Tag: اسلام آباد

اسلام آباد: وزیر اعظم شہباز شریف نے وفاقی دارالحکومت میں پانی کی قلت پر قابو پانے کے لیے چراہ ڈیم کی تعمیر کی منظوری دے دی۔

وفاقی وزیر برائے پارلیمانی امور طارق فضل چودھری نے سماجی رابطے کی ویب سائٹ پر جاری بیان میں بتایا کہ چراہ ڈیم منصوبے پر جلد عملی کام کا آغاز کر دیا جائے گ 4 ارب 30 کروڑ روپے کی لاگت سے تعمیر ہونے والا یہ منصوبہ تین سال کی مدت میں مکمل کیا جائے گا، جس کے بعد اسلام آباد کو روزانہ 15 ملین گیلن اضافی پانی دستیاب ہو گا، چراہ ڈیم منصوبے کے لیے وفاقی حکومت اور پنجاب حکومت مشترکہ طور پر فنڈز فراہم کریں گی، یہ منصوبہ اسلام آباد میں پانی کے دیرینہ مسائل کے حل میں اہم کردار ادا کرے گا۔ اور شہریوں کو صاف پانی کی فراہمی ممکن بنائے گا۔

دوسری جانب اسلام آباد میں پانی کی کمی کے سدباب کیلئے جامع پلان پر ہنگامی بنیادوں پر عملدرآمد کا فیصلہ کیا گیا ہےسی ڈی اے اور پنجاب حکومت کے تعاون سے جڑواں شہروں کیلئے مشترکہ طور پر ڈیمز بنائے جائیں گے ‎وفاقی وزیرداخلہ محسن نقوی کی زیر صدارت اسلام آباد میں پانی کی قلت پر قابو پانے کے حوالے سے اہم اجلاس ہوا۔

وزیر مملکت داخلہ طلال چوہدری اور وزیراعظم کے مشیر سید توقیر شاہ نے خصوصی شرکت کی۔ ‎اجلاس میں جڑواں شہروں میں پانی کی فراہمی بڑھانے کیلئے شارٹ اور لانگ ٹرم اقدامات کا جائزہ لیا گیاپانی ذخیرہ کرنے کے نئے چھوٹے ڈیمز اور واٹر ریزروائرز کی تعمیر پر پیش رفت کا تفصیلی جائزہ لیا گیا اسلام آباد میں پانی فراہمی کے موجودہ نظام کی خامیوں کو دور کرنے کی تجاویز پر غور کیا گیا۔
‎
‎واٹر ڈسٹری بیوشن نیٹ ورک میں خامیوں کی نشاندہی اور مؤثر ترسیل کیلئے موثر نظام کی ضرورت پر زور بھی دیا گیا واپڈا اور سی ڈی اے نے پانی کی فراہمی بڑھانے کیلئے مختلف آپشنز، فزیبلٹی رپورٹس اور متوقع ٹائم لائنز پیش کیں، اجلاس کو چراہ، دوتارہ اور شاہدرہ ڈیم منصوبوں پر جامع بریفنگ دی گئی جبکہ وزیر داخلہ محسن نقوی نے روڈ میپ پر عملدرآمد کا جامع پلان 10 روز میں طلب کر لیا،اجلاس میں سیکرٹری داخلہ، ایڈیشنل سیکرٹری داخلہ، چیئرمین سی ڈی اے، کمشنر راولپنڈی، ممبران سی ڈی اے سمیت دیگر اعلیٰ حکام نے شرکت کی۔

جماعت اسلامی نے اسلام آباد میں بلدیاتی انتخابات کے التوا کے خلاف احتجاج کا اعلان کیا ہے،جماعت اسلامی کل آبپارہ چوک میں احتجاجی مظاہرہ کرے گی –

امیر جماعت اسلامی اسلام آباد نصراللہ رندھاوا نے کہا کہ جماعت اسلامی حکومت کو کسی بھی صورت فرار کا راستہ نہیں دے گی اورعوام کے حق پرڈاکہ ڈالنے کی ہرکوشش ناکام ہوگی،شکست کے خوف سے حکومت چوتھی باراسلام آباد کی عوام کا حق چھیننے کی کوشش کر رہی ہے، جس کے خلاف جماعت اسلامی بھرپور مزاحمت کرے گی۔

