں گی۔

واضح رہے کہ اسلام آباد میں پاکستان تحریک انصاف (پی ٹی آئی) کا احتجاج آج ہونے جا رہا ہے، جس کے پیش نظر وفاقی حکومت نے انتظامی اقدامات بڑھا دیئے ہیں،وزیراعلیٰ خیبرپختونخوا علی امین گنڈا پور کی قیادت میں خیبرپختونخوا سے قافلے صوابی پہنچیں گے اور پھر صبح 11 بجے مرکزی قافلے کی صورت میں اسلام آباد کی جانب چل پڑیں گے۔

اس حوالے سے اسلام آباد آنے والے راستے بند اور ہرطرف کنٹینرز ہی کنٹینرز لگادیئے گئے، لاہور کے تمام داخلی راستے بھی سیل کردیئے گئے جبکہ گوجرانوالہ، ٹیکسلا، جہلم کی شاہراہوں پر سمیت 24 مقامات پر رکاوٹیں کھڑی کردی گئیں اور منگلہ پل بھی بند کردیا گیا، اس کے علاوہ میٹرو سروس معطل، بس اڈے بند، ہوٹل اور ہاسٹل بھی خالی کرالیے۔

داخلی و خارجی راستوں پر پولیس، رینجرز اور ایف سی کے 30 ہزار سے زائد اہلکار تعینات ہیں جبکہ 17 اضلاع کے ڈی پی اوز اٹک اور راولپنڈی میں تعینات کردیئے گئے جبکہ اٹک فورس کو 40 ہزار شیل بھی دے دیئے گئے-

پی ٹی آئی کے احتجاج کے پیش نظر اسلام آباد اور راولپنڈی میں سیکیورٹی ہائی الرٹ ہے، 6 ہزار پولیس اہلکار اور افسران تعینات کیے گئے ہیں جبکہ 2 ہزار پولیس نفری بیک اپ کے لیے تیار ہے۔ راولپنڈی سے اسلام آباد داخلے کے لیے 135 بلاگنگ پوائنٹس اور چوکیاں قائم ہیں، اینٹی رائڈ اور ایلیٹ فورس کو فسادات سے نمٹنے کے لیے آلات فراہم کردیئے گئے۔

پولیس اہلکاروں کو موبائل فون کے استعمال سے روک دیا گیا، انٹرینٹ کی سہولت انتہائی سلو کردی گئی جبکہ میٹرو بس سروس تاحکم ثانی بند ہے، جڑواں شہروں کا مرکزی رابطہ پل فیض آباد انٹرچینج ہرطرح کی ٹریفک کے لیے بند کردیا گیا، اسلام آباد ایکسپریس وے اور آئی جی پی روڈ کو مختلف مقامات پر بند کردیا گیا جبکہ مری روڈ کو فیض آباد سے صدر تک مختلف پوائنٹس سے بند کر دیا گیا70 مقامات کی سی سی ٹی وی کیمروں سے نگرانی کی جائے گی، پولیس کو آنسو گیس کے شیل فراہم کردیئے گئے-

علاوہ ازیں پنجاب اور خیبرپختونخوا کا زمینی رابطہ منقطع ہوگیا جی ٹی روڈ اٹک خورد کے مقام کو دونوں اطراف سے کنٹینر لگا کر مکمل سیل کردیا گیا، اٹک خورد چیک پوسٹ پر رینجر، ایف سی اور پولیس کی بھاری نفری تعینات ہے۔

موٹروے ایم ون بھی 3 مختلف مقامات سے دونوں اطراف سے مکمل بند ہے جبکہ پی ٹی آئی ضلع اٹک کی قیادت اور کارکنان خیبرپختونخوا پہنچ چکے ہیں، وزیراعلی خیبرپختونخوا علی امین گنڈا پور کے قافلے کو پنجاب داخلے سے روکنے کے تمام ترانتظامات مکمل کرلیے گئے جبکہ فورسز موٹروے اور جی ٹی روڈ پر الرٹ ہے۔