احتجاجی مظاہرے کے ذریعے جماعت اسلامی یہ پیغام دینا چاہتی ہے کہ عوامی حقوق اور جمہوری عمل کا تحفظ ہر صورت یقینی بنایا جائے گا اورکوئی بھی سیاسی یا انتظامی سازش عوام کی رائے پراثرانداز نہیں ہو سکے گی، مظاہرے کا اہتمام شہریوں کی شمولیت اور جمہوری عمل کی مضبوطی کے لئے کیا جا رہا ہے تاکہ اسلام آباد میں انتخابات کا انعقاد بروقت اور شفاف طریقے سے ممکن ہو۔

جماعت اسلامی کا اسلام آباد میں بلدیاتی انتخابات کے التوا کے خلاف احتجاج کا اعلان

چوہدری شجاعت سے گورنر بلوچستان کی اہم ملاقات

سعودی عرب میں پارسل ڈیلیوری سروس کیلئے عائد شرط پر عملدرآمد کا آغاز

وزیراعظم نے وفاقی کابینہ کا اجلاس کل طلب کرلیا۔

وفاقی کابینہ کا اجلاس کل جمعہ کو صبح دس بجے ہوگا، وزیراعظم شہباز شریف وفاقی کابینہ کے اجلاس کی صدارت کریں گےاجلاس میں پنجاب کے طرز پر بلدیاتی نظام کے حوالے سے مشاورت کی جائے گی چیف کمشنر اسلام آباد وفاقی کابینہ کو نئے بلدیاتی نظام پر خصوصی بریفنگ دیں گے۔

پی آئی اے کو منافع بخش ایئرلائن بنانا اولین ترجیح ہے،عارف حبیب

دوسری جانب وزیراعظم شہبازشریف کی زیر صدارت پیٹرولیم ڈویژن کے امور پر اجلاس ہوا،اجلاس کوپیٹرولیم اورگیس سیکٹر کے روڈ میپ کے حوالے سے بریفنگ دی گئی ،بریفنگ میں بتایا گیا کہ ضلع کوہاٹ میں ناشپا بلاک میں تیل وگیس کے بڑے ذخائر دریافت کیے گئے،دریافت ذخائر سے یومیہ4ہزار100بیرل تیل نکالا جاسکے گا۔

شیوا گیس فیلڈ اوربٹانی گیس فیلڈ کیلئے پائپ لائنز کو کمیشن کیا جاچکاہے،کوٹ پالک گیس فیلڈ سے پائپ لائن پر کام جاری ہے۔جون 2026تک 3لاکھ 50ہزارآرایل این جی کنکشنز کاٹارگٹ مکمل کرلیاجائےگا۔

آرٹیفیشل چیٹ بوٹ نے مودی کو احمق اور جاہل قرار دیدیا

اس موقع پر وزیراعظم نے تیل وگیس سپلائی چین کوترجیحی بنیادوں پر ڈیجیٹائزکرنے کی ہدایت کرتے ہوئے کہا کہ سپلائی چین کی ڈیجیٹائزیشن سے سمگلنگ کی روک تھام ہوسکے گی،قومی خزانے کوفائدہ پہنچےگاتیل وگیس کے نئے ذخائر کی دریافت ترجیحات میں شامل ہونی چاہیے۔

گوشوارے جمع نہ کرانیوالے ارکان اسمبلی کو 16 جنوری تک الیکشن کمیشن کی آخری مہلت

وفاقی دارالحکومت اسلام آباد میں ایم ٹیگ کے بغیر گاڑیوں کے داخلے پر پابندی کے معاملے میں وزارت داخلہ نے 15 دن کی توسیع کا فیصلہ کرلیا۔

ضلعی انتظامیہ کے مطابق یہ فیصلہ وفاقی وزیر داخلہ کی ہدایت پر کیا گیا ہے تاکہ شہریوں کو سہولت فراہم کی جا سکے اور ایم ٹیگ سینٹرز پر رش کے مسائل کو کم کیا جا سکے شہریوں کو ہدایت کی گئی ہے کہ وہ اپنی گاڑیوں پر ہر صورت ایم ٹیگ لگوائیں تاکہ ٹریفک کے نظام میں شفافیت اور روانی برقرار رکھی جا سکے۔