ادھر پی ٹی آئی کے احتجاج کے پیش نظر لاہور کے تمام داخلی اور خارجی راستے بند کردیئے گئے، جس کے باعث شہریوں کومشکلات کا سامنا کرنا پڑ رہا ہے احتجاج کے باعث تمام رابطہ سڑکیں کنٹینرز لگا کر بند کردی گئی، لاہور سے دیگر شہروں کو جانے والی موٹرویز کو بند کر دیا گیا، بابو صابو کو بھی کنٹینرز اور بیریئرز لگا کر بند کرکے پولیس کی بھاری نفری تعینات کردی گئی۔

شاہدرہ اور بتی چوک جانے والی سڑک کو بھی دونوں اطراف سے بند کیا گیا، آزادی فلائی اوور پر بھی کنٹینرز موجود ہیں، جبکہ آزادی فلائی آوور پر پولیس کی نفری موجود ہے،لاہور سے اسلام آباد جانے والی موٹر وے بھی بند ہے، بند روڈ پر واقع تمام بس اڈے بھی بند کردیئے گئے جبکہ لاہور رنگ روڈ تمام انٹرچینجز سے ٹریفک کے لیے مکمل بند ہے۔

راوی پل، پرانا راوی پل، سگیاں راوی پل، ایسٹرن بائی پاس اور بابوصابو مکمل ان اور آؤٹ کے لیے بند ہیں، ٹھوکر نیاز بیگ سے ملتان روڈ ٹریفک کیلئے کھلا ہے، رائے ونڈ روڈ، فیروز پور روز، گجومتہ ٹریفک کے لیے کھلے ہیں، ترجمان ٹریفک پولیس لاہور کے مطابق شہر کے اندر ٹریفک معمول کے مطابق رواں دواں ہے۔

اسلام آباد: سپریم کورٹ بار کا کہنا ہے کہ سڑکوں راستوں کا بند کرنا مسئلہ کا حل نہیں-

باغی ٹی وی: سپریم کورٹ بار نے راستوں کی بندش پر اہم اعلامیہ جاری کر دیا،جس میں کہا گیا کہ ہر شہری کو ملک میں آزادانہ نقل و حرکت کا حق حاصل ہے،وفاقی دارالحکومت، بڑی شاہراوں، موٹرویز کو بند کردیا گیا ہے،وفاقی دارالحکومت کنٹینرز کی دیواروں سے گھیر لیا گیا ہے-

سپریم کورٹ بار نے اعلامیہ میں کہا کہ جمہوری معاشرے اس طرح نہیں چلتے،عوام کی سلامتی انتظامیہ کی اولین ترجیح ہے،سڑکوں راستوں کا بند کرنا مسئلہ کا حل نہیں،فوری طور پر تمام راستوں کو کھولا جائے ناکہ بندی ختم کی جائے ،سیاسی جماعت کیطرف سے دھرنا اور احتجاج کی شدید مذمت کرتے ہیں،نام نہاد سیاسی ایجنڈے کی تکمیل کیلئے وفاقی دارالحکومت پر قبضہ کوئی خدمت نہیں-

اعلامیے میں مزید کہا گیا کہ ریلیاں اور احتجاج شدید معاشی نقصان کا باعث بن رہیں ہیں،آرٹیکل 16 احتجاج کی اجازت دیتا ہے لیکن یہ سیاسی خواہش کیلئے استعمال نہیں ہو سکتا،خیبر پختونخواہ حکومت دھرنے ریلیوں کی حمایت کر رہی ہے،ایک روز قبل خیبر پختونخواہ کو دہشت گردوں نے نشانہ بنایا،سیاسی جماعت امن و عامہ مجموعی صورتحال تناظر میں احتجاج کی کال پر نظر ثانی کرے،تمام اسٹیک ہولڈرز بات چیت سے معاملہ کریں تاکہ قیمتی وقت و سائل سے بچا جا سکے،سپریم کورٹ بار قانون کی حکمرانی اور آئین کی بالادستی میں تعاون جاری رکھے گی-