اس سے قبل گاڑیوں پر ایم ٹیگ لگانے کی آخری تاریخ آج رات 12 بجے مقرر تھی،انتظامیہ کے مطابق اب تک ایک لاکھ سے زیادہ گاڑیوں پر ایم ٹیگ نصب کیے جا چکے ہیں۔

پی ٹی سی ایل نے ٹیلی نار پاکستان کا انتظام سنبھال لیا

ڈی سی اسلام آباد نے واضح کیا کہ تمام شہریوں کے لیے نئی ڈیڈ لائن 15 جنوری ہے، اور اس تاریخ کے بعد گاڑیوں پر بغیر ایم ٹیگ کے ٹریفک قوانین کی خلاف ورزی کے اقدامات کیے جائیں گے،اس توسیع کا مقصد شہریوں کو زیادہ وقت دینا اور ٹریفک نظام کو مؤثر بنانا ہے تاکہ شہری سہولت اور قانونی تقاضوں کے مطابق اپنی گاڑیاں ایم ٹیگ سے لیس کر سکیں۔

واضح رہے کہ شہر کے تمام انٹری پوائنٹس اور مختلف ناکہ جات پر ای ٹیگ ریڈرز کی تنصیب مکمل ہو چکی ہے، جن کے فعال ہوتے ہی بغیر ای ٹیگ گاڑیوں کے خلاف قانونی کارروائیاں شروع کر دی جائیں گی۔

وزیراعظم اور سعودی ولی عہد کے درمیان ٹیلیفونک رابطہ

وفاقی وزیرداخلہ محسن نقوی نے کہا ہے کہ اسلام آباد میں متعدد منصوبوں کا افتتاح کیا ہے، آج شاہین چوک انڈرپاس کا افتتاح کررہے ہیں۔

وفاقی وزیرداخلہ محسن نقوی کے مطابق شاہین چوک، مری روڈ انڈر پاس، سرینا چوک اور بزنس اسٹیشن سینٹر کا منصوبہ رواں سال کامیابی کے ساتھ مکمل کیا گیا، سی ڈی اے، کنٹریکٹرز اور متعلقہ اداروں نے مشترکہ طور پر منصوبوں کی بروقت تکمیل کو یقینی بنایا۔

محسن نقوی نے بتایا کہ ٹریفک کی روانی بہتر بنانے کے لیے منصوبے فوری طور پر عوام کے لیے کھولنے کا فیصلہ کیا گیا، رواں سال درجنوں ترقیاتی منصوبے مکمل کیے گئے، جن میں معیار اور مضبوطی پر خصوصی توجہ دی گئی جبکہ شہرکی خوبصورتی برقراررکھنا حکومت کی اولین ترجیح رہی۔

انہوں نے کہا کہ خراب سڑکوں اور انفراسٹرکچر کی بحالی کا کام بھی جاری ہے اور ویژن 2027 کے تحت آئندہ دو سال کے منصوبوں کی تفصیلات مرتب کی جا رہی ہیں، آئندہ دو سال میں بڑے ترقیاتی اہداف حاصل کرنے اور منصوبوں کی تعداد میں اضافہ کرنے کا عزم کیا گیا ہے۔

انہوں نے چیئرمین سی ڈی اے اور متعلقہ ٹیم کی کارکردگی کو سراہتے ہوئے کہا کہ متعدد منصوبے تکمیل کے آخری مراحل میں داخل ہو چکے ہیں 2026 میں دوگنا زیادہ منصوبوں کا افتتاح کریں گے، اسلام آباد میں جیل پر بھی تیزی سے کام ہو رہا ہے 15 ارب روپے میں 18 پراجیکٹس مکمل کیے، آج شاہین چوک انڈرپاس کا افتتاح وزیر اعظم شہباز شریف کریں گے، ملک کے ٹاپ 25 ریسٹور ینٹس اسلام آباد آرہے ہیں، اگلے سال اسمارٹ سٹی، نیا کنونشن سینٹر اور ایکسپو سینٹر بنائیں گے۔