پیپلز پارٹی کی رہنما سحر کامران نے کہا ہے کہ سیاسی تناؤ کم کرنے اور حالات بہتر کرنے کا واحد راستہ مذاکرت اور مفاہمت ہے۔

نجی ٹی وی پروگرام میں بات چیت کرتے ہوئے سحر کامران کا کہنا تھا کہ بانی تحریک انصاف کا مقصد ملک میں عدم استحکام اور انتشار کی کیفیت رکھنا ہے، اس میں کوئی شک نہیں، 2014 کا دھرنا ہو، اسمبلیوں سے استعفے ہوں،اسلام آباد کی گرین بیلٹ کو آگ لگانے کے واقعات ہوں، سایفر کا ایشو ہو، ماڈل ٹاؤن سے پیٹرول بم پھینکنے ہوں یا 9 مئی کے افسوسناک حملے، ایسا لگتا ہے کہ ایک سوچے سمجھے منصوبہ کے تحت اشتعال انگیزی کی فضا بنائی جا رہی ہے۔ ایک بلو پرنٹ بنا ہوا ہے، جس کے مطابق مختلف حربے اپنائے جا رہے ہیں۔ بشریٰ بی بی کا بیان ملک کے سفارتی تعلقات خراب کرنے اور عوام کو گمراہ کرنے کی ایک سازش ہے۔ نفرت اور تقسیم کا بیانیہ نہ ملک کے مفاد میں ہے، نہ ہی عوام کے مفاد میں ہے، اس کے بجائے مفاہمت کی راہ اختیار کرنے کی ضرورت ہے، سیاسی تناؤ کم کرنے اور حالات بہتر کرنے کا واحد راستہ مزاکرت اور مفاہمت ہے۔

سحر کامران کا مزید کہنا تھا کہ جب یہ حکومت میں تھے تو ایسے لگتا تھا کہ حکومت کی جانب اپوزیشن میں تھے، اس میں گورننس نہیں تھی، انتقام تھا، پارلیمنٹ کی تضحیک کی گئی، 9 مئی کا واقعہ ہوا، یہ ایک سیریز ہے،کفن باندھنا یہ کیا ہے، احتجاج ،جلسے جلوس جمہوری حق ہے بات الجہاد کے نعروں، رویوں،کفن باندھنے دھمکیوں سے ہے،کبھی کوئی بیان آتا ہے ،سائفر، رجیم چینج، پھر امریکہ میں ہی لابنگ ،یہ کتنا تضاد ہے، سعودی عرب پاکستان کا دوست ملک ہے،جہاں وہ جوش و خروش سے جاتے تھے، ایک دوست ملک ہے،وہ انویسمنٹ کرنا چاہ رہا ہے،ا سکے وفود آ رہے ہیں، وزیراعظم کے دو دورے ہوئے، آرمی چیف کا دورہ ہوا ،اب یہ بیان دے کر پاکستان میں کیا چاہتے ہیں یہ سب منصوبہ بندی سے کر رہے ہیں پہلے بھی ایک لیڈر نے بیان دیا تھا اور کہا تھا کہ یہ ذاتی رائے ہے، اب کس کی رائے ہے، عمران خان کے بارے میں جمائما کی ٹویٹ آتی ہے،لابنگ کہاں سے ہوتی ہے، لابنگ فرم کہاں سے ہائر ہوتی ہیں، پاکستان کی اتنی پرواہ ہے کہ غزہ کی لاشیں نظر نہیں آتیں،