انہوں نے مزید کہا کہ اسلام آباد میں کرکٹ گراؤنڈ کے منصوبے پرعملی کام جاری ہے، کرکٹ اسٹیڈیم کےمنصوبےکا باقاعدہ اشتہار جاری کیا جا چکا ہے، اسلام آباد میں پاکستان کےخوبصورت ترین کرکٹ سٹیڈیم کی تعمیرہوگی،ایم ٹیگ منصوبےکے لیے پندرہ دن کی توسیع کی جارہی ہے، ایم ٹیگ کی توسیع کااعلان طلال چودھری خود کریں گے، عوامی نمائندوں کی مشاورت سےتوسیع کافیصلہ کیا گیا۔

محسن نقوی نے کہا کہ تعمیراتی منصوبوں کے دوران درخت بچانے کی بھرپور کوشش کررہے ہیں، ایک درخت کاٹتے ہیں تو سو درخت لگاتے ہیں،دارالحکومت میں جاری انسداد تجاوزات آپریشن کے بارے میں ان کا کہنا تھا کہ کسی کی ملکیتی ایک بھی گھر نہیں گرایا ہے، البتہ سرکار کی زمین پر گھر بنانے کی اجازت نہیں۔

ترجمان مذہبی امورکا کہنا ہے کہ عازمین حج 2026 کی لازمی تربیت کا پہلا مرحلہ یکم جنوری کو اسلام آباد سے شروع ہوگا-

ترجمان کے مطابق تربیتی شیڈول کی اطلاع موبائل ایپ ’پاک حج2026‘اور ایس ایم ایس کے ذریعے کی جا رہی ہے، شیڈول کی معلو مات وزارت ِ مذہبی امور کی ویب سائٹ پر بھی دستیاب ہے ،2جنوری کو ایبٹ آباد، 3 جنوری کو گھوٹکی، ٹھٹھہ، کوٹلی آزاد کشمیر میں تر بیتی پروگرامز منعقد ہوں گے-

اسی طرح 4جنوری کو میرپور آزاد کشمیر، ٹنڈو محمد خان، خیر پور سندھ میں عازمین حج تربیت حاصل کریں گے ،5جنوری کو آزاد کشمیر کے شہر راولا کوٹ، بدین، نوشہرو فیروز میں حج تربیتی کیمپ لگے گا6جنوری کو فتح جنگ ، دادو اور تھرپارکر (مٹھی) کے گرد و نواح کے عازمین حج کو تربیت فراہم کی جائیگی، جبکہ 7جنوری کو عمر کوٹ، لاڑکانہ، ہری پور، 8 جنوری کو میرپور خاص، شہداد کوٹ، مانسہرہ میں حج تربیتی پروگرام ہو گا، ایک روزہ حج تربیتی پروگرامز ملک بھر میں مرحلہ وار تحصیل کی سطح پر فروری تک جاری رہیں گے۔

عازمینِ حج کو کہا گیا ہے کہ اصل شناختی کارڈ اور حج درخواست کی کمپیوٹرائزڈ رسید اپنے ہمراہ رکھیں ،عازمینِ حج اپنے شیڈول کے مطابق ایک روزہ تربیتی پروگرام میں شرکت کریں ۔

پاور ڈویژن نے سال 2025 کی کارکردگی رپورٹ جاری کر دی ہے، جس میں بجلی کے شعبے میں اہم اصلاحات، ریلیف اقدامات اور مالی بہتری سے متعلق تفصیلات سامنے آئی ہیں۔

رپورٹ کے مطابق پاور ڈویژن نے آئی پی پیز سے کامیاب مذاکرات کے نتیجے میں صارفین اور قومی خزانے پر پڑنے والا 3400 ارب روپے کا بوجھ ختم کر دیا،’ان اقدامات کے باعث گھریلو صارفین کے لیے بجلی کی قیمت کم ہو کر 35.8 روپے جبکہ صنعتی صارفین کے لیے 68.16 روپے فی یونٹ ہو چکی ہے۔‘

رپورٹ میں کہا گیا ہے کہ ناکارہ پاور پلانٹس کی بندش سے بجلی صارفین پر 7 ارب روپے کا اضافی بوجھ کم کیا گیا، جبکہ صنعتی اور زرعی صارفین کے لیے 98.22 روپے کا خصوصی پیکج بھی متعارف کرایا گیا،ساڑھے نو ہزار میگاواٹ کے بجلی منصوبے ختم کر کے عوام کو ایک روپے فی یونٹ ریلیف فراہم کیا گیا۔

پاور ڈویژن کے مطابق بغیر قرض لیے گردشی قرضے میں 780 ارب روپے کی کمی لائی گئی، جبکہ بجلی بلوں سے پی ٹی وی فیس کی مد میں 35 روپے کی وصولی بھی ختم کرا دی گئی سال 2025 کے دوران تین ڈسکوز کی نجکاری کا آغاز کیا گیا۔

کارکردگی رپورٹ میں بتایا گیا ہے کہ الیکٹرک وہیکل چارجنگ اسٹیشنز کے ٹیرف میں 44 فیصد کمی کی گئی، جبکہ سیلاب زدہ علاقوں میں بجلی کے بل معاف کرنے اور ادائیگیوں میں رعایت دی گئی، ’اپنا میٹر، اپنی ریڈنگ‘ ایپ کے ذریعے میٹر ریڈنگ کا اختیار عام صارف کو دیا گیا۔

سال 2025 میں 118 ہیلپ لائن کے آغاز سے سفارشی کلچر کے خاتمے اور صارفین کے ساتھ یکساں سلوک کو ممکن بنایا گیا۔ مسابقتی اور شفاف بولی کے عمل کے باعث سمارٹ میٹرز کی قیمتوں میں 40 فیصد کمی آئی، جبکہ سمارٹ میٹرز کے نظام میں بہتری سے صارفین کو سالانہ 100 ارب روپے سے زائد کا فائدہ ہوگا۔

رپورٹ کے مطابق ملک میں 55 فیصد ماحول دوست بجلی کی پیداوار کے باعث پاکستان خطے میں گرین انرجی کے شعبے میں نمایاں مقام رکھتا ہےآئندہ بھی عوام اور صنعتی صارفین کو بین الاقوامی قیمت اور معیار کے مطابق بجلی کی فراہمی جاری رکھی جائے گی، جبکہ 2026 میں بھی بے مثال کارکردگی کا سفر جاری رہے گا۔

وفاقی دارالحکومت اسلام آباد میں آج اور کل فضائی حدود عارضی طور پر بند رہے گی،اس حوالے سے نوٹم بھی جاری کردیا گیا۔

پی اے اے کے مطابق اسلام آباد ایئرپورٹ پر پروازوں کی آمد و روانگی متاثر ہوگی،آج اور کل مخصوص اوقات میں اسلام آباد ایئر پورٹ پر پروازیں معطل رہیں گی،اسلام آباد ایئرپورٹ پر کل صبح10بجکر 55منٹ سے 11بجکر 55منٹ تک پروازیں معطل رہیں گی،اسی طرح کل دوپہر2بجکر 25منٹ سے 3بجکر 25منٹ تک بھی پروازیں معطل رہیں گی۔

ریاستی اداروں کے خلاف مہم چلانے والا ملزم گرفتار

دوسری جانب اسلام آباد کے مکینوں نے بدھ کے روز اُس وقت حیرت اور تجسس کا اظہار کیا جب شہر کی فضاؤں میں پاک فضائیہ کے جدید جنگی طیارے بلند پروازیں کرتے دکھائی دیے۔ دن بھر مختلف علاقوں میں ایف-16 (F-16 )طیاروں کی گرج دار آوازیں سنائی دیتی رہیں، جس کے بعد شہریوں کی بڑی تعداد نے سوشل میڈیا پر ویڈیوز اور تصاویر شیئر کرتے ہوئے قیاس آرائیاں شروع کر دیں۔

ذرائع کا کہنا ہے کہ پاکستان ایئر فورس کے ایف-16 طیارے متحدہ عرب امارات کے صدر کے سرکاری دورۂ پاکستان کے موقع پر ہونے والے فلائی پاسٹ کی ریہرسل کر رہے ہیں۔

روس: ایک اور دھماکے میں دو پولیس افسران سمیت 3 افراد ہلاک

حکام نے واضح کیا ہے کہ ان پروازوں کا مقصد صرف تربیتی اور رسمی نوعیت کا ہے اور اس کا عوامی سلامتی یا سیکیورٹی صورتحال سے کوئی تعلق نہیں۔ ذرائع کے مطابق اعلیٰ سطحی غیر ملکی مہمانوں کی آمد سے قبل اس قسم کی مشقیں معمول کا حصہ ہوتی ہیں تاکہ کسی بھی ممکنہ تکنیکی یا انتظامی خامی سے بچا جا سکے،شہریوں کو ہدایت کی گئی ہے کہ وہ افواہوں پر کان نہ دھریں اور صورتحال کو معمول کے مطابق سمجھیں۔