سحر کامران کا مزید کہنا تھا کہ اشتعال انگیری جو اس وقت کی جا رہی ہے اس پر کور نہیں ڈالا جا سکتا، ہم لہجے، لفظوں کا چناؤ، پیغام اس کو دیکھنا ہو گا، لہجے عوام کو کہاں لے جاتے ہیں، کتنے لوگ ابھی بھی اشتعال انگیزی کی وجہ سے مقدمے بھگت رہے ہیں لیڈر شپ تو نکلتی ہی نہیں، وزیراعلیٰ جلوس چھوڑ کر واپس چلے جاتے ہیں،یہ کس طرح کے پیغامات دے رہے ہیں، اب الجہاد،کے نعرے، سیاسی جدوجہد کی جا سکتی ہے، یہ الجہاد کہاں سے اور کن معنوں میں استعمال ہو رہا ہے،

امریکی سفیر کا استقبالیہ، پیپلز پارٹی رہنما سحر کامران کی شرکت

خواتین قانون سازوں کا فیصلوں میں کردار اب بھی محدود ہے،سحر کامران

احتجاج اور انتشار میں تفریق کرنی ہو گی، سحر کامران

کم عمری کی شادیاں بچوں کو ذہنی اور جسمانی نقصان پہنچاتی ہیں،سحر کامران

پیپلز پارٹی کسانوں ،محنت کشوں کے حقوق کا تحفظ کر رہی ہے،سحر کامران

ایوان میں وزرا کی مسلسل غیر حاضری،غلط جوابات،سحر کامران پھٹ پڑیں

پاک عراق پارلیمانی فرینڈشپ گروپ کا سحرکامران کی زیر صدارت اجلاس

پاکستان اور روس کے کثیرالجہتی تعلقات مثبت راستے پر گامزن ہیں: سحرکامران

وفاقی وزیر اطلاعات عطا تارڑ نے کہا ہے کہ کیا وجہ ہے ترقی ہوتے ہی احتجاج شروع کردیا جاتا ہے؟

پریس کانفرنس کرتے ہوئے عطا تارڑ کا کہنا تھا کہ اسلام آباد ہائیکورٹ کے حکم پر بیرسٹر گوہر سے رابطہ ہوچکا،اب کسی نے احتجاج کیا تو گرفتاریاں بھی ہوں گی ،اب جو آئے گا وہ گرفتار ہوگا ،املاک کو نقصان پہنچانے والوں کو نتائج کا سامنا کرنا پڑے گا ،جن افسران نے سیاسی سرگرمیوں میں حصہ لیا ان سے سختی سے نمٹا جائیگا ،اسلام آباد میں کسی ریلی، جلسے کی اجازت نہیں ، سخت قانونی کارروائی ہوگی ،وضاحت سے کہہ رہا ہوں تحریک انصاف سے کسی لیول پر بات چیت نہیں ہو رہی،وزیر اعلی خیبر پختونخواہ علی امین گنڈا پور کو اپنے صوبے میں دھیان دینا چائیے اسلام آباد پر چڑھائی کرنے کے منصوبے نہیں بنانے چائیں ،خیبر پختونخوا میں آگ لگی ہوئی، کرم میں لاشیں اٹھائین، وہ بھی قوم کے بچے تھے،و زیراعلیٰ اڈیالہ ایسے پہنچتے جیسے ننھیال ہے، آپکی دھرتی پر خون گرا وہاں جائیں لوگوں کے سروں پر ہاتھ رکھیں، کرم میں امن و امان کی میٹنگ کریں، لوگوں کو تسلی دیں، لیکن ایسا کچھ نہیں، خیبر پختونخوا میں فوج کے جوان قربانیاں دے رہے ہیں، جو فوجی جوان شہید ہوئے انکے بچے شہید ہوئے، آپ کے بچوں کی خاطر انہوں نے جان دی اور آپ یہاں لشکر کشی کر رہے ہیں، اسی ادارے کو تضحیک کا نشانہ بناتے ہیں، پولیس کا کام ہے کہ امن و امان یقینی بنائے لیکن وہاں فوج دہشت گردوں کے خلاف لڑ رہی ہے،