اسلام آباد: وزیر داخلہ محسن نقوی نے کہا ہے کہ اسلام آباد کے عوام کے لئے جاری منصوبہ ایک بہت بڑا ریلیف ثابت ہوگا۔

وزیر داخلہ محسن نقوی نے بتایا کہ ایک سال پہلے اسلام آباد ایکسپریس وے مکمل ہو چکی تھی اور اب اس کے ساتھ سروس روڈ کے منصوبے پر بھی کام شروع کیا جائے گا، جس سے شہرمیں ٹریفک کے مسائل میں کمی آئے گی، ٹی چوک میں ٹریفک جام کا مسئلہ معمول تھا مگرنئے منصوبوں کے مکمل ہونے کے بعد 2 سال کے اندر شہریوں کوایک نیا اسلام آباد دیکھنے کو ملے گا۔

وزیر داخلہ نے مزید کہا کہ اسلام آباد کی ترقی کے لیے حکومت ویژن 2027 پر عمل پیرا ہے اور اس کے تحت جدید انفراسٹرکچر، ٹریفک مینجمنٹ اور شہری سہولیات کو بہتر بنایا جا رہا ہے،ان منصوبوں سے نہ صرف ٹریفک کے مسائل حل ہوں گے بلکہ شہری زندگی کے معیار میں بھی اضافہ ہوگا اور اسلام آباد کو ایک جدید اور ترقی یافتہ شہر کی شکل دی جائے گی۔

اسلام آباد ٹریفک پولیس نے شہریوں میں ٹریفک قوانین کی پاسداری اور مثبت رویوں کے فروغ کے لئے ’’گڈ سٹیزن کمپین‘‘ کا آغاز کر دیا ہے۔

اے پی پی کے مطابق چیف ٹریفک پولیس آفیسر کیپٹن (ر) حمزہ ہمایوں نے میڈیا سے گفتگو کرتے ہوئے کہا کہ اس مہم کا مقصد قانون کی پابندی کرنے والے ڈرائیورز کی حوصلہ افزائی کرنا ہے اس مہم کے تحت بہترین اور ذمہ دار ڈرائیونگ کرنے والے شہریوں کو موقع پر ہی شاباش دی جائے گی جبکہ ان کی گاڑیوں پر خصوصی سٹیکرز بھی چسپاں کئے جائیں گے تاکہ دیگر شہری بھی قانون کی پابندی کی جانب راغب ہوں۔

ایس ایس پی ٹریفک نے کہا کہ اسلام آباد ٹریفک پولیس صرف قانون نافذ کرنے والا ادارہ نہیں بلکہ شہریوں کی رہنمائی اور خدمت پر یقین رکھتی ہے، اچھے رویے اور ٹریفک قوانین پر عمل کرنے والوں کی حوصلہ افزائی سے سڑکوں پر نظم و ضبط بہتر ہوگا اور حادثات میں کمی آئے گی،کیپٹن (ر) حمزہ ہمایوں نے شہریوں سے اپیل کی کہ وہ ٹریفک قوانین کی پابندی کو اپنی ذمہ داری سمجھیں، لین ڈسپلن پر عمل کریں، ہیلمٹ اور سیٹ بیلٹ کا استعمال یقینی بنائیں اور مہذب ڈرائیونگ کے ذریعے ایک اچھے شہری ہونے کا ثبوت دیں۔

کیپٹن (ر) حمزہ ہمایوں نے کہا کہ وفاقی دارالحکومت اسلام آباد میں روزانہ تقریباً ساڑھے تین سے چار لاکھ گاڑیاں داخل ہوتی ہیں جبکہ ٹریفک پولیس کا عملہ ناکافی ہے، 2005 میں ٹریفک پولیس کی یہی تعداد تھی جبکہ ایک لاکھ 10 ہزار گاڑیاں رجسٹرڈ تھیں، اس وقت ساڑھے 17 لاکھ گاڑیاں رجسٹرڈ ہیں اور دیگر شہروں سے آنے والی گاڑیاں الگ ہیں، اسلام آباد ٹریفک پولیس کا لائسنس ویانا کنونشن کے تحت 35 ممالک میں ڈومیسٹک کے طور پر استعمال ہوتا ہے جس پر لرنر ٹائم کی معافی ہوتی ہے۔