عطا تارڑ کا مزید کہناتھا کہ ملک دشمنی اب نہیں چلے گی،کسی کو امن وامان خراب کرنے کی اجازت نہیں دی جائے گی،

بشریٰ پر مقدمہ کروانےوالا خود بھی مجرم نکلا

بشریٰ کو خون چاہیے،مولانا کو 3 میسج کس نے بھجوائے؟

بشریٰ کا بیان غیر ذمہ دارانہ، بے بنیاد ہے ،جنرل (ر) قمر جاوید باجوہ

بشریٰ کا بیان، جنرل باجوہ کو خود سامنے آکر تردید کرنی چاہیے۔خواجہ آصف

بشریٰ کا خطاب،عمران خان تو”وڑ” گیا. مبشر لقمان

بشریٰ کے” جن” تو آ جائیں گے،دیو اور پریاں کہاں سے آئیں گی؟کیپٹن ر صفدر

عمران خان اِس وقت لاشیں گرانے کے موڈ میں ہیں،عظمیٰ بخاری

سپریم کورٹ پر حملہ کرنے والوں کو سزا مل جاتی تو نومئی نہ ہوتا، مبشرلقمان

پاکستان میں امریکی سفیر ڈونلڈ بلوم نے اپنے رہائش گاہ پر پاکستان-امریکہ پارلیمانی فرینڈشپ گروپ کے اراکین کے اعزاز میں ایک استقبالیہ دیا۔

اس موقع پر پاکستان کی پارلیمنٹ کی رکن،پیپلز پارٹی کی رہنما سحر کامران بھی موجود تھیں۔ امریکی سفیر کی جانب سے دیئے گئے استقبالیہ میں باہمی تعلقات کو فروغ دینے اور پارلیمانی روابط کو مضبوط بنانے پر گفتگو ہوئی۔تقریب میں دونوں ممالک کے درمیان دیرینہ تعلقات کی اہمیت اور انہیں مزید مضبوط بنانے کے عزم کا اعادہ کیا گیا۔ اس موقع پر سحر کامران نے کہا کہ ایسے مواقع دونوں قوموں کو قریب لانے اور مختلف شعبوں میں تعاون بڑھانے کا ذریعہ بنتے ہیں۔

تقریب میں موجود دیگر مہمانوں میں پارلیمنٹ کے معزز اراکین، سفارتی اہلکار، اور دونوں ممالک کے دیگر اہم نمائندے شامل تھے۔ اس موقع پر پاکستانی سفارت خانہ واشنگٹن کے نمائندوں نے بھی شرکت کی۔

یہ استقبالیہ اس بات کی عکاسی کرتا ہے کہ پاکستان اور امریکہ کے درمیان تعلقات کو فروغ دینے کے لیے پارلیمانی ڈائیلاگ کتنی اہمیت رکھتے ہیں۔ اس تقریب میں پاکستانی اور امریکی جھنڈے کی موجودگی نے دونوں ممالک کے درمیان گہری دوستی کی علامت کو اجاگر کیا۔امریکی سفیر ڈونلڈ بلوم نے پاکستان کے ساتھ تعلقات کو مضبوط بنانے کی خواہش کا اظہار کرتے ہوئے اس تقریب کو کامیاب قرار دیا۔ تقریب کا اختتام دوطرفہ تعاون کی امید اور خیرسگالی کے پیغام کے ساتھ ہوا۔

It was a great pleasure and honour to attend the launch event of ‘CEO Today Magazine,’ featuring an exclusive case study on H.E. Albert P. Khorev, the Ambassador of the Russian Federation to Pakistan. The event brought together over 50 top CEOs, business leaders, diplomats, and… pic.twitter.com/dLOPyUwkPj