انہوں نے کہا کہ اسلام آباد ٹریفک پولیس میں 2600 اہلکاروں کو بھرتی کرنے کیلئے متعلقہ حکام کو تجاویز دی ہوئی ہیں جس پر آئندہ مالی سال میں عمل ہو جائے گامختلف شاہراہوں پر پہلے سے نصب کیمرے کو فعال کیا گیا ہے جبکہ مزید تین ہزار نئے جدید کیمرے لگائے جا رہے ہیں،ہم احتساب گھر سے شروع کر رہے ہیں، کسی بھی پولیس ملازم اور سرکاری آفیسر کو خلاف ورزی پر رعایت نہیں ملے گی آئندہ ہفتے ہم نیو ایئر نائٹ کیلئے ایڈوائزری جاری کر رہے ہیں، ون ویلنگ، تیزرفتاری اور قانون کی خلاف ورزی کرنے والوں کے ساتھ سختی سے نمٹا جائے گا۔

ایس ایس پی نے کہا کہ ہم صرف پہلے مرحلہ میں ٹریفک قوانین سے آگاہی مہم چلا رہے ہیں، اس کے بعد لین کی خلاف ورزی اور غیر ذمہ دارانہ ڈرائیونگ کرنے والوں کو بھاری جرمانے کئے جائیں گےشہری لین کی پابندی کریں، درست ڈرائیونگ لائسنس ہمراہ رکھیں، سپیڈ لمٹ کی پاسداری کریں اور دورانِ ڈرائیونگ موبائل فون کے استعمال سے گریز کریں، ایسے شہری جن کے نام پر ماضی میں چالان نہیں ہوں گے اور جو ذمہ دار ڈرائیونگ کا مظاہرہ کریں گے، انہیں سراہا جائے گا اور اسلام آباد ٹریفک پولیس کا ایمبیسڈر بنایا جائے گا۔

انہوں نے بتایا کہ اس مہم کے تحت شہریوں کو ایک خوبصورت ڈیجیٹل کیو آر کوڈ سٹیکر دیا جائے گا جو گاڑی یا موٹر سائیکل پر لگایا جائے گا، اس سٹیکر کے ذریعے شہریوں کا ڈیٹا محفوظ ہوگا اور سیف سٹی کیمروں سمیت فیلڈ میں موجود ایجوکیشن ٹیمیں شہریوں کے ڈرائیونگ رویہ کا مشاہدہ کریں گی، بائیکرز کے لئے یہ سٹیکر ہیلمٹ پر لگایا جائے گا تاکہ ہیلمٹ کے استعمال کو یقینی بنایا جا سکے۔

کیپٹن (ر) حمزہ ہمایوں نے کہا کہ گڈ سٹیزن قرار پانے والے شہریوں کو ٹریفک پولیس کے فیسلیٹیشن سینٹرز میں خصوصی سہولیات فراہم کی جائیں گی جن میں مخصوص کاؤنٹرز شامل ہوں گے تاکہ ان کے امور تیز رفتاری سے انجام دیئے جا سکیں،اس کے علاوہ معمولی خلاف ورزیوں پر پہلے مرحلے میں وارننگ دی جائے گی، یہ مہم کسی محدود مدت کے لئے نہیں بلکہ ایک مستقل پالیسی اور سٹیٹمنٹ ہے جس کے ذریعے نئے سال میں ٹریفک پولیس کی ترجیح ایجوکیشن، فیسلیٹیشن اور آؤٹ ریچ کے ساتھ مؤثر انفورسمنٹ ہوگی۔

انہوں نے کہا کہ اگر شہری ٹریفک قوانین پر صرف پانچ فیصد بھی بہتر عملدرآمد کر لیں تو اس سے قیمتی جانیں بچائی جا سکتی ہیں،آخر میں انہوں نے میڈیا ہاؤسز اور شہریوں کا شکریہ ادا کرتے ہوئے اپیل کی کہ وہ اس مہم میں بھرپور تعاون کریں، ٹریفک قوانین کی پابندی کریں اور گڈ سٹیزن بن کر اسلام آباد ٹریفک پولیس کے ساتھ شراکت دار بنیں۔