— Senator Sehar Kamran T.I. (@SeharKamran) November 22, 2024

سحر کامران کی پاکستان اور روس کے مابین تعلقات کو مزید بہتر بنانے پر بات چیت
دوسری جانب پیپلز پارٹی کی رہنما سحر کامران نے ‘سی ای او ٹوڈے میگزین’ کے اجرا کی تقریب میں شرکت کی ہے اور اسے ایک اعزاز قرار دیا، یہ تقریب روسی فیڈریشن کے سفیر ایچ ای البرٹ پی خوریو کے حوالے سے ایک خصوصی کیس اسٹڈی پر مبنی تھی۔اس موقع پر پاکستان اور روس کے مابین تعلقات کو مزید بہتر بنانے پر گفتگو ہوئی، جس میں تجارت، توانائی، دفاع، اور علاقائی سلامتی کے شعبوں میں تعاون کو فروغ دینے پر زور دیا گیا۔ تقریب میں 50 سے زائد سی ای اوز، کاروباری رہنماؤں، سفارت کاروں اور کاروباری شخصیات نے شرکت کی۔پیپلز پارٹی کی رہنما سحر کامران نے دونوں ممالک کے مابین شراکت داری کو وسعت دینے کے لیے اس طرح کے مواقع کی اہمیت پر زور دیا اور اسے خوش آئند قدم قرار دیا۔

پیپلز پارٹی رہنما سحر کامران کا ملائیشیاکے ہائی کمیشن کا دورہ
علاوہ ازیں پیپلز پارٹی کی رہنما سحر کامران نے اسلام آباد میں ملائیشیا کے ہائی کمیشن کا دورہ کیا۔ اس موقع پر انہوں نے ہائی کمشنر عزت مآب محمد اظہر مزلان سے ملاقات کی۔سحر کامران نے اس ملاقات کو ایک اعزاز قرار دیتے ہوئے کہا کہ "ملائیشیا کے ہائی کمیشن کا دورہ اور ہائی کمشنر سے ملاقات کرنا میرے لیے بہت خوشی کا باعث تھا۔ عزت مآب محمد اظہر مزلان کی مہمان نوازی اور دونوں ممالک کے درمیان تعلقات اور تجارتی تعاون کو فروغ دینے کے امکانات پر بصیرت افروز گفتگو پر شکرگزار ہوں۔”

یہ ملاقات پاکستان اور ملائیشیا کے درمیان تعلقات کو مزید مضبوط بنانے اور مختلف شعبوں میں تعاون کے مواقع پر تبادلہ خیال کے لیے اہم قدم قرار دی جا رہی ہے۔ سحر کامران نے ملائیشیا کے دفتر خارجہ اور اسلام آباد میں ہائی کمیشن کا شکریہ ادا کیا۔

It was a great pleasure to visit @MYHCIslamabad and meet with the High Commissioner, H.E. Ambassador Mohammad Azhar Mazlan.
Thank you, Excellency, for your warm hospitality and insightful discussion on the prospects for enhancing bilateral ties and trade cooperation. 🇵🇰🤝🇲🇾… pic.twitter.com/zrTgx2MSp4

— Senator Sehar Kamran T.I. (@SeharKamran) November 22, 2024

خواتین قانون سازوں کا فیصلوں میں کردار اب بھی محدود ہے،سحر کامران

احتجاج اور انتشار میں تفریق کرنی ہو گی، سحر کامران

کم عمری کی شادیاں بچوں کو ذہنی اور جسمانی نقصان پہنچاتی ہیں،سحر کامران

پیپلز پارٹی کسانوں ،محنت کشوں کے حقوق کا تحفظ کر رہی ہے،سحر کامران

ایوان میں وزرا کی مسلسل غیر حاضری،غلط جوابات،سحر کامران پھٹ پڑیں

پاک عراق پارلیمانی فرینڈشپ گروپ کا سحرکامران کی زیر صدارت اجلاس

پاکستان اور روس کے کثیرالجہتی تعلقات مثبت راستے پر گامزن ہیں: سحرکامران